Poyichung好用推薦： 🌱 2X雪絨花萃取 (#雪絨花酸 + #雪絨花幹細胞) 🌱 天然胜肽 80%肌膚傷害源自環境！ 全新系列以2x阿爾卑斯山珍稀雪絨花，為肌膚帶來強大防禦修復力，能有效抵禦環境中各種氧化危機！ 👉🏻 強韌肌膚屏障，高效抗氧抗污染 (擁有比Retinol多43%嘅抗氧力) 👉🏻 強大修復自癒力，深層滋養肌膚 👉🏻 實證5大活肌功效： ✅ 強韌健康 ✅ 細滑淡紋 ✅ 透亮光澤 ✅ 飽滿有彈性 ✅ 24小時補濕水潤 ✏️ 使用方法： 早晚潔面爽膚後🫧 取2-3滴按摩面、頸及肩， 亦可用作精華液前嘅打底‼️ 實證5大活肌功效 強韌健康 細滑淡紋# 飽滿有彈性 透亮光澤 24小時補濕水潤# 99%天然成份， 英國Vegan Society純素認證 *經106位用家試用4週後的自我評估 #經醫學實證

hellolulu好用推薦：BA極力推介有助抗污染、促進皮膚更生修復，但見有酒精、水楊酸和香料等敏感肌不友善的成分，安全為見先試用了幾包試用裝，確認沒有導致敏感和使用感不錯後，才自購了貨size (此為30ml，另有50ml裝會較抵)。 包裝簡潔，滴管能準確擠出所需份量。精華液呈透明，質地水潤，潔面後使用兩至三滴，按摩全面後再塗上面霜，暫時夏天初秋使用都夠保濕力。用了幾個月只用了約半瓶，都頗襟用。 使用數月以來感覺皮膚較穩定，即使日日戴口罩焗住皮膚亦比之前少了冒暗粒暗瘡，亦有朋友讚膚色望落較通透明亮，有動力繼續用😂

Viannie好用推薦：性價比極高，百幾蚊就有16色，好適合初學者/學生/想試多種顏色嘅人入手。我選擇咗呢盒USP09 phoenix 入手，顏色偏向紅橙黃tone, 貪佢多色玩。顯色度唔錯，係粉質唔夠細緻，一次過拎太多會上色唔均勻，不過勝在多元化，一盒有齊啞色，柔和珠光同較粗粒閃粉嘅色都有，可以做多種變化係幾好嘅。

Rin好用推薦：呢盒大名鼎鼎嘅NYX 16格眼影，我覺得基本上係會化妝嘅人人手一盒 眼影呢係用得非常之慢嘅其中一樣產品咁但佢嘅配搭又非常之多，所以呢有陣時就會買到成屋都係眼影 我覺得佢幾好用，係因為佢可以慢慢疊色，就唔會驚一下帶咗上去，然後就一達喺度 都有啲人話佢顯色度好高嘅，但係我覺得佢顯色度未算話好高，因為有一啲真係一上去你就救唔返 而且佢嘅飽和度較低，唔會突然之間好sharp 適合大部份嘅皮膚 可以做到好多唔同嘅妝效到適合一年四季用嘅

Minnie Tse好用推薦：簡直係Clio 的忠實fans 佢家的眼影我有7盒🌟 作為韓系眼影，不會超顯色，適合新手使用，慢慢叠加上去 雖然唔同盒都有唔同的combination, 但眼影大致上有4種texture： 1. 啞面 2. 小閃粉 3. 碎鑽 4. 大閃片 以呢盒15 Spring Sunshine 為例，就4種texture 都有齊 我會認為唔好選成盒都係閃個種，因為啞面的眼影真係好重要，做底色唔會顯腫 話晒一盒眼影 最好可以一盒帶出去都夠用，全閃片好難自己一盒用 當然Clio 眼影2/3盒一齊用 可以有好多好靚的combination 🌸🌸

Fng好用推薦：clio 十色眼影盤02 rose connect， 全盒粉嫩pink tone，由深至淺嘅粉紅色組合眼影盤，4格閃，有少少飛粉持久度 一般， 但粉質唔錯 ，顯色ok，適合打造近來韓糸夏日元氣妝容。

Haidy好用推薦：MAC嘅粉底液幾好用應該唔使多講🤣而家新出呢個妝前護膚超級好用！✨開始以為個花瓣面霜會好厚重，點知佢勁輕薄！延展性非常高😆比起其他面霜來講，呢個花瓣面霜好啱來做妝前保濕！配合埋佢嘅花瓣精華，上面嘅感覺非常保濕水潤！呢個配搭特別適合乾皮/嗰日皮膚特別乾嘅靚女🤣完全唔會厚重/搓泥🥰仲要都幾乾爽添！ 搽完上面可以見到即刻有光澤咗！之後上妝都非常貼服✨ 曬完妝之後妝感真係好好！

Venus Chan好用推薦： 本身覺得Mac嘅化妝品比較岀色，所以都冇乜機會去試佢地嘅護膚品~😳 (p.s. 本人混合肌，冬天的時候T zone偶爾會岀油) 不過我so far用左一星期呢一罐「貼妝花瓣清透煥顏保濕修護面霜」之後，第一個感覺同同系列精華一樣，都係係覺得好香牡丹味🤣質地比較稠，係修護面霜嘅質地，不過上面又唔會好難吸收wor，呢點做得幾好👍🏻 上完個一刻感覺好補水，光澤感upup 🆙🆙。的確做到皮膚更平滑柔軟、彈潤感即時提升😳 可以睇下before & after，你會見到用完之後光澤感有提升，水潤左咁😳毛孔仲好似冇咁粗大咁個人建議如果冇咁乾燥的話，淨用同系列精華是ok的～不過再乾啲真係要呢款面霜岀動啦～

PYLau好用推薦：多謝@cosme今次活動抽中我試用。 今次試用Dove嘅一分鐘胜肽修護髮膜同埋 髮源強韌防斷髮洗髮乳。（產品運送時有啲損壞）首先用咗洗髮乳洗頭先，都係一貫Dove嘅招牌香味，好易起泡泡，沖洗完覺得頭髮質地柔順，撫平咗我受損開叉嘅尾髮。 接住再用小金碗。入面嘅成份有珍貴嘅修護成分：胜肽、氨基酸、透明質酸、100倍濃度海藻糖。 一分鐘就能夠修護到受損髮質、強韌防斷、滋潤柔順、水潤保濕。啱晒我哋啲咁忙嘅香港人。 持續用後髮尾好明顯有被滋潤，改善到我嘅毛燥、有效減少髮尾嘅開叉。

applepie好用推薦：多謝 @cosme 抽中我試用髮源強韌防斷髮洗髮乳，配合Dove胜肽修護髮膜同時使水😊～有點可惜的是洗髮乳樽蓋鬆開了，包裹袋裡面有好多洗髮乳… Dove髮源強韌防斷髮洗髮乳有著Dove一貫的香味，香味芳香持久，而且香味能夠keep到一整天！連平日出完街返屋企必定會出現嘅頭臭味都遮得到🤭 洗髮乳好易起泡，過水後仍然keep到順滑得嚟有彈性嘅感覺，吹頭後見到比起平日減少左毛燥👍🏻使用後第二朝頭髮都唔會覺得油膩或扁塌～ 性價比高，相信用完會回購，會推薦俾朋友🥰

WSY好用推薦：用上身沒有太大感覺，沖涼時味道很香，但香味散得很快，若可以更持久就更好！

羅小白好用推薦：用嗰陣浸味確實係幾香，但係真係好快就散咗，同埋用完皮膚好乾，一定要搽lotion，差唔多價錢有更好嘅選擇

kat好用推薦：上月去日本旅行， 很多時間停留在室外，但覺得冬季陽光不怎樣猛烈，所以防曬就只塗臉。 結果有塗防曬的臉幸保不失 ; 沒塗防曬的手變 得又乾又黑 , 手背和手掌是2截色 。 這款50度 防曬救了我臉的小命。 最重要的是它不黏稠，對皮膚沒負擔。

Fng好用推薦：防曬糸數夠高，容易推匀，不會泛白， 同埋質感就清爽，之後上底妝唔會同粉底打交， 控油能力亦好好。

🌸好用推薦：多謝 @cosme 邀請我試用DOLCE & GABBANA BEAUTY今年七月先至推出嘅全新夏日奢華時尚底妝，分別係BERGAMOT GLOW PRIMER，BLUEBERRY NUTRI TINT同Fig Skin Perfector。 今次講嘅係化妝嘅第二步，BLUEBERRY NUTRI TINT 藍莓精萃粉露。 扁扁嘅樽身，金色嘅樽蓋充滿質感，精萃粉露比一般嘅粉底更透氣、更清爽，質感有啲似CC cream，而且液體嘅流動性更強。同佢嘅妝前底霜一樣，質地清爽透氣，含有清涼因子，喺炎炎夏日仍然保持涼快舒適，非常適合香港炎熱潮濕嘅天氣。 全系列總共有30個色號，適合唔同嘅膚色。我試用嘅色號係03W，係色調屬於明亮色。平時化妝之前即使搽咗妝前乳，有時都會因為皮膚太乾，上粉底之後出現卡粉/甩皮嘅情況。但係呢一隻精萃粉露上面之後真係做到保濕同埋提亮膚色，妝感輕盈透薄，而且略顯光澤。即使疊加好多層都唔會有厚重嘅感覺，好似天生就有好皮膚一樣咁乾淨，咁自然。 使用前： 使用後： 暗沉嘅膚色瞬間提亮，妝容略帶磨皮嘅效果，而且妝感輕透唔黏稠，睇落好自然。但係佢唔帶任何防曬效

Maggie Cheng好用推薦：首先感謝 @cosme 抽中我試用今次嘅試用, DOLCE & GABBANA嘅化妝品包裝好靚 粉底包裝的骰, 好適合放入小廢包, 方便攜帶外出補妝用 我用嘅係06W號色, 粉底質感輕薄易推, 上面好透薄貼服, 不過遮瑕能力一般, 上咗一層都依然見到紅印 但勝在可以疊加, 上圖為疊加多一層效果, 妝感唔算重, 個人認為非常自然, 而且佢都幾保濕, 長期喺冷氣底下吹風都唔會覺得乾, 但個妝就唔太long last, 不過畢竟妝感自然, 就算脫妝都唔會一躂躂, 自己幾滿意, 不過較為遜色就係冇防曬功效

hellolulu好用推薦：感謝@cosme早前送上的會員禮，經歷不同季節的天氣後，分享一下對Vaseline Clinical Care 專業低敏高效深層修護潤膚露心得～ 自小屬乾性敏感肌，整體皮膚偏薄，容易受不同外在因素影響出現過敏或輕微濕疹，因此每天沐浴後都有使用潤膚露(春夏天) 或潤膚霜/油 (秋冬天) 的習慣。 Vaseline Clinical Care 專業低敏高效深層修護潤膚露呈白色，沒有香味，雖然是lotion但質地濃厚，泵取少量已足夠大範圍使用，而且滋潤度十足。身為大乾肌，本身對各大小品牌的 body cream和body oil 吸收力一向特強，但分別於不同季節、溫度和濕度下試用了Vaseline 潤膚露 (包括這款和其他自購品) ，無論份量多少，都有一種黏笠得來皮膚不是太吸收的感覺，而且如果作全身大面積使用，更會感到痕癢發紅，洗掉後情況有會改善。可能是個人膚質對品牌個別成分不太耐受，有點可惜🥲 後來發現這款Clinical Care lotion 在足踝使用沒有出現過敏，所以現在每晚臨睡前會作foot cream 使用，對滋潤和修護腳跟的乾燥龜裂有一定效果，亦能善用@Cosme 送上的

royu3好用推薦：非常感謝@Cosme 舉辦Vaseline Extremely Dry Skin Rescue Body Lotion 的試用。對於一年四季都要塗Body Lotion的我來說，有幸於轉季時，抽中這枝專門為沙漠肌及敏感肌而設的潤膚乳，實在是非常合時！ 首先，乳液呈白色，質感較一般Lotion 滋潤，沒有很大流動性。於洗澡後塗抹在身上有輕微脫皮情況出現之位置上，配合輕柔的按摩，很快就能被皮膚吸收，塗抹後亦沒有黏膩感👍🏻嘗試連續使用5天，情況真的有改善！它不含香料、色素，不易引致敏感，特殊技術更能修護皮膚，為皮膚建立保護屏障！而且滋潤感能一直維持，現在隔天塗抹一次也沒有再出現脫皮及乾燥的情況👍🏻 要留意的是，這枝潤膚乳雖然不會引起過敏反應，但對我個人而言，手部的輕微濕疹位置未有即時止癢之效果，要塗厚一點讓皮膚慢慢吸收才有所舒緩。 綜合以上各點，這枝乳膚有效改善乾燥、預防脫皮，很值的於秋冬時節入手喔！

Chami好用推薦：多謝@cosme 令我有機會使用唔同嘅產品，今次係Rejoice 瞬效柔順護髮精華 (滋潤型)～ 當我報完名參加試用之後，偶然發覺網上面有人評價Rejoice嘅頭髮產品唔太好用，內容大約係講佢用Rejoice之後兩三日，頭髮好似有搽咗蠟嘅感覺，仲要打晒撠，佢嘅用後感非常唔良好。所以當我收到試用品之後，老實講我有少少卻步🥲，但係既然抽中咗，都需要履行試用者嘅責任，一直試咗~10日。可能一開始我既期望比較低，反而試用之後令我感覺幾驚艷。 顏色同質地同坊間嘅護髮精華差不多，但Rejoice嘅比較容易推開，都幾符合產品所講嘅《免洗瞬效柔順科技》 喺呢10日，我做左一個小小嘅測試：半邊頭髮用Rejoice免洗精華，另一邊就按照返日常嘅洗髮護髮程序。 相比之下，結果如下： 日常洗髮護髮程序 - 毛燥髮絲依然明顯，頭髮比較啞色冇光澤。 用左Rejoice免沖洗精華 - 頭髮毛燥感減少，雖然都仲有少少毛毛飛出嚟，但的確有明顯改善；而且頭髮帶有光澤。仲有一樣喺相度睇唔出嘅，就係用手摸頭髮嘅質感，有用Rejoice嗰邊摸落去好明顯順滑好多。 睇返產品簡介說明，滋潤型係加咗人蔘精華，有助滋養乾枯嘅

wawabibi好用推薦：多謝@comse抽中我 👩🏽髮質：頭皮油，髮尾乾 產品：Rejoice免沖洗瞬效柔順護髮精華 (清爽型) ，質地水潤，快吸收🧽，葡萄柚香味，夏天好岩用，清爽嘅味道。 因為系精華，濕髮上頭，就算搽到中段位置，吹乾都唔會有笠感，唔似用油咁要好小心，份量要小小咁上，又試過搽高小小到頭髮中段位置，吹完好似冇洗頭咁🫠 Rejoice就冇呢個問題，就算取嘅量多左，搽高小小，吹乾都完全冇笠感，而且頭髮明顯系冇咁毛躁，梳頭都冇咁卡！ 但其實我更鐘意第二日乾髮用佢，訓醒一覺，頭髮又再次毛燥打卡，亂糟糟咁，用佢再梳順頭髮，會瞬間唔毛燥，等佢吸收下，再夾直或夾曲，頭髮會比較有光澤咁～👆🏻剛訓醒嘅頭髮，毛燥打結乾燥！ 👆🏻用完，水潤順滑冇毛躁感！