CLS24好用推薦：混油/油肌起選擇卸妝產品上真係要小心！呢隻卸妝油已經係第3支空瓶！唔刺激，唔致痘！好用！藥妝版其實已經好好用，而專櫃版上臉係更輕盈！ 使用上記得乾手，2-3泵油，乾臉上，塗抹好可以重口打圈T字位，然後過水！唔知咩技術，FANCL可以做到瞬間乳化！真係勁！皮膚起卸妝時摩擦係大大減少！我覺得長期用，黑頭粉刺係生少左！而佢亦卸得好乾淨，過水後冇油份殘留之外都好保濕！（不過本人最後慣性點都會用溫和又輕盈既濕面泡泡產品再過多次水！！😂） 佢不含防腐劑與礦物油！不過，不含防腐劑亦係缺點，一開封就要3個月內用晒！但如果係晚晚落妝都一定會用得晒😉

Candy Ng好用推薦：在日本藥妝買回來試下。 初開始，會聞到它淡淡的橘子香，上臉感覺好舒服。它的油膩感不是很強烈，當乳化它之後，再清洗，都不會覺得好乾。 我屬於皮膚都比較簿及乾肌的人士，都沒有因用油卸妝，而出現過份清潔而敏感情況💗 當然它的卸妝能力都不俗，尤其是見到那些化妝品遇到它慢慢地被捲走，感覺好療癒🤭 個人感覺在日本冬天，屋內經常會開溫氣，用它較用卸妝水或者液，感覺好用，因為有層簿簿的油保護皮膚，不會流失水份。而那層油的感覺又不是很強烈到令人不舒服😌這只是個人感想😂

Hamiii好用推薦：買sleeping mask送左好幾支：） 平時會搽完 再用眼部按摩儀按下 暫時用左一星期 黑眼圈既顏色係淺左既 但眼袋未見有改善..😵‍💫 可能要過多陣

Joannefan好用推薦：特別鍾意用Laneige 呢個牌子嘅睡眠眼膜 … 一支容量超大有25g ..而且可以配合埋陶瓷球按摩棒，當眼睛好攰，浮腫嘅時候查上去就會有冰涼感覺…可以減淡眼睛浮腫缺水問題… 特別係第2日早上要之一晚用左佢…即時眼睛冇咁浮腫，上裝都貼服好多

🌸好用推薦：Tom ford嘅眼影好出名，多年來都受到唔少美妝博主嘅吹捧，我自己用咗之後都覺得非常好用。由於佢可以選擇嘅顏色相當多，今次我只係介紹返我平時最常用嘅兩盤。 第一盤係 35 Rose Topaz，我買嘅係粉紅色特別版，同普通版冇分別，只係個包裝唔同咗。呢一盤我稱之為杏仁奶茶盤，色調方面比較清淡自然，係玫瑰晶石色、深巧克力色同兩隻深淺同嘅金色，極度顯色貼服。 呢個就係手背嘅試色圖，對應返眼影盤嘅四隻唔同顏色：上妝中方便簡單唔飛粉，rose topaz嘅呢四隻顏色比較日常，平時返學或者返工用都睇落自然。 另一隻我比較推介嘅顏色係30 insolent rose，色澤粉嫩，好有仙氣😍 色調方面係粉嫩得來帶點優雅，睇落好有氣質，畀人一種溫柔嘅感覺。 以下係手背試妝： 左上角嘅珍珠白色搽少少就已經好顯色，右下角嘅紫啡色雖然深色，但上妝之後完全唔會有似撞瘀咗嘅感覺，粉質細膩，容易暈染。妝效持久唔甩色，飽和度高，容易上妝。特別喜歡佢個粉紅色細閃，喺燈光照耀下，有楚楚動人嘅感覺🥰

Fng好用推薦：Tom Ford 我買咗04號色 honeymoon ，佢色調係 偏棕紅色 ，少少秋冬感覺 ，擦上去非常之貼服，粉質 幼細 ，唔會飛粉，同埋顯色度非常之高，又容易blend，持久度好高，基本上全日都唔會甩妝。 唯一缺點少少貴。🤣

Minnie Tse好用推薦：Canmake 性價比一向很高 今次的highlighter 也很有驚喜 一盒少少的已經有5色 有不同色系的undertone 也有細閃粉 Bling bling 但又不突兀的highlighter 誰不想要？ 很適合去Disney trip!

Suen好用推薦：very light and natural, not awfully glittery suitable for beginners and people who prefer natural makeup has a variety of colours for different skin tones and is very flattering may have to reapply throughout the day especially if you sweat, wear a mask or have oily skin brush is too big in my opinion but overall a really high co rating

natanatalie好用推薦：略嫌珠光感太重，粉感也不細緻，有飛粉的效果，上臉不太自然，不十分推薦

szenga0309好用推薦：一見到佢隻色就比佢吸引左😚😚但可能因為我本身唔係話好白 用佢本身個掃上唔係太顯色 用手指會好d 所以我之後可能都會用其他啞色腮紅先 再上佢😂

Sam好用推薦：很多產品都標榜低刺激，防敏感，但並不一定適用於所有敏感肌。 踩過無數雷區， 我最終選用了Atorrege Ad+的產品。 這款深層清潔啫喱， 能溫和地卸去輕薄妝容，幫助清潔毛孔。 用法非常簡單， 首先乾手乾面塗上一層啫喱， 靜待10秒後， 用手在臉上打圈清潔， 然後用溫水洗淨。 洗完後照鏡， 會發現皮膚很乾淨， 清爽但不會覺得皮膚很乾。 同時，簡單的步驟省卻了不少時間， 沖洗亦十分容易， 不會出現過水多次仍沖不乾淨的情況。 很多人都覺得價錢有點貴， 但我覺得， 好的產品養出好肌膚， 這個價位算合理。 想嘗試的朋友可以先買250ml裝， 試完覺得可以回購的話， 建議買大支裝的，相對會便宜一點。

applewong好用推薦：非常之好用卸妝膏，乾手乾面搽上塊面度等一陣，見到個妝即刻浮上面度，沖水後塊面好乾淨，又唔乾，同時又可以清潔毛孔，用多幾次暗粒都小左，下次會買支貨裝黎用

Kpl6be6好用推薦：質地輕柔～一粒豆份量已夠易推開～咁就唔會推出眼紋～同埋唔油膩～用完一排都冇出油脂粒～

Carol好用推薦：用咗咁多罐眼霜都唔覺有邊罐眼霜特別出名好用或者有感，不過呢罐眼霜暫時係我用過最有感嘅🥰🥰🥰其實佢幾潤身，好保濕，我自己冇去乾紋呢個需求但我覺得佢或者對乾眼會幫到手🥳🥳佢潤得嚟係吸收快仲要唔會起油脂粒嗰隻😍仲有佢去腫效果幾work，以前嘅我臨瞓前飲下嘢有時第二朝會眼腫，搽咗佢無論訓得多定少，臨瞓前有冇飲嘢眼腫方面都好咗好多😍😍起碼雙眼皮明顯番 我見佢成份仲有常見美白成分Nicotinamide，雖然我test唔出但照成份睇可以去黑眼圈或者提亮眼周☺️好似$6xx一罐，除咗貴冇缺點😘😘

msthea好用推薦：見到Kiehl’s官網介紹《超級再生精華》對肌膚唔同嘅問題都有顯著效果，例如缺水、暗啞、細紋、粗糙等都有效改善 而sales姐姐更加介紹可以同時使用兩隻精華，咁今次佢就教咗我每日晚上先用《超級再生精華》，等皮膚吸收後再搽上《 醫學雙維他命C精華》，咁樣可以提高精華效果，更加減輕細紋同埋暗啞情況 💁🏻‍♀️咁我今次就集中講《超級再生精華》，試吓淨係用單一產品咩效果🎈精華係比較偏向水質，質地容易推開搽勻 🎈皮膚好快就吸收完，亦都冇特別味道 🎈減紋方面，我用咗14日都未有睇到顯著效果 🎈皮膚暗啞係有改善嘅，感覺成塊面都提亮咗 🎈但老實講，我單用呢個精華，其實轉個頭就已經覺得好乾燥缺水，所以我覺得佢嘅補水效果係唔得嘅！ 總結而言，我覺得如果想要提亮效果嘅話，都會推薦呢個精華，但係如果希望佢做到多功能，包括保濕嘅話，以佢嘅價錢嚟講就唔係太理想啦 5星為滿分 提高 ⭐️⭐️⭐️⭐️ 保濕 ⭐️ 減紋 ⭐️ 質感 ⭐️⭐️⭐️⭐️⭐️ 性價比 ⭐️⭐️ 

Ming好用推薦： Kiehs 呢支全效再生精華，少少香味，質地比較稀，水狀，用咗大半支，感覺保濕，收細毛孔都有明顯嘅效果，對乾性皮膚比較有效。但係，如果只用精華，做唔到長效保濕，兩三個鐘之後皮膚又乾咗，需要另外再查其他嘅保濕面霜，才會維持得耐啲。

Emma W好用推薦：生薑洗頭水係The body shop 的皇牌。唧出嚟有淡淡嘅薑味，加水搓洗，好易起泡。洗髮水含有生薑精油，加埋頭皮按摩，能激發毛囊生長，係淺淺的薑精味中，進行一日的開始或結束，加上達致頭髮濃密嘅效果，係一種享受。 另外，採用超過90%天然成分，不經動物測試，社群公平貿易生薑精油，係值得支持的。

Ming好用推薦：The Body Shop生薑洗頭水，因為有一輪覺得頭髮好立，成個頭髮扎住喺頭皮度，而且有少少異味，所以用咗呢支生薑洗頭水，用咗之後覺得幾好，清除咗頭皮油膩的感覺，洗完之後頭髮好清爽，生薑味道好重好清新。

Sssue317好用推薦： - 質地：輕盈水潤 - 味道：帶有香料味道 - 包裝：硬身塑料 因為工作關係經常捱夜，捱夜後的皮膚也會較為蠟黃。同時一直也很在意淚溝和法令紋，尤其過了25歲之後，感覺皮膚比以前變得更乾燥，皺紋又會更加明顯，所以也開始注重抗老。 這次使用了LUMINOUS 630 雙效淡斑抗皺精華，也有記錄下使用的前後對比（如圖）。最明顯的分別是皮膚變得更均勻透亮，本身我下巴的位置膚色較為暗沉，用後整張臉的膚色更平均。 另外，看到自己的一些細紋有減淡了，當然也沒有完全去除，但是以短時間來講的效果我也很滿意。 而且很喜歡他一抹化水的質地，塗上後很快吸收，不會有黏笠的感覺。 不過它也有一點香料的味道，所以敏感肌的朋友也要在塗上臉上之前，建議還是要在耳背測試一下是否會敏感。不過我不是比較敏感的皮膚，所以用起上來也沒有任何的問題。 也有一點是我覺得瓶蓋很難開，冇辦法單手開瓶

Sccan好用推薦：首先感謝@cosme 的邀請試用， 第三次抽中依款新推出嘅NIVEA LUMINOUS 630 雙效淡斑精華正裝30ml。 我屬於混合敏感肌，膚色不均勻易泛紅，有雀斑及痘印因缺水毛孔粗大易出油。 質地：比較稠身乳霜狀，唔算易推開，但不油膩有水感。 效果：輕微淡斑，平撫毛孔及細紋，非常保濕滋潤，減輕泛紅令皮膚更有彈性更緊緻。 缺點： 化學香味較濃，雖然唔刺鼻但唔係個個接受到。 用後感：比以往嘅Nivea 嘅廉價感，今次依個包裝較高級感精緻，拎上手比較重但手感十足，啲唧頭好細好方便控制想要嘅份量，用量唔大，建議少少咁撳出黎。雖然建議話試20天，但收到通知提示截止要交，由我收到試用裝開始試用左10天都先報告下情況。無濾鏡同一光度下影相，見到眼下雀斑淡左少少，膚色均勻左少左泛紅，毛孔都細左啲，虎紋位都提升左，整體感覺平滑緊緻左。 總結：很推薦！ 雖然依款其實似面霜多過精華，以為會無感，但估唔到效果會咁好！