熱門保養 推薦好用產品

　peg好用推薦：呢款氣墊，我用完之後心情真係有啲複雜。 一開始上妝嘅時候，佢嗰種水光感真係好勁，一印落去成塊面即刻好似打咗燈咁，係嗰種韓妞追求嘅水亮效果，望落去皮膚好似浸喺水入面咁，保濕力亦都真係做得唔錯。 但係，佢最令我失望嘅係好顯毛孔。佢啲光澤感好似係喺你啲毛孔上面鑲咗邊咁，尤其係鼻翼兩側同面珠位，平時唔係好覺有毛孔，用完佢之後啲毛孔反而變得好明顯。同埋佢嘅粉質好似冇紅色嗰款咁貼，如果嗰日皮膚狀態唔係極好，啲粉會好似浮喺表面咁，仲有啲容易卡粉。 遮瑕度方面亦都比較弱，普通嘅暗瘡印都仲係見到，而且因為佢太過水亮，如果唔小心重手咗，成塊面會顯得好油膩，完全唔係嗰種高級嘅光澤感。對於我呢啲追求精緻妝感嘅人嚟講，呢款真係有啲扣分，雖然個水鑽包裝好閃好靚，但係顯毛孔同埋容易浮粉呢兩點真係令我唔會想再回購，下次都係用返紅色嗰款穩陣啲。

Zoe 好用推薦：This cushion foundation is way more dewy and luminous compared to the original TIRTIR foundation. The original is much more matte with fuller coverage, but this cushion is lighter, clearer-looking, and gives a fresh, glowy finish that looks like your skin but better. It also doesn’t oxidize nearly as much as the original. Grab this if you love that effortless Korean glass skin vibe, but stick to the original if you want matte, higher coverage.

sallywong714好用推薦：皮膚高敏人士一定要試吓呢隻，每次feel到塊面痕痕地、就快要爆瘡嘅時候，我一敷完依款面膜就可以真正咗皮膚停止咗爆瘡，十分好用！就算爆咗瘡痘印都去到，好快就淡😍

Milo101好用推薦：🌟淺綠色泥mask，之前套裝的其中一項 🌟雖然去油脂及清潔力不過不失，但因為用後覺得比較乾，所以沒有考慮回購

iliya 好用推薦：黑糖加草莓就係超超超香甜嘅味道～敷嘅時候心情都真係會好啲😛😛😛

Blueblueblue好用推薦：一打開盒就有濃濃嘅士多啤梨味撲鼻。 平平地一盒面膜，敷10分鐘就洗得，快靚正。

Tong好用推薦：超級好用，咩難卸嘅睫毛膏都卸到 唔會刺激，仲要十幾秒就卸得乾乾淨淨！！！ 推薦！

Connor好用推薦：呢款防曬噴霧我特登買嚟for户外運動用，首先佢防曬系數絕對夠，無色無味，噴霧略嫌唔夠細膩，噴上皮膚到會明顯有一噠噠，需要用手推返開，同埋都有小小粘笠感；但佢防水方面都算唔錯，仲夠持久，可以keep到4、5個鐘，同埋我用咗佢出去户外大半日都冇曬黑到👍🏻 至於佢聲稱噴咗有涼感，我就唔多感覺到啦。

Angie好用推薦：夏天成日都周身汗，補防曬真係一件好痛苦嘅事，不過呢款防曬噴落去有一種好冰涼嘅感覺，所以補得好舒服🤭

PorscheB好用推薦：去旅行嘅時候喺台灣屈臣氏買 因為發現唔記得咗帶卸妝油 行過見到呢一支卸妝乳本身有得揀 茶樹或者蘆薈嘅 抱住試一試嘅心態都冇好大期望 反而覺得幾好用 覺得佢卸妝都好乾淨， 眼線 眼影都可以一次過卸走 同埋唔會刺激到皮膚。 首先支出嚟嘅質地係似乳液咁樣 淡淡嘅蘆薈味道。 搽上面 打圈捽 見到啲化妝品漸漸溶出嚟之後就可以沖洗。 唔需要用化妝棉去抹。 佢保濕效果，當然唔會好強， 不過自己都習慣之後在洗一次面。 呢個唔係太大問題。 性價比嚟講，真係好滿意

A&R好用推薦：當洗面奶係ok，如果卸妝就真係唔得，厚妝卸唔到，淡妝都卸唔乾淨。。。。呢款洗面奶建議卸妝後再用，或者平時潔面用。只勝在價錢夠平。

Jasmine Yuen好用推薦：Curel 主打低敏，如果買俾小朋友用，我會諗起呢個牌子先 夏天一定要用防曬，我買呢支俾小朋友用，完全無敏感。 搽手腳身體都ok, 係物理性防曬，用完少少泛白，仍可接受範圍。 不過流好大汗嘅時候，會流白汗😅

Tjhinn好用推薦：質地清爽 ，貼服透薄不會焗，敏感皮膚都用得，不過上臉有點白

natanatalie好用推薦：佢質地出奇地討好，好smooth，好易推，好易吸收，亦有明顯亮白左嘅感覺。

natanatalie好用推薦：落妝效果不錯，感覺算溫和，落眼妝可能會比較弱一點，碰到眼也不會感到刺激

jojoma123好用推薦：簡單易用,用化妝棉沾少許份量,然後輕輕拭抹臉龐,已能將淡妝抹走,如果防水妝的話,可能要配合卸妝油一併使用,這樣會比較乾淨

Julianna好用推薦：主打清爽，但真係清得太乾淨，保濕力基本停留係淺層，未至於佢講到咁「極致」。我本身屬於混合肌，T字位易出油，但敷完之後兩頰冇特別被滋潤到，只係感覺清涼少少。如果皮膚狀態好，用完會覺得乾淨、膚色有輕微均勻感，但效果維持時間好短，半日後已經打回原形。 精華量唔算多，成塊mask唔會滴汁，但都唔至於乾。cutting方面屬於中規中矩，唔係超難用，但都唔夠貼面，鼻翼同下巴位成日會浮起，影響吸收感。香味方面，有淡淡日本酒味，無酒精感但唔算特別舒服，敏感肌建議先試一小塊。 呢款mask最大優點就係夠清爽、唔黏笠，夏天用唔會太焗。但保濕力明顯唔夠，唔建議乾肌或者皮膚乾燥時用，會覺得好空虛。性價比方面一般，唔貴但亦唔算超值，屬於「有用但唔愛」嘅類型。 ✅ 適合膚質：油肌／混合偏油、夏天使用 ⚠️ 不適合：乾肌、急救補水用途 ⭐️保濕度：★★☆☆☆ ⭐️清爽度：★★★★☆ ⭐️使用感：★★★☆☆ ⭐️回購意願：★★☆☆☆

Kelvin好用推薦：呢個面膜最出名就係有日本酒嘅成份喺入邊，佢係一包7塊嘅面膜，所以精華液嘅份量都唔會太多，呢啲多片面膜，最好就唔好敷太耐，如果唔係會給返面部水份。 面膜有淡淡地嘅日本酒嘅香味，幾特別，同埋都幾香甜。佢嘅面膜紙好大塊，可以覆蓋我全男人嘅面。而佢嘅精華係水狀，好容易滴出嚟，敷面嘅時候建議瞓喺度。我5分鐘之內就會搣咗佢，之後皮膚就會有清爽、清爽水潤保濕效果，面部滑滑彈彈💧朝頭早用完醒神晒

940727.0好用推薦：呢個係新包裝，比舊版更加方便快速潔面。 另外加入咗金木犀，更加保濕。 

lingbb好用推薦：- softymo 係非常便宜既洗面膏，初初用，乳狀用水起好多泡，洗面都幾乾淨，但係我身上用用下皮膚會覺得好乾，係乾到好唔舒服，甚至有敏感，之後就無再用佢。

Kpl6be6好用推薦：同樣喺日本入手～已經差不多用完～因為用起嚟實在方便～同埋質地清爽用落無負擔感～最重要有感改善咗皮膚水油平衡度～

rachelnoni好用推薦：質地係啫喱偏水，搽上面舒服。但搽完第二朝唔覺好補濕，效果好普通，適合油性肌膚多d

林雅詩好用推薦：很全面的防曬，價錢也十分相宜，可惜香港較難購買，只有某些日本水貨店有賣，之前在台灣已用光4-5支，又防水又控油，防曬效果好，自然的泛白（本人喜愛微微泛白可以調節我本身比較偏黃的皮膚）不會流白汗，春夏秋冬都適用的防曬

JL好用推薦：年輕時朋友推介suisai的酵素洗顏粉(藍色粒粒那款)，覺得非常好用。直到Kanebo推出粉紅色粒粒，我又被燒著了，但不知是否年紀大了，感覺沒有當時那麼驚喜。 這款雙色酵素洗顏粉潔淨力是後足夠的，不過個人覺得泡沫比較稀薄，所以打圈洗面時泡沫很快消失了一半，我比較喜歡綿密厚實的泡沫。不過它獨立粒裝確實是很方便的(雖然不環保)，不用擔心使用份量。

iliya 好用推薦：酵素洗顏粉最方便嘅地方係獨立一粒粒嘅包裝，方便攜帶，最適合去旅行嘅時候用！而且呢款都幾滋潤，洗完唔會有好乾嘅感覺。

Lilamia好用推薦：🩷的確係比使用其他洗面使用感好好多 氣味上同埋清潔力都好好 洗完面完全冇緊繃嘅感覺 有種好似敷完mask嘅柔嫩 有種輕撫地為你擦去所有污糟嘅感覺 🦋但係價比性的確唔高 對洗面冇特別太大追求 又或者唔太容易過敏嘅姊妹嚟講冇乜一定要買嘅必要性

Kelvin好用推薦：因為外包裝而買，milky 牛奶精華沐浴露，呢款係小朋友都可以用，沒有添加防腐劑。 睇落去以為係好香牛奶味，藍色呢款係番梘🧼香味，而佢呢個牌子係有三款香味，沒有一款係純牛奶味。 泡泡又唔算太綿密，用完皮膚係清爽唔算保濕，俾佢嘅外包裝呃咗。

Hana0125好用推薦：價錢平，CP 值好高，全系列嘅所有香味都用過哂，最中意都係香皂味，係令人感覺舒適嘅香味。 成份含有乳木果油，潔淨身體之餘，用後感覺滋潤一啲都唔乾！而且無添加防腐劑，用得安心。 用完重有得買補充裝，非常環保！ #清潔好物推介

Rita Tai好用推薦：成份天然，用過唔黏笠！多次回購，係我皮膚最差最多痘痘時救返我既一支好產品👍🏻👍🏻 #我的最愛化妝水

Gf_w好用推薦：✅非常清爽的一個化妝水 ✅不刺激 ✅容易吸收 ✅有淡淡的玫瑰味 ✅容量有250ml，耐用 🤔質地偏水狀，喜歡清爽快吸收的應該會喜歡這種化妝水。但個人認為，這款化妝水不夠保濕，暫時用完不會回購

Circlecyy20好用推薦：用到兩周後 皮明顯有白滑及透亮 但是價錢實在太貴 會在重要場個前數日才使用

Kna好用推薦：好勁，第1次用，唔洗用晒1set已經要買過d粉底。之後每年會買1或2次進行保持，佢係我用過效果最出嘅美白。今年已經第3年用佢。夏天用都幾保濕，冬天就必須要打好個保濕底。 佢連埋枝去角質，其實幾好用，但皮膚較簿嘅位用完會有少少泛紅。用佢嘅循環精華打底可以避免依個情況。 同埋我係感敏肌，係生理期用佢會有少少泛紅，但平時就無咩事。

Pinky好用推薦：乳液狀質地，推開有防曬感覺，可以做埋日抖既乳液/面霜+防曬，2合1比較方便，滋潤保濕度一般，有時搽既時候會起擦膠碎

格仔餅公主好用推薦：覺得買貴左既防曬，保濕效果又唔係特別好，好彩我唔係乾肌，美白亦無咩特別感覺🤷🏻‍♀️

natanatalie好用推薦：感覺是非常天然和溫和的一支保濕精華，啫喱狀的質地對肌膚負擔很輕盈，非常快便吸收，很適合油性肌膚使用，但冬天來說便不足夠了。

羅小白好用推薦：本身佢係牙膏狀嘅設計，所以都好容易控制到個份量，而且唔使驚打開樽嗰陣時唔小心倒瀉，或者唔小心打爛咗玻璃樽，算係一個user friendly,又環保嘅設計。 而且保濕效果幾好，用完塊面明顯係水潤咗好多，不過用完之後膚感麻麻地，一開始會有種黐立立嘅感覺，好似搽咗膠水，但係按摩一陣等佢吸收之後，就會感覺到塊面保濕咗好多。