劉肥貓好用推薦：我啲皮膚雖然係油性但我啲膚色好白 而且皮膚好薄 好容易敏感 所以到咗秋冬天寒冷天氣 我會轉用Fancl f dr 呢個系列護膚品 呢個系列係比濕疹 超乾燥超敏感皮膚用 完全唔刺激 而且保濕保護力都好強 呵護脆弱肌膚 滋潤度足夠但唔會黏笠

choichoi好用推薦：不知為什麼肌膚的狀況就是起伏不定，有時候可以一粒青春痘也沒有非常細緻，但是就像最近青春痘又來了，使用上它來洗臉有種平衡肌膚感，又不抽乾水份，有助協助穩定膚質

Karychung好用推薦：味道好香 聞到好舒服 精華有20 ml 岩岩好 都幾保濕 面膜唔笠 幾適合夏天用 面膜幾貼面 感覺唔錯 

Noel好用推薦：Kose cosmeport 產品一向高 CP，這款黑糖精 premium面膜，官方宣傳：一枚等於化妝水，美容液，乳液，精華及面霜。面膜紙比較一般日本面膜要薄，剪裁很貼面👍不過面膜精華液略為少，只有 20ml，敷 10分鐘ok，敷 15分鐘就太過了！ 使用這個面膜後，皮膚感覺滋潤，可用作化妝前的補濕打底。如果用作冬日保養，就有少少不夠力。至於一枚六投的功效呢，一般般，還是老實用精華液及面霜做 follow up 更實際！

mavis好用推薦：滋潤度比想像中高，個人覺得有少少太滋潤，都係用返普通嗰款就足夠了，呢款應該比較適合乾燥天氣使用

Angie好用推薦：每次見到自白肌呢個牌子都會忍唔住入貨，雖然唔係超級好用，但係勝在性價比高，保濕效果都唔錯

格仔餅公主好用推薦：去痘印效果幾好，舊左黑灰個啲會淡小小，但新既痘印淡化效果梗係會明顯過舊既，同埋搽左呢支野個位感覺無咁易再生痘 如果想成臉美白呢佢可能就唔太岩你啦同埋佢有啲油唔好大大撻撻上臉呀油到爆呀，提埋你開封左就快啲用唔好等因為佢會氧化到時你見佢變哂色以為佢壞左就唔好啦

lingbb好用推薦：質地係帶有深啡既精華，推開上面都有顏色，香味係一般維他命C既味，我欣賞佢係試過最杰身既維他命C，美白功效要時間先睇得到效果，但目前無敏感。

greenk好用推薦：已經成為我日常一定必備嘅精華！ 佢收毛孔同去暗粒嘅效果超級明顯，用咗一排之後皮膚真係會變得平滑。質地比較稠，但完全唔會笠，一年四季都用得。 配合埋呢個牌子嘅B13一齊用，簡直係無敵，塊面會變得又滑。

lingbb好用推薦：- 呢款精華香味算係咁多枝入面最易接受， - 質地黃色黏黏地上面推開就快吸收 - 配搭其他精華一齊使用，皮膚明顯亮白，毛孔更細緻 - 會回購

lingbb好用推薦：- 好貴嘅面膜，主要係面膜冇香料、敏感肌急救用 - 面膜充滿住好杰嘅精華液，令成塊面膜變得好貼面，讓皮膚快速吸收成塊面膜嘅精華。 - 使用完泛紅位明顯白咗，滋潤度滿滿，飲飽水嘅感覺

Nora好用推薦：利申 做左高能量醫美同埋又熬夜肌 首先精華吸收度好好，精華液係有一定稠度，但好貼面唔會話滴到周圍都係。 然後佢嘅吸收度好好，短短敷左15分鐘，但你已經感覺到皮膚係變得充滿水份嘅光滑，水潤而唔會立痴痴，同埋大大舒緩醫美後既泛紅。 最後佢feel到成份安全溫和，對皮膚冇刺激感，亦都冇香料成份。 咁佢都有缺點，就係面膜紙既眼位係偏細，不過佢紙質都易撕開，可以撕番合適嘅位置。

blackisrule好用推薦：最近係IG見到 一開始都係抱住試下嘅心態 諗住佢又平又大枝 成300ml 估唔到 超驚喜！ 我係混合肌偏油 有時化妝化得多會生暗粒 但又清唔到 用咗一排 真係粒粒少咗好多 洗完好水潤 唔會有拉址個種乾嘅感覺 但又洗得好乾淨 質地幾得意 有啲細細粒嘅綠色粒粒 真心推薦 買一枝可以成家一齊用 haha

PP好用推薦：大大枝勁抵用，泡沫細滑棉密🫧 仲可以洗走彩妝殘留物同毛孔既污糟嘢，用完塊面覺得好清新，唔乾澀，摸上手觸感軟滑，CP值高！

Angie好用推薦：質地比較輕身，用落皮膚負擔感唔重，吸收得好快，做到即時保濕效果👍🏻 會考慮購買正裝🙆🏻‍♀️

lingbb好用推薦：- COLLAGEN系列嘅產品都含有三種膠原蛋白：膠原蛋白、彈性蛋白和透明質酸，此外，含有法國直接進口的優質原料Gattefosse成分，有獲得專利的11種成分，毛孔+彈力專利原料 - 主打補水+彈力+自生 - 質地係白色乳液狀，香味淡淡幾舒服，同爽膚水一樣瞬間吸收， - 成個系列一齊用，絕對改善皮膚乾燥問題，皮膚唔錯會覺得平平無奇，乾肌應該幾鐘意👍🏻

Angie好用推薦：包裝顏值100分 💯 一拎上手已經覺得好有質感✨✨✨ 精華偏啫喱狀，敷上面嘅時候比一般面膜舒服，用完皮膚好水潤，值得回購👍🏻

lingbb好用推薦：- 購物時嘅贈品 - 面膜充滿非常多啫喱嘅精華，面膜紙好柔軟貼面，上臉好冰冷 - 面膜含3種膠原蛋白:水解﹑水溶﹑彈力膠原蛋白,Triple collagen complex，８種大小分子透明質酸。 - 敷完面部即時非常保濕有彈性，緊緻方面唔出色 -適合鬆弛肌膚﹑乾燥肌

Angie好用推薦：比起普通嗰款精華液真係濃好多，一到出嚟已經覺得厚身好多，所以會係比較乾燥或者開冷氣嘅時候使用，保濕力唔錯

mandy好用推薦：自白肌  玻尿酸濃密保濕精華液EX Extreme Hyaluronic Acid Essence   來自台灣統一 的 自白肌  玻尿酸濃密保濕精華液EX, 在韓國製造。  我很喜歡 玻尿酸濃密保濕精華液EX 的質感是清爽水感易推, 有適量滋潤度, 但不黏笠。如果想按摩臉部, 也可使用此款保濕精華液。一瓶40ml 保濕精華液 給我極速用完了。不含酒精, 色素及 香料，敏感肌也可使用。 價位便宜，性價比較高。  含保濕成分: 玻尿酸鈉, 甘油, 雙丙甘醇, 醣基海藻糖, 水解透明質酸 及 白茅  鎮靜消炎成分: 尿囊素 及 甘草酸鉀