問題困擾 推薦好用產品

Emma W好用推薦：LANCÔME 第二代極光水質地輕盈，水油混合設計，搖勻後吸收超快，清爽不黏膩！連續使用7天，肌膚明顯亮白左，毛孔變細緻，油光減少，膚色均勻度提升。其保濕力唔錯，有水油層，但又唔油，適合春夏潮濕天氣。搭配小黑瓶效果更佳，肌膚水潤有光澤，細紋也有改善。敏感肌也能安心用，無酒精無香料，膚感舒適。整體而言，這款精華水讓肌膚如拋光般嫩滑，值得入手！ 適合肌膚：任何 成效度：4/5 保濕度：4/5 吸收度：4/5 質地：水狀 光澤度：3.5/5 值得推薦度：4/5

Chloeincosme好用推薦：🤍 水油平衡：5/5！Lancôme極光水嘅水油比例真係調得啱啱好～搖勻之後上臉，滋潤得嚟又唔會過份油膩，完美兼顧補水同鎖水，乾肌用咗覺得好滿足！ 🤍 妝前打底：5/5！最驚喜係佢同底妝超夾～用完之後皮膚又軟又滑，再上粉底完全唔會打架，反而更貼服有光澤，成個妝容即刻高級咗✨ 🤍 改善粗糙：4.5/5！持續用咗一段時間，覺得皮膚冇再輕易甩皮，額頭同面珠嘅粗糙感明顯減少，摸落去細緻咗好多～ 🤍 吸收與手感：4.5/5！雖然帶少少油份，但吸收得好快～用完之後皮膚有種柔軟嘅潤感，唔會黐笠笠，後續護膚品都吸收得更好～ 總結： Lancôme極光水絕對係乾肌恩物！水油混合配方恰到好處，唔單止解決咗乾燥甩皮問題，仲令後續上妝更順利～已經成為我妝前同晚間護膚必備步驟，會繼續回購！推薦比所有乾肌同鍾意光澤妝感嘅你！

Kmggigi好用推薦：L'Occitane Overnight Reset Oil-in-Serum — 修護肌膚，夜間重啟水潤光澤！✨ 呢款Overnight Reset Oil-in-Serum嘅質地係半水半油，真係好特別！ 延展性非常高，輕輕一推就可以均勻塗滿全臉， 仲可以順便用嚟按摩面部， 幫助吸收同促進血液循環，使用感非常舒服。 不過，佢嘅氣味比較濃郁，有一種植物精油嘅香氣， 雖然有啲人可能會覺得放鬆， 但如果你對味道特別敏感，就需要考慮清楚， 可能會覺得有啲過濃。 用完之後，第二日瞓醒會感覺面部冇咁乾燥， 肌膚觸感柔軟、細滑，充滿水潤感， 呢款精華嘅半油性質應該幫助咗鎖水， 令肌膚保持住水潤嘅同時， 仲散發出自然嘅亮澤感， 特別適合乾燥肌膚或者轉季時使用！💧✨

Fng好用推薦：L'Occitane 蠟菊換活雙效精華屬熟齡混合肌夏日抗老輕盈之選 L'Occitane呢支雙效精華絕對係懶人抗老恩物！同其他品牌抗老精華（如Clarins雙泵精華、Estée Lauder再生精華）相比，佢贏在二合一設計——水狀精華+輕盈油質地，搖勻後一拍吸收，唔會黏笠或浮面，夏天用零負擔✨ 熟齡混合偏乾肌實測：冷氣房內保濕力可維持全日，面珠墩明顯飽滿咗，乾紋有即時淡化，同時T位無泛油光。持久度驚艷過Clarins（後者較潤膩），又唔似EL咁需要疊加其他保濕。蠟菊成分抗氧效果好，帶妝8小時無暗沉！ 唯一要注意係極潮濕日子可減半用量，但一般冷氣環境下平衡度完美。價錢中高但用量省，一支搞定保濕+抗老～ 推薦給：✔️ 熟齡肌要輕盈但高效抗老 ✔️ 怕精華層疊太厚重 ✔️ 夏天想簡化護膚步驟！

Rin好用推薦：第200篇是一個里程碑，決定來介紹這個最近的心頭好 OLAY 至臻緊緻紅金眼霜！！！ 主打成份： • 勝肽組合：加強抗老 • 法國海茴香：提亮抗氧、抗藍光、高效修護眼周膚色，降低暗沉與黑眼圈。 💡 用後感 ✔ 清爽不厚重，不會長油脂粒 ✔ 黑眼圈＋細紋有改善（小驚喜） 之前長眼挑針（眼瘡）導致有一隻眼底線沒有用眼霜結果一星期後他們兩隻眼確實有明顯的分別 ⚠️ 小缺點 大開口瓶設計：取用不方便、容易不衛生，尤其懶惰時候常用手 建議用小刮棒取用！ 🌟 總結：高CP值之選，之前用過不少眼霜效果都一般，這瓶的效果對得起他的價錢 目前已經回購第二瓶及推薦朋友 保養還不錯，至少不會惡化畢竟人在年紀漸大的時候肌膚是越難保持 #眼霜 #olay

Kelvin好用推薦：產品質地： 紅金眼霜質地絲滑柔嫩，有陣淡淡嘅香味。怕眼霜太滋潤會令眼周出油脂粒，但暫時覺得呢款眼霜滋潤到又輕盈，薄薄塗上一層之後，再輕輕按摩，好快就吸收晒，滋潤到冬天用唔錯。而且佢嘅質地比較柔潤，一罐都可以用好耐。 功效： 下眼皮整體變得平整，小小改善眼袋同黑眼圈，冇嗰種浮腫嘅感覺。佢話可以去乾紋，但都係乾紋仲係喺度，冇乜特別改善。 推介俾啲容易腫、浮腫嘅人。如果有超勁眼紋眼紋冇咩用💁🏻‍♂️

Emily Leung好用推薦： 最近天氣一凍，皮膚就開始作怪！尤其係冬天乾燥，我塊面同手肘位特別容易繃緊、甩皮，有時仲會泛紅敏感。好彩早排入手咗 CICAPLAST B5 萬用修復膏，真係幫咗我大忙！今個 冬季護膚 真係靠佢撐住。 保濕同修復效果真係好突出： · 質地係白色膏狀，推開會變啞光，唔會黐立立，夜晚厚敷一層瞓覺，第二朝起身皮膚即刻柔軟返，冬天乾到起嘅屑屑明顯平滑咗！ · 我試過用喺爆拆嘅嘴角同手指邊，連續用兩晚，傷口同紅痕修復得快好多，冇再扯住痛。 · 成分有維他命B5同積雪草，鎮靜好有效，有時凍風吹到塊面刺刺地，薄薄搽一層，好快就舒緩到。 冬季護膚心得： · 如果皮膚極乾，我會先噴保濕噴霧，再趁皮膚微濕時薄塗修復膏，鎖水效果更加好。 · 佢唔算係日常輕爽型乳液，但係 冬季 急救真係一流！尤其係寒流襲港嗰幾日，我一定會擺喺床頭備用。 總括來講，CICAPLAST B5 係我今個 冬天 必備嘅「萬能膏」！無論係面、唇定身體局部乾燥位，保濕同修復都交到功課，敏感肌都用到，真心推薦俾怕凍同皮膚易脆弱的各位～ ❄️✨ #冬季護膚#護膚#冬季#冬天#修護皮膚

Kitty 好用推薦： La Roche-Posay B5萬用修護霜：香港夏日救星！穩定肌膚法寶~ 作為一個喺香港經歷緊蒸籠天氣嘅油敏肌，每年夏天皮膚都要打硬仗！曬到面燶、冷氣抽乾水、口罩焗出粒粒...好彩撞到La Roche-Posay Cicaplast Baume B5呢支穩定夏日肌膚嘅法寶！仲開發咗雪凍厚敷急救法，而家同大家分享真實體驗： ✨點解話佢係夏天救命草？ 1. 退紅降溫快狠準 曬傷或者面紅紅嗰陣，我習慣提前將支B5雪到冰冰涼！擠一啖雪硬咗嘅修護霜厚敷上塊面（避開眼周），嗰陣涼浸浸嘅觸感真係即刻鎮靜曬刺癢！好似成塊面浸緊冰水，五分鐘壓倒性舒緩！ 2. 冷氣房保濕救生圈 冷氣抽濕抽到塊面繃實？B5裏面嘅維他命原B5同積雪草苷就好似幫皮膚打補丁，薄薄哋搽一層過夜，第二朝面珠唔會乾到扯住，仲有層隱形保濕膜鎖住水份！ 3. 口罩磨擦爛面救兵 下巴同鼻翼俾口罩磨到甩皮？B5嘅氧化鋅同乳木果油即刻幫傷口封層保護膜，唔會焗住啲損口，仲加速埋口，趕地鐵都唔怕見不得人！ 👍神級用法解密：雪凍厚敷變急救冰膜。 1. 洗面後，擠一粒提子份量嘅B5霜（記住要夠厚！） 2. 均勻批上泛紅/

Lindabb好用推薦：d program酵母益生元修復面霜使用心得 作為一個皮膚偏敏感、容易喺轉季時泛紅唔穩定嘅人，我對於 冬季護膚 嘅要求特別高。今年 冬天 我就試咗資生堂旗下d program呢款酵母益生元修復面霜，用咗一段時間，真係有驚喜，想同大家分享下！ 1. 質地與吸收度： 面霜係帶少少彈性嘅乳霜質地，唔算好厚重，好容易推開。一塗上臉，會感覺到一種即刻被滋潤嘅感覺，但完全唔會油膩或浮喺表面。吸收速度好快，唔使按摩好耐就已經食咗入皮膚，皮膚即刻有種飽滿嘅光澤感，好適合 冬天 鍾意保濕但又怕黏膩嘅人。 2. 修復與穩定效果： 呢款面霜嘅主打係「酵母益生元」，聽落好似好抽象，但用落真係感受到佢嘅修復力。冬季 嘅冷風同溫度變化，好容易令我塊面有少少刺癢同唔穩定。用咗呢罐面霜之後，皮膚嘅「鬧情緒」情況明顯減少，整體狀態穩定咗好多。我覺得佢唔單止係表面保濕，更似係幫皮膚底層加固咗防禦力，係一款真正有助 護膚 根本嘅產品。 3. 冬季保濕力： 雖然佢質地唔算極度厚重，但保濕續航力絕對夠應付 冬天。就算喺乾燥嘅冷氣房或寒風底下，皮膚都冇再出現繃緊或者甩皮屑嘅情況。佢提供嘅係一種深層滋潤同鎖水，令到成個 冬季

Sakura醬好用推薦：最近轉季皮膚又乾又痕，塊面時不時泛紅，真係頭都大。敏感起上嚟，真係搽咩都好似冇乜用咁。好彩最近試咗d program呢隻 「酵母益生元修復面霜」，佢話自己係「敏弱肌嘅肌膚保鑣」，等我同大家逐樣拆解下係咪真係咁神奇！ 🧪 成份：靠資生堂嘅「酵母益生元」科技，主打由底層修復敏感，仲有甘草等舒緩成份，無酒精香料，夠晒溫和。 💆 質地與氣味：白色乳霜質地，比較滋潤，但唔會太厚重。推開水潤，吸收算快。有少少初初黏感，但好快消失。近乎無味，冇加香精嗰種人工香，唔怕刺激。 🌟 親測效果： · 保濕舒緩：乾癢時厚敷，即時舒緩，冷氣房過夜都夠力。 · 修復穩定：用幾日，面頰泛紅同脫皮有明顯改善，皮膚冇咁易「躁動」。 · 整體膚感：皮膚摸落光滑咗，有返光澤，感覺健康穩定。 📝 總結：佢係一支專攻修復同穩定屏障嘅本命保濕霜，特別啱乾敏肌轉季或不穩定時期用。如果你追求極致清爽，就要試過質地先。整體嚟講，係皮膚「鬧情緒」時可靠嘅幫手！

Emily Leung好用推薦：Avene再生修護精華簡潔白色樽身，泵出嚟係輕盈嘅乳液狀。 我用咗呢支精華大概一個月，真係好鍾意！ · 溫和唔刺激：我皮膚容易敏感，用呢支完全冇問題。 · 質地舒服：搽上面好快吸收，唔黏立，保濕度夠。 · 退紅有效：面頰泛紅真係減淡咗，皮膚睇落穩定咗同平滑咗。 一支好可靠嘅修護精華，尤其係當皮膚唔穩定或者敏感嘅時候用，效果最明顯。會繼續用落去！

Helen好用推薦：以修復精華嚟講質地比較快吸收 唔會有油膜感，後續用其他產品都OK 

Poyobb好用推薦：之前工作，因為壓力大手踭長出了乾廯，持續好多年都冇改善，時好時壞🥲試過市面上多個濕疹牌子嘅護膚霜，都不能治癒，而且對抗痕癢嘅功能也平平無奇。 反而呢支新出嘅新加坡牌子suubalm試咗佢哋嘅保濕霜同埋噴霧 ，雖然不能夠令到皮膚治癒，但止痕非常見效，搽咗保濕霜上痕癢位置，即時有涼浸浸薄荷嘅效果，唔會令我有好想r感覺，而且保濕護膚功效很好。 雖然而家仲未好返晒，但痕癢問題已經逐漸改善，乾廯範圍縮小咗，唔會再不停r爛皮膚位置。對於一個有濕疹或者皮膚出現問題嘅人搵到一隻對自己有效既產品好開心，建議有需要嘅人可以去試一試🤗

cha8076好用推薦：最憎d 咁乾燥既天氣，皮膚好容易敏感痕癢。😟 今次再入手🌟Suu Balm 速效舒敏保濕乳，近期幾鍾意佢哋嘅產品，因為我覺得真係幾work 。 今日咁啱突然間敏感成個心口紅晒，可以實測下。搽完有種涼浸浸嘅感覺幾舒服❄️，真係5分鐘內迅速止痕👍🏻，搽完一次個幾鐘就已經退晒紅🤩 ✅質地係清爽唔黏笠，好容易吸收 ✅最重要係不含香料、類固醇、防腐劑，用得安心👩🏻 ✅Cosme 排行No.1 潤膚霜，拯救乾燥敏感肌必備

Chan好用推薦：我從來沒想過，一瓶面霜能讓我愛上鏡子裡的自己！今年35歲，工作壓力大加上熬夜，臉頰開始鬆鬆的，摸起來沒彈性，細紋還偷偷爬上額頭和眼周，化妝都遮不住那種疲憊感。朋友推薦我試試這款緊致滋潤面霜，本來半信半疑，結果用了一個月，簡直像換了張臉！ 首先，質地超輕盈！不像有些面霜厚重悶悶的，這款推開就融化，吸收快又不黏膩，早晚塗抹完，皮膚馬上感覺被「抱緊」了，水潤潤的像喝足水一樣。保濕力超強，我本來是乾性肌，冬天總是脫皮，現在摸起來滑溜溜，連毛孔都變細了！ 最讚的是緊緻效果！我感覺輪廓真的被拉提了。下巴線條清楚了，笑起來法令紋不那麼明顯，整個臉蛋有V臉的錯覺！之前拍照總低頭避鏡頭，現在自信滿滿，自拍都美翻天。連朋友都說我看起來年輕了5歲，哈哈！ 抗氧化部分也超有感，外面天氣差、PM2.5多，我出門回來皮膚不紅不癢，還亮亮的。沒有添加酒精或香精，敏感肌如我完全OK，不刺激。CP值高到爆，一瓶用兩個月，價格親民卻效果媲美大牌。

4dyknay好用推薦：被形容「塗抹式類肉毒肽」嘅小紅瓶系列，因為買過佢哋嘅眼霜，細紋明顯有改善，最近警覺自己面頰開始有細紋，太乾，所以索性買埋面霜試吓。 Rich cream質地係厚身膏狀，有淡淡香味，不過上面唔會笠，幾適合大乾肌但對香料無敏感嘅我。 #火熱產品

　peg好用推薦：佢啲粉質好細，所以上到面好遮到毛孔，又唔會點卡粉，同埋上多咗都唔覺重手。上完粉底再上佢可以令到個妝冇咁容易溶，有時唔想搞咁多嘢淨係齋上佢都ok，都可以令到個面色睇落精神啲，啲膚色平均啲，最重要佢出咗油之後會令到個妝變咗奶油肌，所以夏天出街通常都會用佢，出咗汗同油之後會有少少水光效果。

Ressie14好用推薦：終於的起心肝寫CT 粉餅review , 上年年尾盲入左一塊2號色粉餅，係2號色！ 慎入…！ 你見到粉餅嘅肌膚顏色幾明亮…. 實際上…你要係「健康膚色」先適合2號色。我用就會黃左..我買錯咗色號，依然都可以照寫評價。 肌膚顏色嘅粉餅壓得利落、用手沾出粉抹，質地柔滑具有遮瑕度，呈啞光質地，控油效果卓越！我膚質混合偏乾，輕輕掃一層唔會將皮膚拔乾，完全發揮到粉餅嘅綜合功效，控油，啞光，具高度遮瑕效果嘅佢仲可以均勻膚色。 我特別鍾意佢塊小鏡子，玫瑰金外圈包裹着一塊橢圓形鏡子，好高貴；倒影出嚟嘅肌膚都好似特別靚咁。

Emily Leung好用推薦：這支唇膏我給五星🌟🌟🌟🌟🌟 Bobbi Brown 🔥2025新品 晶鑽漾色盈潤唇膏 2025好像各品牌都在水光唇的戰爭 Bobbi brown 也出水唇膏‼️ 超保濕！水光0黏膩 高保濕植萃 ✅荷荷芭油 ✅紅花籽油 立即保濕&修護肌膚屏障 霜淇淋質地 上唇滑順又顯色 保濕水潤 中高顯色度 完美遮蓋唇色 高質感！水潤釉光唇‼️高級剔透「釉」光融進唇中 如同陶瓷表面的高級光澤‼️上唇「亮嫩」好氣色 霜淇淋質地、上唇滑順又顯色‼️主打上妝0技巧 不用鏡子也能輕鬆補妝❤️ 我的最愛色號nude sugar 素顏當潤唇膏用，也可以美美噠！

Kmggigi好用推薦：多謝 @cosme 贈送bobbi brown extra color shine唇膏🤩 Bobbi Brown Extra Color Shine係一款集滋潤同亮澤於一身嘅高質唇膏， 無論薄塗厚塗都能打造理想嘅妝感！✨ 呢款唇膏將滋潤度同亮澤感平衡得非常好， 一搽上嘴就可以即刻見到自然嘅閃亮效果， 閃得來毫不浮誇，令人感覺嘴唇健康又精緻。 唇膏含有荷荷巴油成份， 輕輕一抹就能為嘴唇鎖住水分，即時改善乾燥情況， 同時提供長效滋潤，嘴唇整日都保持柔軟水潤狀態，特別適合乾燥天氣使用！ 薄塗: 只需輕輕一層就可以自然提升嘴唇嘅血色感，打造清新自然嘅裸妝效果。 厚塗: 疊加幾層後，嘴唇會呈現出水晶般嘅閃亮效果，光澤感十足，吸睛度爆棚，非常適合派對或者特別場合！

Suki好用推薦：#火熱新品 我自己一直都有用開舊版嘅小方瓶，之前嘅幾個版本都有試過（圖片最左嗰支係2.0），舊版用落整體感覺穩定，遮瑕度同持妝力都算唔錯。但今次新版本小方瓶 2.0用落嘅感覺就有啲唔同，妝感的確係輕透左，但遮瑕度明顯唔夠，對於有瑕疵或者膚色唔均嘅情況就未必太適合。 另外，新版本嘅質地偏乾，尤其係秋冬天氣用落會比較顯乾燥，卡粉嘅情況喺鼻翼或者嘴角位特別明顯。如果你係乾皮或者混合皮嘅話，妝前一定要做足保濕工夫先會比較好，但即使咁，持妝效果都未算特別突出。 色號方面，764色算係比較貼膚，顏色自然，唔會過黃或者過粉紅，呢點係值得讚嘅，但整體對比舊版，感覺係少咗啲實用性，反而更適合膚質狀態本身比較好、追求輕薄裸妝效果嘅朋友。

TsuenMa好用推薦：#SHUUEMURA 植村秀 Unlimited 無限輕透持妝粉底液 ✨小方瓶2.0✨ 磨砂瓶身，黑色蓋子，瓶身沒有其他文字/訊息，LOGO就以黑底白字印製，日系的簡約風格。 粉底液本身就有防曬系數 SPF 46 / PA +++，係我用過甘多隻粉底液入面防曬系數最高的，為左讓妝感可以輕薄，可以直接省略防曬呢個步驟，減輕面上要搽嘅porduct，令妝感更輕薄貼服，係夏天嘅好選擇。（但可能只係岩個日係室內活動嘅時候用，如果淨係靠產品本身入面嘅防曬，可能吾足夠抵擋到室外活動嘅UV） 色號：584 #會呼吸的霧光肌 一泵就可以上晒全塊面，出嚟嘅量算係偏多，質地係屬於比較易乾嘅，所以可以留意返盡量唔好將粉底攤太耐，同埋要局部上妝，避免粉底乾咗之後難推開。 呢款粉底好適合香港潮濕翳焗嘅天氣使用，佢能夠有效控油，但同時唔會抽乾晒面部嘅水份，保持適當嘅濕度，令到底妝可以持久度高啲💕 同埋吾會甘易因為出油而脫妝。 呢隻粉底最可取之處在於雖然控油力強，但不至於抽乾晒你面上面嘅油水，皮膚負擔會較低；遮瑕度就都算中上，但又未至於令到你成個面具甘，保留返自然嘅妝感。不過因為我係混合肌，有啲面部

Kathy Wai好用推薦：轉季期間皮膚狀態唔穩定，時乾時油，仲容易泛紅，真係幾頭痕。用咗Lancôme小黑瓶之後，先至知咩叫「修護肌底」嘅威力。 佢嘅質地係半透明蛋清狀，推開後咻一聲就吸收晒，清爽唔黏膩，用完皮膚即刻變得軟熟。我習慣喺爽膚水後、精華前用，當作打底，發現之後搽咩護膚品都吸收得快咗。 最明顯係轉季時，塊面冇再咁容易敏感泛紅，毛孔睇落細緻咗，成個膚色都光亮均勻咗。雖然價錢有啲高，但維穩效果真係冇得頂，絕對係我轉季護膚步驟裏面，最唔可以缺少嘅一步！

Kelvin好用推薦：定期都會去護膚品專櫃做皮膚測試，我男士肌膚都會日常護膚，今次專櫃姐姐話我皮膚缺水🥲相信因為呢排太陽太猛烈，曬到皮膚好乾。好彩除咗塊面偏乾之外都冇咩問題，亦都冇咩皺紋、老化等 一聽到太乾，就即刻用返LANCOME煥活修護精華。依枝精華又係一支經常用嘅精華，精華水感不厚重，搽咗上面之後好快吸收，亦都唔會有黏立感🤣坦白講用耐咗會好似皮膚冇咩特別大效果，但質地夏天好適合。 對於皮膚成日生暗瘡嘅人嚟講會啱用，用完皮膚係會真的較穩定

Emily Leung好用推薦：Cerave SA水楊酸煥膚潔膚露 冬季護膚心得分享 ❄️ 身為一個香港人，每逢冬天真係好考驗皮膚！天氣又乾又凍，我本身係混合性肌膚，T字位易出油又有少少暗粒，面頰就偏乾，搞到護膚好頭痛。最近試咗Cerave呢支SA水楊酸煥膚潔膚露，用咗一段時間，同大家分享下喺冬季嘅使用感受～ ✨ 質地同使用感： 透明啫喱狀，唔算好厚身，好容易搓到泡（建議用起泡網，泡泡會更綿密）。上臉感覺好柔滑，唔會過度摩擦皮膚。雖然係水楊酸潔膚產品，但完全冇嗰種「刷緊層皮」嘅乾澀感，沖水後皮膚係濕潤軟滑嘅，冇即時繃緊，呢點對於冬季護膚真係好重要！ 💧 保濕同修復效果（重點！）： 老實講，我一開始都有擔心，冬天用含水楊酸嘅潔面會令皮膚更乾。但呢支嘢驚喜在，佢加入咗Cerave招牌嘅神經酰胺同透明質酸，清潔同時補水同強化皮膚屏障。 用咗之後，我最明顯感覺係： 1. 保濕力足：就算而家咁乾燥嘅天氣，洗完面後皮膚仍然保持水潤感，唔會「拮拮緊」，後續搽toner同精華都吸收得快咗。 2. 修復屏障：我之前因為轉季，面頰有少少泛紅同甩皮。持續用呢支潔膚露（每晚一次），感覺皮膚嘅「抵抗力」好咗，冇咁易因乾燥而痕癢或不適，泛

Kelvin好用推薦：Cerave水楊酸洗面出名，清潔到位👍🏻透明流質，加水會起泡，用嘅時候有少少臭味，但係可以接受，洗完皮膚會變得好滑，但唔會太乾，清潔力強。我嘴唇附近位置比較敏感，用完都唔會特別紅或者甩皮。 網上面有人教其實係可以用嚟洗頭或者洗身體有味嘅地方，去異味幾好，洗頭頭皮有啲乾，但一枝身體任何地方都可以用，一樽有473 mL，大枝萬用🤩 買依枝水楊酸其實係想洗走我身上面嘅毛囊炎，又咁梗係上網教我咁樣洗係有效會慢慢退，但係我都用咗大半支見無特別大嘅效果，可能真係天氣太熱，或者感覺上可能水楊酸0.5%程度太低，想試佢另一支有2%既。

Kelvin好用推薦：屋企有枝新野，拎黎試下👉🏻 Yves Rocher木莓水漾亮澤護髮醋 資料話有效徹底淨化傷害頭髮的有害殘留物，同時幫助淨化頭皮及平衡頭部油脂分泌，延長頭髮的生命力。 我長期日日gel頭，洗完頭頭皮毛孔有機會有殘留物。我用完洗頭水之後幾滴髮醋，冇泡泡嘅，喺頭皮輕輕捽下，等幾分鐘。 香香甜甜，唔刺激。用完頭髮柔順咗，感覺頭皮乾淨咗咁。冬天頭皮冇咩大問題。夏天易出油，出頭瘡，依枝野應該夏天用有效果。 新年見人，由頭到尾必定保持最好狀態，當然頭髮都要清爽乾淨。全個人沖大吉水，頭髮都要深層清潔，去拜年就sharp 曬⭐️

Kitty 好用推薦：包裝係厚實塑膠樽，入面係粉紅色嘅液體。一打開陣味係好清新嘅果酸味，有少少似樹莓或者莓果咁，唔會俗氣，沖完涼成個浴室都係香噴噴，好舒服！ 🧴使用方法🧴 好簡單咋，洗完頭，將洗頭水同護髮素沖乾淨之後，揸住個樽係頭頂繞三圈，用量剛剛好。髮醋從頭頂開始按摩，均勻搽喺濕頭髮上面，如果想清潔止癢效果好d記得按摩埋頭皮！輕輕按摩下等佢吸收，跟住沖水！ 💖用後感💖 第一次用完已經覺得好神奇！啲頭髮即時順滑咗好多，用手指梳開打結嘅地方完全冇難度，好似幫頭髮做咗個SPA咁！沖水嗰陣感覺到髮質好軟熟，唔會鞋掹掹。 吹乾頭之後個效果更加明顯！頭髮光澤咗，睇落健康啲，而且摸落去真係滑捋捋，自己都忍唔住成日摸😂！之前啲髮尾好乾，而家感覺有咗層保護膜咁，冇咁易打結，朝早起身都冇咁毛躁。 👍優點👍 - 即時見效，用一次就feel到順滑 - 氣味清新 - 平價！一支可以用好耐 - 漂染受損、毛躁頭髮都岩用 👎缺點👎 - 如果你頭髮本身偏幼細，可能唔可以次次用，否則會有少少扁塌 - 一定要徹底沖洗乾淨，留香不太持久 總括來講： Yves Rocher呢支髮醋絕對係性價比高之選！尤其適合頭髮受損、經常打結、缺乏光

mysecretgarden好用推薦： 對於我哋呢啲濕疹皮膚來講，揀潤膚露真係好大嘅學問。好多時唔係太黐笠笠，就係保濕力唔夠，最慘係一用錯嘢，即刻起粒粒、發紅，分分鐘成個月先好返，好長手尾。尤其係對手，自從疫情之後洗多咗手，皮膚屏障變得好脆弱，一般坊間嘅Hand Cream又多香料，完全唔敢用。 苦苦物色咗好耐，終於遇到Nivea呢支75小時修護保濕身體乳。首先，佢完全通過咗我皮膚嘅敏感測試！用落完全無引起任何痕癢或者粒粒，成份溫和呢一點，對濕疹人來講真係最重要。其次係佢嘅質地係乳液狀，推開好水感，吸收得又快。用完之後對手係有種實在嘅保濕感，但就完全唔會「立」。就算即時要拎嘢或者打字，都唔會有黏膩感，呢個平衡點做得好好。 我而家主要係拎佢來當Hand Cream用，因為一支大大支，價錢又平，用得多都唔會肉痛。每次洗手後用，都可以即時補充返被洗走嘅油脂同水份，長時間保持雙手軟滑，唔會再因為乾而繃緊。 Nivea呢支身體乳絕對係一個「平、靚、正」之選。佢未必係神奇特效藥，發緊濕疹嘅時候用都唔會好返，但係好返之後作為一支日常基礎保濕、穩定皮膚狀態嘅產品，佢交足功課，令人用得安心。

frogfrogtina好用推薦：Nivea呢支潤膚乳好好用，尤其冬天的乾燥天氣，敏感肌嘅我使用完全無問題。效果持久，唔笠身，質地清爽，吸收速度快，適合在香港使用

Emily Leung好用推薦：Innisfree 維他命C綠茶酵素透亮精華用後感 我係混合性肌膚，T字位偏油，兩邊面頰有時會乾，尤其係轉天氣嗰陣。面頰有少少早年手痕擠暗瘡留下嘅淡淡啡色印，同埋成日對住電腦，面色有啲暗啞唔夠光，想搵支精華提亮同均勻返膚色。 ⭐️質地 呢支精華嘅質地係 半透明嘅啫喱狀，一推開就化水，好清爽！完全唔會「立痴痴」。吸收得好快，捽兩嘢就已經入咗皮膚，好似無搽過嘢咁，但摸落去會感覺到皮膚有層好薄嘅保濕感。油性皮膚嘅朋友應該會好鍾意，因為真係零負擔。 🍊味道 一打開就聞到好清新、好舒服嘅 綠茶味，唔係好人工嗰種香精味，似係沖緊杯新鮮綠茶咁，帶少少柑橘類嘅清新感（可能係維他命C成份？）。呢個味道好療癒，搽上塊面嗰陣好放鬆，唔會燻鼻。 💧使用感 · 清爽度： ★★★★★ 真心清爽，夏天用或者油肌用都無問題，完全唔會黏膩。 · 保濕度： ★★★☆☆ 對我嚟講，如果秋冬單用佢，兩頰可能唔太夠潤，要再加保濕乳液。但佢主打係透亮，保濕算合格，唔會令皮膚乾。 · 溫和度： ★★★★☆ 我皮膚有少少敏感，但用呢支完全無刺痛或泛紅。不過如果係極敏感肌，最好都係耳背試咗先。 · 後續上妝： 唔會擦膠碎，同防

JZ好用推薦：夏日炎熱潮濕、紫外線強烈，容易誘發皮膚泛紅、敏感、受損，我選用INNISFREE維他命C綠茶酵素透亮精華來穩定肌膚。 這款精華含有高濃度的維他命C衍生物3-O Ethyl Ascorbic Acid（成分表第5位），它有強大的抗氧化功能，可以幫助皮膚抵禦自由基的傷害，維持肌膚穩定性。參考下附圖中成分表，可以見到配方使用了1,2-Hexanediol搭配Pentylene Glycol及Glycerin的促滲體系，幫助提升3-O Ethyl Ascorbic Acid應用於皮膚的透皮率。此外，這款精華含有泛醇、肌肽、煙酰胺、尿囊素、透明質酸、積雪草等修復舒緩成分，幫助維護皮膚屏障，降低氧化糖化等損傷。 INNISFREE維他命C綠茶酵素透亮精華是流動性很高的透明無色液體，質地輕盈水潤，膚感透薄舒適，夏季使用也不會感到厚重油膩或堵塞毛孔，連續使用一段時間後可以看到皮膚白淨、狀態穩定、泛紅過敏問題減少。我本人有多年使用各類維C精華的豐富經驗，相較於我之前使用過的一些原型維C精華，我很喜歡這款精華的原因是在使用它效果不錯的同時，還不必擔心它會像原型維C精華那樣染黃手部、面部皮膚及衣領，也不必

維他他好用推薦：Ipsa呢個產品嘅名好犀利，叫做復活神水，極致再生精華水。佢喺早晚清潔面部同用完爽膚水之後使用，可以促進肌膚底層，激活膠原蛋白，補充返代謝咗流失嘅細胞，令肌膚回復飽滿光澤，仲可以減淡皺紋，提亮肌膚添。 我用嘅係試用裝，用咗幾包之後，發現佢嘅吸收非常之快，因為其實佢係非常水狀，所以搽上面好快就吸收晒，保濕嚟講，係唔錯嘅，皮膚好快就吸收晒啲復活神水，用完皮膚係柔軟咗，但係我用得太短期，未見到佢嘅功效，希望長期使用可以見到佢激活到膠原底層，會考慮買正貨裝嘅。

Fng好用推薦：IPSA 極之再生精華水係品牌旗下最適合熟齡肌嘅升級之作😍！同經典流金水比較，質地更豐潤但零黏膩，推開瞬間滲透，唔似流金水純粹清爽補水，而係真正感受到修護力——用一星期已見毛孔細緻咗同光澤感提升✨ 熟齡混合偏乾肌夏天用完全無負擔，冷氣房內保濕力可維持8小時，面珠墩無繃緊之餘T位亦無泛油。添加嘅氨基酸複合物抗老效果明顯，同流金水主打溫和角質管理唔同，呢支更針對提升彈性同淡化乾紋。 持久度驚艷過流金水——流金水要濕敷先有明顯效果，但極之再生精華水拍一層已經夠潤，出汗後無黏膩感。建議夜間用可疊加兩層，日間單層已足夠打底！ 推薦給：✔️ 熟齡肌需要抗老+保濕二合一 ✔️ 嫌流金水修護力唔夠 ✔️ 夏天怕厚重但求高效！

布吶吶好用推薦：Laura Mercier水光粉底霜 轉季皮膚乾燥，入手了這個粉底霜！ 上臉是水光妝感，很滋潤！ 乾皮用肯定夠了 油皮估計不行 會有點過於滋潤 我是正常膚質 對我來說滋潤度很好不會乾也不會油 遮瑕還是有一丟丟的 不過就真的是一丟丟 只能遮點鼻翼的泛紅和不嚴重的黑眼圈 但它毫無粉感 塑造的是自然好皮的感覺 我覺得這個不需要用粉撲 直接用手擦一擦就搞定 因為我買這個本身的訴求就是不想那麼麻煩擦防曬擦粉底的時候擦一擦就出門 目前用下來非常滿意 我臉上基本沒有瑕疵 所以我覺得這個比較適合本身膚色、皮膚狀態都很好的盆友 是不能指它能有太大的作用的 我用下來沒有悶痘、閉口，兩片卸妝棉就可以擦的很乾淨 我買的顏色是最白色 也不會太白 （我本人很白 色號是櫃姐給我選的 不是我自己要最白色的）擦上很自然 總結一下 皮膚好的小姐姐不想化全妝、想隨意出個門、想氣色看起來好點、像偽素顏可買！ #轉季#換季#水光妝

Emma W好用推薦：潤色粉底的1N Birch 好適合我的膚色。一搽上面上，質地輕盈，水潤，易推開。搽後感覺自然透亮，有種「偽素顏」的感覺。另外，其有防曬功能，SPF30+++，提供基本防曬，減少塗抹額外防曬的需要，減輕肌膚負擔。 但是，遮瑕力度有限。如毛孔、黑頭、黑眼圈就覆蓋唔到。持妝力也一般般。夏天出汗大，要經常補妝，都係一種唔太方便的因素。可能秋冬天使用會好少少 #火熱新品

Wuxx好用推薦：遲左少少系列～ 因為手上太多粉底未用哂所以遲遲未開黎用， 終於可以打使用心得～ 產品初上市嘅時候已經即刻去左專櫃試色， 當初已經對佢個外形設計超級心心眼！ 打開仲要係我最最最鍾意嘅濾網設計！ 所以二話不說入手左！ 開封到依家使用約一星期左右， 打開第一下係睇得出嘅水潤感， 而粉撲都幾好用，夠軟身， 不過都係有少少食粉情況， 但對我黎講問題不太大。 氣墊濾網個人認為有發揮好作用， 按壓出嘅粉質非常幼滑， 平時用氣墊粉撲需要費時去修飾毛孔， 依隻水潤粉質更容易自己填入毛孔，非常加分！ 而遮瑕方便都去到6-7成，上面係半水半霧面， 鍾意自然肌感嘅朋友可以考慮下依隻粉底。 冷氣房每日持妝約10小時，未見有收乾情況， 不過室外用就唔係好控油，需要注意。 另外暗沉方面唔明顯，約暗0.5色階。 整體使用感滿意，但如果有埋防曬功效會更好～ 咁就可以帶埋出街補防曬😗**是次購入色號為1C色

Fng好用推薦：Charlotte Tilbury 的夢幻柔光粉氣墊妝效主打光澤感，而非全霧面，增加肌膚光澤感，沒有粉感過重，質地較水潤，妝感薄透自然。它屬中度遮瑕，可疊加，我覺得對日常妝容足夠。我混合偏乾肌膚，沒有卡粉，自然光澤，提升肌膚飽滿感，視覺上減輕乾紋。 夏天炎熱天氣下，我會定妝，用控油型透明蜜粉（如 Laura Mercier)，在濕度相對低一點，溫度涼爽些的日子，這款氣墊對我混合偏乾肌會更為適合，持妝挑戰較小。 在香港炎熱潮濕下，如果是油肌，較容易出油，這款氣墊的光澤感可能會讓T區在幾個小時後看起來更油亮，甚至可能加速脫妝，尤其在沒有做好妝前打底和定妝的情況下，T區可能較快融妝。 總體來說，這款氣墊對混合偏乾肌比較啱用，但在夏天使用，需要搭配額外的控油和定妝步驟來應對。如果怕麻煩或對持妝度要求極高，可能需要考慮更控油持久的產品，或者只在秋冬季節使用它。 #夏天

Chan好用推薦： 我是35歲，混合敏感肌，T區油U區乾，最近因為熬夜和壓力，額頭細紋和嘴角法令紋越來越明顯。以下是我的真實感受： 第一週：保濕驚喜，肌膚「喝飽水」 這款精華是透明水狀質地，滴在臉上很好推開，吸收快不黏膩。第一天用完，皮膚馬上變軟嫩，像敷完面膜。敏感肌的我完全沒刺痛或泛紅，連續用了幾天，T區出油量好像少了，U區也不再脫皮。最明顯是早上起床，臉摸起來滑滑的，化妝超服帖！ 第二週：細紋初見改善 大約用了10天，額頭的細紋開始模糊，尤其是化妝前看不太出來。法令紋還沒大變，但嘴角周圍皮膚感覺「緊」了點，像被撐起來。我每天早晚用2滴，搭配簡單乳霜和SPF50防曬。 第三至第四週：輪廓提拉，同事狂問祕訣 到第三週，效果真的來了！法令紋淺了大概20%，笑起來不再像「括號臉」。下巴線條變得更俐落，同事還以為我偷偷去打玻尿酸！皮膚光澤度也提升，連粉底都不用擦厚，素顏也有自然好氣色。最驚喜的是痘疤淡化，之前下巴有顆痘留下的紅印，現在幾乎看不見。修復力真的強，感覺皮膚在「自我更新」。

葉子🍃好用推薦：剛好冬天聖誕節一個小旅行，試左OLAY 4日裝塗抹式類肉毒肽，單支裝足夠早晚使用，使用時先開封，感覺產品更保質，搽出黎透明狀，潔面後慢慢係臉按摩到吸收，沒有殘留感，不油不笠，保持剛剛好狀態，後續使用產品都好貼，用左幾日皮膚彈潤，質感都更好，睇落感覺本身肌膚很好的感覺，令我會想買原裝試 #火熱新品