找產品
低敏配方 推薦好用產品
226 件
Kelvin好用推薦：Ettusais提亮保濕妝前防曬底霜SPF50+ PA++++ 防曬到最高，水潤易推開，有少少珠光粒子喺入面，有潤色效果及保濕功能，各方面都顧及到👍🏻👍🏻👍🏻 用咗一段時間，坐冷氣房全日底無乜甩。我試過配搭YSL恆持，cpb 鑽光粉底液，都融合得好靚，冇起碎碎。 而家嘅天氣，混合肌至乾肌都岩用。$155/35g 咁嘅價錢有依種質素好surprise，我會比滿分💮可以話係平替版cpb 長管（cpb 再保濕多少少） #火熱新品
<看全文>Julianna好用推薦：一開始買呢支都係抱住試下心態，因為我皮膚比較容易泛紅，搵一款有tone up功能嘅妝前其實幾難。點知第一次用已經有驚喜，佢帶淡淡粉紫色，推開之後會中和到啲泛紅位，令膚色睇落勻淨咗之餘又唔會死白。重點係佢夠輕薄，質地偏水感，保濕度中等，適合春夏用～搽完個底乾淨晒，之後上粉底或者碎粉都好貼服。有時出街快快手唔化妝，淨係搽呢支都夠見人。不過就唔係太控油，T-zone好易出油嘅人可能要補啲定妝。好鍾意佢係物理+化學混合防曬，保護力高但用落唔刺激，敏感肌都應該ok。係我近期妝前愛用品之一！
<看全文>
lonia好用推薦：每逢戶外活動長時間曬太陽之後，皮膚就好容易變紅變乾，或者秋冬季節，日常護膚都不足以補濕嘅時候，就會敷mask幫皮膚補補水。 呢款mask價錢唔貴，所以屋企會長備作補水用。mask嘅前裁比一般mask闊，可以fit到不同面形大小嘅女生，完全cover到全塊面，同時非常貼面。敷上mask之後我會輕拍不同位置，幫助吸收精華液。敷完之後完全感覺到充足補水嘅效果，連帶膚色都有所提亮，皮膚當堂有一種水潤透亮感。
<看全文>Verna好用推薦：我用開這品牌的保濕爽膚水，覺得很不錯，所以對這保濕面膜也有點期望，而且它無香料無色素無酒精，敏感肌也可以用 洗完面後，我會首先用花水噴濕整塊面，然後才敷上面膜，我覺得這樣做的效果會更好。敷上面膜紙，就發現它的剪裁很貼面，而且敷的過程也沒有走位 看包裝，它的精華液有23g，我覺得份量剛剛好，拿出面膜紙後，袋內還有少許精華液，我會把它倒出來再搽上面，這樣也沒有水滴滴 敷了10分鐘，我就跟包裝說明拿走面膜紙，面上仍然殘留少許精華液，是透明有少許黏稠的，不過我也習慣過一過水，然後才搽上護膚品 我覺得敷完面膜後，皮膚立時變得水潤了，毛孔細緻了，連膚色也好像有點白淨了，我覺得可以當作急救面膜，而保濕效果也可以維持一兩天
<看全文>
KaKi321好用推薦：今次已經係多次回購呢款面霜，前排因為打算再試吓其他產品，於是就停用咗呢款保濕面霜。結果，就開始爆返好多暗瘡。 肌研Hada Labo 極潤保濕清爽水分露（$99–係Waston購入） 使用方法好簡單，我習慣先噴左保濕水，等保濕水完全吸收之後，先至再搽肌研嘅水分露。 水分露嘅質地清爽，唔會痴黐立立。我本身好怕搽完面霜之後，塊面會好容易出油。呢一款水分露完全唔會有呢個問題，揸塊面之後感覺係舒服。 另外，我額頭一直都好容易出暗瘡，但係搽完佢之後真係會少咗好多。感覺到佢真係有符合返產品描述嗰度講嘅，舒緩及修復受損肌膚，提高肌膚穩定性。
<看全文>Meme166好用推薦：質地輕薄， 查上塊面有清涼感， 有保濕效果，唔會痴笠笠， 好岩夏天用
<看全文>
chasiutung好用推薦：我混油敏感肌 用Dr wu 杏仁酸沒有過敏 用8 ％依款無乜效果 可能係我之前有用過果酸所以需要濃度高d嘅杏仁酸先有效 18 ％嗰款特別愛用 因為我吾喜歡全臉都係油嘅感覺 所以我只會係有暗粒嘅位置同有黑頭嘅位置搽 剛開始用 會長痘 但好快謝 會有少少甩皮 之後會發現暗粒少左 皮膚變得乾滑左👍酸類黎講杏仁酸係比較溫和 同無咁快見效 不過用耐左效果真係好好 雖然杏仁酸溫和 但皮膚都需要建立耐受 剛開始先用8 ％ 一星期用一至兩次 之後皮膚適應左 可以日日用 用完一支之後可以考慮使用18 ％ 但18 ％吾可以日日用 一開始可以 一星期用一至兩次之後可以隔日使用 杏仁酸 油狀質地 雖然係油但吾係油冧冧嗰種 質感輕薄但使用後皮膚會略乾 甚至甩皮 要注意做好保濕同防曬 🫶 Dr wu 杏仁酸 價值吾貴 性價比高 值得入手👍推介
<看全文>Heychauchau 好用推薦：Dr. Wu 杏仁酸性質比較溫和，剛開始使用時會有少少刺痛感，一週大概使用一到兩次，讓皮膚漸漸適應後，可以持續使用，有助溫和煥膚。我已經入手第二瓶，皮膚看起來沒有那麼暗沉，而且角質層沒那麼厚。
<看全文>
Julianna好用推薦：夏天護膚唔想太厚重，呢款薏仁水凝霜真係幫到手。佢質地好似啫喱咁，一搽上面即刻變水感，吸收得快又唔黏。對於我呢啲混合偏油肌嚟講，夜晚搽厚少少可以當sleeping mask，朝早又可以當妝前保濕打底，性價比高得嚟又夠大罐，真係唔怕用。冇香料冇刺激，基本上敏感肌都可以試。不過佢保濕力唔算超強，如果你係乾肌或者轉天氣時用，可能就未必夠力～我自己會喺秋冬加返面霜先夠鎖水。不過炎夏用嚟降溫+補水，真係非常啱用，用完塊面有種透亮感。CP值極高，特價入手更加冇得輸！
<看全文>Mommy Lizard好用推薦：我30歲之後開始有濕疹 ，所以只可用一啲成份簡單嘅產品 。再加上要成日化妝，所以要用一啲唔起擦膠粒嘅面霜。有次我買二人化妝水送咗佢嘅面霜，試用之後好有驚喜，因為配搭使用個保濕度超高好快用完我就即刻再買。用咗一排之後我發現整體嘅膚質改善咗亦都冇咁暗黃，可能因為佢成份好簡單，所以對皮膚嘅負擔比較細。雖然有好多人擔心佢唔夠保濕，但我個人嘅經驗 ，單用可能真係唔夠但如果用咗呢隻化妝水+用化妝棉抹走皮膚角質層，跟住即刻皮膚濕濕地嘅時候搽呢隻面霜就有神奇嘅保濕功效。
<看全文>
jhope0725好用推薦：呢樣產品嘅配方，專門為油性及混合性皮膚調製，成份方面沒有煉製酒精，即使相對較為敏感嘅皮膚都可以嘗試！ 使用效果方面，用咗一星期，我自己相對油性嘅皮膚係使用後會感覺到出油量比平時減少，尤其是係鼻翼，以及下巴位置。 晚上配合化妝棉使用，亦都會見到有淡黃嘅油漬同角質會跟隨化妝水被抹去，作為二次清潔是非常不錯的選擇！ 我會感覺到有疏通毛孔的感覺，使用完畢會見到毛孔當中的含油量減少~持續使用對改善膚質相信效果更顯著！毛孔肌朋友可以嘗試呢~不過要提醒大家，產品的開口位置較為闊大，要小心控制分量！  香味方面，是草本氣味，各位朋友可以嘗試吓是否適合自己！
<看全文>Milo101好用推薦：🌟透綠色水狀爽膚水，香氣是帶甜的草本味 🌟比較適合夏天或皮膚不穩定出油時使用，用後感覺水油平衡
<看全文>bibubibu好用推薦：天氣開始轉涼，眼部肌膚都感受到比較乾燥 所以今個冬天就買咗眼膜嚟試吓 呢一款眼膜價錢大約$70唔係太貴，但效果都唔錯 佢嘅面膜紙非常之貼面 可以好好咁樣敷喺眼周肌膚 精華份量適中 唔會太多滴到周圍係 又唔會太少 敷完之後感受到眼周肌膚吸收哂精神 肌膚變得滋潤，敷完之後再化妝都冇問題
<看全文>Giselle 好用推薦：Kose Cosmeport 深層修護緊緻眼膜 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前見佢比較平所以入手咗⸜(๑⃙⃘'ᵕ'๑⃙⃘)⸝⋆︎*呢款眼膜初頭用可能因為佢精華液仲好多，所以就會覺得好用( ˙༥˙ )當敷係眼袋同埋嘴角都會feel到有被敷到嘅皮膚係有變緊致咗⸜( ´ ꒳ ` )⸝♡︎但係慢慢就會覺得佢嘅功效越嚟越唔明顯(⌯︎˃̶᷄ᗝ˂̶̥᷅⌯︎)可能係因為佢嘅精華翼已經蒸發咗(꒦ິ⌑︎꒦ີ)就算我已經撳實咗個蓋都好( ･᷄-･᷅ )我應該就唔會再回購啦₍ᐢ ›̥̥̥ ༝ ‹̥̥̥ ᐢ₎
<看全文>
lauraqq好用推薦：Fresh 嘅玫瑰爽膚水，夏天加冷氣房使用，保濕程度都夠，用完有種滋潤嘅感覺。加上有玫瑰花喺水入邊飄下飄吓，使用體驗都幾夢幻。 但唯一嘅缺點係，用到後期啲玫瑰花會塞住個洞口，好難先Chok到啲爽膚水出嚟。
<看全文>Yanny好用推薦：第一次用Fresh嘅產品 一直想試佢呢一個玫瑰化妝水 有陣陣玫瑰花香味 搽落去係有少少滋潤感，但係不失清爽 因為我自己唔鍾意太過黏笠嘅感覺 特別而家係夏天準備轉入秋天，天氣比較悶熱 如果太黏笠皮膚會好辛苦，而且如果吸收唔到就會影響之後上妝的感覺 我覺得呢一隻化妝水就係滋潤得來，又唔會太黏笠 但唯一缺點就係啲玫瑰會塞住 去到最後好難倒出嚟 下次會想試吓佢另外一隻產品 
<看全文>