日常防曬 推薦好用產品

Chloeincosme好用推薦：呢排用緊 Avene 防藍光防曬，貪佢同時防護紫外線同電子屏幕藍光，適合成日對電腦嘅我！質地輕盈唔黏膩，仲保持到品牌一貫溫和特色～ 🤍防護全面性：4.5/5 SPF50配合藍光防護，日常室內使用好安心！ 🤍質地與貼妝：4/5 乳液質地順滑易推，後續上粉底唔會搓泥，有輕微提亮效果但唔假白～ 🤍溫和度：5/5 一如既往Avene作風，敏感肌用完全零刺激，試過眼周使用都冇燻眼問題～ 總結： Avene呢支防藍光防曬係室內工作者同敏感肌嘅穩陣選擇！將防曬同藍光防護二合一，方便又安心～會回購！推薦俾經常使用電子設備又追求溫和防曬嘅你！

Anna好用推薦：細細支，好方便帶出街用，隨時隨地可以補充防曬。 色澤易推，好易吸收。特別適合忙碌的上班族，搽上一遍便搞掂。記得搽埋下巴唷~

　peg好用推薦：呢款氣墊，我用完之後心情真係有啲複雜。 一開始上妝嘅時候，佢嗰種水光感真係好勁，一印落去成塊面即刻好似打咗燈咁，係嗰種韓妞追求嘅水亮效果，望落去皮膚好似浸喺水入面咁，保濕力亦都真係做得唔錯。 但係，佢最令我失望嘅係好顯毛孔。佢啲光澤感好似係喺你啲毛孔上面鑲咗邊咁，尤其係鼻翼兩側同面珠位，平時唔係好覺有毛孔，用完佢之後啲毛孔反而變得好明顯。同埋佢嘅粉質好似冇紅色嗰款咁貼，如果嗰日皮膚狀態唔係極好，啲粉會好似浮喺表面咁，仲有啲容易卡粉。 遮瑕度方面亦都比較弱，普通嘅暗瘡印都仲係見到，而且因為佢太過水亮，如果唔小心重手咗，成塊面會顯得好油膩，完全唔係嗰種高級嘅光澤感。對於我呢啲追求精緻妝感嘅人嚟講，呢款真係有啲扣分，雖然個水鑽包裝好閃好靚，但係顯毛孔同埋容易浮粉呢兩點真係令我唔會想再回購，下次都係用返紅色嗰款穩陣啲。

Zoe 好用推薦：This cushion foundation is way more dewy and luminous compared to the original TIRTIR foundation. The original is much more matte with fuller coverage, but this cushion is lighter, clearer-looking, and gives a fresh, glowy finish that looks like your skin but better. It also doesn’t oxidize nearly as much as the original. Grab this if you love that effortless Korean glass skin vibe, but stick to the original if you want matte, higher coverage.

Ni好用推薦：白色乳狀 不厚重 無流動性 好推勻塗抹 有淡淡酒精味 但敏感肌的我沒有過敏 經典的雪肌精的味道 防曬係數有Spf50 pa+++防護相當高 保濕度挺好也不油膩好吸收 對後續上妝也相當服貼 冬天用也適合 用完一支了

natalielamwt好用推薦：因為曾經對化學防曬敏感所以用了它一段長時間 全物理防曬，溫和不刺激 濕疹位置搽都冇事 防曬力足夠，試過去農村日曬夜曬 同行小伙伴用banana boat曬黑和曬傷了 我塗curel沒事，也只是黑了一點 不過真的質感厚重、焗 會有明顯泛白 要卸妝，身體塗了後用淋浴露洗會卸不乾淨 之後未必會回購

CHT好用推薦：好笠，覺得比一般嘅物理防曬更笠⋯可能係我個人唔鍾意呢種質感

Kmggigi好用推薦：SkinCeuticals 雙效淡斑防曬霜 SPF 50採用輕盈水潤嘅質地， 推開時非常順滑，完全冇厚重或者黏膩感， 吸收力極高，用完之後皮膚感覺清爽又舒服， 特別適合日常使用。 防曬霜可以自然提亮肌膚，令膚色更加均勻， 有健康嘅光澤感，而且用後皮膚非常貼服， 唔會同之前用嘅護膚品打交，完全唔會影響後續上妝，仲幫助妝容更持久，係妝前打底嘅理想選擇！

Myonlyone好用推薦：#火熱新品 隨身帶住 唔黐手嘅輕便防曬棒 夏日陽光靚，充滿活力☀！為咗隨時隨地保護嫩滑肌膚，揀支輕便防曬棒係個明智嘅選擇！Mustela高效防曬棒細細支，方便隨身帶，無論你出門旅行定日常外出，都可以輕鬆搽防曬，保護皮膚遠離紫外線傷害✅✅！ Mustela高效防曬棒，唔止有高效防曬保護 SPF50 同特強防水，仲加入咗滋潤皮膚嘅牛油果油🥑同維他命 A、D、E，有效保持皮膚水潤又唔黐立立！就連初生BB都用得。💕 最後，💡記住每兩個鐘補一次防曬係最好嘅習慣。帶住Mustela高效防曬棒，無論係邊都可以輕鬆補防曬，盡情享受陽光嘅溫暖！

Akassoo好用推薦：呢排夏天勁熱勁曬🌞☀️、作為混乾肌嘅我，T字部位出油出到不得了。 而INNISFREE呢支控油防曬主打塑造霧光肌感防油光，同埋可以作妝前底霜達至提亮和防曬效果，佢有SPF50+ PA++++、有埋控油同提亮膚色功效，所以我妝前搽完保養品之後就係用呢一支做埋防曬同底霜（妝前打底），一次過搞掂。個人都幾鍾意呢支控油防曬，搽完之後冇黏笠，而且T字部位真係做到控油效果，不過係有啲厚重。

維他他好用推薦：用過呢一隻嘅黃色舊版 Innisfree呢支防曬tone up幾自然，會提亮，但又唔會死白，不過就比較笠，用完係要用粉去令塊面乾爽返or用紙巾印一印防曬，否則塊面會比較反光，一出街會易痴塵，但overall其實除左笠以外，都幾好用同幾抵用。

mandy好用推薦：CAUDALIE Vinosun Protect Very High Protection Sun Water 葡萄籽水感抗氧防曬噴霧 SPF50+ $300/ 150ML 如果您很怕黏笠感，尤其是在夏季，如何快速又清爽地在全身使用防曬，有效對抗光老化？ CAUDALIE葡萄籽水感抗氧防曬噴霧就很可以幫到您。由於葡萄籽水感抗氧防曬噴霧噴灑出來的是水狀的防曬噴霧，使用感極其清爽，而且適用於面部、身體及頭髮，所以帶一支葡萄籽水感抗氧防曬噴霧在身邊已可以隨時噴灑在全身，非常方便。葡萄籽水感抗氧防曬噴霧的防曬系數達SPF50+，即使戶外活動也可有足夠的防曬保護。 成分方面，葡萄籽水感抗氧防曬噴霧添加了不少美肌成分，包括：防曬成分、保濕成分、抗氧化成分、抗衰老成分及鎮靜消炎等成分。因此，葡萄籽水感抗氧防曬噴霧絕不像某些防曬噴霧那樣只含有防曬成分，這瓶還含有不少美肌成分，既可防曬，同時也可美肌，如：抗氧化及抗衰老。 含防曬成分：二乙基氨基羥基苯甲酰苯甲酸己酯, 乙基己基三嗪宗, 乙基己基三嗪宗, 2，4-雙((4-(2-乙基-己氧基)2-羥基)-苯基)6-(4-甲氧基苯基)-1,3,5

Kitty 好用推薦：佢噴出嚟嘅霧都算幼細，但一上手就feel到成層油。液體好快化開，摸落去滑潺潺，但要等起碼一兩分鐘先至乾透，未乾之前會有種黐笠笠嘅感覺。噴上面仲誇張，成塊面反晒光，望落好似天生油肌咁，夏天三十幾度用，覺得有啲焗住焗住，唔夠清爽。有一次趕時間出門口，噴完冇耐就戴咗口罩，結果口罩入面立到一個點，真係有少少崩潰。 老實講，佢嘅防曬力係毋庸置疑嘅，戶外暴曬都真係冇黑到，防水防汗亦做得好足。不過，為咗呢啲優勢就要忍受佢偏油嘅膚感，我就唔係好接受到。 如果係乾肌或者去戶外活動唔介意油光滿面嘅話，呢支都仲可以考慮。但對於追求清爽、怕黏膩嘅人，我就真係唔推薦喇，用完呢支我應該唔會回購。

GinGin好用推薦：這款防曬噴霧有點香味，不過不是很強力，所以長時間在戶外也會容易變黑

Nicole 好用推薦：超清爽水感質地，噴霧細緻均勻，一噴上臉就快速吸收，完全不會黏膩或泛油光，特別適合香港悶熱的天氣，防水抗汗能力強，即使流汗或輕微碰水也不容易脫落。 使用上非常方便，可以隨時補噴不沾手，妝後使用也不會破壞底妝。不過容量只有55ml，如果頻繁補的話會消耗很快。整體來說，高防曬係數（SPF50+ PA++++）和清爽膚感讓我非常滿意，是戶外活動或日常通勤的好幫手，會持續回購！ #火熱新品

葉子🍃好用推薦：呢支妝前保濕霜，加左97%護膚精華，使用時更加易推貼服，搽左有即時增加水潤感，天氣凍個幾日用左可以保持全日肌膚飲飽水，吱出嚟白色cream狀，無香味，呢款係透明色，防曬度有SPF40/PA+++，使用後無殘留感，不黏笠，用後好快吸收，鐘意佢睇落皮膚水潤、有光澤，搽完再上底妝有保持得更好，細紋位無甘明顯 #火熱新品

lingbb好用推薦：- 色號係004 buff chamois色 - 原來Revlon嘅氣墊都幾有驚喜，仲幾好用 - 質地薄貼面唔厚，但都有中度遮瑕，顏色嘅提亮令成塊面精神咗好多 - 持妝度可以大半日都唔甩妝唔會焗，亦唔會氧化，唔會乾到好想卸妝，個樣依舊精神。 - 暫時諗唔到缺點，只要顏色對了小資女都可以試下 - 夏天用時好岩用，因為佢好似第二層皮膚，薄透，好好定妝後唔會甩妝 - 推介俾所有人

Kura好用推薦：呢款防曬比較適合作為妝前打底，因為係有色防曬，搽上臉可以做到即時提亮嘅效果，防曬度數有50度適合日常搽，因為係有色防曬所以有輕微嘅遮瑕作用，容量超多一支都可以用到好耐，性價比都算高，同埋無香味無酒精適合敏感肌，但係我係乾性肌膚用完覺得有d偏油，但日日用夏天出街都冇變黑到，防水效果都ok就算出汗都唔會溶得好勁，整體黎講防曬效果都ok @cosme

維他他好用推薦：呢隻防曬係100%曠物成份，質都都順滑， 佢冇美白效果的 但佢防水好好 同埋冇香料成份 好天然，敏感肌的人非常適合！

Circlecyy20好用推薦：個香味都幾重下 呢個產品似係側重係滋潤度多D 秋冬用會比較岩用 如果唔係會好笠

mavis好用推薦：雖然寫到明無香料 但都係有少少味 質地濃稠厚實唔係好啱香港潮濕嘅天氣用

Anna好用推薦：質地濃稠cream狀，十分滋潤，可以代替面霜，建議冬天使用，有少少泛白，可以提亮膚色。佢防曬係數高，如果室內使用嘅話唔需要補防曬。

choichoi好用推薦：帶有高防曬系數但質感相當保濕不會乾澀，唯美白效果不太明顯，但在長痘時能安心使用並可防止其色素加深，那也能把它算到「美白」一環吧？

Wuxx好用推薦：早排去日本旅行買左少少Dior Beauty， 專櫃哥哥執Sample嘅時候聽到我話想試下新粉底， 佢就二話不說拎左幾包唔同色仲要Glow同Wear都有俾我試， Very sweet guy唔係講笑。 雖然網上已經有超多比較/評價，但我都分享下啦hahaa 混合偏乾肌嘅我平日office日吹冷氣9個鐘， 霧面嘅遮瑕幾高我覺得， 但一個唔小心搽厚左嘅話粉感都重， 朝早8點上完妝， 番到公司10點左右就開始覺得繃緊， 11點開始會出白芝麻。 雖然大家話有保濕/流動性高， 但應該唔適用乾/偏乾肌， 中性都可能要注意下。 我搵左日出街試用stay， 我知係咪手法問題， 上完妝無耐法令紋位積左超多粉， 然後我就果斷落妝，無再試用過stay。 光澤面相對地舒服好多～ 朝早8點上完妝， 番到公司1點左右開始會出油， 3點左右就會有甩妝情況出現🥹 不過可能因為我無落碎粉定妝嘅習慣所以持久度差啲， 不過相對地Glow面遮瑕度真係低好多， 所以最後2隻粉底我都無入手到。 另外要注意嘅係時間長左glow有暗沉同變紅🤔 #火熱新品

Anna好用推薦：雖然用上面嘅時候feel到佢質地都好厚重，但係過左陣都可以吸收得七七八八，唔會太笠。佢嘅成分都幾溫和，敏感皮膚可以使用。我鍾意佢嘅原因係因為佢嘅防曬效果真系好出眾，又可以防水防汗，適合進行屋外活動嘅時候使用。但係佢唔可以日日用，唔係嘅話就會焗到生暗瘡。

natanatalie好用推薦：價錢十分便宜，性價比很高。質地算是容易推開不算十分笠，有輕微的提亮效果，適合面上不多瑕疵的女生使用。

Sumeb好用推薦：修飾膚色/遮霞嘅效果都十分之雞肋 防曬效果ok 不過如果要揀，我會揀返同系列其他防曬產品

Kura好用推薦：係我用過最好用嘅物理防曬，質地係cream妝，上臉容易推開，有調整到小小膚色，唔會泛白，同埋完美阻隔到UVA，UVB同埋藍光，用完夏天出街都冇晒黑到，30度防曬超級適合日常出街搽，價錢合理，同埋夜晚易卸妝，我會再回購

choichoi好用推薦：帶草本香氣的水狀質地，流動性大並觸感清爽；個人用後沒有過敏，整體很「實際」的一支防曬產品

royu3好用推薦：由讀書時期已在使用sofina的防曬，這枝是III號。適合皮膚較乾的人使用，亦適合冬天時使用。流動性很強，輕易地均勻塗抹全臉。 每日使用這枝臉部防曬，的確是有效防止變黑，而且有比用之前更白，特別冬天紫外線沒那麼強烈時，美白效果是很明顯的👍🏻 缺點是每次使用前需先搖勻，搖不好的會倒出一層油，塗太多亦容易泛白。而且落妝要落得很徹底，否則很容易引致暗粒問題。