直髮 推薦好用產品

JuneL好用推薦：這洗髮乳含有 44種天然萃取物, 且內含10,000ppm 的蜂蜜與夏威夷果仁油萃取物, 能幫助維持頭皮與髮絲的 pH 值平衡, 其植物性表面活性劑溫和清潔頭皮與毛髮!  最初買它是因為它的香味而買, 沒想到用後令我有驚喜, 我頭絲比較粗糙, 所以我定期都需要用髮膜為頭髮補濕順滑及滋潤, 不然頭髮會變得乾旱及毛躁! 而這款洗頭乳及護髮素, 不但香味是我喜歡, 連帶洗完後頭髮都變得順滑易梳, 也令我少用了髮膜!

JessicaB好用推薦：爽身粉香 🤍爽身粉香係熟悉嘅BB味道，每次聞到都感覺舒服、柔軟、係可愛嘅香氣，而KUNDAL蜂蜜&澳洲堅果天然洗髮乳（爽身粉香)溫和清潔頭皮與毛髮，洗頭時Relax同時又Refresh 香氣仲好持久🥰

Sarah好用推薦：Jadore 的依蘭依蘭味好吸引，由於無酒精，其實用落比香水仲舒服。

katrina523好用推薦：有Jadore的香味 但無酒精成份 唔hurt 頭髮 好好 香味無perfume 咁long lasting. But still ok

Hazel好用推薦：好鍾意佢個隻粉紅色，好靚，好少女再加埋佢甜甜嘅香味，未用已經蠃曬，令人賞心悅目，而且佢啲油質輕身，潤而不膩，令本來毛燥嘅頭髮變得順滑易梳．

lingbb好用推薦：- 質地係透明精油，味道係香檳蜂蜜味，甜甜的，仲有啲似蘋果味，好喜歡 -通常我係洗完頭，吹到八分乾就擦上去再將頭髮吹乾，頭髮變得柔順順滑，梳頭都梳貼服咗 - 隔日啲頭髮就唔再打kick，但頭髮好傷嘅呢枝就做唔到呢個效果

Milo101好用推薦：🌟感謝 @cosme 的贈品～ 第一次使用這牌子產品 🌟洗髮水是棕紅色，流動性高，香氣是草木味，像置身森林一樣，個人幾喜歡的 🌟容易搓起細緻的泡沫，過水時泡沫則不太多 🌟vegan，天然成份，包裝注明可以強韌幼弱髮絲 🌟效果是剛過完水後有點「塌」，配合同款護髮素使用，洗完頭吹頭後卻有驚喜：頭髮根部清爽乾淨，髮絲則柔順貼服 🌟我是及胸長髮，一包7ml可以有乾淨順滑效果 🌟感覺適合自己髮質，試用後可以回購的！

Nicole 好用推薦：棕紅色液體，流動性極強，像水一樣，草藥味道有點太濃，個人不太喜歡😅不怎麼起泡，以及一定要配護髮素使用，單用的話髮尾會有乾澀感。

Jane好用推薦：味道好香，係淡淡蜂蜜味好舒服好療癒！勁易起泡！兩下已經足夠我洗哂及胸既長髮！雖然主打保濕，但清潔力都好好，洗完完全冇油膩感！

msthea好用推薦：其實好耐之前已經見過呢個洗頭水覺得包裝超級靚，不過就貴咗啲 最近見到有優惠孖裝，就買咗嚟試吓 我都實在係唔想影相啦 首先用嘅時候覺得係比較黏嘅，不過隻味真係好香好舒服，唔會覺得好香精 好啦，用完之後覺得頭髮係超級超級超級滋潤啦 不過第二日起身不得了，個頭好似出晒油咁 好似兩三日冇洗頭咁，真係唔係好見得人 然後仲要個頭好痕…. 我諗可能乾性頭皮嘅人會比較適合啦….

Cosmeemee好用推薦：🗓️使用時間：持續使用半年 💆🏻‍♀️個人皮膚狀況： 混合乾性肌膚 頭髮屬中性偏乾性，有些少頭皮屑 夏天全日戶外活動，大約傍晚開始出油 皮膚有時洗澡後有敏感及易紅情況 使用產品後沒有任何過敏反應 🔽使用心得如下🔽 ⭐️綠色vs紅色髮醋： 原本我係先買紅色莓味髪醋，之後才買這款綠色辣木籽味～紅色髮醋較為保濕，清潔能力稍遜，而這款綠色髮醋就較清爽，清潔力亦比較高。專門店店員建議兩款髮醋隔天交替使用。夏天多油可用較多綠色髮醋而冬天就着重保濕多用紅色髮醋。（獨家使用方法請查看文末） ⭐️髪醋質地： 這款護髮醋採用清爽半透明的水狀質地,不會給人黏膩或沉重的感覺。塗抹在頭髮上時非常好吸收,輕輕用水沖洗已乾淨，不會殘留或積聚在髮絲上。 ⭐️控油功效： 能夠有效深層清潔頭皮,去除各種污染物和殘留物,同時也能夠幫助平衡頭部油脂分泌,使用後頭皮感覺更加清新爽潔。 ⭐️長期效果： 這款護髮醋還能夠幫助修護受損的髮質,使髮絲更加健康和光澤飽滿。髮醋中的pH值也有助於減少水垢積聚,使毛鱗片自然閉合,從而恢復髮絲的亮澤。 ⭐️產品成分： 我嘅皮膚容易敏感泛紅…洗頭產品會容易接觸到面部，而使用這款髪醋後皮

Emma W好用推薦：第一次接觸髮醋，覺得第一次聽，就試左Yves Rocher 的辣木籽排毒亮澤護髮醋。 先說明點用：在洗髮、䕶髮後使用，將適量髮醋放於頭髮搓均，包括頭皮部分，按摩2-3分鐘後用水沖淨。 一倒上手，就有一陣陣的香味。以為髮醋好乾，又唔係喎。使用後頭髮變得更加光滑亮澤，顯得健康有光澤。頭髮變得更容易梳理，減少打結的情況。感覺更乾淨，像是排除了積聚的污垢和產品殘留。 適合髮質：任何 成效度：4/5 質地：水狀

Karman28好用推薦：呢支回購過四五次，我一般會配合番同系統的護髮素使用。覺得清潔能力不錯，不會令頭皮太油太乾，無頭皮。任何天氣都適合使用，價錢稍為貴少少，但都會考慮繼續回購。

agnessstang好用推薦：Moist Diane除咗Miracle you之外 其他系列嘅洗髮露同護髮素我都用過 呢幾年都係keep住用呢個brand 其實所有系列用落嘅質地同感覺都係差唔多 我自己髮質偏乾同毛燥 漂染過好多次💇🏻‍♀️ 髮量多+甩得多🤣 🖤黑色 深層修護 ➡️ 咁多款入面最潤 keep住用啲頭髮望落有smooth咗 🤍白色 滋潤亮澤️️ ➡️ 冇明顯覺得頭髮有光澤咗 用落同深層修護差唔多 但深層會再潤多少少 我自己使用率最高係呢款 🧡橙啡色 順直柔滑 ➡️ 冇撫平毛燥效果 唯一我冇再回購嘅系列 其他系列都有keep住交替使用 🩵藍綠色 清新水感 ➡️ 洗完明顯感受到比其他系列乾 比較適合夏天/油頭使用☀️ ❤️酒紅色 防脫髮 ➡️ 冇明顯感受到甩少咗頭髮 但夠潤 💙深藍色 夜間修護 ➡️ 近期新出嘅系列 修護感比深層修護高

Circlecyy20好用推薦：中等的護髮素 有一般的滋潤度 洗後不會黏笠 會有短暫順滑的效果

Tsyyy好用推薦：頭髮無咁毛燥 而且香味亦不錯

Vivian好用推薦：低泡配方，清潔力及保濕力一般，用後不過不失，當時高度漂染後想找一支不會乾澀的洗髮水，感覺只適合冬天及乾性髮質

zetalhc好用推薦：清潔力效果普通，唔太容易起泡，容易出油嘅頭皮喺夏天用應該會覺得清潔唔夠強，效果普通

Milo101好用推薦：🌟透明洗髮gel狀，有玫瑰香氣，洗頭時很放鬆 🌟日本製，無矽配方 🌟效果正正常常，可以回購的

綺羅香好用推薦：受脫髮困擾咗好耐，髮際線年年上升，用咗幾款生髮液都改善唔到，後尾經同事介紹轉用呢隻牌子洗頭水，話經消委會證實係無矽，唔會堵塞頭皮毛孔，等毛孔通暢啲會容易生返頭髮出嚟，聽完就買咗支嚟用，唧出嚟係透明，有淡淡花香味，不過洗完香味無哂，頭髮好逢鬆，清爽，唔搽護髮素都唔會鞋，用咗一個月光禿禿嘅額角真係生咗啲bb毛出嚟，價錢又平，值得推介

格仔餅公主好用推薦：價錢抵玩，用完頭髮有陣香味，修護力好高可以令到啲頭髮睇落無咁乾同睇落毛燥都少左

natanatalie好用推薦：大眾化的價錢，天天用也不會心痛。質地不算很黏立，但是能夠撫平毛燥和開叉。

格仔餅公主好用推薦：好甜好日式既香味，唔會令人討厭，非常容易起到泡泡，過水都容易唔會話係咁殘留洗唔甩咁，用完之後啲頭髮好香keep到好耐

Sarah好用推薦：好香好用，用完唔太乾，欣賞佢無用致敏、矽和礦物油配方。唯一是價格比較貴一點。

Kura好用推薦：呢款洗頭水冬天用都算ok，比較偏潤身嘅洗頭水，加水都可以起到好濃密嘅泡泡，用完頭髮會容易偏油，防脫髮生頭髮效果係一般，用完頭髮蓬鬆感一般，價錢偏貴，用完係唔會想考慮回購嘅一款洗頭水，產地係係西班牙 @cosme

JL好用推薦：年齡增長、生活壓力、飲食習慣等都會影響頭髮健康，自小沒有注意頭皮健康，以致現在開始有掉髮問題，所以選擇頭髮洗護產品時都比從前謹慎。 這瓶特效治療系列的防掉髮護理浴髮專門乳針對細軟易掉髮質，能深層淨化頭皮毛囊，有健康的頭皮才能將養分送到髮絲。使用一星期後明顯見到掉髮減少，而且很喜歡洗頭後那種輕盈感，全日都很乾爽但又不會出現痕癢，真是很出色的洗髮水，絕對會再回購！

Hchan好用推薦：本身髮質是自然捲，容易飛散，平日年無論垂髮或束髮後都需要大量的定型噴霧定型，不到半天又亂掉，後來看見這枝定型泡沫很便宜就買來試試，發現在整理好或梳好頭髮塗這枝也有撫平毛燥髮絲的效果，後面再補上少量定型噴霧維持外型即可，可持續整天效果也不會亂掉，會一直回購。

Giselle 好用推薦：Liese 彈性定型泡沫 160ml *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 之前見佢幾平所以入手咗( ˙༥˙ )呢款係主打可以做到持久自然嘅髮型，但老實講用完係真係比較失望( ･᷄-･᷅ )我嘅頭髮屬於偏細偏軟嘅髮質，一般出門嗰陣我都會用比較幼嘅捲髮棒去set類似羊毛捲嘅髮型(◍︎•ᴗ•◍︎)但噴完呢支嘢後就唔知點解連門口都未出我嗰髮型就會變成咗波浪捲(꒦ິ⌑︎꒦ີ)而且如果噴得比較集中or噴嗰陣太靠近頭髮就會有一簇頭髮會因為噴到太多噴霧而變得超級僵硬唔自然(●︎`^´●︎)如果係同我一樣頭髮比較幼同軟又一般想整捲度比較小嘅小夥伴就真係唔太建議入手哦(◞︎‸◟︎；)

Kura好用推薦：係我好鍾意用嘅一款玫瑰味髮膜，味道好好聞，好似置身於玫瑰花海入面嘅味道，用完呢款髮膜頭髮會變得更加有光澤，易打理，對於修復髮尾乾枯特別有效，雖然價錢偏貴小小，但都值得一試，產地係澳洲，推薦俾都有頭髮護理嘅朋友 @cosme

Clara Ying好用推薦：幾好用嘅護髮產品，就算只係幾分鐘，都會令頭髮好柔順，可以好好咁改善左我所有的分叉斷裂髮質，玫瑰味都很香，用落好舒服。

Tobimak好用推薦：去澳門玩嘅時候揀咗一間歐舒丹做主題嘅酒店，所以可以試到好多歐舒丹產品，而其中一樣就係草本療法修護護髮素了。  呢隻護髮素有一陣草本味，但不是特別香。佢唔似普通護髮素咁樣一搽上頭就會有種順滑感，所以有種卡住卡住嘅感覺，不能為我頭髮解結，要慢慢拎把梳黎梳順佢先得，一不小心更會令頭髮斷開，所以稍為麻煩。而且用完之後亦沒有順滑感，亦沒有覺得頭髮健康咗。 呢個產品我不會考慮回購，因為只是有種為用而用嘅感覺，沒有效果。

940727.0好用推薦：早排好高興可以再次抽中體驗活動，今次check頭皮測試嘅時候，最後店員俾咗個護髮素sample我試。當晚就即刻用完洗頭水，再用呢一款護髮素。我覺得唔錯有淡淡花香味；而且洗完頭乾淨住頭髮順滑。

Noel好用推薦：Damage remedy 使用方便，只要取適量塗到髮尾，不用沖水👍 懶人都愛用吧？產品呈乳白色，乳液狀，我主要塗到髮尾，作受損修護，使用後髮尾有光澤感，變得順滑，喜歡❗

YolandaAuYeung好用推薦：用後受損的頭髮變得更易梳理，頭髮變得柔滑、觸感柔軟，更有助防止斷裂。

Kura好用推薦：用完頭髮變得好清爽好蓬鬆，非常順滑，控油效果都唔錯，味道好聞，唔會好濃烈，加水起泡，但泡泡唔會好多，過水清洗後頭髮變得非常乾淨，cp值高，值得推薦，產地係澳洲 @cosme

Kanice好用推薦：因為係有機天然產品 用前以為唔會好多泡、唔會洗得太乾淨🫢但用黎發覺洗完頭髮非常清爽 洗緊果時仲有淡淡既香味😍個人都幾鐘意， 係價錢偏貴，性價比唔係非常之高，但會再回購 (可能等上網買有折果時🤭)

Blueblueblue好用推薦：想買多個直髮夾夾瀏海，所以平平地買左呢個24mm 夾。 香港用一個加轉插，預熱都好快。

jackielai好用推薦：200蚊左右就有個正常size嘅直髮夾，真係好抵買，而且仲可以調較溫度，最高可以去到200度。我平時用開160度，夾完啲頭髮都keep到大半日，日日用都唔覺得特別傷。我喺日本買嘅時候仲送埋個拉鍊袋，帶去旅行用都好方便，適合新手想買直髮夾但budget 唔多嘅人。

inkitsung好用推薦：因為個味好吸引所以買，但實際又唔太啱我呢啲漂染頭髮～ 洗完都仲係覺得偏乾同埋唔夠蓬鬆～

LorraineTsung好用推薦：呢款洗頭水每次洗完香味都仲會keep到好耐 唔洗洗到頭髮打卡一舊舊 而且都幾順滑 平價之選黎講都值得入手