問題困擾 推薦好用產品

Kmggigi好用推薦：凡士林純白花士苓係一款經典萬用嘅護膚品，以高效滋潤同修護能力聞名！✨ 無論係嘴唇乾裂，身體皮膚乾紋，定係甩皮嘅部位， 呢款凡士林都能即時發揮修護作用， 為乾燥肌膚提供深層滋潤，迅速恢復柔軟平滑， 絕對係乾燥季節嘅救星！ 凡士林嘅質地十分滋潤，能夠形成保護屏障， 鎖住肌膚水分，提供持久嘅保濕效果， 同時又唔會帶來過重嘅油膩感， 使用後肌膚感覺柔軟有彈性。 同時，呢款係一款真正嘅萬用膏， 無論係當護唇膏、身體乾燥修護膏， 甚至用作指緣修護，都能一膏多用， 滿足各種肌膚護理需求，攜帶方便， 隨時隨地都可以用。

咕姑固好用推薦：家家戶戶必備嘅好用藥妝，一罐多效，又可以當潤唇膏用，又可以滋潤乾燥嘅皮膚，例如手踭腳踭等，又可以染髮前搽喺髮際線，預防皮膚炎着色。仲有好多其他用途，一定要有一罐喺屋企！

Chloeincosme好用推薦：Decorte既碎粉（/蜜粉）係我一直嘅回購品，亦都係我用過最好嘅碎粉（沒有之一）。 雖然價錢望落小貴，但係其實好大容量，除返比開架品牌更平😂 呢盒係好耐之前囤既貨（因為之前嗰盒用咗好耐，終於用晒😆🤣😓）。 1. 粉撲： 暫時未見到比佢更有誠意既粉撲🤣夠軟夠厚長毛，抓粉力恰到好處，唔會太多但唔會上左空氣。  2. 色號：11 號。 妝感：日系自然，好輕微既粉色再加少少閃粉，上面效果精緻，略帶珠光，喺陽光下有一種好自然嘅透膚感。 Zoom近影見唔見到有極細極細既珠光閃粉，唔會令塊面登台咁，但又有光澤。 控油：混乾肌表示返工/ 行街完全夠做，如果全日戶外活動就要噴定妝噴霧。 保濕：偏高（控油比大白餅冇咁好！但比大白位保濕） 簡單黎講，平靚正🤣 

Nicole好用推薦：絲柔透光蜜粉 色號101 & 00 101係熱賣王，主打四色粉末，用後膚色通透。 00就係膚色透明款，微珠光，但上面唔會閃令令。DECORTÉ蜜粉粉質好幼細，喺@cosme試用上手背感覺非常絲滑，即時買咗兩盒。 添加透明質酸，適合乾肌使用，效果自然。 屬敏感油肌嘅我，就相對唔夠控油（粉底後上一層仲會有微黏感覺），同埋柔焦毛孔程度都稍為不足。會留待秋冬再用或者乖乖用返粉餅😆😆 整體而言，包裝靚，粉質幼細絲滑，效果自然，但未必太適合油肌/瑕疵肌。

YYeman好用推薦：乳木果護手霜｜護手霜界人氣王 一支「實力派修護型選手」，唔係得個「靚」字。佢係專門針對極度乾燥、粗糙嘅雙手而設，修護力強，係秋冬或者做家務後嘅救星。如果你追求清爽感，佢就未必係你杯茶啦。 1. 質地同氣味： · 質地： 係偏向厚身、Creamy嘅乳霜狀，好似軟身咗少少嘅牛油咁。 · 推開感： 雖然杰身，但好好推，推開後會形成一層滋潤嘅保護膜。注意，初初搽完會有少少油潤感，要等一陣先會完全吸收。 · 氣味： 係好天然、溫暖嘅乳木果油味道，帶住少少好似雲呢拿嘅甜香，唔係人工香料味，聞落好舒服放鬆。 2. 使用感受同效果： · 滋潤度： 滿分！修護力真係無得輸。對於爆拆、倒刺、虎位乾到痛嘅情況，只要臨睡前厚厚搽一層，第二朝起身對手會即刻變得軟滑咗好多，啲乾紋都即時淡咗。 · 持久度： 非常好！因為有層保護膜，就算洗一兩次手（唔用梘液），都仲會感覺到有層保護膜喺度，唔會打回原形。 · 吸收度： 吸收速度中等，需要少少時間，所以唔好搽完即刻拎嘢或者掂電腦 keyboard 呀！ 3. 優點缺點大總結： 👍 優點： · 極致滋潤修護，對付嚴重乾燥問題一流。 · 持久力強，唔使密密補搽

小Man好用推薦：後生嗰陣真係對 Hand cream 可有可無，多數冬天先會諗起用。點知自從生咗 BB，日日瘋狂洗手，雙手即刻乾到好似沙漠咁。呢段時間試過無數牌子，當中點少得 L'Occitane，價錢雖貴，但絕對係信心保證。 最推介當然係佢 Signature 嘅乳木果護手霜，蘊含 20% 有機乳木果油，一搽上手已經感受到嗰種極致滋養，乾爭爭嘅感覺瞬間消失。最緊要係佢吸收得好快，唔會搞到成手油淋淋，用完雙手即刻變得柔軟。我建議買大枝裝擺喺公司用，除返開真係抵好多！做咗媽媽之後，對手真係要錫住，買支好少少嘅，當係對自己嘅一份小獎勵啦！

Myonlyone好用推薦：【Cerave長效保濕防曬乳霜】乾敏肌真實用後感：保濕力滿分，但要睇時機用！ 前排見萬寧做特價，見Cerave呢支長效保濕防曬乳霜評價唔錯，又話有齊神經醯胺同透明質酸，啱晒我呢啲乾到龜裂嘅敏感肌，就膽粗粗買嚟試。用咗差唔多一個月，今日同大家講吓真心話。 質地：厚身但唔難推，要有少少耐性 唧出嚟係白色乳霜狀，比起一般防曬乳液明顯厚實，望落似面霜多過防曬。第一次用嚇親，心諗會唔會「笠」到爆？但實際上推開又冇想像中咁難，延展性算OK，逐少逐少上面就唔會一嚿嚿。不過要提大家，佢吸收時間比較長，最好搽完等幾分鐘，等佢完全食入皮膚先好上粉，如果唔係會有少少擦膠碎走出嚟。我用慣咗之後就覺得問題不大，當係朝早護膚嘅一個小儀式。 防曬效果：日常返工返學好夠照 SPF50+ PA++++，防曬規格去到最頂級，日常生活絕對綽綽有餘。我平時返工喺冷氣房對住電腦，中午行出去買飯曬十零分鐘，完全冇變黑嘅跡象。佢仲話有抗UVA/UVB同埋抗污染功能，喺香港呢種空氣質素之下，多一重保護點都安心啲。不過如果去戶外活動或者行山，建議要勤力補搽，因為佢質地厚身，出汗後有機會溶得比較快。 保濕效果：乾肌恩物，全日水

Miranda好用推薦：【質感】 質地方面，佢係好輕盈嘅白色乳液狀，流動性極高，一推開就化開。上面之後輕拍幾下就 秒速吸收，完全唔會覺得油淋淋或者黐立立。佢主打嘅 「啞光（Matte）效果」 真係做到——用完之後皮膚表面清爽乾爽，望落有種自然嘅柔焦感。最驚喜嘅係佢完全唔泛白，就算係深色皮膚都用得。佢無香料、無酒精、無油份、無致痘成分，對於追求成分簡單嘅人嚟講係一大優點。 【使用感】 呢支防曬乳最出色嘅地方，係佢將 「保濕 + 防曬 + 修護」 三者完美結合。佢含有 三種親膚神經酰胺（Ceramides 1, 3, 6-II） ，可以修復皮膚屏障、鎖緊水分；加上 透明質酸，為皮膚提供持久保濕；仲有 煙酰胺（Niacinamide） ，幫助舒緩同均勻膚色。SPF30廣譜防曬，可以有效抵禦UVA同UVB，減低皮膚被紫外線傷害同提早老化嘅風險。 每日朝早用完精華之後搽佢，等2-3分鐘成膜之後就可以上妝。佢同後續粉底嘅兼容性極高，完全唔會擦膠碎或者搓泥。對於我呢啲怕麻煩嘅人嚟講，一支搞掂「保濕 + 防曬 + 打底」三個步驟，真係懶人恩物。 【持久度】 持久度方面，佢嘅表現非常穩定。官方實測數據顯示佢可以減少

takemyokane好用推薦：流動性高的精華水質地，成分包括美容綠茶精華配方與複合透明質酸，帶有陣陣清新淡雅的綠茶草本香氣。 精華完全不厚重，滲透力高，沒有黏膩感，可以作為洗臉後的第一道前導保濕精華令後續的護膚品或底妝更加貼服，有效減少日間因肌膚乾燥而引起的溶妝與浮粉問題。如果間中想讓皮膚休息，也可以只上這個精華，不會令皮膚有任何負擔。唯獨是功能相對單一，需要疊加其他功效型精華。

Hoikiki好用推薦：油敏皮嘅天菜！用完塊面嫩到可以掐出水 敏感肌一轉季就開始搞事，泛紅、甩皮、乾痕輪住嚟，妝都化唔掂！直到我搵到Innisfree綠茶籽透明質酸肌底精華露，真係救返條命，點解佢咁好用㗎！！！ 佢係專門為敏感肌而設嘅「補水救星」。核心成份濟州島綠茶籽油配合透明質酸，一個負責深層滲透補水，一個負責牢牢鎖水，補水效率直接倍增，幫皮膚建立強效保濕屏障，令皮膚長期保持水水嫩嫩。 佢係清爽嘅液體質地，流動性超正，搽上面輕輕一推就快速吸收，唔黐立立，之後疊加護膚品都完全冇負擔。用咗一排之後，皮膚變得水水潤潤，唔再輕易泛紅敏感，上妝都貼服到不得了。皮膚問題都可以輕鬆應付！！！ 轉季敏感、肌膚乾燥嘅姊妹們放心入手！小綠瓶幫你輕鬆實現護膚自由！！！

Also melon好用推薦：Cerave A醇精華由外國引入香港了，綠色呢支除咗可以抗老，仲可以加速角質層更新，可以疏通毛孔，從而減少痘痘。前排食得太多油膩嘢，下巴位置生咗幾豆豆同閉口，即刻用依支精華。 唧出嚟係啫喱質地，清爽不油膩，全面搽一層之後，再喺出痘痘嘅下巴位置搽多一次，小小嘅份量已經夠用。感覺過咗一晚之後下巴位置變得平滑，豆豆係依然有紅，但已經冇咗腫起。 平時大概隔日都會keep住全面用，用完之後皮膚變得好滑，但對去印就無效。所以可以用呢支晚上使用A醇抗老同時疏通毛孔，然後再用美白精華淡印。

Emily Leung好用推薦：CeraVe A醇精華 藍瓶測評 CeraVe藍色係抗痘線，加咗菸鹼胺同甘草，理論上對祛痘印同抗炎效果會好啲。前者係黃色乳液狀，流動性強，質地偏油潤，我個人就唔太介意。 對我嚟講，用完皮膚係有滑咗，毛孔都細咗少少，睇得出有效果，但就唔太能夠維持皮膚穩定。我個人就係買到邊款用邊款，滋潤度可以根據產品同季節，配返面霜去調節。 我防曬基本上一四季都搽，冬天本身冇乜太陽，夏天正常會曬黑少少，應該唔係反黑（皮膚只係暗咗少少啫），冇咩不良反應。 CeraVe嘅嘢都比較溫和，好似有緩釋技術，但都建議要行返一次耐受流程。另外我之前有擔心生痘痘嗰陣，會刺激到有傷口嘅皮膚，所以中間有斷斷續續咁用，但後尾發現其實都ok。真係好溫和，注意做好防曬就得。 整體嚟講係推薦嘅。

Verna好用推薦：我讀書時就已經用這個品牌的潤膚乳了，總覺得它的產品CP值很高，價錢大眾化，品質又好 逛個人護理店時，看到它有新產品，有特價，而且這款身體潤膚乳不再只是滋潤，它加入了維他命C和A，有亮白膚色的功效，而且還有近年火熱的抗氧化成份--谷胱甘肽，而且一支有300ml，大大支，感覺很划算🤭 當然要捧場試試 這款身體乳液的質地是比較流質水狀，它的延展性很高，很容易推開，皮膚也吸收得很快，搽完後的觸感也沒有黏笠感，相比它以往的產品，感覺輕盈清爽得多 我通常是每次沖涼後搽的，所以我覺得如果它是泵頭的話，會比較方便，用了一個月左右，就發現膚色變得均勻白淨了

Rin好用推薦：之前嘗試過用另一款,但是用完一枝後沒有效果 我的手色差非常大，這平用了大半個月的時間感覺是有變白一點點，但是之前沒有特別想做測評，所以沒有拍照 前陣子因為佢外活動曬黑了亦有改善 加上他的價錢不貴（以美白來說） 味道有種果香 不會太黏笠亦很好吸收 我認為可以購買一瓶使用，如感覺有變白再繼續購買 #身體保養

Fng好用推薦：OLAY 新生高效緊緻精華水（大紅瓶精華水）用後感——熟齡混合偏乾肌嘅「平價抗老泵水神器」 💧✨ 我係熟齡混合偏乾肌，成日覺得塊面暗啞乾燥，但又怕用太潤嘅護膚品會「漿住」塊面。呢支OLAY大紅瓶精華水（150ml / 約HK$184-259） 🧴 質地：清透水感，秒速吸收 · 質地係流動性極高嘅透明水狀，比一般化妝水有輕微嘅精華感但一啲都唔「杰」 · 上面輕拍兩下就完全吸收，清爽唔黏笠，零油膩感 · 用完皮膚即時有飲飽水嘅柔嫩飽滿感 · 香港潮濕天氣用，完全冇負擔，夏天都覺得清爽 🔬 成份與功效：平價都有專櫃級抗老配方 · 黃金抗老胜肽（Pepetide）：3X促進膠原增生，撐起彈性蛋白 · 高純度菸鹼醯胺（Niacinamide / B3）：+55%保護肌底膠原，提亮膚色去黃氣 · 四大補水成分（泛醇、多元醇、尿囊素等）：深層補水鎖水 · 無酒精、無色素，敏感肌都用得 ✨ 用後感：一個月後皮膚明顯「發光」 · 去黃提亮：用咗一個星期，皮膚暗啞黃氣明顯減退，膚色均勻咗 · 毛孔細緻：第二個禮拜開始，毛孔望落整齊細緻咗 · 緊緻彈潤：皮膚變飽滿，摸落有彈性，連法令紋都有輕微淡

mysecretgarden好用推薦：呢支精華水完全唔係我諗嗰種杰撻撻嘅精華質地。倒出嚟係好似水咁，流動性超高，仲要係透明冇色嘅。慣倒啲喺手心，然後直接按上塊面度。佢真係吸收得好快，基本上你按多兩按，捽多兩下，已經完全食咗入皮膚度，冇嗰種黐立立或者好似有層薄膜咁嘅感覺。成個過程好乾爽，但同時你又會feel到塊面係飲飽水，摸落去好軟熟。對於驚黏膩嘅人嚟講，真係一流，亦都唔驚太焗會生粒粒。朝早趕住出門口，啪咁一層上去，再搽防曬都完全冇問題，唔會搓泥。  我皮膚比較容易敏感，所以換新產品嘅時候都要小心處理。我特登查過佢個成分表，係冇加酒精同香料嘅，我用落都冇咩敏感嘅情況 。 我用咗之後，最大感覺係之後再搽面霜，吸收得好咗。朝早起身，塊面依然keep到水潤，冇之前咁易出油 同埋摸落去，有種飽滿咗嘅感覺。至於抗皺呢啲長遠功效，就要再睇耐啲先知。 如果你係追求快吸收、水感、同溫和嘅，真係可以一試。以咁嘅價錢，有咁嘅質地同保濕力，性價比幾高。當然，冇得拎佢同千幾蚊嘅專櫃品牌比較啦。但作為一支日常打底、基礎保濕兼帶點抗老功能嘅精華水，佢絕對合格。

shinchan好用推薦：本身都知有啲人用Olay產品會敏感，原來我自己都係會敏感嘅人，家姐用完有敏感所以俾咗我用🥲因為夏天喺冷氣房皮膚比較乾，想透過Olay呢隻「新生高效緊緻精華乳液」令皮膚彈潤啲，好期待見到皮膚嘅轉變，點知敏感...第一晚用完冇事嘅，第二朝上妝前都覺得皮膚好水潤。第二晚沖完涼大概6點用，但到10點幾嘅時候塊臉開始好痕，照鏡見到有好多油脂粒生咗出嚟 (睇嚟係太滋潤...)，臉頰都有紅腫灼熱嘅情況，頂唔順唯有洗臉洗咗佢。可能唔可以用得咁頻密 (?) 遲啲等皮膚穩定返先再試，敏感肌暫時不推薦🥲

橘子貓好用推薦：S.I.G.N.A.L Peptides Essence 萬寧活動的贈品。 配合面霜使用也很清爽。質地很流質，保濕度挺好的，可以即時改善輕微的乾紋。  使用了數天晚上，有微微去水腫的效果，雙頰看起來有變得緊緻了一點。會繼續嘗試使用的。

Emily Leung好用推薦：夏日炎炎，作為一個混合肌嘅香港女仔，最怕就係防曬又笠又焗，搞到成面油光。但今年夏天我終於搵到真愛——Sofina IP 防曬乳（即係佢哋支「高保濕防曬乳液」）！真心想同大家share吓用後感。 先講質地，佢係好流質嘅乳液狀，一推開就化水，吸收快過我諗今晚食咩。最驚喜係佢唔泛白、唔搓泥，仲有淡淡嘅花香，塗完塊面即刻柔焦咗，好似搽咗層薄薄嘅妝前底霜咁。對於夏天成日出汗嘅我，佢嘅控油效果算幾掂，到下午T區都只係輕微出油，唔會話溶到一撻撻。 防曬力方面，SPF50+ PA++++ 絕對係夏日基本盤，我試過去沙灘暴曬半日，完全冇變黑，而且佢加入咗保濕成分，喺冷氣房一整日都唔覺得乾。以前用某D開架防曬，一上粉底就卡粉，但呢支同粉底好夾，慳返我唔少急救時間。 總括嚟講，Sofina IP 係我今年夏天既防曬MVP，無論返工定戶外活動都夠照，絕對係適合夏天的護膚品！如果你都受夠黐立立嘅防曬，真心推薦你一試～ #SofinaIP防曬乳 #夏日防曬救星 #混合肌恩物 #不泛白不黏膩 #防曬保濕二合一 #適合夏天的護膚品 #香港女仔護膚日記 #夏天必備 #防曬心得 #SofinaIP

Fng好用推薦：SOFINA iP 亮肌抗斑防曬乳霜｜ 混合偏乾肌嘅「防曬＋淡斑」二合一實驗！ SOFINA呢支「iP防曬乳霜」新推出，聲稱可以一邊防曬一邊抗斑，對於又怕斑又怕黏嘅混合偏乾肌來說，真係好吸引😍 ☀️ 質地與膚感： 擠出嚟係白色乳霜狀，質地似輕盈版妝前乳。推開時有少少潤色效果，吸收速度中等，完成後皮膚呈自然光澤感。對混合肌來講，冬天用剛好，夏天就可能要減少用量。 ✨ 防曬與淡斑效果： · 防曬力：SPF50+ PA++++足夠日常通勤，試過戶外活動3小時無曬紅 · 抗斑表現：用咗兩星期，鼻樑同顴骨嘅雀斑無明顯加深，甚至覺得有輕微提亮效果 · 保濕度：含有透明質酸，無一般高係數防曬嘅拔乾感 💡 獨家技術解密： • ADVAN技術：提升防曬膜均勻度，減少漏防曬嘅情況 • 洋甘菊ET精華：針對紫外線引起嘅斑點形成 同舊版SOFINA藍小花比，呢支更注重抗斑功能；同ELIXIR抗皺防曬比，就清爽得多。 ⚠️ 需注意： · 潤色效果，黃肌用可能會有少少灰白感 · 建議用卸妝產品徹底清潔 🌟 「防曬＋淡斑」組合心得： 我發現如果朝早潔面後，直接跳過乳液步驟，單用呢支防曬乳霜，反而效果更

Kelvin好用推薦：依個牌子算係萬寧賣得中高價錢嘅牌子，主打維c。因為之前參加咗cosme 活動，發覺呢個牌子抗衰老嘅精華唔錯。 手上呢支係幹細胞緊致精華，先試用sample細胞，最抵買八八折嘅時候買支大。主要功效就係抗衰老、緊致，專利PQQ 糅合月見草種子萃取，促進皮膚膠原。 我面部較大，一次用四下出嚟係cream質地嘅精華，冇乜香料味，搽上面好易推開同吸，冇殘留都比較清爽，不刺激。用完之後第二日感覺皮膚係精神啲，而且皮膚睇落冇咁疲累，皮膚感覺係飽滿。如果第二日需要開會見客，我都會用呢隻精華，精神啲個人俾人感覺都專業啲。

Kmggigi好用推薦：Dermacept 幹細胞緊緻煥顏精華 — 試用都有感嘅彈潤提升✨ 質地: 精華質地偏滋潤型，但推開後好快吸收， 唔會留低黏笠感。用完皮膚柔軟細滑， 後續護膚品都更容易吸收。 效果: 雖然只係試用，但已經明顯感受到肌膚緊緻度提升，特別係蘋果肌位置變得更飽滿，有種向上提嘅感覺。 用完之後會發現細紋有改善， 尤其係表情紋同法令紋位置冇咁顯眼， 皮膚睇落更平滑。 除咗緊緻效果，膚色都變得更透亮健康， 冇咁疲憊暗啞。 對於經常熬夜或者初現鬆弛嘅肌膚幾有幫助。 總結：初抗老入門之選 Dermacept 幹細胞緊緻煥顏精華就算只係短暫試用，都感受到彈性提升同提亮效果，特別適合想改善初期鬆弛、暗沉問題嘅人✨

莓莓好用推薦：今日同大家開心share下呢支Benefit嘅「反孔精英」粉底液啦～ 嗱，佢個名真係好得意，我成日都口快快叫咗「反恐精英」㗎！笑死～ 不過佢真正嘅任務係幫我哋「反孔」先真 —— 即係對抗嗰啲煩死人嘅毛孔呀！ ✨ 第一印象：包裝得意！ 支粉底嘅包裝係Benefit一貫嘅粉色+公仔漫畫風，擺喺化妝枱度都好搶眼，未用已經心情好～ 支樽有泵頭，好衛生，一泵就夠用全塊面，好方便！ 🧖‍♀️ 質地同感受：好似搽緊絲絨咁滑！ 擠出嚟係好似慕絲或者奶油咁嘅質地，好軟滑，推開個下真係有驚喜～ 完全冇「粉感」，好似溶入咗皮膚咁！我係混合肌（T字位出油，面頰乾），用落都覺得好貼服，唔會「啦」住塊面。 重點嚟啦 —— 佢真係做到「無pore」效果！尤其係鼻翼同面頰啲毛孔粗大位，薄薄上一層已經即時隱形七八成，好似開咗柔焦filter咁～（開心轉圈） 👍 優點： 1. 毛孔隐形能力超班：真係不愧「反孔精英」個名，填平毛孔效果睇得見！ 2. 妝感自然貼服：唔厚粉，似天生好皮膚嘅「偽素顏」feel。 3. 控油唔錯：對我嘅T字位嚟講，可以keep到三四個鐘唔太油光。 4. 方便快捷：如果趕時間，

Miranda好用推薦：【質感】 首先講質地。佢係偏稠嘅乳液狀，流動性唔算高，唧出嚟係一舊嘅。推開嗰下感覺好滑，有種「絲絨」嘅觸感，延展性都幾好，一粒黃豆嘅份量已經夠搽全面。上面之後初初係有水潤感嘅，但等一陣之後會慢慢收乾，變成一種霧面嘅質感。 不過我發現佢 「乾得快」 ，如果手腳慢少少，佢已經開始成膜，之後再推就會有擦膠碎。所以我每次用都要快手快腳，逐少逐少咁上，等佢乾透先做下一步。呢個對我嚟講有少少麻煩，因為我平時化妝都係貪快，唔想慢慢就住就住。 味道方面，佢有陣淡淡嘅香味，類似化妝品嗰種粉味，唔算濃烈，都接受到。 【使用感】 呢個位係我最滿意嘅部分。佢嘅 「修飾毛孔效果」 真係好出色。我本身鼻翼兩邊同面頰嘅毛孔都幾粗大，用其他粉底嘅時候，毛孔位成日都會塞粉，變成一粒粒白點。但呢支粉底搽完之後，毛孔即刻好似被填平咗咁，望落平滑好多。呢種效果唔係靠厚粉遮蓋，而係佢嘅質地可以填平毛孔表面，令到光線反射變得均勻。 佢嘅 「控油效果」 都算唔錯。我係混合偏油肌，T字位好易出油。用呢支粉底嘅時候，T字位出油嘅時間明顯延遲咗，冇以前咁快就油光滿面。用完之後塊面係霧面嘅，摸落去滑捋捋，感覺都幾清爽。 不過，

莓莓好用推薦：#火熱新品 潘婷三秒奇蹟髮油（山茶茉莉味） 真實用家測評 「急救稻草，真係快靚正！但唔好當佢萬能。」 1. 香味（好多人揀嘅原因！） · 官方話係「山茶茉莉」：聞落唔係單一花香，係帶少少甜味同清新感嘅混合花香味。 · 濃淡度：頗為濃郁，一搽上手就已經聞到。用完之後，頭髮會留香大半天，瞓覺個枕頭都會有陣味。如果你唔鍾意太香，或者對香味敏感，可能要考慮下。 · 似唔似高級香水？唔算，比較似大眾接受度高嘅洗護髮品香味，好聞但未到「獨特」級數。 2. 質地同使用感 · 質地：比起傳統髮油（例如金樽），佢係偏向精華乳狀，冇咁「油立立」，推開時感覺幾輕薄。 · 用法：「三秒」係重點！沖涼後，將頭髮擰到半乾（唔滴水狀態），擠一泵（中長髮大概2-3泵），從髮中搽到髮尾，唔使等，即刻可以沖水。 · 沖水時感覺：頭髮即刻會變得好順滑，好似已經做咗護理咁。呢個過程好治癒，係傳統髮油做唔到嘅體驗。 3. 即時效果（急救一流！） · 順滑度：⭐️⭐️⭐️⭐️⭐️ （滿分！） 即時撫平毛躁、打結嘅效果非常明顯。手指可以一梳到底，吹頭都會快咗順咗。 · 光澤感：⭐️⭐️⭐️⭐️ 吹乾後頭髮有自然光澤，唔

Fng好用推薦：Pantene 3秒奇蹟髮油用後感——呢支「水感奇蹟」救咗我嘅旱燥髮尾 💧✨ 我成日漂染燙，髮尾乾到打結係家常便飯。見Pantene呢支「3秒奇蹟髮油（茉莉山茶香）」好多人推，話「油頭細軟髮都用得」，即刻買嚟試，用咗兩個星期，真心有驚喜！ 🧴 質地：水感凝露，3秒真係消失 · 擠出嚟係透明凝露狀，唔係傳統厚身髮油，流動性好高 · 上面真係3秒內吸收，雙手完全唔油，用完唔使洗手🧴 · 香港潮濕天氣用，唔會搞到頭髮「一束束」或「油淋淋」 🌸 茉莉山茶香氣：高級療癒，男友都話好聞 · 係清新淡雅嘅茉莉＋山茶花香，唔係俗氣嗰種廉價香精味 · 吹完頭仲有淡淡香氣，有使用者形容「乾淨空靈」，聞完成個人都放鬆晒 · 留香中等，大約幾小時，唔會濃到搶fo ✨ 效果實測：毛躁拜拜，光澤即刻出現 我嘅用法：洗完頭印乾至七成乾，按壓1-2泵，由中段搽到髮尾，然後如常吹頭。 · 即時順滑：毛躁即刻收服，唔使點梳都通到，髮尾明顯柔軟咗 · 光澤感：燈光下見到自然水光，唔係「油頭嗰種反光」 · 抗熱保護：用直髮夾之前搽，髮絲冇咁乾，有5倍抗熱損傷效果 · 唔會扁塌：就算搽近頭頂，隔朝都仲係蓬鬆 🌞

Sakura醬好用推薦：#火熱新品 今日同大家實測嘅，呢熱賣嘅新品—Hada Labo 水光燈睡眠面膜 💡 開箱第一印象：靚靚水光燈！ 首先個包裝已經好加分，漸變藍色真係好似「水光燈」咁，擺喺化妝枱都靚啲！ 打開之後，佢係一個闊身嘅罐，入面有個膠分隔住，好衞生。 最驚喜係佢嘅質地！係QQ彈彈嘅啫喱狀，好似巨型嘅透明蘆薈粒咁，入面仲有好多藍色嘅微小光澤粒子，輕輕推開就融咗，唔會話一撻撻藍色喺塊面度。好治癒！ 🧴 搽上面嘅感覺：舒服到想即瞓！ 洗完面做完基本護理，就輪到佢出場啦！ 雖然係睡眠面膜，但一啲都唔黐立，好快吸收。我鍾意搽厚少少，當做晚間急救。特別係開住冷氣瞓覺，塊面好容易乾，搽完佢之後，好似形成咗一個水份保護膜咁，鎖住晒之前搽嘅精華。 佢嘅香味係好淡好淡嘅清香，冇人工香料味，敏感肌嘅朋友都值得一試！ 🌟 用後實測報告 好嘞，到咗最緊張嘅時刻！朝早起身洗完面，塊面係咩感覺呢？ 1. 水潤感： 真係有驚喜！塊面飲飽水咁，摸落去好滑溜，完全唔繃緊。佢嗰個「水光燈」效果真係睇到，塊面有種自然嘅透亮感，唔係死白，而係健康嗰種光澤，後續上妝都貼好多，完全唔卡粉！ 2. 毛孔情況： 因為夠水潤，鼻

Miranda好用推薦：質感：水凝柔滑，清爽零負擔 同傳統睡眠面膜嗰種黏笠感完全唔同！佢係乳白色水凝霜質地，好似軟滑雪糕咁。輕輕一推已經延展得好開，皮膚吸收勁快。最正係敷住過夜都完全唔黐頭髮、唔黐枕頭，清爽到幾乎感覺唔到佢嘅存在，無論邊個膚質用都會一試愛上！ 使用感：秒速吸收，薄塗都水潤 用之前做好基本護膚，喺面霜步驟薄薄搽一層代替晚霜就搞掂。佢一上面就迅速吸收，唔使等好耐已經形成透明薄膜。第二朝起身洗面，皮膚明顯水潤飽滿，仲散發自然光澤感，好似飲飽水咁。而且完全冇香料，敏感肌用都好放心。 持久度：全日水潤，上妝極貼服 佢嘅持妝效果超乎想像！朝早化妝時粉底極之貼服，完全冇卡粉起皮問題。最驚喜係就算喺冷氣房返工一整日，皮膚到下午依然keep住水潤。捱夜後用佢急救，第二日塊面都唔會暗啞殘樣，照樣保持透亮感。 性價比：平民價錢享受水光肌 定價$279有100g大容量，以開架睡眠面膜嚟講性價比極高！每次用量只需一粒黃豆大小，一罐起碼可以用足3至4個月。佢係日本樂敦製藥同曼秀雷敦共同研製，信心有保證，以呢個價錢買到專櫃級嘅保濕提亮效果，絕對係小資女恩物。 整體嚟講，呢罐水光燈面膜無論質地、即時效果定持久度

ying好用推薦：✨ CeraVe Skin Renewing Retinol Serum 煥膚A醇精華 溫和 但未必好大感覺 真實用後感・唔吹捧 「溫和，但未必好大感覺。」 ✅ 溫和 呢個係呢支精華最大嘅優點。 傳統A醇嘅問題： ❌ 會刺痛 ❌ 會脫皮 ❌ 會泛紅 ❌ 敏感肌用唔到 但CeraVe呢支： ✅ 用完唔會刺痛 ✅ 用完唔會脫皮 ✅ 用完唔會泛紅 ✅ 敏感肌都用得 因為佢加咗神經醯胺同透明質酸， 舒緩咗A醇嘅刺激性。 ✅ 質地清爽 精華質地，好輕盈， 上臉好快吸收，唔笠。 ✅ 無香料 對香味敏感嘅人友好。 ⚠️ 但未必好大感覺 呢個要老實講。 用完之後： ▸ 唔會一夜之間皮膚變滑 ▸ 唔會明顯見到細紋消失 ▸ 唔會覺得「哇，好勁」 唔係話冇效果， 但係效果唔會好明顯、好快。 要用一段時間， 先會覺得「好似有少少改善」。 💡 總結： 呢支精華係「溫和型A醇」， 適合新手入門、敏感肌想試A醇。 但如果你追求「快見效、好大感覺」， 呢支可能會令你覺得「唔夠力」。 🌟 我嘅總結 CeraVe Skin Renewing Retinol Serum 溫和 👍 唔刺痛、唔脫皮

Chan好用推薦：質地清爽似乳液，水水地好易推，吸收超快，搽完唔黏膩，肌膚即刻感覺光滑細緻，完全冇刺痛、泛紅或脫皮。晚上搽完，第二朝起身皮膚平滑咗好多，粗糙位摸落去細膩晒，虎紋同眼尾細紋淡化咗，觸感更緊緻彈手。用落去過程零不適，肌膚水潤不黏，粗糙度明顯減低，上妝都貼服好多！持續用幾週，細紋位置改善有感，皮膚光滑到自己都驚，晚間用完第二天早上膚況超穩，唔乾燥唔甩皮，敏感肌新手抗老神器嚟架啦，搽完覺得皮膚更有活力，細紋同粗糙都收細咗，超滿意！

Jeniel好用推薦：真心不得不誇，呢支 Nivea 防曬棒最近完全攻佔咗我嘅日常 Handbag！以前好怕棒狀防曬會刮落塊臉度、或者厚重到有層野，點知一用直接驚艷： 佢個質地真係做得好微妙！上臉順暢到好似滑過塊豆腐咁，一抹就開，完全唔會拉扯到眼周或者幼嫩嘅皮膚，延展力極高。搽完嗰下幾乎忘記自己擦咗防曬，完全係「無重力空氣感」。面上零黏笠、零負擔，仲幫你瞬間壓走油光，呈現出一種好高級嘅絲絨啞光質感，簡直好似自帶隱形濾鏡咁乾爽 棒狀設計真係懶人福音，出街補防曬完全唔使整污辣辣隻手，直接喺臉同頸上面嚕兩下就搞掂，方便又乾淨！ #火熱新品

Kmggigi好用推薦：Shiseido 養膚柔霧修護精華粉底 — 日常夠用嘅柔霧遮瑕底妝✨ 呢款粉底用嚟日常出街其實好方便， 本身已經有 SPF30 防曬度， 平時簡單上妝、返工返學或者短時間外出都幾夠用。 妝感: 佢嘅遮瑕能力相對偏強， 可以修飾膚色不均、泛紅同細小瑕疵， 想要妝感比較完整乾淨嘅人會幾啱。 上面之後係比較柔霧感嘅妝效， 偏啞光，唔會太水光。 整體睇落乾淨利落， 適合鍾意霧面妝感或者想控油感多少少嘅人。 不過以我個人喜好嚟講， 我會更偏好光澤感嘅 Skin Glow 版本， 因為妝感會更透亮、更有水潤感。 呢款柔霧版就比較適合想要遮瑕力同霧面效果嘅日常底妝。 總結：遮瑕力高嘅柔霧養膚粉底 Shiseido 養膚柔霧修護精華粉底適合追求啞光霧面、遮瑕度較高，又想要日常帶防曬功能嘅人。如果你本身鍾意自然光澤肌，可能 Skin Glow 版會更合心意✨ #火熱新品

chewyfruit好用推薦：【SHISEIDO養膚柔霧修護精華粉底・用後感】 （色號：210 ｜ 中性肌／偏乾 質地・輕過空氣 一唧出嚟，流動性好高，似精華水多過粉底。用手指輕輕推開，已經溶入皮膚，完全唔卡粉，連鼻翼嗰兩條暗罅都冇痕跡。用濕粉撲拍開，仲有一種「涼浸浸」嘅感覺，化妝同時好似敷緊面膜。 妝效・柔霧得嚟有光澤 佢話係「柔霧」，但唔係死實實嗰種啞緻，而係由內透出嘅自然光澤，似天生好皮膚再薄薄地蓋咗層絲絨。色號210係中性偏少少粉調，對我偏黃1.5白嚟講，提亮得嚟唔會面具，同頸部零色差，好適合想自然增白嘅亞洲膚色。 遮瑕・中上但唔厚重 暗瘡印可以疊多一層，唔會積粉；黑眼圈大約遮到7成，如果要求完美，可以再補少少遮瑕膏。最驚喜係毛孔修飾效果——鼻頭原本似士多啤梨，撲完粉之後，毛孔好似被「柔焦」咗，平滑得好自然。 持妝・越油越靚 朝早8點化完，到下午茶時間，T區出咗少少油，但唔係浮粉，反而變咗光澤奶油肌，望落仲有立體感。到夜晚卸妝前，粉底依然貼服，冇暗沉，呢點好重要！好多粉底一到傍晚就黃過我隔離阿媽，但210 keep到全日明亮。 養膚驚喜 連續用咗一星期，卸妝後皮膚冇平時咁暗啞，仲好似軟咗、滑咗。佢有

Yty好用推薦：喺護膚呢條路上，我真係交過唔少「美白學費」。好多美白產品一係就溫和到好似擦水咁完全無感覺，一係就成份太刺激，搞到我塊臉動不動就泛紅抗議。直至我入手咗呢支周圍都見到人講嘅 Kiehl's 醫學速效淡斑精華（Clearly Corrective Dark Spot Solution），先至真正打破咗我對美白精華嘅偏見。 佢唔係個種令你一晚之間變白三個色階嘅「神仙藥」，而係一支潤物細無聲、幫你由內到外亮返起身嘅「發光瓶」。 個人實測：點解佢會變咗我嘅「熬夜救星」？網上關於佢咩「活性維他命C」嘅官方介紹有大把，但對我來講，最直接嘅個人用後感就係呢三點：早晚都用得嘅安心感：以前用親維C精華都要避光、一定要夜晚先敢擦，放得耐仲會變黃。但 Kiehl's 呢支竟然係用透明玻璃樽裝！證明佢嘅成分真係好穩定。我依家早晚都放心擦，出門口做好防曬就得，完全唔驚會變黑。塊臉去黃真係超快：身為長期對住電腦工作嘅打工人，塊臉最容易泛黃、好顯老。 我連續擦咗大半樽，最明顯嘅改變唔係膚色白咗幾多，而係個種「透亮感」。就算前一晚熬夜煲劇到凌晨兩點，第二朝醒來塊臉居然無平時個種慘情嘅蠟黃色，望落去好有氣色。死掐新痘印

Emily Leung好用推薦：講起呢支 #科顏氏維C淡斑精華 真係要大力推！ 用咗半支已經想同佢平反 之前聽人講話會『癢身』 其實係維C喺度努力工作緊啊！ 質地係透明水感 上臉吸收得快 頭兩次用會有微微刺刺哋嘅感覺 （櫃姐話正常，建立耐受就得） 果然第三日開始就冇事喇 最驚喜係額頭啲痘印 淡咗超多！ 成塊面睇落勻淨咗 冇以前咁『花面貓』 同埋透白感係由內而外咁發出嚟 唔係死白嗰隻 而家化妝唔使特登用遮瑕膏蓋黑眼圈 慳返唔少時間 會繼續回購嘅一支！

Miranda好用推薦：【質感】 首先講質地，佢係好「杰」、好厚身嘅乳霜狀，有啲似溶咗嘅雪糕。搽上頭髮嗰下感覺係幾滑，但呢種滑同「硅」嘅感覺好似。你可以想象吓，好似喺頭髮表面塗咗一層蠟或者油膜咁，即時順滑，但嗰種感覺唔係由內而外嘅健康，而係表面嘅「假滑」。另外，佢嘅香味好濃烈，有啲似「提子糖」或者花果香，鍾意淡味嘅人未必接受到。 【使用感】 跟住講使用感，呢個亦係我最唔滿意嘅地方。官方建議一星期用一至兩次，當深層護理。但我用完之後，頭髮嘅毛躁同打結問題只係有少少改善，同佢聲稱嘅「沙龍級」效果爭好遠。為咗確認唔係我嘅問題，我上網睇吓其他用家評價，發現都有類似情況。有啲人用完之後覺得頭髮好似「重咗」同「墜咗」，有啲就話用完之後反而覺得頭髮「笠」咗同「焗」住。呢種「假滑」同「厚重」嘅感覺，可能同佢含有大量硅油成分有關。對於追求輕盈、蓬鬆感嘅人嚟講，呢款髮膜可能真係會令你好失望。 【持久度】 持久度方面，效果可以話係曇花一現。用完當下頭髮係順滑嘅，但呢個效果通常維持唔到一日。第二日瞓醒，頭髮又會打回原形，毛躁感返晒嚟，好似琴晚冇做過treatment一樣。而且，有好多用家都指出，呢款髮膜好容易喺頭髮上面形成「

Hoikiki好用推薦：Fino髮膜被稱為“紅蓋神物”，我用空好幾罐，對它的效果（尤其搭配正確手法）很有發言權。直接給結論：它是“急救型”選手，適合受損髮質，但用錯方法等於白買。 我的真實心得分解給你： · 質地與氣味（療癒感十足）：淡黃色厚實膏體，像融化奶油。延展性好，一坨就能抹全頭。氣味是高級花香，不是廉價香精，護髮過程很放鬆。 · 即時效果（急救有感）：衝洗時就能摸到“咕溜”的滑順感。吹乾後頭髮光澤度提升最明顯，毛躁瞬間被壓制，梳頭幾乎不打結。對染燙後的乾枯，一次就能救回70%。 · 最大缺點（這點很重要）：對細軟塌髮質太厚重。 若當一般護髮素天天用，且沖不乾淨，髮根會扁塌、頭皮容易長痘。它更適合一週1~2次的深層修護。 · 隱藏雷點：成分含矽靈，雖能快速營造光澤，但長期單用它，髮絲表面會積累膜感，導致後續護髮素吃不進去（感覺越來越沒效）。 進階心得：讓它效果翻倍的“三分鐘熱敷法”（強烈推薦） 別抹完就衝掉！洗淨頭髮後，擰乾水分（越乾越好），取兩顆葡萄大小均勻抹在髮尾（避開頭皮），然後戴上浴帽，用吹風機熱風吹浴帽表面，等3分鐘再沖掉。熱能會讓修復成分滲透更深，吹乾後頭髮像在髮廊做過結構護理

GinGin好用推薦：面膜好貼面，而且用完會降紅，感覺清爽涼浸浸，仲有保濕效果，而且勁多精華素，市面上已經好少面膜係針對暗瘡而設

綺羅香好用推薦：已經用咗兩盒，雖然一早對茶樹無感，不過我仍然好鍾意買嚟用，皆因退紅效果非常好，有次係屋企用完機吸黑頭，全面紅當當，即刻攞一塊嚟敷，唔駛放雪櫃，一敷上面非常冰涼，面膜紙好厚實，好貼面，涼浸浸好舒服，敷完連人中位置都有明顯退紅，日後會長備一盒係屋企