問題困擾 推薦好用產品

lonia好用推薦：呢個牌子嘅眼膜有好多款香味可以選擇，相信總有一款會適合你，而我自己就比較喜歡清新啲嘅柚子味。一盒12片，獨立包裝，方便拎去旅行、出行都冇問題。拆開包裝之後，眼膜就會慢慢變暖，敷上眼都真係好舒服，聞到柚子嘅味道令人覺得好放鬆，可以幫助入睡。温度可以keep到20分鐘左右，除低眼罩明顯見到眼部四周濕潤咗，對眼部肌膚有補濕功效。一星期用兩至三次，用咗一排，覺得雙眼周圍血液循環好咗，黑眼圈亦淡咗，真心覺得唔錯。

Kitty 好用推薦：打工仔成日對住Mon，對眼成日又乾又攰，家中一定要常備花王呢款蒸氣眼罩！ ✨使用感受： 一拆開包裝就已經聞到淡淡柚子清香味（佢仲有好多唔同香味可以揀！），掛上耳仔嗰陣感覺好柔軟舒服。大概等10秒左右就开始感覺到微微溫熱，係嗰種唔會燻親眼嘅溫柔蒸氣，好似做緊SPA咁！熱力大概可以維持20分鐘，啱啱好夠我小憩一陣。 🌿效果評價： 用完之後對眼即刻冇咁繃緊，乾澀感減輕好多！尤其係臨瞓前用，連帶瞓覺都香甜啲～第二朝起身對眼都精神啲，冇之前咁浮腫。最正係搭長途機或者午休時候用，真係瞬間回血！ 💡小貼士： - 建議瞓低使用效果更佳 - 戴隱形眼鏡要先除低 - 每個禮拜用2-3次已經好足夠 雖然眼罩係一次性，但價錢夠平，成日有促銷，為咗對眼值得投資！而家已經成為我辦公室抽屜必備神器～ 如果你都係用眼過度嘅打工族，真係要試下！

lingbb好用推薦：- 三合一面膜代表能夠做到清潔、去角質、排毒同時保濕效果嘅面膜。成份就係蘊含90%死海泥同礦物質去除肌膚的污垢和油脂，深層清潔毛孔，同時預防暗瘡粉刺形成。 - 因為成份有保濕去角質就要塗全面，起初好怕乾到敏感，結果反而皮膚好細嫩好柔軟好舒服！ - 上面會感覺到有好多好幼細嘅粒子質地同時都好細滑。有香味但好淡，好似做spa感覺 - 面膜會隨著時間愈長，面膜會冇左水份變得好乾燥同繃緊，可以用用水輕輕按摩面部，令磨砂粒有透過按摩去角質，洗完面皮膚好細緻、唔會乾，感覺更平滑 - 盒面膜放耐左都唔會變得乾，所以可以變得耐用，推薦！

Blooming好用推薦：香味療癒，令人放鬆舒服。可溫和去角質，但深層清潔的力度實在太薄弱，無助於吸走黑頭粉刺，可能適合啲皮膚比較容易敏感的人使用。

Yeonjung好用推薦：Excel「溫和全效水感防曬精華」 總體評分：⭐️⭐️️⭐️⭐️ (4.5/5) 呢支嘢最近真係好 hit，因為佢將防曬同護膚二合一，好啱而家鍾意簡化護膚程序嘅女仔。 ⭐️質地：清爽到好似無搵嘢！ 佢真係對得住「水感」呢個名！質地係白色乳液狀，一推開就化水咁，好快就吸收曬。搽完塊面係完全唔白、唔痴立立，仲有少少保濕嘅感覺。就算你之後再化妝，佢都唔會擦出擦膠碎，妝容會好貼服。 ⭐️防曬效能：返工出街都夠用 佢係SPF50+ PA++++，最高防曬級別，日常返工、行街、揸車用絕對足夠，可以抵擋 UVA 同 UVB。佢話可以隔離埋空氣污染微粒，仲有提亮膚色嘅效果，但呢啲就當 bonus 啦。 ⭐️溫和度：敏感肌友善 佢無酒精、無香料、無礦物油，而且有加入保濕精華成分。用落真係好舒服，唔會「乸」眼，敏感肌用都冇問題，用普通洗面乳就可以洗乾淨。 ⭐️總結：邊啲人適合用？ · 懶人一族：想一支搞掂防曬同乳液，慳時間 · 混合肌/油肌：最怕笠，呢支零油感你會鍾意 · 日常化妝人士：當妝前底霜用，唔會影響妝容 要注意嘅位：如果係大汗或要去戶外暴曬（例如行山、游水），就要揀返專用嘅防

Jasmine L好用推薦：excel溫和全效水感防曬精華質地好水好清爽，同精華液一樣咁輕薄，一推即刻吸收，完全唔黏膩，T字位同鼻翼都好舒服，冇加重油光問題。 防曬系數強，日常返工夠用，仲帶有自然柔光效果，搽完皮膚即時透亮少少，毛孔感都柔和咗。 敏感肌用落去零刺痛，溫和度高，控油力中等偏上，半日至大半日都算穩定，唔會好快出油。主要係提亮同防曬為主，整體輕盈舒適，夏天用特別合適。性價比不錯，值得日常入手。

Tobimak好用推薦：今次的確被@cosme的姐妹燒到！身為貓奴的我第一眼見到這包棉柔潔面巾就立即衝了！真的無辦法抵抗mofusand的產品🥹❤️ 平時都有用開其他日本牌子的一次性潔面巾，因為毛巾掛在濕濕笠笠的洗手間會滋生無數細菌。 我會用此產品在早上趕時間返工時濕水洗面用。除此之外，由於家中貓貓有淚腺阻塞問題，經常眼濕濕同流眼水，因此我還會用來替家中貓貓抹走淚痕。🐱 這包潔面紙巾是抽取式的，對比卷裝的潔面紙巾取出時更無需用手接觸下一張紙巾，所以更衛生。 質地方面佢是比較薄身的，相比起普通紙巾是差不多厚度。而強韌度對於我來說是足夠的，用了整整兩包也沒有一張被我不小心扯爛。❤️2025年我亦一定會keep住回購🤭

Suidan好用推薦：呢包Tempo洗面巾，首先不得不提既，就係包裝上面有 mofusand既貓貓係到，真係勁可愛！ 而洗面巾就呈白色正方形，上面有格子紋壓花。我認為個size大小適中，而格子壓花可以有效帶走污垢功效，十分好用。

DorDor好用推薦：Dermacept 化妝水幾好用，多滋潤，CP值高，係會用完再買嘅化妝水。

Liu CC好用推薦： AHC是我使用多年的韓國藥妝牌子，我十幾年前已經有用開它的透明質酸系列，之後隨著年齡增長又轉用AHC的紫色A醛系列，效果不錯，所以我對這個牌子是很信賴的。 剛好我的面霜用完，就想試一下AHC這款B5益菌修護霜，選用它的原因是我的皮膚最近因去海灘游水暴曬導致有少許泛紅過敏問題，而這款面霜含有的維他命B5和益生菌萃取成分有修復維護皮膚屏障的功效。 使用過這款面霜後，我認為它是一款十分適合秋冬季以及脆弱易敏感皮膚的面霜。它的質地如同乳酪一般細膩濃稠，滋潤的同時又不會太過油膩，應用於面部後皮膚看上去水潤有光澤，還可以有效鎮定敏感泛紅的臉頰部位。 氣味方面，這款面霜是無香的，如果你不喜歡有香味的面霜，也可以考慮一下這款。 附上包裝盒上的成分表： 成分表的Google中文翻譯：

Kura好用推薦：呢款面霜質地偏滋潤，我鍾意冬天用，搽上臉需要按摩五分鐘先開始吸收，用完皮膚會變得好水潤，面霜帶有少少香味，唔難聞，我用咗一個月左右皮膚就開始有變化，整體膚質變得細緻咗，保濕效果唔錯，係唔錯嘅冬季面霜，值得一試 @cosme #火熱新品 #火熱新品 #火熱新品

Hy好用推薦：為外表而買的氣墊 因內在而喜歡上 春日入手的蝴蝶樣式 大方簡潔 內裡黑色膠蓋 質感很有 粉底 質感輕薄 透氣不悶痘 遮瑕度一般 配合同牌concealer 使用 ✨✨✨✨✨

Fng好用推薦：NARS 源生光亮肌Cushion，擁高防曬系數 (SPF 50/PA++++)，喺香港 #夏天 紫外線超強，呢個氣墊自帶高防曬，慳返防曬步驟👏，戶外補妝更方便。 我覺它抗汗能力不俗❣️，出汗後唔會輕易溶妝，只係T位會少少出油，用紙巾印走油光後，妝容依然貼服。 光澤感自然，水光妝效睇落似 偽素顏😚，質地透薄，就算疊加兩層都唔會面具感。 保濕得嚟唔笠，質地清爽，混合肌用都唔會黐笠🤩。 遮瑕度唔算超高😨，深色暗瘡印或大塊泛紅可能要額外遮瑕膏，但普通毛孔、暗沉夠用。 ✅ 推薦俾👉鍾意水光妝感、需要快速上妝+補妝、常出入冷氣房+短時間戶外。 ❌ 唔建議： - 要求 極高遮瑕 或 霧面啞緻妝感。 - 成日暴曬/戶外工作（建議用專用防曬+持久粉底液）。 #夏天

Miki好用推薦：多謝@cosme 挑選我試用La Colline 活細胞眼部緊緻精華同埋活細胞眼部美化膜🥰 眼部皮膚又薄又脆弱，熬夜加上年齡漸長，眼乾捽眼都令我越來越在意細紋同眼周鬆馳🥺眼部產品又要做到保濕、緊緻、滋潤但又唔可以起油脂粒！ 除左每日眼部護理搽精華同眼霜，有得定期幫眼部皮膚進補就更加好！今次@cosme 除左眼部精華，仲俾我試埋活細胞眼部美化膜添。 一打開包裝，非常足料重秤！盒內亦備有小匙，𢳂cream狀嘅眼膜方便又衛生。呢款眼膜係好rich 嘅cream狀，成份有CMAge細胞新生複合物，保濕、充氧，為皮膚築起修護屏障。另外錦葵、玫瑰、矢車菊花水同金絲桃精華就係天然成份，幫助提亮同撫平肌膚，加埋有豐富維他命E同埋各種不飽和脂肪酸嘅核仁油，呢個眼肌補品真係好豐富！ 用小匙𢳂左適量嘅眼膜霜，均勻搽晌眼嘅四周，等10-15分鐘再用微暖嘅濕化妝棉抹淨，好簡單！搽上眼周已感受到佢好滋潤，而且完全唔會對眼造成刺激，敷左10-15分鐘後，眼膜霜用濕棉花輕拭已很快抹淨，唔黏膩，唔會對眼部皮膚造成負擔。用後已顯著感覺到本來乾燥而有細紋嘅眼底，即時平滑左好多，顏色亦較明亮望落去都精神左。 產品建議

stella好用推薦：❤️感謝 @Cosme 邀請試用瑞士頂級貴婦品牌La Colline 既皇牌產品<活細胞眼部美化膜>和<活細胞眼部緊緻精華> 😅原有眼周肌膚狀況： 乾紋(眼下及眼尾)、 眼周膚色不均和少許鬆弛，少少眼袋 輕微黑眼圈和眼底青藍色(熬夜型)、小許浮腫 😥成因: 熬夜、習慣性揉眼、習慣性側睡、年記增長、平日缺少眼周保養、 新陳代謝慢 😛用法： 今次試用活細胞眼部美化膜14天，質地輕盈、乳霜狀柔軟、易推開，帶微花香👍用法只需均勻塗抹眼膜於眼周上，敷10至15分鐘再以濕化妝棉輕輕拭淨，再搽上眼部精華，十分方便。可以在每當眼部疲倦時使用，早晚皆可😊。眼膜吸收得快，滲透效率高，好適合貪快的我 ❤️包裝名貴高級，有說明書寫齊成分，美化膜附有專用棒棒，乾淨衛生，非常貼心 😊即時效果: 💖敷15分鐘後亦不會變乾左，眼底膚色明量了多少，眼周乾紋淡了多少，肌膚觸感柔軟滋潤 👍 😀沒有泛紅痕癢， 敏感肌絕對適用 ❤️化妝前使用後上妝好貼服不卡粉，能快速緩解乾燥性細紋 😊持續使用14天: ❤️提亮眼周暗沉，上妝卡粉減少😍 ❤️起牀明顯浮腫滅少，黑眼圈色素淡了，眼周肌膚柔潤緊緻了，不過提拉還不是太明顯

Yeonjung好用推薦：呢支Sofina IP嘅另一個重點產品——「全效透潤調肌精華液」，唔好以為佢同「土台美容液」撞樣，其實佢哋兩兄弟嘅功夫完全唔同㗎！即刻為你拆解佢嘅秘密～ 🤫✨ 🤔 精華水？定係爽膚水？ 第一眼見到佢，你可能會諗：「咦？呢枝係水定係精華？」答案係：佢係一支「高機能嘅化妝水」！質地比一般爽膚水豐盈，但又冇傳統精華咁杰身。佢嘅使命係响土台美容液打開皮膚吸收通道之後，即時為皮膚灌滿水分同營養！ 💧 質地觸感：爽！但係潤嘅爽 倒出嚟嘅時候，你會見到佢係清澈透明嘅水狀，但輕輕用手拍開，就會feel到佢帶有少少微黏嘅滋潤感。不過唔使驚，呢種黏感只係曇花一現！輕輕拍幾吓，皮膚好快就吸收晒，留低嘅係一種 「食飽水」嘅飽滿同柔軟，絕對唔會黐住個枕頭或者頭髮。就算係夏天用，都唔會覺得有負擔！ 💪🏻 滲透力：真係入晒去，唔係得個表面 呢個位要俾個大讚佢！佢嘅滲透力真係做得好好。用完土台美容液之後用佢，會感覺啲水好似直接注入皮膚底層咁，唔係淨係濕咗個面就算。用完之後即刻摸吓塊面，係彈彈彈嘅感覺！長期用落去，會發現皮膚狀態穩定咗，冇咁容易因為乾燥而出油或者泛紅。 👍🏻 優點一覽 · 補水力超強： 一

Kelvin好用推薦：冬天嘅時候一直都有用開Sofina嘅土台精華液作為打底，感覺唔錯。終於出咗一支新出佢哋嘅精華。精華帶點黃色，流質嘅。推開喺面上之後就冇顏色啦。佢嘅吸收度好高，推開之後就被皮膚吸收，完全唔會黏，感覺係舒服。 最基礎保濕效果幾好，冬天連埋土台精華液一齊用一定夠。用完第二日之後，皮膚好滑好細嫩。而且提亮效果亦都幾好，令到皮膚好似由內而外透亮。 最重要係有助舒緩皮膚炎，修護能力好。冬天有啲乾燥痕癢嘅位置用咗幾日就好快退，感覺冬天用呢支精華幾好。#火熱新品

Miranda好用推薦：【質感】 Elixir呢支高純維A重點膠原抗皺霜，我第一下打開蓋就俾佢嘅質感吸引住。佢係柔滑軟綿嘅乳霜狀，觸感豐厚但奇妙地一啲都唔黏笠。用手指輕輕掂起，霜體有種好實淨嘅存在感，唔似流質到會滴出嚟，但推開嗰下係超級順滑，延展性好高，真係只需一粒珍珠嘅份量，已經夠晒搽晒全臉嘅紋路位置。吸收速度非常快，上面之後皮膚表面唔會殘留油膩感，而係形成一層輕薄柔軟嘅保護膜，清爽得嚟又有恰到好處嘅滋潤度，呢種恰到好處嘅平衡感，絕對係高端抗皺產品先做到嘅本事，難怪會成為近期討論度爆燈嘅 #火熱新品 。 【使用感】 使用感可以分成初用同長期用兩個階段嚟講。首先呢支霜最大嘅賣點，係蘊含咗日本厚生勞動省唯一認證可以有效改善皺紋嘅「純粋レチノール（純視黃醇）」成分，佢嘅功效係用科學實證出嚟。好多怕A醇刺激嘅朋友聽完可能會卻步，但佢嘅設計好體貼，說明書清清楚楚指導頭兩星期每隔2至3日先喺夜晚用一次，等皮膚慢慢適應，之後再逐漸增加到每晚用，完全唔需要心急。我作為一個之前未接觸過高純度維A護膚嘅人，跟住呢個指引用咗一個月，期間完全冇出現脫皮、泛紅或者刺痛。上臉時好溫和，輕輕按摩喺虎紋、眉心紋、眼尾呢啲表情紋重災區，感覺

Jenny Fu好用推薦：超級好用，效果明顯！ 好驚喜，本身眼尾有少少紋 鼻樑有條幾明顯既紋 見到竟然有支cream係有埋日本政府認可 又唔係好貴，諗住試下 點知！ 勁work, 做眼霜一流 夠潤又唔會生油脂粒 去紋效果好好！ 已經用緊第二支，去日本必買補貨！

lingbb好用推薦：-用咗超過3 支，外型係好粉嫩透粉外殼，殼如其美，完全係滋潤度高打造自然透亮粉嫩唇色，鐘意飽和度唔高嘅潤唇膏我推薦呢款！ - 隨住身體既熱感，唇部會隨之變得唔同色，以我經驗，當你個人夠暖，顏色會愈黎愈深色。 -如果咀唇有乾皮或咀唇偏乾先打好個底，例如磨砂磨走多餘既死皮先用 - 呢個系列暫時最鐘意用#005 色，原本唇色無血色，用完會變得好自然既唇色，唔會太深或唔出色， - #001 對我黎講太淺色 - #010 係帶閃粉既holo pink，要塗厚一點先比較顯色，🧐 - 我會推薦#005lilac顏色！🤩

Karman28好用推薦：Dior 既唇膏，我揀既色係075 Gummy，佢搽出黎係好透紅色。我鐘意呢d較為通透既顏色，日常使用都唔會太誇張，但又顯好氣色。 佢呢款都係有色潤唇膏系列，所以搽完都唔會好乾好顯紋，又帶光澤感。 成個系列十分多讀顏色選擇，無論冷暖皮膚既人都可以好容易搵到岩自己既色。

Kmggigi好用推薦：凡士林純白花士苓係一款經典萬用嘅護膚品，以高效滋潤同修護能力聞名！✨ 無論係嘴唇乾裂，身體皮膚乾紋，定係甩皮嘅部位， 呢款凡士林都能即時發揮修護作用， 為乾燥肌膚提供深層滋潤，迅速恢復柔軟平滑， 絕對係乾燥季節嘅救星！ 凡士林嘅質地十分滋潤，能夠形成保護屏障， 鎖住肌膚水分，提供持久嘅保濕效果， 同時又唔會帶來過重嘅油膩感， 使用後肌膚感覺柔軟有彈性。 同時，呢款係一款真正嘅萬用膏， 無論係當護唇膏、身體乾燥修護膏， 甚至用作指緣修護，都能一膏多用， 滿足各種肌膚護理需求，攜帶方便， 隨時隨地都可以用。

咕姑固好用推薦：家家戶戶必備嘅好用藥妝，一罐多效，又可以當潤唇膏用，又可以滋潤乾燥嘅皮膚，例如手踭腳踭等，又可以染髮前搽喺髮際線，預防皮膚炎着色。仲有好多其他用途，一定要有一罐喺屋企！

YYeman好用推薦：乳木果護手霜｜護手霜界人氣王 一支「實力派修護型選手」，唔係得個「靚」字。佢係專門針對極度乾燥、粗糙嘅雙手而設，修護力強，係秋冬或者做家務後嘅救星。如果你追求清爽感，佢就未必係你杯茶啦。 1. 質地同氣味： · 質地： 係偏向厚身、Creamy嘅乳霜狀，好似軟身咗少少嘅牛油咁。 · 推開感： 雖然杰身，但好好推，推開後會形成一層滋潤嘅保護膜。注意，初初搽完會有少少油潤感，要等一陣先會完全吸收。 · 氣味： 係好天然、溫暖嘅乳木果油味道，帶住少少好似雲呢拿嘅甜香，唔係人工香料味，聞落好舒服放鬆。 2. 使用感受同效果： · 滋潤度： 滿分！修護力真係無得輸。對於爆拆、倒刺、虎位乾到痛嘅情況，只要臨睡前厚厚搽一層，第二朝起身對手會即刻變得軟滑咗好多，啲乾紋都即時淡咗。 · 持久度： 非常好！因為有層保護膜，就算洗一兩次手（唔用梘液），都仲會感覺到有層保護膜喺度，唔會打回原形。 · 吸收度： 吸收速度中等，需要少少時間，所以唔好搽完即刻拎嘢或者掂電腦 keyboard 呀！ 3. 優點缺點大總結： 👍 優點： · 極致滋潤修護，對付嚴重乾燥問題一流。 · 持久力強，唔使密密補搽

小Man好用推薦：後生嗰陣真係對 Hand cream 可有可無，多數冬天先會諗起用。點知自從生咗 BB，日日瘋狂洗手，雙手即刻乾到好似沙漠咁。呢段時間試過無數牌子，當中點少得 L'Occitane，價錢雖貴，但絕對係信心保證。 最推介當然係佢 Signature 嘅乳木果護手霜，蘊含 20% 有機乳木果油，一搽上手已經感受到嗰種極致滋養，乾爭爭嘅感覺瞬間消失。最緊要係佢吸收得好快，唔會搞到成手油淋淋，用完雙手即刻變得柔軟。我建議買大枝裝擺喺公司用，除返開真係抵好多！做咗媽媽之後，對手真係要錫住，買支好少少嘅，當係對自己嘅一份小獎勵啦！

Sakura醬好用推薦：INNISFREE 超強補水精華 最近試咗INNISFREE嗰款綠茶籽精華，真心被佢嘅補水力嚇親！🌿💧 我本身係偏乾肌，尤其成日留喺冷氣房，塊面好易乾同繃緊。用咗呢款綠茶精華之後，皮膚明顯有改善，又水潤又清爽！ 佢嘅質地輕身易推，搽上塊面一啲都唔笠唔黏，而且吸收得好快。朝早用都完全冇問題，唔會悶痘，之後上妝仲貼服啲。 持續用咗一兩個星期，真係覺得皮膚變得柔軟有光澤，連原本乾燥嘅細紋都唔見咗，成塊面好似飲飽水咁💦 如果你都係成日對住冷氣、皮膚容易乾嘅話，呢個綠茶精華真係超啱你，清爽又保濕 👍

Fng好用推薦：佢個樣咁靚咁可愛🥰就買咗返嚟試下😍 綠茶籽保濕精華有效補充肌膚水分，使肌膚水潤透亮。質地水狀，易於推開，吸收快，不會有黏膩感。綠茶成分有助於舒緩肌膚，對乾燥、敏感肌膚有一定幫助，而且價格親民，容量大，性價比高，適合所有膚質，特別是乾燥敏感肌。😒缺點係用於妝前，可能會導致妝容起屑🤐 總體來說，Innisfree綠茶籽保濕精華是一款性價比高、保濕效果不錯的產品，適合大部分膚質使用，尤其是在日常保濕方面表現優秀。 但如果擔心妝容起屑的問題，建議在使用前測試吓先。 #補濕

Candy Mak好用推薦：最近溫度同濕度都漸漸上升，意味著冬去春來，今日就同大家分享適合春夏用嘅Bobbi Brown 無重輕霧粉底液 Weightless Skin Foundation 用後感。 1️⃣首先講講品牌方對產品的優點描述： - 含三重保濕複合物，有助提高肌膚的水分含量，長時間保持水潤保濕。具備防水防汗配方，帶來不卡粉浮粉、不易脫妝和隱形毛孔的上妝效果。 - 粉底採用獨特的高速冷凍技術，讓粉底液保持猶如空氣般的無重質感和極佳親膚性，薄薄一層就可打造精緻輕霧妝容；即使疊加修飾瑕疵，底妝也不會感到厚重或有面具感，打造出無負擔的長效霧面妝感！ 2️⃣再同大家分享本人用後感 (油肌，毛孔粗大，冇補妝習慣)粉底液用上磨砂玻璃配上圓柱瓶身設計及有金邊嘅蓋，有大牌高級感；粉底液呈偏水狀，可見其質地透薄。跟著就跟大家分享上面嘅before & after；我只薄薄上了一層+有泛紅瑕疵位局部上多一層而已。 你會見到毛孔有被修飾、泛紅同痘印都遮蓋了不少；呈自然啞緻妝感，清爽不黏膩。跟著再分享10小時後完全冇補妝嘅情況，感覺粉底變咗透明🤣泛紅已經重現，而且膚質亦粗糙乾乾的，但毛孔雖然有少少白芝麻出現，但仍然有修飾度。

Emily Leung好用推薦：Bobbibrown無重輕霧粉底液，打造零粉感原生好皮！ Bobbibrown家的新品粉底液真的讓我狂喜！！太適合油皮了！新品主打一個輕透無粉感的妝效，裸感舒適的同時遮瑕力也足夠，打造一種原生皮膚的自然光澤感！ 👍質地：流動性很好，很水潤，上臉很容易推開！！ 👍妝效：上臉的妝效是那種清透霧光奶油肌，完全沒有厚重的粉感！！ 👍持妝效果：一整天帶妝下來，都沒有斑駁浮粉脫妝!!油皮快衝！！

mysecretgarden好用推薦：呢支精華水完全唔係我諗嗰種杰撻撻嘅精華質地。倒出嚟係好似水咁，流動性超高，仲要係透明冇色嘅。慣倒啲喺手心，然後直接按上塊面度。佢真係吸收得好快，基本上你按多兩按，捽多兩下，已經完全食咗入皮膚度，冇嗰種黐立立或者好似有層薄膜咁嘅感覺。成個過程好乾爽，但同時你又會feel到塊面係飲飽水，摸落去好軟熟。對於驚黏膩嘅人嚟講，真係一流，亦都唔驚太焗會生粒粒。朝早趕住出門口，啪咁一層上去，再搽防曬都完全冇問題，唔會搓泥。  我皮膚比較容易敏感，所以換新產品嘅時候都要小心處理。我特登查過佢個成分表，係冇加酒精同香料嘅，我用落都冇咩敏感嘅情況 。 我用咗之後，最大感覺係之後再搽面霜，吸收得好咗。朝早起身，塊面依然keep到水潤，冇之前咁易出油 同埋摸落去，有種飽滿咗嘅感覺。至於抗皺呢啲長遠功效，就要再睇耐啲先知。 如果你係追求快吸收、水感、同溫和嘅，真係可以一試。以咁嘅價錢，有咁嘅質地同保濕力，性價比幾高。當然，冇得拎佢同千幾蚊嘅專櫃品牌比較啦。但作為一支日常打底、基礎保濕兼帶點抗老功能嘅精華水，佢絕對合格。

Sakura醬好用推薦：人生建議：呢套先係乾皮糙臉嘅天命抗老水乳！ 塊面又乾又糙又有乾紋細紋又暗啞冇光嘅人，都要去用OLAY大紅瓶！！ 講真，呢套抗老水乳我先用咗無幾耐，仲要係三日打魚兩日曬網咁用，成塊面已經肉眼可見！好水嫩！好細滑！ 皮膚質感直接next level咗！首先啲乾紋細紋直接俾佢潤到平伏咗，而且唔知係咪錯覺，覺得皮膚比以前更加瑩潤透亮。 然後一捱夜就又粗糙又乾瘪嘅面珠墩，居然飽滿咗好多！unbelievable!!!! 成塊面唔會再似之前咁殘樣，連毛孔超大嘅出油區望落都細緻咗！！成個皮膚質感特別特別顯貴！！ 而且OLAY呢啲大牌子，你永遠可以相信佢落足料，一套抗老水乳主打四重胜肽！再乾瘪嘅臉都可以同你嘭返起，再粗糙易生紋嘅皮都同你拉平！佢唔單止可以提升膠原蛋白，等你塊面更豐盈飽滿，仲可以促進彈性蛋白，成塊面好似水煮蛋咁嫩彈嫩彈，真係靚到爆！！ 再加埋肌肽同VE，清除自由基抗氧化，你想暗啞都難！包含玻尿酸在內四大補水保濕系統，幾乾嘅臉都可以同你補到足！保濕水嫩成日！ 皮膚質感一點點咁改善，塊面成個水嫩細滑，仲滑捋捋咁！

shinchan好用推薦：本身都知有啲人用Olay產品會敏感，原來我自己都係會敏感嘅人，家姐用完有敏感所以俾咗我用🥲因為夏天喺冷氣房皮膚比較乾，想透過Olay呢隻「新生高效緊緻精華乳液」令皮膚彈潤啲，好期待見到皮膚嘅轉變，點知敏感...第一晚用完冇事嘅，第二朝上妝前都覺得皮膚好水潤。第二晚沖完涼大概6點用，但到10點幾嘅時候塊臉開始好痕，照鏡見到有好多油脂粒生咗出嚟 (睇嚟係太滋潤...)，臉頰都有紅腫灼熱嘅情況，頂唔順唯有洗臉洗咗佢。可能唔可以用得咁頻密 (?) 遲啲等皮膚穩定返先再試，敏感肌暫時不推薦🥲

橘子貓好用推薦：S.I.G.N.A.L Peptides Essence 萬寧活動的贈品。 配合面霜使用也很清爽。質地很流質，保濕度挺好的，可以即時改善輕微的乾紋。  使用了數天晚上，有微微去水腫的效果，雙頰看起來有變得緊緻了一點。會繼續嘗試使用的。

Verna好用推薦：我讀書時就已經用這個品牌的潤膚乳了，總覺得它的產品CP值很高，價錢大眾化，品質又好 逛個人護理店時，看到它有新產品，有特價，而且這款身體潤膚乳不再只是滋潤，它加入了維他命C和A，有亮白膚色的功效，而且還有近年火熱的抗氧化成份--谷胱甘肽，而且一支有300ml，大大支，感覺很划算🤭 當然要捧場試試 這款身體乳液的質地是比較流質水狀，它的延展性很高，很容易推開，皮膚也吸收得很快，搽完後的觸感也沒有黏笠感，相比它以往的產品，感覺輕盈清爽得多 我通常是每次沖涼後搽的，所以我覺得如果它是泵頭的話，會比較方便，用了一個月左右，就發現膚色變得均勻白淨了

Rin好用推薦：之前嘗試過用另一款,但是用完一枝後沒有效果 我的手色差非常大，這平用了大半個月的時間感覺是有變白一點點，但是之前沒有特別想做測評，所以沒有拍照 前陣子因為佢外活動曬黑了亦有改善 加上他的價錢不貴（以美白來說） 味道有種果香 不會太黏笠亦很好吸收 我認為可以購買一瓶使用，如感覺有變白再繼續購買 #身體保養

Also melon好用推薦：Cerave A醇精華由外國引入香港了，綠色呢支除咗可以抗老，仲可以加速角質層更新，可以疏通毛孔，從而減少痘痘。前排食得太多油膩嘢，下巴位置生咗幾豆豆同閉口，即刻用依支精華。 唧出嚟係啫喱質地，清爽不油膩，全面搽一層之後，再喺出痘痘嘅下巴位置搽多一次，小小嘅份量已經夠用。感覺過咗一晚之後下巴位置變得平滑，豆豆係依然有紅，但已經冇咗腫起。 平時大概隔日都會keep住全面用，用完之後皮膚變得好滑，但對去印就無效。所以可以用呢支晚上使用A醇抗老同時疏通毛孔，然後再用美白精華淡印。

Emily Leung好用推薦：CeraVe A醇精華 藍瓶測評 CeraVe藍色係抗痘線，加咗菸鹼胺同甘草，理論上對祛痘印同抗炎效果會好啲。前者係黃色乳液狀，流動性強，質地偏油潤，我個人就唔太介意。 對我嚟講，用完皮膚係有滑咗，毛孔都細咗少少，睇得出有效果，但就唔太能夠維持皮膚穩定。我個人就係買到邊款用邊款，滋潤度可以根據產品同季節，配返面霜去調節。 我防曬基本上一四季都搽，冬天本身冇乜太陽，夏天正常會曬黑少少，應該唔係反黑（皮膚只係暗咗少少啫），冇咩不良反應。 CeraVe嘅嘢都比較溫和，好似有緩釋技術，但都建議要行返一次耐受流程。另外我之前有擔心生痘痘嗰陣，會刺激到有傷口嘅皮膚，所以中間有斷斷續續咁用，但後尾發現其實都ok。真係好溫和，注意做好防曬就得。 整體嚟講係推薦嘅。

Fng好用推薦：SOFINA iP 亮肌抗斑防曬乳霜｜ 混合偏乾肌嘅「防曬＋淡斑」二合一實驗！ SOFINA呢支「iP防曬乳霜」新推出，聲稱可以一邊防曬一邊抗斑，對於又怕斑又怕黏嘅混合偏乾肌來說，真係好吸引😍 ☀️ 質地與膚感： 擠出嚟係白色乳霜狀，質地似輕盈版妝前乳。推開時有少少潤色效果，吸收速度中等，完成後皮膚呈自然光澤感。對混合肌來講，冬天用剛好，夏天就可能要減少用量。 ✨ 防曬與淡斑效果： · 防曬力：SPF50+ PA++++足夠日常通勤，試過戶外活動3小時無曬紅 · 抗斑表現：用咗兩星期，鼻樑同顴骨嘅雀斑無明顯加深，甚至覺得有輕微提亮效果 · 保濕度：含有透明質酸，無一般高係數防曬嘅拔乾感 💡 獨家技術解密： • ADVAN技術：提升防曬膜均勻度，減少漏防曬嘅情況 • 洋甘菊ET精華：針對紫外線引起嘅斑點形成 同舊版SOFINA藍小花比，呢支更注重抗斑功能；同ELIXIR抗皺防曬比，就清爽得多。 ⚠️ 需注意： · 潤色效果，黃肌用可能會有少少灰白感 · 建議用卸妝產品徹底清潔 🌟 「防曬＋淡斑」組合心得： 我發現如果朝早潔面後，直接跳過乳液步驟，單用呢支防曬乳霜，反而效果更

Desse好用推薦： Sofina UV Protector 03 產品介紹係一款專為容易出斑、膚色不均和敏感肌而設嘅高效 #防曬 產品 啱曬我喱啲一曬就出斑嘅人.. 咁就當然要買嚟試吓😶‍🌫️😶‍🌫️😶‍🌫️😶‍🌫️ 💡防曬指數高 SPF50+ PA++++ 可有效阻擋UVA/UVB 防止色斑和曬傷形成，特別適合香港強烈紫外線環境 平時室內環境番工就絕對夠用👌🏻 💡亮肌效果 內含多種抗氧化成分及美白成分，有助抑制黑色素生成，慢慢修正膚色不均，提算肌膚 #透明感 睇相其實都好明顯… 一搽就提亮咗好多💓 💡質地輕盈保濕 乳霜狀但吸收快，不黏膩，適合全天候使用 就算喺office開住冷氣，都唔會覺得乾，個妝亦無起乾紋💓 💡溫和親膚通過敏感測試，無添加酒精和刺激成分，敏感肌、易泛紅肌都啱用🧏🏻‍♀️ 💡質感細膩不泛白 推開後呈現自然光澤，唔會白面或厚重，還有輕微修飾毛孔效果🧏🏻‍♀️ 總結嚟講呢🧏🏻‍♀️🧏🏻‍♀️ 用完一支，無覺得有多咗曬斑.. 至於淡斑功能就so far唔太覺得 但係亮肌功效絕對閃杠杠得！💓 #日系 防曬好多時都容易泛白.. 但呢款好ok! 我覺得會適合追求美白護膚和高防曬同時兼