找產品
保養成分 推薦好用產品
788 件
Jcxjessie好用推薦：今次用咗嘅係CeraVe 全效保濕修護精華 咁呢我通常都係洗完面用完爽膚水然後就會搽精華。一擠出嚟嘅時候呢，見到佢係白色有小小似cream，感覺有少少厚身，但係呢又好容易推開，推開咗之後有少少似Gel狀。 我本身係乾性皮膚，有時候會乾到出油。今次用咗呢支精華之後呢，佢嘅質地好清爽，用完之後覺得啲皮膚好柔軟同埋好滑，而且冇出油脂粒。用完之後我全日都冇出油冇敏感，做到長效鎖水，滋潤到我嘅肌膚。
<看全文>So Fun好用推薦：這個品牌之前一直有聽過，但一直冇用過，係睇YouTube嘅時候Dr grace介紹過，後來去做完美容嘅時候，連美容師都有介紹，所以就更加有信心去購買，謝謝精華算很常用，很容易吸收，用後沒有黏立感，感覺很好，很大機會會繼續回購 
<看全文>
Wuxx好用推薦：好辛苦咁用完佢枝精華之後終於要再次回歸翻底霜嘅懷抱～ 我諗皇牌就係皇牌，真係唔係亂出新嘢就可以取代到佢嘅地位～ 好多人話feel唔到佢有咩特別， 如果你問我佢勁嘅位， 我會話佢可以令所有難用嘅粉底都變得好用左。 好多時買新粉底翻黎， 頭幾日都覺得買到神器好開心， 之後個幾日就會覺得粉底好似變左質， 甚至乎會怪氧化左。 其實就算晚晚訓得好/差唔多， 皮膚都會有好多因素令到訓醒有變化。 偶爾訓醒會臉乾，毛孔粗大左，容易卡粉， 都可以用佢黎助攻一下～ 擦上臉用手摸雖然會有輕微嘅黏膩感， 但同唔透氣/皮膚悶住感覺唔一樣。 係個種皮膚灌滿保濕之後上左陣保護膜嘅感覺。 正係依個質地嘅關係， 可以同底妝好好咁融合埋一齊， 上完嘅底妝會更貼膚。 無搽嘅時候肌膚紋理相對明顯，比較有顆粒感 搽完面霜皮膚會有種澎彈感，毛孔都隱形哂！ 當然無可能100％無毛孔，但成個妝感真係會好好多～ 個人覺得因為好保濕，所以會更適合乾肌同混合肌。
<看全文>Fng好用推薦：個人膚質係混合性偏乾肌，用咗bobbi brown vitamin enriched face base即時保濕大幅度提升 💚質地似厚身乳霜，但推開後好快吸收，兩頰即時冇繃緊感，T字位亦唔會油立立。 💚後續上粉底完全冇卡粉，毛孔都睇落細緻咗！ 💚配合粉底液使用後，底妝明顯貼服好多，冷氣房8小時都冇爆皮或浮粉，尤其適合「粉底常龜裂」嘅乾肌人，亦可粉底液混1粒綠豆大嘅面霜，底妝會更貼更透亮。 💚它淡柑橘香好療癒， 香味清新唔人工，朝早用即刻醒神～ 💥如果濕度爆錶嘅日子，單用會覺得皮膚「唔透氣」，建議薄塗或夜晚當睡眠面膜用。 😍另外一種用法: 厚敷5分鐘當mask，之後用紙巾印走多餘面霜，即時拯救脫皮位！ 📢 總結** Bobbi Brown維他命營養面霜，雖然價錢稍貴，但真心做到「護膚+妝前」二合一效果！特別推薦俾 香港夏天開冷氣嘅混合性乾肌人，用咗之後底妝持久度同貼服度都大提升～
<看全文>
Liu CC好用推薦： AHC是我使用多年的韓國藥妝牌子，我十幾年前已經有用開它的透明質酸系列，之後隨著年齡增長又轉用AHC的紫色A醛系列，效果不錯，所以我對這個牌子是很信賴的。 剛好我的面霜用完，就想試一下AHC這款B5益菌修護霜，選用它的原因是我的皮膚最近因去海灘游水暴曬導致有少許泛紅過敏問題，而這款面霜含有的維他命B5和益生菌萃取成分有修復維護皮膚屏障的功效。 使用過這款面霜後，我認為它是一款十分適合秋冬季以及脆弱易敏感皮膚的面霜。它的質地如同乳酪一般細膩濃稠，滋潤的同時又不會太過油膩，應用於面部後皮膚看上去水潤有光澤，還可以有效鎮定敏感泛紅的臉頰部位。 氣味方面，這款面霜是無香的，如果你不喜歡有香味的面霜，也可以考慮一下這款。 附上包裝盒上的成分表： 成分表的Google中文翻譯：
<看全文>Kura好用推薦：呢款面霜質地偏滋潤，我鍾意冬天用，搽上臉需要按摩五分鐘先開始吸收，用完皮膚會變得好水潤，面霜帶有少少香味，唔難聞，我用咗一個月左右皮膚就開始有變化，整體膚質變得細緻咗，保濕效果唔錯，係唔錯嘅冬季面霜，值得一試 @cosme #火熱新品 #火熱新品 #火熱新品
<看全文>
mysecretgarden好用推薦：呢支精華水完全唔係我諗嗰種杰撻撻嘅精華質地。倒出嚟係好似水咁，流動性超高，仲要係透明冇色嘅。慣倒啲喺手心，然後直接按上塊面度。佢真係吸收得好快，基本上你按多兩按，捽多兩下，已經完全食咗入皮膚度，冇嗰種黐立立或者好似有層薄膜咁嘅感覺。成個過程好乾爽，但同時你又會feel到塊面係飲飽水，摸落去好軟熟。對於驚黏膩嘅人嚟講，真係一流，亦都唔驚太焗會生粒粒。朝早趕住出門口，啪咁一層上去，再搽防曬都完全冇問題，唔會搓泥。  我皮膚比較容易敏感，所以換新產品嘅時候都要小心處理。我特登查過佢個成分表，係冇加酒精同香料嘅，我用落都冇咩敏感嘅情況 。 我用咗之後，最大感覺係之後再搽面霜，吸收得好咗。朝早起身，塊面依然keep到水潤，冇之前咁易出油 同埋摸落去，有種飽滿咗嘅感覺。至於抗皺呢啲長遠功效，就要再睇耐啲先知。 如果你係追求快吸收、水感、同溫和嘅，真係可以一試。以咁嘅價錢，有咁嘅質地同保濕力，性價比幾高。當然，冇得拎佢同千幾蚊嘅專櫃品牌比較啦。但作為一支日常打底、基礎保濕兼帶點抗老功能嘅精華水，佢絕對合格。
<看全文>Sakura醬好用推薦：人生建議：呢套先係乾皮糙臉嘅天命抗老水乳！ 塊面又乾又糙又有乾紋細紋又暗啞冇光嘅人，都要去用OLAY大紅瓶！！ 講真，呢套抗老水乳我先用咗無幾耐，仲要係三日打魚兩日曬網咁用，成塊面已經肉眼可見！好水嫩！好細滑！ 皮膚質感直接next level咗！首先啲乾紋細紋直接俾佢潤到平伏咗，而且唔知係咪錯覺，覺得皮膚比以前更加瑩潤透亮。 然後一捱夜就又粗糙又乾瘪嘅面珠墩，居然飽滿咗好多！unbelievable!!!! 成塊面唔會再似之前咁殘樣，連毛孔超大嘅出油區望落都細緻咗！！成個皮膚質感特別特別顯貴！！ 而且OLAY呢啲大牌子，你永遠可以相信佢落足料，一套抗老水乳主打四重胜肽！再乾瘪嘅臉都可以同你嘭返起，再粗糙易生紋嘅皮都同你拉平！佢唔單止可以提升膠原蛋白，等你塊面更豐盈飽滿，仲可以促進彈性蛋白，成塊面好似水煮蛋咁嫩彈嫩彈，真係靚到爆！！ 再加埋肌肽同VE，清除自由基抗氧化，你想暗啞都難！包含玻尿酸在內四大補水保濕系統，幾乾嘅臉都可以同你補到足！保濕水嫩成日！ 皮膚質感一點點咁改善，塊面成個水嫩細滑，仲滑捋捋咁！
<看全文>
布吶吶好用推薦：La Roche-Posay Mela B3 淡斑精華實測 「塊面啲印幾時先肯走？」 呢個問題唔知困擾咗幾多人。暗瘡印、雀斑、色素沉澱好似黐身膏藥咁，搽幾多遮瑕膏都治標唔治本。法國藥妝王牌 La Roche-Posay 推出嘅 Mela B3 淡斑精華，近年成為香港藥妝店熱賣淡斑神器，究竟係咪真係 work？ 【主打功效】 1. 針對色素沉澱：淡化痘印、雀斑、曬斑、暗瘡印 2. 均勻膚色：提亮暗啞肌膚，減黃氣 3. 保濕修護：含維他命B3（煙酰胺）同埋La Roche-Posay溫泉水，舒緩肌膚 【核心成分】 · 維他命B3（煙酰胺）：阻截黑色素轉移，改善膚色不均 · 甘醇酸 + 水楊酸：溫和代謝老廢角質，令皮膚更透亮 · La Roche-Posay溫泉水：抗刺激、保濕，減低酸性成分帶嚟嘅刺激 【使用感受】 1. 質地： 白色乳液狀，推開清爽唔黏膩，吸收得快，油皮同混合皮都唔會覺得厚重。 2. 溫和度： 雖然含酸類成分，但用落唔會刺痛（除非皮膚極度敏感），溫泉水成分有助鎮靜。 3. 效果： · 淡印速度：對於新嘅紅色痘印，大約1-2週見到明顯變淡；
<看全文>Kitty 好用推薦：La Roche-Posay B3 精華真係色斑救星~用咗半個月：毛孔靜咗、膚色亮咗、印淡咗！ 講真，當初買呢支La Roche-Posay B3 精華係貪佢B3 + 專利抑制黑色素成分呢個組合夠穩陣。我本身混合肌，T字位油到反光，兩頰敏感易紅，下巴仲有啲陰魂不散嘅暗粒同痘印⋯⋯結果用咗兩星期，竟然有驚喜！ ✅ 優點：淡印亮膚 + 收毛孔 + 保濕 1️⃣ 啲印真係淡得快咗！ 以前啲紅印冇兩三個月都唔肯走，而家早晚用，新紅印 1 星期淡七成，舊啡印都慢慢變淺，好似塊面乾淨返咗！ 2️⃣ 暗粒同毛孔靜咗好多！ B3（菸鹼醯胺）果然係抗炎能手！T字位出油少咗，毛孔冇以前咁張開，連下巴啲摸到但擠唔出嘅閉口都平伏咗～ 3️⃣ 美白同時保濕！ 質地係粉紅色凝露狀，推開好水感，吸收後皮膚係潤而不膩。修復皮膚屏障同時提升皮膚自身保水力。 ⚠️ 注意位：初用可能有啲拮？ 頭兩日搽上臉有微微刺癢（尤其爆痘位），不過唔會紅腫。櫃姐話係B3起緊作用，叫我減量（隔日用）。果然第3日就冇事～敏感肌建議先試局部！ 💰 性價比：貴得有道理？ $500+ 一支（30 ml）唔算平，但成分乾淨（冇
<看全文>
Kitty 好用推薦：話說前排成日熬夜，塊面開始有啲墜墜哋嘅感覺，睇落冇咁精神，於是拎出上次Clarins sales送嘅呢支Extra-Firming面霜sample來用。一打開樽蓋就聞到陣好舒服嘅植物清香，唔會太濃，好放鬆～ 質地係creamy但唔黐笠，推開之後好快吸收，有滋潤感，但唔會留低一層油光。對我呢個T位油、面頰乾嘅人嚟講，呢個平衡度做得幾好！ ✨ 上臉感受： 搽上面嗰陣感覺好柔滑，皮膚摸落去軟熟咗～最驚喜係後續上妝唔會同底妝打交，唔會搓泥或者搞到粉底一撻撻！之前用過其他抗老面霜，好多時太潤會令妝容溶得快，但呢支完全冇呢個問題。 ✨ 效果分享： - 緊緻度：用咗大概一星期，覺得塊面嘅線條冇之前咁模糊，尤其係下巴同頸位，感覺托得幾好。 - 飽滿感：皮膚睇落冇咁攰，尤其係朝早起身，冇之前咁浮腫同暗沉。 - 保濕力：秋冬用都夠力，唔會繃緊，但如果你係極乾肌，可能夜晚要加多層精華。 ✅ 優點： - 清爽得嚟有足夠滋潤，混合肌真命天女！ - 香味高級，用嗰陣有種護膚儀式感。 - 真係有即時緊緻同平滑效果，急救一流。 ⚠️ 注意位： - 如果你追求極速V面，可能要靠美容儀配合，呢
<看全文>Chloeincosme好用推薦：CLARINS 呢枝「彈簧霜」係Cosme 好高分！簡介話佢用左嶄新科研 [COLLAGEN]³膠原三重煥活科技：三步重塑膠原—增生、優化、鞏固。 今次買左枝細枝裝試下，每晚用完精華就搽佢。質地好滋潤！上臉有一層薄薄既保護層，但唔會太油笠笠，好滋潤保濕，係冷氣房成晚，佢都夠滋潤令皮膚唔會被抽乾晒水份！ 用左一個星期feel到皺紋淡左（尤其係臉部表情紋），但比較深既紋例如魚尾紋就未見效果（但係深信用耐啲應該OK ！）。蘋果肌睇落飽滿左，好驚喜既係收毛孔都有功效！！！以淨係用左一個星期黎講效果已經好滿意！適合中熟齡肌既大家！♥️ 總結： 保濕： 🌟🌟🌟🌟+0.5 抗皺：🌟🌟🌟🌟🌟 油潤：🌟🌟🌟🌟 緊致：🌟🌟🌟🌟🌟 收毛孔：🌟🌟🌟🌟+0.5 會回購大枝裝，希望可以淡化表情紋🥹 #面霜
<看全文>
Emily Leung好用推薦：講起呢支 #科顏氏維C淡斑精華 真係要大力推！ 用咗半支已經想同佢平反 之前聽人講話會『癢身』 其實係維C喺度努力工作緊啊！ 質地係透明水感 上臉吸收得快 頭兩次用會有微微刺刺哋嘅感覺 （櫃姐話正常，建立耐受就得） 果然第三日開始就冇事喇 最驚喜係額頭啲痘印 淡咗超多！ 成塊面睇落勻淨咗 冇以前咁『花面貓』 同埋透白感係由內而外咁發出嚟 唔係死白嗰隻 而家化妝唔使特登用遮瑕膏蓋黑眼圈 慳返唔少時間 會繼續回購嘅一支！
<看全文>Kk.ac好用推薦：Kiehl’s 醫學維C淡斑精華，透明感up up up✅ 🧡顏色：透明 🧡氣味：有淡淡的香味，不刺鼻 🧡質地：流動性高，但會黏笠 💛產品賣點： ✔️ 顯著減淡色斑大小及密度，抑制黑色素沉澱 ✔️ 促進膠原蛋白新生，肌膚顯著飽滿亮澤 ✔️ 均淨膚色，讓肌膚更光滑通透，促進老化角質代謝 *･゜ﾟ･*:.｡..｡.:*･･*:.｡. .｡.:*･゜ﾟ･*･゜ﾟ*:.｡..｡. 🩷肌膚： 我本身混合偏油肌膚、毛孔細、皮膚有光澤。但有爆瘡的問題，特別眉心跟下巴位 🩷夏天護膚流程： 日間：清水洗面➡️爽膚水➡️眼霜➡️精華，如果要出門就塗防曬 夜間：洗面奶➡️爽膚水➡️眼霜➡️精華 🩷使用量： 一滴管或兩滴管，臉上每個位置都塗滿精華 🩷用後感分享： 整體來說令到個人氣色變好，散發飽滿感同透明感💗化妝時沒有搓泥，就是摸上臉還有點黏笠 痘印：⭐️⭐️⭐️⭐️ ▫️針對黑色痘印是有顯著效果，能夠減淡痘印；紅色痘印則因應痘痘發炎的程度而比較慢變淡 淡斑：⭐️⭐️⭐️ ▫️有少少改善，但色斑還在。可能長時間使用才有更明顯 毛孔：⭐️⭐️⭐️ ▫️不明顯，或許我本來毛孔細看不出 提亮：⭐️⭐️⭐️
<看全文>
Emily Leung好用推薦：日本Freeplus洗面奶，敏感肌最愛的洗面奶！ 這款日本氨基酸洗面奶，讓肌膚感受真正的潔淨體驗，用後肌膚細膩水潤，零刺激。深層清潔的同時，讓肌膚補充水分。洗後一點都不繃緊，毛孔清透，皮膚水潤通透！ 🫧氣味：不含香精和酒精，沒有很刺激的味道，淡淡的味道。 🫧泡沫：輕輕搓揉就能打出細膩泡沫，霜狀質地很綿密。 🫧清潔度：洗得乾淨，洗完臉上是潤潤的，沒有油感。 🫧乾澀：洗後不乾澀，很舒服的。 混油敏感肌用這支真的很安心！臉洗乾淨了，且不會過度清潔。用了半年狀態變好，不長痘痘了，肌膚敏感的狀態也好轉許多，十分推薦！😘😘😘
<看全文>楊壯碩好用推薦：「Freeplus mild soap」產品測評： 包裝：5/5 ▶️Squeeze tube包裝走極簡風，較為輕盈，使用時方便控制用量。 ▶️每支100克的容量可以直接帶上飛機，不需要托運，它的travel friendly也是我喜歡的一點，不需要再買旅行裝。 效果：4/5 ▶️可以溫和有效地清潔面部皮膚。 ▶️用它洗面後，面部皮膚不會感到乾燥或受到刺激。 ▶️清潔力度較弱，可以用來洗去皮膚上出的汗和油以及沾到的灰塵等污染物，但不能洗掉防水防曬及彩妝，需要額外使用卸妝產品。 成分及配方：5/5 ▶️它使用的主要表面活性劑是Potassium Cocoyl Glycinate，一種氨基酸起泡劑，非常溫和，比較少會刺激皮膚，敏感性膚質的人也可以使用。 ▶️不含香精等致敏成分，更為安全。 ▶️我用pH值試紙測試了其酸鹼度，可見它的pH值在5到6之間（如上圖所示），屬於弱酸性，與人類皮膚天然的pH水平（約5.5左右）相近，這會對皮膚的健康和生態比較友好，因為太酸性和太鹼性的清潔劑都可能會有誘發過敏及炎症反應的風險。 綜合評分：4.7/5
<看全文>
Chloeincosme好用推薦：因為轉季期間皮膚容易泛紅敏感，所以買咗 肌研舒緩修護精華 嚟用！特別留意到原來呢款精華原產地係韓國，一直以為係日本野？😂 🤍 舒緩退紅：4/5 積雪草配方，我敏感發紅時厚搽一層，訓醒泛紅明顯減退，連敏感紅印都消得快咗 🤍 保濕渗透：4/5 透明質酸加積雪草組合又補水又鎮靜，質地有少少杰，但等多陣就完全吸收 🤍 膚感體驗：4.5/5 大多數積雪草嘅產品都會笠，但呢枝唔太會 總結： 肌研呢支精華對舒緩同保濕都做得唔錯，尤其適合皮膚敏感時期使用。用咗一段時間，皮膚狀態穩定咗，會考慮繼續用落去～如果你都係容易泛紅又怕黏膩，不妨試下！
<看全文>Fanc好用推薦：之前都有用過其他款嘅肌研精華，我覺得肌研Cica精華係一款非常有效嘅修護精華，依款產品入面含有積雪草同埋4種透明質酸，能夠係夜間進行修護，舒緩泛紅嘅肌膚，而且可以強化皮膚嘅保濕能力。👍🏻👍🏻 我用左依款精華之後，發現我嘅塊面變得更加平滑，細緻，減少左泛紅嘅現象。除此之外，肌研Cica精華嘅質地非常輕盈，好容易就吸收，唔會令我覺得塊面好油或者黏笠。😬 我特別鍾意夜晚用佢，因為可以成晚都持續滋養住我嘅肌膚，等我朝早起身果陣可以擁有更加健康，亮白嘅狀態。我係好推薦肌研Cica精華比所有想試而又需要修護皮膚嘅人用。☺️
<看全文>
Kitty 好用推薦：【實試分享】理膚泉 B5 精華 - 冷氣房救星！保濕力爆燈💦 夏天必備！ 最近天氣熱到爆炸🔥，成日要長駐冷氣房，塊面乾到好似沙漠咁，仲有啲位會繃緊甩皮... 真係好炆！聽人講La Roche-Posay 隻B5修復精華好勁，話保濕修復一流，專對付乾燥敏感。忍唔住手入咗支，用咗一排，真係要同大家講：嘩！真係得喎！冷氣房保濕救星非佢莫屬！ 💙 ✨ 重點感受：保濕效果真係超！級！掂！ 1. 即刻飲飽水嘅感覺💧： 支精華質地係帶少少杰身嘅半透明gel狀，推開係超！級！水！潤！。一搽上塊面，嘩，好似乾咗嘅海綿遇到水咁，咻一聲即刻吸晒落去！吸收得勁快，皮膚即刻有種飲飽水嘅滿足感，摸落去係軟熟咗、潤咗，但個表面係有種滋潤嘅清爽感！呢點對夏天嚟講真係超重要！ 2. 冷氣房長效鎖水💨❄️： 重點嚟啦！以前喺office/屋企長開冷氣，未到中午塊面已經乾到攝住，甚至會出少少乾紋。用咗呢支B5精華之後，情況真係大大改善！佢嘅保濕力唔係得個“即”字，而係好持久。就算對住部冷氣機直吹幾個鐘，塊面都keep住係潤澤有彈性，冇咗嗰種扯住扯住嘅乾燥感同繃緊感。佢入面有維他命原B5 (Panthenol) 同
<看全文>royu3好用推薦：這枝B5 精華真的拯救了我的皮膚！ 這陣子因壓力、轉季各種原因⋯ 除額頭以外位置、反複出現過敏反應 未開封前是密封包裝，確保新鮮。開封後可換成滴管，方便使用時控制份量。沒香味，無酒精，顏色是半透明的。 屬流動性不高的精華液， 卻比相像中易被皮膚吸收，沒有殘留感， 與其他護膚品的相容性也高！用後降紅許多了、而且感覺有加快皮膚修復 印痕也比之前淡化得快。 就算沒有肌膚問題，用作補濕也是非常適合👍🏻 一定會再回購！
<看全文>
Desse好用推薦：Innisfree彈力緊緻輕盈面霜 Collagen Green Tea Ceramide Bounce Cream ⭐️含600億海藻膠原蛋白同綠茶神經醯胺，主打提升肌膚彈性同持續72小時補水💧 質地輕盈但滋潤，推開好順滑 好快吸收，唔油膩，適合乾性同混合肌用💓 🧏🏻♀️🧏🏻♀️ 用咗幾日就感覺毛孔細緻咗，肌膚彈潤飽滿，細紋亦有少少淡化❤️ 保濕得好又唔會黏笠，冬天用特別幫到乾燥脫皮情況 🔔🔔唯一要留意係，質地偏濃厚，夏天可能會較悶厚，秋冬用最啱💪🏻
<看全文>Lumi Kwan好用推薦：佢個花名真係好吸引，叫做ballon cream，一聽就知係為咗撐起肌膚而設。最令我吸引嘅，就係佢賣點係可以重拾心形面，蘋果肌膠原流失，係好多女人都會經歷嘅問題。 先講個質感，感覺好輕盈，同一般嘅膠原面霜唔同，唔會有好厚實嘅感覺，佢非常之容易吸收，而且冇香料，仲要係vegan認證，呢一點已經好吸引我。 至於保濕力方面，當然佢會比一般聲稱保濕為主嘅產品較弱，但香港嘅天氣絕對可以接受。我用咗兩個星期，皮膚好明顯有向上提拉嘅感覺，而且蘋果肌都有飽滿嘅效果，非常之推薦大家使用。
<看全文>
Fng好用推薦：NIVEA呢支開架身體乳，標榜美白+保濕，喺香港夏天用，性價比確實唔錯！ 質地與黏膩度：👍👍👍 (合格過關) 佢係輕身嘅乳液質地，非常容易推開，吸收速度算快。完成後皮膚有即時滋潤感，但唔算厚重。喺冷氣房下使用，膚感舒服，冇黐立立。 保濕度：👍👍👍 (中規中矩) 對於混合偏乾肌，佢嘅保濕力夏天用係足夠嘅，能解決日常乾燥，令手腳皮膚摸落滑溜咗。但對於極乾燥部位（如手肘、腳踝），就要補多層。 美白效果：🤔 (要耐心) 用咗一支，感覺皮膚有輕微提亮同均勻膚色，冇之前咁暗啞 🎯可能係我心理作用🔍。但真要見到明顯「美白」效果，相信要持續使用更長時間，唔好期望用一支就白幾個度。 總結： 以開架價錢來講，佢係一支唔錯嘅夏日日常Body乳液。保濕力夠，質地算清爽，兼有少少提亮效果。最緊要係平價大支，點用都唔肉赤！適合追求基本護理、怕黏膩但又需要保濕嘅用家。
<看全文>維他他好用推薦：講下NIVEA支美白乳液先～我用咗三支左右啦，美白效果就唔算好出眾囉，不過咁嘅價錢（大概五十零蚊）都算抵用嘅！質地的確幾輕薄，搽完吸收得快，唔會黐立立，當日常保濕乳液用都OK嘅。保濕度普普通通，正正常常咁啦。希望繼續用落去會睇到透亮效果啦，畢竟佢話有80倍維C同8種果萃精華～平平哋keep住用都抵！
<看全文>
Kmggigi好用推薦：HR Replasty 修復晚霜 — 高效修復，減淡泛紅細紋✨ 效果: 呢款晚霜嘅修復效果非常顯著， 使用後可以有效抑制泛紅同減淡細紋， 尤其適合需要修護嘅脆弱肌膚，幫助重建健康膚質。 雖然晚霜本身滋潤度唔錯， 但對於乾肌用家，如果皮膚屏障唔算好強， 建議搭配保濕精華一齊使用， 可以進一步改善乾燥問題，令修復效果更加全面。 總結：修復力一流，脆弱肌膚的完美選擇 HR Replasty 修復晚霜以強效修復力見稱， 能有效舒緩泛紅同減淡紋路， 對於需要修護嘅肌膚非常適合。 如果你係乾肌，用前搭配精華使用， 就可以更好發揮晚霜嘅修復力量，絕對值得一試！
<看全文>rebecca_zwing好用推薦：HR黑繃帶晚霜其實我用咗好幾年，一直效果都好好，我中間都有轉過其他牌子，但係都係覺得呢個特別好用💗💗💗💗 佢嘅質地唔會太油膩亦都唔會太乾，搽上塊面嘅時候你會感受到個吸收好好，有一個好獨特嘅絲絨質感❤️佢可以加速細胞嘅再生，激活膠原蛋白👍🏻👍🏻👍🏻 使用之後，係可以明顯地見到細紋淡咗，而且個皮膚係緊致到好咗好多，我今次加埋佢嘅小露珠精華使用，效果提升左👍🏻👍🏻👍🏻 真心好鍾意呢罐黑繃帶，我係會繼續使用嘅🤗
<看全文>
Desse好用推薦：上個月去fresh補貨，撞正品牌送sample活動❤️ 可以慢慢試，好正❤️❤️❤️ 今次先介紹～ Fresh Tea Elixir Serum⭐️ 💓有效成分： APT茶複合物 - 改善肌膚紋理 煙醯胺 - 均勻膚色 五千道爾頓玻尿酸 -深層保濕 神經醯胺 - 修護肌膚屏障 ⭐️同時具備多重功效結合，主攻保濕、修護同提亮 實試驗驗🧏🏻♀️🧏🏻♀️🧏🏻♀️ 大約用咗4包～12日 💡質地 質地係輕盈嘅乳液狀 好容易推開而且迅速被吸收，使用後肌膚柔滑不黏膩，仲帶有淡淡青草茶香，感覺清爽又舒緩😌 💡適用膚質 適合多種膚質，包括敏感肌！ 我做完醫美後泛紅同敏感狀況明顯改善 皮膚變得更有光澤 💡功效 用咗3日後，原來嘅泛紅感覺減退咗 10日左右會見到細紋減淡咗，臉上有水潤感💓 總結嚟講🧏🏻♀️🧏🏻♀️ Fresh Tea Elixir 是一款集保濕同修護功效於一身嘅精華，特別適合敏感肌或者醫美療程後用⭐️ 如果budget許可，建議一試❤️
<看全文>Wenwen03好用推薦：買了好幾支fresh 的火山茶激活精華，忍唔住要上黎分享下呢支精華😆😆 講下呢支精華既效用先：火山茶激活精華擷取出源自毛里裘斯火山茶的活性成分，為肌膚注入如火山茶的頑強活膚力量，激發細胞能量，加速代謝循環，啟動自身基因調節機制，鞏固肌膚適應力及防禦力，讓肌膚變得強韌，深層提昇整體膚質，維持肌膚穩定狀態。 瓶身設計：方便，用泵抽取自自己要既份量，唔會倒多倒少。 精華質地水潤，但唔黏稠，塗上臉上很快被吸收，呈透亮飽滿既狀態，之後塗埋face cream 便完成😊😊 用完會繼續補貨😁😁
<看全文>