直髮 推薦好用產品

Chami好用推薦：多謝@cosme 令我有機會使用唔同嘅產品，今次係Rejoice 瞬效柔順護髮精華 (滋潤型)～ 當我報完名參加試用之後，偶然發覺網上面有人評價Rejoice嘅頭髮產品唔太好用，內容大約係講佢用Rejoice之後兩三日，頭髮好似有搽咗蠟嘅感覺，仲要打晒撠，佢嘅用後感非常唔良好。所以當我收到試用品之後，老實講我有少少卻步🥲，但係既然抽中咗，都需要履行試用者嘅責任，一直試咗~10日。可能一開始我既期望比較低，反而試用之後令我感覺幾驚艷。 顏色同質地同坊間嘅護髮精華差不多，但Rejoice嘅比較容易推開，都幾符合產品所講嘅《免洗瞬效柔順科技》 喺呢10日，我做左一個小小嘅測試：半邊頭髮用Rejoice免洗精華，另一邊就按照返日常嘅洗髮護髮程序。 相比之下，結果如下： 日常洗髮護髮程序 - 毛燥髮絲依然明顯，頭髮比較啞色冇光澤。 用左Rejoice免沖洗精華 - 頭髮毛燥感減少，雖然都仲有少少毛毛飛出嚟，但的確有明顯改善；而且頭髮帶有光澤。仲有一樣喺相度睇唔出嘅，就係用手摸頭髮嘅質感，有用Rejoice嗰邊摸落去好明顯順滑好多。 睇返產品簡介說明，滋潤型係加咗人蔘精華，有助滋養乾枯嘅

wawabibi好用推薦：多謝@comse抽中我 👩🏽髮質：頭皮油，髮尾乾 產品：Rejoice免沖洗瞬效柔順護髮精華 (清爽型) ，質地水潤，快吸收🧽，葡萄柚香味，夏天好岩用，清爽嘅味道。 因為系精華，濕髮上頭，就算搽到中段位置，吹乾都唔會有笠感，唔似用油咁要好小心，份量要小小咁上，又試過搽高小小到頭髮中段位置，吹完好似冇洗頭咁🫠 Rejoice就冇呢個問題，就算取嘅量多左，搽高小小，吹乾都完全冇笠感，而且頭髮明顯系冇咁毛躁，梳頭都冇咁卡！ 但其實我更鐘意第二日乾髮用佢，訓醒一覺，頭髮又再次毛燥打卡，亂糟糟咁，用佢再梳順頭髮，會瞬間唔毛燥，等佢吸收下，再夾直或夾曲，頭髮會比較有光澤咁～👆🏻剛訓醒嘅頭髮，毛燥打結乾燥！ 👆🏻用完，水潤順滑冇毛躁感！

heimen好用推薦：優雅風鈴草花香為髮絲沾上香氣 洗後秀髮散發出風鈴草花香，而且持久不散。 成日染燙頭髮，髮絲變得毛糙乾旱又易打結， 一向都少用髮膜，除左時間需性之外， 主因係因為好怕用完之後個種厚重黏膩感， 而且又會令到頭髮容易變得扁塌！ 好開心有機會透過@cosme試用L'Oréal Paris【透明質酸8秒水髮膜】， 係全新突破性水髮膜！只需 8 秒，髮膜如水般被頭髮迅速吸收， 一沖水就帶來柔順秀髮，輕易打造水潤輕盈空氣感！ 今次就實測左塗抹8秒後沖水，期間無須等待， 省時又方便，真係超方便啊！岩哂繁忙既都市人！ 透明質酸8秒水髮膜蘊含98%高純度透明質酸+保濕因子及高純度角鯊烷， 除左高效補水同時修補髮絲鎖水保護層， 其水狀質地更可以均勻包覆條條髮絲， 助我平滑頭髮、賦予輕盈柔順光澤感！！ 我通常會訓前洗頭，就算訓醒，髮絲依然柔順易打理， 唔會有毛糙打結情況出現，可以維持長效水潤， 加上佢既風鈴草花香好清新優雅，真係大推！！ Before: After:

Wenwen03好用推薦：感謝@Cosmo 邀請試用😆😆 覺講下我髮質：偏硬，天生鬈曲，髮量多，定期拉直頭髮（半年左右），有染髮 由於要湊小朋友既關係，都無太多時間管理頭髮，就平時原停去拉直、染髮造成很大傷害，想電內捲嗎？10個髮型師9個說我頭髮太傷，不斷做負離子，染髮的treatment，要停止呢啲行為一年先有機會改善髮質，回復頭髮彈性先得啦，但以我頭髮天生鬈曲的狀態下，我點會由得個頭變「爆炸頭」吖，見新出左「L’Oréal 8秒髮膜」就試試看啦😆😆 髮膜質地：水狀，不黏手； 味道：藍風鈴鈴蘭香，偏重氣味，洗頭後當晚仍會很香，若喜歡香味的朋友應該會很喜歡😊😊 用後感（濕髮情況）：使用在髮尾部分，用後不打結，用手指也很容易梳開頭髮，頭髮好像貼服過未用前，絲絲分明。 （乾髮情況）：髮質好像由偏硬變軟了，翌日起身後摸上去仍很滑身，第一，二日用後頭頂仍很爆炸，髮膜的香味仍很持久，很香（笑） 連續用了8日，髮尾沒有太多開叉情況，而且幾順滑唔黏結，之後都會keep住用😆😆

Nat好用推薦：好開心可以抽到試用法之羽KAMINOWA的全套生髮養髮產品，感謝@cosme! 今次試用的產品包括養髮液、生髮素、有機防脫洗髮露及護髮素。踏入30歲之後，新陳代謝減慢，頭髮生長速度開始跟唔上脫髮速度。本身我額頭比較高，近幾年髮線越來越後，額角就更加高，頭髮明顯比以前稀薄好多，所以近幾年亦嘗試了不少市面上的防脫生髮產品。 今次收到試用品之後，使用了大概一個月時間。 先講一下使用感覺（個人習慣每晚都會洗頭護髮，中性頭皮，中至乾旱髮質，不易出油）。有機防脫洗髮露： 香味方面，比較清新，氣味不濃烈，洗發後在頭上只有一點淡淡的留香。倒洗髮露在手心加水後，都算容易搓到起泡。洗髮效果乾淨，頭皮清爽。在香港炎熱又潮濕的夏天，第二日到下午時間頭皮都乾爽，晚上時間就會有少少笠，以防脫洗髮露來講，潔淨度都滿意。 護髮素： 香味和洗髮露一樣。洗髮後，稍微擰乾頭髮水份，搽上護髮素等幾分鐘後沖洗乾淨。吹頭之後，髮尾都有少少旱，我習慣使用髮尾油，所以護髮效果可以接受。始終是防脫護髮素，不要期望可以大

grace好用推薦：好開心抽到試用，在此先感謝@cosme及法之羽 KAMINOWA。 今次係試用呢套髮之羽嘅全套產品，包括洗髮露，護髮素，育髮液和生髮素。用左大約一個月，堅持每日都有用，喺呢度總結下心得。 先講下我本身髮質，有染熨過，加上30+ 後，頭翇開始變得幼細同稀疏，特別係分界線位置。今次試用KAMINOWA 生髮系列之前都有用其他防脫產品，髮量豐盈的效果都唔錯，不過有時會出現頭油，導致出頭瘡，有時會頭痕，所以都幾傷頭皮。 講下用KAMINOWA 髮之羽有機護髮素，佢有機成分，植物性低刺激，既做到控油淨化，又唔傷頭皮，洗完頭係好舒服，唔刺激。佢係淡淡的花果香，唔會太濃，味上去也自然舒服，洗頭都好ENJOY!我的髮質係中性偏少少油性，洗完頭好怕笠的感覺，KAMINOWA 的護髮素用完係做到清爽唔乾唔油，我覺得佢好適合我的髮質，所以我會繼續用落去。防脫方面，我用左整套育髮系列，脫髮的問題係改善左的，最基本因頭痕而傷頭皮的問題已經解決，最開心係每次梳頭時，掉髮的數量都少左！不過生髮的效果就唔係好明顯，也許頭髮生長周期較長，要持之以恆先見到效果吧！ 用之前 用左一個月後

Kriskirs09好用推薦： 已經係我用嘅第二支 第一次用落覺得都唔錯 所以去日本旅行嘅時候買咗第二支 用過唔同嘅髮尾油 呢一支個質地算係好輕薄我唧出嚟都係好流質 大致上嘅用法： 1. 頭髮半濕嘅狀態下 2. 將髮尾油喺手掌心搓勻 3. 放喺耳仔下面嘅髮尾 4. 髮尾大致吸收之後將手上面剩低少少嘅髮尾油撫平一下耳仔附近嘅頭髮 5. 繼續吹乾個頭 頭髮喺半乾半濕嘅狀態最容易吸收發尾油 同埋因為我電攣咗啲頭髮 頭髮都有受損同埋乾旱嘅情況 我會順住個頭髮電攣嘅方向一路按摩唔好睇我搽緊嘅時候隻手好油 佢一陣吸收完之後就一啲都唔會黏笠 使用嘅時候都要留意份量 唔好一次過貪心用太多泵 如果唔係嘅話個頭就會好笠變成一束束😖 份量用得適宜當吹乾之後頭髮會柔順啲 我把攣頭髮都打理得整齊啲 吹完頭都唔會去到好枯乾同埋混亂 （如果平時懶唔用髮尾油嘅話真係有一種雜草嘅感覺，仲會見到有啲明顯嘅開叉，比較乾燥🤢）真係有種健康頭髮絲嘅感覺✨PS搽咗髮尾油之後吹頭好似吹得快啲🤣

Fng好用推薦：🩷粉紅色盒Lucido美髮油繼續係我2025年回購清單上嘅美髮產品，佢質地輕薄，不黏笠，清爽好快吸收💯，淡淡香味，用後頭髮更有光澤， 大幅減低毛躁感，🤩最驚喜係斷髮大量減少💞， 我通常每次用電髮棒夾頭髮之前，都會搽一層先 ，保護髮絲。 🧡金色盒比粉紅色更滋潤些，粉紅色盒嘅油質比較流動性強啲，清爽啲，適合細軟嘅髮質使用， 所以我通常買粉紅色盒用👍🏻。💙藍色盒係比較厚身，近乎啫哩狀態，適合粗硬髮質使用。

JessicaB好用推薦：☔️「為雨天天而誕生の洗髪水 HIMAWARI 向日葵EX活養健髪系列」 由日本🇯🇵製造， 🧡從葵花嫩芽發精華中提取有機向日葵籽油，為髮絲造成天然保護層 🧡高效鎖水💧深層滋潤 🧡前中後調散發多層次香味及淡淡花果香 🧡注入氨基酸，溫和去除污垢，潔淨髮絲 🧡適合受損、幼弱和乾燥髮質 🧡重塑崩壞髮芯，令髮絲回復柔韌有彈力 🧡天然有機成分，無矽．減輕髮絲負擔

chasiutung好用推薦：之前喺日本買過同款 但係透明樽嘅 好好用 洗完頭滋潤順滑清爽不貼頭皮 頭髮有蓬鬆感 但係香港搵吾到 香港得依隻 依支都清爽 滋潤順滑 頭髮唔打結 但就無嗰種頭髮蓬鬆嘅感覺 不過都吾錯 幾好用

Kuma醬好用推薦：Sabon 的Patchouli Lavender Vanilla 廣藿香薰衣草香草香味是一個既高貴又療癒的香味，是Sabon最經典亦是獨一無二的香味。 揉合廣藿香、薰衣草、香蘭三種氣息，以獨特廣藿香喚醒感官，紫色薰衣草淡雅花香鎮靜放鬆心情，香蘭調和平衡，提振精神。 我覺得我以後都會購入呢隻香味嘅產品，請千萬不要停產啊！ 這個香氛雙重修護亮肌美髮油，可塗抹在皮膚和頭髮上，香港比較潮濕，很少機會可以塗在皮膚上，但我每天都會用來做頭髮護理，質感輕盈的護膚油能迅速被吸收，具瞬間滋養的功效，香味也後持久。 產品最大的缺點是瓶身的噴嘴不好噴油，不但油體難噴出，份量難控制，噴完後，噴嘴和瓶身滿是油，如果容器不改進，我下次未必再購入這個護膚油的產品了。

lovemon222好用推薦：我使用的是茉莉味，味道不會香精的味道，有別於平時聞到的茉莉味道，它帶有一點點香草的感覺。質地方面，流動性很強，有一點點像水劑，不會黏膩。冬天皮膚太乾燥，我平時是配合身體乳全身使用，按壓兩下已經很足夠，圖片可見，塗抹均勻後，皮膚光澤度很高，吸收很快。 因為護膚油可以供頭髮使用，個人用過兩次，覺得還是使用頭髮專用的護髮油會比較好，由於它油份比較多，潤澤度是有的，但若然份量控制不好，容易令頭髮過油。

Nicole 好用推薦：我的髮質是比較偏乾的，因為之前又染又燙導致 髮質很差，所以一直偏愛順滑的洗發水～ 這款洗髮水有修護功效，而且無硅配方，所以入手試試。 味道還是挺好聞的，草本味道；容易起泡，沖洗也挺方便，沖完水之後頭髮也挺順滑。

zzzhelen好用推薦：依款係好滋潤既洗髮水，用佢洗頭，秋冬乾燥天氣既頭皮唔會痕。另外，無矽黎講，得佢做到頭髮咁順滑。我仲好鍾意佢陣味，係好舒服既淡淡香氣，用佢洗頭係一個享受。我會配搭埋同系列護髮素一齊用 香港夏天用就會太滋潤啦，頭皮會好易出油。我會用同牌子既另一系列去洗頭 見我買咁多就知我有幾愛佢啦😆

Giselle 好用推薦：Taubaki 山茶花極致水潤亮澤護髮素 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前購入過⸜( ´ ꒳ ` )⸝♡︎雖然佢係主打水潤亮澤，但用完後我嘅乾性頭髮唔會變得有水潤咗( ･᷄-･᷅ )最多只係變滑咗少少(✿︎´ ꒳ ` )♡︎屬於中規中矩嘅護髮素₍ᐢ ›̥̥̥ ༝ ‹̥̥̥ ᐢ₎不過佢陣山茶花味好香而且算係幾持久( ˶ˆ꒳ˆ˵ )

natanatalie好用推薦：非常好用，尤其秋冬天氣使用，髮質有光澤又有滋潤感，而且髮絲很柔順。

綺羅香好用推薦：我本身有留瀏海，平時返工懶得噴定型水set頭，因為支定型水噴頭太勁，好易噴到塊面，尤其係化好全妝時，要搵嘢擋住塊面，乾咗之後瀏海好硬唔自然，係松本清閒逛時見到呢支瀏海定型棒，俾佢超大陣蜜桃香味吸引，就好奇買返嚟試試 支定型棒比睫毛液大一啲，刷頭上面沾滿定型液，只要梳想定型嘅位置就ok，撫平啲bb毛，又或者收起紮唔到嘅碎髮都超方便，乾咗之後唔會好硬，但髮型好固定hold到全日，點低頭啲瀏海都唔會跌落嚟遮眼，非常方便

Akassoo好用推薦：感謝 @cosme 抽中試用！呢支美髮急救棒實在太適合我用，作為一個有留瀏海嘅人，都會知道瀏海其實喺定型方面都幾考功夫，好多時候出去一大風就會吹散晒。 而呢支急救棒係睫毛膏造型設計，好方便攜帶出街，除咗瀏海之外、頭髮頂部同埋側邊啲碎髮/BB毛都會成日凌亂，呢個時候只要掃一掃就可以整返平佢。 以前有用過膏狀/液體狀嘅頭髮定型，但用完之後頭髮會變得硬，甚至好似出油咁樣勁唔自然，所以依家呢支急救棒就幫到我。 除咗可以定型之外，係搽上頭嘅時候亦都會有淡淡洗髮水香氣，都幾好。

JuneL好用推薦：這洗髮乳含有 44種天然萃取物, 且內含10,000ppm 的蜂蜜與夏威夷果仁油萃取物, 能幫助維持頭皮與髮絲的 pH 值平衡, 其植物性表面活性劑溫和清潔頭皮與毛髮!  最初買它是因為它的香味而買, 沒想到用後令我有驚喜, 我頭絲比較粗糙, 所以我定期都需要用髮膜為頭髮補濕順滑及滋潤, 不然頭髮會變得乾旱及毛躁! 而這款洗頭乳及護髮素, 不但香味是我喜歡, 連帶洗完後頭髮都變得順滑易梳, 也令我少用了髮膜!

JessicaB好用推薦：爽身粉香 🤍爽身粉香係熟悉嘅BB味道，每次聞到都感覺舒服、柔軟、係可愛嘅香氣，而KUNDAL蜂蜜&澳洲堅果天然洗髮乳（爽身粉香)溫和清潔頭皮與毛髮，洗頭時Relax同時又Refresh 香氣仲好持久🥰

Sarah好用推薦：Jadore 的依蘭依蘭味好吸引，由於無酒精，其實用落比香水仲舒服。

katrina523好用推薦：有Jadore的香味 但無酒精成份 唔hurt 頭髮 好好 香味無perfume 咁long lasting. But still ok

Hazel好用推薦：好鍾意佢個隻粉紅色，好靚，好少女再加埋佢甜甜嘅香味，未用已經蠃曬，令人賞心悅目，而且佢啲油質輕身，潤而不膩，令本來毛燥嘅頭髮變得順滑易梳．

lingbb好用推薦：- 質地係透明精油，味道係香檳蜂蜜味，甜甜的，仲有啲似蘋果味，好喜歡 -通常我係洗完頭，吹到八分乾就擦上去再將頭髮吹乾，頭髮變得柔順順滑，梳頭都梳貼服咗 - 隔日啲頭髮就唔再打kick，但頭髮好傷嘅呢枝就做唔到呢個效果

Milo101好用推薦：🌟感謝 @cosme 的贈品～ 第一次使用這牌子產品 🌟洗髮水是棕紅色，流動性高，香氣是草木味，像置身森林一樣，個人幾喜歡的 🌟容易搓起細緻的泡沫，過水時泡沫則不太多 🌟vegan，天然成份，包裝注明可以強韌幼弱髮絲 🌟效果是剛過完水後有點「塌」，配合同款護髮素使用，洗完頭吹頭後卻有驚喜：頭髮根部清爽乾淨，髮絲則柔順貼服 🌟我是及胸長髮，一包7ml可以有乾淨順滑效果 🌟感覺適合自己髮質，試用後可以回購的！

Nicole 好用推薦：棕紅色液體，流動性極強，像水一樣，草藥味道有點太濃，個人不太喜歡😅不怎麼起泡，以及一定要配護髮素使用，單用的話髮尾會有乾澀感。

Jane好用推薦：味道好香，係淡淡蜂蜜味好舒服好療癒！勁易起泡！兩下已經足夠我洗哂及胸既長髮！雖然主打保濕，但清潔力都好好，洗完完全冇油膩感！

msthea好用推薦：其實好耐之前已經見過呢個洗頭水覺得包裝超級靚，不過就貴咗啲 最近見到有優惠孖裝，就買咗嚟試吓 我都實在係唔想影相啦 首先用嘅時候覺得係比較黏嘅，不過隻味真係好香好舒服，唔會覺得好香精 好啦，用完之後覺得頭髮係超級超級超級滋潤啦 不過第二日起身不得了，個頭好似出晒油咁 好似兩三日冇洗頭咁，真係唔係好見得人 然後仲要個頭好痕…. 我諗可能乾性頭皮嘅人會比較適合啦….

Karman28好用推薦：呢支回購過四五次，我一般會配合番同系統的護髮素使用。覺得清潔能力不錯，不會令頭皮太油太乾，無頭皮。任何天氣都適合使用，價錢稍為貴少少，但都會考慮繼續回購。

agnessstang好用推薦：Moist Diane除咗Miracle you之外 其他系列嘅洗髮露同護髮素我都用過 呢幾年都係keep住用呢個brand 其實所有系列用落嘅質地同感覺都係差唔多 我自己髮質偏乾同毛燥 漂染過好多次💇🏻‍♀️ 髮量多+甩得多🤣 🖤黑色 深層修護 ➡️ 咁多款入面最潤 keep住用啲頭髮望落有smooth咗 🤍白色 滋潤亮澤️️ ➡️ 冇明顯覺得頭髮有光澤咗 用落同深層修護差唔多 但深層會再潤多少少 我自己使用率最高係呢款 🧡橙啡色 順直柔滑 ➡️ 冇撫平毛燥效果 唯一我冇再回購嘅系列 其他系列都有keep住交替使用 🩵藍綠色 清新水感 ➡️ 洗完明顯感受到比其他系列乾 比較適合夏天/油頭使用☀️ ❤️酒紅色 防脫髮 ➡️ 冇明顯感受到甩少咗頭髮 但夠潤 💙深藍色 夜間修護 ➡️ 近期新出嘅系列 修護感比深層修護高

Circlecyy20好用推薦：中等的護髮素 有一般的滋潤度 洗後不會黏笠 會有短暫順滑的效果

Tsyyy好用推薦：頭髮無咁毛燥 而且香味亦不錯

zetalhc好用推薦：清潔力效果普通，唔太容易起泡，容易出油嘅頭皮喺夏天用應該會覺得清潔唔夠強，效果普通

takemyokane好用推薦：洗髮露本身已含有護髮功能，適合想省卻時間的人。雖然低泡對喜歡有起泡感的可能不習慣，但沖洗後感覺是乾淨的。Sample 裝份量慷慨，足夠洗兩次有餘。

Milo101好用推薦：🌟透明洗髮gel狀，有玫瑰香氣，洗頭時很放鬆 🌟日本製，無矽配方 🌟效果正正常常，可以回購的

綺羅香好用推薦：受脫髮困擾咗好耐，髮際線年年上升，用咗幾款生髮液都改善唔到，後尾經同事介紹轉用呢隻牌子洗頭水，話經消委會證實係無矽，唔會堵塞頭皮毛孔，等毛孔通暢啲會容易生返頭髮出嚟，聽完就買咗支嚟用，唧出嚟係透明，有淡淡花香味，不過洗完香味無哂，頭髮好逢鬆，清爽，唔搽護髮素都唔會鞋，用咗一個月光禿禿嘅額角真係生咗啲bb毛出嚟，價錢又平，值得推介

格仔餅公主好用推薦：價錢抵玩，用完頭髮有陣香味，修護力好高可以令到啲頭髮睇落無咁乾同睇落毛燥都少左

natanatalie好用推薦：大眾化的價錢，天天用也不會心痛。質地不算很黏立，但是能夠撫平毛燥和開叉。

格仔餅公主好用推薦：好甜好日式既香味，唔會令人討厭，非常容易起到泡泡，過水都容易唔會話係咁殘留洗唔甩咁，用完之後啲頭髮好香keep到好耐

Sarah好用推薦：好香好用，用完唔太乾，欣賞佢無用致敏、矽和礦物油配方。唯一是價格比較貴一點。