香味持久 推薦好用產品

Karman28好用推薦：買套裝入面有支10ml 既pure musc，呢隻味係我心入面係narciso rodriguez排第一第二名，很溫柔乾淨的味道。最近用都係噴係衫上，感覺都last 到一整日。

Hchan好用推薦：自從入手它的小香試香後就愛上這家了，它這款白色主打是招牌的純白麝香味，可混它家的其他系列或其他品牌的香水使用打造個人香，所以它的味道會較單一，但很舒服柔和，不算太女性化，推薦鐘愛白麝香香水的人士。

DorDor好用推薦：Burberry 香水香味非常持久，味道感覺優雅，是會回購的香水。

Angie好用推薦：包裝高貴大方，香味持久度高，基上都last到全日，又唔會太濃，值得入手

Tracy好用推薦：包裝好甜美、夢幻、可愛，香味自然帶啲甜味，男仔一般嚟講都會中意嘅味道。cologne嘅關係，持久度唔高，好快會冇味。

格仔餅公主好用推薦：獨角獸🦄️呀！全部都係獨角獸！充滿童心又少女心爆燈。隻味非常平易近人，係繽紛既果味入邊有少少花香平衡，成個出黎既感覺無咁悶。細細支好抵玩唔貴又方便帶係身，不過佢持香度好低好快散，要陣味keep到一定要一直補(好啦，對應佢細支可以方便帶係身😂）

Sarah好用推薦：這款並非Blooming Bouquet ，而是Miss Dior EDT，很多人都會搞錯。EDT的顏色是淡橙色，而非粉紅色。Miss Dior EDT主打橙花香和廣藿香，粉感比較濃，是一枝日常香，適合春夏季節使用。

Kpl6be6好用推薦：甜蜜經典香氣應該好難令人討厭吧(笑)～單單望住樽身已經好有少女感～噴灑後令人自覺甜美度加倍～而且氣味感覺算持久～

Anna好用推薦：我是一個比較有個性嘅女孩子，就係人哋稱之為男人婆嘅人，留著一把短頭髮，打扮中性，性格豪邁、做人率直、有果句講嗰果句，連我自己都唔覺得自己係一個女孩子，但係自從朋友送咗我一瓶 Chanel 香奈兒 N°5 Eau De Parfum Spray 後，用咗之後，本來唔識我嘅人覺得我係一個真正嘅女孩子，感覺好奇怪、好有趣，原來要做女孩子並唔難，只需要一瓶香奈兒香水。

Noel好用推薦：這枝 N°5 是香水界的經典，沒有花香，多了女人剛柔並濟的味道，既有霸氣也有溫婉的感覺。如果喜歡爽身粉味，番皂香氣，你們愛上 Chanel N°5 香水。雖然 Chanel 香水價位高，但是基本上不用補噴或多噴，感覺沒有去到很貴，犒賞一下自己，還是 acceptable ❤ 因為數字 5 是香奈兒女士的幸運數字，而她本人也誕生於黃道星座第五宮，所以別具意義❗這枝香水是調香師精心製造的第五號 sample，最終被香奈兒女士選用，並命名 N°5 🙌 注意，這枝係 refill，本身沒有噴頭，要配合 Chanel 的 7 ml twist spray 使用，不能單獨啊！

Kitty 好用推薦：呢款係花香調。 前調：柑橘 胡椒 香檸檬 中調：茉莉 木蘭 玫瑰 後調：安息香脂 檀香木 廣藿香 💁🏻‍♀一句話總結 - 淡雅美人，恬靜溫柔 💁🏻‍♀推薦指數 - 🌕🌕🌕🌕 呢款香嘅瓶真係正中我心水，個味道都係。一噴上手嗰陣，即刻覺得自己去咗個超靚嘅夢幻花園，超濃烈嘅茉莉花讓我呢個茉莉控即刻被迷倒。但係佢唔係一直都好甜，後面嘅綠意同溫柔嘅木質皂感，減輕咗甜味帶來嘅膩感。成支香感覺偏向小女生啲，有啲小家碧玉嘅感覺。價錢方面，週年慶時候買贈品較多，比較划算，我幾鍾意呢款，推薦！

Camilalkw好用推薦：夏日首選香水 勁鍾意呢支 聞落去隻味優雅得來又高貴 花香帶點甜 同一個系列其他味我都好鍾意💓 唔會好濃刺鼻

lonia好用推薦：買香水除咗係因為鐘意佢嘅香氣之外，香水樽本身，甚至佢嘅外盒包裝，都係值得欣賞/收藏嘅一部份。尤其係迷你裝嘅香水辦，有一種細緻美。呢支GUCCI迷你香水，樽身有手繪風繁花圖案，有一種好classic嘅感覺。用完支香水之後，我將個香水樽放咗入飾櫃其中一個裝飾入面，一啲遺和感都冇，可以繼續好好收藏～:)至於香氣方面，係偏甜美花香風格嘅香水，亦係有層次感、有厚度嘅一隻香水。香水以木蘭花香為主調，隱約覺得仲帶住類似雲呢拿嘅甜味，一般日常外出都好適合嘅一種香氣。由於唔係噴灑設計，每次用就將香水直接倒少少落手腕位置，再搽落耳背，自己聞到鐘意嘅香水味，個人都開心啲～:)

Yeeting 好用推薦：試咗Gucci Beauty最新推出嘅玉蘭花味嘅Flora Gorgeous Magnolia香水後，讓我立即愛上。 那股氣味好像令我置身在悠悠嘅夏天， 一個好大嘅花園裏面，盛放着好多花草樹木🌳下，像彷如置身喺一個奇幻嘅世界入面。 喜歡那優雅嘅紫色香氛瓶， 展現出迷人高雅嘅感覺，而且包裝是盛放嘅花朵🌼配以明亮色彩的Flora圖案， 好像在訊息給我們要「Believe in yourself !」 🩵💙💜香水嘅味道❤️💛💚 前調：莓果、甜橙香精、椰子 中調：木蘭、沙巴茉莉、鈴蘭、依蘭 後調：廣藿香、麝香、金木​ 前調嘅感覺，像是表達對花花世界充滿了好奇和嚮往，而中調玉蘭花香與莓果互相融合，散發出那率性自然的香味，從世界裏找到了屬於自己的生存方式。 尾調廣藿香，為香氛增添木質嘅香味。 加添了一份質感，像訊息我們對世界的探索，永不停歇。 Flora Gorgeous Magnolia香氛: 有30ml、50ml和100ml，三個size選擇

Fng好用推薦：Anna Sui Fantasia Mermaid Eau de Toilette 築夢美人魚淡香水， 海洋果味花香調，持久度一般，三四個鐘要補香水。 前 調 ▸ 血橙、柑橘、小豆蔻 中 調 ▸ 茉莉、牡丹、荔枝 基 調 ▸ 金色木香、香草、蜂蜜

mavis好用推薦：純粹因為個包裝而買嘅香水，味道聞落舒服，都last到大半日，喜歡！

ありさん好用推薦：我發覺自己每次去cosme都可以找到一些懶人用的物品，真的非常適合我，哈哈哈哈哈哈。這款淡香水我實在太愛了，聞起來的氣味好舒服，每次洗澡後，睡覺前都會塗一塗，是真的好好聞！

choichoi好用推薦：少女風加簡約包裝，日系溫柔甜美香，小小支隨身攜帶很方便，加減用屬不錯

Kura好用推薦：呢個味嘅香水係我好鍾意嘅甜味，但唔係好濃烈好俗氣嘅甜味，係好甜美嘅橙味，噴上身係好自然清新脫俗嘅味，同埋呢款香水噴完可以keep到幾個鐘都係好香，同埋味道我可以形容為係陽光甜橘淡香精以耀眼的甜橘配襯明亮的羅勒，噴完過一兩個鐘會變成遇上溫暖的檀香木與可口的香草酒香，芳香四溢，好適合日常或者約會嘅時候噴，真係超好聞，雖然價錢係偏貴小小，但好適合大家用黎提升自己高貴嘅氣質氣場，非常推薦入手，產地係法國 @cosme #cosme #日常香水 #甜味

Ressie14好用推薦：我喺Selfridges海外購入， 當時做特價$400都唔使就有30ml , 好抵買。 YSL LIBRE INTENSE呢款係我鍾意到入迷嘅氣味，好型格迷人，我一噴起呢隻香水，我全日都會覺得自己強勢啲🖤 就好似佢宣傳海報嘅女強人一樣，所以我覺得好啱返工使用。 由於佢真係留香度極高，我噴一下喺上身衫已經夠一日既香。 專櫃品牌嘅香水真係唔同啲，係有信心保證嘅🤍 

Minnie Tse好用推薦：作為一個唔特別喜歡香水的人 我都覺得YSL Libre好香 感覺不太甜而且好elegant 前調: 薰衣草，柑橘，苦橙花 中調: 橙花，茉莉 基調: 白麝香，零陵香豆，雲呢拿精華 順便炫耀一下YSL 香水盒 😎 真係好靚 唔捨得用

Tobimak好用推薦：最近係narciso rodriguez 嘅pop up store入手左呢支for her 淡香精。第一次噴已經覺得佢好有質感，香味唔係嗰啲一出場就霸氣全場嗰種，反而係柔和得嚟有層次，慢慢滲出嚟咁。 最驚喜係佢嘅持久度，朝早出門噴一次，到下午都仲聞到淡淡香氣，唔使補噴。香味唔濃，但有存在感，唔會令人頭暈，反而有種「自己聞得舒服，但身邊人都唔會抗拒」嘅感覺。 用咗差唔多一個月，我會推介畀鍾意低調優雅香氣嘅Beaty lovers，尤其係返工或者日常出街用，真係幾啱。 btw 係專櫃買set裝仲送左好多其他香水sample😍感覺更加抵用~

Sccan好用推薦：買過for her MUSC NOIR之後，都對依個系列其他款有興趣， 買左支細細支10ml隨身攜帶，方便有需要時補。 依款香味濃潤好多，有少少木香，溫柔得黎又沉實神秘。前調為比較女人嘅花果香同香草味， 主調依然強硬嘅麝香，後調比較中性嘅木味。 因為依款香味濃好多，早上只要噴1-2下，到下午3點依然留香，可以持續到放工6點，超持久！但比較岩冬天用， 夏天用感覺好膩。

格仔餅公主好用推薦：出哂名既斬男香，間唔中就一定會係ig或者啲日本雜誌見到佢又係咩咩斬男榜頭幾位，但係個價錢真係好抵玩，狂噴唔心痛但你噴2、3下其實佢已經好持久所以性價比真心高 一開始係少少既清冷感，好快變成溫潤舒服既花香，夾雜少少茶香味 想散發出溫柔、女子力、包容感買佢就一定無錯，佢係支出錯度極低既香水，佢個踏實程度相信你連見家長既時候都岩用！

Rin好用推薦：很出名的香水，亦是比較平民價的 個人認為比較適合剛成年的少女 因為味道比較甜美 但不知道是否購買平台的問題這瓶香水的味道沒有我想像中那麼好聞

Giselle 好用推薦：Chloe 仙境花園系列～木蘭詩語 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 之前去旅行嗰陣係免稅店俾店員推薦而入手咗🙈聽店員講呢款香水係呢個系列入面嘅No.2😯雖然呢款香水標榜佢只係用木蘭花嚟調香但一開始會聞到少少酸酸地應該係檸檬柑橘類嘅香味🙊但呢股柑橘味唔會太搶木蘭花嘅flow，反而係令到木蘭花香味更加fresh💕Around半個鐘後柑橘香味散咗就淨返木蘭花香🙈雖然聞耐咗會覺得有少少單調因為陣木蘭花香除咗變淡之外就唔會有任何變化😂但我覺得陣木蘭花香俾人一種好平和嘅感覺，就好似抱住一紮木蘭花係草地上瞓晏覺🙊🙊

KDing好用推薦：應該係chloe最清新既味道 佢唔係小女人既感覺 而係有清爽少年感

Desse好用推薦：從來都覺得香水好個人化… 我鐘意嘅.. 你未必鍾意.. 我鐘意嘅原因.. 同你又未必一樣… 又可能喱期我鐘意.. 過一陣又厭左..😵‍💫 所以好鐘意買香水版/sample or traveller size 慎防我見異思遷🙈 Chloe Nomade Nuit d’Égypte 這款香水基調嘅雲呢拿味非常濃烈.. 老實講.. 我只聞得出雲尼拿.. 肉桂.. 同好淡好淡嘅橙花味道🤫 個人黎講..喱款唔啱我🙂‍↕️ 一聞我就覺得太濃烈.. 太甜.. 我比較鐘意清淡點.. 木系一點嘅香氣..

Milo101好用推薦：Nomade nuit d'Egypt剛噴起會有飽滿的雲尼味香氣包圍，慢慢會透出花香和麝香。而當中的橙花是來自埃及的。 前調：沒藥、肉桂、生姜 中調：橙花、麝香、琥珀、金雀花 後調：香草、紅沒藥、莎草

A&R好用推薦：Gucci Bloom香水，唔知有冇放錯位置評價😁 呢款香水主要係花香，之後又帶啲檀木香。原本我就麻麻哋只有花香嘅香水，但Gucci呢支香水好似橙花味重啲。所以我又好鐘意🥰 香味都幾濃烈，噴兩下可能會令企得近身邊的人打乞嗤🤣所以我都只係噴一下。 香味都非常持久，維持一整日沒有問題， 香味屬於甜美女性，性感類型。 總括嚟講都很不錯，Gucci佳作。👍🏻

Kura好用推薦：係我最鍾意嘅香水之一，味道係超級好聞，整體味道好適合用黎提醒女人味嘅一種味道，味道係偏濃烈小小，但係我好鍾意，首先噴出黎茉莉花嘅味道好出色，同埋香味好持久，價錢偏貴小小，不過噴完味道都可以keep到3個鐘以上係唔錯嘅，值得推薦俾想提升女人味嘅朋友，同埋呢種香味係好高級嘅香味，產地係西班牙 @cosme

Rin好用推薦：香　　調 柑苔調 、 誘人美食調 、 花果清新調 前　　味 香檸檬、柑桔、黑醋栗、紅糖 中　　味 茉莉、橙花水、玫瑰 後　　味 琥珀、香草、廣藿香 暖調，帶有酸酸的味道 不刺激但一直圍繞

Sarah好用推薦：好甜好濃烈的香味，有少少似梅的酸甜味，基調好有餘韻，冬天用比較適合。

TsuenMa好用推薦：Miss Dior Blooming 走珠淡香薰 #香而不俗 #用氣味留下印象 總合評分：🌸🌸🌸🌸/7 香味評分：🌸🌸🌸🌸🌸/7 持久評分：🌸🌸🌸/7 方便評分：🌸🌸🌸🌸🌸/7 走珠式嘅香水，真係第一次見🙈 走珠式的刻板印象係驅風油嗰啲包裝，所以覺得好新奇好新鮮🤣 使用方法： 好簡單易明，只要將走珠畫過你想要有香味嘅地方，淡淡優雅嘅氣味就會留喺你想要嘅位置上面🥰 走珠嘅設計，我諗係幾為第三者切想，可能係避免啲香水沫散發喺空氣度，令到有敏感嘅人難受（？） 香味方面： 清新同柔和嘅格調，有玫瑰、牡丹同佛手柑香味調合而成，係令人無法抗拒嘅香味😍 呢隻香味無論一年四季都啱，帶住一眾溫暖嘅少女味💛

Yannes好用推薦： Dior香水廣為人知，深得女士歡心，除咗dior j'adore之外，仲有青春味道重啲嘅miss Dior，味道比較清新，但一樣咁long lasting，走珠設計係出街必備❤️‍🔥

KDing好用推薦：之前趁做緊店舖promotion買左 佢既氣味同牌子本身既基調都好似 都係草本為主 好清新 好似岩岩沖涼後既氣味

Circlecyy20好用推薦：這個牌子本身做草本嘅味道已經相當優勝，而且款香水同時比較清香，亦都係令人舒適

Hchan好用推薦：自從買了小枝裝的經典For Her EDT試香後就愛上了這個品牌，我偏好東方或木質調香水， 特別喜愛麝香。這枝是淡香精，與它其他系列的淡香精比沒那麼濃郁，帶有標誌性的麝香及多帶了點果香，味道一開始是清新香甜的李子味，之後經典的麝香味會慢慢滲透出來並融合成沉穩的花果麝香調，香味屬於較柔和及低調，不像果香調般香味過分甜美，或像花香調般女性化，三者的味道十分平衡，無論夏天還是冬天都相當易搭，它家的香水一向持香度都十分高，直到下班還聞到香氣，推薦喜愛各種麝香香水的人收藏。 香調 前味：李子 中味：白麝香、香水草花 後味：絨面皮革香

Sccan好用推薦：好鐘意依個品牌嘅香水以麝香為主調，加上其他香味做變化，依款MUSC NOIR比起依個系列其他幾款黎得清淡，麝香味都比較低調。 前調是李子香味做開首，中調有微微麝香，而後調就轉為比較中性，近年較火嘅皮革香。 本來我唔太鐘意太甜膩果香味，但依款一試，唔單純係果味，加左麝香有一種特別吸引嘅香味，唔會太女性化，所以我買左100ml，由夏天用到冬天，都好襟用，因為依款香味比較清淡，比平時噴多少少都唔會覺得膩，太約噴3-4下，都keep到半天。