找產品
不黏膩 推薦好用產品
423 件
Fng好用推薦：NIVEA呢支開架身體乳，標榜美白+保濕，喺香港夏天用，性價比確實唔錯！ 質地與黏膩度：👍👍👍 (合格過關) 佢係輕身嘅乳液質地，非常容易推開，吸收速度算快。完成後皮膚有即時滋潤感，但唔算厚重。喺冷氣房下使用，膚感舒服，冇黐立立。 保濕度：👍👍👍 (中規中矩) 對於混合偏乾肌，佢嘅保濕力夏天用係足夠嘅，能解決日常乾燥，令手腳皮膚摸落滑溜咗。但對於極乾燥部位（如手肘、腳踝），就要補多層。 美白效果：🤔 (要耐心) 用咗一支，感覺皮膚有輕微提亮同均勻膚色，冇之前咁暗啞 🎯可能係我心理作用🔍。但真要見到明顯「美白」效果，相信要持續使用更長時間，唔好期望用一支就白幾個度。 總結： 以開架價錢來講，佢係一支唔錯嘅夏日日常Body乳液。保濕力夠，質地算清爽，兼有少少提亮效果。最緊要係平價大支，點用都唔肉赤！適合追求基本護理、怕黏膩但又需要保濕嘅用家。
<看全文>維他他好用推薦：講下NIVEA支美白乳液先～我用咗三支左右啦，美白效果就唔算好出眾囉，不過咁嘅價錢（大概五十零蚊）都算抵用嘅！質地的確幾輕薄，搽完吸收得快，唔會黐立立，當日常保濕乳液用都OK嘅。保濕度普普通通，正正常常咁啦。希望繼續用落去會睇到透亮效果啦，畢竟佢話有80倍維C同8種果萃精華～平平哋keep住用都抵！
<看全文>
Karman28好用推薦：呢支係我買大送細一set咁買。用落又幾好用，因為最近皮膚有d 敏感既關係，我係夏天都有用body lotion。呢支質地係清爽，唔會痴笠笠，好岩香港用。同埋唔知係著長褲多，定係用定呢支lotion多，隻腳真係有白d。
<看全文>維他他好用推薦：Nivea 美白身體乳液，有50倍嘅維他命C，有效抗氧化，仲有負責保濕同修復效果嘅維他命E ，呢支乳液功能可以深入肌膚底層打擊黑色素，美白肌膚。 白色嘅身體乳液，好容易推開，唔會黐立立，吸收嘅速度亦都好快，用完之後好快覺得清爽同舒適，至於美白方面，我個人覺得要用好耐，長時間使用先會見到效果，確實可以令膚色更加均勻。 呢支美白身體乳液有少少香味，似係維他命C嘅味道，都唔錯，未至於好好聞，但係一定唔係難聞，整體嚟講都OK 
<看全文>
Emily Leung好用推薦：凡士林蘆薈潤膚露測評 話時話，一支幾十蚊嘅潤膚露，到底有冇可能又清爽又保濕？今次就同你開箱呢支凡士林蘆薈潤膚露，睇下佢係咪真係咁打得？ 質地：乳液狀，推開化水，吸收快唔黏膩，夏天用超舒服！ 香味：清新蘆薈味，似青瓜加少少花香，唔濃唔俗氣，聞落乾淨清爽。 滋潤效果： · 保濕力中等，皮膚即時變軟滑 · 乾燥手腳用咗會明顯柔潤，但極乾燥部位可能要補多層 · 持久度一般，冷氣房大概頂到4-5個鐘 總結：$50樓下大支裝，清爽度同香味夠晒加分，適合日常簡單保濕，追求輕盈感嘅人必試！
<看全文>Shirlin Ho好用推薦：Vaseline蘆薈舒緩潤膚露非常適合香港夏天又熱又潮濕嘅天氣用,佢質地非常清爽,揸咗都唔會有黏笠感,而且有可以穩定肌膚,用後唔會有乾燥感,因為熱天經常都係冷氣房,所以夏天定會買一支係屋企每晚都用佢。
<看全文>
Paris merci 好用推薦：NIVEA 舒敏修護雙管精萃凝乳用軟管裝，透明 包裝，感覺比其他支裝body lotion高質，而且價錢都貴少少，一支賣$13x。手上呢款係舒敏修護雙管精萃凝乳，舒敏修護款有專利成份Symsitive，主要舒緩乾燥、敏感、泛紅同埋癢嘅問題。 軟精水凝乳有兩層成份，外面透明係修護精華液，入邊白色係舒敏精華液，一按就兩種成份就會一齊出嚟。包裝背面有個手指模位，好清楚話你知邊個位咁精華出嚟係最適合。但如果用到未知出嚟就會唔平均，好似我第三張圖一樣。 精華質地清爽，吸收快，無任何黏立感。夏天用完非常舒適。用完之後，感覺皮膚充滿水分，仲有光澤，就算皮膚有啲敏感，都唔使擔心，可以安心用。用佢俾用膠罐裝各種蘆薈啫喱更有舒緩作用💕
<看全文>Kelvin好用推薦：內外管設計好得意，透明加白色啫喱。即使係啫喱狀凝乳，呢支係敏感肌都適用👶🏻 好易吸收，全身都好舒服，一啲都唔黏笠。沖完涼茶身開冷氣有冰涼感💨香香地幾好聞👻夏天好怕搽一啲黏立咁重嘅lotion ，呢支保濕得來又清爽，仲要搽上身之後皮膚快速吸收，正👍🏻 睇起來水潤、有光澤，皮膚水潤自帶透明感😍 不過就得200 mL ，加上啫喱質地容量較多，比其他潤膚乳份量就少咗啲😬
<看全文>
Kelvin好用推薦：Nivea PHA 煥膚柔嫩奇肌雙管精萃凝乳係市面上比較少見嘅身體凝乳，佢嘅雙管設計都幾少見，內管嘅美容液包含三重修護精華。 擠出嚟嘅質地好特別，分別係透明同純白色。其實使用感覺都唔錯，似啫喱乳gel之類，水份好高濕濕滑滑，超級水潤嘅，夏天用都幾舒服，唔會太油膩。不過味道方面就有啲超級香，如果你好鍾意帶住香味瞓覺嘅就鍾意。 搽完之後皮膚真係柔軟咗，因為注入咗重度水分，帶有保濕感，同埋依一款有煥膚功能，所以先會變得柔軟，對改善粗糙嘅情況都有幫助。
<看全文>sally好用推薦：搵左兩間屈記先買到💦 第一次用果酸body lotion，意外地清爽，夏天用一流，勁快吸收又👍唔會黐立立
<看全文>
Niki Yau好用推薦：試用這款眼唇精華十多天，整體體驗很不錯。首先包裝是簡約的白色瓶身，搭配滴管設計，取量方便又衛生，每次一滴就能照顧到眼周和唇部，15ml的容量感覺很耐用。 質地是清爽的蛋清狀，流動性不錯，接觸肌膚後輕輕按摩幾秒就吸收了，完全不黏膩，後續疊加護膚品或化妝也不會搓泥，這點超加分！ 使用當天就能感受到即時保濕效果，眼周原本乾燥的肌膚變得柔軟，唇部也沒那麼容易起皮了。堅持用了十天左右，最明顯的是眼紋，眼角的幹紋變淺了很多，笑起來沒那麼顯老；黑眼圈也有改善，之前熬夜的青黑色淡了些，眼周看起來更提亮緊致。唇紋雖然沒完全消失，但唇部狀態穩定了不少，塗口紅時不會卡紋。 全程沒有出現過敏反應，敏感肌應該也能放心用。總體來說，作為日常保養的眼唇精華，它在保濕、淡化細紋和改善暗沉方面都有實際效果，性價比不錯～
<看全文>green好用推薦：感謝@cosme Hong Kong 邀請試用JONZAC 緊緻祛暗眼唇精華。 氣味：無香料 顏色：乳白色 延伸性：推開、透明，易吸收 感覺：無刺激性，沒有酒精感覺 搽於眼圈下，慢慢推開容易吸收 再使用其他護膚品並無刺激 產品說明可同步撫平眼紋和唇紋，雖然不刺激使用後沒太大感覺 本人有輕微黑眼圈，持續使用七天後，黑眼圈沒太大變化，但眼周肌膚水潤度有輕微增加，細紋有改善。 總括來說，產品經過測試可放心使用，並無敏感不適，有改善眼周肌膚滋潤度改善細紋，但對完全改善黑眼圈暫未有明顯變化，可能要繼續使用一個月再觀察。
<看全文>
Fng好用推薦：Dettol ProFresh 綠茶茉莉花香沐浴露 ✨ 質地與清潔感 呢支沐浴露係透明青綠色凝露，加水一搓就起出綿密泡泡，沖水時有種咕嚕咕嚕嘅乾淨感！最驚喜係沖完唔會周身黐立立，皮膚摸落滑溜又唔乾燥，適合香港夏天日日使用～ 🌟 香味與留香度 綠茶茉莉花香出乎意料咁清新！沖涼個陣成個浴室都係療癒花香，完全冇消毒藥水味～不過留香較短暫，抹乾身後已經得返淡淡餘香，想要持久香味要配合同系列身體乳～ 💔 美中不足 · 保濕力普通：乾燥天氣可能要跟手搽乳液 · 香味唔持久：追求長效留香可能失望 · 包裝設計：樽身較滑手，濕水後難拎穩 🆚 同類產品比較 · VS 滴露經典原味：原味藥水味較重；ProFresh花香易接受 · VS Lux玫瑰沐浴露：Lux更滋潤但清爽度輸蝕 性價比：★★★★★（5/5，幾十蚊有抗菌+花香真係冇得輸！） 適合：怕悶熱嘅香港人、注重衛生嘅學生黨、追求平價好用嘅精明的你～ #滴露沐浴露 #綠茶茉莉 #平價BodyWash
<看全文>A&R好用推薦：Dettol Profresh清爽保濕沐浴露（綠茶煮茉莉花香）用落真係好舒服。洗完身覺得好乾淨但完全唔繃緊，皮膚仲有水潤感。綠茶加茉莉花嘅香味清新淡雅，唔會太濃烈，反而有種放鬆同療癒感，好似喺花園入面沖涼咁。
<看全文>
楊壯碩好用推薦：L'Occitane杏仁沐浴油review： 這是一款適合秋冬乾燥氣候的沐浴產品，它的質地是流動性較高的金黃色油狀液體，散發著植物濃郁迷人的清新香氣，加水揉搓後可產生豐富的泡沫，並乳化成白色，洗淨後皮膚上不會有殘留的油膜感，而是感到皮膚光滑、水潤、清爽。我用它沐浴後皮膚不會感到乾燥緊繃，甚至不擦身體保濕乳也可以。我最喜歡的是它的特色香氣，令整個沐浴體驗大大加分，使沐浴這項基礎日常護理的過程變得令人享受。此外，我認為它最大的優點之一是可以以油溶油卸除身體防曬，一次性洗淨身體，即使全身大範圍使用防曬霜也不用擔心防曬霜洗不乾淨的問題，值得稱讚。 結論：好用，會購入正裝，於乾燥季節及需要卸除身體防曬的時候使用。
<看全文>Kmggigi好用推薦：身體皮膚狀況: 不論春夏秋冬都係偏乾，需要長期搽body cream。手臂有毛囊角化症問題，背脊同大髀都有少少粒粒 產品使用心得: 當初因為有毛囊角化症要搽酸導致皮膚有時候太乾，所以要轉用一隻比較滋潤嘅沐浴油 L’Occitane依支杏仁沐浴油以植物油為基礎，質地偏油狀 用嘅時候要加水乳化再起泡，搽上身會覺得好保濕滋潤，沖完涼會覺得洗得乾淨，但皮膚都唔會有繃緊嘅感覺🥳 雖然價錢比較貴，但可以買補充裝refill 會一直回購！
<看全文>
Winnie Soo好用推薦：感謝@cosme 的邀試用 Nivea 羽感防曬水凝乳 我個人喜歡嘅防曬係搽完唔黐立立、同冇香味 (所以多數揀敏感肌) 今次的Nivea 羽感防曬水凝乳有啲驚喜 主打嘅極水潤、超清爽 真係做到佢講嘅肌膚瞬間吸收 冇泛白 同另一個牌子藍色水感個個差唔多 我係臨出門口前搽防曬 喺lift摸塊臉已經有成膜嘅feel! 唔會黐立立超正！用完一日都唔會覺得乾燥 下圖睇質地： 因為試過用Nivea嘅Q10防曬 雖然淡紋真係有效但因為香味太重 用太近眼會少少薰眼 所以會避開近眼同鼻位搽 今次的Nivea 羽感防曬水凝乳就寫不含14種致敏感成份 Nivea成日有嘅香味都大大減少 (不過我對眼超敏感 仲有少少薰眼 但比起Q10舒服好多) (Btw Nivea個防曬棒完全冇味Very good!)
<看全文>weiweiwei好用推薦：適合香港潮濕悶熱天氣的防曬產品實在太難找了，不是厚重不透氣，就是油到能反光，直到遇到了NIVEA【羽感防曬水凝乳】，才知道防曬還能這麼舒服還能滿足高防曬保護的需求！ NIVEA【羽感防曬水凝乳】英文名字是Protect & Light Feel Serum(精華），真的「人如其名」，就像塗了水感精華一樣，它的流動性很好，很快就吸收，上面的感覺輕盈得像空氣，非常透氣無負擔感，膚感很水非常的輕薄舒服，在臉上幾乎是「無感」，非常非常透薄，沒有一般防曬霜的厚重和黏膩感覺，做到了很輕盈，但是不拔乾，無論在大熱淋漓潮濕的戶外，或者乾燥的冷氣房內工作，都非常適合我混合性偏油的皮膚。 它沒有一般防曬霜的酒精味或者化學味，這款NIVEA【羽感防曬水凝乳】有淡淡的微香味但不會太濃，就像高級水乳霜的清新味道。 塗在眼旁也沒有辣眼睛，加上這款防曬顏色透明沒有泛白不會假面，後續配搭粉底液或化妝也不打架，不會有擦膠碎，很適合作妝前使用。 用了一星期也沒有堵塞毛孔、沒有長暗粒和暗瘡，原來這款防曬不含14種致敏成份，即使敏感皮膚也適用，面部或全身用都完全不會過敏。 它 同時卻有SPF50，PA++++的全方位防曬
<看全文>
Emily Leung好用推薦：花王蒸氣眼罩 - 玫瑰香味 真實測評 返工對足成日電腦對到對眼乾過沙漠？試過無數眼藥水同按摩儀都冇用？今次同你實測呢款日本爆紅嘅✨花王蒸氣眼罩（玫瑰味）！話就話係『眼罩』，其實係塊會自動發熱嘅『眼部溫泉』～即刻話你知佢係真·舒緩定係純粹呃Like？ 發熱效果 · 一拆開袋就自動發熱，好方便唔使等。 · 溫度大概維持喺40度左右，暖暖哋好似敷緊熱毛巾，唔會燙親眼皮。 · 發熱時間大概得15分鐘左右，對於想快啲放鬆嘅人夠用，但瞓過夜就短咗啲。 香味表現 · 玫瑰味聞落似天然花香，唔會俗氣似化學味。 · 香味幾濃下，一開始會覺得好療癒，但對氣味敏感嘅人可能會覺得太勁。 · 個香味可以持續到成個過程完結，成個枕頭都會沾到少少味。 佩戴感受 · 耳掛設計算舒服，唔會勒耳朵，但面細嘅人可能覺得唔太貼面。 · 材質係無紡布，柔軟唔刮皮膚，但如果側身瞓會容易移位。 舒緩效果 · 對於用眼過度、乾眼疲勞嘅放鬆效果最明顯，敷完即刻覺得雙眼冇咁攰。 · 可以幫助入睡，尤其係失眠嗰陣，個暖感令人好放鬆。 · 對黑眼圈同眼紋就冇咩實際功效，主要都係舒緩疲勞。 優點缺點總結 ✅ 優點：即開即用好
<看全文>Kitty 好用推薦：打工仔成日對住Mon，對眼成日又乾又攰，家中一定要常備花王呢款蒸氣眼罩！ ✨使用感受： 呢款無香，適合對氣味敏感嘅人（我個人更鍾意有香款，香氣好治癒，有好多唔同香味可以揀！），掛上耳仔嗰陣感覺好柔軟舒服。大概等10秒左右就开始感覺到微微溫熱，係嗰種唔會燻親眼嘅溫柔蒸氣，好似做緊SPA咁！熱力大概可以維持20分鐘，啱啱好夠我小憩一陣。 🌿效果評價： 用完之後對眼即刻冇咁繃緊，乾澀感減輕好多！尤其係臨瞓前用，連帶瞓覺都香甜啲～第二朝起身對眼都精神啲，冇之前咁浮腫。最正係搭長途機或者午休時候用，真係瞬間回血！ 💡小貼士： - 建議瞓低使用效果更佳 - 戴隱形眼鏡要先除低 - 每個禮拜用2-3次已經好足夠 雖然眼罩係一次性，但價錢夠平，成日有促銷，為咗對眼值得投資！而家已經成為我辦公室抽屜必備神器～ 如果你都係用眼過度嘅打工族，真係要試下！
<看全文>
brentbb好用推薦：首先多謝 @cosme 給予試用機會 今次試用既係兩款唔同香味既潔手液，由本地品牌Yhkcare 研發 先睇配方 Aqua, Glycerine¹, Disodium Cocoyl Glutamate¹, Sapindus Mukurossi Extract¹, Coco-Glucoside¹, Acacia Senegal Gum¹, Xanthan Gum¹, Maltodextrin¹, Propanediol, Citrus Medica Limonum (Lemon) Fruit oil¹, 1,2-Hexanediol, Squalane¹, Citric acid, Caprylhydroxamic Acid, Capryloyl Glycine, Sodium Surfactin, Sodium Benzoate, Potassium Sorbate ¹Naturally-Derived Ingredients 見到成份表第二位添加咗植物甘油(glycerine)，加上植物角鯊烷(squalane), 兩種成份都有效減低手部皮膚乾燥不適。潔手液通過美國農業部USD
<看全文>橘子貓好用推薦：多謝@Cosme 和 YHKcare讓我有機會試用香港本地品牌的產品，溫和滋潤潔手液令我好驚喜，一用就知道「有料到」！ 簡單來說，這款潔手液滿足了我對潔手液兩個基本的要求：1️⃣ 潔淨不傷手，2️⃣ 味道好聞。 先試用佛手柑款，味道超Fresh，好似一個個新鮮佛手柑榨出來，尾韻有點葉味，好清新。如果有接觸過精油芳療的，就會知道這個味道完全是佛手柑精油調製出的，不是人工香精味。 水仙花款的，聞着不是濃烈的花香型，而是偏清香的白花調，帶一絲絲甜美，香氣更有層次。 兩款味道潔手液的香氣會在洗手時隱隱約約聞到，洗後將雙手靠近鼻子才可聞到留香，持香約半小時便散去，以純天然精油配方，不添加人工香料而言，留香效果不俗！ 清潔力方面，效果很好，潔手液是低泡型的，沾濕雙手後搓手已經很容易搓出足量的泡泡，可以清洗化妝後手背化妝品殘留、清走日常煮食後雙手的油膩感、去除清貓砂後手上的氣味等等，全部都輕易清洗到位。 同時，每天洗手少則5、6次，多則超過10次的情況下，雙手都沒有變得乾燥。每次洗手後也沒有補塗護手霜的需要。有日，我妹妹試用後，立馬問我—— 妹：這款洗手液是有加護膚成份嗎？ 我：是啊，你會覺得洗不
<看全文>
Emily Leung好用推薦：L'OCCITANE乳木果身體乳實測  一到秋冬，對手腳就乾到『嚓嚓』聲？衝完涼仲要同支黏立立嘅身體乳搏鬥？等我話你知，L'OCCITANE乳木果身體乳點解值得你豪一次！由佢陣陣奶香到融化嘅質地，同你實測係咪真係咁神！」 質地：Cream狀，推開軟滑似融化牛油，吸收後皮膚表面留有薄薄保護膜。 香味：天然奶香混合淡淡杏仁味，溫柔舒服，唔會濃到瞓唔著。 滋潤效果： · 即時滋潤度超高，爆擦皮膚用一次就明顯軟化 · 持久力堅挺，冷氣房過夜第二朝依然保持潤感 · 用完皮膚有微微光澤感，唔會油膩反光 總結：雖然價錢偏貴，但滋潤力同香味確實高級，秋冬或者極乾肌必備！
<看全文>zetalhc好用推薦：質地偏油但很容易推開，即時可以為皮膚保濕同滋潤，減低皮膚痕癢同泛紅，香味都清新
<看全文>
monday0216好用推薦：本身眼周有荷爾蒙斑，早幾年已開始做Picoway，依2年間中做。對淡斑產品感興趣係因為今年皮膚浮現不均色素，而且我一直搵緊適合自己皮膚既防曬，咁岩報名抽中@cosme產用，感謝！ 試用期：5月18日-23日（敏感紅腫灼熱要中斷） 用前皮膚狀態：用前皮膚穩定，唔乾 質地：淡奶黃色，lotion狀，無流動性，易推開 成分：無香料！ 效果：第一日搽淡斑精華加防曬後感覺唔笠，睇上去油份適中，因為全日幾乎在室內，面頰到晚上少紅。第二日照鏡覺得搽防曬後面有少少淡黃，返到公司出哂汗一印面都印有淡黃色。半日在戶外，半日在室內要戴口罩，面頰到夜晚紅左同少少痛，但面部膚色睇落均勻左，色斑就暫時未見淡（或者色斑太底層）。 第三日面頰早上開始有d腫痛，忍唔到半個鐘惟有洗面，之後一日半唔敢用，依一日半無搽任何野，塊面依然灼熱、痕、少痛，但面上又唔太紅，只係我一日洗左4次面去舒緩灼熱既感覺，第二日本身約左Picoway都因敏感做唔到，只做了清潔同保濕，以為幫助皮膚，但到依刻唔知邊個環節出事，或者我每一步都出事。 第五日因懷疑自己皮膚唔適合同牌子有香料既淡斑精華，所以只用防曬，塗哂成面後有種微乎其微的刺感（似有
<看全文>Sandy9462好用推薦：今次試用了La Roche-Posay的UVMUNE 400全效廣譜輕盈隔離乳液，首先它的包裝已經令人印象深刻，扁身的瓶樽設計，令攜帶更為方便。而今次這款隔離乳加入了2大新的專利成分，亦升級為抗斑配方的防曬乳！它的質地是猶如水一樣的流動性，只需一顆珍珠大小的份量已經足夠整臉及頸部使用，而使用的感覺亦非常透薄，完全零負擔，對於像我一樣害怕質地黏笠的人非常友好，而後續上妝亦不會有擦膠碎的出現。當我觀察了7天的使用情況，發現膚色沒有變黑，而配合Mela B3透光淡斑精華使用，更令色斑有變淡的趨勢，所以我一定會繼續同步使用，一起對抗紫外線！
<看全文>