面膜護理 推薦好用產品

Emily Leung好用推薦：Minon 面膜使用心得｜敏感肌恩物！保濕力超強 我係混合性偏乾敏感肌，轉季或者用到唔啱嘅護膚品好容易面紅、痕癢。試過好多話溫和嘅面膜都頂唔順，唯獨呢隻Minon真係冇刺激感。 產品賣點 · 專為敏感肌同不安定肌膚而設 · 含有9種保濕氨基酸同2種清透氨基酸 · 低刺激、無香料、無色素、無酒精 · 通過敏感性測試 ✅ 優點： · 溫和到極！ 真係零刺激，就算塊面有少少敏感泛紅，敷上去都完全唔痛唔痕，感覺好安心。 · 保濕力持久！ 精華係嗰種杰身嘅啫喱狀，唔會好似水狀精華咁滴滴仔。敷完20分鐘塊面都仲係濕濕哋，第二朝起身塊面都仲係軟淋淋，上妝好貼服。 · 修護效果掂！ 如果因為乾而出咗少少粒粒或者紅印，敷完佢會覺得鎮靜咗好多，皮膚個「底氣」好咗。 ❌ 缺點 / 要注意： · 面膜紙偏厚，剪裁對大面或者高鼻樑嘅人未必最伏貼，但都接受到。 · 精華「黐立立」：因為係氨基酸精華，質地比較杰，敷完之後面上會有層薄膜感。如果你係油性肌或者鍾意清爽，一定要過一過水，或者當晚霜咁用紙巾印走多餘精華。 · 價錢唔算平，如果日日用會肉赤，比較適合用來急救或者一星期做一兩次深層保養。 個

Desse好用推薦：日本旅行必入面膜之一💓💓💓 MINON Amino Moist 面膜超級適合敏感乾燥肌！ 我入呢款係敏感肌專用😍😍 滿滿22ml濃厚精華液，鎖水又補濕🧏🏻‍♀️🧏🏻‍♀️ 💡質地方面 凝膠狀，好貼面又柔軟，敷10-15分鐘就夠晒滋潤，幫助撫平因乾燥引起嘅細紋同加強肌膚屏障 💡用後感 皮膚即刻水潤柔嫩，連冷氣房訓醒都唔乾，精華吸收快又唔黏笠，殘餘精華仲可以用來擦頸或身體，好抵用❤️ 留意位🔔🔔🔔 唯一小缺點係面膜太大張，裁剪貼合度可再提升 總結嚟講🧏🏻‍♀️🧏🏻‍♀️ 保濕修護又安全，對敏感肌超友善，換季和乾燥時必備之一💓💓

莓莓好用推薦：【Fresh玫瑰保濕面膜使用心得分享🌹】 天氣一轉凍，護膚程序就要即刻加強補濕！最近愛上咗Fresh嘅玫瑰保濕面膜，絕對係我冬季護膚急救箱入面嘅必備神器。 ❄️ 質地同香味超加分！ 一打開就聞到好清新、好高級嘅天然玫瑰花香，唔係嗰種好假嘅香精味，聞落好放鬆。質地係透薄嘅啫喱狀，裡面仲見到一片片嘅真實玫瑰花瓣，搽上臉嗰陣好冰涼舒服，冬天用唔會覺得笠同膩，吸收得好快。 💧 冬季修保濕效果大讚！ 冬天皮膚乾到痕癢同繃緊，我一覺得唔對路就會厚敷呢隻面膜10-15分鐘。敷完洗面之後，成塊面即刻「嘩」一聲咁，充滿光澤同水潤感！摸落去係飽滿咗、軟熟咗，嗰種即時嘅補水力，真係可以話係「沙漠救星」。特別係鼻翼同眉心呢啲易甩皮嘅位置，用咗之後上妝都貼服好多，完全唔會卡粉。 🌸 使用小貼士 我會一個禮拜用2-3次做日常保濕，如果皮膚狀態特別差，甚至會連續敷幾晚做密集修護。有時朝早趕時間，我都會薄敷5分鐘當個快速補濕打底，之後皮膚狀態會好咗好多，上妝更加持久。 總結嚟講，呢支面膜嘅冬季修保濕效果真係肉眼可見，質地同香味都令人好享受護膚過程。對於追求溫和但高效補水嘅朋友嚟講，呢個絕對係冬季不可或缺嘅好幫

Sakura醬好用推薦：【真實測評】Fresh玫瑰面膜 🌹 🍯「呢罐嘢有幾補水？」 講真，乾到甩皮嗰陣敷佢，真係有種 「沙漠遇甘泉」 嘅感動！敷完塊面會 「嘭」起嚟，摸落去duang duang聲咁彈手～ 🌸「質地點樣？」 · 似 融緊嘅玫瑰花醬，裡面有真花瓣碎 · 味道係 天然玫瑰香，唔會俗氣 · 質地 清爽唔黏，油皮夏天都接受到 💁「我用落覺得...」 ✅ 優點： 1. 急救力滿分 → 曬後/冷氣房抽乾水分後敷，即時降溫補水 → 敏感泛紅有舒緩到，敷完冇再「燶燶緊」 2. 妝前神器 → 朝早薄敷5分鐘，之後上粉底 貼服到似第二層皮膚 → 鼻翼、眼底唔再卡粉卡到「起地圖」 3. 治癒感強 → 玫瑰香+冰涼感，敷緊嗰刻真係好relax✨ ⚠️ 注意位： 1. 要識得用！ → 一定要 按摩到花瓣融化，先釋放到精華 → 敷完要用 濕手打圈乳化 再沖洗，否則會黐立立 2. 唔係萬能 → 主要係 即時補水，唔好期望抗老美白 → 極乾肌可能要再加保濕霜鎖水 3. 用量要豪爽 → 慳住用效果減半，至少要用到遮到膚色嘅厚度 💰「值唔值呢個價？」 坦白

Emily Leung好用推薦：Cosme最值得回購的卸妝油 Attenir卸妝油是我回購最多的卸妝產品了！因為它真的卸的乾淨又溫和！而且膚感清爽巨好清洗，上臉幾乎沒有油膜感！洗完還不拔乾很水潤！ 清潔力也不輸任何大牌，無所謂淡妝還是濃妝，就連難卸的眼部彩妝也能卸得乾乾淨淨，親測塗了防水很強的睫毛打底+睫毛膏+眼線，也能快速溶妝，卸的非常乾淨，最重要是完全不刺激眼睛！ 味道也好聞，最喜歡柑橘香，其次是玫瑰！每次卸妝都感到很治癒！

Circlecyy20好用推薦：Attenir 呢款卸妝油帶有柑橘嘅香氣，用起嚟嘅時候就好似將精油按摩喺面上，使用感相當之舒服。 至於卸妝力方面，佢可以輕易地將面上嘅彩妝卸下，喺面上打圈按摩時候，有一啲嘅黑頭都被按咗出嚟，清潔力都不錯。清洗之後皮膚不會緊繃，反而佢有小小嘅滋潤又不笠。

Water好用推薦：本人係混油肌，角質層都比較厚，黑頭粉刺都比較多，做完facial清完一輪都好快打回原形；所以試吓呢枝gel plus睇吓可唔可以改善上述情況。 Gel plus本身係果酸產品，上面會有少少吉吉地同刺眼，但呢啲感覺好快會消失；佢係好水感嘅gel狀，容易塗抹：搽完之後等15分鐘洗走，我通常會配合磨砂一齊用，用完會feel到真係清走咗啲污糟嘢，但一定要定期keep住用先見到效果。 雖然佢係家用版本比較溫和，但做完之後都要注意保濕同防曬啊！

Miaomiao好用推薦：我係混油皮膚質，下巴、嘴角、鼻翼既位置經常有粉刺，鼻上有黑頭。用後覺效果滿意，大概清到8成粉刺黑頭，雖然未至於針清咁乾淨，但勝在安全得黎又方便易用。一星期敷一次已經有明顯嫩膚去角質效果，亦改善到油脂分泌。 質地係偏流質既啫喱狀、透明。Gel plus主打含有15％甘醇酸，濃度都偏高，有一定刺激性。初次使用建議唔好敷太耐e.g.先試5分鐘，用慣左既我覺得可以敷夠15分鐘，有傷口/生粒粒/泛紅嚴重既時候就唔建議用住啦。 本身我既皮膚都容易敏感，暫時用左咁耐係皮膚健康既情況下搽完全冇"la"既感覺，亦冇試過用後敏感。唯獨係酒精味頗濃烈，特別係搽係鼻周既時候覺得太嗆鼻。雖然好快揮發，但係減少d酒精成份會用得比較舒服。

Fng好用推薦：DECLARE 水盈保濕塗抹式面膜瑞士溫和保濕 ✨ 質地與觸感 DECLARE呢支塗抹式面膜係乳霜啫喱質地，推開好水潤，唔會厚重黏笠。薄薄塗一層已經夠覆蓋全面，5分鐘快速吸收，適合香港夏天怕悶熱嘅混合肌使用～ 🌟 即時補水與舒緩 主打瑞士冰川水同玻尿酸，敷完皮膚即刻有飲飽水感，兩頰繃緊位置明顯軟化！試過曬後厚敷10分鐘，面頰泛紅同熱感快速降溫，但持久保濕力中等，冷氣房待3小時後要補塗面霜鎖水～ ⚠️ 局限性 價格偏貴（約$400/75ml），功能以基礎保濕為主，性價比唔算高。唔適合追求強效修護嘅人，主要針對簡單補水同舒緩～ 💡 使用心得 混合乾肌可以妝前薄敷3分鐘急救，之後用化妝水抹走多餘面膜，底妝即時貼服！夜晚可以厚敷當睡眠面膜，但T區要避開，免得太潤出粒粒～ 推薦度：★★★☆☆（3.5/5，溫和但性價比一般！） 適合：敏感肌、追求快速補水、怕黏膩嘅混合乾肌～ #DECLARE塗抹面膜 #快速補水 #瑞士護膚

FMC好用推薦：我係經過SaSa門市啲Sales介紹先認識呢個品牌，因為見佢啲野係由瑞士做以呢個價錢黎講都算親民。 入門產品就係試咗呢支保濕面膜，一用就愛上😍聞落好香，Cream狀mask敷耐咗都唔怕，用完之後塊面好保濕好柔軟，上妝都幾貼服，過左大半日鼻同額頭都冇乜出油👍🏻 研究過呢隻主打有包含幾種海洋成分，唔同其他保濕產品淨係得好多種唔同既透明質酸，唯一要挑剔既係cream mask 好快用哂🥹佢75ml算大支但我一個月都已經用哂

Sophia好用推薦：雪花秀與潤面膜質地非常細膩，帶有雪花秀的淡淡的草本香氣，使用時感覺十分療癒。夏天開冷氣或秋冬乾燥的日子用都好啱，搽上後感覺cream mask與肌膚非常融合，能感受到滋養成分慢慢滲透肌膚。使用後，肌膚即時明顯變得水潤飽滿，原本乾燥的細紋也明顯減淡。在晚上使用這款面膜，隔天早上起來肌膚狀態依然保持水嫩，膚色也提亮了不少，看起來更加透亮有光澤，而之後上妝也變得更加服貼。真心推薦給想要改善肌膚乾燥、暗沉問題的朋友👍👍👍

Fng好用推薦：雪花秀與潤面膜可以臨瞓前搽，完成所有護膚品再搽佢 ，感覺去黃效果超級好，同埋夠滋潤，敏感得以舒緩，cp值高，回購之選。

YYeman好用推薦：Dr. Wu保濕面膜測評｜乾敏皮嘅真心話 Hi 姊妹們！今日同大家分享呢款Dr. Wu玻尿酸保濕面膜～ 講真，佢喺臺灣真係好紅，我抱住好大期望試㗎！ 首先講膜布： 材質係薄身嘅生物纖維膜，好似啫喱咁敷上臉，貼服度真係冇得彈！好似第二層皮膚咁，郁吓塊面都唔會走位。 精華方面： 係屬於濃稠嘅乳液質地，唔會滴滴瀝瀝。敷咗15分鐘都冇覺得乾，摞落嚟嗰陣仲有好多精華剩，可以順手敷埋條頸。 效果即刻睇到： ✨補水真係冇得輸！敷完塊面係飽滿咗，掂落去軟淋淋，好似飲飽水咁。 ✨我面頰啲泛紅同繃緊真係舒緩咗好多，即刻冇咗『乾到扯住』嘅感覺。 ✨上妝前敷一片，個粉底真係貼服到不得了，冇再爆皮卡粉。 小總結： 對於我哋呢啲乾敏皮來講，佢係一款穩陣嘅「急救兵」！ 保濕力真係堅得，尤其轉天氣同長期開冷氣嘅日子，敷完即刻翻生。 雖然價錢有啲小貴（平均要廿幾蚊一片），但係效果對得住個價錢。如果姊妹你係極需要補水，预算又鬆動，呢款真係可以入手試吓！

bearbear246好用推薦：面膜質紙材透薄，所以非常貼面，同時大小適中。 有大量既玻尿酸精華液可以掛係面膜紙既同時唔會掉落，所以就算敷住面膜都可以做其他野。敷完有保濕感，但又唔會太黏立。皮膚吸收度高，敷完洗面後有潤澤又有彈性感覺。產品價格偏高，會等待特價時入手。（約$280/8片）

Poyobb好用推薦：柚子面膜的主要功能係保濕同提亮膚色。佢嘅紙質好柔軟，而呢款面膜嘅精華係乳液質地，柚子味道淡淡地唔會太刺激，第一次敷上面都完全冇刺激或者刺痛感覺，成個感覺好舒服☺️ 面膜入邊嘅精華係乳液質地，所以我認為瞓覺前用較適合，並不作為急救面膜化妝前用。敷完之後成塊面係好柔軟，而呢種質地感覺皮膚會係滋潤咗滲透咗水份入皮膚，膚色變得平滑了。另外佢嘅美白效果就係一般，但如果一個星期敷一次你嘅皮膚會keep住好水潤🥰 對於我混合肌膚嚟講，夏天鍾意用水份較重嘅面膜，而依款柚子面膜我會比較鍾意喺而家秋天轉季至到冬天都啱用。

Kmggigi好用推薦：雪花秀 First Care Activating Mask — 奢華人參呵護，重要場合嘅秘密武器！✨ 雪花秀 First Care Activating Mask最大嘅特色就係佢嘅濃郁人參味道，令人感覺非常舒緩同放鬆 呢款面膜嘅精華液亦都好滋潤豐富， 敷完之後肌膚即時感覺水潤飽滿， 膚質變得柔滑細膩，仲帶有自然嘅透亮感， 好似畀肌膚即刻補充咗一次高濃度嘅養分， 非常適合重要場合之前用嚟急救肌膚狀態！ 不過呢款面膜嘅價格確實偏高， 唔係日常用得起嘅類型🤣 所以我只會喺重要日子之前用， 例如約會、派對或者需要妝容完美嘅場合， 俾肌膚做一次奢華嘅深層護理🤩

Leanne好用推薦：這個面膜好滋潤，敷完後，皮膚吸收得好好，用完第二朝起身照鏡，看見皮膚很細緻，已買了很多盒。

lonia好用推薦：每逢戶外活動長時間曬太陽之後，皮膚就好容易變紅變乾，或者秋冬季節，日常護膚都不足以補濕嘅時候，就會敷mask幫皮膚補補水。 呢款mask價錢唔貴，所以屋企會長備作補水用。mask嘅前裁比一般mask闊，可以fit到不同面形大小嘅女生，完全cover到全塊面，同時非常貼面。敷上mask之後我會輕拍不同位置，幫助吸收精華液。敷完之後完全感覺到充足補水嘅效果，連帶膚色都有所提亮，皮膚當堂有一種水潤透亮感。

Verna好用推薦：我用開這品牌的保濕爽膚水，覺得很不錯，所以對這保濕面膜也有點期望，而且它無香料無色素無酒精，敏感肌也可以用 洗完面後，我會首先用花水噴濕整塊面，然後才敷上面膜，我覺得這樣做的效果會更好。敷上面膜紙，就發現它的剪裁很貼面，而且敷的過程也沒有走位 看包裝，它的精華液有23g，我覺得份量剛剛好，拿出面膜紙後，袋內還有少許精華液，我會把它倒出來再搽上面，這樣也沒有水滴滴 敷了10分鐘，我就跟包裝說明拿走面膜紙，面上仍然殘留少許精華液，是透明有少許黏稠的，不過我也習慣過一過水，然後才搽上護膚品 我覺得敷完面膜後，皮膚立時變得水潤了，毛孔細緻了，連膚色也好像有點白淨了，我覺得可以當作急救面膜，而保濕效果也可以維持一兩天

Kura好用推薦：CANVAS玫瑰滋潤補濕睡眠面膜 用完令到皮膚容光煥發嘅一款滋潤面膜，味道超香玫瑰味，質地好容易搽上臉，我唔會敷過夜，通常厚20至40分鐘就會洗走，但已經吸收曬，同埋呢款面膜好容易清洗，後續發現塊臉會提亮變白咗小小，我有keep住每日用，皮膚都有改善，價錢個人感覺偏貴小小，不過值得乾性肌膚再回購，我都會再回購，因為好鍾意佢嘅玫瑰香味，同埋夏天用真係好正 #夏日必備保養

Kanice好用推薦：因為之前食afternoon tea 送了canvas 家的贈品 於是順便買了呢個sleeping mask Canvas 產品標榜天然 產品氣味係淡淡既玫瑰香氣，不是人工香味。用左之後覺得朝早塊面冇咁乾，皮膚保了濕亦少了出油。 唯有少少缺點係夏天用時偏厚了dddd, 不過都會再回購！👍🏻

Angie好用推薦：面膜剪裁非常貼面，精華液都好足夠，敷嘅時候完全唔會走位，敷完皮膚好水潤

Catty好用推薦：一打開就聞到蜂蜜的味道，很清香！ 裡面的精華液很多， 可以先倒出一些來按摩臉部， 再敷上面膜， 敷15分鐘都不會乾， 生物纖維面膜像是果凍， 有點厚，不過很服貼！👌🏻 只是有時候會移位，可以躺著敷更適合！😆 敷完後覺得毛孔有縮小🤩 肌膚柔嫩，呈現啞光的好肌膚感， 而且敷完不會粘膩，很快吸收進皮膚， 可以直接擦上平時的保養品，不需清洗！

Ceccinmydin好用推薦：屋企長備，唔會出錯嘅保濕舒緩mask☺️ 見到曼秀雷敦係大牌子，所以試吓佢啲Mask，價錢平得黎又好好用！平時藥妝店仲成日見到做緊優惠，性價比好高 佢嘅精華液係屬於精華水質地，係用咗雙倍蘆薈細胞水，敷完感覺完全唔會黏，唔使水洗走，但都feel到皮膚即刻飲飽水咁 呢隻面膜真係好適合夏天用，成個夏天擺雪櫃，戶外活動曬完太陽，或者敏感泛紅用，冰冰涼涼，仲有啲紓緩效果，真係好舒服🥹 秋冬用就一定滋潤度唔會夠。 同埋一定要讚下佢個面膜紙，好貼面同薄身嘅面膜材質, 質地好滑，敷住好爽舒服，仲唔會笠，精華液又多，每次敷完塊面仲有剩，搽埋上手手腳腳都吸收得好快。 保濕力唔算最強但勝在夠親民，基本款面膜嚟講冇得輸，平靚正之選嘅mask，絲滑貼面，補水又唔會笠，真心推介

Olivia好用推薦：精華偏清爽，敷上面幾水潤，面膜質地柔軟但形狀唔夠貼服，仲有唔少虛位。本身係乾敏肌，有小小暗瘡，用完唔笠，感覺幾保濕舒服☺️乾敏肌又多個選擇啦😊幾高CP值

Chan好用推薦：Innisfree 巴西莓面膜是一款受歡迎的護膚產品，主要以巴西莓（也稱為亞馬遜莓）為主要成分， 連續使用6天後的使用感受 質地，面膜的質地通常較為輕盈，塗抹時感覺順滑，不會造成厚重感。 吸收性，大多數用戶反映該面膜容易被肌膚吸收，使用後不會有黏膩感。 效果， 許多用戶在使用後表示肌膚變得更加水潤、有光澤，使用幾次後，膚色的均勻度也有所提升。 總的來說，Innisfree 巴西莓面膜在滋潤、修復和提亮方面表現出色，適合各種肌膚類型，尤其是乾燥和暗沉的肌膚。

Natp好用推薦：Renewing pack 和vital fall 係Valmont 倒數月曆內的產品； moisturizing with a mask 係額外買的！ Vital fall 係爽膚水， 保濕得來唔lup, 但就無咩功效， cp低 Renewing mask 個個都吹到用完就好幸福， 但我用完30ml 就覺得無咁勁！ 用完果下皮膚係白左，texture係好左， 但第日就back to normal , 可能要連fu 一個月先會重生？ 但咁貴一個mask之下， 有好多替代品， cp 值唔高 Moisturing with a mask 反而有驚喜！ 保濕度可以keep到兩三日！ fu完皮膚好柔軟， 但感覺比較啱35+，質地都好潤和厚身！ 年輕皮膚本身好可能感受唔到。

Jasmine Yuen好用推薦：**買的是外國美容院裝所以特別大 Valmont Prime Renewing Pack 係一款高效的面膜，可瞬間緩解疲勞，煥發肌膚活力，提亮膚色，並緊緻肌膚。這款產品的主要成分包括三胜肽，透明質酸，維生素E和維生素C。 1. 肌膚明顯變得柔軟和光滑：使用後肌膚變得更柔軟、光滑，並看起來更有活力。 2. 瞬間提亮膚色：能迅速改善膚色，使肌膚看起來更亮麗。特別捱夜後，翌日早上厚敷用會有明顯效果 3. 舒緩疲勞感：有助於舒緩因壓力或缺乏睡眠引起的肌膚疲勞感。我比較喜歡沖涼後薄搽一層，瞓覺前已吸收哂。

A&R好用推薦：AHC黃金面膜，一拎起上手好似有啲重量，因為有三層，最抵貼皮膚嗰層係平時絲滑嘅面膜，中間有一層此純粹係吸收多啲精華，第三層即係最表面嗰層係金箔面膜，防止精華流失。其實作用不大，不過係有啲噱頭，敷上面屋企人見到都會覺得好好笑，面膜嘅保濕效果都幾好，敷完面皮膚似係美白咗少少，毛孔都有收細一點，有些少緊致的感覺。敷完面膜之後一個鐘好似又打回原形。

維他他好用推薦：AHC呢隻premium mask真係金色架喎，面膜分上下兩部分，我痴完下面再痴上面，佢一開有3層，我有一下傻傻分不清究竟要敷邊張haha，呢隻mask 保濕力好強，敷完18分鐘仲有好多精華係面到，我會按摩等佢吸收得好d，敷完真係好舒服，皮膚飲飽哂水，滿足! (Ps, 佢仲有銀色的，係lifting, 但呢到冇得寫😛）

Emily Leung好用推薦：「真心瘋狂推薦呢款面膜！！超浸透3D肌美精（粉色） 我日日都會敷面膜，每星期做1-2次深層清潔，用過好多款面膜，保濕補水美白啦叭啦嘅都用過下。但係呢隻俾我嘅感覺真係同其他面膜完全唔同！ 呢款面膜一盒有4塊，裏面精華多到爆！敷上塊面完全貼服，冇空隙，成塊面包到實一實，連鼻翼兩側（好多面膜都做唔到㗎！）、眼周同下巴都貼到冇縫。 我敷咗大概25分鐘，拎落嚟嗰陣面膜上面仲有好多精華，塊面即刻變到好潤，感覺塊皮『飲飽水』咁！剩低嘅精華我用嚟搽手臂、頸，唔好嘥啊。第二朝洗面嗰陣，摸落塊面真係唔同晒！ 佢打開嘅方式係對摺打開，中間有立體裁縫，敷起上嚟好似鹹蛋超人，有冇覺得？😏 我用緊粉色呢款～裏面主要成分係骨膠原保濕成分，配合獨立剪裁，可以令骨膠原成分深入角質層底層，等塊面睇起嚟更通透有光澤。敷嗰陣連下巴都包到，好適合乾燥缺水肌！

Nicole 好用推薦：面膜紙很有特色，是以中脊線分開的，能把鼻翼部分全部包進去，然後還做了延長部分，把下巴也敷進去，面膜紙有點厚無香，3D的裁剪很貼 合臉型，精華液很多，透明濃稠的精華，溫和不黏笠，高效保濕，敷15分鐘也完全不會覺得乾。

Leanne好用推薦：潔面後，將面膜均勻塗抹全面，避免眼部位置。等10 - 15分鐘後以溫水潔淨。面膜有玫瑰花瓣、奧圖玫瑰香薰油，可以滋潤保濕，提亮嫩膚；而百葉薔薇平衡修護，深層注水。用完後，肌膚好似注滿水份。

Noel好用推薦：近期的塗抹式面膜新竉 💗 這枝玫瑰凝膠面膜，玫瑰香味非常自然，味道怡人，絕不化學，個人超！喜！歡！雖然香味比較大，不過沖水後就會完全消散。 面膜質地呈比較稠的啫喱狀，沒有流動性，塗抹到面上容易，好推👍 不過在冷氣房中使用，感覺面膜會較快乾。所以我會塗抹前，加入兩滴護膚油，混合這個疑膠面膜 😍 面膜保濕度高，乾肌使用都感覺飲飽水 💦讚！另外，我亦喜歡放到雪櫃保存，炎炎夏日敷這個冰涼的玫瑰面膜，超舒服喲～ #抵買面膜

皮皮爱马桶好用推薦：之前一直有用雪花秀的水乳护肤产品，今次试一试它家的精华面膜。打开面膜扑鼻而来的人参味道，面膜精华液呈淡黄色液体，闻起来就很香很滋补的感觉！上脸后将剩余少少的精华液也涂抹均匀，不得不说韩国面膜的精华液不会很多，流得到处都是，个人比较喜欢这样的包装，也不会很浪费，缺点就是对于小脸星人来说这个面膜纸的剪裁还是稍稍偏大了点。大约敷完15分钟揭下面膜纸，按摩五六分钟等精华液充分吸收后，感觉皮肤还是会泛油光，比较粘腻，所以我的习惯做法就是再用清水洗一遍脸，最后再完成整个护肤流程，这样皮肤才会比较滋润也不油腻。

royu3好用推薦：每次有重要約會前，我都會敷這個面膜，翌日一整天都不脫妝，皮膚狀態超好🌟 面膜的成份和功能跟潤燥精華是一樣的，不同的是這片面膜蘊含1/3瓶潤燥精華的份量‼️能更集中更深層修護並為肌膚補濕，使用後明顯變得有光澤！ 面膜質地不算貼面，且不能覆蓋全個額頭❌ 但純棉質地，敷上臉十分柔軟舒適，不會刺激皮膚⭕️如果狀態不穩、或曬後泛紅，這片面膜亦是舒緩肌膚的好選擇，是值得入手的保護品👍🏻 #夏季戀愛感妝容

Emily Leung好用推薦：Innisfree 火山泥面膜用後感 點解會買？ 之前見成日有人講呢支嘢，話深層清潔好得，又話對黑頭同毛孔有用，咁我鼻翼同額頭又多油又有啲黑頭，咪買支試下囉！ 支面膜係灰灰色嘅泥狀，推開嗰陣幾順滑，唔會好快乾晒。有陣淡淡的泥味，唔難聞，感覺幾天然。 我通常一個禮拜用一次，沖涼之後趁毛孔打開，搽全面（避開眼同嘴），T字位會搽厚啲。等大概 10-15分鐘，見到佢乾咗八成左右就用溫水打圈按摩沖走，尤其係鼻頭位置，輕輕揉下可以帶走啲粉刺。 用後感覺： · 乾淨咗！ 洗完塊面有啲「唞緊氣」嘅感覺，唔再黐立立。 · 黑頭少咗，尤其係鼻頭，見到有啲白頭浮咗出嚟，用棉花棒輕輕一推就清到。 · 毛孔睇落細緻咗，不過都係暫時性，要持續用先keep到。 · 唔算好繃緊，比起其他泥膜，呢支算係溫和，但如果乾性皮膚可能要用完再保濕。 缺點 · 如果等得太耐（超過15分鐘）會乾到裂，塊面扯住扯住，所以千祈唔好敷過龍。 · 對於好頑固嘅黑頭未必一次就清得晒，要定期用先見到明顯效果。

維他他好用推薦：Innisfree 呢個超級火山泥面膜質地夠濃稠，敷上臉嗰陣即刻有陣涼浸浸嘅感覺，好舒服～跟住官網講等8-10分鐘，見到泥膜有少少乾兼反光就可以沖水。沖嗰陣要打圈按摩，順手帶走啲油脂同污糟嘢！ 用完真係覺得塊面乾淨晒，毛孔好似呼吸緊咁！不過黑頭就未完全清得哂，但整體係見到毛孔細咗嘅～唯一要彈就係用完有少少乾，一定要即刻補返層保濕乳液或者敷塊補水面膜！如果係油肌或者混合肌應該會仲啱用～以清潔力來講已經收貨啦！👍 PS 我呢個包裝係新包裝 #火山泥面膜 #毛孔清潔 #護膚心得