水楊酸 推薦好用產品

Cosmeemee好用推薦：之前HR有得去做免費嘅眼部按摩 去到嘅時候有同個sales吹吓水🤣 雖然H R嘅產品大部份都係for輕熟至成熟肌 但原來呢條綠色瓶嘅line就for返啲後生少少嘅用家 認真用落嘅時候喺同幾百蚊嘅面霜有分別 例如佢嘅質地厚實得來係完全唔黏立 亦都好快吸收 相信係佢嘅分子比較細 但係效果方面我就覺得唔值咁貴 有好多其他嘅品牌都可以替代到 簡單嚟講, 性價比唔太高🫢

lingbb好用推薦：HR感覺係成熟肌既品牌， 有次拎到咁大罐試用，幾開心！ 佢係植物草本既香味，好似係森林咁 原本以為質地好杰，佢呈白色乳狀，質感反而係屬軟滑易推開款。 產品聲稱使用後肌膚瞬間變得柔滑、細緻、亮澤，24小時水分滋養。81%女士贊同使用後肌膚越來越緊緻，85%認同肌膚越來越富彈性。 我部份認同，佢係有令我皮膚柔滑、細緻亮澤、但只限塗上去果刻，緊緻同彈性就未睇得出。同埋我發掘到佢既妙處係非常適合按摩皮膚時使用，個使用感係幾好！轉季用應該幾唔錯！ 當然佢價位實在太貴，有得試下都開心！

natanatalie好用推薦：好剌激，唔適合敏感肌。我肌膚不算敏感，但用完都會有好嗱嘅感覺，唔建議購買

mavis好用推薦：想當年面部爆暗瘡 買咗黎用 效果都明顯 可以穩定到肌膚有少少消炎作用

940727.0好用推薦：早排拎咗佢哋嘅sample試用，開頭以為佢哋呢隻粉底液好保濕，但係原來係啞面嘅質感。容易推開，出咗去幾個鐘都冇出油，因為我平時都好容易T位出油，之後個樣就好污糟。幾開心佢係冇依個問題。 另外遮瑕度都算係高。

YolandaAuYeung好用推薦：質地／易推度：4.5分  粉底液質感輕盈順滑，流動性很好，十分易推開，推開後輕易造岀啞緻透薄妝效。   遮瑕度：4.3分  粉底輕盈透薄，塗一層已可遮蓋80%痘印、泛紅位置，塗兩層，瘀紅黑眼圈位置變得不明顯 持久度：4.3分  塗粉底後，膚色看上去有啞緻輕盈妝效。一整日也不脫妝，帶著口罩也不泛油亦沒氧化 總評： 每次使用它都能逐步改善你的肌膚狀態，顯著調整膚色、改善膚質及持續潤澤肌膚。使用短短8星期後，即使卸了妝，肌膚都顯得均勻透亮，細緻平滑妝感清爽輕透。

Verna好用推薦：我是第一次接觸這個品牌，真的感恩有機會試用這皇牌產品 雖然它的中文名是「精華乳」，但包裝說明它的用途是去角質，用於爽膚水之後。官網介紹這支柔膚精華乳有5%果酸和0.05%水楊酸，可以有效去角質、均勻膚色、減少皺紋和色斑 這精華乳的包裝是泵頭，真的很喜歡這包裝設計，因為可以減少精華乳和空氣接觸，感覺比較衛生，值得加分👍 它是是淡黃色，質地比較稠厚，但味道有點難聞，可能因為它不含香料和色素 因為在秋冬天用酸類，我始終有點擔心... 擔心皮膚會敏感、擔心皮膚會太乾，甚至脫皮、擔心對皮膚太刺激，等等，所以我用它時，也特別加強了保濕和防曬保護一下皮膚，所以皮膚也沒有很乾 此外，我一開始用的時候，只是晚上用，希望讓皮膚可以適應一下，用了大約10天後，才早晚都用。用了兩個多星期，我發現膚色真的均勻了，透亮了，感覺沒有那麼暗啞，我之前去做facial時，美容師說我的痘印應該都要一兩個月才可以退去，但我用了這精華乳，痘印就淡了很多

Suetheii好用推薦：之前就聽過Paula’s Choice呢個品牌，不過冇特別去購入🤣點知今次試完都唔錯😛👍🏻利申，中性肌膚，T字位會偏油。 佢一唧岀黎既時候都聞到佢有浸淡淡香氣，個人來講唔太抗拒，而且佢嘅質地都偏滋潤，搽完之後唔會特別乾，但都要等一段時間先吸收得晒。一開頭搽完之後會有少少熱熱地，可能係平時唔係好慣用呢類酸性產品。同埋記得用完之後要出街要搽返防曬✊🏻 用咗一個周期之後覺得塊面係清透咗冇咁暗沉👍🏻亦都無敏感、爆痘或者甩皮嘅問題出現，我諗呢個都比較適合作為新手入門酸類產品嘅選擇😽

jaye好用推薦：呢個係夏天時候背脊生左痘痘用噴兩三日，痘痘就會好快消度炎，噴霧裝又方便自己使用，不錯。

Tiffany好用推薦：有水楊酸的去痘噴霧，噴背、手、腳好方便，好快吸收，不會笠，也不會痴衣服。

Hazel好用推薦：每次化濃妝要落妝都覺得好麻煩，又驚落得唔乾淨，尼支缷妝水幾好用，唔會油笠笠，亦有深層清潔作用，只要抹兩三次就可以徹底將面上嘅大濃妝或平日殘留嘅污垢融解，又唔使乳化或過好多次水，用完後覺得好清新乾淨，真心覺得唔錯。

ying好用推薦：唧出黎似比較流質嘅油 係黏黏地嘅 上面會涼涼地 清潔力唔錯 但係值得留意嘅係 面上有傷口用佢會好那 唔覺有美白效果

Q能Q好用推薦：用咗2個月 緊緻無感 毛孔細咗少少，但有機會係冬天凍咗少咗油嘅原因 呢款應該有少少去角質效果 因為搽上面啲暗粒位有少少刺痛 類似搽酸嗰種拮拮地 整體用落冇乜感覺，當保下濕算

killkew.b好用推薦：呢款產品價格相宜，具有3重去角質煥膚成分，包括：AHA甘醇酸、BHA水楊酸、PHA乳糖酸温和軟化粗糙角質，亦可以幫助緊緻粗大毛孔。用後感覺清爽，快吸收，質地呈軟綿啫喱狀，相比起肌研其他補濕啫喱產品，呢款相對感覺保濕啲，但係去角質方面，唔覺得有太大效用，但當係一款日霜黎用感覺唔錯👍

格仔餅公主好用推薦：去痘印效果幾好，舊左黑灰個啲會淡小小，但新既痘印淡化效果梗係會明顯過舊既，同埋搽左呢支野個位感覺無咁易再生痘 如果想成臉美白呢佢可能就唔太岩你啦同埋佢有啲油唔好大大撻撻上臉呀油到爆呀，提埋你開封左就快啲用唔好等因為佢會氧化到時你見佢變哂色以為佢壞左就唔好啦

lingbb好用推薦：質地係帶有深啡既精華，推開上面都有顏色，香味係一般維他命C既味，我欣賞佢係試過最杰身既維他命C，美白功效要時間先睇得到效果，但目前無敏感。

suzuki好用推薦：每次好少嘅份量已可起泡 有微微人蔘味道 潔面後面部很滋潤唔乾 並感覺徹底清潔面部污垢 用後感覺舒服

Jan好用推薦：白色乳液狀質地 流動性高 有淡淡青草味 用量省 起泡力比其他品牌洗面乳稍弱 清潔力就幾好 易沖洗乾淨無殘留感 洗後唔會乾澀緊繃 有深層清潔效果 粉刺變少咗 使用感整體唔錯

lingbb好用推薦：- 只要重點塗係暗蒼位置，第二日就會消失 - 暫時用過第二枝好用嘅暗瘡精華 - 價錢唔便宜，但能夠令初發嘅瘡消失好值得投資

natanatalie好用推薦：一支分量唔多，但效果幾好，用左佢覺得暗瘡易嗰謝同退，而且毛孔有收細嘅感覺

WSY好用推薦：平時心口同埋背脊會有少少暗瘡問題，留低嘅暗瘡印搞到唔係幾好睇，用咗呢支沐浴露之後啲暗瘡人會少咗好多！

momojessica好用推薦：由細到大，背部都會有很多粒粒及印，但使用後可以明顯改善到這個問題，背部變得白滑

格仔餅公主好用推薦：夏天用好好，去到油脂感仲平衡到水油平衡，唔會洗完乾爭爭，用完無甘易生暗瘡

Jan好用推薦：質地係偏水嘅透明凝膠狀 無咩明顯香味 用量省 大約一粒黃豆大小加水 用手就可以輕鬆搓出綿密泡泡 洗完會覺得好乾淨 唔會洗完仲有滑滑地嘅感覺 又唔會有乾燥緊繃嘅感覺 甚至面部有痘痘用都無咩刺激感 洗咗一兩個禮拜覺得控油力幾好 有改善出油 面部無再泛油光 幾適合油肌痘痘肌 整體效果唔錯

choichoi好用推薦：氣味清香質感柔滑，上臉後感覺相對清爽不會厚重，適合輕熟肌使用預防皮膚缺水及抗老，於使用一星期後亦沒有致敏的情況發生

🌸好用推薦：夏天用好d,冬天用會唔夠保濕

carriechan好用推薦：感謝@cosme 提供試用這款產品的機會。 包裝設計十分好，很好倒出，不會弄髒邊邊。 質地方面是水狀，但塗上臉後有一點粘和油膩的感覺，有少少扣分，冬天可以接受，如果夏天會有一點油。強烈建議晚上使用，用完爽膚水後，再用這個，大概圖中分量，然後再用精華面霜。試用14天後，暗粒明顯少了，變得很容易擠出～～膚質真的會光滑了，皮膚會變通透。 用後有生幾粒痘痘，但是因為裡面含有水楊酸，會令一些未發出的痘痘加速代謝，疏通毛孔，所以是正常的情況。 十分推薦這款產品給有痘痘暗粒困擾的人使用。

jhope0725好用推薦：感謝@cosme揀我作為其中一個試用者！ 呢支精華液倒出嚟嘅時候係較為水潤，但搽咗上面之後，佢會有少少油性感覺，我比較喜歡晚上使用，之後再配合其他乳液或面霜，如果係朝早用，略嫌油膩 連續用咗18日以上開始，會感覺皮膚瑕疵減少，角質層開始變得冇咁厚，黑頭有幾明顯減少嘅跡象，慢慢見到皮膚本身嘅光澤同紅潤。我認為呢支產品嘅效果真係幾顯著，尤其是一個月之內已經見到明顯調理角質效果 唯一美中不足係佢嘅氣味有少少似火酒，係上面嘅時候稍稍不完美~

綺羅香好用推薦：非常感謝@cosme登錄咗 factiv呢個本地牌子，雖然我只係幫襯咗短短兩年多啲啲，但睇住factiv 由最初嘅網店到上架再到有自家門市，依家仲可以係@cosme 度見到佢嘅名出現，有種老懷安慰嘅感覺😂 扯得太遠喇，都係講返件產品，factiv 係一個b2b知我深受暗瘡困擾而介紹俾我知，當時因為見價錢唔平（幫襯咁耐發現factiv 無加過價，真係良心企業😭），並無即時落單，後來用過幾隻精華都唔得，就把心一橫買幾支試試，當時NIA10係叫B310+NAG，後來改版先叫NIA10（以有效成分命名，所以有啲難記，佢嘅網站有詳細介紹），深黑啡色帶滴管嘅膠樽，開口有特別嘅卡套夾實滴管，確保精華衛生，而且一㩒滴管出嚟都啱啱好一次全面分量，全透明水狀液，無任何氣味，如果臉上面有傷口會有少少刺激性，唔建議針清後搽佢，非常好吸收，當時我用咗一個禮拜，就發覺塊面少咗暗粒，用多兩個月左右，暗瘡爆發率比未用時降低9成左右，皮膚平滑咗好多，化妝時非常感動🤧，終於唔駛點用遮瑕膏掩蓋，呢兩年我一直堅持用呢隻精華（間中都會停用😅，因為想試新嘢），計埋舊版用咗起碼用咗10支以上，而且factiv設有回收機制，網購送貨

clecle好用推薦：混合偏油肌🐟暗瘡肌🫧 一直都好想搵到啱用嘅niacinamide嘅產品 之前試過好努力咁用三個月the ordinary同good molecules嘅NIA精華 都真係零分別🥲 喺朋友推薦下用咗呢支香港品牌嘅NIA10同lotion 首先佢NIA個樽嘅設計好impressive✨ 每次轉開就已經提取咗啲精華出嚟個 然後重點就係真係有用😂 佢所講嘅控油 收毛孔同消暗瘡都好喺我塊面到睇到 用完一支之後係摸到自己塊面滑咗 每朝起身洗完面之後會發光咁TUT 前排工作關係我塊面敏感泛紅+有好多粒粒 期間我有用origins嘅精華同爽膚水 再用呢支精華同lotion搽上面嘅時候會有少少辣 大概三日之後就無辣 然後泛紅無了而且粒粒少咗！ feel到皮膚穩定返！

琳波小仙女好用推薦：這支是我家大王在我下巴爆了幾顆痘痘時買回來的，洗完我的臉一整個乾到爆炸，有時候局部皮膚會變得又紅又癢，擦甚麼都沒有用，下巴的痘也沒好就是了。 但那一陣子我工作很忙，沒什麼時間研究買別的洗面乳，硬是把這支用得7788，我的臉也毁得7788 •̀.̫•́✧ 老實說，我親愛的姊妹們，如果你的臉不能跟18歲正在球場揮灑青春和汗水，油脂旺盛角質層厚得很任磨不生氣的男孩比，那我們就不碰皂基的洗面奶好嗎？（就是說我們年紀不輕了⋯） 我家大王自問油脂旺盛，在我買了別的洗面奶後碰也不再碰這支了，雖然我沒問，但他應該也是乾得受不了→_→ 真的很多壞的皮膚都是洗出來了，聽我的，保濕因子要維持就已經很艱難了，我們就不要把它們都洗出來了好嗎(;´༎ຶД༎ຶ`) 不然補多多都不夠你洗！知道嗎寶貝！( ✿＞◡❛) P.S. 其實不止這款， Senka的全系列洗臉我都繞路走，因為都是皂基的，成分很相似 P.P.S 就算你是大油田，請一星期用個三次就好，真的不要天天用

Tomo好用推薦：用完後d暗瘡好似真係有少到，而且佢唔會過乾搞到洗完會覺得唔舒服

Hamiii好用推薦：官網介紹： 創新的純素配方有助收細粗大毛孔，即使素顏，肌膚也瞬間並持久地勻淨明亮。 我整整用左3日 暫時未覺得毛孔有收細 Texture比較偏水狀 聞落小小酸酸地 素顏搽覺得有少少提亮 唔太吸引

killkew.b好用推薦：CeraVe品牌由皮膚科醫生共同研發，專注解決不同的肌膚問題！ 呢款潤膚露特別在有水楊酸成份，有效為肌膚去角質， 同時可治療痤瘡、脂溢性皮炎、銀屑病、雞眼、毛囊角化症等。 我主要用黎搽腳部肌膚， 因為腳踭位同腳板底日日行路都會摩擦， 皮膚特別乾同粗燥，用過其他潤膚露都冇特別改善， 好快又會覺得乾！ 呢款潤膚露我覺得佢質地好夠厚身，保濕效果好長效， 朝早搽完夜晚感覺皮膚即刻滑左細嫩左， 同埋佢既罐裝設計令用家可以好容易使用， 咁大罐都係200蚊度， 其實真係好抵用！

zetalhc好用推薦：敏感肌覺得有少少刺激皮膚，用咗一排覺得鼻頭嘅黑頭同毛孔少咗但面頰嘅毛孔就冇咩效果

zetalhc好用推薦：我個人很喜歡呢個pad，可以即時保濕及鎮靜。係爆暗瘡嘅地方敷10分鐘係可以消炎同減退泛紅，而且唔刺激皮膚，會一直回購！