An.na.py好用推薦：十分感謝被抽中試用該產品！🙆🏻‍♀️ 持續使用了一段時間，跟大家客觀地分享一下我的用後感！🤓 首先就產品外觀而言，包裝十分漂亮，使用透明樽身配搭粉藍色和粉紅色，給人一種夢幻的少女風格。而這個”Repair & Shine”系列是用偏粉紅色的～😍 而且透明樽身的好處是容易快速分辨出透明的是洗髮乳，而乳白色的是潤髮乳！😹 再來是產品的氣味，由於以蘋果和茉莉花調去調製，所以香氣偏向清新且多一份甜味，聞起來怡人舒適，並不會覺得俗或難接受，而留香效果亦相不錯。🌸 然後就產品特性和效果而言，十分補濕！因為以往頭髮的吸水能力並不太強，持續使用後，缺水的頭髮有明顯改善，更貼服！洗髮的時候明顯感到頭髮的吸水能力加強了！而且髮質有相對變好！🧏🏻‍♀️ 說到這樣好的保濕效果，便可歸因於產品本身有保水力強的美容精華！有400%之多！再加上其他美容成份才令髮絲被有效地滋潤及修護，使頭髮更柔順！所以沖水時，會即時感覺到頭髮的滑溜感👍🏻

Imelda 好用推薦：好多謝@cosme及@LUX 給予今次機會可以試用LUX嘅最新產品：髮の水亮瓶保水美容修護光澤洗髮乳及潤髮乳。 香味：根據產品介紹，這套洗護系列係帶有以蘋果及茉莉花調配嘅清甜香氣，實際使用嘅時候，洗髮嘅時候會有陣淡淡嘅甜香，但沖水及吹髮後就已經沒有殘餘嘅香氣。個人覺得幾好，一來唔會成日聞到香味以為自己沖洗得唔夠乾淨，二來唔駛怕與本身使用嘅其他造型產品或護髮油嘅香味唔相容。 洗髮乳：起泡力強，只需擠一泵，輕輕在掌心揉一揉，就已經可以產生大量嘅泡泡，覆蓋所有頭髮，之後再沖洗乾淨，用毛巾輕印濕髮，然後再搽潤髮乳。 潤髮乳：基於長髮嘅關係，我每次都會擠兩泵，由髮尾開始慢慢向上塗抹，務求所有頭髮都能沾到潤髮乳，過兩分鐘後再用清水沖洗乾淨，直至頭髮再沒有黏膩感覺。沖洗後，先用毛巾輕輕印乾，再用冷暖風交替吹乾。 第一次試用，一開始洗完頭嘅時候會覺得髮質有啲乾，但吹乾頭髮之後，就發現頭髮變得順滑，好有驚喜。試用咗10日後，頭髮除咗越嚟越順滑之外，亦變得更有光澤，毛燥感亦減少咗，效果好好，好期待之後試用同系列嘅其他產品。

KDing好用推薦：岩岩一開始上妝個妝效好靚 閃令令 但係過多幾個鐘之後 d閃粉就好快甩曬

Blueblueblue好用推薦：好多地方都有設開架櫃，十分容易買到。 閃粉幾大粒，跌到眼肚到都有。

Hchan好用推薦：忘了在網上哪一篇評比文章介紹這條潤手霜便宜又好用，所以就買來放辦公室日常使用。平日用潤手霜都蠻挑剔的，不愛黏手的，油膩的，工作不方便；不愛太清爽的，滋潤無感的，所以這條用著算不錯。 用量不多，膏狀質地，推開後有淡淡的妮維雅經典的香味，在辦公室使用不會過濃影響別人，使用後滋潤度不錯，但又不會有油膩感，用後摸電腦只有少量手指模印，挺合我心意，會回購。

維他他好用推薦：擺office用的handcream, Nivea d 補濕幾好，潤得黎又唔笠，又有少少香味，得閒搽一搽，可以用好耐

Fng好用推薦：ysl water stain我買咗612號色，佢質地偏厚， 係有少少帶橙色嘅鮮紅色，非常顯白， 同埋進食後就算甩咗面頭嗰層，個嘴都會有五成顏色喺度，但滋潤度就一般。

chasiutung好用推薦：Ysl持色水唇釉 質地偏水潤 不黏立 成膜後不掉色 不顯唇紋 顯色度高 剛上唇是偏淺粉色 會慢慢變深 味道怪怪的有點苦 606 色號 淺唇塗顏色偏粉嫰 深唇塗會紫粉 色

kvet好用推薦：多謝 @cosme 抽中我試用kiehl’s 呢2支精華。 先講一講藍色呢支三酸煥膚精華，佢係液體嚟，用落係冇乜化學味或者香味，呢點要讚一讚。教學係教當佢爽膚水咁搽上面，所以佢係好吸收，基本上一搽上面好快就會吸咗。一般用係冇乜刺激性嘅，不過始終佢都有啲酸性，如果你做完針清或者有啲小傷口咁佢搽落去係會有啲拮拮地嘅。呢支頭幾日搽我覺得皮膚未適應係有可能有少少粉剌，但用多幾日基本上冇問題了，皮膚keep住都穩定。 之後講下另一支透明嘅維c淡斑精華，佢質地相對杰身，真係精華嘅質感。搽上面唔會有一個好乾嘅感覺，反而會有一個好滋潤嘅感覺，keep住都有啲潤。而呢2個精華夾埋一齊用真係有一個美白嘅效果，用左大概14日，本身皮膚係好黑嘅，但真係有一個美白效果。可以睇一睇對比圖。 皮膚顔色真係亮白咗，亦都多左光澤同睇落冇咁乾，雖然毛孔大細好似冇特別收細，但係白同潤嗰方面係有啲效。所以我覺得如果想美白嘅朋友可以一試。

sharonchowcc好用推薦：近年Skin care promote喺skin care routine入面定期用酸類產品去達到煥膚嘅功效。之前都有試過用唔少酸類產品，但都因為刺激皮膚，用完皮膚紅所以無用落去。今次第一次用Kiehl’s醫學三酸煥膚精華，連續用咗14日，以下係我嘅使用感受🙆🏻‍♀️ 產品性質：質地比較輕盈嘅精華，吸收速度較快，易推開。無明顯香味。 用後感：連續用咗兩個禮拜，明顯皮膚少咗粗糙同暗粒，平滑咗，皮膚明顯有光澤咗 (真係識反光)，無再好似之前灰灰暗暗，嚡熠熠咁😹膚色明顯平均過以前。毛孔收細方面，因為本身毛孔唔算好大所以無太大感覺。本身 最想大讚嘅地方係，依款精華做到酸類產品要做到嘅功效外，更好溫和一啲都唔刺激。之前用酸類產品經常會用到甩皮同皮膚發紅，但依隻連續用咗14日都無依個問題出現😍夏天用佢唔會太笠得黎都唔會太乾。 總結：大推俾膚色暗沉想改善，敏感肌，之前用其他酸類產品有不良反應嘅人。用完依支會想再買第二支😆 使用步驟：洗面後，先用醫學三酸煥膚精華，隨後使用醫學維C淡斑精華達至最強亮白效果。 再塗上保濕霜及防紫外線產品。 Before & after: 質地：

Akassoo好用推薦：見簡介話係素顏用完可以當偽素顏，對於平時懶化妝嘅我嚟講好似好啱用，不過用完發覺其實只係好似加咗層霧化 / 柔焦嘅感覺，但實際係零遮瑕同埋零防曬作用🧐 所以如果係嘅話可能化完妝用嚟當定妝更加有實際功用🧐🧐。 上完粉底之後用呢一個蜜粉嚟定妝，配合返佢嗰個粉撲，就會變咗霧面嘅粉底。

raissa好用推薦：已經用左大半年，無論係用黎定妝定作為素顏粉黎用都試過。好鐘意佢霧面嘅感覺，同埋擦完會白左一度，但又唔會好假。最美中不足係佢嘅香味，一開始聞覺得好香，但過左一排，就覺得唔想再聞，但擦上面係冇味，只係開蓋聞到，所以都可以接受

Rin好用推薦：好似是買東西剛好差點錢就夾單買了 是有個味道，奶奶地，塗上唇好像用乳液的味道 有4.8g, 比較大枝 滋潤度：剛上唇是可以，有點油笠的感覺 相對就有水潤反光在唇上，大概5分鐘後就沒有 放在公司用，沒有曬太陽不知道是否抗融 包裝簡約，扭上落順滑

Kpl6be6好用推薦：質地略嫌厚身～感覺只停留喺唇表面～無滲透吸收～不過價錢咁平～唔可以要求咁多啦～

何何好用推薦：呢支抗醣精華想試好奈，olay既美白精華不嬲都好深入民心，出名cp值高又有效☺️💓 第一次搽上面，覺得有啲啲那那地，可能有啲敏感，不過試多幾次都有同樣情況。。。結果放棄左，用黎搽手腳。。。 佢好好吸收，質地好輕身，有效均勻膚色。 佢個設計係好貼心既，因為有個特別design既泵頭，每次一開蓋就拎到一次既份量，可惜我面敏感用唔到。🥲另外，佢比平時既精華份量都多，有六十毫升，抵用❤️ 夏天到我想美白呀😑😑😑

Sccan好用推薦：Olay新推出嘅抗糖系列一直想試好耐，早排佢減價買左支試。 效果：少許提亮膚色 質地：精華液狀，較黏稠，易推不算透氣 香味：一貫Olay經典香味 用後感：用左兩星期，去斑就暫時未見效果但提亮美白係有少少效果，樽身設計係扭開一泵，份量剛剛好，都幾方便。

Kit wong好用推薦：之前聽人講過SKINCEUTICALS呢個品牌好用，但無研究過或用佢啲產品，今次第一次用呢隻面霜，好有驚喜！！ 先講下佢個質地係比較特別的，同市面一般乳狀或水凝狀面霜都唔一樣，一時三刻諗唔到似咩質地🤔 但一啲都唔笠，好快滲透。呢個面霜嘅吸收速度，應該係我用嘅面霜當中數一數二最快的，真係毫無殘留感但滋潤感又夠力，前排天氣好乾，塊面都仲係keep住好水潤保濕！ 質地使用感當然緊要，但最緊要都係功效。我想講呢隻抗老面霜，係堅有用！！因為我用左10幾日後，發現額頭嘅抬頭紋、眉間嘅皺紋、法令紋都有減淡‼️ 特別係眉間嘅皺紋，因為我由細到大都會皺眉頭，所以皺紋已經好耐了，睇落去個人成日都好唔開心咁，估唔到佢有減淡嘅一日🥹🥹感動！ 另外，我都發現到下巴鬆馳位置有變緊緻。皮膚本身有啲粗糙都變滑左，塊面好明顯因為滑左所以識反光左。真係真係有減齡feel，好勁‼️ 最後仲有一個bonus，就係之前我用一隻好貴嘅美白精華，但用親都起粒粒（唔知係咪美白精華濃度太高太刺激），搞到我唔敢用，之後我轉左用SKINCEUTICALS 面霜之後，皮膚好似健康左，於是再試下用返嗰隻美白精華，日日用都無再起粒粒🥳

stella好用推薦：非常多謝@cosme 邀請試用SkinCeuticals「抗醣活膚緊緻 霜」，試用七天後報告如下： 本人皮膚狀態：中性肌，皮膚稍乾，眼有乾纹和笑纹，全面有少許鬆馳問題, 有少許毛孔，鼻翼有泛紅和痕癢，有少許法令纹 面霜質地似雪葩狀 ，在手上乳化後 ，上臉按摩打圈 ，更容易吸收 , 吾油腻 吾立，夠 滋潤，有一點淡淡的香氣 。塗抹感覺幼滑 ，即時效果就已經有撫平眼部乾纹和填補細紋間隙，但暫時頸纹就未見有效果，可能試用時間太短吧! 但好神奇，第二朝起身未洗面，見塊面好有光澤，好緊緻好光滑，但又冇出油，好似有層薄膜在皮膚表面成形保護咁樣！不过，我認為晚上使用為佳，因為女生早上妝前用可能会和打底霜打结，就吾係咁好! 我將面霜用在法令纹再觀察皮膚變化 ，有輕微淡化 ,不过我認為抗皺淡紋係長期鬥爭 ,否則富貴人家就不用搭飛機去瑞士打咩羊胎素又去揾新技術改善樹頸纹啦! 買護膚產品面最緊要有臨床數據實證，這隻面霜用左12星期去測試效果 ，我令次旦係試用性質 , 做左，所以改善幅度確實有限！ 持之以恒有心改善皺紋既用家可以考慮試試！ 使用前和使用後完

Giselle 好用推薦：Biore 水嫩透亮洗面泡沫 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢個系列係biore早幾年推出嘅新系列( ˶ˆ꒳ˆ˵ )佢主打係一撳出嚟就可以有好豐盈嘅洗面泡泡用꒰◍︎⍢︎◍︎꒱۶啱晒我呢啲平時比較忙同懶又唔想嘥時間喺度搓泡泡嘅人用( •̀∀︎•́ )✧︎用完之後皮膚係feel到變滑咗 (✿︎´ ꒳ ` )♡︎而且皮膚偏乾嘅我用完都唔會覺得過乾❤︎(｡☌︎ᴗ☌︎｡)我覺得塊臉用完後好似有變得白咗少少( ˘͈ ᵕ ˘͈ )不過可能係因為我長期用先有嘅效果( ˙༥˙ )如果係想要即時美白效果嘅小夥伴呢款產品就未必適合哦( ･᷄-･᷅ )

Karman28好用推薦：呢支一唧出黎就係泡泡，唔洗自己起泡，比較方便，清潔力一般，敏感肌都可以使用，日常清潔，我覺得幾好。