面膜護理 推薦好用產品

Emily Leung好用推薦：Mediheal藍色面膜試後感： 呢款『N.M.F水庫面膜』係佢哋家嘅皇牌，主打急救補水。 好嘅地方： · 精華多到癡線，敷20分鐘都未乾 · 面膜紙超薄，同塊面貼到冇朋友 · 敷完即刻覺得塊面漲卜卜，摸落去滑溜咗 · 換季面痕敷完會定啲 麻麻哋嘅地方： · 效果唔算好持久，第二朝打回原形 · 有少少『黐立立』，油皮可能唔太鍾意 結論： 適合臨時有約要急救，或者秋冬乾爆嗰陣用。平價之選，但唔好期望有神奇效果。

KaKi321好用推薦：Mediheal高效特強保濕導入面膜 10片 主要功效 ✅ 長效補濕、鎖水、養出盈潤、透亮肌膚 ➡️拎出面膜嘅時候，就已經有好多精華液。見到我隻手就知，啲精華係好水，但會感覺有啲痴笠笠。敷面膜之後都會有種痴笠笠嘅感覺，不過係好保濕嘅。 ✅ 維持肌膚油水準衡, 調理角質及改善毛孔問題 ➡️ 我感覺訓覺之後起身塊面都唔會好油。改善毛孔方面，感覺唔太明顯。 ✅ 純棉長纖維面膜貼,貼附力強, 滲透性佳, 柔和的絲質觸感更親膚 ➡️面膜印有Mediheal 嘅字，嘅時候感覺好貼服，feel 到塊面吸收緊啲保濕精華。面膜嘅質地好舒服，好親膚。

Milo101好用推薦：台灣購入的提提研面膜，之前用過藍色超導水保濕款覺得好好用，後來再入手紅色美白呢款試試。 面膜紙材質是超級纖維，用落不像布也不像紙質，反而有點像蒟蒻，而且是超薄的，超強貼服度依然是此面膜的最大優點，見到jaw line位都可以覆蓋貼合就知道： 精華液份量充足，敷10-15分鐘期間，如果覺得精華液吸收得七七八八，可以將包裝袋剩餘的精華液補上。而且不會敏感，敷完即使不過水都可以，不會黏立。至於美白效果，敷完後的幾個鐘都有明顯亮白，過了一晚後就不能持續了。

Emma W好用推薦：提提研的超綻光亮白面膜用後感唔錯，會再買！敷上後，薄薄的面膜瞬間貼合肌膚，又fit到塊面。有好多精華，搽頸部、手腳都得。精華也好快吸收。15分鐘後，塊臉好似少少白左咁，毛孔細緻左，膚色均勻透亮。 適合肌膚：任何 成效度：4/5 保濕度：4/5 吸收度：4/5 貼合度：4.5/5 值得推薦度：4/5

Fng好用推薦：肌研 光透潤血色感彈潤面膜熟齡混合肌夏日平價補光之選 肌研呢款新面膜絕對係開架黑馬！同其他平價面膜（如我的美麗日記、森田藥妝）相比，佢贏在雙重透明質酸+玫瑰精華配方，面膜紙超薄貼面，敷10分鐘已經即時提亮，暗黃肌變好氣色✨ 熟齡混合偏乾肌實測：精華液量剛好，唔會滴漏，敷後按摩吸收零黏膩。冷氣房內保濕力可維持到第二朝，面珠墩有彈潤感，但T位無負荷。持久度稍遜貴價面膜（約1-2日效果），但勝在性價比高，平日Keep住用唔肉痛～ 推薦給：✔️ 暗沉熟齡肌追求即時透亮 ✔️ 怕面膜癡立立 ✔️ 夏日想要平價日常補光！

Kpl6be6好用推薦：面膜精華呈水狀～份量足夠～#保濕 效果唔錯！用後未咁快見到提亮膚色效果～但有感肌膚更水潤柔嫩!!如果面膜材質再厚身一啲會更好～

Emily Leung好用推薦：「真心瘋狂推薦呢款面膜！！超浸透3D肌美精（粉色） 我日日都會敷面膜，每星期做1-2次深層清潔，用過好多款面膜，保濕補水美白啦叭啦嘅都用過下。但係呢隻俾我嘅感覺真係同其他面膜完全唔同！ 呢款面膜一盒有4塊，裏面精華多到爆！敷上塊面完全貼服，冇空隙，成塊面包到實一實，連鼻翼兩側（好多面膜都做唔到㗎！）、眼周同下巴都貼到冇縫。 我敷咗大概25分鐘，拎落嚟嗰陣面膜上面仲有好多精華，塊面即刻變到好潤，感覺塊皮『飲飽水』咁！剩低嘅精華我用嚟搽手臂、頸，唔好嘥啊。第二朝洗面嗰陣，摸落塊面真係唔同晒！ 佢打開嘅方式係對摺打開，中間有立體裁縫，敷起上嚟好似鹹蛋超人，有冇覺得？😏 我用緊粉色呢款～裏面主要成分係骨膠原保濕成分，配合獨立剪裁，可以令骨膠原成分深入角質層底層，等塊面睇起嚟更通透有光澤。敷嗰陣連下巴都包到，好適合乾燥缺水肌！

Nicole 好用推薦：面膜紙很有特色，是以中脊線分開的，能把鼻翼部分全部包進去，然後還做了延長部分，把下巴也敷進去，面膜紙有點厚無香，3D的裁剪很貼 合臉型，精華液很多，透明濃稠的精華，溫和不黏笠，高效保濕，敷15分鐘也完全不會覺得乾。

莓莓好用推薦：🌿 Kiehl's亞瑪遜白泥毛孔深層清潔面膜 🌿毛孔吸塵機・黑頭剋星 講到深層清潔，十個有九個都會諗起Kiehl's呢支 #白泥大神！幾乎個個護膚達人嘅浴室都有一樽，今次就同大家做個真實測評，講清佢嘅質地、效果，仲有唔少人會忽略嘅優點同缺點！ 🌸質地與香味： 質地係好幼滑嘅灰白色泥狀，好似好濃稠嘅希臘乳酪，好容易推勻。佢嘅香味好天然樸素，冇加咩人工香精，就係一陣好淡好淡嘅泥土礦物味，聞落好安心，唔會攻鼻。 🌟 清潔效果實測： • #黑頭白頭大掃除 ：敷大概8分鐘，等到佢乾咗七八成，用溫水打圈按摩沖洗，特別係鼻翼同下巴位，真係會見到啲黑頭粉刺浮咗上嚟，用棉花棒輕輕一刮就清走好多！ • #油光拜拜 ：用完之後個鼻同額頭嘅油光真係即刻收斂咗，成塊面感覺好乾淨清爽，毛孔好似識得呼吸咁！ • #毛孔視覺縮細 ：因為毛孔入面嘅污糟嘢被清理走，所以睇落去毛孔冇咁顯眼，皮膚即刻光滑咗。 💡 優點缺點逐個數： ✅ 優點： ▸ 清潔力強：對付黑頭白頭真有一手，係「功效型」產品。 ▸ 成分天然：主打亞瑪遜白泥，溫和唔刺激，大部分肌膚都適用。 ▸ 一樽用好久：用量好省，每星期用一两次，一樽可以用

Kitty 好用推薦：呢隻泥膜去黑頭同深層清潔好有效，想同大家分享下用後感先～ ✨質地同味道： 灰白色膏狀質地，推開唔算好厚重，有少少涼涼哋嘅感覺。聞落有陣淡淡嘅泥土味，唔會好濃，感覺幾天然。 ✨使用過程： 我通常洗完面之後，薄薄敷一層喺T字位同鼻翼兩側（呢兩個位我最多黑頭同毛孔問題）。等大概10-15分鐘，見到面膜乾咗，有少少緊繃感，就用溫水打圈按摩沖洗。呢個時候會感覺到有細細粒嘅顆粒，輕輕磨砂咁幫手去走啲死皮同污糟嘢！ ✨用後效果： 沖完水之後真係覺得塊面乾淨咗好多！最明顯係鼻頭嘅黑頭同白頭浮咗出嚟，可以用粉刺針輕輕刮走，感覺好治癒～毛孔望落去冇咁明顯，而且皮膚摸落去滑溜咗，冇咁粗糙。仲有呀，敷完之後塊面有種清爽感，唔會繃到扯住咁，後續護膚品都吸收得快啲！ ✨個人心得： 我覺得呢支面膜幾適合混合性同油性肌膚，尤其是夏天出油多嘅時候用，控油效果唔錯。乾肌就可能要留意唔好敷太耐，同埋之後要做好保濕。我通常一星期用1-2次，每次用完都覺得皮膚呼吸返咁～ 總括來講，Kiehl's呢隻白泥面膜確實係幾出色嘅深層清潔產品，值得推薦俾各位姊妹！😊

940727.0好用推薦：小妹一向都係kiehl’s粉絲, 唔同嘅產品都試過. 今次就想同大家分享佢哋嘅美白面膜. 只係連續用七日皮膚明顯白左,有淡印效果👍🏻. #kiehl’s #面膜 #美白

Karman28好用推薦：我係連同同系列的精華使用既，面膜唔係超薄身果款，敷上面，覺得精華液很容易吸收。不過美白效果唔算好明顯。

Hoilly好用推薦：捱夜必用！第二日冇人知你通過頂！ 小妹屬敏感暗瘡肌，揀護膚品一向好謹慎！如果效果好，我唔介紹花多少少錢～* 到咗中女既年紀，揀一塊面膜都好大學問，有時敷完等於冇敷真係好激氣！ Lamer 呢隻mask 可以保濕得黎又可以修復皮膚，平時護膚程序，我都係用佢既THE TREATMENT LOTION，而呢去mask有成30 ml既Treatment Lotion，只需8分鐘，再將精華輕輕按摩至肌膚，就能提升水潤及亮澤效果！！！真係好好用！大愛！ 唯一缺點係剪裁麻麻地……不太貼面

Wuxx好用推薦：總括黎講，除左買左黎曬命之外， 我感覺唔到依個面膜有咩功效， 普通品牌嘅面膜分分鐘有feel過佢🫩 平時敷完面我習慣按摩埋剩低嘅精華物再去洗面， 而依隻面膜除左洗走左錢， 係我面上真係不留痕跡一樣， 就係敷了個寂寞，絕對不會回購。

Blueblueblue好用推薦：化妝前敷塊面膜，妝會更加貼面。 唔只乾肌要敷，其實油肌都要敷。

WSY好用推薦：每次化妝前敷下，方便有快！同普通mask效果差唔多～之後化妝會帖服好多！

Yuki好用推薦：面膜係之前網上買面霜送嘅贈品近排天氣轉涼濕度低又乾燥 所以就拎出泥試下面膜比較厚身 分開上下2部份眼位同嘴唇位置開口都偏細撕開保護膜會見到面膜佈滿乳霜 同時殘留左好多乳霜係保護膜上面乳霜份量都唔少 可以用泥敷喺手腳面膜敷左10分鐘完全冇移位 過程中有d吉吉地同有d焗 敷完皮膚即時變得好有光澤 乾燥問題即時舒緩左 細紋都減淡左 第2朝起身皮膚感覺細緻飽滿 但對於沙漠肌泥講 保濕滋潤度都係差少少 出泥效果同用面霜感覺差不多 如果有遇到優惠可能都會回購 產地：韓國 零售價：HKD840/5pcs (HKD168/pc) 回購：6/10

Yty好用推薦：面膜係乳霜質地，有好濃既人蔘味香味，面膜剪裁好貼面，唔易滑落黎，敷完好滋潤，適合偏乾性皮膚同乾燥天氣用

chasiutung好用推薦：Fancl清潔泥膜 灰黑色色泥狀質地 有淡淡嘅香味 洗完臉直接搽係鼻上厚敷5分鐘左右 用暖水洗乾淨 洗嘅時候用洗臉巾搓下 洗完臉吾乾 清爽無繃緊感 用完鼻頭乾滑左黑頭粉刺會浮曬出嚟 平時洗臉會慢慢洗走 用多幾次之後 黑頭 會生少左 而且出油少左👍使用後可以用收毛孔嘅產品/敷返d保濕收毛孔嘅面膜 效果會更好 一星期用一兩次就足夠 推介👍

格仔餅公主好用推薦：要keep住用先見效，好似男仔咁心急個d應該覺得無用，佢可以去到淺層污糟野，用完之後係特別嚴重既位再搽少少海泥mask堅work

poonpoon好用推薦：一打開好濃烈嘅花香味，呢隻花味唔假，但需要少少時間適應。入邊添加幾種花嘅成份，主打舒緩作用。 質地好厚身，用後可以做到保濕，即使洗乾淨面膜之後都會有保留油分滋潤皮膚，用完係即刻有保濕效果，敷完感覺舒服。平日一星期敷一次，最佳效果係冬天沖洗完面好乾燥後使用。試過冬天乾燥到甩皮紅咗，敷30分鐘之後，有明顯鎮靜效果。 質地較厚身，冇試過當晚霜過夜，唔建議混油肌使用，有機會爆粒粒。另外花香太重，唔建議敏感肌使用。 $600 100g係貴，但份量好多，用咗一年都未用晒。

YY好用推薦：Fresh有出好多面膜，好想每一款都試曬🫢依款係花妍舒緩修復面膜，小紅書好多人推薦 花妍舒緩修復面膜主打即時調理皮膚，舒緩皮膚，維穩肌膚，水潤提亮 Fresh面膜價錢唔平，不過一大罐，有排用。 乳白色乳霜質感，洁身，唔太鐘意陣花味🪻 敷左10分鐘，好似敷左一堆cream係面上，好油膩🫥洗完面膜之後，無補水感覺，仲好似洗極都未洗乾淨面膜，泛紅位依然存在 混油/油皮唔適合，官方仲有一種方法係當sleeping mask用，無試過但實會爆粒粒。 做唔做急救既效果，失望🤦🏻‍♀️寧願濕敷toner性價比仲高，送左比mami🙈

Yty好用推薦：Fancl美白面膜已經用咗超過10盒啦，而家屋企嘅存貨好足夠好安心，睇我屋企數量就知佢係真係值得推介呢，長期用落嚟，我覺得對於皮膚係有一定既提亮美白效果，所以都會keep住一直用，剪裁貼面舒服，面膜精華有21 mL，只需要敷五至10分鐘就夠啦，面膜可以敷埋隻眼用完都幾舒服的，注意保質期前用完就OK啦，用完會繼續買

劉肥貓好用推薦：精華液份量適中，面膜紙非常貼面舒服 用後冇敏感 用後即時感覺到皮膚光澤亮麗

Fng好用推薦：SISLEY-PARIS 產品入面 比較出名嘅黑玫瑰面膜， 佢淡淡玫瑰香味容易接受，同埋 用喺上嚟都好方便，只要薄薄一層已經感受即刻到皮膚柔軟咗， 光亮咗 ，我通常會搽完15分鐘之後 ，再按摩吓，容易吸收唔需要用水洗走 ，唯一缺點就係比較貴， 但每次用嘅量少 ，會回購。

Hannah好用推薦：質地幼滑，保濕效果滿意 洗完後都仲有滋潤感 價格偏高，喺有優惠時入手更化算

Circlecyy20好用推薦：滋潤度好高效果相當唔錯，用完之後有即時急救嘅效果膚質有變平滑同埋柔軟

Pinky好用推薦：偏厚身少少既面膜質地，但都算貼面，下巴有兩塊痴返上嚟，有少少拉提效果， 精華係乳液狀，敷嘅時候唔會水落流流，但精華量都算足夠，敷10至15分鐘之後，官方話唔使過水，但我都會用礦泉水噴霧噴下塊面，再用爽膚水抹下，再查返平時嘅護膚品，敷完感覺皮膚飽滿啲，補水滋潤嘅感覺都有，雖然價錢唔算平，但比起開架面膜係好用啲

Milo101好用推薦：🌟敷完感覺保濕、舒緩 🌟這個面膜用完沒有回購，反而比較喜歡同系列的菇水，有回購再回購

Heychauchau 好用推薦：每次使用時都會有刺刺痛痛的感覺，但不會到非常不舒服。用完後皮膚也不會覺得有緊繃感，也有一定的保濕效果。本身不常出現泛紅，而且用起來刺刺地，我就沒再購入了。

Lumi Kwan好用推薦：Shiseido美白產品來講，喺日本都相當出名，所以佢嘅美白產品長賣長有，以前讀大學嘅時候我甚至乎係全個美白系列咁用。而家我會選擇性去用唔同品牌嘅產品，但依然有用SHISEIDO嘅美白面膜。但我個人認為，單靠美白面膜唔可以做到美白作用，必定要用足夠嘅防曬產品，先可以抵抗黑色素。我會建議每星期至少用一次，連續用六片作為一個療程，會覺得皮膚真係白淨咗少少。官網話”撕除面膜時，黑色素亦隨之清除，肌膚重現明亮均勻膚色。 “，我唔太敢肯定。 呢款片裝面膜感覺比普通韓牌面膜厚。敷上面部後都幾貼面，唯獨係個下巴，我覺得mask可以再大少少。

Kpl6be6好用推薦：呢個品牌嘅美白産品出哂名有效果～感覺精華滲透肌膚～用後補濕度十足～膚色亦明顯亮白咗～

Emily Leung好用推薦：Minon 面膜使用心得｜敏感肌恩物！保濕力超強 我係混合性偏乾敏感肌，轉季或者用到唔啱嘅護膚品好容易面紅、痕癢。試過好多話溫和嘅面膜都頂唔順，唯獨呢隻Minon真係冇刺激感。 產品賣點 · 專為敏感肌同不安定肌膚而設 · 含有9種保濕氨基酸同2種清透氨基酸 · 低刺激、無香料、無色素、無酒精 · 通過敏感性測試 ✅ 優點： · 溫和到極！ 真係零刺激，就算塊面有少少敏感泛紅，敷上去都完全唔痛唔痕，感覺好安心。 · 保濕力持久！ 精華係嗰種杰身嘅啫喱狀，唔會好似水狀精華咁滴滴仔。敷完20分鐘塊面都仲係濕濕哋，第二朝起身塊面都仲係軟淋淋，上妝好貼服。 · 修護效果掂！ 如果因為乾而出咗少少粒粒或者紅印，敷完佢會覺得鎮靜咗好多，皮膚個「底氣」好咗。 ❌ 缺點 / 要注意： · 面膜紙偏厚，剪裁對大面或者高鼻樑嘅人未必最伏貼，但都接受到。 · 精華「黐立立」：因為係氨基酸精華，質地比較杰，敷完之後面上會有層薄膜感。如果你係油性肌或者鍾意清爽，一定要過一過水，或者當晚霜咁用紙巾印走多餘精華。 · 價錢唔算平，如果日日用會肉赤，比較適合用來急救或者一星期做一兩次深層保養。 個

Desse好用推薦：日本旅行必入面膜之一💓💓💓 MINON Amino Moist 面膜超級適合敏感乾燥肌！ 我入呢款係敏感肌專用😍😍 滿滿22ml濃厚精華液，鎖水又補濕🧏🏻‍♀️🧏🏻‍♀️ 💡質地方面 凝膠狀，好貼面又柔軟，敷10-15分鐘就夠晒滋潤，幫助撫平因乾燥引起嘅細紋同加強肌膚屏障 💡用後感 皮膚即刻水潤柔嫩，連冷氣房訓醒都唔乾，精華吸收快又唔黏笠，殘餘精華仲可以用來擦頸或身體，好抵用❤️ 留意位🔔🔔🔔 唯一小缺點係面膜太大張，裁剪貼合度可再提升 總結嚟講🧏🏻‍♀️🧏🏻‍♀️ 保濕修護又安全，對敏感肌超友善，換季和乾燥時必備之一💓💓

Candy Ng好用推薦：之前買Whoo 眼霜時送的，用完覺得皮膚好水潤。 用它，大家可以明白，點解它賣得吾平，仍然有捧場客，真係一分錢一分貨。 尤其開始初熟的皮膚，經常感到皮膚無光澤，乾旱，容易出細紋，如果用一些滋潤性較強的護膚品，皮膚又容易出油脂粒，沖洗時，總覺得唔乾淨，要洗完又洗，都覺得皮膚上有層油的感覺。 它完全沒有以上的情況，係會明顯覺得皮膚有光澤，水份感，摸上會感覺滑嫩了😊

Noel好用推薦：Whoo 的面頸睡眠修復霜，購買拱辰享套裝而獲得，17ml小小一條，但出奇地可使用很長時間👍 修復霜同時亦係睡眠面膜😴 塗保養品的步驟不變，最後一個程序會由面霜轉為睡眠面膜~ 面膜質地超密著，擠出產品後，瓶口還會有拉絲~ 產品係淡黃色，具有很強韓方藥材味道❗產品含有鹿茸，當歸等等，有助去角質並延緩衰老❤ 個人喜歡使用這個面膜，同時在睡前按摩面部🤗 因為產品比較黏膩，按摩過程變得很容易；面膜質地較厚，要讓皮膚用一晚時間去吸收啊~ 整體感覺，睡眠面膜真材實料，敷完一個晚上，早上醒來沒有油膩感覺👍而皮膚可以感受到飲飽水，很Q很彈呢💕 不過，吸收須要很長時間，睡覺過程容易黏到頭髮 / 被單，未能令人安眠啊😥 滋潤 🌟🌟🌟🌟🌟🌟🌟 亮澤 🌟🌟🌟🌟🌟 吸收 🌟🌟 抗老 🌟🌟🌟🌟🌟🌟 價格 🌟🌟🌟🌟 (套裝價格不算貴啊！) 乾性皮膚非常適合，油性皮膚既朋友，購買前最好先到專櫃感受一下~

Chocol55好用推薦：用完皮膚有飽滿既感覺，冬天使用亦夠保濕，可配合美容儀使用，感覺更良好。

takemyokane好用推薦：買 medicube 美容儀附送的贈品，質地是透明啫喱狀，很清爽適合夏天用，面膜片也很貼面，精華足夠後面配合美容儀深層吸收，敷完感覺皮膚十分保濕水潤。 其實沒有什麼大問題，但約 $30 一塊也不是沒有其他性價比更高的産品代替，所以找不到回購的理由 🤔

Emma W好用推薦：見係去韓國人氣必買品，就買左返來試下。Numbuzin No.3酵母收毛孔嫩膚面膜使用後感受超棒！ 一打開包裝，聞到好香的檸檬與草本清新，令人放鬆。精華黏黏的，好rich，仲要好多，可以敷埋頸部位置。敷上後有微微的清涼刺感，證明Tingle-Pore Complex™在發揮作用，瞬間讓肌膚緊實。保濕力強，敷15-20分鐘後，肌膚變得柔滑透亮，毛孔看起來細緻許多。整體效果顯著，絕對是居家護膚的亮點！ 適合肌膚：任何 成效度：4.5/5 保濕度：4.5/5 吸收度：4/5 貼合度：4.5/5 質地：黏黏的，rich 光澤度：4/5 持香度：4/5 值得推薦度：5/5

維他他好用推薦：韓國著名品牌嘅面膜，numbuzin 嘅維他命C面膜～～可以提亮美白嘅美白mask, 敷10-20分鐘就可以 面膜係橙色嘅，質感非常柔軟，敷上面度，非常舒服，軟綿綿又有厚度嘅面膜紙 面膜剪裁不錯，眼部範圍較大，精華唔會流到眼入邊。 有少少不足嘅地方係，鼻嘅範圍偏細，唔可以覆蓋到整個鼻子，除此之外，都非常滿意。 整體嚟講，面膜好舒服，會再回購