日常防曬 推薦好用產品

mandy好用推薦：Bioré 碧柔 Aqua Rich Aqua Protect Lotion 水凝系列 - 極水感防曬液 70ml $119.90 (買1送1）from mannings 功效：抗衰老+護膚+可作妝前底妝+帶果香 極水感防曬液質地是非常水感輕盈介乎於乳液及精華之間， 好似精華液咁非常易推，非常適合在炎夏使用。 如果您很不喜歡較水潤的防曬，不喜歡笠／厚重的感覺， 那極水感防曬就是為您而設。 而油性肌及混合肌也相當適合使用。 極水感防曬帶很輕微的清甜果香， 無論喜不喜歡香味的用家也可使用。 極水感防曬可用於面部及全身，而且達日本最高防曬系數 的SPF50+ PA++++，即使玩戶外活動也可以有足夠防曬的保護， 有效抵抗光老化。 成分方面，以防曬成分為主，亦添加少量護膚成分， 如: 保濕成分甘油, 蜂王漿萃取 及 玻尿酸鈉。 此外，由於極水感防曬液質地貼薄，不會影響後續上底妝， 也可作為妝前底妝使用。 極水感防曬的性價比不錯，喜歡用開架防曬的用家可以在買1送1時入貨。 含防曬成分: 桂皮酸鹽, 乙基己基三嗪宗, 二乙基氨基羥基苯甲酰苯甲酸己酯, 2，4-雙((4-(2-乙基-己

Hchan好用推薦：一向都是Biore防曬的忠實用家，由於皮膚容易曬黑，所以外出前臉及身體都一定會塗防曬。之前最愛用的是方罐的含水防曬清透水凝露，質地最清爽不黏膩，但塗身體會泛白，如果當天碰巧穿黑衣服會經常不小心弄髒，所以這罐是衝着聲稱不泛白及極水感而買的。 質地是常見偏液狀的防曬乳質地，推開後並沒有期待中的水感，偏黏膩，由於主要是用來塗身體，經過一段時間後仍然感到有一層覆蓋在皮膚，黏黏的不舒服，唯一值得讚揚的是真的不泛白，所以現時仍繼續使用。嘗試過用來塗臉，感受仍是一樣，上妝後服貼度一般。 它在清爽度的表現並不理想，選購這款前可能要再考慮。

Ming好用推薦：防曬產品Number one之選！⭐️⭐️⭐️⭐️⭐️我主要係搽喺塊面，身體可以用其他嘅防曬產品。 超級容易推開，皮膚又唔會泛白，唔似搽咗嘢咁，又防水，又控油。 防曬指數夠高，味道好清香，我最怕係油琳琳嘅產品，呢支防曬完全冇油膩嘅感覺，就算擦幾次都唔會令到皮膚好焗，唞唔到氣。 擦喺塊面度做化妝前打底，又可以保濕，又可以防曬，又可以做隔離霜，一舉三得，擦完之後化妝唔會卡粉，又唔會令個妝好厚。

Heychauchau 好用推薦：不得不說改版後的極防水美肌UV乳液感覺用起來更輕薄。以往做用防曬都很厚重，而且塗上臉後會覺得很黏膩，重點是不防水、防汗，所以一出汗，即便塗了防曬，還是會曬黑，要不停的補塗。防曬的厚重感，感覺都把整個臉包起來，有種無法呼吸的感覺。 Anessa 極防水美肌UV乳液的流動性很強，輕輕一推就可以吸收，而且輕爽不黏膩，後續在化底妝時，不會因為塗的厚重的防曬而導致底妝斑駁/卡粉。最讓我喜歡是能夠做到長效保濕，因為成分有加入50%的護膚精華，防曬同時能夠預防肌膚因光老化，而導致乾燥及色斑問題。同時不用擔心肌膚會那麼容易曬黑，因為遇到熱、濕氣、汗、水反而防禦力更好，能夠高效阻截 UVA 及 UVB。我每天都會妝前使用，不會覺得黏膩/皮膚很乾，化底妝時也不會因此而斑駁，現在變成我喜歡的防曬之一。 #最愛防曬

LenaC好用推薦：ALLIE UV防曬 玫瑰水凝乳 燦爛光澤薔肌 除咗防曬之外 仲有護膚同粧前飾底效果 防曬+護膚+隔離 3效合1防曬霜 一枝搞定 💕防曬度為極高既SPF50 高效隔離UVA 阻擋陽光紫外線 仲添加左美容液護膚等成分 有助保濕唔會太乾起晒紋 亦無添加Paraben防腐劑 將皮膚負擔減至最低🌝 質地係帶粉紅色嘅乳液狀質感水潤 好容易推開 塗抹時聞到淡淡既優雅玫瑰香擠小小份量都好足夠 打圈按至薄薄一層 相比起其他防曬度同樣高既防曬乳液 佢絕對係零厚重感 一啲都唔黐立抹開後肌膚平滑光亮 滋潤均勻 略有粉紅既色調亦輕鬆打造出健康紅潤好氣色而且佢嘅無油GEL配方 有助持久清爽控油 適合夏天使用使用 防曬 護膚 修飾 一枝KO 推！

Blueblueblue好用推薦：日本旅行時係藥妝店買嘅。 ALLIE 防曬水凝乳帶有少少粉紅色光感粒子，可輕微修飾暗沉，不黏膩。

GinGin好用推薦：雖然有 SP F15防曬，但質地太過厚身同唔太適合混合性及油性皮膚使用，因為質地太油

hellolulu好用推薦：參加活動獲贈的貨裝試用品，一試有驚喜～ 首先喜歡它的質感柔滑有點像軟雪糕，而且不帶氣味，不會對敏感肌造成負擔。我習慣早上在洗面和爽膚水後用防曬日霜，大概用圖二的份量在面上和頸很容易推開吸收，感覺有稍稍提亮膚色🙂 最驚喜是用了大約一星期左右，突然發覺面頰幾處痘印變淡了! 😃持續使用數個月下來，新生的暗瘡、破皮等傷口會復原得比較快，疤痕較不明顯，以敏感肌合用的美白產品有此效果是非常有驚喜的，因為對許多美白產品的耐受度較弱，但親身試用後真的值得推薦! 用完手頭moisturizer 會有興趣試用同系列的晚霜加強美白效果😃 作為乾敏肌對它的保濕滋潤度滿意，剛過去的冬天最乾最凍的日子都靠它安穩度過～ 近日氣溫和濕度稍為上升但使用感仍然舒適，可能始終是面霜質地而且防曬系數偏低，不會像一般防曬產品般焗身。不過個人習慣洗澡前仍會先用卸妝水簡單抹一抹再洗面，確保沒有防曬殘留👍至於夏天的使用感則有待觀察😁 產品包裝為扭蓋式圓罐設計，未必所有人喜歡，不過這一點個人不太介意，因為乾肌慣用較杰身的潤膚膏，取用量又大，罐裝取用會較方便，當然如果有密封包裝感覺的確會較衛生。

takemyokane好用推薦：今個夏天常用的一款防曬乳液，質地水潤，偏 Cool tone 藍白色。搖匀後塗上臉有調色效果，後續上妝不卡粉，而且還多了一層光澤感，上光影粉的步驟都可以略過。防曬效果除非全日戶外活動，否則都十分夠用。小缺點是要慢慢推匀，早上超趕時間的話可能就要⋯⋯準時起床？😹 #底妝升級好物

Karman28好用推薦：呢支係一支有防曬既乳液，我貪方便，成日用呢支，然後唔洗再擦多層油笠笠既防曬係面。不過相比起無防曬果支乳液，佢個texture 我係無咁喜愛，但勝在保濕防曬兩個功能都做到，夠哂方便。

貓餅好用推薦：用防曬最緊要係乜嘢？就係唔會曬黑，呢支防曬液有130度防曬係數，真係唔黑，水上活動用就啱晒，當然咁高防曬度數的話，係會有少少，但係最緊要唔黑

nonlu好用推薦：因為最近皮膚曬黑左，想轉用高防曬度既防曬，見呢款有SPF130 PA++++，係商店試上手背唔算太油又唔算太立就決定入手。 第一日正式搽上手臂就feel到好有存在感，仲hi到成個手袋都係白色。 重點係用左大半日就感覺到手臂開始好痕，仲起晒粒粒😭

iliya 好用推薦：呢款防曬乳液麻麻哋，質地比較厚身，而且有少少泛白嘅情況出現🤦🏻‍♀️

Circlecyy20好用推薦：多數都係用黎搽身 因為搽上面後會明顯覺得有一層野黏附住 所以最後都係搽身後解決 好在用完都唔會曬黑

Danica好用推薦：感謝@cosme的試用邀請❤️ 試用咗大約一星期 Country & Stream Honey UV water gel 蜜糖防曬液🧴 係一款全身都用得gel防曬，涂完一抹就化成水，有淡淡蜂蜜香味，完全唔會有黏膩感，非常適合夏天悶熱天氣。 而且含各種精華及美肌成份，SPF32 PA+++ 適用於日常番工，唔會對皮膚有過多負擔。 CP值非常高，推薦日常生活用。 用完呢支會回購同時都推薦左身邊屋企人用，加上成分溫和，適合小朋友使用👏🏻

Water好用推薦：多謝 @cosme提供試用 🥰呢枝防曬液搽上身非常舒服，淡淡蜜糖香味，質地水感清爽，搽完好似冇搽一樣；炎炎夏日可以防曬又唔會令皮膚有負擔。夏天我本身好大汗，用完呢枝防曬液再出汗都唔會變到好痴笠笠唔舒服，好正呀！ 防曬系數唔算超級高，但日常出吓街完全夠用，實測去咗離島半日，冇補搽同冇用其他防曬嘅情況下都冇曬傷曬黑，大家可以放心入手 😆

Hamiii好用推薦：呢支野其實評價幾兩極， 我自己用呢.. 我係覺得幾好既 質地幾易推開， 顏色都幾自然， 遮瑕度就遮到一般泛紅，暗瘡印遮唔到既 我覺得唔算太厚 幾鐘意佢自帶50度防曬，日常好夠用 不過有一點真既，呢個價位有更好選擇 我都試過就算😌

Mei Mei好用推薦：質地好水潤，延展性極佳，之後再上粉底液都完全冇問題，仲有提亮效果添。搽咗唔會有泛白感，透薄自然，而且用咗都唔會生粉刺痘痘。

mandy好用推薦：ADDICTION SKIN PROTECTOR SPF 50＋ PA++++ $265/ 30g 喜歡SKIN PROTECTOR質地水潤易推，非常保濕，延展性極好，觸感柔滑的乳霜狀，使用感舒適輕盈，不油不笠，防曬保護充足，戶外活動也適用。 使用後沒有泛白，基本上是透明富自然光澤，不會妨礙後續的底妝。 可以在面部及全身使用，也可作為隔離霜/底霜使用。 特別之處是同時可作唇部打底，使唇色更顯色。 含優質護膚成分如保濕、抗衰老、抗氧化及美白等成分。 要知道不論大小品牌推出的防曬產品很多時 都沒有投入這樣好的成分，而只含有防曬成分。 定價中價位，雖然比開架品牌略貴， 但也比開架品牌的防曬產品更多優點 (品質優秀，含不少優質護膚成分，多種用途)， 實在值得入手。 含防曬成分: 桂皮酸鹽, 二乙基氨基羥基苯甲酰苯甲酸己酯, 2，4-雙((4-(2-乙基-己氧基)2-羥基)-苯基)6-(4-甲氧基苯基)-1,3,5-三嗪, 聚矽氧烷-15 及 二氧化鈦 抗衰老成分: 維生素C棕櫚酸酯, 維他命E, 白芒花籽油, 狗牙薔薇果油 及 甘油 抗氧化成分: 維生素C棕櫚酸酯

Apple0708好用推薦：佢個質地偏清爽薄身，啱哂依家夏天，聞落亦無乜化學香味，平時用嚟做底霜效果唔錯，防曬度亦都足夠~

ririlily好用推薦：好耐以前聽過anessa要出隻要曬愈保濕嘅防曬 我呢啲大乾皮就期待咗好耐🤤💕 終於等到佢出product就即刻買咗了！！ 用後感: 超笠😂😂😂 係大乾皮都覺得笠+拍粉都救唔到嘅笠😂 不過佢缺點明顯 優點都好明顯 1. 搽完好美白 仲要係自帶亮澤柔和濾鏡果種 2. 户外玩全日唔使補搽 3. 返到屋企缷防曬後 感覺真係有水潤到！💦💦(很重要) 平時好易甩皮嘅我第一次缷完防曬係覺得潤 好神奇🥺 如果你接受到佢笠咁一切好說話 接受唔到就算啦呢支唔啱你🤣

Sarah好用推薦：質地比較黏，低敏配方，佢應該歸納為有防曬度數嘅底妝產品，因為用完皮膚會白咗有調色功效，亦有少少閃亮嘅感覺，用咗都幾靚。比起傳統金色那一支，這支保濕做得好好多，卸妝後都唔會話皮膚好乾。

Hchan好用推薦：會入手這條防曬是因為看到消委會推薦，測試結果顯示它的防曬效能高但價格便宜，現時夏天的太陽太毒辣，因不想曬黑我習慣外出前臉部及身體都塗防曬。 它的質地是乳霜狀，有淡淡Nivea經典的香味，因比較稠要慢慢推開，塗開後會有一層包覆感，比較滋潤，不是我喜歡的清爽質地，混合偏油肌的我覺得它塗臉的話，與後續的化妝品不太融洽，妝較易浮，所以我改作塗身體，值得稱讚的是它不會泛白，穿黑衣服的話即使塗過防曬的手腳擦到，也不會有白痕令人尷尬，雖然它標榜涼感但感覺不太明顯。 塗身體用量較兇，已經正在用第3條，一整個夏天都沒有曬黑的情況出現，以前用開Biore那藍色方罐的，清爽是清爽，又便宜，就是一直來有曬黑了一點，這條性價比高，就是瓶身設計不太好擠，但確實有效果會一直回購。

lingbb好用推薦：- 性價比高既防曬 - 呢款防曬消委會高評佢，就吸引咗我去買 - nivea既其他防曬我有用過，呢款個味同其他系列既味都係一樣，一開首個味幾重，但隔一陣就冇味 - 質地cream狀好推，上面唔會有泛白，吸收後會透明咗，一開首塗抹係有點滋潤感唔會太笠，但吸收過後皮膚會有啲乾，建議使用前後都要做好保濕 - 呢枝防曬防水防汗，會用埋黎塗係身，性價比高，補防曬都會落力啲 - 使用呢款有spf50+ PA+++冇曬黑過

hellolulu好用推薦：防曬面霜是擠管型設計，取用方便又衛生，我外出前一般會用一截指頭左右的份量，天氣熱可直接取代面霜，乾燥天就在保濕面霜後使用。質地較乾身但不難推開，不焗身不悶痘，會輕微泛白但個人可接受為自然的美白效果😂 平日絕少化妝，但少數淡妝日子以防曬面霜打底後，也沒有與底妝打架～ 雖然在開架產品中不算最便宜，但本身皮膚薄又易敏感，對不少成分耐受性低，適合的防曬選擇不多。試過趕時間沒用防曬外出，很快便曬得面頰又紅又痛了好幾天，可見它防曬系數雖不高但確實能溫和地保護皮膚👍 當然如果長時間戶外活動需定時補塗，或選用較強的防曬產品保護。

Sze好用推薦：躋出黎使用非常方便，而且用後不會泛白，很貼近原本的膚色。使用後沒有半點不適或泛紅也不會煩人，非常適合夏天使用。 #夏季必備保養

kameari好用推薦：質地雖然唔太厚身，但都係有啲焗會出痘痘，色澤上有少少深不夠貼個肌膚，而且油肌會出更多油。

可好用推薦：此BB霜質地比較偏向乳液狀，擁有一定的流動性，推開後感覺乾爽不油膩，有乳化成粉的感覺，就算不使用定妝產品亦可以持妝三至四小時。此產品的一大優點是防曬力度十分足夠，單獨使用此產品前往戶外活動亦沒有曬黑的情況！ 妝感比較偏向霧面，但出油後會出現卡粉的狀況，需要比較注意補妝的問題。同時，塗上後比較偏向自然妝效，液體比較偏向肉粉色，有白裏透紅，自然提亮的效果，但遮瑕力大概只有三至四成，對於眼周暗沉以及痘印都沒法完全遮蓋，需要搭配其他遮瑕產品，才可以完成比較完整的遮瑕力，比較適合喜歡自然妝感的人。

Susu好用推薦：用咗YSL嘅product好耐，呢個防曬係想買到滿額贈所以入手嘅，本身冇睇過任何評價，但呢支防曬比我想像中更加好用，質地比較水潤，吸收，不黏立，後續嘅底妝都冇打交嘅情況，個人嚟講推薦夏天使用，建議入手

Desse好用推薦：就算用開同一條line.. 都未必所有同系列產品都啱自己用.. 我今次算上咗一課.. 全效輕透空氣感防曬 SPF50+/ PA++++ 揀防曬.. 除咗度數要度次外.. 我自己嘅基本原則係.. 唔黏立.. 唔搓泥.. 唔油膩🧏🏻‍♀️ 呢支… 我會覺得唔啱我用🪻 🪻油膩感重 由一開蓋已經見到流動性好高.. 但唔係水狀.. 而係黏立嘅油狀 對於混肌.. 已經想卻步 🪻吸收度低 上臉半個鐘都依然油膩.. 要tissue off 先可以唔滿臉油光地出街.. 更別提要上妝 如果皮膚屬乾肌 又好想好想入手試.. 建議你搵sample size試咗先.. 我自己就唔掂啦..🪻

Ruby Wong好用推薦：這款防曬乳液我個人非常喜歡，基本上是夏天必備item，已連續用了兩年。我本身非常容易岀斑，所以日常防曬是必須的，一般防曬通常有一種黏立的感覺，很難每天都搽面， 不然對肌膚會有很大的負擔，而乳液狀的通常防曬系數不高，但這款乳液除了價錢相宜，質地亦十分水潤，完全沒有其他防曬油立立的感覺，用完上妝亦十分貼服。唯一要挑剔的是它並不防水，夏天汗多可能要勤d補啦，但另一方面睇，如果當天沒有上妝,只用洗面乳就可以洗乾淨，並不需要額外落妝,不防水還是有另一些好處的～ 所以作為一般防曬保養性價比很高，推薦。

bearbear246好用推薦：屈臣氏買一送一時購入 水感質地 但查上面唔係清爽感覺 冇泛白 冇奇怪防曬味道 不過我使用一排後塊面生粒粒 但好似冇咩人有同樣狀況 唯有用黎查身 質地清爽感覺舒服 但變相性價比低 所以唔會回購

Vlee好用推薦：夏天用一日顏色都不會氧化 超過10小時仍能維持出門時的顏色 均勻膚色方面非常出色 霧面得來亦有一定光澤度 除了髮際線鼻翼容易出汗位置，幾乎沒有脫妝 本人有敏感皮膚，但依款產品沒有致敏 缺點是比起其他品牌滋潤度比較低，要注意使用前的護膚 我偏向健康膚色，使用2號色

🌸好用推薦：夏天又嚟喇，呢隻有色防曬CC cream超方便，一次過敏晒防曬、提亮膚色同滋潤肌膚嘅效果。乾敏肌都用得，妝感貼服唔黏笠，持妝大概4小時左右，但勝在夠晒方便。一年四季都啱用。已多次回購。

940727.0好用推薦：呢個牌子嘅日霜有埋防曬50+++算係好方便，而且比較水潤，唔會話起油脂粒。👍🏻 

Milo101好用推薦：🌟有防曬SPF50，PA+++ 🌟這支非常適合化妝前用，淡粉色的輕乳霜狀，推開後是透明的 🌟質地柔潤，幫助後續底妝更貼服 #底妝升級好物 @cosme

Heychauchau 好用推薦：打破一般防曬很油很黏膩的感覺，用起來很清爽，而且防曬系數很足夠，戶外活動後沒有曬黑/曬傷。

natanatalie好用推薦：以專門店的防曬來說不是十分出眾，質地不算很清爽也沒有太大的滋潤感覺，不過不失。

TongTong好用推薦：多謝Cosme今次俾機會我試用雪肌精亮白水感防曬精華乳。雪肌精呢個名我細細個就聽過，亦都係品牌嘅忠粉，所以每次佢出新產品，我都會買嚟用。 今次好驚喜收到期間限定包裝附上洗臉肥皂，等我可以唔使用卸妝產品，便可以使用附上的肥皂，簡單卸除防曬乳，十分慳時間！同過往雪肌精產品一樣使用天然成分，例如：薏仁及多種和漢植物嘅美容成分，有效抑制黑色素嘅形成，最適合經常需要戶外工作嘅我使用。今次新嘅珊瑚友善配方，能令卸妝後對環境污染不會造成負擔。而且防曬乳質感毫不黏立，更不會造成泛白，在持續使用14天以後，肌膚變得水亮透光，而且色斑亦變淺色，肌膚提亮不少，我會繼續使用。

natanatalie好用推薦：價錢算是比較親民，略嫌有輕微酒精味道。對酒精敏感的女生可能不適合，但質地是很清爽易推開的。