控油粉底 推薦好用產品

Emma W好用推薦：Revlon 持久無瑕水印潤粉底液能夠長時間保持妝容，不易脫妝。這款粉底液的質地輕盈，容易推開，讓肌膚感覺舒適，並不會有厚重感。最重要的是，對於想要遮蓋瑕疵或膚色不均的人來說，這款粉底液提供了良好的遮瑕效果，能夠遮蓋小瑕疵。塗抹後，更加光滑和有光澤，又不會起粒粒。一段時間段後，不易浮粉，係減少補妝的粉底液之一。 價錢方面，相較其他高端產品，依個較親民，似一個不錯的選擇。 適合肌膚：任何 成效度：4/5 保濕度：3.5/5 貼合度：4/5 質地：cream狀

Angie好用推薦：唔知點解用得唔多，但係好似有個面具咁，可能係唔適合我膚質使用😮‍💨

mandy好用推薦：Excel Featherize On Powder 絲感輕羽美肌粉餅 SPF35 PA+++ #FO01 粉餅連盒及海綿 $209/ 粉餅 Refill $149 Excel 的3合1眉筆及4色眼影盤都是名品及熱銷產品，而本次試用的絲感輕羽美肌粉餅也很好用。 Sana 旗下的開架化妝品牌Excel 在一眾開架品牌之中，是定價最高的粉餅，這難免令人有更高的期望。 Excel 絲感輕羽美肌粉餅的粉盒設計非常簡約優雅高質，跟其他的可愛系開架化妝品牌完全走不一樣的路線。 Excel 絲感輕羽美肌粉餅 有著令人喜愛的超柔滑質地，我試過其他的開架粉餅，粉質都真的不夠Excel的滑嫩。 Excel 的確是貴一點, 但卻是真的很有實力! 但如果大家對價位比較執著，那也可以嘗試具口碑的Cezanne 及 Visee。 Excel 絲感輕羽美肌粉餅 共推出4色供大家選擇, 分別是較淺色明亮的FO01，標準色FO02，標準色(偏粉調)FO03 及較深色的FO04。基本上淺膚色選FO01，中間色選FO02 或 FO03，看那種色號較適合，較深膚色選FO04。 Excel 絲感輕羽美肌粉

貓餅好用推薦：偽素顏的好幫手，開價品牌嚟講算係幾平，粉末好細，質感輕薄，修飾毛孔能力唔錯，但係控油力一般

　peg好用推薦：佢啲粉質好細，可以遮到毛孔同埋唔會卡粉，如果嗰排啲皮膚好可以直接淨係上呢個粉餅，因為其實佢啲遮瑕能力喺粉餅嚟講算高，如果唔係啲太明顯嘅瑕疵佢都可能遮到少少，但遮瑕度高嘅缺點就係粉感有啲重，有時唔小心重手咗會變到有啲面具感，不過佢都係我最鍾意嘅粉餅之一。

lingbb好用推薦： - 用緊11 號色，粉質幼滑透薄輕巧，同時具有吸油及控油效果👍🏻 夏日生痘痘都無問題 - 有瑕疵既時候用佢會比較貼妝 - 我既使用技巧係重點遮瑕會用粉撲上，會高遮瑕啲，亦有效修飾毛孔，打造出柔霧妝感。 - 成面用會用掃，有磨皮感，千奇唔好上太多，會好厚重， - 持久力相當強既粉餅，試過hold8個鐘無問題 - 加上粉餅含有維他命E成分，能防止氧化，維持定妝效果。呢樣係非常加分位，最怕塊面過咗一日暗過條頸既顏色， - 而且聽講呢款係比教耐用既粉餅，cp值幾高 -推俾瑕疵肌或黃皮肌👍🏻

Kura好用推薦：呢款bb cream用完整體妝感都非常乾淨，打破咗舊有嘅bb cream嘅厚重感，妝感透明感非常足，同埋有50度防曬，使用非常方便，一支就可以搞掂 #透明感 @cosme

Emma W好用推薦：其質地比較水潤薄，使用後不會感到厚重或乾，能夠提供自然的光澤感，係妝前打底的好幫手，能使肌膚看起來更健康、明亮。遮瑕效果不錯，可以遮蓋小瑕疵。但要補妝，若炎熱潮濕天氣，就要適當定妝。 適合肌膚：任何 成效度：4/5 保濕度：3/5 貼合度：3.5/5 質地：lotion 狀 光澤度：4/5

Tyc@@好用推薦：買咗15號色 成個系列出嘅色都幾黃 粉質中等 但因為顏色深 妝感會好厚重

綺羅香好用推薦：買之前未睇清楚，一心諗住買嗰粉餅，拎錯咗蜜粉餅，上臉先發現，不過錯有錯着，可以睇到獨立用蜜粉餅嘅功效 蜜粉餅都係攞嚟定妝同補妝，maybelline 呢款蜜粉餅雙層設計，將粉餅同粉撲分開，乾淨衛生，粉餅壓得好實淨，用手捽都唔點飛粉，粉餅底部有鏡，下層放圓形粉撲，正方形粉盒都算容易收納，粉撲膠感比較重，不過對摺唔易出摺痕同產生裂痕，氣孔少，質地密實，一掃粉餅均勻上粉 我買咗第二白色嘅，蜜粉餅遮瑕度點都係偏低，可以疊擦提高，但係上三層左右已經係極限，可以柔焦毛孔同紋理，有啲粉感，持妝（單上蜜粉）半日，控油力真係好犀利，多油嘅T zone無點出油，又唔會乾到卡粉，如果單純用嚟定妝，建議淨係上易出油地方，同埋用掃上，附帶粉撲太實，會好易唔小心擦走底妝，比較適合補妝時重點印一印

Kitty 好用推薦：今年夏天真係悶熱到癡線，出街唔使5分鐘已經成面油，個妝溶到好似地圖咁。之前見好多人推蘭芝呢隻Neo綠色氣墊，話專為油皮同混合肌而設，控油力一流，宜家同大家分享下我用落嘅真實感覺啦！ 1. 包裝：真係冇得輸！ 首先，個包裝真係冇得彈！佢個綠色好靚，有種好清新嘅感覺，質感幾好，簡約得嚟又夠潮。 2. 質地同妝感： 撲上臉嘅第一下，感覺好清爽，完全冇黐笠笠嘅感覺。粉質算幾幼細，拍勻之後係個種半霧面嘅妝效，唔會好似戴住個面具咁假，光澤度係從皮膚裡面透出嚟咁，幾自然！ 遮瑕度方面，我比中等偏上啦！我面頰有啲泛紅同暗瘡印，基本上拍一層已經遮到七七八八，如果瑕疵多嘅位置，可以局部再輕輕按多一層，都唔會覺得好厚粉。 3. 控油同持妝度：呢個係重點！ 作為一個大油皮，我最關心就係呢點！ - 頭4個鐘：真係冇得頂！個面保持到乾爽，喺冷氣房入面個妝完全冇變，好似自己本身皮膚咁好。 - 出街6個鐘後：T字位開始有少少出油，但唔係個種油光滿面嘅恐怖情況，而係變成一種好自然嘅光澤。最好嘅係，佢唔會點溶妝，只係用紙巾輕輕印走面油，個妝仲係好完整，冇斑駁！ - 成日返工放工：到夜晚睇，鼻翼兩側有少少

_.0406._好用推薦：雖然我係混合（偏乾）嘅皮膚 但因為比較多痘印 想遮瑕能力好啲就買左呢款 用左一年 不斷回購 佢嘅遮瑕能力的確唔錯 基本上一層已經可以覆蓋到啲印 唔洗再特別上遮瑕 出街真係好方便～而且佢唔算好乾 之前買其他牌子嘅cushion都會浮粉浮得有啲嚴重 但佢唔會有呢個問題（就算食開A酸+冬天環境下 只要做夠保濕都冇問題！）而且出完汗佢個妝對我黎講會更加服貼同好睇🤣氧化速度都唔算好快 持妝度都好好 粉撲上嘅窿窿都可以令用量更加平均 遮瑕：🌟🌟🌟🌟（4/5） 持妝度：🌟🌟🌟（帶口罩都係會甩妝有少少扣分）

Minnie Tse好用推薦：已經用左好耐，多次回購 總括平靚正 Matte 適合夏天出油勁的日子用 Hydrating 適合冬天使用 重點需要保濕 性價比很高 大手一揮也不會心痛 用跟來的粉扑 或 化妝掃上妝都很好

黯然仙人掌好用推薦：matte 款十分適合大油田使用，控油效果出色，d 粉超級細緻，係霧面，有磨皮效果，最好用完撲上再用掃掃走多餘嘅粉，妝效更靚

Kaze13579好用推薦：GA底妝系列一直都好好口碑。一直都好鍾意佢個粉盒兩層嘅設計，靚得來又唔會太大嚿帶出街補妝一啲都唔失禮。粉撲都係一向嘅底面唔同質地可以做出唔同嘅效果。粉質都夠細緻。不過就要控制份量，始終都比較乾身matt面，太多太厚會好粉感。

KDing好用推薦：粉質好幼細 上面既遮瑕度雖然唔高 但係就因為咁好有自然妝效 有時候會用埋佢黎做定妝粉餅 妝感都唔會太厚重 新手好岩用

natanatalie好用推薦：曾經很火的牌子，這款底霜清爽容易推開質地不黏立有一般底霜能夠做到的功效，撫平毛孔和控油的效果也是不錯。

mandy好用推薦：BANILA CO PRIME PRIMER CLASSIC  BANILA 有韓國 MAC 之稱, 是一專業彩妝品牌。 PRIME PRIMER 這款 MAKE UP BASE, 共有4 款之多, 可按喜好選擇, 有特別水潤或啞緻的。 這個是CLASSIC 版, 質地清爽, 既可用作 MAKE UP BASE, 又可在面部出油時塗上, 防止滿面油光。 (尤其是夏天面部出油特別多, 帶一支在手袋或放在公司, 實在是必須的)

Angie好用推薦：保濕度高，比較適合秋冬天使用，包裝好有少女心🤭 價錢唔貴，適合小資女👍🏻

mavis好用推薦：香港天氣潮濕 一般BB cushion用上面都持久 個ZA lei 個keep到六個鐘左右 印一印油，上返少少碎粉妝感都ok

🌸好用推薦：25歲前常用嘅化妝品，上妝自然不悶痘，自帶防曬功效，徒手可以上妝，敏感肌都用得。但係年絕大咗用佢就覺得持妝度不足，三小時左右就會出油+甩妝。

Karman28好用推薦：一直都好鐘意ettusais 既化妝品，唔知點解呢支上面，顏色唔太岩，然後妝感又有d 厚，感覺唔夠薄透自然。

Karman28好用推薦：買左一支放係公司當後備，平價又好用既bb cream。可以簡單上妝遮暇，要求唔高，睇落皮膚好d, 遮咁d 痘印。

Eunicebabe好用推薦：第一次入手的底妝產品，它的質地比較水潤，蠻好推適合新手。妝感透薄，持久性和遮瑕度一般，單用它能化到裸妝效果不過我覺得定妝一定要做好做仔細。

chasiutung好用推薦：我用過好多款BB cream 感覺都吾太好 以前好流行用BB cream 但其實我覺得款款都差不多 妝容厚重 假面 又油又笠 持妝力差 會生好多暗粒 除了方便 可以節省妝前護膚同防曬妝前乳 

shadow影子好用推薦：都幾油同幾白下，仲有少少閃，所以日常好難用佢，會令人以為係岀油分泌。

A&R好用推薦：Armani 粉底液都真係幾好用，一印上皮膚即刻遮蓋豆印，化咗成日都冇甩妝，好貼服。就算好熱成身汗都好，印走小小色，但係都依然keep到底色，可以遮蓋毛孔同膚色均勻。保濕度都高，冷氣房唔會令皮膚好乾燥甩皮。又控油，又熱又焗嘅天氣皮膚都唔會好快油光滿面。

TY好用推薦：粉底推開可以推到幾透薄，試過唔同上妝方法，用手指+美妝蛋上修飾力較好，用粉底棒會太薄。 遮瑕度大概八成，毛孔就唔係太修飾到，偏向自然妝效。持妝度都強，坐 office 一日都唔太需要補妝，晏晝補少少鼻位就 ok。 如果皮膚冇乜大問題只係有印用佢會做到幾自然嘅妝效，但好似我咁需要修飾毛孔佢就唔足夠。

Fng好用推薦：givenchy 四格碎粉，made in Italy，我買咗02號色，帶象牙珠光的，適合想打造柔美有光澤的肌膚，粉質輕盈、細緻，妝效係自然持久的光澤感，些小遮蓋瑕疵，上碎粉後皮膚質地光滑，皮膚質量捉升。⠀

Rosa好用推薦：蜜粉質感細膩，能保持妝感自然 非常喜歡 非常容易做到裸妝的效果 這是我最愛的效果 尤其我有時候選用厚身質感的面霜，面上油光滿面，用這個蜜粉上面，立即呈現又薄又通透水光感 非常值得回購