找產品
面膜護理 推薦好用產品
319 件
Kura好用推薦：已經空瓶咗好多次嘅卸妝油，質地唔似油，更似清爽嘅乳液質地，我通常會用黎落日常妝，眼影睫毛膏唇膏呢d比較難落走嘅部分用呢一支卸妝油都可以輕鬆清潔，呢款卸妝油無香味，無酒精，我通常乾手乾臉搽上臉等10秒再加水乳化就可以清潔得乾淨，用完皮膚唔會生粒粒，一d都唔覺得油，係非常好用嘅卸妝油，價錢偏貴小小，不過都值得一試，我係乾性肌膚用完都唔會覺得乾，產地係日本，非常推薦俾大家呢款卸妝油 @cosme
<看全文>Noel好用推薦：Tatcha 係我早年接觸的美國 high end 品牌，第一次接觸這個白色 Hadasei - 3系列。這款潔膚油含✅山茶花、✅米糠油，成份比較滋潤，乾肌 friendly！產品呈淡淡黃色，流動性高，接觸到面上化妝品後，就快速開始卸除，並且遇水乳化，帶走皮膚污垢❣潔淨力非常好，人見人愛那種啊 💯 潔面後皮膚感覺 care free，很清潔，而且山茶花油令皮膚滋潤，沒有乾燥或繃緊❗“除了貴，沒有毛病” 膚感滿分的卸妝體驗💕 感謝品牌的試用品啊 🤍
<看全文>
Yuki好用推薦：面膜係之前網上買面霜送嘅贈品近排天氣轉涼濕度低又乾燥 所以就拎出泥試下面膜比較厚身 分開上下2部份眼位同嘴唇位置開口都偏細撕開保護膜會見到面膜佈滿乳霜 同時殘留左好多乳霜係保護膜上面乳霜份量都唔少 可以用泥敷喺手腳面膜敷左10分鐘完全冇移位 過程中有d吉吉地同有d焗 敷完皮膚即時變得好有光澤 乾燥問題即時舒緩左 細紋都減淡左 第2朝起身皮膚感覺細緻飽滿 但對於沙漠肌泥講 保濕滋潤度都係差少少 出泥效果同用面霜感覺差不多 如果有遇到優惠可能都會回購 產地：韓國 零售價：HKD840/5pcs (HKD168/pc) 回購：6/10
<看全文>Yty好用推薦：面膜係乳霜質地，有好濃既人蔘味香味，面膜剪裁好貼面，唔易滑落黎，敷完好滋潤，適合偏乾性皮膚同乾燥天氣用
<看全文>
YYeman好用推薦：我的美麗日記，拯救熬夜肌一星期白返嚟 熬夜加曬太陽搞到塊面一塌糊塗😩 暗瘡又紅血絲 呢款係張彬彬、連晨翔推薦嘅黑珍珠面膜——嚟自我的美麗日記 我的美麗日記已經係16年嘅老牌子，閉埋眼都可以入手🤩 ❤️ 使用感受：味道好清新🌱 極絲裸敷水凝布面膜貼面又貼服，精華好水潤，唔悶唔黏膩，清爽溫和，敏感肌都啱用。 ❤️ 主要成分： 1️⃣ 法國大溪地黑珍珠提取天然有機物，富含維他命、礦物質同氨基酸，結合水解酵母蛋白同天然維他命C，20分鐘搞掂水光肌； 2️⃣ 添加滲透素Tinysome，磷脂質+，雙極性結構，超細微粒子，深入又穩定； 3️⃣ 萃取天然植物成分，深層補水💦 ❤️ 使用方法：如果想修復曬傷，我會先將黑珍珠面膜擺入雪櫃保鮮格🧊，洗面後敷上，一瞬間皮膚超舒服😌。敷10分鐘後，將包裝袋剩餘嘅精華擠上塊面再敷多10分鐘，等皮膚飲飽水。攞下面膜後唔使清洗，輕輕按摩到完全吸收，超適合懶人臨睡前敷！敷完嘅面膜可以摺埋敷吓頸，敷吓小腿，唔好浪費任何一滴精華呀！ ❤️ 使用前後對比：用之前膚色唔勻又有紅血絲；用之後肉眼可見紅色消退，皮膚水潤，痘印都唔明顯咗🉑️
<看全文>Hamiii好用推薦：萬x減價，又買番幾盒黎用🤫 美麗日記一向都性價比好高， 但function黎講就….. 一款款啦 呢款黑珍珠標榜既美白效果就屬於一般般啦😅 用左一盒都唔覺有白淨到 但拎黎每日做下補濕， 幾蚊塊， 抵用啦👌🏻
<看全文>
TsuenMa好用推薦：綠盒老虎面膜 #急救 #日常使用 介紹： 🐯含有積雪華草成分，具有鎮靜、舒緩和保濕的效果 🐯薄質面膜紙能很好地貼合肌膚 🐯建議每天日用 用後感 ☀️面膜質地偏硬，吾算係好貼服、舒服嘅感覺 ☀️好多精華嘅一盒面膜 ☀️配搭左一枝夾仔，更衞生（但吾好用，好難夾起面膜） ☀️妝前急救不錯，後續上妝會更貼服、膚色會提亮左 ☀️一盒30片，性價比高 其實返工出門前有時間敷面膜，雖然只係需要10分鐘，但係其實都好奢侈☃️
<看全文>Francesca C好用推薦：想即時鎮靜敏感泛紅 可以用Medicube依一款急救Mask 一盒有30 塊 只需1分鐘 有效即時抗紅修復屏障 用落去感覺冰冰涼涼❄️ 有舒緩發熱嘅感覺 我自己用法係敏感嘅時候朝早化妝前敷1塊 短時間已經有效幫手退紅 美中不足之處係面膜紙唔係話十分貼面 不過作為1分鐘嘅面膜 覺得可以接受
<看全文>
Emily Leung好用推薦：Kiehl's 牛油果面膜 真．用家測評 一打開個罐，嘩！真係好似將啲新鮮牛油果撻爛咗咁，係好濃稠、好實在嘅膏狀，一啲都唔流質。顏色就係靚靚嘅牛油果綠色，睇落幾天然。 · 優點： 質地夠「杰身」，敷上臉唔會滴到周圍都係。 · 缺點： 好難挖！用手指挖嘅時候，感覺有啲「韌」，要好用力。而且唔係咁易推開。 使用方法： 呢個係成個過程嘅關鍵！如果你就咁搽上塊面，你會覺得「黐孱孱」，一嚿嚿咁，仲會扯住塊面好唔舒服。 正確步驟係： 1. 用隻乾淨嘅手（或者附送嘅小刮棒）挖取適量，放入掌心。 2. 用兩隻手指（手指公唔該）將佢慢慢「捽」，利用掌心溫度同少少力度，將佢乳化。 3. 你會見到佢由一嚿嚿綠色膏體，慢慢變成幼滑、帶少少油潤感嘅乳霜狀。呢個時候先好上臉！ 4. 均勻敷上臉，厚度大概遮到本身膚色就OK。 使用感受： · 上臉時： 乳化之後上臉，感覺即刻順滑好多，好推唔拉扯。有陣好清淡嘅牛油果/植物味，唔係好人工嗰種。 · 敷緊時： 感覺好滋潤，但唔會焗身。如果你塊面好乾，初頭可能會有少少「拮拮地」嘅感覺，好正常，表示你塊面真係好缺水。 · 沖洗時： 呢個又係另一個難點
<看全文>莓莓好用推薦：Kiehl's牛油果面膜🥑 轉季皮膚突然變「碎紙機」？呢罐牛油果膏絕對係急救專家！ 質地好玩到上癮 挖出嚟似黏土，搓兩下即刻化開成絲絨cream！ 我鍾意厚敷十分鐘，個過程似幫塊面做spa～ 換季實測威力 上個月轉天氣鼻翼甩皮到似壁畫剝落， 用佢連續敷三晚，竟然馴服到啲死皮！ 保濕力似飲龜苓膏咁「涼浸浸」又潤澤， 仲要係天然植萃配方，敏感肌都安心攬實。 暗藏驚喜位 ✔️ 洗嗰陣用濕化妝棉抹走，順便帶走埋角質 ✔️ 凍藏後用即刻降紅，夏天暴曬後必備 ✔️ 乾到繃緊時敷完，毛孔睇落飽滿咗 溫馨提示 ✿ 油痘肌敷完要認真洗淨，避免閉口 ✿ 一週用2次夠哂，過度修護會膩 #轉季牛油果療法 #Kiehl's面膜實測 #換季脫皮救贖 #廣東話護膚手帳 🥑
<看全文>
AlexandraL好用推薦：水光肌小秘密💕💕 點解韓國女仔無化妝，皮膚成日都好光澤，同水光肌一樣靚✨✨最近韓妹朋友仔👩🦰推介左我一款面膜 , 佢係韓國品牌🇰🇷medipeel 的紅色乳酸膠原撕拉面膜 🧖♀️長期係Olive Young 🔥熱銷 同Kbeauty Award 獲獎🎖️產品， 以乳酸膠原蛋白的配方提供水分和彈力水潤緊緻毛孔，好方便係查左上面之後，等20-30 分鐘，等膠原蛋白膜形成， 之後可以由上而上撕開💕💕皮膚即時充滿光澤水潤✨✨平時d 撕開面膜通常都會好乾，點知呢個係好保濕💧仲即時bling bling 左✨真係好似用左水光粉底一樣😍 . Medipeel 紅色乳酸膠原撕拉面膜 ❤️ 的小秘密🔖 ✅ 使用乳酸桿菌發酵物維持肌膚平衡，打造健康肌膚環境 ✅ Tannin Complex, Anti-Sebum P, Amino , Acid Complex 3種毛孔解決方案縮小毛孔，皮脂、角質、水分護理 ✅ 低分子膠原蛋白，易於吸收 ✅ 使用3 種T-膠原複合物，加強肌膚屏障, 打造彈性肌膚
<看全文>oy 好用推薦：韓國 Medi-Peel 呢支膠原蛋白撕拉面膜主打收毛孔同增加皮膚光澤感 擠出嚟係白色杰身嘅 Cream 狀，要厚敷喺面上 過咗大概 20-30 分鐘，佢會慢慢變乾，變成一層透明嘅薄膜 最爽係撕落嚟嗰下！不過唔算好容易撕。撕完之後，皮膚係有咗光澤感，毛孔視覺上係細緻咗，摸落去滑啲 上網睇過佢嘅原理係利用專利嘅膠原蛋白成分，透過封閉式嘅覆蓋，逼啲營養入皮膚吸收 不過一定要等佢乾透先撕得靚，趕時間就唔好用喇～同埋雖然佢話有保濕，但撕拉面膜始終有少少物理性刺激，敏感肌建議試咗局部先 光澤感： ⭐️⭐️⭐️⭐️ 收毛孔： ⭐️⭐️⭐️ 好玩度： ⭐️⭐️⭐️⭐️⭐️ 方便度： ⭐️⭐️⭐️
<看全文>
takemyokane好用推薦：買 Medicube 美容儀時差一點點夠滿額，見成份含有維他命 C 針對美白為主，就買了十片裝試試。面膜片質感滑溜溜的，有點厚度，但上臉後不會滑下來，只是下巴位置不太貼面，初次用可能有點不慣。精華液呈淡黃色，有點黏膩但可接受。敷完後即時有明亮效果，有驚喜，但個人偏好質地水潤薄透的面膜，未必回購。
<看全文>Noel好用推薦：同事大推 Medicube 這個韓國品牌，就抱著每樣試試的心態，買了化妝水，潔膚棉，面膜等等。這款面膜 🤎 啡×黃色包裝，Deep Vita C Mask，20ml 精華液，含 20,000 ppm 維他命C，韓國製造❗ 面膜及精華液也是淡黃色，面膜偏大塊，個人很喜歡💛 初次使用，敷上這塊面膜，會有一點點刺痛感覺，但官方介紹屬正常，之後的刺痛會減少。我使用第三次左右就適應了👌 面膜雖然精華液偏少，但足夠的～ 取下面膜後感覺很潤澤，明亮感強❗為了發揮最大效果，我都不用清水沖洗，主張留在面上，並加以按摩👍 👍 會回購！ 👍 建議待優惠時買，300元10片
<看全文>
Fng好用推薦：Quality First高濃度VC眼膜用後感｜熟齡混合肌的夏日眼部維他命🍊 這盒VC眼膜絕對是品牌旗下的「成分猛將」⚡！相比同品牌皇牌保濕款眼膜的溫和滋潤，這片蘊含高濃度維他命C衍生物的眼膜，就像給眼周肌膚灌了杯冰涼的鮮榨橙汁🧃，瞬間喚醒熬夜後的暗沉雙眼✨ 觸感解密： 果凍質地的膜布貼上眼那刻，立即感受到降溫3℃的舒爽感❄️！特殊剪裁完美包覆至太陽穴，連最容易暴露年齡的魚尾紋角落都被溫柔呵護🎭。精華液是清爽的檸檬茶色🍋，敷15分鐘也不滴落，揭下時眼周像喝飽水般嘭潤，卻零黏膩感～ 家族比較： •vs 黃金抗老眼膜：雖缺少金箔的奢華感，但清爽度更勝一籌，夏天用無負擔🌊 •vs 膠原蛋白眼膜：VC的透亮效果即時可見，對付黑眼圈就像開了美顏模式📸 •vs All in One面膜：局部修護力更精準，膜布更貼合眼型👁️ 夏日妙用： 冷藏後使用簡直是消腫神器⏰！清晨敷8分鐘，連咖啡因眼霜都省掉。化妝前急救敷5分鐘，後續遮瑕再也不卡紋。最驚喜是連續使用一週，眼周膚色明顯勻淨，連帶眼底遮瑕用量都減半🎯 特別適合經常對屏幕的輕熟肌👩💻，這盒眼膜就像隨傳隨到的眼部急救隊🚑，讓你在悶熱夏天依然保持
<看全文>Poyobb好用推薦：眼膜布柔軟，布質上眼唔刺激，可以覆蓋至眼尾位置。精華量充足，但如果返官方指引敷15-20分鐘，眼膜會乾曬。精華液係含有10%高濃度vc+視黃醇成份。 感覺敷完嘅話即時保濕效果係有，而且可以減淡乾紋，但對於黑眼圈效果不大。暫時未有眼紋關係，未見A醇對眼紋效果如何。因為我成日化妝嘅關係，眼底乾紋較明顯，一星期敷兩至三次眼膜，希望可以維持皮膚年輕，呢款眼膜嘅保濕度好足夠，而且成份睇落真的唔錯，一袋有5對，性價比高，我會回購💕
<看全文>
mandy好用推薦：innisfree Jeju Root Energy Mask #Kohlrabi 濟州根莖真萃活力面膜-大頭菜 功效: 緊緻、亮澤 質地: 安瓶 大頭菜成分具有抗氧化功效。 保濕力強, 精華量滿滿, 而且不會多到滴出來。 惟我的嘴不夠細, 面膜的嘴巴洞實在不太夠位。 使用感極優秀, 敷面膜時令人放鬆心情, 靜心休息, 感到源源不絕的保濕注水。 肌膚收緊的感覺及效果不太明顯。 使用後, 肌膚瞬間變水潤及富光澤的水光肌, 整個人看上去更有精神。 含保濕成分: 甘油, 雙丙甘醇, 甘油醇26, 丁二醇, 甜菜鹼, 海藻醣, 維生素原B5, 精氨酸, 乙基己基甘油, 玻尿酸鈉, 甘油丙烯酸/丙烯酸共聚物, 透明質酸鈉交聯聚合物, 水解葡糖氨基聚糖, 水解透明質酸 及 玻尿酸 肌膚修復成分: 甘油, 玻尿酸鈉, 水解透明質酸 及 玻尿酸 鎖水成分: 甘油, 玻尿酸鈉, 透明質酸鈉交聯聚合物, 水解透明質酸 及 玻尿酸 抗氧化成分: 葵花籽油, 精氨酸, 積雪草萃取, 玻尿酸鈉, 牡丹根萃取, 德國洋甘菊花萃取, 擘藍提取物(大頭菜), 水解透明質酸
<看全文>zetalhc好用推薦：呢個係innisfree嘅緊緻面膜，可以令到皮膚更有彈性同埋令皮膚補充水份，敷完第二日上妝都貼咗好多
<看全文>
Poyobb好用推薦：冬季護膚❄️ 面膜質地較厚，透明稠身gel狀加入咗少少粒粒喺裏面，我混合性皮膚只會作普通面膜敷10分鐘，冇試過敷過夜。熱天敷咗兩次都會起暗粒，太潤喇。但而家冬天好乾燥、濕度好低嘅時候就啱啱好，滋潤感十足。敷完之後，用水輕輕會乾淨冇殘留，敷完之後化妝係幾貼，而且味道都幾香。 我敷完之後塊面係幾飽滿，又有滑溜感。最鍾意搽上面之後用手慢慢按摩，依種質地按摩面部係啱啱好，可以乾性皮膚，或者冬天都可以買嚟用。
<看全文>chewyfruit好用推薦：Laneige 胶原彈滑睡眠面膜（粉色）使用心得 冬日懶人救星！瞓覺都喺度修護！ 廣東嘅冬季濕度時高時低，搞到皮膚又乾又暗啞。呢支Laneige粉色睡眠面膜真係幫到手，夜晚保養一步搞掂，第二朝起身成塊面都亮澤咗！ 保濕鎖水一流： · 質地好似粉紅色啫喱，搽上臉好快吸收，唔會黐立立。 · 冬天開住暖氣瞓覺都唔怕抽乾水分，成晚保持水潤感，朝早洗面時仲摸到滑溜感。 修護彈潤有感： · 用咗大約兩星期，覺得臉部皮膚冇咁鬆垮，尤其係法令紋同眼角位，睇落飽滿咗少少。 · 如果冬天凍到塊面繃緊或者輕微泛紅，敷完呢層過夜，鎮靜效果唔錯，皮膚好似「飲飽水」咁穩定返。 使用心得： · 冬季護膚最緊要方便，呢支喺晚霜之後薄薄塗一層就夠，唔使洗，懶人恩物！ · 建議冬天每星期用3-4晚，配合按摩手法向上推，提升效果更明顯。 整體評價： 作為冬季護膚程序最後一步，保濕同修護功能都交到功課，尤其係乾燥同疲累肌，用完皮膚狀態會穩定好多。不過油性肌可能要用少啲量，避免太潤。 #冬季#冬季護膚#護膚#修護面膜#韓系護膚產品
<看全文>
Kura好用推薦：夏日美白必備，呢款面膜好細個就睇大s介紹過，咁啱我最近曬黑咗就買黎試下，佢嘅精華有33g，面膜紙嘅質地係生物纖維，類似軟膠，面膜嘅精華係奶白色，好似水咁流質，面膜有兩層膠紙包住，一層係硬膠紙，一層係軟紙膜，面膜剪裁貼服，大細都係啱啱好，無香味，無酒精，用完無過敏，我每次會敷20分鐘，敷完一盒感覺白咗一度，敷完過咗兩日膚色都唔會變返黑，整體皮膚好似識發光咁，痘印都有淡到小小，唯一就係價錢一直都偏貴小小，整體我都幾鍾意，我會繼續回購，推薦俾想美白嘅朋友，產地係台灣 #夏日必備保養
<看全文>格仔餅公主好用推薦：剪裁貼面質地都好柔軟，用左幾次都無美白感覺，所以只係當佢保濕mask，用完保濕感覺高過美白感，因為見美白先買所以有少少比人呃左咁嘅感覺
<看全文>
unclecar好用推薦：早排官方網站新年折扣買咗一堆片裝面膜同套裝毛孔清潔面膜，價錢好超值。面膜質地是深灰色泥膏狀，比較杰身，但用手輕輕推開都算容易。 一個星期可以用兩次，洗完面輕輕抹乾水，襯仲有輕微濕嘅時候即刻塗抹，厚度只要見唔到膚色就可以。過5-10 分鐘面膜會變淺色同乾，咁就已經可以清洗。對於油脂分泌比較多嘅男士個人覺得清潔度好好，用完係面層嘅粉刺都去到唔少，特別係鼻頭同鼻翼毛孔感覺輕鬆通爽唔少。唯獨用後會有少少乾，要盡快後續保濕護膚。
<看全文>Heychauchau 好用推薦：跟一般泥膜一樣，乾了會有緊繃感，但皮膚會看起來比較乾淨，少了黑頭粉刺，而且T字部位出油情況有改善，但後續要用多敷保濕面膜，不然皮膚也會持續出油，而導致黑頭和痘痘出現。
<看全文>
Emma W好用推薦：見係去韓國人氣必買品，就買左返來試下。Numbuzin No.3酵母收毛孔嫩膚面膜使用後感受超棒！ 一打開包裝，聞到好香的檸檬與草本清新，令人放鬆。精華黏黏的，好rich，仲要好多，可以敷埋頸部位置。敷上後有微微的清涼刺感，證明Tingle-Pore Complex™在發揮作用，瞬間讓肌膚緊實。保濕力強，敷15-20分鐘後，肌膚變得柔滑透亮，毛孔看起來細緻許多。整體效果顯著，絕對是居家護膚的亮點！ 適合肌膚：任何 成效度：4.5/5 保濕度：4.5/5 吸收度：4/5 貼合度：4.5/5 質地：黏黏的，rich 光澤度：4/5 持香度：4/5 值得推薦度：5/5
<看全文>維他他好用推薦：韓國著名品牌嘅面膜，numbuzin 嘅維他命C面膜～～可以提亮美白嘅美白mask, 敷10-20分鐘就可以 面膜係橙色嘅，質感非常柔軟，敷上面度，非常舒服，軟綿綿又有厚度嘅面膜紙 面膜剪裁不錯，眼部範圍較大，精華唔會流到眼入邊。 有少少不足嘅地方係，鼻嘅範圍偏細，唔可以覆蓋到整個鼻子，除此之外，都非常滿意。 整體嚟講，面膜好舒服，會再回購
<看全文>
inkitsung好用推薦：一路都好喜歡用植村秀嘅潔顏油～ 今次就試「botanicoil 植物性潔顏油」 標榜蘊含91%天然來源成分 包括9大植物精華油及日本高知縣柚子萃取 陣陣舒壓芳香加上溫和卸淨力，幫助調理肌膚狀態 個人皮膚敏感乾性，所以佢對我黎講就啱啱好～ 淡淡柚子味都真係好好聞～ 至於卸妝力一貫咁好，係防水眼線類可能就要大力少少～ 不過卸後唔會好乾，呢個始終係我最鐘意用佢嘅原因～
<看全文>hsjvanessa好用推薦：這支是標榜植物性的卸妝油， 質地比較杰身，有很淡的柚子味 我都冇話特定要按摩幾耐 （眼晴我習慣先月眼唇卸妝液卸除再用卸妝油卸其他位置） 每個化了妝的位置都按摩幾下， 然後拍一點水上面，等佢乳化幾秒再清洗乾淨 妝容都卸得乾淨，唯獨是鼻翼兩側仍會見到殘留的白點 會再倒多少少卸妝油重點按摩鼻翼，順便溶解白頭 洗乾淨後皮膚感覺很清爽，然後便直接用洗面奶洗面 很方便又快速卸除妝容👍👍
<看全文>