香味怡人 推薦好用產品

Kathy好用推薦：用過幾隻無矽洗頭水，相比之下，玉の肌清潔力好足夠之餘，keep住頭髮光澤感，又保持到蓬鬆度。雖然佢價錢上係比較貴，但絶對係物超所值！ 用過000薰衣草同004槴子花，比較鐘意004槴子花香。佢香味做得唔錯，比較清香，唔俗，朋友同事聞到都讚好香，下次可以試下其他味。 包裝都好靚，行簡約風 所以我已經回購左2次

Jane好用推薦：已用掉5瓶以上，現在也在服用，家中還囤了兩枝。最適合冬天用，夏天頭皮太油的人可能會略嫌不夠清爽。

chris好用推薦：味道好香玫瑰味，聞落都幾舒服，唔會太濃。 質地水潤，好易推開同好快吸收； 搽完效果都keep到滑，用晒一定會再回購😝

Laura好用推薦：好香，好似做spa啲香味，冬天沖完涼用一流！ 好膏狀多過油，好快吸收又唔笠 每次用量唔多 好易推開 唧小小就夠 好come用！正

Kmggigi好用推薦：Marlin + Gomez Vitamin B5 Moisturiser係一款極好用嘅lotion，帶來完美滋潤同舒適使用感！✨ 呢款lotion嘅質地非常輕盈柔滑，極易推開， 吸收速度快，唔會留低黏笠感覺， 用後雙手即刻感覺水潤柔軟，唔會過於油膩，非常適合日常使用。 Lotion帶有淡淡嘅香味，清新自然， 氣味適中唔會過濃，聞起嚟令人舒心 成份內含維他命B5成分，能夠有效補水同鎖水， 即使係乾燥天氣下都能保持雙手滋潤柔滑， 用後手部肌膚感覺健康又有彈性， 仲唔會覺得油膩係一個大加分！

Fng好用推薦：✅️實物超可愛，Q彈啫哩狀質感，充滿甜甜藍莓味，氣味非常濃鬱，就咁放喺度，已經令整個浴室香噴噴🥰。 ✅️用法: 濕身後，將整塊沐浴啫哩塗抹全身肌膚，然後沖水即可。 ✅️沐浴後留香超過八小時，而且😉它你想像中更加耐用，用了三個多月仍然未用完，CP值高。 ✅️沖完涼後，皮膚留有滋潤感💕，膚感柔滑，唔會乾燥，清潔力適中，泡沫綿密，推薦🫶!

Fng好用推薦：MIU MIU 甜心歐蕾香水 奶甜系少女香！ ✨ 香調與層次 甜心歐蕾係美食調花香，前調係佛手柑同蘋果的清爽果香，中調突然殺出綿密奶香同桂花，似飲緊杯熱鮮奶綠咁治癒！尾調用檀木同香草收尾，成個過程由果香慢慢變成奶甜，最後留下溫暖木質調，層次變化好精彩～ 🌟 持久度與擴散力 留香超長待機！朝早噴在毛衣上，到夜晚仲聞到淡淡奶香，持久度達8小時以上～擴散力適中，唔會成間房都係你嘅味道，但行過身邊嘅人一定會忍不住問：「你搽咩咁香呀？」 💔 美中不足 · 甜度爆燈：唔鍾意甜香嘅人可能會覺得太膩 · 季節限定：秋冬用超夾，夏天用可能覺得太重 💡 使用小貼士 1. 衣物專用：噴在毛衣/頸巾上留香更持久 2. 脈搏點塗：手腕、耳後、膝蓋後微微溫熱帶出香氣 3. 疊香魔法：混搭木質調香水降低甜度 甜蜜度：★★★★★（5/5，甜到入心但又唔會俗氣！） 適合：戀愛中女生、奶香控、秋冬必備治癒系香氣～ #MIUMIU香水 #甜心歐蕾 #奶甜香水

choichoi好用推薦：包裝很漂亮，插圖是一隻手拿著一朵玫瑰花；清爽不黏膩，水潤柔軟，散發陣陣香氣

Noel好用推薦：因為週年減價活動，連同其實Laduree 產品一併購買~ 個人不太喜歡玫瑰味的保養品，但這枝hand cream 令我徹底改觀💕 玫瑰味很淡很淡，聞落非常高雅😍 白色霜狀質地，流動性低，不過好易推開。滋潤感強烈，搽完很吸收滲透，沒有油膩感👍唯一因為價格很高，不能比滿分💔 滋潤 🌟🌟🌟🌟🌟🌟🌟 吸收 🌟🌟🌟🌟🌟🌟🌟 清爽 🌟🌟🌟🌟🌟🌟 香味 🌟🌟🌟🌟🌟🌟🌟 價格 🌟🌟

ellissa好用推薦：價錢略為小貴 但氣味好清香又keep得耐 重點係氣味屬於淡淡花香 唔會好俗好濃

Milo101好用推薦：🌟100%意大利製造的Body cream 🌟質地是淡黃色乳霜，帶有淡淡花香，細滑易推 🌟推開後會變成薄薄的滋潤層，摸起來十分嫩滑

choichoi好用推薦：產品包裝說明是「能有效清淨肌膚防止皮膚產生痘痘，還有水嫩保濕作用，是敏感性肌膚也能安心使用的低刺激性身體沐浴乳」。非常吸引平常身體，尤其是背部突然會冒出一些紅點或痘痘的我，特別是香港式的炎夏更容易長體痘，我配以12元店的沐浴巾每天使用，體痘真的有收歛和消失，用後肌膚不會乾燥還水嫩嫩的，感覺當中有殺菌功效呢，而且精油般的味道很棒令人放鬆～

Fan好用推薦：搽完對手好香，都保濕唔笠 細細支易帶出街，加上呢排係咁用酒精搓手液搞到對手好乾係用密左 美中不足係細支得嚟價錢偏貴，已回購兩次(試唔同香味！)

Aivlys好用推薦：味道清新溫柔， 不算濃烈但卻有適當存在感， 有種高級洗髮沐浴露會有的香味。 持久度非常好， 基本上能維持一整天。 價錢合理而且味道討好， 是個值得推薦的好物！

YolandaAuYeung好用推薦：🌻🌼🌻🌼🌻🌼🌻🌼🌻🌼🌻 炎夏必備 護髮恩物 HIMAWARI 向日葵EX活養健髮系列 踏入夏天 ，頭髮因為潮濕天氣同汗水容易變形，頭髮毛躁問題令我十分困擾，加上染髮後髮絲亦慢慢變得幼細，髮尾打結分岔情況亦變得嚴重。品牌榮獲 @cosme 2024日本美妝大賞最佳「洗髮 護髮」部門榮獲TOP 3🏆，用後效果超驚艷。 用左HIMAWARI向日葵EX活養健髪系列一週後，宜家頭髮變得柔順順滑，滿滿光澤感，打結情況大大減少，頭頂仲有傳說中既「女神光環」添🧚‍♀️✨

Kpl6be6好用推薦：啱哂 #夏天 用嘅護髮系列～滋潤得嚟唔會油笠笠～洗髮後於濕髮上均勻塗抹～我個人會等産品停留幾分鐘至用水沖洗乾淨😚😚用後髮絲超順滑有光澤～配合同系列洗頭水使用～可令花香香氣更持久濃郁地停留於髮絲上🧡

christy322好用推薦：我本身頭髮有好多好短既碎毛，扎起頭髮既時候唔用夾既話就會好似好散好亂咁，但本身係唔鐘意用hair gel，因為會令其他頭髮都會gel到硬咗。 上次喺@cosme見到原來有出專門解決呢個問題既產品，即刻買咗番去試。佢係好似mascara咁用，所以好簡單咁梳一兩次就可以將d碎毛梳到貼服晒，而且有淡淡既香味，效果亦都令我非常滿意。黎緊用晒呢枝之後會再買，所以如果大家都有同樣既煩惱，建議都試下呢個產品。 P.S. 喺@cosme見到有兩個款，細掃款係for前蔭，大掃款係for碎毛。我買既係藍色大掃款。

choichoi好用推薦：簡直是前髮命人士之福音也，可以在不黏不油的情況下令前髮固定妥妥，如果你平常造型有鬢髮也適用，想加強的話配合定型噴霧持久度就更理想了

LorraineTsung好用推薦：呢支香水既味道同佢個名”First Snow”(初雪)一樣 係一支好適合冬天用既香水🥰 . 前調為清新的白茶，中調為帶有溫暖感的香草，基調為細膩柔和的白麝香👈🏻 . 佢唔屬於甜既香水但聞落去係超舒服💕 會令人感覺置身係微光下的瑞士雪景⛄️ 感覺好舒服但又唔會好濃烈👍🏻 . 而且呢支係超持久！ ！ ！ 噴2-3下已經足以維持全日👈🏻 因為都比較少人接觸Victorinox既香水 所以都唔會咁易撞香❌ $620(100ml)但好耐用😊 #精緻香氛女孩

JL好用推薦：DECORTÉ這瓶和服之戀KIMONO SAKURA香水是限量發售版本，只有50ml裝。我第一眼見到就超愛它的磨砂樽身、粉紅色緞帶的和服結，十分優雅含蓄！ 它的香味不是濃烈的花香，而是清新果香和花香，很有春天的氣息。前調是荔枝果香；中調是櫻花、牡丹、鈴蘭和玫瑰花香；後調是鳶尾、麝香和黃葵。我覺得它的香氣清淡輕柔，富透明感，是一款適合溫柔女生的香水！

choichoi好用推薦：買碎粉的時候被BA推薦一下，正好是喜歡的香水產品加上挺別字的包裝就胸下了，簡簡單單的櫻花香氣很適合於辦公室使用～

Chingchan好用推薦：很喜歡有鼠尾草，香味持久只噴少許就帶來陣陣香味很舒服，又耐用樽身又靚

Connor好用推薦：Light Blue 香水以柑橘基調，佛手柑清新愉悅嘅香氣做開頭，中調就以熟透時桃子營造甜蜜氛圍，後調以雪松木作為結尾，我認為佢好適合夏天用，令人感覺有活力同熱情！ #火熱新品

maylam好用推薦：日本好用冷門嘅hand cream! 行loft嘅時候見到就搽咗少少上手 非常滋潤！ 令到喺冬天日本嘅手即刻冇咁乾燥 但又唔會好痴笠笠 即刻買咗幾支返香港 希望香港可以入貨！

Poyobb好用推薦：Cerave facial moisturiser lotion產品用過，但最經典嘅moisturiser lotion系列反而未用過，一樣濕疹敏感皮膚都用得。 依排轉季夏天用嘅乳液唔夠補濕，但因為我係一個好容易生暗粒嘅混干肌，揀乳液嘅時候都要謹慎 首先佢係有237 mL同475 mL兩個選擇，兩罐都好大支有排用，都好抵用。佢嘅質感係偏稀嘅乳液，上面嘅時候係好水潤推開晒都好容易吸收，係偏水潤感重嘅乳液。依款亦都有添加神經醯胺、透明質酸、B3，可以修復皮膚屏障，對於我呢種容易起暗粒嘅皮膚，皮膚狀態會比較穩定。用咗一段時間都冇特別敏感，或者爆暗粒。因為佢係純保濕配方，你可以疊加任何嘅精華配搭都得，萬用方便💜 另外，貪方便去旅行一支過，可以用做搽面同身體乳液都得。 但因為我對氣味都比較敏感，依款乳液嘅味道都有啲強，搽上面就會有嗰陣乳液膠味，搽上身體就冇問題，呢一點我有啲唔鍾意。如果搽面用返Facial系列pm會較好🥰

Khloe好用推薦：神經醯胺、透明質酸同甘油都係大家都知補水成份～所以無特別嘢講就講下質地🤣🤣（怕笠必試！）皮膚一到冬天就好乾燥，本身怕黏笠好怕搽完周圍Hi到 呢隻lotion做到快速吸收，通常沖完涼搽手腳同臉，Keep到第二朝瞓醒覺（至少無生暗瘡先！） 岩岩搽上去即影⬆️大概1-2分鐘後⬆️ 摸落仲係滑既😚 佢仲要無香料成分，唔會同髮油/沖涼液嗰啲味撈埋一齊