維他命B3 推薦好用產品

auntiemuscle好用推薦：寫明係 無香料 paraben free 低敏配方 寫明係 可以幫助抵抗皮膚敏感嘅5種徵兆，其中係皮膚屏障比較弱，因為我有一排成日鼻敏感， 抹鼻捽到鼻 位置紅損 洗完面果啲位置又比較乾 但面其他位置唔用潔面乳洗又唔得 咁岩見到呢支就買左黎試  質地係似軟膏狀比cream狀杰身好多 要比啲力吱出黎（平時啲洗面膏細細力吱已經好多） 一粒黃豆份量已經好夠 加少少水起泡 唔係平時果種豐盈 泡沫 捽試面時會覺得好creamy好滑 過水會有啲困難 佢要慢慢洗 先過得乾淨 但洗完真係唔乾 柔軟好多 我都係用黎作早上洗面用 但亮白效果未見到

Kpl6be6好用推薦： 有時敏感泛紅就會即刻轉用專for敏感肌嘅産品～舒特膚有埋皮膚科醫生測試認證～感覺就用得更放心🤗擠出嚟無乜人造香味～適量加水已起到綿密泡泡～而且潔淨得嚟又性質溫和～洗完面係feel到乾淨得嚟唔會忟忟緊🤝🏻🤝🏻係敏感肌日常清潔之恩物🩷

LenaC好用推薦：呢排沉迷煲劇 返工已經成日要睇電腦 又夜瞓 黑眼圈眼袋出晒嚟 為咗急救一下 決定揼本試試Caudalie 新出嘅抗黑眼圈眼霜 希望可以改善浮腫同埋黑眼圈 佢嘅主要成分係 : 葡萄蔓萃取液, 維他命B3, 咖啡因 都係純素成分 而且97%係天然成分 不含合成香料 所以都可以安心使用☺️ 佢質地係乳霜狀嘅 超級輕盈‼️ 好易推開‼️‼️ 最鍾意嘅係佢特製嘅陶瓷按摩頭 有種冰感嘅按摩效果 幫助擊退浮腫 我成日都鍾意用佢喺眼袋度推 用咗一個禮拜 好似有啲啲好咗？🫣🤣🤣🤣（心理作用？） 唔緊要啦好似冇咁紅腫？ （可能燈光問題 影得唔係咁好啫？😅🤣🤣） 再堅持用多陣🥹🥹‼️ #火熱新品 #BA照

mcosmetics好用推薦：Caudalie vinoperfect 眼霜主打抗黑眼圈。用左大約兩個月，唔覺黑眼圈有改善。我眼底比較乾，冬天夜晚用唔夠潤。好處係冇乜香味，唔會敏感/生油脂粒，按摩頭都好用，涼涼地按眼係幾舒服。下次有機會試下佢premier cru 系列眼霜，唔會回購vinoperfect.

choichoi好用推薦：有穩定膚況跟改善乾細紋的效果，質地容易吸收不會黏笠，加上四季都適宜使用，會再回購

Yukochan好用推薦：全新配方主要功效 1. 針對性減淡、減少色斑及荷爾蒙斑 2. 顯著改善暗啞和膚色不均問題，並且愈來愈有光澤 3. 減低「反黑」風險 首先，我就冇咩斑，主要係暗瘡印， 但用左一支後，暗瘡印冇管方講到咁有效，但係有做到反黑！加上佢價錢唔係平，賣點係天然，可能天然嘅產品效果都會慢啲。我用其他美白精華效果比佢更好！唔會推薦！ 質地水潤易推嘅用後會有光澤感

lingbb好用推薦： - 全方為萬能美白精華 - 集合2大新成分—傳明酸、海洋胞外多醣，強效抑制黑色素的合成，針對改善色素沈澱、黑斑、曬斑等問題。 顯著改善暗啞和膚色不均問題，終極祛斑精華，減少黑色素達61%！減低「反黑」風險，無油配方，最清爽、快吸收，孕婦及激光療程前後適合使用，全力提升肌膚透亮感！ - 激光療程前後、孕婦都適合使用 - 質地係厚身精華，無油配方，清爽、快吸收！香味有點難聞 - 使用後肌膚愈來愈有光澤感，美白方面配合埋佢其他系列產品一齊用，效果見到有，但應該要用多幾支效果先更明顯

Q能Q好用推薦：用咗2個月 緊緻無感 毛孔細咗少少，但有機會係冬天凍咗少咗油嘅原因 呢款應該有少少去角質效果 因為搽上面啲暗粒位有少少刺痛 類似搽酸嗰種拮拮地 整體用落冇乜感覺，當保下濕算

killkew.b好用推薦：呢款產品價格相宜，具有3重去角質煥膚成分，包括：AHA甘醇酸、BHA水楊酸、PHA乳糖酸温和軟化粗糙角質，亦可以幫助緊緻粗大毛孔。用後感覺清爽，快吸收，質地呈軟綿啫喱狀，相比起肌研其他補濕啫喱產品，呢款相對感覺保濕啲，但係去角質方面，唔覺得有太大效用，但當係一款日霜黎用感覺唔錯👍

lingbb好用推薦：- 主打終極對抗光老化，刺激膠原自生，啟動8大護膚功效，全方位抗氧活肌！ - 極貴嘅精華，暫時未用哂，質地唔黏笠，上面非常易吸收，感覺皮膚毛孔更細緻，使用效果同其他精華相比更加睇到皮膚細緻度。 - 希望用哂成枝可由內到外對抗老化問題，散發年輕透亮肌感！

Helen好用推薦：質地有少少杰比較難吸，有補濕感 但係抗皺效果唔明顯，無太大特別

Viola好用推薦：This is really great. My skin is growing.

WSY好用推薦：用咗一排真係有覺得皮膚滑左，用完呢支在用同系列嘅面霜，皮膚好快就變得好似雞蛋咁！

MaggieWong好用推薦：本身面部冇斑，所以買嚟去印。但係Performance方面就有啲普通，顏色方面係深啡色，所以每次都懷疑氧化。效果方面中規中矩，好多時用兩三日之後就會轉其他更有用嘅product，同埋發現用喺自己面度，反而有可能會生暗瘡，每次淨係可以局部使用，唔可以全面大範圍搽，雖然好貴但已放棄使用😂

Mimi好用推薦：我主要係用黎去暗瘡印，每日局部使用, 用左大約1個月，其實覺得效果唔太理想，加上價錢大約1千 30ml…依個價錢可以有其它更好既選擇～～

Hannah好用推薦：呢款保濕面膜係我不斷回購啲其中一樣product，溫和保濕，而且pump裝設計既方便又衞生 只需要使用5分鐘就可以做到保濕修護，好啱朝早趕時間用。如果時間稍充足，我會敷耐少少，效果更好 有時做完醫美皮膚痕癢敏感更可以敷佢嚟做舒緩 唯一考慮係價格稍高

Wuxx好用推薦：用過Albion嘅健康化妝水N之後就一直對依個品牌有啲關注， 所以今次新產品一出我就即刻入左手！ 我今次係連埋佢嘅柔膚水一齊購入及配合使用， 同佢其他乳液產品一樣， 每次先用化妝棉將乳液搽均全面， 之後再用化妝棉將倒入化妝水抹面。 咁嘅做法係夏天黎講其實幾舒服，會無左陣油膩感。 如果夏天照平時水>精華>乳液咁嘅順序去用，好易覺得黐立立， 一覺得立就會偷懶搽少樣，然後成個護膚程序就會功虧一簣！ 所以如果有sis同我一樣驚立嘅話，依套護膚新方法可能會幾適合你🫱🏻‍🫲🏼

GinGin好用推薦：用完好似白左少少，而且有保濕功效，精華素非常濃稠，敷完面膜再加以按摩都仲有好多精華，面膜紙好大塊而且夠貼面，又唔會刺眼，一定會回購

whTsoi好用推薦：因為我臉上的痘印顏色大多都比較深 等了幾個月也不見有減淡就很在意 想說買來試試看有沒有效果 它一盒只有六塊 說實話很少 所以我就只選同一個痘印貼上去針對改善 一星期貼兩次 從圖片中可以看出顏色深到被痘貼貼住也完全遮不住 我用完了一盒再照鏡子看看 深色的區域有變淡一點（有點後悔沒拍before照） 但要很仔細看才發現 如果遠一點看感覺還是沒甚麼差別 整體效果給我的感覺就是不過不失吧 如果能再用幾個月效果應該會更明顯 可惜它實在有點貴 所以我不打算回購

Poyobb好用推薦：質地最接近hr黑帶既面霜，似淡橙色奶油cream🧁半matte身，易推開，試過質地好鍾意先買🤣附有Avene牌品牌產品嘅味道，初頭唔係好接受，似臭膠味，但用落就習慣了，要買就去藥妝店試試先💁🏼‍♀️ B3可以維持皮膚嘅穩定，促進膠原蛋白，仲有A醇視黃醇，有助抗老👼🏻質地容易推開，推開後會好滑，一次建議用兩至三泵，我塊面較細淨係用1.5已經足夠。 面霜冇咩保濕度，如果係乾性皮膚要注意。但如果係混合性至油性皮膚應該可以接受，但夜晚開咗冷氣個保濕度都唔足夠。雖然添加咗B3，感覺皮膚係穩定啲，冇咁易爆粒，但對抗老及減淡細紋感覺不大，應該不會回購了☺️

Sarah好用推薦：買過一支，上網睇好多人讚佢話可以收晒毛孔同減少黑頭粉刺，但自己用落覺得佢質地厚重而且有點乾，用了幾個星期都冇咩感覺，可能不太適合自己皮膚。

jackielai好用推薦：呢枝修護精華唧出嚟係白色嘅乳液咁嘅質地，聽ba講話就咁搽喺暗瘡上面就可以消炎同埋去痘。但我買嗰陣冇留意到入面嘅成分有水楊酸，我皮膚本身比較薄同易敏感，搽完喺暗瘡上面之後周圍嘅皮膚即刻又紅又腫，好似發炎咁，仲生多咗粒粒，搽咩都冇用。最辛苦係嗰啲印好難消，下次買呢類帶酸性嘅產品之前真係要試清楚適唔適合自己先好買。