防曬隔離 推薦好用產品

Bubu好用推薦：見消委會推介，加上做緊買一送一promotion，一支都唔使$40，質地都易推，用咗兩樽覺得皮膚都冇點變黑，缺點係質地比較厚重，夏天會有啲覺得立，但整體性價比高，平時用嚟搽手手腳腳都唔肉赤！  

Hchan好用推薦：會入手這條防曬是因為看到消委會推薦，測試結果顯示它的防曬效能高但價格便宜，現時夏天的太陽太毒辣，因不想曬黑我習慣外出前臉部及身體都塗防曬。 它的質地是乳霜狀，有淡淡Nivea經典的香味，因比較稠要慢慢推開，塗開後會有一層包覆感，比較滋潤，不是我喜歡的清爽質地，混合偏油肌的我覺得它塗臉的話，與後續的化妝品不太融洽，妝較易浮，所以我改作塗身體，值得稱讚的是它不會泛白，穿黑衣服的話即使塗過防曬的手腳擦到，也不會有白痕令人尷尬，雖然它標榜涼感但感覺不太明顯。 塗身體用量較兇，已經正在用第3條，一整個夏天都沒有曬黑的情況出現，以前用開Biore那藍色方罐的，清爽是清爽，又便宜，就是一直來有曬黑了一點，這條性價比高，就是瓶身設計不太好擠，但確實有效果會一直回購。

Fng好用推薦：Sofina Beauty 美白高保濕防曬乳液 (清爽型)，聲稱集美白、保濕、防曬於一身，喺香港夏天對抗酷熱天氣， 我嘅用後感👇👇👇 質地與膚感：👍👍👍👍 (近乎滿分) 一擠出嚟係輕盈嘅淡粉色乳液狀，質地水感，極易推開。上臉後有微微嘅冰涼降溫感，瞬間舒緩夏日悶熱！最驚喜係，佢完全唔泛白、唔厚重，吸收後皮膚係啞緻乾爽嘅狀態，零黏膩、零油光，毛孔都好似有啲柔焦效果。後續上底妝極貼服，完全唔會搓泥。呢種極致清爽嘅膚感，絕對係香港夏天嘅一大救贖❤️‍🔥❤️‍🔥❤️‍🔥。 保濕度與潤色：🤔 (巧妙平衡) 雖然係「清爽型」🩵，但佢加入咗保濕成分，對混合偏乾肌來講，在冷氣房下大半日都唔會覺得繃緊或乾燥，恰到好處。淡粉色乳液有輕微修正膚色效果，能中和黃氣，提亮膚色，唔會死白，後續唔搽粉底都顯得精神同均勻。 防曬與控油力：👍👍👍 (持久穩定) 防曬力SPF50+PA++++足夠日常通勤甚至戶外活動。控油力對於T位出油有幫助，但唔算極強效，大油皮可能午後仍需補粉。但對混合肌來講，佢能做到持久唔溶妝、唔轉印，已經非常出色。 總結： 一支幾乎挑唔出毛病嘅all-in-one日用乳液！完美結合咗高係數防曬

Ning好用推薦：和同系列嘅保濕型防曬感覺一樣，而美白功能唔多覺。貪平一次過買左好多支，依家要逼住用埋佢。

Jane好用推薦：超級適合夏天用既防曬，混油混乾冬天用保濕度都可以，大乾皮冬天要考慮用其他/加強妝前保濕，不泛白，好水好易推開，無香精味，新舊版都用過，重點係平！會一直回購！

Fng好用推薦：防曬度夠高，不泛白，容易推勻， 保濕又透明 ，缺點不防水不防汗，其他一切都好。

Noel好用推薦：夏日將至，又係時間搬出比較強的防曬用品，加到 skincare routine❗個人對 Sofina 的 iP 系列及 Jenne 系列都甚為喜愛，對乾肌非常友善😘 手上這枝 Sofina UV Resister 係 rich cream 版本，質感是濃稠一點的乳液狀，並帶有同一系列土台美容液香味，很好聞又不刺激👍 因為防曬系數高 SPF50＋ PA＋＋＋＋，無論日常翻工翻學，或者戶外運動，我都喜歡用它，感覺萬無一失😍 乾肌的我會同時用它作為妝前產品，因為這枝的保濕感覺強，而又清爽不油膩，高防曬同時又膚感 light，很讚👍加上它不泛白，不會留白汗，沒有擦膠碎，使用感絕佳❗ 如果有 budget 可以試試 iP系列，如果學生或小資女想試試 Sofina 防曬產品，也可考慮 Jenne 白色瓶防曬，價格稍為便宜。

Vivian好用推薦：已經第N次回購 SPF50+ 防曬效果一流，既可防曬又可做隔離霜 番工同戶外活動都用佢

LenaC好用推薦：ALLIE UV防曬 玫瑰水凝乳 燦爛光澤薔肌 除咗防曬之外 仲有護膚同粧前飾底效果 防曬+護膚+隔離 3效合1防曬霜 一枝搞定 💕防曬度為極高既SPF50 高效隔離UVA 阻擋陽光紫外線 仲添加左美容液護膚等成分 有助保濕唔會太乾起晒紋 亦無添加Paraben防腐劑 將皮膚負擔減至最低🌝 質地係帶粉紅色嘅乳液狀質感水潤 好容易推開 塗抹時聞到淡淡既優雅玫瑰香擠小小份量都好足夠 打圈按至薄薄一層 相比起其他防曬度同樣高既防曬乳液 佢絕對係零厚重感 一啲都唔黐立抹開後肌膚平滑光亮 滋潤均勻 略有粉紅既色調亦輕鬆打造出健康紅潤好氣色而且佢嘅無油GEL配方 有助持久清爽控油 適合夏天使用使用 防曬 護膚 修飾 一枝KO 推！

Blueblueblue好用推薦：日本旅行時係藥妝店買嘅。 ALLIE 防曬水凝乳帶有少少粉紅色光感粒子，可輕微修飾暗沉，不黏膩。

Kitty 好用推薦：支防曬個質地擠出嚟係奶白色嘅乳液狀，易推開，黐立立感覺Zero！ 對於我哋香港咁濕熱嘅天氣嚟講，簡直係救星～💦成膜速度超快，後續上粉底完全唔會搓泥，仲有少少修飾毛孔效果，懶人可以直接當妝前乳用👍 最驚喜係佢唔會泛白唔燜痘！之前用開某牌子成日搞到額頭生粒粒，呢支用落皮膚好似會呼吸咁，好似仲可以抗藍光，對住電腦成日都安心啲啦💻 不過要注意啦，如果去海邊或者暴曬就可能要補密啲，畢竟佸主打輕薄，防曬力日常用絕對夠曬，但大汗嘅話就建議加多層防曬噴霧啦～ 總括嚟講：清爽透薄唔黏腻！

brenda好用推薦：質地輕薄，水潤，不會反白，上面後很舒服不會感覺查左好厚既野係面，這支防曬算是我買過最唔笠但又做到好好保濕效果，我用清光後一定會回購

kkayinn好用推薦：夏天響日本嘅藥妝店買入呢支美白防曬霜，冬天終於可以用啦！如果平日唔需要化妝只係想提亮肌膚同埋做到防曬，淨係搽呢個都已經足夠，佢係紫色因此有提亮膚色嘅功能，而且效果比較滋潤，會有輕微量肌效果。但係如果油性肌膚嘅話可能需要用蜜粉定妝。總體嚟講特價嘅時候值得買入，最鍾意佢有一陣淡淡嘅香味，有少少似柚子味，我覺得好清新。☺️

Viannie好用推薦：淡紫色防曬霜，質地清爽容易推開，有即時提亮去黃效果，唔會好黏笠，適合夏天使用。

maylam好用推薦：去日本旅行冇帶防曬所以買咗一支黎用 都幾好用！ 好薄好透 搽完上臉完全冇痴笠笠嘅感覺 後續上妝都唔會影響妝容 去完旅行都冇黑到 最緊要係日本買好平！ 即刻買咗幾支返香港夏天用！

LenaC好用推薦：無油膩感 敏感肌適用 無敏感 無添加香料色素礦物油及酒精 零負擔 輕輕塗一層防曬保護霜先出門 日常生活必備

raissa好用推薦：用之前一定要搖勻，唔係會油水分離。防曬能力都ok，揸左之後出去戶外都唔點覺得曬黑左。但我鼻同額頭嘅位都容易出油，間唔中用完之後都會出少少粒粒，所以我都未去到日日都會用。但用完係唔會覺得痴立立，幾舒服。

mavis好用推薦：見佢寫到明防水 有一次去水上樂園嘅時候就用佢 唔知係咪俾啲水沖走晒玩完覺得自己好黑

Nyaaa好用推薦：用完試用後入手了貨size👌🏻，質地薄身易推，透明冇色，少少笠但等吸收後就冇事，用後唔會起暗粒。香味係Decorte一貫嘅高級感香味，而且貨裝2百幾蚊有50ml，性價比都蠻高

Linabella 好用推薦：係專門店購買，以防曬來講質地都算幾輕薄，而且防曬係數適中，一支都可以用好耐。

www好用推薦：前一段時間去左泰國，因為驚曬黑曬傷特別簡左個防曬系數就既防曬噴霧。結果沒有令我失望全程只用了他也沒有曬黑，重點我們還有去沙灘，用他非常防曬，防水，補防曬起來也非常方便。味道也沒有很重的防曬味，重點是十分容易清洗，用沐浴露已經可以卸除得非常乾淨。會再回購，推薦！！！

Cici Wong好用推薦：夏天比較鍾意用防曬噴霧，因為無防曬霜咁黏笠。呢隻聲稱適合户外活動，4小時防水防汗，所以買來去迪士尼用。噴上身感覺有一層保護膜，不過唔會焗，亦無泛白敏感情況，面部身體都能夠用，我半日就補噴一次，無曬傷或曬黑。沖涼就能洗走，不過要用d力捽。

Tszki好用推薦：地輕盈易推、不黏膩，且具有不致粉刺配方，適合日常妝前或單擦使用。具備 SPF15 防曬系數，能築起防禦層減少紫外線傷害，同時提供即時且持久的保濕效果，預防水份被陽光抽乾。不含酒精、香料、Paraben 防腐劑，且不含會引起光敏感或刺激屏障的美白成份，臨床實證不會引起刺激。使用約四星期後可感受到膚色變透亮，痘印和色斑有淡化跡象。

Kala好用推薦： 舒特膚透亮抗敏日霜抹起來輕盈好吸收，像牛奶般滑順，超保濕不黏膩！含神經醯胺和維生素C衍生物，修護肌膚同時提亮，敏感肌用起來溫和不刺激。SPF15防曬力適合室內或短時間戶外，持效8小時，肌膚看起來水嫩透亮。缺點是防曬力稍弱，戶外需補擦。整體超親膚，性價比高，日常保養好搭檔！敏感肌救星！

Sanna Cher好用推薦：產品是蓬鬆的乳霜質地，擦塗時能夠感受到一份輕盈感。使用份量如上，份量不多。本人所選的色號是粉紅色，即提高粉嫩度和亮白。使用產品前的肌膚狀態使用產品後，見肌膚狀態有明顯分別。除了產品主要功能，包括提高粉嫩度和亮白外，還能夠改善泛紅狀態。

莓莓好用推薦：Za美白隔離霜/防曬霜 真實測評 呢支Za隔離霜，真係一個「網上口水戰」好激烈嘅產品。我個人試過，同你哋講下優點、缺點！ 👍 優位 (幾好) · CP值高： 真心平，幾十到百零蚊就有一支，係一個好嘅入門妝前產品。 · 真係會白： 上臉即時提亮，做到「偽素顏」效果。有用家話「好似打咗燈咁」，好適合打造透亮肌膚。 · 質地清爽： 質地輕盈易推，唔笠唔油，唔會覺得黐立立。 · 多色可選： 除咗經典白色，仲有紫色（去黃）、綠色（遮泛紅、痘疤），可以針對唔同膚色問題。 👎 缺點 · 「死白」爭議： 最多人投訴嘅位！好多黃黑皮用家都話變「面具臉」，有網友仲搞笑咁形容：「死咗三日都冇咁白」。 · 可能生粒粒： 有用家反映用完會生暗瘡或粉刺，其中「Silica」成分被認為可能塞毛孔，記得一定要徹底卸妝。 · 防曬唔夠全面： 佢有SPF36/PA++防曬，只係for返工返學嘅日常通勤。長時間戶外活動，一定要用返高強度防曬產品。 ⚡️ 核心總結：邊啲人啱用？ · ✅ 白皮/追求自然提亮者： 上妝效果會非常靚，好多白皮用家表示係「回購十年」嘅愛用物。 · ✅ 學生/趕時間人士：

小Man好用推薦：我個人幾喜歡Clarins呢個品牌，不過呢枝防曬我確實覺得麻麻地，首先個香味太勁，而且有啲攻鼻。另外好細枝，好快用完。個出口位，吱完少少出嚟，會繼續流啲出嚟，設計上麻麻地。再者，有啲油，唔係好岩我皮膚。 個人而言唔會再回購。

Water好用推薦：混油肌友好！用完唔會毛孔閉塞生粒粒，夏天用有輕微黏笠感，但比起其他防曬產品已經好好多，輕輕拍一層碎粉上面就解決到。 我用rosy glow有自然潤色效果，都可以當make up base使用，唔會同粉底打交。

Kitty 好用推薦：唧出嚟質地係白色乳液狀，但一推開水潤到好似搽緊精華咁，完全冇一般防曬嗰種戟住皮膚嘅膜感。吸收得好快，塊面即時有種飲飽水嘅光澤感，但又唔會笠黐黐，夏天用都唔覺焗促。最抵讚係佢唔會搓泥，後續上粉底都好貼服，慳番搽妝前打底嘅步驟，朝頭早趕時間出門簡直係救星。 跟住要讚下佢嘅潤色效果，唔係死白嗰種，而係天然嘅透光感，好似皮膚本身識發光咁，素顏單搽佢再加一層碎粉已經可以出街，暗沉嘅面色即時被提亮。有佢喺度，我連隔離霜都慳返。 呢支防曬霜將護膚、防曬同美肌三者合一，性價比極高。不過要提提大油皮或夏天易出汗溶妝嘅朋友，最好撲少少碎粉定妝，咁就完美晒！

Fish Tse好用推薦：就黎過年啦！係拜年既時候通常都會去好多地方同埋要長時間持妝，所以我覺得用妝前令到底妝更加細緻同持久都好重要 哩款補濕抗氧妝前防曬底霜就好合適，適逢今年新年天氣會比較凍，由其乾肌既sis對於保濕既需求就會比較高 有透明質酸水膜精華、維他命B8複合物水芥萃精華BG等成分具有深層保濕、修復肌膚細胞提升彈性同肌膚既緊密度最重要係鞏固鎖水屏障咁肌膚先可以鎖到水份 妝前使用仲可以令後續底妝更加細緻、清爽唔泛油，即使持妝時間長都唔怕會變花面貓

KDing好用推薦：補防曬黎用係幾方便 不過都係天氣乾既時候用好d 因為佢噴出黎唔算好均勻 要自己再推開

Hamiii好用推薦：呢支真係🙂‍↕️🙂‍↕️🙂‍↕️ 用完一日就bye 入camp諗住大汗噴完「清爽」番 結果 係更立 不了

Ah223好用推薦：我最喜愛的Lightful C粉漾光透防曬底霜，混合偏乾性皮膚。由舊版用到新版，本身皮膚偏白，有時唔想化全妝既日子，齋用呢支底霜當防曬用，顏色揀左百搭既PEACH色 - 既可做底霜又可做防曬，LAVENDER色提亮暗黃更顯白。質地流動性高，容易推，能均勻塗上面，不會厚重。新版比舊版薄，新版比舊版更控油，之前用舊版超過六至八小時T字位開始出油，新版控油力能持續至卸妝，相當出色。 去旅行用呢支底霜，返香港都沒有一點點變黑，防曬系數SPF50+/PA+++很足夠。 唯一缺點，呢支底霜同某啲精華/妝前乳會打交有搓擦子膠碎情況！ 前後對比🆚圖： 1️⃣近排爆左三粒暗瘡，有暗瘡印，沒有使用任何濾鏡下，暗瘡印淡左 2️⃣面頰毛孔撫平左，皮膚滑左 3️⃣鼻翼位同虎紋位都提亮左 4️⃣色素亦可見淡左 5️⃣整塊面膚色明顯均勻 ————新版 🆚 舊版———— 質地 ⭐️⭐️⭐️ 🆚⭐️⭐️🌟 控油 ⭐️⭐️⭐️ 🆚⭐️⭐️ 遮瑕 ⭐️⭐️🌟 🆚⭐️⭐️⭐️ 氧化 ⭐️⭐️⭐️ 🆚⭐️⭐️🌟 (⭐️⭐️⭐️滿分，⭐️為1分，🌟為0.5分)

Kelly Wong好用推薦：《底妝篇》 今次介紹另一款MAC Lightful C 系列的妝前乳，全靠消委會報告，我留意到呢款妝前乳，主打「Tone-Up」效果，結合提亮、保濕與防護防曬功能。但最重要都係因為安全成份而吸引我入手！ 雖然見到以往評價一般，但係今次我買既係水漾蜜桃色，用後真係粉嫩粉嫩🌸完全無泛白問題，仲有香噴噴嘅花香味，讚👍🏻 妝效偏清透，不是強遮瑕，可配合遮瑕膏使用。保濕度足夠，能避免底妝卡粉。妝效都係持久不脫，回購項目之一，今個夏天靠你對抗紫外線喇！☀️

Susu好用推薦：本身冇用開防曬，因為對防曬嘅感覺就係又黐立立又焗悶，但係因為今個夏天太陽真係太曬，所以入手咗呢支防曬，呢支防曬嘅質感幾好，唔會好抗拒，用完佢之後會有少少調色嘅效果，同時都可以令到個底妝更加貼服，個人幾推薦香港嘅天氣用  #底妝升級好物

jaye好用推薦：物理防曬呢點個人十分喜歡，絕對唔係水凝質地，係白色乳霜質地，搽上面係難推開既，好難均勻，同埋都有泛白感，不過即使質地少少厚身都唔覺黏笠既，作為日常用都可以既，但需要時間去搽均勻。的確無刺激到皮膚亦無粉刺問題。使用感一般。

hellolulu好用推薦：防曬面霜是擠管型設計，取用方便又衛生，我外出前一般會用一截指頭左右的份量，天氣熱可直接取代面霜，乾燥天就在保濕面霜後使用。質地較乾身但不難推開，不焗身不悶痘，會輕微泛白但個人可接受為自然的美白效果😂 平日絕少化妝，但少數淡妝日子以防曬面霜打底後，也沒有與底妝打架～ 雖然在開架產品中不算最便宜，但本身皮膚薄又易敏感，對不少成分耐受性低，適合的防曬選擇不多。試過趕時間沒用防曬外出，很快便曬得面頰又紅又痛了好幾天，可見它防曬系數雖不高但確實能溫和地保護皮膚👍 當然如果長時間戶外活動需定時補塗，或選用較強的防曬產品保護。

Sze好用推薦：躋出黎使用非常方便，而且用後不會泛白，很貼近原本的膚色。使用後沒有半點不適或泛紅也不會煩人，非常適合夏天使用。 #夏季必備保養

Hchan好用推薦：面對現時夏天過於毒辣的陽光，臉部及全身的防曬產品基本上是我每天出門前必備。最近的防曬霜推出愈來愈多種類及色調，這品牌之前用過金色防水那枝防曬效果不錯，所以入手這枝主打提亮的試試。 這枝是乳白色的霜狀質地，質地較稠，延展度不高要慢慢推開才均勻，但相對地提亮效果挺好，不會死白，因是精華系列，保濕度及貼服度不錯。我日常通勤只會上這枝加透明碎粉，由於兩者都有提亮效果，所以記得要同時塗脖子，否則會有明顯色差，整體感覺有點像素顏霜。 防曬效果如以往般好，用到現時為止也沒有曬黑或加深色班的狀況，但如果喜歡滑順易推質感的可能就不太適合，但喜歡單擦有潤色效果防曬產品出門的就十分推薦。

Jane好用推薦：價錢平價，又有高防曬系數，仲可以輕微提亮令到皮膚有光澤，不過感覺防曬傷多過防曬黑，拎佢去台灣南部玩9日手腳都有變黑，不過呢個價錢無投訴，但就未必回購，同埋香味真係好勁，怕香味既人要留意。