找產品
護膚成份 推薦好用產品
876 件
Candy Mak好用推薦：今日想同大家分享Fresh 大豆卸妝潔面乳用後感。 1️⃣首先講講品牌方對產品的特色描述： - 低泡的豐盈泡沫，輕鬆卸除妝容和防曬霜而不令肌膚乾燥 - 維持肌膚的 pH 值及築起肌膚保濕屏障，即時鎮靜明顯泛紅 2️⃣再同大家分享本人用後感 (油肌，毛孔粗大)潔面乳質地呈透明微黃色gel狀，因為較流質Gel狀嘅關係，每次洗面都要唧出較平日洗面膏多少少嘅份量洗面，唧出如車厘子大小嘅潔面乳就可以。每次洗面都先洗濕塊面，再唧出上圖份量嘅潔面乳喺手，加少少水就可以打出泡泡，其泡泡會較其他洗面膏嘅泡泡稀，稍為按摩泡泡就會消散😅最後把臉部洗乾淨就可以。 跟著再同大家分享用後感：第一次用確實唔慣，因為見到Gel狀、稀嘅泡泡，就會質疑洗得乾唔乾淨；而且味道有d 青瓜味，第一次用有d嚇親；但其實用後皮膚唔乾，感覺柔軟；可以當潔面產品用，但用來卸妝就不太建議，因為太溫和。
<看全文>YYeman好用推薦：🌱Fresh大豆精華溫和卸妝潔面乳🌸 我對潔面嘅要求：要卸到淡妝、要溫和、洗完面唔可以乾繃繃...Fresh呢支大豆潔面，居然全部做得到！ 試用之後發現，日常嘅唇膏、粉底，用佢都洗得乾淨，清潔力夠曬強！最緊要系洗完塊面系潤嘅，完全冇嗰種乾澀感，就算系皮膚狀態唔好嘅時期用都唔會有負擔。 初頭用嗰陣有啲困惑：用手搓真系一啲泡都冇㗎！後尾摷返個封緊塵嘅起泡網出嚟試，正到爆！啲泡沫幼細到好似打發得啱啱好嘅蛋白霜，搽上塊面超舒服！原來呢個先系正確嘅打開方式。 唔起泡系特點而唔系缺點，配返個起泡網就用得溫柔又乾淨，完美體驗～
<看全文>
Paris merci 好用推薦：幾款睡眠面膜之中依款係有添加積雪草成份，積雪草有效舒緩皮膚。我買佢係因為之前皮膚有啲泛紅，所以想買嚟試一試，用咗之後就覺得修復效果好一般。 質地係乳霜質地，搽上面之後皮膚會有一種搽面霜嘅感覺，偏向油膩少少，如果係油性皮膚可能有機會起粒粒，反而乾性皮膚就比較啱用。如果呢種質地我會作為塗抹面霜比較好，作為睡眠面膜不太舒服。 我用佢化妝之前full 10分鐘，皮膚好滑，而且化妝都好貼服，皮膚變得嫩滑，效果較好💕
<看全文>Jasmine Yuen好用推薦： 1. 舒緩肌膚：能夠有效地舒緩敏感肌膚，減少紅腫和刺激，使肌膚更加舒適。打斑後用可以舒緩肌膚。 2. 深度保濕：含有豐富的保濕成分，能夠深度滋潤肌膚，讓肌膚在整夜睡眠中得到深度滋養和修護。即使開冷氣1晚後，翌日仍有滋潤感。 3. 提升肌膚彈性：含有多種保濕成分和修護因子，能夠提升肌膚的彈性和緊實度，讓肌膚更加年輕有彈性。 *有支棒棒刮面膜出黎，感覺很衞生
<看全文>
Chloeincosme好用推薦：🤍 泡沫質地：5/5！Bifesta呢支碳酸泡沫潔面真係一按即出超綿密泡沫～啲泡沫細緻到好似忌廉咁，可以輕鬆深入毛孔，按摩嗰陣感覺好舒服，仲有淡淡清新香味！ 🤍 清潔力：4.5/5！清潔力真係冇得輸～可以有效溶解多餘油脂同污垢，洗完面個感覺好清爽，我諗應該好適合油性同混合肌 🤍 保濕度：3/5！對於乾肌來講，用完之後唔會即時有繃緊感，但保濕效果就真係一般，建議洗完之後要即刻做保濕步驟☺️ 🤍 對抗黑頭/暗瘡：4/5！持續使用覺得毛孔有變乾淨，黑頭問題有輕微改善，而且因為清得徹底，暗瘡都生少咗～不過要徹底解決黑頭可能都要加返深層清潔產品！ 總結： 如果你係油肌/混合肌，或者追求強力清潔同豐盈泡沫感，Bifesta呢支碳酸潔面絕對係平價好選擇！佢嘅細緻泡沫同清潔力真係冇得彈，不過乾肌朋友就要注意保濕跟進～整體來講性價比高，用來做日常深層清潔唔會令你失望！
<看全文>Fng好用推薦：Bifesta 碳酸潔面泡沫 清爽型 膚感同清潔力 作為混合偏乾肌，香港夏天成日面油出汗，但兩頰同眼底偏乾，揀潔面產品好頭痛。Bifesta呢支碳酸泡沫一按就出到超綿密嘅泡沫，好似忌廉質地，上臉好舒服，完全唔需要再打泡。用佢做晚間清潔，輕輕按摩已經可以帶走多餘油垢同防曬，沖水後感覺清爽，但唔會有乾燥感，對於T字位油、面頰乾嘅人來講，平衡度做得幾好。 同價位品牌比較 同樣開架價位，唔少人會揀Biore或者Cow Style嘅泡沫潔面。Biore泡沫相對冇咁實淨，消泡快，清潔力對偏油肌可能唔夠持久；Cow Style就溫和但去油力稍弱。Bifesta碳酸泡沫嘅優勢在於泡沫密度高，吸附力強，清洗毛孔油脂效果更明顯，同時保濕感比一般清爽型產品好少少，適合香港又濕又焗嘅天氣。 整體評價 總結嚟講，呢支潔面係夏天混合肌嘅穩陣之選——方便、爽快但唔過度抽乾。如果兩頰極乾的話，建議只重點清洗T字位，或者轉用滋潤型。至於性價比，佢同其他開架品牌價格相近，但碳酸泡沫嘅使用感同清潔效率略勝一籌！
<看全文>
Desse好用推薦：喱排中完甲流，成個皮膚狀態差到不得了.. 平時用開嘅product通通唔啱用，又要再試過🫠 唯有打開個櫃咩都用吓🫥 Benefit Cosmetics 的滑溜美肌輕感保濕霜（The POREfessional Smooth Sip Moisturizer） 一款針對毛孔粗大同油光問題嘅輕盈保濕神器，比較適合油性或混合肌，主打撫平毛孔同時全天保濕，係毛孔護理系列嘅產品 質地👉🏻啫喱狀水潤，推開超順滑，吸收好快，幾秒鐘就乾身，唔會黏膩，帶淡淡清新香味 👉🏻維生素 B3 菸鹼醯胺成分幫手平衡油水平衡，用咗幾日，毛孔膠落緊緻咗，膚質更均勻有光澤 👉🏻早晚潔面後用比較理想，夏天可以獨立保濕都夠力 缺點呢… 秋冬唔太啱用，可能係保濕力對乾肌嚟講稍弱，需要配面霜鎖水 油敏肌嚟講比較啱用 🥸總結嚟講，呢款輕感保濕霜係毛孔急救型產品 性價比高，油肌值得入手！
<看全文>choichoi好用推薦：輕盈的保濕霜像流動的啫喱般透薄，稍稍按摩便被吸收而且臉是滑的不會卡卡的，因此上妝前使用也沒有跟粉底產品打架而起屑，日間晚上保濕也適用
<看全文>
Bendict好用推薦：都係好物分享😹 之前皮膚敏感 買左好多抗敏感嘅product La Roche-Posay 呢支B5 light cream真係敏感救星 我用緊第二支嘞😹😸😸因為之前與用過 同牌子嘅 萬用修復霜 但嫌質地太厚重🫠 所以買左呢支light cream 質地冇咁粘立 但鎮靜皮膚效果perfect 同用左幾星期真係覺得皮膚水潤咗好多 但至於收細毛孔效果就未睇到 上邊係B5萬用修復霜 下面係 B5修復 light cream 比較無咁厚重 鎮靜皮膚同保濕效果真係唔錯 真係推薦試吓😸👍
<看全文>Yuki好用推薦：皇牌修復入門套裝其中1個產品CICAPLAST B5修復強韌乳霜15ml瓶口好細 可以精準控制用量乳白色乳霜質地輕盈好易推開聞落有少少似中草藥味 乳霜當中有益生元成份菌Tribioma 可以平衡皮膚表面益菌群落 而APF水絲透明益菌萃取物 可幫助平衡肌膚微生態 加上舒緩成份維他命B5同積雪草萃取 除左能夠舒緩肌膚乾敏 同時做到修復肌膚屏障 乳霜質地比較輕薄 對於沙漠肌泥講 保濕滋潤度都係差少少 但修復效果唔錯 可以改善到濕疹狀況 春夏時可以單用乳霜 秋冬天氣比較乾燥 可以疊加B5萬用修復霜 效果會更加顯著 產地：法國 購入日期：2024-11-28 購入方式：萬寧門市 入手價錢：HKD185 (潔面泡50ml + 爽膚水50ml + 噴霧50ml + 乳霜15ml + 修復霜40ml) 原價：HKD315/40ml (HKD7.875/ml) 回購：7/10
<看全文>
Candy Ng好用推薦：長期見Mannings 做優惠時，它都被人一掃而空。而本人有脫髮問題，就買來一試。 老實講，佢價錢唔平，但係好用。它同其他脫髮洗髮水唔同，唔會令你的頭髮愈洗愈乾，而且護髮效果都不俗👍 買它來用，最重要係防脫髮效果，我係覺得再生出來的毛毛，沒有一梳就脫的情況。不過，在開始用時，會明顯見到脫髮情況多了，在購買它時，那位sales 姐姐都講了有呢個情況，所以我見到有呢個情況，都唔係好緊張🤣
<看全文>Noel好用推薦：由2019年起，每次洗頭都會發現很多掉髮，實在非常擔心。後來請教護髮有道的姊妹，先知道 Return 這個日本品牌，結果就一直使用至今👍 洗髮露呈透明，流動性很高，亦容易起泡。我的頭髮及腰，需要使用兩泵左右。洗髮後，我比較喜歡將頭髮盤起，大約2️⃣分鐘，讓泡泡多留在頭皮上一點時間，之後才沖洗。 雖然，沒有發現長出更多頭髮或 bb毛，不過，洗頭時的掉髮問題大大改善‼️只有原來掉髮的 1/3，實在太值得了❤
<看全文>
Kelvin好用推薦：Ettusais提亮保濕妝前防曬底霜SPF50+ PA++++ 防曬到最高，水潤易推開，有少少珠光粒子喺入面，有潤色效果及保濕功能，各方面都顧及到👍🏻👍🏻👍🏻 用咗一段時間，坐冷氣房全日底無乜甩。我試過配搭YSL恆持，cpb 鑽光粉底液，都融合得好靚，冇起碎碎。 而家嘅天氣，混合肌至乾肌都岩用。$155/35g 咁嘅價錢有依種質素好surprise，我會比滿分💮可以話係平替版cpb 長管（cpb 再保濕多少少） #火熱新品
<看全文>Julianna好用推薦：一開始買呢支都係抱住試下心態，因為我皮膚比較容易泛紅，搵一款有tone up功能嘅妝前其實幾難。點知第一次用已經有驚喜，佢帶淡淡粉紫色，推開之後會中和到啲泛紅位，令膚色睇落勻淨咗之餘又唔會死白。重點係佢夠輕薄，質地偏水感，保濕度中等，適合春夏用～搽完個底乾淨晒，之後上粉底或者碎粉都好貼服。有時出街快快手唔化妝，淨係搽呢支都夠見人。不過就唔係太控油，T-zone好易出油嘅人可能要補啲定妝。好鍾意佢係物理+化學混合防曬，保護力高但用落唔刺激，敏感肌都應該ok。係我近期妝前愛用品之一！
<看全文>
Chloeincosme好用推薦：🤍 清潔力：5/5！酵素洗面粉黃金版嘅潔淨力依然超強～粉末細緻，加水後能快速起泡，輕輕按摩就能帶走毛孔深層污垢同老化角質，用完即刻覺得皮膚乾淨又透亮 🤍 保濕度：4.5/5！比起普通版，黃金版真係保濕好多～用完完全冇緊繃感，皮膚反而有種水潤軟滑嘅觸感，乾肌用都完全冇壓力，絕對係升級版嘅享受 🤍 溫和性：4.5/5！配方更加溫和，添加咗保濕成分，即使敏感肌用都唔會刺激～一星期用2-3次都唔會覺得過度清潔，皮膚狀態保持穩定 🤍 使用感：5/5！泡沫依舊綿密柔軟，按摩時好舒服，容易沖洗～淡淡嘅天然香味令人放鬆😎 總結： 如果你係乾肌但又需要深層清潔，酵素洗面粉黃金版絕對係完美平衡！佢保留左強效潔淨力嘅同時，加入保濕成分，用完皮膚又乾淨又水潤，唔再怕清潔過度～已經成為我每周必備嘅深層清潔好幫手，一定會回購！推薦比所有乾肌、敏感肌，或者追求溫和深層清潔嘅你！
<看全文>Milo101好用推薦：🌟在日本的藥妝店購入的 🌟加水起到大量泡沫 🌟三款都是洗完臉清潔之餘不繃緊的，這款格外有一種小滋潤的感覺 🌟獨立包裝很方便出門旅遊用 🌟如果一盒分兩次用，錫紙面蓋的設計是可以簡單蓋住又不會漏出來的 🌟小膠盒和錫紙面蓋可以分開回收
<看全文>
YiN好用推薦：之前睇好多日雜同sns都推介unlabel嘅精華，當中最多人講就係佢呢枝Vit C精華。佢主打高壓壓縮精華令佢易啲滲透吸收，用完之後清爽不粘膩。淨係個包裝已經好吸引我，感覺好似好pro但又好清新。 我本身有用維他命C嘅習慣，都用過幾個唔同品牌，都係遮光滴管包裝，每次開樽都會令空氣入去，就算我每次用完都放雪櫃，都係避唔開用到尾會氧化到變橙色呢個命運。但係unlabel呢枝係pump頭，唔駛每次扭開，好方便用，而佢都冇變橙色呢個問題。質地超級水狀，擠手背一定會流落黎嘅程度，所以搽上面超級清爽，唔覺得佢會影響後續保養程序。 效果方面，佢主打解決毛孔粗大，暗沉粗糙嘅肌膚問題，做到美白抗氧化。我覺得以上嘅野佢都有幫助，我本身只要曬到少少太陽都好易變黑，喺日頭搽佢覺得有延長到防曬保護嘅效果，冇咁易黑。 用完依家呢枝我應該會回購，以前淨係日本先有得賣，依家香港都有賣真係太好喇。
<看全文>YY好用推薦：LDK榜五連冠既Unlable Lab維他命c精華，號稱一個月後能減少毛孔數量500+😮 依枝維c精華水油比例水多過油💧稀身質地，茶完再疊加清爽面霜無負擔，吸收就幾快，而且早晚都可以用。不過上面有少少刺痛感🫥 混合性皮膚的我，一用錯野skincare會出痘痘暗粒，但用咗依支維c精華，好快淡印。第二日皮膚好滑，上妝貼服。但乜見到收毛孔效果。 以百幾蚊幾價錢，可以做到白淨，係我心目中合格。但要美白幾度就要打美白針先work🫣
<看全文>
綺羅香好用推薦：就嚟踏入4字頭大關，照鏡見到自己眼底下出現凹陷，而且多咗皺紋，真係嚇一大跳😱，最衰都係有段時間懶咗，無搽眼霜，搞到啲眼紋出晒嚟，所以做女人真係唔懶得😩 係藥妝揀眼霜時聽到左右隔離係度話L’Oréal 紫熨斗好好用，以前有用開同牌面膜，知佢哋唔少product 都有加入專利成分普拉斯鏈pro，的確可以改善皺紋，就入手一支 唧出嚟係白色乳霜，易推開，管咀設計成好似熨斗咁嘅三角形，可以一路搽一路按摩眼部周圍，幫助吸收，又唔駛用手直接掂到眼霜，非常衛生，搽咗兩三個月，覺得眼底下凹陷無咁嚴重，眼紋都淡返🥰，真係好好用
<看全文>Rin好用推薦：相比起紅金，我認為他更滋潤一點 所以用量要適當 太多的話，很容易有粒粒 當然每個人的體質也有不一樣，所以一開始嘗試的時候還是要適量適當 而且要按摩多一點點時間才吸收 如同他的名字 有去皺淡紋的效果，除了眼紋他還可以去頸紋 波色因亦比上一代多了一倍效果應該是會更好的
<看全文>
jhope0725好用推薦：❄️冬季護膚不能夠忽略嘅就係眼部護理，因為冬天濕度降低，乾紋容易出現，尤其是係眼部附近嘅細紋！所以冬季一定要好好滋潤雙眼~ 我起初買呢樣產品係因為佢主打去黑眼圈，減淡黑色素，不過使用大約一個月，黑眼圈未見明顯減淡。 但令我喜出望外，係佢嘅淡紋同滋潤效果！ 呢支產品係油性，所以一泵出嚟會覺得相對油膩，不過佢同眼周附近肌膚好容易結合，打圈按摩五至十個圈，就會完全吸收！吸收完之後，明顯見到眼部附近細紋即時減淡，我使用約一個月，更加覺得眼尾嘅魚尾紋略為減少咗~而且配方唔會令到皮膚容易出油脂粒，減少眼部肌膚負擔☝🏻產品雖然係油性，但係延展性相當高！ ☝🏻使用前，眼紋明顯，眼底肌膚相當乾燥，略見白色皮屑☝🏻剛剛將產品塗在眼底，會見到一層薄薄的油分☝🏻按摩大約1分鐘，油分完全吸收，眼底肌膚變得滋潤，眼紋雖然仍明顯，但略見減淡。眼底肌膚略見提亮 不過要提提，呢枝產品只係眼部精華，但靠佢都唔夠，後續仲要添加眼霜，鎖住營養。雖然使用過程黑眼圈色素冇乜變化，但係呢支產品嘅滋潤效果已經令到我覺得值得回購！係我冬季護膚步驟中，不二之選！
<看全文>C-00好用推薦：小弟至少受黑眼圈困惑 一直試過好多唔同嘅產品但係幫助都唔係好大…. 呢一隻係小弟用過覺得最有幫助嘅，用咗一星期左右黑眼圈明顯淡咗、細紋都少咗。 產品本身係比較油潤啲 不過唔會黐立立 都好易吸收 個人覺得效果非常之好 我俾💯 10分推薦
<看全文>Fng好用推薦：Dermacept VC 10% 純維他命C真皮營養｜熟齡混合肌夏日透亮之選✨ Dermacept這支VC 10%是黃金中庸之選⚖️！比起5%的溫柔初戀版本，10%的透亮力簡直是曖昧期升溫💕；而對比20%的激情熱戀，它更像是細水長流的穩定關係💑，完美平衡功效與溫和度！ 質地像透明甘露💧，推開時帶著微微潤澤卻秒速吸收，在濕黏的香港夏天用完就像為肌膚穿了件透氣涼感衣🌬️！混合偏乾的熟齡肌用後，皮膚立即飽滿發光💡，後續保養完全不打架～ 實測三週最驚艷是自帶打光板效果✨！暗沉痘印像被美圖秀秀修掉般淡化，顴骨曬斑也悄悄隱形👻～比起5%的無感養成，10%簡直是開掛模式🚀；對比20%可能的緊繃脫皮，10%在冷氣房下依然水潤如初💦，真正實現溫柔地變亮哲學！ 最愛它的抗氧化超能力🦸♀️～白天使用後搭配防曬，到傍晚膚色依然像剛睡醒般明亮🌅！雖然抗皺不如專業抗老精華，但毛孔細緻度提升到像開了柔焦鏡頭📸～ 推薦給：✔️ 初嘗VC的輕熟肌當入門鑰匙🗝️ ✔️ 進階者夏天的舒適選擇🍃 ✔️ 追求「發光不刺激」的聰明保養黨🎯！
<看全文>維他他好用推薦：Dermacept呢支C10精華真係幾得！樽嘢係淺黃色，一睇就知係維他命C精華。人到三十要開始抗衰老，用咗成支之後，覺得毛孔真係細緻咗少少，冇之前咁顯眼。而且佢聲稱有3.7倍滲透力，感覺真係吸收得快，唔會黐立立。 不過要提一提，開封之後真係要快手用晒佢！我試過擺得耐咗，支精華開始越嚟越黃，應該係氧化咗，效果冇咁好。所以建議大家開咗就每日用，唔好嘥。整體嚟講，呢支精華對改善暗啞同毛孔問題有幫助，會考慮回購！雖然價錢有少少貴，遲啲可能要買高級啲， 20或者25嘅維他命C精華
<看全文>
Kmggigi好用推薦：Dior Prestige La Crème Texture Essential — 高貴享受，體驗奢華護膚！✨ 呢款Dior Prestige La Crème Texture Essential係喺專櫃購買其他產品時收到嘅一套贈品， 真係令人驚喜，每一個細節都充滿咗高級感！ 首先講下佢嘅包裝設計，真係非常精緻高貴， 完美展現咗Dior一貫嘅優雅風格 仲有經典嘅⭐️細節，整體質感滿滿😆 打開面霜試用嘅時候，發現佢嘅質地真係細膩柔滑，有淡淡嘅高級香氣，滋潤度亦非常到位， 但同時又唔會過於厚重， 用喺肌膚上感覺輕盈舒適，特別適合用喺晚間護膚， 幫助肌膚徹底恢復元氣，第二朝醒嚟皮膚水潤又有光澤。 不過，呢款面霜嘅正貨價錢確實偏高， 對於追求性價比嘅用家而言， 市面上都有其他更具性價比嘅平替產品可以選擇， 效果亦唔會輸蝕太多💎
<看全文>choichoi好用推薦：去年升級改版，接近拉絲的質地繼續延續下去，很好吸收；味道也是一樣療癒，是甜蜜向的花香味，滋潤度不會令你失望是很濃密的保濕feel，可以直接撫平乾細紋及改善膚質，會長少一點暗粒；但價格也真的是不容忽視（的高），只是女生間中犒賞一下自己也不過分，它能帶給你護膚同時享受充滿花香的me time! #火熱新品
<看全文>
YYeman好用推薦：菊正宗化妝水：平價「酒粕水」之王！ 講起菊正宗呢支化妝水，真係好似發現咗平價寶藏咁！佢係用日本清酒嘅酒粕做嘅，即係用嚟整酒嘅嘢嚟護膚，聽落已經好得意～ 🌸質地： 好似稀身嘅奶水，白色濁濁地，倒出嚟好清爽。 🌸氣味： 一打開會聞到陣清淡米酒香，唔難聞，好似好天然咁！不過唔鍾意酒味嘅朋友可能要諗諗。 用法： 1. 補水唔黏膩： 拍上塊面好快吸收，保濕力唔錯，尤其夏天用，涼涼哋好舒服。 2. 平到笑！ 真係平價之選，一大支500ml，點用都唔肉赤，用嚟敷面膜、搽身都唔會心痛！ 3. 溫和去角質： 因為有清酒成分，用落覺得塊面光滑咗，有少少幫你「更新」皮膚嘅感覺。 ⚠️缺點： · 酒精含量唔低，超級敏感肌可能要試清楚先，唔係個個接受到。 · 功能主要係基礎保濕同嫩膚，唔好期望有神奇抗老美白效果。
<看全文>Cy好用推薦：入手原因係呢支當時好hit，加上以佢價錢黎講佢嘅保濕力係幾出色，用量多啲攞黎濕敷全面都唔肉赤，佢係呈乳白色液狀，但用後就有少少笠，味道方面話明日本酒就真係有啲啲酒味🤣但唔會刺激皮膚，保濕效果都唔錯～性價比高完全唔需要慳住用
<看全文>Giselle 好用推薦：The Body Shop “Box of Wishes” 聖誕限定倒數日曆$799 hkd Day6 內容物：茶樹潔面泡沫60ml *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款茶樹潔面泡沫一擠出嚟已經有股好清新嘅茶樹香味❤︎(｡☌︎ᴗ☌︎｡)茶樹味唔係好人工合成嘅所以聞落去比較舒服同接受度比較高⸜( ´ ꒳ ` )⸝♡︎ ❤︎ ❤︎ 擠一下就已經有綿密嘅泡泡，作為泡泡愛好者嘅我非常鍾意呢種質地嘅泡泡(`✪︎ω✪︎´) 用嘅時候唔覺得會有紅腫甚至痛嘅感覺⸜(๑⃙⃘'ᵕ'๑⃙⃘)⸝⋆︎*反而係洗完面之後有種舒服嘅冰冰涼涼感覺( •̀∀︎•́ )✧︎而且面上多餘嘅油脂都可以俾佢洗乾淨(✿︎´ ꒳ ` )♡︎就連準備要爆嘅萬惡石頭瘡都可以俾佢鎮靜到真係好犀利啊∑︎(๑°口°ll๑) ❤︎ ❤︎ 但要注意返因為清潔力比較強，所以用完之後一定要搽好保濕避免乾到出油哦♪︎♪︎(*´▽︎`*)ﾉﾞ ❤︎ ❤︎ 推薦俾所有正在同萬惡嘅暗藏苦戰or需要控油能力高嘅潔面產品嘅小夥伴們*ˊᵕˋ)੭
<看全文>Nicole 好用推薦：擠出來的泡沫非常柔軟綿密，有很濃郁的茶樹油的氣味，洗感舒服還有一股清涼感😆洗臉後不會帶走皮膚水份，也不會覺得緊綳乾燥。
<看全文>