找產品
低敏配方 推薦好用產品
250 件
莓莓好用推薦：💮 Curel浸透保濕身體乳液 💮溫和抗敏・極潤修護 睇到成班敏感肌姊妹狂推呢支 #平價保濕神器 Curel浸透保濕身體乳液，話連BB同濕疹皮膚都用得，忍唔住買支返屋企試真啲！同大家分享吓用後感～ 💥 質地： 同一般濃厚嘅身體乳唔同，佢係奶白色嘅輕盈乳液，一推開就化水，好似同皮膚撳咗個快速補水掣咁！吸收速度超快，搽完那刻已經覺得乾燥手臂有層保濕膜，但係完全唔黏立立，即刻著衫都冇問題！ 🌟 真實用後感： • #甩皮救星 ：試過小腿乾到有白色紋，搽完第二日已經即刻平滑返，冇再「飛雪花」 • #敏感肌恩物 ：皮膚痕癢或者紅咗嘅位置，搽完即刻有陣涼浸浸嘅鎮靜感覺，冇再愈抓愈癢 • #冷氣房必備 ：每晚開冷氣瞓，朝早起身皮膚都依然保持水潤，冇乾燥緊繃感覺 💡 進階用法： ▸ 沖涼後趁皮膚仲有微濕，厚敷一層喺手肘、腳踭，5分鐘後輕輕按摩，粗糙位置會變柔軟 ▸ 如果化妝發現粉底唔貼服，可以混少少乳液入粉底，即刻提升貼服度，打造自然水光肌 ▸ 每晚用兩泵分量由下至上按摩雙腿，連續一星期，皮膚摸落去會明顯滑溜咗 真心推介俾成日覺得身體乳「又黏又立」、「唔吸收」同埋「皮膚敏感唔知用咩好」嘅朋友
<看全文>Kathy Wai好用推薦：前排天氣開始乾，對手腳好似有啲「蛇皮」咁，睇見都嚇親人。本身我皮膚幾敏感，唔敢亂用嘢，見好多人都讚Cruel隻保濕身體乳液，就走咗去買支試下。 一用真係好似搵到寶！首先，佢完全冇香味呢點已經大加分，唔會好似其他嘢咁，一陣化學味焗住好難頂。其次，佢個質地真係好得意，睇落好似係好「水」嘅乳液，一推開就變到好輕薄，好似瞬間俾皮膚吸咗入去咁，完全冇平時用身體乳嗰種黐立立、唔舒服嘅感覺。估唔到咁輕盈嘅質地，保濕力可以咁持久，第二朝起身摸落對腳都仲係滑捋捋，冇再因為乾而痕。 最緊要係，用咗佢之後，我手臂因為敏感而泛紅同痕嘅情況真係少咗。果然係專為敏感肌而設，溫和得嚟又真正做到保濕，以後轉季都唔使驚啦！一定會再回購！ #身體保養
<看全文>
Emily Leung好用推薦：敏感肌洗面奶First Aid Beauty✨ 擠出來的是乳白色膏狀，沒有流動性，無添加香料。加水在掌心搓揉後，因為不是皂基，所以起泡能力一般，但是打圈按摩後洗的非常乾淨。 洗面乳是弱酸性，因為裡面有蘆薈成分，成分天然，特別溫和。我打完水光之後用來潔面，都不會覺得刺激，洗完臉白白嫩嗯，也不會覺得乾和緊繃。 官網說這款洗面乳是可以卸除隔離霜和BB霜的，我一般用了防曬或者遮瑕的話，還是會先用卸妝乳卸一下再用這個清潔。 我個人感覺哦，和香奈兒的山茶花有的一拼，但是更溫和，對敏感肌非常友好，而且性價比太高了。
<看全文>agnessstang好用推薦：同FAB其他產品一樣 所有膚質都可以用 濕疹/敏感肌都ok 有蘆薈成分 係比較溫和嘅cleanser 唔算係起好多泡🫧 但潔淨力不錯 洗完塊臉都唔會覺得乾💧 官方係話可以卸妝 不過我都係會卸咗妝先再用洗面奶🤣
<看全文>
Kmggigi好用推薦：Curel 深層控油保濕泡沫潔面乳係一款專為油性肌膚設計嘅潔面產品 相比起同系列嘅豐盈泡沫洗面乳， 呢款潔面乳喺控油方面表現更加優秀， 專為容易出油、毛孔堵塞嘅肌膚設計， 有效清潔多餘油脂並維持肌膚水油平衡， 令面部更加清爽乾淨。 泡沫質地同樣綿滑豐盈，能輕柔包裹肌膚， 溫和去除污垢同油脂，用後肌膚感覺潔淨清爽， 但唔會出現繃緊感，保持舒適嘅潔面體驗。 潔面乳特別針對毛孔問題設計， 能有效預防黑頭同粉刺， 日常使用後，明顯感覺到毛孔更乾淨， 油脂分泌減少，肌膚變得更平滑健康。
<看全文>Wendy好用推薦：Cruel 呢支洗面奶適合敏感肌膚使用 泡泡好綿密 好溫和 夏天使用可以控油而且用後吾會感到好繃緊 會再購
<看全文>
TsuenMa好用推薦：#L’Occitane en Provence 草本護髮洗頭水 本身有染開頭髮，前嗰年仲做埋漂染，基本上對頭髮都造成咗一定嘅傷害，髮質偏乾同埋硬，如果淨係用洗頭水嘅話啲頭髮會更乾更硬，所以一定要用護髮素。但係如果用咗呢一隻洗頭水嘅話，其實都已經夠晒滋潤，如果加埋護髮素用嘅話，把頭髮嘅順滑程度會令到人感到好舒暢、開心。💓 雖然係草本成份，但係呢隻洗頭水唧出嚟，唔會係奇怪嘅綠色，而係淡淡嘅黃色，偏少少啡調，獨特嘅香味，令人哋覺得好清爽舒服。 對於受損法則嘅人，都推薦試吓用吓呢隻洗頭水！🧏🏾♀️
<看全文>Nicole 好用推薦：我的髮質是比較偏乾的，因為之前又染又燙導致 髮質很差，所以一直偏愛順滑的洗發水～ 這款洗髮水有修護功效，而且無硅配方，所以入手試試。 味道還是挺好聞的，草本味道；容易起泡，沖洗也挺方便，沖完水之後頭髮也挺順滑。
<看全文>
Kitty 好用推薦：今次同大家分享Bobbi Brown Soothing Cleansing Oil！講真，我以前對卸妝油有啲戒心，驚佢笠痴痴、驚生暗粒... 但呢支嘢，真係改寫晒我嘅印象！✨ 1️⃣ 質地超輕薄！真係似水多過似油！💧 一泵出嚟，嘩！同我平時用開嗰啲油淋淋嘅卸妝油完全唔同！佢嘅質地超級水感，流動性好高，好似啲精華油咁薄身。查上面嗰陣，完全冇傳統卸妝油嗰種糊住塊面、扯住皮膚嘅感覺，舒服到呢～ 就算而家夏天咁悶熱，用佢都零負擔！ 2️⃣ 溶妝力超強！防水眼妝都 K.O.！💪 你咪睇佢質地咁薄就以為冇料到！佢嘅溶妝能力真係堅勁！我平時化妝都幾狠：防曬、粉底、遮瑕、防水眼線、睫毛膏、唇釉... Full gear 上陣！擠兩泵（乾手乾面！）按摩全臉，啲妝真係秒速溶解！尤其係啲超防水嘅眼線同睫毛膏，輕輕捽多幾下眼周位，就溶到一乾二淨，完全唔使捽到塊皮都紅晒！懶人恩物！ 3️⃣ 乳化超快！水一沖就乾淨！🚿 呢個真係重點中嘅重點！好多卸妝油衰就衰在乳化慢同唔徹底，搞到塊面油黐黐又生粒粒。Bobbi Brown 呢支呢，乳化速度真係快到癲！加少少水上面按摩幾圈，啲白色嘅乳化液即刻出晒嚟，仲要好徹底，
<看全文>TsuenMa好用推薦：Bobbi Brown 人生唯一一枝嘅卸妝油，其實只係機緣巧合下揀左佢，都吾記得左實質揀佢嘅主要原因。🙊事因呢枝我已經用左好幾年，但都仲未用晒！！所以其實我係好吾鍾意卸妝油🥲仲未扔嘅原因只係因為覺得浪費，留返低使備用，以防有一日突然無晒其他卸妝產品。 其實吾係因為呢枝嘅問題令我吾鍾意卸妝油，而係我個人嚟講，好吾鍾意塊面油冧冧，雖然正常嚟講卸完妝都會直接洗埋面，但係呢個短暫嘅時間入面，我都想塊面保持乾爽🥲 呢枝嘅清潔力不過不失，如果有用開嘅寶寶，都可以試下佢嘅🥲
<看全文>
kayla.me.me好用推薦：你有冇覺得肌膚新陳代謝變慢左!? 臉上缺水乾燥時仲會出現一條條細紋或乾紋? 其實當你臉上出現一條細紋時,肌膚底層已埋藏了數十條細紋， 所以要趁早開始抗老護膚,仲要從根源入手，選擇有科學根據皮 膚科醫生都推薦嘅產品。 OLAY呢款科研級 Retinol Pro 抗皺精華， 蘊含Retinol 成分不但有皮膚科醫生推薦,仲系BBC認可唯一真正可 對抗衰老嘅黃金護膚成分。 而呢款升級版Retinol Pro 嘅功效系高過傳統Retinol 1.4倍， 可以減淡表層細紋,抑制根源細紋形成。 臨床實證,連續使用 28 天便可减紋 20%。 試用一星期,覺得肌膚變得更水潤同嫩滑細緻。 臉上嘅細紋減淡左,系一支性價比高嘅精華。
<看全文>AmyAmy好用推薦：當初買佢係因為見到佢有一個套裝咁樣連埋個導入儀，想試吓效果係點樣🫣 整體上嚟講我覺得配合導入儀用嘅話好似感覺上真係吸收得好啲，滋潤度係OK嘅，但係未見到有其他嘅效果出現，例如皺紋或者係美白。 
<看全文>
Noel好用推薦：@cosme 出品的鮮蔬奇肌面膜，小小包十片裝，方便易用。因為這款面膜主打沒有香料，成份安全，加上 “佐賀白石蓮藕“ 有效保濕，所以就入手試試❗ 面膜的摺疊設計很用心，提取時沒有散開，又容易取出，值得一讚 👍 面膜精華液足夠，用第9、10片時，不會覺得精華液已抽乾，但如果可以再多點就更好！保濕度也不錯，能夠令皮膚水潤，更上妝。個人試用完十片，比較喜歡用於早上護膚，快快敷面5至10分鐘左右，為皮膚打底！晚上敷的話，會覺得不夠 nourishing🤔 而缺點就係我這個面大姑娘的煩惱，面膜紙眼位太近及鼻位開得有點小，敷面時難貼服呢😅
<看全文>LenaC好用推薦：面膜質地：日本國產 😍 非常透薄 精華液完全滲透面膜紙 亦好貼面👩🏻適合皮膚：敏感肌（無添加任何香料，色素，酒精及油分等致敏成分 ）/ 隱性乾燥肌 滋潤度: ❤️❤️❤️❤️(非常濃潤) 用後感：只需敷臉五分鐘 感覺立即補水 好滋潤 我平時一般洗面沖涼後 一邊吹頭 一邊敷臉 五至十分鐘左右已經可以 留咗喺塊面度既精華就輕輕按摩當美容液👧🏻👧🏻🫶
<看全文>
Fng好用推薦：肌研白潤美白化妝水｜秋日轉季美白 肌研呢支「白潤水」（百零蚊大大支）一直係開架人氣王，今個秋天轉季專登拎來試真啲，睇下係咪真係好用！ 質地與膚感：👍👍👍👍 (驚喜！) 倒出嚟係帶少少稠度嘅透明液體，初時驚會黏，點知一拍上臉瞬間吸收，完全零黏膩！用完皮膚係水潤柔軟嘅觸感，冇酒精唔刺激，對轉季易敏感嘅混合肌超級友好。 美白效果：🤔 (溫和派) 用咗大半支，最明顯係膚色均勻咗，嘴角同鼻翼嘅暗沉有改善，成塊面睇落冇咁「灰黃」。不過要期望用完白幾個度就諗多咗，佢屬於細水長流型，幫你維持住個亮度同透明感。 秋日保濕力：👍👍👍 (剛剛好) 香港秋天忽冷忽熱，佢嘅保濕力對混合肌來講恰到好處，兩頰夠潤，T位又唔會笠。後續疊加精華同乳液，成個保濕程序完美配合！ 總結： 一支零出錯嘅平價美白打底水！特別適合預算有限、想溫和提亮膚色嘅學生黨同護膚新手。雖然唔會帶來驚天動地嘅美白效果，但作為日常保養，絕對係誠意之作！
<看全文>Jane好用推薦：質地清爽，吸收快。保濕度唔錯，性價比高，啱夏天使用，亦冇香精味。
<看全文>
Kelvin好用推薦：Ettusais提亮保濕妝前防曬底霜SPF50+ PA++++ 防曬到最高，水潤易推開，有少少珠光粒子喺入面，有潤色效果及保濕功能，各方面都顧及到👍🏻👍🏻👍🏻 用咗一段時間，坐冷氣房全日底無乜甩。我試過配搭YSL恆持，cpb 鑽光粉底液，都融合得好靚，冇起碎碎。 而家嘅天氣，混合肌至乾肌都岩用。$155/35g 咁嘅價錢有依種質素好surprise，我會比滿分💮可以話係平替版cpb 長管（cpb 再保濕多少少） #火熱新品
<看全文>Julianna好用推薦：一開始買呢支都係抱住試下心態，因為我皮膚比較容易泛紅，搵一款有tone up功能嘅妝前其實幾難。點知第一次用已經有驚喜，佢帶淡淡粉紫色，推開之後會中和到啲泛紅位，令膚色睇落勻淨咗之餘又唔會死白。重點係佢夠輕薄，質地偏水感，保濕度中等，適合春夏用～搽完個底乾淨晒，之後上粉底或者碎粉都好貼服。有時出街快快手唔化妝，淨係搽呢支都夠見人。不過就唔係太控油，T-zone好易出油嘅人可能要補啲定妝。好鍾意佢係物理+化學混合防曬，保護力高但用落唔刺激，敏感肌都應該ok。係我近期妝前愛用品之一！
<看全文>
Wuxx好用推薦：早排唔知因為咩原因我皮膚突然一次過起幾粒瘡， 仲要幾粒都係石頭瘡！！世界級崩潰！！ 少出暗瘡又無做開Facial嘅我真係零個辦法，唔知點解決。 有日同朋友食飯，佢見我膚況咁樣佢都嚇親， 然後就介紹左我用DR WU嘅杏仁酸同玻尿酸精華。 依個品牌係台灣好出名我知道嘅， 但因為我用日韓品牌比較多，所以無點研究依個品牌， 所以今次就膽粗粗聽朋友介紹去入手試下， 點知又真係有驚喜！！ 用左杏仁酸三日，啲石頭瘡就姐哂，完全無再痛！！！ 真係十萬個謝天謝地，如果等佢浮腫應該有排痛！！ 由於我用完高濃度酸性精華， 所以我朋友叫我用完一定一定一定要做翻好保濕， 當然我都聽話，後續上翻層玻尿酸保濕精華。 依枝精華嘅質地偏濃稠，但滲透力高，唔黏漉， 亦都即時感受到皮膚有飲到水嘅感覺， 而且每次用完第二日皮膚都會有種自然光澤感～ 依兩枝精華配搭真係非常完美！！ 多得我依個朋友，我先可以咁快脫離石頭瘡嘅魔掌 希望依篇使用心得可以幫到有同樣問題嘅朋友～～** 質地偏濃稠，但滲透力高，唔黏漉！！
<看全文>Kpl6be6好用推薦：喺韓國入手～保濕之餘唔黏膩～感覺易吸收～為皮膚補水嘅效果好好～
<看全文>
Fng好用推薦：極潤保濕乳液▶️混合偏乾熟齡肌嘅「基礎保濕之選」 ✨質地與保濕度： 乳液質地水潤輕薄，推開後迅速吸收，唔黏膩唔笠面，夏天用零負擔！主打「三重透明質酸」保濕，用完皮膚即時水潤柔軟，兩頰乾燥位有明顯改善，但冷氣房過夜可能唔夠持久，要疊加保濕精華。 ✨溫和與兼容性： 無香料、無色素，成分簡單溫和，敏感肌都適用！後續防曬或上妝唔會搓泥，適合日常快速保濕。不過如果皮膚極乾或熟齡肌，可能覺得「只有保濕，其他功效欠奉」。 ✨同價位比較： VS Curel潤浸保濕乳液：Curel更適合敏感泛紅肌，但極潤保濕力更強； VS 無印良品敏感肌乳液：兩者質地相似，但極潤滲透力更佳； VS Neutrogena水活保濕乳：Neutrogena更清爽，但極潤性價比更高（大支裝更抵用）。 ✨適合邊類人： 學生黨、預算有限嘅混合偏乾肌！夏天基礎保濕夠用，但熟齡肌可能要疊加抗老精華先夠全面。 總結：平穩不出錯嘅「萬年回購款」！$150有咁嘅保濕力，抵用！
<看全文>A&R好用推薦：我覺得呢支比較黐粒粒，雖然都好滋潤，但係可能唔係咁適合我嘅皮膚，所以未必繼續使用。
<看全文>
LenaC好用推薦：這是我第一次使用日本”senka 專科“的”保濕化妝水 吸引我試既 係“Senka專科“全系列無酒精、無香料、無色素 啱晒我（敏感肌） 講講佢嘅保濕化妝水 質地水潤偏稠 特別適合乾性皮膚 做到持久長效保濕亦可以沾濕海綿當敷面膜使用 敷完覺得超水嫩 用後感：個人皮膚本身唔算特乾 佢呢隻超級水潤 輕輕多按摩幾下皮膚都好吸收 唔會好黐立立而且佢各種無添加 啱晒敏感皮膚使用 我自己用完呢隻爽膚水會省略之後既乳霜 因為已經夠晒潤 通常係平時week-end - 無街去 - 呆在家中 - 懶洋洋 - 乜都唔想做嘅懶人護膚 “routine“😅😂😂🤣
<看全文>Noel好用推薦：由於個人屬於大乾肌，但凡日系保養品中分了清爽／滋潤型，我都會毫不猶豫選購滋潤型，這枝專科保濕化妝水亦不例外😉 專科這個品牌值得信賴，使用過旗下多款產品，也沒有敏感或不適，加上價格實惠，超級推薦啊～ Senka Deep Moisture Lotion II (Rich) 呈透明無色，沒有香料，液狀質感，有點像啫喱水／精華水，比較濃郁＋稠。 這款保濕化妝水含： 💧天然絲繭精華 💧雙重透明質酸 整體的保濕力很好，我這個大乾肌 approved ♥ 而且保濕效果幾持久，第二天早上都仍然感覺滋潤👍 Moisture Lotion ll 塗到皮膚上會快快被吸收，使用感良好。就個人護膚習慣而言，我喜歡塗兩至三次化妝水，才上精華素。奇怪的是，多塗這個化妝水的話，吸收速度會變得比較慢，感覺膩了點。 所以使用這枝化妝水時，我會有不同 routine： 1️⃣ 潔面後快快為皮膚補水（拍1次） 2️⃣ 用紙纖化妝棉濕敷全面當作面膜（大量） 以冬日護膚＋補水而言，方法2️⃣非常值得推介，就算濕敷用量大也心痛✔ #冬季保養
<看全文>
poonpoon好用推薦：Dove滋潤柔膚沐浴乳（溫和低敏配方） 買兩支優惠套裝嘅時候配搭到呢一款🤣 感覺冇乜泡，但都乾淨嘅，滋潤度都OK，比原味嗰支滋潤低少少，冬天用完皮膚唔會太乾，感覺真係幾適合敏感皮膚用。 價錢同其他dove沐浴露一樣，無話特別貴，多一個幾好嘅選擇👍🏻抵用呀
<看全文>Kelvin好用推薦：Dove滋潤柔膚沐浴乳（溫和低敏配方） 🌟平價大枝，有唔同味道，總有一款會鍾意 🌟雖然呢款係溫和性質，但清潔力度足夠 🌟起泡唔會太強 🌟有如其他嬰兒護膚產品的味道，感覺比其他同系列產品高質，但價錢一樣💕 最喜歡Dove嘅沐浴乳唔同味道有唔同功效，真的有分別，我會回購依支味道👍🏻👍🏻👍🏻
<看全文>
Ceccinmydin好用推薦：Kiehl's 氨基酸洗髮水用過小樣後一試愛上，個人已多次回購👍🏻 佢係透明啫喱狀，好易起泡，搓兩下就有好多泡泡，洗起上嚟好溫和，完全唔刺激頭皮，感覺好舒服🥰 帶有椰子香味，聞落好自然唔會假，洗完頭之後都有淡淡香味留住，心情都好啲 用完覺得頭皮好乾淨，油膩感即刻冇晒，不過髮尾有少少乾，要用返護髮素保濕 我自己頭皮偏油，感覺清潔力啱啱好，洗完頭髮摸落去幾滑，唔會打結，吹乾之後都幾順
<看全文>Water好用推薦：呢枝洗頭水係贈品常客，每年生日禮物都有佢，唔好以為咁樣代表佢唔好用，相反佢潔淨力好夠，泡沫又細緻；游完水用呢枝洗頭可以好容易洗乾淨泳池水嘅殘流物質，而且有淡淡椰子味，非常討好。油頭皮如我用完會覺得好清爽，唔好處係洗完啲頭髮會有乾澀嘅感覺，要用番比較滋潤嘅護髮素去平衡番！
<看全文>