肌膚問題 推薦好用產品

Joanne好用推薦：NIVEA LUMINOUS630雙效淡斑透白精華 試用日期：16 Aug ~ 27 Aug 非常榮幸能夠參加今次試用 多謝@cosme 要成為擁有白滑皮膚嘅女人 防曬美白淡斑真係唔可以懶 咁啱今次暑假期同小朋友去咗兩轉日本 曬到成個人黑咗幾度 本身曬黑都唔緊要，最慘係塊面曬到出咗斑🥲 真係喊出嚟😭😭 所以一見到有出淡斑啲試用就二話不說申請咗 抽到真係好開心 今次試用嘅產品有 LUMINOUS630 雙效淡斑透白精華 & LUMINOUS630 雙效淡斑煥白抗曬修護日乳 SPF50 PA+++ 講咗精華先 顏色係淺肉色，質地都算水狀，易推易吸收 上面後有啲光澤，一啲都唔黏笠 用咗十幾日，明顯睇到塊面係透白咗 但斑點方便未話有好大改善 都明嘅，出咗斑真係唔係話搽幾日就會無咗 始終年紀唔細😭 不過，前排手多唧完瘡嘅印就淡得好快 呢點係幾有驚喜 我覺得呢個價錢嚟講，日常當係美白保養都算係性價比高 （30ml/ HKD 309) 不過有一樣我比較在意呢就係 佢嘅香味太濃，其實有香味我都接受到 但今次呢隻味道就唔係太討好 我覺得有啲似柔順劑嘅味🙈 如果對氣味好有要求嘅人 想買之前最好去試

Lesleyy好用推薦：產品試用心得：NIVEA LUMINOUS630 雙效淡斑透白精華 試用時間：2週 最近試咗NIVEA嘅LUMINOUS630系列，真係幾驚喜。聽講呢款LUMINOUS630成分，NIVEA花咗10年時間研發出嚟，可以由根源淡化色斑，仲可以提亮膚色，真係好吸引。 質地同感覺 LUMINOUS630 雙效淡斑透白精華： 呢支精華真係好輕盈，質地好似乳液咁，推開之後好快吸收到皮膚入面，完全唔黏笠。 因為我皮膚比較敏感，所以好驚會唔會刺激到，但試咗兩個星期完全無問題，真係幾溫和。 效果分享 膚色提亮： 覺得成個膚色均勻咗，之前暗啞嘅位（例如嘴角同鼻翼）都改善咗，皮膚好似更亮更有神。 淡化斑點： 兩個星期後，發現啲斑點同痘印真係有淡咗，雖然啲頑固斑仲未完全消失，但明顯淡咗。呢款精華對淡斑效果真係唔錯。 保濕效果： 仲有，呢款產品嘅保濕效果都幾好，用咗之後皮膚一直水潤潤，完全無乾燥脫皮嘅情況。

poonpoon好用推薦：當初買嘅時候好紅，MAC白芍新系列。 無香味，油膜感輕身，質地容易按摩，比其他牌子感覺輕型，遇水容易乳化，好難卸既眼線液一次都卸得乾淨，冇殘留感。不會刺激眼睛。 全面都用得既卸妝油，唔使再用專for眼唇卸妝液。試過好求其咁落妝，都容易落得乾淨😛好方便 用後舒服乾淨，感覺又乾淨又有保濕度，感覺呢支卸妝油肌都用到💧

Sandy9462好用推薦：這款清透煥顏清爽卸妝油確實給予我大大的驚喜，一開始覺得會跟市面普遍的卸妝油差不多。 有些卸妝油用後會好像洗不乾淨一般，亦有些用後會令皮膚很乾燥繃緊，很難找到一些能有清潔力但又不乾的產品。 所以我都抱著一個平常心去試用，它是比較水狀流質的卸妝油不用很多的份量都足夠整面使用，卸妝力足夠而令我驚喜的地方是用後的感覺，一點也不繃緊，而且皮膚更有收細了毛孔的感覺！所以非常推薦這款清透煥顏清爽卸妝油！

水萱草好用推薦：終於等到AHC呢個新產品啦！好鐘意呢類膠囊的護膚！好啦一齊睇睇呢樽醫美科研晚間逆齡膠囊先,包裝都係紫色，講開好多逆齡同抗皺都鐘意用紫色嘩，幾靚喎，同佢同系列一樣有個鏡面嘅蓋，但呢個用用透明嘅樽身咁樣就可以睇到入面紫色嘅膠囊，唔需要再用紫色嘅樽身！呢膠囊係紫色有啲閃嘅，一個啤梨形狀，比圓形更好拎同擠出嚟，一樽有三十粒，可以大約用一個月左右，用個時用手一扭就可以了，擠出嚟睇睇先 有小小淡黃色，屬於油質嘅感覺，因為油狀所以比較濃稠上星期天氣一直好乾燥，日日個濕度都得個25%，連隻手都乾到爆哂拆，見到未搽前啲紋路乾到呀婆咁！搽完之後嘩！立竿見影啦！瞬間隻手反哂光呀，真係好啱乾性皮膚用！！收到呢樽嘢前我塊又是爆哂皮，紅到我唔想影。。跟住第一日搽完當堂好舒服，無個種抆抆緊嘅感覺！！因為說明有寫要避光，所以我夜晚用，留意我只係夜晚用，但係大約三日已經唔紅同埋好快甩完皮還我靚靚面！超開心，我一粒用咗三日,證明真係好潤，而且真係似一層保護膜保護住，乾燥時我經常要擦2種面霜到瞓覺又要補一次，我塊面真平過撒哈拉沙漠🤦🏻‍♀️，但搽完呢個膠囊，我即情搽埋佢同系列面霜到起身都仲好潤，潤到可以潤埋手！真係好啱干皮係

jhope0725好用推薦：感謝@cosme抽中我試用今次嘅產品，其實一向對AHC呢個韓國醫美品牌好感興趣，而且佢亦都有唔同產品系列適合唔同年齡，唔同肌膚嘅女性。今次試用嘅產品，更加係之前好少機會嘗試嘅Retinal系列！ 使用左同系列嘅面霜兩星期之後，會感覺到面上一啲細緻嘅皺紋有填充左嘅效果，雖然未至於完全消失，但係去細紋效果屬開架產品非常不錯！估唔到今次呢個精華膠囊，更加有驚喜！先講吓呢個產品嘅質感，大家會覺得佢同護膚油差唔多感覺，一打開係淡黃色嘅油性產品。雖然好似好油，推開左會見到光亮效果，但係用咗喺面上面加一段時間，佢就會完全吸收，唔會再覺得油立立！質感非常優秀！呢幅圖片顯示就係用咗喺面上面10分鐘吸收晒嘅效果，大家會見到唔再光亮，而去成塊皮膚脹卜卜！有輕微拋光matte效果！不過因為吸收需要時間，所以正如包裝所講，夜晚使用比較方便。 連續使用14天，配合同系列面霜使用，效果更加會再明顯d，尤其講緊一啲表情紋，額頭嘅細紋，兩樣產品夾埋會令到填充效果更顯著！雖然未至於令到皺紋完全消失，但係撫平效果可以令紋路肉眼睇落平滑d！令我更想嘗試埋同系列其他產品，尤其是係枝精華！ 總括而言

yghjum好用推薦：好感謝cosme比機會我抽中試用🥰非常多謝有呢個機會可以免費試用cerave 3款皇牌潔面用品❤️以下係我試用10天的小心得🥳 香港夏天真係非常潮濕同悶熱，所以一款好嘅潔面產品係非常之重要👍依家每日都要搽防曬再加上為咗減少面部出油，仲會使用粉餅或者碎粉，但係過度清潔會為皮膚帶來好大嘅負擔🧨，所以一款可以技能清潔皮膚同輕微輕度彩妝而又可以防敏同保濕嘅產品係好緊要嘅🥰 cerva三款潔面就可以為大家帶黎既清爽又保濕既洗感。 首先係SA水楊酸煥膚潔膚露，相信聽到水楊酸好多朋友都會聞知色變，怕會影響皮膚角質層導致敏感，但係cerva就為大家帶來醫生精心調配既低敏配方，既可以清潔皮膚，又唔會導致皮膚敏感，每日出街之後，我都會用SA水楊酸煥膚潔膚露清洗面上的防曬及彩妝。 因為我本身面部都有d敏感，平時用卸妝產品都比較容易出現泛紅嘅問題，但係今次試用完水楊酸煥膚潔膚露之後，完全看出現敏感問題，而且角質加快代謝之後，感覺皮膚比以前光滑左，黑頭粉刺都減少左👍 之後就係溫和保濕潔膚露，洗面奶半透明不起泡嘅質地，喺清潔皮膚嘅同事仲會為皮膚保留水份，唔會過度刺激皮膚。 一般我都會喺早上

Wenwen03好用推薦：感謝@Cosme 邀請試用CeraVe 3 款潔膚露，分別是溫和保濕潔膚露，清爽泡沫潔膚露和SA水楊酸煥膚潔膚露，用左8日後，以下是小小心得分享😆😆 點都要讚一讚個瓶身封口設計，個封口膠拆除後仍可再安返上去，方便用用下要帶去旅行，唔使驚漏出來。 CeraVe 溫和保濕潔膚露 質地：有點杰身的凝露質地，但塗上身體不覺黏稠，很清爽 味道：無味 清潔力：5星（5星最高） 用後感：一直用開帶泡沫的潔膚露，試用無泡的潔膚液以為自己會唔慣，個心仲諗緊乾唔乾淨，其實係個質地問題，潔淨能力係好好，清洗到身體上的污垢，所以唔使擔心😊；另外，保濕程度不錯，睇下皮膚測試儀就知道啦👇🏻👇🏻

Emma W好用推薦：感謝@cosme 比我試用Suu Balm 速效舒敏保濕乳，拯救我手部問題的困擾。這是一款專為敏感肌膚設計的產品。其能迅速舒緩肌膚不適，減少紅腫和刺激感。 使用產品前使用產品前使用產品前使用產品前 其保濕力唔錯，讓肌膚保持柔軟，并且能立時撫平脫皮現象。質地輕薄，容易吸收，使用後不會感到黏膩，適合日常使用。擦後會有較強烈的薄荷味道、一股清涼的感覺，能舒緩痕癢不適感。用後2星期，因為經常洗手，導致指甲縫龜裂、手背脫皮情況有明顯改善。 使用產品後，左手 使用產品後，右手 適合肌膚：任何、G6PD人士留意 成效度：4/5 保濕度：3.5/5 吸收度：4.5/5 質地：乳液 持香度：2/5，好快消

Eos Cheng好用推薦：多謝@cosme 和@SuuBalm提供試用 先講講本身皮膚狀況 我身體皮膚大致不算乾，沒有濕疹問題，但有輕微皮膚敏感，每當濕度劇變(例如突然大幅增加或降低)、天氣乾燥時，或沖熱水澡/泡腳過後，個別位置如小腿、手部、前臂容易痕癢脫皮。例如每次外遊返港，下機後約10分鐘小腿、手部會開始痕癢。如果去到特別乾燥的地方，指甲邊緣甚至會裂開、指甲崩裂(我沒有留指甲，所以指甲一崩裂就會痛)。之前也用過多個品牌的body cream/hand cream，效果都不太理想或不持久。 不過今次試用的新加坡品牌SuuBalm速效舒敏保濕乳令我喜出望外! 首先，呢款保濕乳採用接蓋式軟管裝，單手已經可以用，好方便。 質地較厚身，有明顯的薄荷味，但好易推好易吸收，推開之後清爽唔笠，有少少清涼感。 重點係即時止痕，而且相當持久。我通常沖完涼搽，小腿搽一次最少有效6小時；手就因為會洗手，所以要搽得密D，我每次洗完手都薄薄地補少少，效果都好好。我本身指甲附近好容易起倒刺，用左呢支保濕乳一星期之後，倒刺都少佐。 好高興可以試用呢支好物，居家旅行都適合用來旁身!

chasiutung好用推薦：D-up 超強力假眼睫毛膠水 我已經使用很多年了 非常好用 黏力極強而且防水防汗防油脂一整天假眼睫毛都黏得很牢固用卸妝水輕輕敷一陣就能輕鬆卸下 超細掃頭容易控制 它塗出來是藍色的 乾透是透明的不會有任何痕跡 而且很快乾 D-up 超強力假眼睫毛膠水使用的是醫療級黏劑不致敏也沒有令眼皮受到負擔 非常推薦俾愛黐假眼睫毛又成日會甩頭甩尾嘅朋友 價錢合理 性價比高👍👍

Kaying Yeung好用推薦：🌟回購無數次 超易上手嘅無敵膠水 呢隻膠水已經回購過無數次 · 超防水防汗：曾經使用過嘅特別場景：沙灘🏖️Camping⛺️野餐🥪船p🚢 而且我係有游水架！ . 易卸：用眼唇卸妝敷一陣輕鬆卸到 · 透明度高：膠水乾咗會變透明 但用太多會睇得出有少少透白咁 正常使用係隱形 · 快乾：等十幾秒就可以痴上眼 ·容易上手：由新手開始就係用呢隻膠水 都試過其他3-4隻 但係呢隻真係最正 亦都係容易上手嘅類型！

Yuki好用推薦：見網上介紹係全能面膜就入手左 買左已經一段時間 只係用左大概一半最後放到面膜都乾乾地 閒置主因係陣味唔好聞 係好濃烈嘅樟腦味 一路敷住聞到好頭痛 就算過完水陣味都會殘留面膜質地好厚係泥狀嘅mask 有杏仁研磨顆粒可以去角質要俾d時間慢慢推開敷到一定厚度 太薄會好易乾哂 敷左唔夠10分鐘已經乾到裂所以自己每次最多只會敷10分鐘 另外面膜比較難清洗 係清洗過程好易拉扯到皮膚 自己用完覺得有白淨左 但皮膚同時覺得乾左 感覺似做左次深層清潔 可能面膜比較適合油肌用 對於乾肌泥講用落冇咩功效 之後應該唔會再回購喇

Joyce好用推薦：本人額頭位經常出暗粒暗瘡，有d仲要唧都唧唔出，見有人話呢隻連閉口瘡都清到，就買黎試試。 一打開會見到膏體表面有d水，用附帶既果支棒棒攪勻先，跟住就聞到有陣藥味，不過我都接受到既，然後厚敷上面10分鐘，佢就會乾曬，最後加暖水打圈清洗。 第1次用無乜效果，但隔幾日我再試，就見到少少效果啦，敷完第2日，d暗瘡謝左。 不過敷完塊面會好乾，要敷返d補濕mask。 我第1次用完可能就係懶無敷補濕，所以無效果。第2次有敷就有效果出黎啦。

kathy.lhy好用推薦：多謝cosme嘅試用邀請🥳 今次係第一次用shu uemura呢個牌子🙈 <外觀> 佢個樽有啲磨沙質地feel 幾靚~ 另外特別想講個樽蓋 佢都有啲小心思 呢個設計會令到蓋得實啲 冇咁易甩出嚟!! <質感> 一開始吱咗啲上手睇下質感 我覺得呢隻粉底液比較流質 水啲 <試用> Before: 呢排皮膚狀況麻麻 塊面多粒粒 After(1): 今次試用嘅係564 Medium Light Sand色號 顏色方面貼近我原膚色 所以唔會有特別大色差同兩截色嘅問題🙈 因為佢比較液體 我用粉底刮刀可以好容易咁控制份量👍🏻 幾中意佢可以做到一層薄薄自然嘅粉底 唔厚重 淨上完粉底之後 可以見到佢幫到手調整整體膚色 同遮到部分暗粉(額頭) 但略嫌遮瑕度唔夠勁(例如鼻附近嘅毛孔) After(2): 最後上咗粉定妝 同做咗啲遮瑕 整體感覺唔錯🙈 化完妝都唔會好厚重 好粉 反而偏向自然 After 5 Hours: 整體上其實都keep得ok 平時化妝出街一排就會開始出油 要補少少粉咁 但今次呢個係冇出過油!!! 不過可能油性皮膚效果會再好啲 我自己混合性就略嫌有啲乾~ (可能吸油效果太勁😂😂

Sogno夢好用推薦：感謝@cosme 給予試用機會 今次試用產品是植村秀無限輕透持妝粉底液(色號674) 首先我本人的肌膚狀況: 混合油肌, 主要T 字位出油, 有少量痘印和黑眼圈首先包裝是磨砂按壓瓶, 非常簡單大方, 粉底本身帶有SPF 25 +++防曬, 足夠日常出門這是按壓一下的量, 可以看的出來粉底液非常水潤, 很好推很絲滑, 這一下的量足夠全臉上妝, 上妝工具配合了植村秀的Petal 55 粉底刷 上妝前後, 可以看出來粉底液雖然很輕薄, 但有一定的遮瑕力度, 而且感覺很清爽, 並不會有負擔, 一點也不厚重. 這是在24 度室外約6小時後持妝效果, 可以看到我容易出油的T 字位有一點淡淡的油光, 和粉底融成比較好看的奶油妝感, 並不會不舒服 這瓶主打輕透自然及控油力強, 全日保持妝感不氧化, 我認為是非常出色. 推薦: 中性 混合偏油 油肌 遮瑕:3/5 控油:4/5 服貼:5/5 持妝:4/5

Gabi好用推薦：踏入冬天，天氣經常反覆不定，氣溫突然急降又極度乾燥，皮膚特別容易敏感，所以極需要一款保濕度力、鎖水力高的面霜來加強皮膚屏障。 擁有敏感肌的我，時刻關注各品牌的王牌護膚產品。雖然未真正使用過，但一定有聽過Kiehl's特效保濕乳霜這個產品。由於一直使用的面霜缺貨，所以決定由今個冬天開始轉用這款王牌面霜。 這款面霜質感呈白色乳霜狀，質地輕盈順滑，非常易推，只需要一粒黃豆份量就能塗滿全臉，輕輕按摩約十秒就能在臉上均勻化開，面霜𣊬間被肌膚吸收，沒有絲毫黏膩感，滲透力不俗。 使用後滋潤舒服，持續用了三個星期都沒有泛紅過敏、脫皮、長暗粒或暗瘡的情況出現，而且保濕效果都不錯，即使長時間坐在冷氣房中，面部肌膚並沒有乾燥或繃緊等問題。我除了早晚使用作日常保養外，有時會用多一點份量或厚敷來取代面膜，都有即時保濕及深層滋潤肌膚的效果。 這款面霜無任何氣味，成份天然溫和，不含防腐劑、酒精及其他刺激成份，亦無添加香料，令我可安心使用。整體而言，我對這款面霜的質地同效果感到滿意，是我今個冬天必備之選，會再回購的。

Jcxjessie好用推薦：已經用左kiehl’s嘅 ultra facial cream 好幾年，呢個已經係我唔知第幾個空瓶！🥰 因為我本身係超級乾燥肌，所以秋冬用嘅時候覺得有少少乾，但係春天夏天用嘅時候就啱啱好！ 容易推得黎又唔黐立，而且仲唔會刺激皮膚 有時候吹得冷氣多，塊面會乾同埋泛紅，夜晚用咗佢第二朝就冇咁紅啦！

Chingxd好用推薦：作為一個innisfree小fans 當然都有用過尼枝精華 初初係因為25歲後發覺膚質開始轉 覺得皮膚好易乾 一乾就爆瘡lol 之後聽fd講應該開始搵枝精華用下 當初唔太知道好多補濕精華可以係好黏笠下 曾經夏天試過用kihels既保濕精華 推左好耐都未吸收到 冬天又試過網上話好既bicelle b5 gel 結果都係太笠...笠到出油 爆瘡😑 當時覺得就咁試都唔係辦法😂 就開始睇下youtube啲人介紹 hk仲未有cosme所以都會睇tw cosme 個陣先知道innisfree綠茶籽精華係入門級 基本上係好多人都會用過～ 個陣乾到好易會敏感 所以對成份都好注意 咁岩睇到有個人comment對成份好有認識 除左有香精之外 其他成份都係安全既成份 而且佢幾推介 覺得佢真係幾保濕 所以就買左黎試 唔記得當初係幾時拎黎用 只係記得夏天返工公司冷氣太大 風口位係正自己頭上面 返左陣工就即刻爆瘡lol 然後就開始返工前會搽埋佢 之後就冇乾再乾到爆瘡 夏天同轉季真係好鐘意用佢 佢係幾爽 又夠保濕 都唔會令你爆瘡 比較油既地方 建議開冷氣先至用比較好～ 不過冬天偏乾既時候 乾肌真係會唔夠保

Giselle 好用推薦：Innisfree 綠色聖誕限量系列 綠茶籽保濕精華 160ml *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 前排又係見佢做緊優惠同有聖誕套裝所以入咗手試下(✿︎´ ꒳ ` )♡︎超鐘意佢嘅聖誕限定design (´,,•ω•,,｀)♡︎而且咁平就可以試到佢其他嘅綠茶系列產品(* ´ ｪ `*)♥︎ ❤︎ ︎ ❤︎ ︎ 佢嘅質地算係半濃厚半水潤嘅質感( •̀∀︎•́ )✧︎流動性算高( ∩︎´ω`*∩︎)目前搽咗1個星期，皮膚係覺得水潤咗(´•̥̥̥ω•̥̥̥`)♡︎但稍微覺得以我乾性皮膚係而家秋冬季節唔係好夠持久(´._.｀)希望春夏嗰陣用會好少少(*´･ε･*)σ||另外推開咗之後會覺得有黏膩感，就算過咗一排皮膚吸收完都係會仲有(◞︎‸◟︎；)如果好似我咁係比較介意黏膩感嘅小夥伴就會有少少失望(っ◞︎‸◟︎c) ❤︎ ︎ ❤︎ ︎ 佢嘅香味就係佢嘅品牌好signature嘅綠茶味ヾ(*&gt;∀︎&lt;)ﾉﾞ雖然佢嘅綠茶係有少少假假地，但係佢算係舒服好聞嗰種( ∩︎´ω`*∩︎)不過佢有添加香料，所以對香料敏感嘅要慎重考慮哦

Sogno夢好用推薦：感謝@COSME 給我機會 這次分享的產品是YSL 夜間修復精華, 成份核心是來自摩洛哥的月光仙人掌, 除此還有多種抗氧化成份包括雨生紅球藻萃取, 維生素C等。另有保濕成份B5, 甘油等。精華裏亦包含了少量水楊酸和甘醇酸, 可以加速代謝和去角質。但要注意的是精華本身有"變性酒精"成份, 能夠使精華變得清爽, 減少脂質, 對酒精敏感或混乾和乾肌的朋友們要注意產品可能不適合你。 產品主打效果是可以修復疲倦肌膚, 使皮膚保持自然光澤明亮, 溫和去除老化角質及加速代謝, 讓使用者看上去皮膚有一種天然的健康感。 先來看包裝方面, 是很好看的方型透明膠瓶裝, YSL 採用了環保設計, 裏面的玻璃按壓芯管可以拆換, 這方面值得欣賞。而精華液部分是水油分離的狀況, 使用之前請先把水油搖勻。 再來看精華本身, 使用方法是每次按2下, 還要記得防曬。雖然是精華油但流動性很好, 非常清爽好吸收, 感覺剛上臉進入了肌膚了, 我覺得質感很驚喜, 因為我個人很不喜歡保養產品在臉上殘留太多黏稠感。但可能因為太好吸收了, 根據說明書上的使用方法每次按壓2次, 感覺都不夠上全臉, 我會忍不住多按一兩下。 我本人的皮

Gloria好用推薦：多謝@cosme x YSL PURE SHOTS夜間修復精華（月光仙人掌精華）的試用體驗。這支月光仙人掌精華有3.5%甘醇酸，質地和水一樣，用量很少就可以搽完全面，跟水一樣清爽不黏膩。 亦沒有強烈氣味，就算用在傷口上，都只有輕微刺激，非常溫和。 而且可以獨立或於其他針對性精神前使用，和自家護膚品一起使用都沒有問題，可以使用多種功效產品一起護理皮膚（這點超重要！） 至於 首個翌日 感受我本來膚色偏黃，又容易生痘痘、暗粒，面上有很多痘疤，用完這支月光仙人掌精華的第一天，我最明顯的發現是有一粒初發的痘痘消失了，但面色還是黃黃的，所以感覺不大。 不過越用越感受到皮膚穩定了，痘痘暗粒的爆發減低了，一些紅腫有傷口的痘痘很快平復，而且痘印明顯地淡化。相中沒有太清晰，原本是紅腫的傷口來，很快的平復，越來越淺色。這次YSL PURE SHOTS 夜間修復精華（月光仙人掌精華）本身是要實證 首個翌日 及 2週後的煥膚修復效果的，目前我只是用了十天左右，皮膚已經大大改善，期待2週後的煥膚效果。 每天影相紀錄，看到紅紅腫腫發炎的痘痘（傷口），居然可以用1-2天癒合消炎消腫，痘印一天比一天淺色，真的很興奮呢

Cyu好用推薦：價格 ★ ★ ★ ★ ☆ 亮膚 ★ ★ ★ ★ ☆ 淡斑 ★ ★ ☆ ☆ ☆ 清爽度 ★ ★ ★ ☆ ☆ 先黎講吓PROX by OLAY抗氧淡斑精華既樽身設計，泵頭型設計，可以保持到護膚品嘅新鮮度又十分之衛生。精華液質地濃厚，但延展性十分好，亦非常容易吸收，大約半泵就可以搽勻成塊面。對於我呢啲混合性偏油嘅膚質，夏天用都唔覺得黏笠。用完即刻有提亮既效果，有一定的保濕程度，搽完毛孔會脹卜卜返，紋路亦都冇咁明顯，而且呢款精華液入邊冇酒精冇香料冇防腐劑，容易敏感嘅皮膚都好啱用，冇負擔。 短時間內淡斑功效唔算特別明顯，係意料中事，希望長期用落去會有改善。而改善泛紅，提亮膚色，抑壓黑色素變深，呢幾方面都有做到。 另外，呢款精華液唔會起擦子膠碎，搽完 PROX by OLAY抗氧淡斑精華再上妝，完全冇同粉底液打交，亦都完全唔會影響妝效持久度。 總括而言，以呢個價格做到膚色均勻提亮，有一定保水，能改善泛紅，又做咗抑制黑色素，效果已經相當令人滿意，十分推薦大家一試。

Jasmine Yuen好用推薦：新升級OLAY抗氧淡斑精華以獨家「NIA + SDL」專利淡斑配方，高效激活抗氧信號，根源穩定黑色素母細胞，令肌膚重拾淨白細膩無瑕！ 我用 Olay spot fading essence 大約一星期，就發現我的色斑淡了一點。肌膚的質地也變得更加光滑，感覺很不錯。 一支可以用到大約三個月（我晚上揸），我發現色斑明顯減少淡啲，肌膚變得更加均勻，比以前更有光澤和彈性。我會繼續使用這個產品，因為對我的肌膚有效。 ⬇️已經用哂嚕✌🏻會再買

Sophia好用推薦：Hourglass vanish無瑕遮瑕液絕對是我用過最驚豔的遮瑕產品！首先，包裝設計簡約時尚，磨砂玻璃瓶身搭配金屬色瓶蓋，高級感滿滿，拿在手上很有質感。 遮瑕液的質地非常輕薄，延展性極佳，只需用指腹輕輕推開，就能完美地與肌膚融合，完全沒有厚重感。遮瑕力更是沒話說，非常少量已能把黑眼圈、痘印等瑕疵輕鬆遮蓋，而且妝效非常自然，不會卡粉或顯乾紋。這次顏色選了cotton 很適合中間膚色女士，輕微提亮。 它持久度亦高，即使在炎熱潮濕的天氣下，妝容依然保持到。整體效果比同類產品優勝太多，值得入手👍💯

mcosmetics好用推薦：近年beauty blogger 們大推gewhourglass 遮暇膏～ 我本身眼底比較乾用開dior forever. 試用hourglass 覺得單用佢太乾。所以而家照用dior打一層底，再用hourglass點喺淚溝位拍開，少量多次上冇咁易卡粉同冇咁乾，遮暇度可以疊加，持久度都好好。 以下係dior forever 同 hourglass 嘅比較：Dior Forever 色號1N 稍為偏橙黃，質地潤啲我會推薄搽成個黑眼圈。hourglass 遮暇度高少少 我揀淺色啲用黎提亮淚溝。 呢支遮暇膏大牌子而且唔平，但包裝實在係太差。入面會漏到去出面都污糟埋，一黎好浪費，二黎用嗰陣容易整污糟收/其他化妝品。

wingbks好用推薦：好開心收到@cosme 今次嘅試用，因為我成日覺得外在護膚品固然重要，但內在調理身體更重要❗️ 試到「Suntory Milcolla膠原蛋白」就啱曬我，本身都喜歡試唔同嘅食或飲嘅身體補充劑。因為現代女性要兼顧返工+家庭，lunch又出去食，好多時有益嘅嘢吸收唔夠，肌膚急速衰老。 之前試好多款貴價品牌嘅膠原蛋白飲品，但玻璃樽裝，難以攜帶，同一次過買真係好重。今次呢款獨立條裝，一日帶一包返工，朝早沖嚟飲夠曬方便。佢比起以往呢類粉劑多咗ceramide加強補濕同維他命C亮肌。 我就用佢嚟配過唔同飲品、食物，都唔會難以入口，當一般咖啡飲都ok！我仲試過加入豆奶一齊飲～ 食/飲呢類產品，千祈唔好心急，幾日見到成績，因為改善內在係需要時間，咁過咗兩星期，仲要遇上新年假之前勁忙，連飲水都唔得閒嘅情況下，日日飲唔夠水，反而皮膚仲冇咁乾燥！ 加埋新年玩到晚晚夜瞓，以為會捱到殘曬，點知比到驚喜我，反而毛孔細咗，光澤咗！ 加上佢嘅價錢都幾經濟實惠，買嚟為皮膚進補下都唔錯～ 飲用前： 飲用後：

Noel好用推薦：隨著年齡增長，皮膚的膠原蛋白增生能力減弱，更會追不上流失速度，因此建議女性都試試囗服的膠原蛋白補充品。個人試過歐美款式的，比較多會有腥味；日本品牌飲的和沖的，也試過好幾種。感覺這款 Milcolla 膠原蛋白粉最適合我。 Milcolla 膠原蛋白粉呈米白色，帶點奶粉味道，不帶腥味，算是幾好聞的👌個人喜歡將膠原蛋白粉加入咖啡，會令咖啡多了分奶香味，又沒有怪怪的👍由於 Milcolla 膠原蛋白粉很幼細，能夠很快溶於水，亦少會出現結塊一舊舊❗ 目前飲了三盒，感覺皮膚水份增加，尤其在早上上妝時最能感受到分別。除了服用 Milcolla 膠原蛋白粉外，我亦會多敷面膜配合，令皮膚效果更佳。飲用這種膠原蛋白粉期間，我也沒有爆暗瘡，which is GREAT 👍 雖然沒有“飲了變得容光煥發“的效果，但是個人試過停飲一星期作比較，皮膚真的變得暗沉一點，鼻子更有少量甩皮😅 所以亦可印證這個 Milcolla 膠原蛋白粉對我幾有效呢💗

🌸好用推薦：因為工作壓力大、成日捱夜，而且長頭髮嘅我日日都會洗頭同吹頭，脫髮問題開始浮現。😩😩😩之前都有試過用其他嘅育髮精華，但效果唔顯著。咁啱最近睇到L’OREAL PARiS推出咗呢隻「強韌豐盈防掉噴霧精華」，佢聲稱可以「6周幫助減少脫髮」，睇落好神奇，所以我就申請咗試用。 呢隻強韌豐盈防掉噴霧精華含有1.5% AMINEIL亞美尼斯，可以改善受損髮質，為毛囊提供營養。仲有「紅花葡萄糖苷」，可以滋養髮根，唔單止可以減少掉髮、斷髮，仲可以令髮絲更濃密。 一般嘅育髮精華都係用滴管包裝嘅，有別於其他育髮精華，呢隻強韌豐盈防掉噴霧精華有呢個超精準噴頭，而且包裝嘅蓋可以固定噴嘴，即使帶去旅行都唔使驚搞到個袋濕晒/漏到周圍都係。呢隻精華嘅質地好清爽，唔會黏笠。只需要喺脫髮嘅位噴2-3下，輕輕按5分鐘就搞掂，好快就吸晒。 呢種偏流質嘅清爽質地完全唔會搞到個髮型扁塌，用完可以梳個頭就出得街，非常方便。而且花果嘅味道相當清新好聞，淡淡嘅茉莉與雪松香氣混合著檸檬、鳳梨等水果香甜嘅氣息，香味恰到好處，甜而不膩，好似噴咗hair mist咁，感覺清新自然。 用咗十幾日，洗完頭吹完頭之後，已經覺得頭髮甩少咗好多，而

lingbb好用推薦： -I’OREAL PARiS 第一款防掉髮精華液，專為掉髮問題硏製。舒緩頭皮，強韌髮根，有效缓解掉髮。 - 成枝設計都好貼心，特別係個噴咀，噴出黎唔會周圍都係，集中力係你需要嘅位置 - 我喜歡佢嘅花果香味好清新唔俗，原來香味有茉莉、雪松、檸檬、鳳梨嘅混合，噴上頭皮有種冰涼感，會知道自己噴嘅位置準唔準確 - 除咗防脫髮，都有治療頭瘡舒緩頭皮不適嘅作用，係頭皮比教癢嘅地方噴完就唔會再癢，有頭瘡嘅位置都會消失埋 - 總括而言，好喜歡，一枝可以用好耐 #火熱新品

Angie好用推薦：去韓國旅行嘅時候，見到貨架上有Growus嘅洗頭水，一眼已經比充滿少女心嘅包裝吸引❤️ 本身有用開同一個牌子嘅護髮噴霧，所以對呢個牌子都有信心，唔理行李重量買咗枝試吓🤭 Growus 嘅出品果然冇令我失望，我差唔多每日都會夾頭髮，所以一支好用嘅洗頭水十分重要！Growus珍珠修護洗髮露做到保濕效果，同時唔會令頭髮因為過度滋潤而難做造型👍🏻 洗完頭第二日把頭髮都明顯keep住柔順，set頭都唔會容易扁塌，表現100分 💯💯💯 最近見香港門市都買到Growus嘅產品，終於唔使網購/去旅行托返香港，好開心🤭🤭🤭

thk好用推薦：每個女仔都貪靚 係梳化服各方面都會想打扮得靚啲🧏🏻‍♀️ 而我為咗令到髮型可以好睇啲 就成日又染又夾頭💆🏻‍♀️ 搞到髮質傷晒 仲令到把頭髮又旱又難梳🪮 其實頭皮同面部皮膚一樣 必須揀岩自己用既護髮產品🤔 ➷ ✨GROWUS是為了保護大海的生態界而努力的護理頭髮品牌，為頭皮準備的天然原料和專業技術為基礎，根據頭皮狀況尋找改善方案，並提供解決方案的藥妝護理品牌✨ § 🧸對粉紅色真係好難抗拒🩷 就係因為佢既包裝 就吸引咗我去留意😍   🪐 GROWUS珍珠修護洗髮露 ▸ 無矽 ▸ 適合極受損或漂染髮絲使用 ▸ 添加5種蛋白質及7種膠原蛋白，雙重修護更有效 ▸ 加入海洋珍珠複合物 有助維持髮絲水份   由於我頭皮比較敏感 而且髮質特別乾旱 所以有時洗完頭都仲會有頭皮屑😩用埋護髮素都係開叉🙁 估唔到用完GROWUS依枝洗髮露 髮絲回復水潤柔順 仲帶有光澤感🤩梳頭終於唔再打結🪢 直頭唔駛用護髮素已經可以有咁好既效果👍🏼 佢保濕既功能仲改善咗頭皮屑既情況 頭髮都甩少啲😍 最鍾意就係佢既香味持久 可以維持到第二日起身都仲聞到😶‍🌫️ 真係連香水都可以慳返🤪   係屋企都可以享受到頭髮SPA既護理體驗

Wenwen03好用推薦：感謝@Cosme 邀請試用CeraVe 3 款潔膚露，分別是溫和保濕潔膚露，清爽泡沫潔膚露和SA水楊酸煥膚潔膚露，用左8日後，以下是小小心得分享😆😆點都要讚一讚個瓶身設計，個封口位拆除後仍可再安返上去，方便用用下要帶去旅行，唔使驚漏。 CeraVe 清爽泡沫潔膚露 質地：有點杰身的凝露質地，但塗上身體不覺黏稠，很清爽。 味道：無味 清潔力：5星（5星最高） 用後感：一直用開帶泡沫的潔膚露的我，試用清爽泡沫潔膚露當然會有親切感，起泡快和多，而且易沖洗，潔淨能力好好😊以下是皮膚測試儀顯示保濕度（根據當下身體的保濕程度而定，因人而異）

jan好用推薦：首先多謝Cosme抽中我試用CeraVe一系列嘅潔膚露🫶🏻上網睇過知道CeraVe嘅產品一向都係性價比高，又溫和，連濕疹人士都適合使用。今次就先講一講呢枝清爽泡沫潔膚露。唧出嚟係透明嘅，都幾流質，可能我用手捽，就冇想像中咁多泡泡 (比佢個名誤導咗😂)。佢無香料，但我就唔太中意佢陣味🤣但不得不讚嘅係佢嘅效果。我係混合乾肌，好唔中意洗完面後面頰好繃緊嘅感覺。CeraVe呢款的確做到保濕嘅效果，皮膚即時都有可見嘅光澤 CeraVe嘅清爽泡沫潔膚露含三重親膚Ceramides、透明質酸及Niacinamide(維他命B3)，帶給肌膚保濕潤澤，同時維持肌膚表皮屏障功能。當中嘅ceramides對皮膚修復屏障係好重要！即係令我哋皮膚更穩定嘅成份🫶🏻另外配方與皮膚科醫生共同研發，不致粉刺性配方 ，通過敏感測試 ，低敏配方， 無添加 Paraben 、香料、酒精(指乙醇) ，適合中性至油性肌膚及敏感肌膚，所有肌膚都啱用！

shadowchan 好用推薦：好開心收到@cosme既試用產品。之前係網上都見過有人推介KERASTASE既防掉髮系列，都已經好想買嚟試用。 我自己本身啲頭髮又幼又薄，又易出油，成日一出街個頭就已經塌哂，呢幾年間中都會燙染，仲有脫髮問題。再加上岩岩生完3個月，好擔心同正正開始有產後脫髮問題，收到呢set試用岩岩好❤️ 佢呢個系列包裝好靚，唔講都吾會知包防脫髮，一打開就聞到淡淡既果香，先講佢既防掉髮洗頭水，好易起泡，一路洗已經好順滑，加埋香味成件事都好舒服，吾似其他牌子既防脫洗頭水又乾又撠，洗到打哂結。防髮方面，未用之前一洗頭會甩一小攝，而家用左10日到，每次洗頭系逐條甩，吾再系一拉就一攝系手，明顯甩少左，效果都幾滿意👍🏻同埋用左呢隻洗頭水之後，就算而家又熱又濕焗，出完一日街個頭都唔立同塌，個蓬鬆度都keep到👍🏻而且佢個香味真系last到24小時，到第日洗頭都仲聞到陣香味，好驚喜！連我老公都話我個頭好香，問佢可吾可以一齊用🤣 答案緊系吾可以🤭🤭好耐未試過有洗頭水有呢個效果🤩💯💯 佢嘅護髮露同髮膜用落都好順滑，沖完水吾會好似洗吾乾淨個種，護髮露用量要多少少頭髮先夠順滑。因為我用開既防脫洗頭水太旱，所以我習慣淨係用髮膜

oreochan好用推薦：我想女生們一定明白的煩惱，就是家中地上每個角落都會出現一團團斷落的頭髮。 當意識到這個問題開始越來越嚴重的時候，就決不能坐視不理了！ 這次很開心獲邀試用KÉRASTASE Genesis 雙重防掉髮護理系列，全系列包括防掉髮輕盈浴髮乳、防掉髮修護護髮露、防掉髮修護護髮膜和雙重防脫修護精華。 先說說我的髮質是細軟自然鬈，髮量不多。但這幾年開始輕輕用手抓梳，已經很容易會掉髮。 以防掉髮輕盈浴髮乳，配合防掉髮修護護髮露一起使用了超過兩個星期的時間。 浴髮乳是透明顏色，每次使用前我會先加一點水在手心搓起泡，如圖所見，搓起的泡泡是較稀疏輕盈，不像有些化學成份較重的洗髮水一搓即時綿密豐盈的泡泡。 雖然看起來不多泡沫，但塗上髮絲後又剛剛好足以輕易地抹混全頭頭髮，又不會像有些標榜天然成份的產品太少泡沫洗不乾淨的感覺。然後通常我會用洗頭水洗髮兩次，經過第一次把頭髮的灰塵髒物洗走後，第二次的洗髮水會更容易起泡，這時就可更徹底地清潔頭皮。每次使用1圓份量，搓揉時充滿果香氣味，而且洗髮後也可以持香一整天。 我很喜歡洗髮後的自然蓬鬆感。特別是細軟髮質的我如果用到太滋潤的產品時會容易扁塌，所以吹乾頭髮後

chasiutung好用推薦：Ysl恆時輕透霧光粉底液 spf20 新版同舊版都有買過 先講講皮膚狀況 我膚色黃皮1.5白 混油敏感肌 夏天出汗同出油量都算多 有痘印  質地: 新版Ysl恆時輕透霧光粉底液 質地同舊版吾同 粉底液流動性強 上妝更好推 更輕薄  色號: 新版我買嘅色號係Ln4 舊版係b25 新版色調偏黃調 舊版色號氧化後偏紅 對我黎講新版色號更合適 新版粉底液改善左粉底氧化暗沉嘅問題 💕 妝感: 舊版嘅妝效更奶油肌 出油後反而妝感更靚 不斑駁 無溶妝 有種出油同粉底自然融合嘅感覺 新版嘅妝效更霧面更雅致 控油力更強 妝感更輕薄 上妝後有點乾 鼻翼眼底會卡粉堆積 妝前要做好保濕🫶 持妝： 新版嘅控油力更強 但持妝效果沒舊版好 半天左右會斑駁同少量溶妝 舊版不太控油 但出油後妝效仍然好靚 一整天妝感都好靚但會少量暗沉 總括： 我個人比較喜歡舊版嘅奶油肌妝效 喜歡新版嘅粉底流動性 喜歡新版嘅色號同埋改善左粉底氧化暗沉嘅問題 兩支整體都算吾錯

SKY好用推薦：首先謝謝@cosme 給我試用的機會。這次試用的是恆時輕透霧光粉底液 和 恆時啞緻蜜粉。 我的膚質是混合性皮膚，額頭鼻子比較容易出油。皮膚問題是有點膚色不均，鼻翼有泛紅。 試用色號是LN4，和我本身使用的粉底色接近，實際上臉也和貼合我本身的膚色。如果像我一樣是黃二白的朋友建議可以選這個色號。左邊是LN4，右邊是現在用的粉底液。 粉底液的流動性很高，質感輕薄，有明顯的香味。 有防曬係數SPF39 PA+++，如果是平時上班大部分時間在室內我就不加防曬了，但如果當天要出去戶外就一定要再擦防曬。 這瓶粉底液是25ml的，比一般的30ml少。 整個試用過程的天氣清涼，不算熱。 這是一款讓我很難打分的粉底液⋯⋯ 在以下的不同情況下想打的分數差別挺大的，只好給個中間的分數了⋯⋯ 1）只上一層粉底液，戴口罩少於2小時： 4星，底妝沒有浮粉或斑駁，但掉粉比較多。 2）上一層粉底液加蜜粉，戴口罩6小時： 5星，底妝沒有浮粉，只有顴骨有輕微斑駁，輕微掉粉。 3）使用保濕底霜，上兩層粉底液加蜜粉，不戴口罩： 4星，遮瑕力佳，只有輕微掉粉，鼻翼有浮粉。 4）使用防曬，上一層粉底液加蜜粉，全日戴口罩

olitong好用推薦：潮濕天氣大平反😆看見很多人說這款蜜粉很乾，事隔一段日子後我要為ysl平反，因為原來這款粉在濕度100%的日子才真正發揮其最佳效用，之前收到試用時天氣偏乾躁，把它閒置了一段時間，但最近勁潮濕就突然唸起佢！一搽上面不單乾爽不脫皮，更全日不太出油，切記用掃上，比用用粉撲效果好，現在已經用到見底！🤭 ⭐️能遮蓋鼻翼粗大毛孔，持久控油⭐️ 很多謝@cosme & @YSL 今次抽中我體驗YSL的ALL HOURS SETTING POWDER 恆時啞緻蜜粉🩷 本身膚質屬於混合性肌膚的我買護膚品和化妝品都相當困難，T字位油到經常出瘡，U字位就成日乾到甩皮，所以我很少一支化妝品走天涯。 今次YSL的蜜粉外盒非常簡潔漂亮，磨砂黑面配令身金色盒底，高貴大方，方形盒身亦非常方便收納，唔會碌嚟碌去，我個人是很滿意。 而這款蜜粉有很清新的茉莉香氣，相比過往YSL唇膏那種甜味，我更喜歡這次蜜粉和粉底液的香氣🩷 隨蜜粉附送的粉撲是薄薄的那種，放在粉盒的下層，帶出街也很輕便，而且薄身粉撲可仔細地用在局部多油的位置，如鼻翼等邊位或彎位，都會比用厚粉撲更方便。 由於這個蜜粉是白色的，因此用上臉一定會比本身原

水萱草好用推薦：今次試用嘅YSL All hours setting powder恆時啞緻蜜粉，好靚嘅包裝，好好聞嘅味道，真係好鐘意！！今次係試嘅粉底同一啞緻系列嘅蜜粉，粉盒面係黑色印有logo, 盒身係金色嚟，個手感好好打開後係有兩層，一層係粉餅，下面放塊粉撲，當然一定有連塊鏡啦 一打開已經即刻聞得好清香嘅茉莉花味道，真係好鐘意呢個味道！！索一索舒暢哂😂個粉餅好雪白，勁靚，佢入面含有吸油因子同微細無砂粉末仲加咗滋潤因子，好適合香港潮濕嘅天氣，佢可以做到24小時長效遮瑕同控油！仲好過用吸油紙呀！！ 蜜粉最緊要唔好出現灰白感，佢咁雪白同咁微細嘅粉末一定唔會！ 可以用碎粉掃掃上面會自然，如果要遮瑕嘅就用佢配嘅海綿多層咁拍上臉，值得一提係我初初心諗無配條手帶嘅，好似唔係咁好用，然後細睇！佢兩面個質地唔同架！可以雙面用，一面係絨毛面，一面係海綿面！！太好啦,咁樣出街可以帶少樣嘢啦！絨毛面好好摸😂😂😂，哈哈！總之就好鐘意好鐘好鐘意，要講多幾次,無論個包裝定味道定個餡，都非常鐘意！