膠原蛋白 推薦好用產品

TsuenMa好用推薦：#ELIZABETH ARDEN NEW YORK RETINOL CERAMIDE CAPSULES Line erasing night serum 細細嘅粉紅蓋，透明樽身，充滿少女心。細細一粒獨立包裝，好方便攜帶，成個合身都好輕，我覺得好適合帶去旅行用。佢呢隻精華一啲都唔笠，好容易被皮膚吸收，唯一覺得佢一粒嘅容量有啲細，份量未必夠搽晒成塊面，我都係會揀，毛孔最粗大、最想重點改善嘅位去搽。但我諗佢呢隻好大嘅阻礙就係個價錢太貴，真係唔捨一次用到一粒。可能因為都係慳住用嘅關係，唔係連續每日使用，所以都唔太能夠肯定佢嘅效用。 

Connor好用推薦：獨立包裝粒粒精華，衛生又方便攜帶，去旅行就最啱啦👍🏻 質地潤而不膩，本人乾皮大愛呢種膚感，用完後面上會有一層薄薄地既油膜包裹皮膚，好有安全感，第朝起身皮膚真係細緻嫩咗！

natanatalie好用推薦：比較適合熟齡肌的高效精華🫶🏻 我係油肌，未有太多鬆弛同皺紋困擾，佢質地係啫喱狀，算清爽，但搽上面會有比較明顯的感覺，用後覺得有保濕感同滋潤感。🙌🏻 之後轉贈左俾媽媽，佢反而大愛，佢用完覺得肌膚明顯緊緻左好多，話塊U臉無咁U，開始有少少V，效果好明顯，推薦俾熟齡肌朋友仔！👏🏻

bearbear246好用推薦：之前打算搵一支多功能精華，所以係日本旅行時襯日圓平時入手左。呢支主打可以收細毛孔，淡紋，保濕，緊緻同淡斑功能既精華，質地係透明狀，而且唔lup ，就算係冬季同夏天都吸收得好快。持續用一至兩個星期已經感覺到皮膚質地柔軟同有彈性左，同時又透亮左，保濕度剛好（之後會續揸面霜）。然而，收細毛孔同淡紋、淡斑既效果就唔太明顯，不過我都會繼續回購呢款產品

lingbb好用推薦：- COLLAGEN系列嘅產品都含有三種膠原蛋白：膠原蛋白、彈性蛋白和透明質酸，此外，含有法國直接進口的優質原料Gattefosse成分，有獲得專利的11種成分，毛孔+彈力專利原料 - 主打補充膠原蛋白，以打造緊緻潤澤的肌膚。改善乾燥引致粗大毛孔和產生皺紋的肌膚，保濕度比較高，有抗皺功能，也適合脆弱肌膚。 - 質地透明較厚身嘅水狀，流動性高、 唔太黏笠，保濕算中上，香味淡淡香，後續用埋成條line，覺得好用過積雪草系列。 - 適合後生一點嘅夏天秋天肌膚保養

Noel好用推薦：朋友推介入手的 Medicube 膠原潤膚水，購買時正在進行 1+1 優惠，相當划算啊！潤膚水近乎透明，質感帶點稠，有點似精華水／啫喱水，潤膚感覺很不錯❗而且濕敷的效果，比單塗要更好💦 唯一缺點係香味很重，有點 overwhelming，對香料多少或味道有要求的朋友，要先試用，不要盲目購買。

Fng好用推薦：用咗Elixir金管隔離妝前乳大半個月，感覺良好，我係熟齡混合偏乾肌（T位微出油，兩頰偏乾），香港夏天長期處於又焗又濕嘅環境，妝前乳要夠保濕但唔可以黐笠、防曬要高但唔可以厚重，仲要唔顯毛孔！ 💖 優點： ➡️保濕+光澤感超讚 朝早洗完面，兩頰有時會繃緊，直接搽呢支金管即刻有層水膜感，唔會扯乾或起屑。 相比其他控油型妝前（如Sofina），佢唔會令乾紋更顯眼，反而有少少澎潤效果，適合熟齡肌怕粉底龜裂嘅問題。 ➡️自然提亮，偽素肌神器 質地推開後有微微珠光，唔會誇張似油光，而係皮膚自帶嘅光澤感，尤其適合暗沉嘅熟齡肌，即時提亮膚色，後續上粉底更貼。 潤色效果近乎零，但能修正膚色不均，😍單用+碎粉已經可以偽裝好氣色。 ➡️防曬力足，懶人恩物 SPF50+ PA++++，慳返防曬步驟，香港夏天紫外線超毒，試過戶外短時間活動都冇曬黑。 ⚠️ 缺點 1. 不控油 30°C+濕度高嘅日子，3-4小時後T位會少少溶妝，尤其鼻翼， 如果全日戶外活動（如行山），建議改用更清爽嘅產品，金管較適合室內冷氣環境。 2. 質地少少黏，油肌慎入 佢嘅「乳液狀」質地推開順滑，但成膜後仍

Wuxx好用推薦：首先好開心成為Cosme第10屆美狀元！！！ 估唔到寫下寫下原來就寫咗咁多篇， 嚟緊我會繼續寫多啲好評/差評 俾大家參考🤪 我收到嘅獎品其中之一係依個品牌嘅妝前防曬底霜（粉管）， 因為我手上有自購嘅防曬底霜（金管），可以順便寫埋佢地嘅分別～ 金管今年推出左新版本，加多左20％嘅膠原蛋白， 無論保濕力•修護力•防曬持妝都提升左， 同舊版相比我覺得新版無舊版咁結新，輕盈易吸收左， 以前舊版可能香港要等到冬天先用到， 而新版依家夏天用都唔會有負擔～～ 而粉管因為有調色嘅功能，調色粉末點都會有少少影響質地， 相比起金管，我覺得粉管用落係無咁滋潤。 另外如果要搽夠一日嘅防曬份量， 我覺得粉管真係可以直接做有色粉底， 因為佢嘅粉紅珠光提亮感都幾勁。 **如果當日皮膚有陰沉想做提亮可以揀右 粉管， 但當日需要高保濕度嘅話我都係建議使用左 金管～

takemyokane好用推薦：買 medicube 美容儀附送的贈品，質地是透明啫喱狀，很清爽適合夏天用，面膜片也很貼面，精華足夠後面配合美容儀深層吸收，敷完感覺皮膚十分保濕水潤。 其實沒有什麼大問題，但約 $30 一塊也不是沒有其他性價比更高的産品代替，所以找不到回購的理由 🤔

Angie好用推薦：包裝顏值100分 💯 一拎上手已經覺得好有質感✨✨✨ 精華偏啫喱狀，敷上面嘅時候比一般面膜舒服，用完皮膚好水潤，值得回購👍🏻

Jayla好用推薦：本身一直都好想試用有proxylane 嘅產品， 但由於抗衰老產品一般都比較滋潤，我係混合肌又擔心用完會焗暗瘡，所以一直觀望好耐都未買到適合嘅。 今次新出咗呢罐嘅輕盈版正好符合我嘅需要，同經典版比較，可以見到質地由原本比較紮實嘅cream改成gel狀，整體油感降低咗。我試用咗幾日都覺得搽完比經典版更快吸收，摸落皮膚仍然保持到清爽感。而實際功效嘅話可能就要等用完成罐先知喇。 #火熱新品 #逆齡護膚品分享

zetalhc好用推薦：用咗一排覺得皮膚有彈性同緊致咗，保濕鎖水效果都唔錯，幾適合油性皮膚係秋冬季節使用。

choichoi好用推薦：有穩定膚況跟改善乾細紋的效果，質地容易吸收不會黏笠，加上四季都適宜使用，會再回購

Noel好用推薦：品牌送出的小贈品 🥰 個人比較喜歡 EA 銀色膠囊系列，比較金色及粉色更為有效（頭盔：對個人而言啊！笑）這個淡斑精華質感有驚喜，不是水，又不是油；而是啫喱狀的，流動性很低。塗到面上會聞到維他命C果香 🍋 而啫喱狀的精華很快被皮膚吸收，所以我一般塗上兩層👌 使用後感覺斑紋淡了一點點，而重點是皮膚細緻了，紋理有點撫平效果啊💕

YiN好用推薦：呢罐已經係我買過嘅第二罐。首先Factiv係香港品牌我已經覺得要支持吓，同埋我好鍾意佢有清楚講明佢嘅產品主要有效成份係咩，等我知道自己用緊啲咩，可以做多啲research。呢盒CRM3主要加咗3% 神經酰胺複合物，可以幫補返流失嘅皮膚屏障脂質，強化角質層，減少水分流失。同埋加咗Tripeptide，有助膠原蛋白生成、撫平細紋。按真空按壓樽設計，免除咗平時廣口瓶面霜要另外搵匙羹同埋容易接觸空氣氧化嘅問題，我上一樽用晒嘅空樽都拎咗嚟裝其他面霜，真心鍾意呢種樽。係超級濃厚滋潤嘅質地，搽完覺得喺皮膚留咗一層潤嘅膜，但又唔係有一層油黐笠笠嘅感覺。我自己覺得好適合喺搽完精華之後，搽一層喺面封住啲水份同營養喺皮膚。 我本身係混合性乾肌，喺香港潮濕悶熱嘅夏天用係會覺得焗，但秋冬用就覺得唔錯，之前有一段時間住喺日本，佢都幫到我頂住日本超級乾燥嘅天氣。當我搽A酸嗰陣皮膚屏障有啲受損，有啲紅同甩皮嘅時候，我就會搽佢去修護返皮膚。

綺羅香好用推薦：趁官網做特價時買，後尾先睇產品詳情，原來係for 乾敏肌嘅cream ，對於我呢種混油痘痘有啲厚重，通常都係夜晚或者乾燥天氣先用，早前唔小心俾暗瘡膏乸到甩皮，我日日都搽佢，一個禮拜左右就恢復返哂，依家秋冬未搵到啱用嘅妝前，都係搽佢再上妝（只限使用礦物粉底），keep到全日唔甩妝，只係經常唔識控制用量，有時用多咗會出暗粒

robinsbk好用推薦：用完會有一種好安心嘅感覺💆🏽‍♀️就好似為肌膚打好個底 facilitate後續skincare吸收咁 可以保濕之外仲可以穩定膚況 敏感肌friendly！

🌸好用推薦：日本旅行時買嘅，夏日限定鼠尾草味睡眠凍膜。啫喱嘅質地，上面清涼舒適，曬完太陽之後用可以起到紓緩作用。鼠尾草嘅香氣令我覺得有洗滌心靈嘅感覺。不過我唔慣敷gel mask過夜，所以厚敷一個鐘就洗咗。保濕同軟化角質效果不俗。

Kpl6be6好用推薦：喺日本藥妝店購入～打開覺得啲黃色小粒子好可愛～gel狀質地用落清爽～敷過夜後洗去依然感到肌膚水潤有感～

Jasmine Yuen好用推薦：POME 海洋納米5秒祛皺眼膜 （最平試過萬寧YUU會員$392再送$50萬寧卷) -跟左官方建議：頭14日每日敷，之後每星期2次作maintenance - 良好的保濕效果，令眼部皮膚更加光滑和柔軟。👍🏻 - 眼部細紋和皺紋顯著減少，眼部周圍的皮膚更加緊緻和有彈性。 - Clean beauty可持續性，選用秉承可持續性理念的供應商及原材料，堅持不浪費的原則。😉ESG係大趨勢

lingbb好用推薦：- 好貴嘅面膜，主要係面膜冇香料、敏感肌急救用 - 面膜充滿住好杰嘅精華液，令成塊面膜變得好貼面，讓皮膚快速吸收成塊面膜嘅精華。 - 使用完泛紅位明顯白咗，滋潤度滿滿，飲飽水嘅感覺

維他他好用推薦：Caudalie呢支白藜蘆醇眼霜真係幾得！質地係啫喱乳霜狀，推開好快吸收，唔會黐立立，仲有個冰感按摩頭，朝早用真係爽到爆，去浮腫一流！我用咗個幾月，覺得眼周冇咁乾，細紋好似有少少淡咗，最重要係唔會生油脂粒，敏感眼都頂得順～成分仲要97%天然同純素，聽講個純素膠原蛋白仲貼近人體細胞，補膠原效果更好。如果妳30+開始驚眼紋同鬆弛，呢支真係可以試吓，不過價錢有少少貴

mandy好用推薦：CAUDALIE RESVERATROL-LIFT FIRMING EYE GEL-CREAM 白藜蘆醇提昇緊緻肌底眼霜 $420/ 15ml 功效: 抗皺、提昇緊緻、去黑眼圈、去浮腫 白藜蘆醇提昇緊緻肌底眼霜是一款凝膠狀的眼霜。 由於質地輕盈，保濕力OK，易於推開，早晚都可以使用， 即使早上用也不影響後續上妝。 以保濕、抗氧化及抗衰老等成分為主， 使用感清爽舒適，不會覺得油膩或是太潤， 也不會令眼周出現油脂粒，適合早上使用。 使用白藜蘆醇提昇緊緻肌底眼霜時配合眼周按摩， 可以減少雙眼浮腫，令眼周肌膚緊緻提昇。 黑眼圈方面也有減淡一點，但不能夜瞓，捱夜會加深黑眼圈。 大家記得天天用眼霜，始終在眼紋出現前做好眼周保養、 預防眼紋，比眼紋出現後抗皺要花的心力、時間及金錢少很多。 做好眼周保養，才不會顯老。 含保濕成分: 丁二醇, 甘油, 乙基己基甘油, 葵花籽油, 水解透明質酸, 長心卡帕藻萃取 及 玻尿酸 抗衰老成分: 甘油, 棕櫚酰葡萄籽萃取, 維他命E, 葵花籽油 及 玻尿酸 肌膚修復成分: 甘油 抗氧化成分: 棕櫚酰葡萄籽萃取, 維他命E

Flora好用推薦：呢款精華算係我用咁多精華產品中覺得最好用嘅！ 易推！快吸收！ 好啱初熟肌用～ 減淡幼紋、提升緊緻度效都幾顯著～ 會回購！ 另外呢個brand嘅洗頭水都好好用，大推！

natanatalie好用推薦：貴婦級的面霜🤤 呢個品牌嘅護膚品我每次用都覺得功效幾好，性價比唔錯，今次試左呢款品牌中算比較貴嘅淡斑面霜！🙆🏻‍♀️ 面霜質地唔算特別清爽，有一定滋潤度，但我油肌步向初衰老嘅肌膚嚟講，都算ok，尤其開冷氣用佢就覺得好正！🥰 推開會感覺到滋潤感覺，肌膚會𣊬間變很好柔軟好軟熟，改善粗糙感嘅效果好強！用左一排，除左覺得肌膚細緻左，面上嘅痘印都有少少減淡，效果好滿意！❤️

lingbb好用推薦：- 主打終極對抗光老化，刺激膠原自生，啟動8大護膚功效，全方位抗氧活肌！ - 極貴嘅精華，暫時未用哂，質地唔黏笠，上面非常易吸收，感覺皮膚毛孔更細緻，使用效果同其他精華相比更加睇到皮膚細緻度。 - 希望用哂成枝可由內到外對抗老化問題，散發年輕透亮肌感！

lingbb好用推薦：- COLLAGEN系列嘅產品都含有三種膠原蛋白：膠原蛋白、彈性蛋白和透明質酸，此外，含有法國直接進口的優質原料Gattefosse成分，有獲得專利的11種成分，毛孔+彈力專利原料 - 主打補水+彈力+自生 - 質地係白色乳液狀，香味淡淡幾舒服，同爽膚水一樣瞬間吸收， - 成個系列一齊用，絕對改善皮膚乾燥問題，皮膚唔錯會覺得平平無奇，乾肌應該幾鐘意👍🏻

lingbb好用推薦：- COLLAGEN系列嘅產品都含有三種膠原蛋白：膠原蛋白、彈性蛋白和透明質酸，此外，含有法國直接進口的優質原料Gattefosse成分，有獲得專利的11種成分，毛孔+彈力專利原料 - 主打補充膠原蛋白，以打造緊緻潤澤的肌膚。改善乾燥引致粗大毛孔和產生皺紋的肌膚，保濕度比較高，有抗皺功能，也適合脆弱肌膚。 - 質地係比較厚身嘅白色面霜，易推，比較油一點但很保濕，唔黏笠，吸收會慢啲，均勻塗抹之後，皮膚變得滑滑 - 用哂成罐之後嘅感覺係覺得係一款屬於比較注重補充營養嘅面霜，皮膚冇特別多咗膠原蛋白，但做到皮膚滑滑嫩嫩嘅感覺，補水力還好

A&R好用推薦：首先面膜質地好舒服，好大塊，完整地覆蓋整個面，剪裁亦都唔錯，眼部嘴部唔會太細，又唔會太大。精華好多，有少少水狀，冇香味，敷上面皮膚好吸收，剩低嘅精華搽喺頸部手臂，都好快吸收，唔會好黏笠。敷完30分鐘皮膚亮白了一啲。整體感覺有驚喜，價錢唔貴，可以長期使用。