乾燥 推薦好用產品

Kura好用推薦：好鍾意用呢款頭皮凝露，用完成個頭都覺得乾淨咗，用咗一段時間最明顯就係頭油少咗，頭髮冇咁容易變得咁油，頭髮洗完變得更加輕盈，呢款頭皮凝露嘅質地如圖係好水潤，搽上頭嘅效果如圖所示，搽完我都會按摩一陣頭皮先洗頭，會有小小泡泡，容易過水清洗，我個人非常鍾意呢款頭皮凝露，我會無限回購，真心難得搵到啱嘅，推薦俾大家 @cosme

Ni好用推薦：質地透明帶有一點黃綠色的凝膠 偏水 尖頭設計容易均勻塗抹頭皮 我是使用於洗頭前乾髮 慢慢加一點水搓揉按摩 為頭皮去角質 沖洗後再洗頭 沒有顆粒感 很輕盈 聞起來柑橘薄荷味 使用兩週下來頭皮比較不容易長痘痘、皮屑了 以一週使用一次來說效果相當不錯 #火熱新品

ChingLam好用推薦：臨近冬天又有生日優惠 所以就心動去買左一支按摩油 RMK的美容油係水油配方 每次用前都要先搖勻確保足夠混合才可以使用，滴三滴在手心輕輕搓暖，然後按上面部輕輕按摩，幫助吸收之餘還可以當作排毒。 香味是淡淡橙花，按摩同時吸入香氣可以舒緩心情，放鬆壓力。 美容油可以讓皮膚快速吸收，就算夏天搽都無油膩感。

Ressie14好用推薦：呢支按摩基底油係我上年秋天嘅時候經過專櫃被推介而購買的。因為年紀漸大，加上肉眼見自己肌膚容易乾燥（我本身混合偏乾）所以想試下以油養膚。 （圖片係我用過上年秋冬天餘下既份量 ） 有香濃嘅柑橘果味，加上沖完熱水涼既蒸氣會將手上、臉蛋上既柑橘氣味揮發出來，好似自我做完spa 一樣，相當治癒！  至於肌膚能否吸收，我感覺肌膚喺吸收完按摩油後，係會變得柔軟；用完呢隻按摩油後，我嘅肌膚亦沒有爆痘/炎症， 呢隻按摩又好fit到我混合偏乾嘅肌膚，差唔多肌膚狀態嘅美女可以安心使用！

Kitty 好用推薦：終於意識到用HR綠寶瓶嗰陣，我塊面皮比起以往任何時候都穩定。。。本身作為A酸同果酸愛好者，爛面泛紅經常發生，再加埋屏障脆弱之後，氧化暗沉又嚟層層加，就咁樣泛紅同暗沉反反覆覆。。。。 都唔係冇試過各種抗氧精華同修護面霜，但唔係太猛太刺激就係太厚太焗太笠，成日覺得有種治標唔治本嘅感覺，就冇一隻夠抽HR綠寶瓶嘅，用完塊面即刻就唔紅唔敏、舒舒服服，跟住越嚟越光、越嚟越嫩，用咗大半支落嚟成塊面變得水潤又穩定、細膩又乾淨，皮膚質感正到照鏡會上癮。 畢竟對我哋呢啲脆皮嚟講，敏感泛紅同氧化暗沉就係個死循環，你個屏障好脆弱好易泛紅，外界氧化刺激同臭氧污染又加劇咗呢一點。。。因為氧化壓力產生嘅自由基會破壞細胞功能，細胞更加容易受刺激著火，進一步促進更多嘅活性氧產生，有啲似皮膚裡面自帶咗一大堆bug代碼，補咗東牆漏西牆，呢樣亦都係點解好多修護精華面霜效果有限嘅關鍵原因。 所以可以同時搞掂刺激泛紅同氧化暗沉嘅綠寶瓶，遇到就好好珍惜啦，確實由用料去到效果都可以同其他牌子拉開一大截差距，精挑細選咗布列塔尼海岸生命力頑強嘅海茴香、用尖端細胞萃取技術將癒傷組織細胞嘅能量榨取乾淨，上面就可以修護受損細胞、加強細胞連

AmyAmy好用推薦：質地唔錯，容易推開，快吸收，亦都夠保濕，用完唔會油，暫時只係用咗幾日，未見到有好明顯嘅效果，但係皮膚泛紅、甩皮、毛孔粗大問題有少少改善。 雖然效果唔錯，但係價錢令我有啲肉赤。 

Fish Tse好用推薦：就黎過年啦！係拜年既時候通常都會去好多地方同埋要長時間持妝，所以我覺得用妝前令到底妝更加細緻同持久都好重要 哩款補濕抗氧妝前防曬底霜就好合適，適逢今年新年天氣會比較凍，由其乾肌既sis對於保濕既需求就會比較高 有透明質酸水膜精華、維他命B8複合物水芥萃精華BG等成分具有深層保濕、修復肌膚細胞提升彈性同肌膚既緊密度最重要係鞏固鎖水屏障咁肌膚先可以鎖到水份 妝前使用仲可以令後續底妝更加細緻、清爽唔泛油，即使持妝時間長都唔怕會變花面貓

Jenny Fu好用推薦：超級大推！！ 喺日本機場免稅店買， 返香港由天氣凍用到依家夏天， 超級好用！本身混合性偏油。 佢個質地好輕，搽落去好快吸收 完全唔黏笠，本身搽防曬就要搽一定嘅份量先有效 就算厚搽都唔會覺得好厚重！ very good!! 搽上面亦唔會泛白 基本上冇色亦冇乜香味。 會持續用落去！

mandy好用推薦：Lululun Hydra-Ex-Mask Exosome 全效煥活再生面膜 $68/ 7片 from Watsons $130.20/ 7片x3包連毛巾套裝(再88折) from Watsons 全效煥活再生面膜是一款抗衰老面膜，添加了不少美肌成分，包括：保濕成分、抗衰老成分、抗氧化成分、美白成分及鎮靜消炎等成分，具保濕、提亮及緊緻3大功效。此外，全效煥活再生面膜不含有酒精、香料及色素，即使敏感肌也可以安心使用。 全效煥活再生面膜的尺寸相當好，大小適中，足夠我的面型使用，而且能緊貼面部，不用擔心敷面膜時會掉下。精華量方面不錯，雖然未至於好有爆水感，不過保濕力很好，使用感相當水潤舒適，沒有引起任何敏感不適。 使用後相當有感，肌膚真的特別透亮及帶自然光澤，亦更加水潤飽滿，連毛孔都看不見了。 至於緊緻方面未有很大感覺，不過法令紋也變得不太明顯。如果大家也是熟齡肌，推薦大家嘗試使用全效煥活再生面膜，可以多功能地美肌，而且提亮效果非常好，只需每天敷5-10分鐘，就可以輕鬆變美，價位也不高，算是不傷荷包，性價比高，值得一試唷！ 含保濕成分：甘油, 丁二醇, 甘油醇26, PEG/PP

Kitty 好用推薦：講起Lululun呢隻全效煥活再生面膜，真係幾啱我呢啲熟齡肌用。佢一包有7片，唔算貴，性價比幾高。 用落嘅感覺幾好： 面膜紙尺寸適中，算OK貼面，敷住郁都唔怕會跌。入面嘅精華都算足，保濕力足夠，敷完塊面係覺得水潤同飽滿咗。最驚喜係睇落膚色透亮咗，有自然光澤，連毛孔都冇咁顯眼。至於緊緻效果就未係好明顯，不過我覺法令紋好似有淡少少。 佢話係抗衰老面膜，入面有齊保濕、抗氧化同美白成分，又冇加酒精、香料同色素，我敏感肌用都冇唔舒服，可以安心用。每日敷5-10分鐘就夠，好方便。 總體來講，如果你係想搵隻功效全面、溫和又唔貴嘅日常保養面膜，特別係想抗初老同保濕，呢隻值得一試。

LenaC好用推薦：呢排沉迷煲劇 返工已經成日要睇電腦 又夜瞓 黑眼圈眼袋出晒嚟 為咗急救一下 決定揼本試試Caudalie 新出嘅抗黑眼圈眼霜 希望可以改善浮腫同埋黑眼圈 佢嘅主要成分係 : 葡萄蔓萃取液, 維他命B3, 咖啡因 都係純素成分 而且97%係天然成分 不含合成香料 所以都可以安心使用☺️ 佢質地係乳霜狀嘅 超級輕盈‼️ 好易推開‼️‼️ 最鍾意嘅係佢特製嘅陶瓷按摩頭 有種冰感嘅按摩效果 幫助擊退浮腫 我成日都鍾意用佢喺眼袋度推 用咗一個禮拜 好似有啲啲好咗？🫣🤣🤣🤣（心理作用？） 唔緊要啦好似冇咁紅腫？ （可能燈光問題 影得唔係咁好啫？😅🤣🤣） 再堅持用多陣🥹🥹‼️ #火熱新品 #BA照

mcosmetics好用推薦：Caudalie vinoperfect 眼霜主打抗黑眼圈。用左大約兩個月，唔覺黑眼圈有改善。我眼底比較乾，冬天夜晚用唔夠潤。好處係冇乜香味，唔會敏感/生油脂粒，按摩頭都好用，涼涼地按眼係幾舒服。下次有機會試下佢premier cru 系列眼霜，唔會回購vinoperfect.

popocarcar好用推薦：價錢便宜，容易推開，絕對無擦膠碎。 可以遮蓋到6成鼻翼嘅毛孔～

Bubu好用推薦：benefit毛孔細緻霜平替，上粉底之前搽，粗大毛孔都填平到7-8成，性價比一流！

Noelle S好用推薦：冷氣房番工要保濕，有時要外出工作，隨身攜帶40ml櫻花味補妝用。夏天用粉餅然後噴定妝噴霧，可以定妝又減少粉感。記得搖勻十下先噴！

格仔餅公主好用推薦：#火熱新品 櫻花味好清聞極都唔厭，最鍾意定妝之前噴成塊面香一香先之後再上妝，唔只個妝貼啲冇咁易甩仲有陣香味，可惜櫻花係限量味道希望下年都會再出啦。

Kura好用推薦：呢款沐浴露嘅味道適合全家人一齊用，味道好好聞，好清新舒服，容易過水，用完皮膚清爽，不油膩保濕滋潤度夠，夏天沖涼必備 @cosme #夏天 #保濕 #護膚

KDing好用推薦：多人家庭幾啱用，因為容量都比較大，呢啲會性價比幾高，清潔力算係唔錯，但係滋潤度就唔係太高

Noel好用推薦：Benefit 胭脂水都頗為有名氣，使用方法相當簡單、便利。只要輕手點兩下，再用美妝蛋拍開，或者用手指推開，就能得到美美的妝效。包裝非常可愛，白色蓋子配上紅色金屬色管❣ 這枝是比較櫻桃紅色的 #lovetint，沒有添加香料，帶一點點化學味道，不過味道會隨著 sheer out 的過程散去。顯色度頗高，而且染色效果相當理想👍 凡是去旅行，我都會選擇一物多用的 item，因為可以帶少一點化妝品❗女仔嘛，總係要帶很多美美的飾物，髮夾等等，旅行去打打卡🥰這枝 Benefit Love Tint 就恰到好處，同時可用作染唇液及胭脂液👌 #出國必備彩妝 #BA照 #BeforeAfter

popocarcar好用推薦：胭脂水可以用來做脂肪，不過要快手推，不然乾到推唔開。 Love tint 顏色唔透薄。

Fng好用推薦：RMK 呢支精華卸妝油（Serum Cleansing Oil），如果以「成熟偏乾肌＋香港冬天」嚟講，我會形容佢係一支好溫和、卸得乾淨、但用法同感受同傳統卸妝油有少少唔同嘅產品。 質地同使用感💛 佢質地係比較輕身嘅油，不係好厚重嗰種膏狀油，推開好滑，好易喺面上面郁開，按幾下已經可以推晒全面。 最大特點係💘： 官方設計係「唔使加水乳化，都可以直接抹走」，即係你可以用乾手乾面按摩開，之後用化妝棉／濕毛巾抹走，再用洗面產品清潔，就已經 OK，對於唔鍾意喺面度搓好耐、驚拉扯皮膚嘅熟齡肌，係幾加分嘅。 用喺冬天、冷氣房之後個面好繃緊嗰啲日子，第一下推上面會有一種「精華油」嘅感覺，多過「純卸妝油」：油膜薄薄一層包住皮膚，按摩幾十秒之後，粉底、遮瑕、胭脂基本上好易溶開，唔需要大力推。官方都強調係為咗減少摩擦、減輕皮膚負擔，呢點對成熟偏乾肌幾貼心🥰。 卸妝力同清爽度以日常妝、足夠份量防曬、一般粉底嚟講，卸妝力夠用，而且眼影、胭脂都溶得幾乾淨。如果係防水睫毛液或者超持久眼線，我會建議你用專用眼唇卸妝先處理，再用 RMK 精華卸妝油做全臉，會保險啲。抹走之後，面上係有一層「好似啱啱搽完輕油精華」嘅潤

lingbb好用推薦：- COLLAGEN系列嘅產品都含有三種膠原蛋白：膠原蛋白、彈性蛋白和透明質酸，此外，含有法國直接進口的優質原料Gattefosse成分，有獲得專利的11種成分，毛孔+彈力專利原料 - 主打補充膠原蛋白，以打造緊緻潤澤的肌膚。改善乾燥引致粗大毛孔和產生皺紋的肌膚，保濕度比較高，有抗皺功能，也適合脆弱肌膚。 - 質地透明較厚身嘅水狀，流動性高、 唔太黏笠，保濕算中上，香味淡淡香，後續用埋成條line，覺得好用過積雪草系列。 - 適合後生一點嘅夏天秋天肌膚保養

Noel好用推薦：朋友推介入手的 Medicube 膠原潤膚水，購買時正在進行 1+1 優惠，相當划算啊！潤膚水近乎透明，質感帶點稠，有點似精華水／啫喱水，潤膚感覺很不錯❗而且濕敷的效果，比單塗要更好💦 唯一缺點係香味很重，有點 overwhelming，對香料多少或味道有要求的朋友，要先試用，不要盲目購買。

Luna好用推薦：Freeplus保濕化妝水使用心得分享 產品全名： Freeplus 保濕修護化妝水（深潤型） 個人膚質： 混合偏乾，容易敏感，面頰位有時會繃緊 ✨ 使用感受： 1. 質地同吸收度： 我揀咗「深潤型」，質地比較潤，倒出嚟有少少稠身，但拍上臉之後吸收得好快，唔會黐立立。夏天用都唔會覺得笠，冬天就更加舒服，補水力足夠，用咗之後肌膚好水潤透亮！ 2. 保濕效果： 用咗之後面頰即時冇咁繃緊，皮膚摸落去軟熟咗。如果上妝前用，底妝會貼服好多，唔容易起乾紋。長期用覺得皮膚穩定咗，冇之前咁易出粒粒或者泛紅。 3. 溫和度： Freeplus呢個系列主打無添加，冇酒精、香料、色素，我用落完全冇刺痛或痕癢，敏感肌都可以放心試。就算皮膚狀態差嘅時候用，都唔會加重負擔。 4. 氣味同包裝： 基本上冇乜味，適合唔鍾意香精嘅人。樽身設計簡單，泵頭好按，容易控制分量。 ⚠️ 注意事項： · 如果係油性皮膚，可能揀「清爽型」會更適合。 · 建議配合化妝棉輕輕按壓，吸收效果更好。 · 價格中等，遇有折扣時入手比較划算。 總結： 呢支化妝水適合追求溫和、基礎保濕嘅人，尤其係敏感肌或者皮膚唔穩定嘅時期

Sccan好用推薦：化妝水一向無咩特別要求，因為皮膚比較乾，通常會揀有少少潤，依個牌子未試過，第一次試。 質地：gel狀好杰身，樽身較硬， 好難倒出要chok出黎 效果：保濕持久 用後感：水感好夠，塗上面完全唔笠，好保濕，夏天雨天用都好適合，因為質地厚身，塗完化妝水要等佢吸收先可以後續保養。

Tobimak好用推薦： 呢隻Snow Fox嘅櫻花面膜一打開包裝就會聞到淡淡櫻花味，有種仿如置身日本的感覺。佢有保濕、抗氧化同舒緩功效。我會係出席重要場合之前一晚使用，因為會令第二日既妝會明顯貼服左，而且冇化妝既時候皮膚都冇咁暗啞。我認為呢隻面膜試過便會愛上，而且價錢唔算貴，好值得買返盒看門口😚

lingbb好用推薦：- 100%天然、ACO有機認證、SGS質量安全認證 - 好鐘意櫻花同白茶嘅香味，敷住好舒服， - 含舒緩成分、抗氧化成分、保濕成分 - 可以改善善乾燥、暗啞及敏感膚質，鞏固屏障，即時令肌膚飽滿、膚色均勻、細紋撫平， - 用完皮膚即時透白，無論保濕、嫩滑、亮白同抗氧化效果都相當令人滿意 - 回購！

choichoi好用推薦：這個遮瑕膏帶有仙人掌精華因此濕潤度蠻高還帶些滋潤的感覺，完全不會卡粉結塊也不用擔心眼底的細紋問題，用絲滑去形容它完全不過分，眼周屬於乾和有些乾紋的我用起來完全是盛讚不斷，因為蓋到眼圈瑕疵跟不用擔心顯乾非常棒 #火熱新品

zetalhc好用推薦：呢個係fenty beauty嘅修容高光棒，好容易使用，而且帶微微閃光感，可以令妝容更加立體

YiN好用推薦：呢罐已經係我買過嘅第二罐。首先Factiv係香港品牌我已經覺得要支持吓，同埋我好鍾意佢有清楚講明佢嘅產品主要有效成份係咩，等我知道自己用緊啲咩，可以做多啲research。呢盒CRM3主要加咗3% 神經酰胺複合物，可以幫補返流失嘅皮膚屏障脂質，強化角質層，減少水分流失。同埋加咗Tripeptide，有助膠原蛋白生成、撫平細紋。按真空按壓樽設計，免除咗平時廣口瓶面霜要另外搵匙羹同埋容易接觸空氣氧化嘅問題，我上一樽用晒嘅空樽都拎咗嚟裝其他面霜，真心鍾意呢種樽。係超級濃厚滋潤嘅質地，搽完覺得喺皮膚留咗一層潤嘅膜，但又唔係有一層油黐笠笠嘅感覺。我自己覺得好適合喺搽完精華之後，搽一層喺面封住啲水份同營養喺皮膚。 我本身係混合性乾肌，喺香港潮濕悶熱嘅夏天用係會覺得焗，但秋冬用就覺得唔錯，之前有一段時間住喺日本，佢都幫到我頂住日本超級乾燥嘅天氣。當我搽A酸嗰陣皮膚屏障有啲受損，有啲紅同甩皮嘅時候，我就會搽佢去修護返皮膚。

Desse好用推薦：Factiv CRM3紓敏修復面霜 香港品牌出品，就梗係要試啦😗 精華就已經用完，去補貨前就一於試曬上次送嘅sample, 睇吓一唔一齊入手😗 成份含3%神經酰胺複合物同Tripeptide，幫補充皮膚流失嘅屏障脂質，強化角質層，減少水分流失 質地就偏厚身但唔難推，搽完有層潤膜感但唔油笠，比較適合秋冬或乾敏肌用，尤其用完精華後封住水份超有感👍🏻 🧏🏻‍♀️🧏🏻‍♀️實試之後呢… 水潤感覺算幾強 我醫美後嘅敏感泛紅都有改善 但夏天會覺得稍焗 秋天再試 會考慮入手😏

Meoww好用推薦： 今次curel推出了濕身用身體乳，這款是專為乾敏肌設計，而且用法超特別是沐浴後抹身前用！ 身上還有水珠的時候，泵出適量的身體乳塗抹開，一點都不黏立，很輕鬆就能推開，吸收得很快，一年四季都啱用！掛鉤設計，掛在浴室裏真是太方便！現在已經養成每天塗身體乳的習慣！有時候看到 優惠囤多幾盒❤️❤️大人小朋友都適合用😍這包已經是回購了第兩次

劉肥貓好用推薦：無香料 色素 酒精 使用方便 用後無敏感 呢隻產品用法係沖涼後抹身前 等全身有水份就塗上再用毛巾抹乾水份，但我發覺用毛巾抹乾水份好像同時同潤膚露一同抹去冇乜滋潤效果 我自己就會響沖涼後 全身有水份抹身前塗上 之後我會用風筒吹乾全身 再着衫 滋潤效果就會感覺到

Poyobb好用推薦：用法全面薄薄地敷5-10分鐘，用少少水打濕面部，於鼻翼額頭下巴等毛孔粗大位置再按摩2分鐘，然後沖洗乾淨。敷完之後直接茶返日常護膚品就可以，建議可以加強保濕💧 洗乾淨之後，全面都好滑溜，有點煥然一新嘅感覺🥰好似所有污糟嘢都洗走晒，而且膚色係明亮咗。因為呢款係淨化修護面膜，而家夏天可以每星期使用一次。我會喺皮膚爆瘡或者出暗粒嘅時候特別鍾意使用，連敷幾日，感覺暗粒會快啲謝，而且暗瘡傷口係快好曬。佢唔會令到你啲黑頭消失，但可以令皮膚少啲出油，同時深層清潔到你啲皮膚，毛孔冇咁易積聚污糟嘢👍🏻 對比都係清潔面膜既白泥，用完白泥之後會令皮膚好乾燥，皮膚會泛紅，非常刺激強烈。HR依款面膜相對較溫和，但啱啱茶面膜上面都帶啲刺激感覺，唔建議敏感皮膚/皮膚薄嘅人士使用。

Kelvin好用推薦：塗抹式面膜，淡黃色乳霜，敷完會深層清潔毛孔。 官方用法塗上面後待10分鐘，先輕按摩至完全吸收(不用沖洗) 然後將多餘面膜抺走，再進行晚間護膚程序便可以！ 出嚟嘅效果係超級刺痛，用完塊面會泛紅。用1-2分鐘已經好唔舒服，但我嘅皮膚又唔係特別敏感！功效完全看不見！

Suki好用推薦： 最近專櫃送咗shu uemura 植村秀的Ultime8∞ 山茶花潔面泡，本來對這款產品期待蠻高的，但實際使用後感覺有點複雜，用嚟洗面感覺比較偏乾。清潔力還算可以，洗完臉後肌膚不會緊繃，但也沒有特別保濕的效果，整體來說比較普通。對於我這種偏乾性的膚質來說，可能需要再搭配一款保濕性更強的潔面產品。

brenda好用推薦：他有黃色和橙色包裝兩款，這支黃色的是適合敏感肌用比較溫和，味道有淡淡的柚子香味好舒服，用後感都良好，清楚乾淨唔會崩緊會再回購

Tszki好用推薦：「控油補濕 AC 粉」通常是指 Innisfree 的「控油保濕 AC 散粉」（No Sebum AC Powder）。這是一款針對油性及問題肌（痘痘肌）設計的定妝蜜粉，主打在吸附多餘油脂的同時，維持肌膚水分平衡。  配方較溫和，適合容易敏感或有痘痘困擾的「問題肌」（AC 指的是 Acne Care 或類似針對痘痘肌的護理）。 多用途用法 瀏海去油：取少量粉末拍在出油的瀏海或頭頂，可讓頭髮恢復乾爽輕盈。 眼妝打底：在畫眼影前輕掃於眼皮，可減少眼部出油導致的脫妝。