護膚成份 推薦好用產品

lingbb好用推薦：- 採用10%脂溶性維他命C，高穩定、高滲透、高轉化率達84%，主打俾敏感肌都用得既亮白產品。質地淡黃白色輕盈快吸收，我用完呢枝就用ÜberZinc 物理防曬⾯霜，全面阻擋UVB、UVA，同埋藍光！ - 皮膚的確有提亮同均勻膚色，令肌膚有明顯⽩淨有光澤

Yeeting 好用推薦：完全感受到隱形看孔嘅感覺。 敷咗大約20分鐘，洗面後感受到毛孔好乾淨。 皮膚白淨左啲，最緊要毛孔明顯收細咗💚

blackisrule好用推薦：最近係IG見到 一開始都係抱住試下嘅心態 諗住佢又平又大枝 成300ml 估唔到 超驚喜！ 我係混合肌偏油 有時化妝化得多會生暗粒 但又清唔到 用咗一排 真係粒粒少咗好多 洗完好水潤 唔會有拉址個種乾嘅感覺 但又洗得好乾淨 質地幾得意 有啲細細粒嘅綠色粒粒 真心推薦 買一枝可以成家一齊用 haha

PP好用推薦：大大枝勁抵用，泡沫細滑棉密🫧 仲可以洗走彩妝殘留物同毛孔既污糟嘢，用完塊面覺得好清新，唔乾澀，摸上手觸感軟滑，CP值高！

Fng好用推薦：Korres wild rose 🌹 brightening absolute oil 野玫瑰維他命C美白抗皺精華油，它係似水狀嘅精華油液狀， 流動性強，不厚，以精華油嚟講，算輕薄類型。 佢有淡淡玫瑰香味，擦上面好快吸收咗，味道一陣就散去。它樽底有玫瑰花瓣，玻璃樽身，望落去 覺得好療癒❣️，最令我驚艷的是它補水效果十分明顯🫶，夜晚搽咗，去瞓完一覺，朝早起身皮膚水潤Q彈😍，本身它主打美白抗黑色素沉澱+抗皺紋，美白功能暫時不太明顯，應該要一段時間才見效。 我有試驗過朝早搽，再上primer加粉底液，都冇打交狀況， 十分適合秋冬天使用，令粉底更貼服。👍🏻

Kiki好用推薦：用完後皮膚緊緻、收細毛孔、保濕，會配搭美容儀導入，第二日都覺得皮膚水潤、有光澤

Josephine Ng好用推薦：PDRN 精華，塗抹後皮膚更有光澤 對修護毛孔很有幫助 比一般的精華更加杰身

Meoww好用推薦：初初用都只係有少少拮拮地嘅感覺，完全吾覺得痛，精華吸收得好快，皮膚會光滑明亮有彈性。質地亦都吾笠，用後感覺好清爽，日日都可以，暫時嚟講用過最好用嘅微針精華，CP值極高，有優惠會再回購多幾支😍

Jeniel好用推薦：呢罐面霜打開已經聞到陣淡淡嘅蜂蜜香，質地係好厚嘅乳霜狀，望落已經覺得好滋潤。搽上臉嗰下感覺好厚實，推開要花少少時間，但吸收之後皮膚好似有層保護膜咁 對於我呢啲熟齡乾肌嚟講，秋冬用佢非常合適。用完第二朝起身塊面仲係軟熟有光澤，完全唔會乾繃繃或者甩皮。不過如果係夏天用，呢個滋潤度就真係太Over，感覺會焗住塊面，混合肌或者油肌可能要諗清楚先入手。 整體嚟講，呢罐面霜係乾肌同熟齡肌嘅秋冬必備之選！ 滋潤度： ★★★★★ 吸收速度： ★★★☆☆（需要時間吸收） 適合季節： 秋冬 適合膚質： 乾肌、熟齡肌 #Farmacy蜂蜜面霜 #秋冬乾肌救星 #熟齡肌之選 #火熱新品

Hannah好用推薦：呢款保濕面膜係我不斷回購啲其中一樣product，溫和保濕，而且pump裝設計既方便又衞生 只需要使用5分鐘就可以做到保濕修護，好啱朝早趕時間用。如果時間稍充足，我會敷耐少少，效果更好 有時做完醫美皮膚痕癢敏感更可以敷佢嚟做舒緩 唯一考慮係價格稍高

Kate好用推薦： 包裝好精美，敷完即時見到效果，會白滑左👍🏻 精華都好多，可以搽埋手同頸😆

Kmggigi好用推薦：SkinCeuticals 雙效淡斑防曬霜 SPF 50採用輕盈水潤嘅質地， 推開時非常順滑，完全冇厚重或者黏膩感， 吸收力極高，用完之後皮膚感覺清爽又舒服， 特別適合日常使用。 防曬霜可以自然提亮肌膚，令膚色更加均勻， 有健康嘅光澤感，而且用後皮膚非常貼服， 唔會同之前用嘅護膚品打交，完全唔會影響後續上妝，仲幫助妝容更持久，係妝前打底嘅理想選擇！

橘子貓好用推薦：霜包油的質地，上臉很易吸收，不過要小心會跟啫喱狀的精華打架起屑屑，所以我一般在晚上用。 額頭皮膚因為青春期曾經長期長痘後一向比較粗糙，用多少護膚品都改變不了狀況。用了一個月左右活膚霜後，額頭皮膚光澤好多了，朋友更笑稱我開始「印堂發光」🤣！全面皮膚柔軟了，護膚品比之前易吸收。下巴經常長小痘痘、黑頭，摸上去凹凹凸凸，現在也平滑不少。 很多護膚品的功效都是維持肌膚狀態，或者補水滋潤，而ReVive的活膚霜則是我用過少數能突破肌膚現況，令皮膚更上一層樓的面霜！ 推薦混油肌或油肌試用。

Meme166好用推薦：萬寧特價百零蚊， 查喺眼部周圍滋潤唔怕太笠， 仲可以查全面， 唔肉赤。我多數查完眼周圍，會查埋嘴角。

Noel好用推薦：品牌送出的小贈品 🥰 個人比較喜歡 EA 銀色膠囊系列，比較金色及粉色更為有效（頭盔：對個人而言啊！笑）這個淡斑精華質感有驚喜，不是水，又不是油；而是啫喱狀的，流動性很低。塗到面上會聞到維他命C果香 🍋 而啫喱狀的精華很快被皮膚吸收，所以我一般塗上兩層👌 使用後感覺斑紋淡了一點點，而重點是皮膚細緻了，紋理有點撫平效果啊💕

wingshan1124好用推薦：用落有淡淡玫瑰香味，遮瑕度都ok，搽完塊面有光澤感，不過我有時嫌沾太多塊面會好似好膠好膠咁，多數會溝d爽膚水先搽，感覺會均勻同薄d，整體很滿意！

sp_113好用推薦：一直用緊B5 gel，夏天夠用，但一到冬天就覺得唔夠保濕。每次用完好快就乾燥返，底層仍然好缺水，有種治標唔治本嘅感覺。睇完YouTube 袁彌明介紹吸引左去買，結果成為最愛，已經回購四五支！ ✅改善乾燥&泛紅 B3會刺激皮膚生分子釘，皮膚就可以鎖水同減少乾燥。依支B3 13%濃度高，所以效果顯著。長期用膚質有改善，感覺有修復皮膚底層，無以前咁易甩皮同泛紅。 ✅容易吸收 質地係水狀，搽完好快吸收，唔會笠痴痴 ✅成份安全 成份簡單安全，敏感皮膚適用

Hannah好用推薦：一款令面部油脂分泌平衡嘅產品 用完第二朝已經明顯唔會出咁多油，毛孔較幼細 質地易吸收

lingbb好用推薦：- 15%果酸及水楊酸一步溶解多餘油污及黑頭，即時疏通毛囊、去除過剩角質死皮，使後續護膚精華更吸收，重拾細緻零毛孔。 - 對我黎講好方便而且效果幾好，因為我係好唔鐘意去美容院針清，戴口罩關係下出多咗油，黑頭都多咗， - 我會局部查鼻清黑頭，佢亦可以全面查去角質，要等10分鐘後先會再用其他精華，始終佢係果酸。 -使用後皮膚更白淨﹑有光澤，後續精華都快吸收。 - 而且生完既暗瘡快好返👍🏻

PP好用推薦：棉片Size超大，壓紋面去油去角質，再用光滑面濕敷，滋潤皮膚紋理，size夠大兩三下就抹完面同頸，但記得要輕手啲，用完塊面好光滑😍 紅印都淡左，及後再搽護膚品都更加吸收！ keep住用左一星期，每日一次，粒粒少左，毛孔都細緻左，滑左好多～

🌸好用推薦：我用呢個係舊版嘅包裝嚟，用咗差唔多一年，感覺上皮膚真係有明顯嘅改善。減退左一啲細紋。佢嘅質地滋潤得來，又唔會好笠。敏感肌都啱用。

Fng好用推薦：ELIXIR Enriched Clear Cream｜ 熟齡混合肌嘅💕美白彈力💕晚間修護之選！ 香港冬天又乾又凍，加上室內暖氣抽乾水份，熟齡混合肌真係要揀一支夠滋潤但又唔會太厚重嘅晚霜。ELIXIR呢支「Enriched Clear Cream」，主打美白+彈力雙重修護，實測兩星期同大家開心share！ ❄️ 質地與膚感：豐潤但唔黏膩 官方建議晚間護膚最後一步使用，取一粒珍珠大小就夠全臉。質地係豐潤嘅乳霜狀，推開時感覺滋潤度十足，但吸收後唔會「黐笠笠」，皮膚係柔軟有彈性嘅觸感。有用家分享，即使用喺乾燥冬天，都唔會有繃緊感，對熟齡肌好友好。 ✨ 針對熟齡混合肌表現（香港冬天）： · 美白淡斑：含有傳明酸等美白成分，能抑制黑色素生成，預防色斑形成。用咗兩星期，最明顯係膚色均勻咗，冇之前咁暗沉灰黃 · 彈力緊緻：配合提拉手法按摩，可以提升肌膚彈性，改善鬆弛問題。用完之後兩頰有飽滿感，毛孔睇落都細緻咗 · 保濕續航：喺暖氣房過夜，第二朝起身塊面仲係水潤柔軟，冇乾到繃緊，呢點對混合偏乾肌好重要 💡 冬日使用技巧： 1. 「珍珠大小」就夠：官方建議一粒珍珠大小，多出嚟可以搽頸部 2.

natanatalie好用推薦：貴婦級的面霜🤤 呢個品牌嘅護膚品我每次用都覺得功效幾好，性價比唔錯，今次試左呢款品牌中算比較貴嘅淡斑面霜！🙆🏻‍♀️ 面霜質地唔算特別清爽，有一定滋潤度，但我油肌步向初衰老嘅肌膚嚟講，都算ok，尤其開冷氣用佢就覺得好正！🥰 推開會感覺到滋潤感覺，肌膚會𣊬間變很好柔軟好軟熟，改善粗糙感嘅效果好強！用左一排，除左覺得肌膚細緻左，面上嘅痘印都有少少減淡，效果好滿意！❤️

Rachel Hui好用推薦：質地比想像中輕爽，味道清香。 用後沒有悶出暗瘡或粉刺。降紅舒敏效果佳。 使用感舒適。 缺點…沒有想像中滋潤。保濕效果偏清爽，皮膚乾敏有效舒緩，但對於乾燥脫皮，保濕效果不算找久。