香味怡人 推薦好用產品

Emily Leung好用推薦：凡士林蘆薈潤膚露測評 話時話，一支幾十蚊嘅潤膚露，到底有冇可能又清爽又保濕？今次就同你開箱呢支凡士林蘆薈潤膚露，睇下佢係咪真係咁打得？ 質地：乳液狀，推開化水，吸收快唔黏膩，夏天用超舒服！ 香味：清新蘆薈味，似青瓜加少少花香，唔濃唔俗氣，聞落乾淨清爽。 滋潤效果： · 保濕力中等，皮膚即時變軟滑 · 乾燥手腳用咗會明顯柔潤，但極乾燥部位可能要補多層 · 持久度一般，冷氣房大概頂到4-5個鐘 總結：$50樓下大支裝，清爽度同香味夠晒加分，適合日常簡單保濕，追求輕盈感嘅人必試！

Shirlin Ho好用推薦：Vaseline蘆薈舒緩潤膚露非常適合香港夏天又熱又潮濕嘅天氣用,佢質地非常清爽,揸咗都唔會有黏笠感,而且有可以穩定肌膚,用後唔會有乾燥感,因為熱天經常都係冷氣房,所以夏天定會買一支係屋企每晚都用佢。

Suki好用推薦：#火熱新品 之前染髮染傷咗頭皮，甩好多頭，見網上多評價，所以就買咗嚟試吓。用咗一段時間之後，真係感覺到效果幾唔錯！首先，佢嘅質地唔會太油膩，塗喺頭皮上好清爽，完全唔會有黏笠嘅感覺。而且味道都幾天然，唔會有嗰啲化學刺鼻味，聞落舒服放鬆。 至於修護效果，真心覺得有改善。用咗幾次之後，感覺頭皮冇之前咁緊繃，甩頭皮嘅情況都減少咗。而且頭髮狀態似乎健康咗，唔再咁乾燥或者脆弱。用落覺得頭皮變得好似平衡咗，唔會太乾或者太油。

Sandy好用推薦：因染髮染傷咗頭皮，一直甩好多 頭髮 見網上多評價 就買咗嚟試吓。 用咗2個月時間之後，真係感覺到效果 ， 終於見到毛毛頭髮生返出嚟😍 質地唔會太油膩， 塗喺頭皮上好清爽， 完全唔會有黏笠嘅感覺。味道都幾天然， 好聞👍 洗頭後用 舒服放鬆😍覺得有改善。感覺頭皮冇之前咁緊繃，甩頭皮嘅情況都減少咗。而且頭髮狀態似乎健康咗，唔再咁乾燥或者脆弱。用落覺得頭皮變得好似平衡咗，唔會太乾或者太油。 頭髮係第二張面所以大家需要小心呵護😀

格仔餅公主好用推薦：泡沫既豐富度岩岩好，洗完成個人感覺好乾淨，留有啲啲清香但唔好expect佢留到勁耐，望打係乾淨既清潔感

Kitty 好用推薦：呢隻精華主要功效針對頭皮乾燥發癢，頭髮缺乏光澤。 主要成分含有： 1. 100%有機蠟菊精華油：強效抗氧，提升頭皮防禦，促進微循環。 2. 精胺酸：滋養、活化功效 3. 維他命E：有助抗氧化、保護肌膚 4. 維他命B5：滋潤保濕、修復同紓緩效果 呢支精華液係有分層嘅，用之前需要搖勻。味道方面係好清新嘅草本香味。搽上頭皮嘅感覺都幾好，但係乾透之後會令到頭髮摸起身一綹綹。雖然睇落唔至於好油膩嘅樣，不過個心囉囉攣😂 所以搽嗰陣要小心唔好掂到啲頭髮，盡量等啲精華留喺頭皮上面。 我個人覺得呢款精華比較適合偏乾嘅頭皮用。喺潮濕翳焗嘅地方可能會覺得有啲笠。我自己都係更鍾意Sisley嗰支頭皮精華多啲。

maylam好用推薦：好用 佢係有少少水油嘅質地 滴到頭皮好舒服 再加以按摩等佢吸收 用咗一段時間有覺得頭皮少咗油同痕癢 

Paris merci 好用推薦：NIVEA 舒敏修護雙管精萃凝乳用軟管裝，透明 包裝，感覺比其他支裝body lotion高質，而且價錢都貴少少，一支賣$13x。手上呢款係舒敏修護雙管精萃凝乳，舒敏修護款有專利成份Symsitive，主要舒緩乾燥、敏感、泛紅同埋癢嘅問題。 軟精水凝乳有兩層成份，外面透明係修護精華液，入邊白色係舒敏精華液，一按就兩種成份就會一齊出嚟。包裝背面有個手指模位，好清楚話你知邊個位咁精華出嚟係最適合。但如果用到未知出嚟就會唔平均，好似我第三張圖一樣。 精華質地清爽，吸收快，無任何黏立感。夏天用完非常舒適。用完之後，感覺皮膚充滿水分，仲有光澤，就算皮膚有啲敏感，都唔使擔心，可以安心用。用佢俾用膠罐裝各種蘆薈啫喱更有舒緩作用💕

Kelvin好用推薦：內外管設計好得意，透明加白色啫喱。即使係啫喱狀凝乳，呢支係敏感肌都適用👶🏻 好易吸收，全身都好舒服，一啲都唔黏笠。沖完涼茶身開冷氣有冰涼感💨香香地幾好聞👻夏天好怕搽一啲黏立咁重嘅lotion ，呢支保濕得來又清爽，仲要搽上身之後皮膚快速吸收，正👍🏻 睇起來水潤、有光澤，皮膚水潤自帶透明感😍 不過就得200 mL ，加上啫喱質地容量較多，比其他潤膚乳份量就少咗啲😬

貓餅好用推薦：呢個牌子的護髮產品很出名，這個是髮尾油， 100毫升大大支，可以用很久，按壓出來是深黃色的，可以看到髮尾油很濃，而且液體不是很流動性，所以感覺上真的有滿滿的髮尾精華。 另外，它有非常濃烈的香味，其實都幾香的，有啲似中東國家的香味，不過塗抹在髮尾，香味散開後，就不會很濃烈。 塗抹上頭髮後，可以即時滋潤髮絲，減少毛躁，不過份量不可一次塗抹太多，否則會很笠，很重，如果頭髮髮質乾硬的朋友，可以塗抹多一點。 整體而言，都是一支可以入手的髮尾油！

Kimchi lau好用推薦：質地比較厚身、不過塗完頭髮又不會太油、剛剛好、不過需要洗完頭之後就塗會比較好、否則就會油膩、好似隔日冇洗到頭甘

Umbrellarainn好用推薦：感謝cosme揀中左我去試用呢款沙宣深層滋潤潤髮乳。首先我嘅頭皮狀況係中性偏乾，夏天都比較容易出油，由於頭髮經常燙染，髮尾嘅位置都比較粗糙。初時我對呢款潤髮乳冇好大期望，但係點知用左14日後，佢都俾到驚喜我喎！ 講吓佢質地先，佢質地幾濃稠但又唔油膩，好滑順，好易推開喺頭髮上，尤其塗喺髮尾位，按摩一陣再沖水，就即刻有被滋潤包住嘅感覺。 係保濕方面，表現非常好。佢深層滋潤效果明顯，用完之後頭髮即時變得好水潤、好貼服，原本髮尾好乾同毛燥，用完14日之後，水潤感明顯提升，就算天氣乾爽都冇咁易乾柴。 而柔軟度方面，都幾好！係最大驚喜之一。本身我頭髮偏粗硬，用完之後明顯變得滑溜溜、好好梳，唔打結，頭髮由粗硬感覺變得好細軟，摸落去滑捋捋咁。 至於強韌度，雖然我本身頭髮分叉唔算多，但用完之後感覺頭髮健康左好多。乾燥同毛燥問題減少咗，頭髮冇之前咁脆弱。 光澤度就自然健康。洗完吹乾會有柔和自然嘅光澤，夠亮澤同有活力。 總結，我覺得如果你好似我咁，經常性會燙染，頭髮比較乾同埋毛燥嘅話，長期用可以改善乾燥、毛躁同暗啞問題，令頭髮整體健康啲。但如果係油性頭皮或者容易出油嘅人，就唔係太適合，因為滋潤度高，洗完可能覺

Yty好用推薦：好開心得到cosme嘅試用機會啊！呢排keep住半個月試咗沙宣深層滋潤潤髮乳，感覺真心唔錯。 我頭髮因為長期自己set卷頭髮同偶爾拉直，髮尾一直好乾好毛躁，尤其洗完頭第二朝起身，頭髮就亂晒一團，一梳就打結，摸落去粗粗哋同埋好暗啞。之前試過好多支護髮素，有啲用完頭皮痕、有啲好油膩要洗好耐先沖得乾淨，仲有啲完全冇感覺。 呢支沙宣潤髮乳酒紅色大樽一入手就覺得幾正，泵頭設計好順手，一泵就出好多。我通常係洗頭之後，頭髮仲有少少水份嘅時候，先泵 3-4 泵喺手心，搓勻之後由中段開始塗到髮尾，尤其髮尾同耳朵後面嗰啲最乾嘅位會多搽一啲。之後用手指輕輕按摩 1-2 分鐘，讓佢滲入頭髮度，先至沖水。 沖水嘅時候好易過，好滑就走晒，完全冇黏笠笠嘅感覺。 towel dry 之後已經覺得頭髮軟咗少少。之後我會用吹風機中熱風吹乾，一邊吹一邊用手指梳順。吹完之後變化最明顯！原本乾柴柴、容易靜電嘅頭髮，即刻順滑好多，摸落去有光澤，唔再係一摸就覺得粗糙。連續用咗成兩個星期，髮尾明顯冇之前咁分叉同毛躁，早晨梳頭都順暢晒，唔使成日扯到頭皮痛。 香味係淡淡清新嘅花果香，唔會太甜膩，留香大概半日到一日，同事同朋友都話聞到有陣好

TL好用推薦：用咗Vidal Sassoon水感舒活洗髮露約三星期，洗頭後吹乾，頭髮保持柔順筆直，只有少量毛燥。用手觸摸髮絲依然順滑，完全冇乾旱感覺，保濕效果相當不錯。 洗髮露的樽身採用菱形設計，手握時非常順手，半透明紅色搭配漸變色調，外觀相當特別。 質地呈水狀，唔會過於濃稠，味道亦十分清香。產品含有精萃角鯊烷和 AHA 果酸活性分子，能令頭髮保持水潤亮澤。 用咗佢，真係可以隔耐啲先去 Salon 做護理。

SammyN好用推薦：日日洗頭的話都唔錯的，有效維持髮質穩定。一大支可以用好耐，所以同時有其他洗髮水的話會按照天氣及頭髮的狀態交替使用。

Chloeincosme好用推薦：用完紅字銀底個款髮膜，即刻入手左呼聲好高既TSUBAKI髮膜試下！用咗幾次真係驚艷到，而家頭髮望落健康有光澤，摸落柔順但唔會太扁塌！ 🤍 修護力：4.5/5 珍珠蛋白同山茶花精油既功力？用完即時撫平毛躁，連最乾旱嘅髮尾睇落有光澤！ 🤍 吸收度：4.5/5 獨家AMP技術讓養分快速滲入髮絲，沖水時已經感受到頭髮變得軟滑～ 🤍 方便度：5/5 懶人恩物！啲人話搽勻後等1-2分鐘就可以沖洗，效果依然係到！ 🤍 光澤感：4.5/5 頭髮即時有種水光感，香味持久！ 總結： 喜歡！ TSUBAKI髮膜可以做到令乾旱嘅頭髮即時復活，而家我染完頭都唔怕摸落似草😂 推薦俾所有電染愛好者同受損髮質嘅你！

chewyfruit好用推薦：🌟護髮困難戶救星髮膜！真係可以養好髮質！ 我本身已經髮質乾旱受損， 仲超級鍾意電染，仲要鍾意啲特別傷髮質嘅顏色！！ 每次想轉顏色，髮型師都叫我好好養下頭髮先。 返屋企做咗一輪功課，俾網上呼聲極高嘅 👉TSUBAKI髮膜👈種草咗！ 買返屋企用咗幾次真係驚艷到～ 係真真正正可以養好髮質，用一次順滑好耐！！ ✅AMP膨潤成分同雙重氨基酸 可以擴張CMC通道，等頭髮更快更好吸收養分！ ✅珍珠蛋白 + 穀氨酸 + 蜂王漿，再加甘油 + 山茶花精油 滿滿嘅修護受損成分，毛躁髮質被溫柔撫平！ 頭髮順滑又有光澤✨！ 而且營養分子細到可以直接滲入頭髮， 養分真係實實在在被頭髮「食」進去！ 佢真係好方便，搽完可以直接沖水💦，真係嚇親我～ 對懶人黨嚟講太友好啦！ 喺屋企輕鬆就可以做到高級saloon級護理！ 香味亦都好舒服，護完髮真係會忍唔住猛咁聞自己～ 成個美女氛圍感即刻出晒嚟hhh🤣🤣 重點嚟啦！佢真係可以救返啲乾旱頭髮～ 之前梳頭唔係甩就係斷，而家一梳到尾， 完全唔會打結或者斷開～ 我呢個又電又染又漂嘅人，終於感受到咩叫「枯髮回春」！ 姊妹們快啲去試下！真係超好用啊啊啊！👏🏻

Kelvin好用推薦：Nivea PHA 煥膚柔嫩奇肌雙管精萃凝乳係市面上比較少見嘅身體凝乳，佢嘅雙管設計都幾少見，內管嘅美容液包含三重修護精華。 擠出嚟嘅質地好特別，分別係透明同純白色。其實使用感覺都唔錯，似啫喱乳gel之類，水份好高濕濕滑滑，超級水潤嘅，夏天用都幾舒服，唔會太油膩。不過味道方面就有啲超級香，如果你好鍾意帶住香味瞓覺嘅就鍾意。 搽完之後皮膚真係柔軟咗，因為注入咗重度水分，帶有保濕感，同埋依一款有煥膚功能，所以先會變得柔軟，對改善粗糙嘅情況都有幫助。

sally好用推薦：搵左兩間屈記先買到💦 第一次用果酸body lotion，意外地清爽，夏天用一流，勁快吸收又👍唔會黐立立

Sarah好用推薦：質地方面： 佢個質地係偏濃厚嘅，上手搽開之後，成面都會有一層潤潤、帶點黏笠嘅膜感，唔係那種即刻吸收、好清爽嘅類型。如果係鍾意「用完面立馬滑溜溜」嘅朋友，可能一上手會有啲唔慣。 效果： 搽完之後，面摸落係軟霖霖、潤潤哋嘅，有種被滋潤包裹住嘅感覺，但有少少黏笠，尤其係側身瞓覺嘅時候，真係會黐到枕頭，有時仲會黐住頭髮添。不過好處係，第二朝起身，個面唔會乾，摸落仲係軟綿綿嘅，皮膚好似飲飽水咁，彈性都有提升。 暫時唔會回購。

Fng好用推薦：Kanebo Cream in Night｜ 質地與膚感：✨ (奢華享受) 挖出嚟係淡粉金色乳霜，質地似融化緊嘅雪糕，推開那刻有種「融化入肌膚」嘅感覺！吸收後皮膚係絲絨啞緻感，完全唔黏枕頭，呢點對夏天嘅混合肌嚟講超級加分！ 核心科技解密： •夜間修護粒子：聲稱會隨體溫慢慢釋放營養 •月下香精華：專攻夜間抗老同代謝 同La Mer經典乳霜比，Kanebo更輕盈；同CPB金致乳霜比，就贏在性價比（雖然都係貴...） 真實效果：🌙 (醒膚驚喜) 連續用咗一星期，最明顯係朝早起身塊面「唔腫」，毛孔睇落整齊咗，膚色均勻有光澤。最誇張係有次通宵趕工，用咗佢第二朝居然冇變「殘樣」，真係有啲魔法feel！ 使用神技： 1. 「掌心融化法」：挖一勺喺掌心搓熱再按上臉，吸收快一倍 2. 「重點按摩術」：配合提拉手勢按摩法令紋同下巴線 3. 「薄塗就夠」：千萬唔好貪心，否則會潤到爆痘 溫馨提示： 💫油肌姊妹可以隔晚用，或者只搽乾燥部位 💫建議用附送嘅挖棒，保持衛生 💫開封後要快啲用，活性成分唔等得人 同價位大比拼： •vs 資生堂時空琉璃：Kanebo更清爽，資生堂就潤澤啲 •vs Sisley

Chloeincosme好用推薦：Diptyque 的依蘭依蘭係我香水櫃比較特別既存在，作為玫瑰調狂粉既我，呢枝係唯一唯二非玫瑰基調但我又好鍾意既香水。 - 香調 - 前調： 依蘭依蘭 中調：木質花香，焚香 後調：粉木紅胡椒， 安息香脂，生薑 睇香料表前中後調好似好大分別，但實際噴出黎中後調唔算好突出，基本上係依蘭依蘭統治左成枝香水😂 呢枝香水算比較有攻擊性/ 成熟既香水，噴佢既女性似係有種迷人性感既感覺，但完全冇脂粉味！有人會話佢有種「千金」feel，呢樣就見仁見智啦！但依蘭依蘭的確係比較高冷性感果type.（中意大眾甜/ 清新香水既呢枝未必岩） ♥️持久度： 8-10 小時，非常非常持久，我試過返工噴佢，夜晚食飯人地都聞到。 ♥️適用場景： 約會/ 見客

TsuenMa好用推薦：#DIPTYQUE #小清新 一向好鍾意呢個品牌嘅香薰蠟燭，所以接觸到佢有出淡香水就很感興趣😆 產品定位其實會係頭髮噴霧上面，雖然未研究到兩者到底有咩分別，我估可能係噴霧會比較輕盈，唔會整濕/整油啲頭髮。 🌸香味：呢款嘅味道同佢夏日特別版推出嘅香薰蠟燭差唔多味，主要係以柑橘為主調調配而成，所以好適合春、夏日去使用，令到成個人都好Refreshing。 💟包裝：冇咩特別嘅設計，好踏實嘅一個磨砂樽身再加黑色蓋，樽身物料應該唔係玻璃，所以拎上手比較輕（對比其他香水產品），一支容量數都好夠，有成50 mL，就算日日噴，我諗都足夠用到全年。 💌用後感：呢款頭髮噴霧，冇令到我失望，文關咗啲花香味，轉換下呢類型比較Refreshing嘅味道都好唔錯，朝早噴完出門口，都會覺得醒神啲😆

AnnaChan好用推薦：溫柔知性的玫瑰天花板 呢支香水係好清新、好透徹嘅古典玫瑰香，但神奇嘅係佢mix咗牡丹、小蒼蘭同埋後調嘅雪松、琥珀。噴上身完全唔係嗰種老氣、俗氣嘅紅玫瑰，而係一種好似沖完涼、身上散發出嚟嘅天然高級皂香/體香，鍾意氣味偏向淡淡清新溫柔，不妨可以試吓入手，相信鍾意呢款香水嘅人唔會鍾意噴得太濃，而呢隻香水最細支都可以噴好耐。佢持香可以返工聞到放工，岩岩好～ 佢畀人嘅感覺係知性、大方、溫柔得嚟仲有斯文嘅氣質，唔會太甜同太濃烈，算係容易入手既日常款

Kimchi lau好用推薦：比較有花香、好適合返工嘅時候噴,增加女人味🤣不過比較女性化d

pinkgorgor好用推薦： 首先，多謝 @cosme and @dove 俾我試到兩個新味道嘅身體磨砂膏。 藍莓味比較清新順滑，而今次呢個楓糖餅口味，香味相對較甜。質地唔算太粗，但對腳跟同手踭啲厚角質都幾有用，磨完明顯滑咗。 AHA成分感覺有幫助軟化死皮，用完皮膚唔會乾到繃緊，仲有少少潤。香味係甜甜地楓糖餅，沖涼時幾舒服，不過如果唔鍾意甜味可能會覺得偏濃。整體嚟講適合一星期用一兩次，做下基本去角質都OK。 市面上好難搵到一啲磨砂膏係適合去啲厚角質又唔乾嘅，所以整體用完感覺良好會再購買

美容L好用推薦：多謝@cosme同Dove，我有幸試到兩款Dove雪糕感身體磨砂膏，分別係藍莓雪酪香同楓糖餅乾香，兩款我都試完幾次，想同大家分享真實感受，因為今次撿到寶了😊 首先講藍莓雪酪香嗰隻。味道相對比較淡，唔係那種濃烈果香，而係清新帶點酸甜嘅藍莓味，聞落去好舒服，不會太甜膩。質感就係我最鍾意嘅地方，綿密又幼滑，推開時好易推，顆粒細緻，磨砂感明顯但完全唔刺激。即使我有幾處皮膚紅腫，搽上去都好溫和，冇覺得刺痛或者不適。磨砂完之後皮膚即時變得柔軟好多，好似剛食完一碗藍莓乳酪咁滑嫩，保濕感都幾足。沖洗都好乾淨，一沖就走，唔會殘留。我今次挑選咗有少少紅腫嘅地方嚟試。持續用咗幾次之後，感覺全身角質薄咗少少，皮膚光滑咗啲，特別適合敏感或者容易紅腫嘅肌膚使用，我覺得好安心🙌 另一款楓糖餅乾香就完全唔同風格！呢隻啡色磨砂膏顆粒明顯粗粒好多，磨砂力強得多，尤其係手肘、膝蓋同腳跟這些角質厚嘅位，用落去即刻有感，一推就覺得老化角質被帶走，好滿足！香味係我最愛嘅部分，甜美嘅楓糖餅乾香超吸引，好似真係有塊暖暖嘅餅乾喺度，聞到就開心🍪 磨完之後皮膚一樣好滑，但因為顆粒較粗，感覺去角質效果更徹底，特別係關節位。沖洗都幾方便，

Sophia好用推薦：L'Oréal Paris 強韌豐盈防掉髮噴霧精華用起來頭皮感覺微涼清爽舒適，長噴咀設計方便直接噴到頭皮，可以盡量避免沾濕頭髮，香味淡淡亦很快散去，較其他同類產品的中藥味容易接受。 用後感覺掉髮情況也有輕微改善，希望再持續使用後，可以繼續保持髮量，維持頭皮健康。

lingbb好用推薦： -I’OREAL PARiS 第一款防掉髮精華液，專為掉髮問題硏製。舒緩頭皮，強韌髮根，有效缓解掉髮。 - 成枝設計都好貼心，特別係個噴咀，噴出黎唔會周圍都係，集中力係你需要嘅位置 - 我喜歡佢嘅花果香味好清新唔俗，原來香味有茉莉、雪松、檸檬、鳳梨嘅混合，噴上頭皮有種冰涼感，會知道自己噴嘅位置準唔準確 - 除咗防脫髮，都有治療頭瘡舒緩頭皮不適嘅作用，係頭皮比教癢嘅地方噴完就唔會再癢，有頭瘡嘅位置都會消失埋 - 總括而言，好喜歡，一枝可以用好耐 #火熱新品

Angie好用推薦：去韓國旅行嘅時候，見到貨架上有Growus嘅洗頭水，一眼已經比充滿少女心嘅包裝吸引❤️ 本身有用開同一個牌子嘅護髮噴霧，所以對呢個牌子都有信心，唔理行李重量買咗枝試吓🤭 Growus 嘅出品果然冇令我失望，我差唔多每日都會夾頭髮，所以一支好用嘅洗頭水十分重要！Growus珍珠修護洗髮露做到保濕效果，同時唔會令頭髮因為過度滋潤而難做造型👍🏻 洗完頭第二日把頭髮都明顯keep住柔順，set頭都唔會容易扁塌，表現100分 💯💯💯 最近見香港門市都買到Growus嘅產品，終於唔使網購/去旅行托返香港，好開心🤭🤭🤭

thk好用推薦：每個女仔都貪靚 係梳化服各方面都會想打扮得靚啲🧏🏻‍♀️ 而我為咗令到髮型可以好睇啲 就成日又染又夾頭💆🏻‍♀️ 搞到髮質傷晒 仲令到把頭髮又旱又難梳🪮 其實頭皮同面部皮膚一樣 必須揀岩自己用既護髮產品🤔 ➷ ✨GROWUS是為了保護大海的生態界而努力的護理頭髮品牌，為頭皮準備的天然原料和專業技術為基礎，根據頭皮狀況尋找改善方案，並提供解決方案的藥妝護理品牌✨ § 🧸對粉紅色真係好難抗拒🩷 就係因為佢既包裝 就吸引咗我去留意😍   🪐 GROWUS珍珠修護洗髮露 ▸ 無矽 ▸ 適合極受損或漂染髮絲使用 ▸ 添加5種蛋白質及7種膠原蛋白，雙重修護更有效 ▸ 加入海洋珍珠複合物 有助維持髮絲水份   由於我頭皮比較敏感 而且髮質特別乾旱 所以有時洗完頭都仲會有頭皮屑😩用埋護髮素都係開叉🙁 估唔到用完GROWUS依枝洗髮露 髮絲回復水潤柔順 仲帶有光澤感🤩梳頭終於唔再打結🪢 直頭唔駛用護髮素已經可以有咁好既效果👍🏼 佢保濕既功能仲改善咗頭皮屑既情況 頭髮都甩少啲😍 最鍾意就係佢既香味持久 可以維持到第二日起身都仲聞到😶‍🌫️ 真係連香水都可以慳返🤪   係屋企都可以享受到頭髮SPA既護理體驗

Nicole 好用推薦：我是混合油痘肌，最近都在用它，是防曬裡少數不悶不黏的。質地是白色水乳液，易推開，完全不泛白，也不會留下粉感。我最在意的是會不會長痘，連續用了一週，沒長新粉刺，也沒悶出痘，這點很加分。控油效果以夏天來說算不錯，至少不會讓T區中午就油光滿面。防曬係數SPF50+ PA++++，日常出街很夠用。唯一比較在意的點是香味偏重，對香料敏感的人可能要試聞再決定。整體來講，90ml大容量價格很親民，用完會想繼續回購。#火熱新品

Umbrellarainn好用推薦：感謝cosme揀中左我去試用呢款沙宣深層滋潤洗髮乳。首先我嘅頭皮狀況係中性偏乾，夏天都比較容易出油，由於頭髮經常燙染，髮尾嘅位置都比較粗糙。初時我對呢款洗頭水冇好大期望，但係點知用左14日後，佢都俾到驚喜我喎！ 講吓佢質地先，佢唧出嚟呢都幾cream，但係cream得嚟都幾水潤，好容易起泡，沖水之後呢，你會feel到頭髮乾淨嘅感覺。係一定要配合埋護髮素一齊用如果唔係呢啲頭髮就會有啲鞋颯颯嘅感覺。 係保濕方面，表現不錯。佢主打深層滋潤，洗完頭之後，啲頭髮會變得好滑，好貼服，啲毛燥冇晒，有一種水潤感。 而柔軟度方面，都幾好！明顯頭髮好滑，變得好好梳，唔打kick，頭髮變到滑捋捋咁。本身我啲頭髮係比較粗硬，但係用完之後而家我啲頭髮感覺變得好細軟。 至於強韌度，係我本身嘅頭髮就唔算有好多分叉，所以呢方面感受唔算好強。不過我感覺啲頭髮係健康左。因為乾燥同埋毛燥嘅問題都減少咗好多。 光澤度就正正常常。洗完吹乾會有自然光澤。 總結，我覺得如果你好似我咁，經常性會燙染，頭髮比較乾同埋毛燥嘅話，長期用可以改善乾燥、毛躁同暗啞問題，令頭髮整體健康啲。但如果係油性頭皮或者容易出油嘅人，就唔係太適合，因為滋潤度

ynqq123好用推薦：感謝@cosme 送出今次的試用。我本身頭髮底子好差，又乾又粗糙，成日望落都好暗啞，最慘係洗完頭或者朝早起身梳頭嗰陣，啲頭髮受損開叉到成日一扯就斷，真係睇到都心痛。 不過最近轉用咗呢套深層滋潤洗護系列，修護效果真係明顯過以前用開嘅牌子好多。支洗髮乳有胜肽同玻尿酸，洗完個頭完全唔乾澀，每條髮絲都好水潤、好貼服，連啲衰毛躁都撫平晒。之後搽埋支潤髮乳，佢雖然好滋潤但質地好輕盈、一啲都唔黏，入面嘅角蛋白成分真係好似幫條頭髮做咗沙龍級護理咁。依家梳頭直情絲滑到一梳到尾、唔再打結，頭髮強韌咗、冇咁易斷，仲自然散發住好靚嘅光澤，成把頭髮望落健康好多，真心推介！ Before: After:

Kpl6be6好用推薦：#夏天 長時間留喺冷氣房～沖涼後係必須要全身搽潤膚露嘅～呢款質地易推開～滋潤度亦足夠～搽開後卻唔會有油膩殘留感於皮膚上👌🏻👌🏻香味亦討好～用後有感膚質更柔嫩！！

Kelvin好用推薦：Vaseline深層修護潤膚露 🌟淡淡lotion味易接受 🌟容易吸收，不黏笠 🌟保濕鎖水力十足，滋潤度高 🌟日常護膚全年岩用 咁既價錢唸唔到有咩缺點 建議一年性價比高，居家必備🏋🏻

maylam好用推薦：優點係起泡力強，洗完個頭好舒服 唔會好油/乾 但係只用咗一次 感受唔到係咪真係可以防掉髮

DorDor好用推薦：Kerastase 洗頭水用完頭髮蓬鬆，又有潤澤又有清爽的感覺，不過以洗頭水價錢來說有點小貴。