頭髮滋潤 推薦好用產品

Ni好用推薦：質地乳白色cream 可抹頭皮並按摩 因為不含矽使平常護不到的髮根都可以修護到了 使用後頭皮柔軟保濕頭髮也相當柔順 重點是它質地不厚重頭皮也無粘膩感 覺得好令人放心又好用的產品 會繼續回購 #火熱新品

Circlecyy20好用推薦：Cream狀護髮素 衝住可以全頭使用的名號而來 沖洗後 頭皮不會黏笠 春天濕度高亦沒狀況 滋潤度亦良好

Giselle 好用推薦：Essential 水漾防毛燥護髮素 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* Essential呢個牌子算係平價洗頭水牌子入面其中一個比較出名嘅( •̀∀︎•́ )✧︎呢隻算係佢其中一個常駐嘅系列，主打係滋潤防毛燥( ˶ˆ꒳ˆ˵ ) 作為一個有漂染頭髮+每日set頭嘅人，我會覺得呢支嘅防毛躁效果唔係太明顯₍ᐢ ›̥̥̥ ༝ ‹̥̥̥ ᐢ₎搽咗佢之後唔會覺得啲頭髮有變得滋潤咗or毛燥少咗(´._.｀)就好似搽咗等於無搽咁₍ᐢ ›̥̥̥ ༝ ‹̥̥̥ ᐢ₎唔太建議同我一樣頭髮比較乾旱嘅小夥伴入手(⌯︎˃̶᷄ᗝ˂̶̥᷅⌯︎)

Hamiii好用推薦：網店湊數買既，鐘意隻公仔又買黎試吓 點知…. 一言難盡 香味非常重，重到根本唔敢再落護髮油，怕隻味撞到好古怪😵‍💫 毛躁亦唔覺有改善😵‍💫 最唔鐘意係好似沖極都唔淨咁 已經只用髮尾 而且好認真咁沖好耐 但始終都會有殘留 😵‍💫 只可以講 真係唔岩我

inkitsung好用推薦：因為個味好吸引所以買，但實際又唔太啱我呢啲漂染頭髮～ 洗完都仲係覺得偏乾同埋唔夠蓬鬆～

LorraineTsung好用推薦：呢款洗頭水每次洗完香味都仲會keep到好耐 唔洗洗到頭髮打卡一舊舊 而且都幾順滑 平價之選黎講都值得入手

Noel好用推薦：多次回購的高 CP 頭髮 treatment，淡黃色霜狀，沒有流動性，帶有草本花香，和同系列洗頭護髮用品香氣相近。由於個人髮量多，即使只在頭髮中後段使用，我都用很大份量🤣 使用後頭髮毛藻減少，亦變得更有光澤🥰 無限回購啊！

Tiffany好用推薦：比起金色枝裝嘅髮膜，草本豐盈嘅質地light一d，無咁笠，感覺補水多d。

Kura好用推薦：呢枝洗頭水加水好容易起泡，用完頭皮覺得好清爽，有種草藥味，唔算好難聞，用完頭髮順滑，值得一試 @cosme

Cc2016好用推薦：無矽靈嘅洗頭水，成份天然，長期用應該會對頭髮更健康，不過用完感覺有少少偏乾

Nikl0629好用推薦：用過一次，香味持久，好滋潤，唔會令頭髮好乾，唔用護髮素都可以‼️👍🏻

choichoi好用推薦：簡約的外包裝設計是購買的原因之一（汗），帶有清澈的香氣，不俗；使用後髮絲不打結且柔順

Hamiii好用推薦：日本旅行好鐘意買唔同既沖涼洗頭番黎用 真係特別香嫁😌😌😍 呢支洗頭青蘋果味好出！ 洗完好順滑，但搞唔掂毛躁頭 反而妹妹個油頭俾佢ko到，洗完清爽左好多 油性髮質可以考慮入手丫

lingbb好用推薦： 初頭係Logon見到呢個牌子包裝有莫名好感 先發現產品成份都係來自植物。 呢款洗頭係第二set買，洗頭水係好香嘅青蘋果同玫瑰香氣 ，係咁多款入面最鐘意嘅味 呢款洗頭水有驚喜，感覺到髮根開始頭髮好柔順， 等緊佢減價再入購😝

Kmggigi好用推薦：Yves Rocher 防脫髮護髮素 — 特別氣味，效果中規中矩 呢款護髮素嘅氣味同市面上大部分護髮素有所不同， 唔係嗰種令人印象深刻嘅香甜味道， 而係帶有一種比較特別嘅氣味， 所以如果你期待傳統嘅香味，可能會有啲失望。 用完之後會發現頭髮變得順滑咗， 梳理更容易，少咗打結嘅情況，同時頭髮亦有光澤咗， 但整體嘅修護能力並唔算特別出色， 對於髮質比較受損或者需要深層滋養嘅人， 可能效果未必達到預期。

Angie好用推薦：本身把頭髮漂染過，所以呢枝護髮素嘅保濕力對我嚟講唔足夠，需要搭配髮膜使用

Ceccinmydin好用推薦：味道係好清新嘅果香味 好特別嘅味道 佢係一款存在感比較低嘅護髮素 唔會好油好立 適合油性頭髮用 但滋潤程度就偏低 比較適合夏天使用 

劉肥貓好用推薦：氣味清新，清潔力強，泡沫豐富 過水即爽，容易購買 價錢合理，適合偏油嘅頭髮使用

Hazel好用推薦：我用嘅係試用，帶去酒店用，游完水用最啱，頭髮即刻順滑晒，冇咁打結，亦都感覺唔甩咁多頭髮。

lingbb好用推薦：質感係乳霜狀、質感輕盈的純素配方， 主打滋養頭髮，為乾旱頭髮提供滿注營養的補濕效果。 使用果陣幾滋潤 但吹完頭唔會覺得同其他護髮素有太大分別 無特別好滋潤，而且氣味我自己一般 所以不回購

lingbb好用推薦：- 想頭髮整齊啲，可以試下呢枝好易買到既順滑液， - 吹頭前噴一噴，第二朝頭髮易疏理啲 - 香味有點撲鼻，但算接受到唔難聞 - 噴完髮尾再吹頭， 脆弱既髮尾會會摸落有輕微硬同堅挺咗 - 推薦俾長髮既美女

mandy好用推薦： AQUAIR DEEP MOIST HAIR TREATMENT LOTION  阿葵亞  水分Hair Pack (a) 瞬間柔順髮液(免沖洗)  含甘油, 雙丙甘醇 及精氨酸, 除使頭髮柔順外, 更可保濕頭髮, 帶淡淡花香  味道討好不會過份濃烈 基本上我每朝醒來, 個頭都好似打過仗咁亂, 估計我睡眠時碌來碌去, 成日轉身   而髮型師建議的整濕成個頭再吹直的方法,   我從來都唔夠時間在要上班或趕住出門的早上嘗試, 或者可以說是沒有動力實行   我亦做唔到什麼在早上洗頭的行為   我只能在5分鐘內用阿葵亞  水分Hair Pack (a) 瞬間柔順髮液(免沖洗) 搞掂個頭   只需距頭髮5-10cm噴上柔順髮液, 然後用梳子梳順頭髮便完成   太適合懶惰又心急的我了 (哈~是我太沒耐性了)   比起直髮mousse, 更喜歡柔順髮液, 因為沒有黏笠感   每天出門前, 都仰賴阿葵亞  瞬間柔順髮液(免沖洗) 才可以順利出門了

Milo101好用推薦：🌟之前品牌聖誕月曆的其中一項 🌟香蕉味幾香，加上護髮素質地，像壓成溶的香蕉一樣🍌 🌟用後覺得不過不失

Kura好用推薦：係我最鍾意嘅護髮素，味道係好香甜嘅香蕉味，質地好似香蕉蓉，搽上頭好似食緊香蕉咁，用完頭髮會變得好順滑容易梳，用完心情都會變得開心d，價錢唔貴，性價比超高，非常推薦嘅一款護髮素，我會繼續回購呢一款護髮素

Blueblueblue好用推薦：想試納米科技，聽講會吹到頭髮柔順而所以買一部試。 都算吹得頭髮快乾嘅，不過體積有D大

Kura好用推薦：呢個牌子嘅風筒都算好用，價錢唔算話貴得好離譜，同埋用咗好耐都冇壞

Karman28好用推薦：用過哂沙宣幾款洗頭水，真係唔岩我，每次用完，個頭都油至少一星期，髮根果度會出哂油，痴笠笠。

Hazel好用推薦：尼支洗頭水香味撲鼻，好快起到好多泡，泡沫豐富，感覺洗得乾淨，唔乾但唔覺好滋潤。

Hazel好用推薦：經常染頭髮，頭髮開始變得乾燥同容易有甩頭髮同斷髮嘅情況出現，髮尾亦十分毛燥無光澤。用同一系列嘅護髮素，佢哋都有保濕成份，用完頭髮變得好順滑，冇咁毛燥同有光澤左，冇咁易斷．

lingbb好用推薦：- 呢個牌子嘅香味我好鍾意，呢款帶有迷人果香更加鍾意。 - 使用後頭髮幾滋潤，少咗打kick，梳頭柔順咗 - 敏感肌要小心，呢個牌子嘅香料有機會致敏

Giselle 好用推薦：Essential 柔韌防斷髮洗髮露 700ml *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* Essential呢個牌子算係平價洗頭水牌子入面其中一個比較出名嘅( •̀∀︎•́ )✧︎呢隻算係佢其中一個常駐嘅系列，主打係修護受損髮絲同埋防斷髮( ˶ˆ꒳ˆ˵ )作為一個有漂染頭髮+每日set頭嘅人，我會覺得呢支嘅防斷髮效果唔係太明顯₍ᐢ ›̥̥̥ ༝ ‹̥̥̥ ᐢ₎雖然頭髮係變得無咁乾旱，但漂染完後嘅髮質都仲係好容易開叉同打結(꒦ິ⌑︎꒦ີ)用完後真係有少少失望( ･᷄-･᷅ )

Yoyo Sin好用推薦：平價好用洗頭水～ 平價又好用，洗完頭髮好滑，但缺點係唔太控油，唔太岩油性頭髮用

mavis好用推薦：覺得呢款比同牌子另一款髮尾油好用，頭髮明顯光澤度有提升，不過要小心用量，少少已經足夠搽晒髮尾

Hazel好用推薦：我鍾意佢浸味，淡淡花香，不過唔持久，佢好滋潤，擠少少用手搓開，已經足夠搽晒成個髮尾，感覺頭髮順滑左，有光澤左．

Rita Tai好用推薦：這款洗髮液我已經回購n次，幫助頭皮清潔，不黏笠，洗頭後頭皮感覺非常清爽，潔淨，淡淡的香氣是我喜歡的類型!!

Puffysheep好用推薦：買呢隻主要係因為覺得個成份都唔錯 洗完之後個頭唔會唔舒服唔會頭痕 我應該會回購 屋企人都鍾意 性價比高

Kura好用推薦：呢款經典乳髮乳對於我呢種受損髮質修復嘅效果非常好，味道好好聞，搽落髮尾都唔會覺得好油膩，用完之後頭髮易梳易打理，頭髮變得順滑，同埋價錢合理，cp值好高，產地係澳洲，推薦俾大家試下 @cosme

Hazel好用推薦：白色係damage care, 專為染髮人士用，我成日染頭髮就當然需要，用完感覺頭髮冇咁毛燥，有修護作用。

格仔餅公主好用推薦：質地流動性大，勁大陣香味，可以搓到大量既泡泡，洗完頭髮無咁乾但有少少笠，會好易塌