抗痘 推薦好用產品

KDing好用推薦：Foreo 呢款面膜機我覺得有提升到平時就咁敷面膜既效果，佢有8款LED光既功效，我最常用都係紅色，可以激活膠原蛋白，配合佢同牌子既面膜用，皮膚係明顯feel到更加水潤！ 其實用其他牌子既面膜都可以，不過會易少少kick住面膜紙，不過問題不大。 整體黎講，用面膜機會令皮膚更易吸收面膜精華，令底層肌膚吸收更多水份，更水潤透亮。有同機同無用機既分別就係80分同100分既分別😹

bearbear246好用推薦：呢部美容儀主打用好短時間敷mask  都可以達到平時敷15分鐘既效果 而且配合唔同既面膜可以有唔同功效 覺得護膚效果唔錯 值得推薦

kayla.me.me好用推薦：你有冇覺得肌膚新陳代謝變慢左!? 臉上缺水乾燥時仲會出現一條條細紋或乾紋? 其實當你臉上出現一條細紋時,肌膚底層已埋藏了數十條細紋， 所以要趁早開始抗老護膚,仲要從根源入手，選擇有科學根據皮 膚科醫生都推薦嘅產品。 OLAY呢款科研級 Retinol Pro 抗皺精華， 蘊含Retinol 成分不但有皮膚科醫生推薦,仲系BBC認可唯一真正可 對抗衰老嘅黃金護膚成分。 而呢款升級版Retinol Pro 嘅功效系高過傳統Retinol 1.4倍， 可以減淡表層細紋,抑制根源細紋形成。 臨床實證,連續使用 28 天便可减紋 20%。 試用一星期,覺得肌膚變得更水潤同嫩滑細緻。 臉上嘅細紋減淡左,系一支性價比高嘅精華。

AmyAmy好用推薦：當初買佢係因為見到佢有一個套裝咁樣連埋個導入儀，想試吓效果係點樣🫣 整體上嚟講我覺得配合導入儀用嘅話好似感覺上真係吸收得好啲，滋潤度係OK嘅，但係未見到有其他嘅效果出現，例如皺紋或者係美白。 

SUM好用推薦：細細枝10ml，倒出黎係啡啡地，好似用上面嘅涼茶咁，對於面上泛紅幾有幫助，有抒緩嘅效果。另外，面上反覆的痘痘都有少左，不過每次都要倒出黎，分量冇咁易控制，如果包裝本身連埋dropper會更好。

sound好用推薦：好厲害嘅甘草原液！ 十分適合痘痘肌或者敏感肌 ⭐️高度嘅舒緩肌膚功能 額頭泛紅，好似想生痘痘咁，夜晚搽佢，第朝即刻冇咁紅～連續搽幾日，啲痘痘就冇生出黎啦 ⭐️用耐左皮膚穩定好多～ 而家用左三四個月左右， 早晚各一滴溝無印爽膚水用，冇點生痘痘啦 只係，得10ml 黎講，價格唔算好平啊

Kelvin好用推薦：Laneige皇牌爆水面霜，佢有三款比唔同膚質人士使用，呢款係最輕盈Gel cream🍋‍🟩 因為喺jelly質地關係，超級清爽，補水效果好強勁，而且唔會有黏立感，方便疊加其他功效性精華使用。 作為護膚嘅，最後一步容易吸收，就算搽多咗都只有水潤感，唔會有油光殘留👍🏻 不挑皮膚任何年紀都好啱用，更加推薦油性肌膚使用，包裝轉左Baby Blue嘅設計少女感🩵

Elaine好用推薦：幾容易吸收又唔會有擦膠碎，不過會有有少少粘笠，個人都係比較鍾意cream多啲

natanatalie好用推薦：好適合油肌使用嘅精華，尤其夏天用感覺更好！質地好清爽一啲都唔笠，好啱油肌，而且用完有小小控油效果，讚！ 用左一排，毛孔明顯細緻左，肌膚亦無咁粗糙，而且粉刺都小左，夏天必買！

Helen好用推薦：敏感肌唔太建議用，上面會有少少刺痛感 但局部用T-Zone位去黑頭唔錯， 同埋毛孔閉塞係有好左

natanatalie好用推薦：一款意想不到好用的面膜。 佢價錢不算十分平，圍起十蚊一塊左右，但面膜紙好薄，精華亦好足夠，好清爽，可以敷完唔洗面再用護膚品。 用後肌膚變得細緻，可以維持兩三日，推薦。

Cici Wong好用推薦：因為我皮膚易敏感泛紅，好多面膜都會刺痛，聽講積雪草可以舒緩敏感，所以特登試下呢款。用完無痛，亦有保濕效果，精華都唔少

Kelvin好用推薦：Shiseido d program 暗瘡精華。唧出嚟係啫喱質感，搽上暗瘡位置比較清爽，用完唔會乾，所以唔會導致甩皮。暗瘡精華針對反復發起嘅豆豆，痘印，敏感皮膚都可以使用溫和版本暗瘡精華。 因為我唔會太多暗瘡，淨係間唔中先起暗瘡，所以用起上嚟都確實有用，最好就係暗瘡啱啱紅咗腫少少嗰陣時用就最有效，不知道會不會之後又耐藥性。 用落去真心有，但唯一缺點就係用得好快，如果係太多暗瘡嘅人士就建議搵返其他平價少少嘅暗瘡啫喱。

Fng好用推薦：d program 酵母益生元多重去痘精華 ✨質地與溫和度： 半透明凝露質地，推開化水超輕爽，夏天用零黏膩！主打酵母益生元平衡菌群，無酒精無香料，溫和到爆～就算熟齡肌敏感時期用，都唔會刺激或脫皮，同一般強力去痘產品好唔同！ ✨效果與驚喜： 唔會即時滅痘，但用咗一星期，暗粒同閉口粉刺真係少出咗！T位油脂分泌有改善，但兩頰唔會乾燥繃緊。最驚喜係皮膚穩定度提升，經期前冇再大爆發～治標又治本！ ✨同價位比較： VSThe Ordinary煙酰胺精華：TO控油更強但刺激，呢支溫和兼保濕； VS Curel抗痘保濕乳：Curel更保濕，但去痘力稍弱。 ✨適合邊類人： 壓力痘、荷爾蒙痘嘅輕熟肌！尤其混合偏乾肌怕用去痘產品會抽乾水分，呢支清爽又保濕，係少數唔會令乾燥部位惡化嘅去痘精華。 總結：溫和調理＞強力滅痘！適合長期作穩定肌底之用，會回購！

SKY好用推薦：這款精華剛開始使用會有點刺激，讓已經持續使用維他命c精華一段時間的我在第一次使用時臉部有刺刺和發熱的感覺，幸好皮膚沒有過敏，而這個感覺在之後使用時也慢慢減輕了。 精華的質地十分水狀，很好吸收，但臉上會有一種膜感。因為我是早上使用，所以後續會擦防曬，如果用推的方式上防曬的話，會搓泥…用拍的方式上會比較好，但還是會搓泥…可能如果用完這個精華要上妝的人要小心挑選搭配的底妝。 開封後液體會開始氧化，慢慢變黃，所以開封後我都會盡快把它用完。 我每天使用，大概一個半月才把它用完。確實皮膚好像比較透亮有光澤，但不明顯，不知道是我的心理作用還是真的有效。而且膚感不是我最喜歡的，畢竟價格不便宜，所以暫時不會回購了。 *更新：因為最喜歡的維他命c精華一直斷貨，最後又回購了兩瓶這款維他命c精華！另外也購入了新出的C25的那瓶，使用完再來比較和分享。 **更新 2024/12/10: 前前後後用了6瓶，但用完C25那瓶之後比較喜歡那瓶的清爽膚感，C15被打入冷宮了，不過還是會好好的把C15的存貨用完。

jssica好用推薦：本人敏感肌，皮膚過敏時用會紅。 精華上臉後很油，感覺有一塊油膜，而且精華有陣味，不是香料味，應該係原料本身的味，但個人不太喜歡

Poyobb好用推薦：之前用過細佬隻Biore 洗面泡泡，感覺唔錯，呢排幾多粒粒，買咗支抗痘款用。 一支出嚟就係泡沫，但泡沫唔係好濃密嗰種，比較稀，用起上嚟早上用泡沫會比較容易整理，唔會整到洗手盆都係，真係幾方便。 對暗瘡作用不大，反而覺得洗完面有啲繃緊嘅感覺，可能暗瘡呢款清潔力較為強，用完皮膚好乾，都要即刻用返保濕護膚品。睇返背後嘅說明只係講到有抗痘成份，但又冇寫明係乜嘢成份，年輕肌膚當普通洗面產品用就OK。對抗暗瘡個人嚟講都係用酸最有效果🤣

Circlecyy20好用推薦：呢款洗面奶起泡好多使用都幾方便，但係清潔力就真係比較強，所以如果唔係油性肌膚會可能覺得有啲緊繃

Chocol55好用推薦：官網買其他產品附送左2塊試用，用後雖然無特別不適或泛紅，但亦無其他感覺，冬天用後夠保濕，唔會有皮膚繃緊既問題，但價錢都唔太平，所以唔考慮回購。

whTsoi好用推薦：雖然medicube最具代表性的產品是爽膚棉 但其實它們家的面膜也很出色 雖然稍貴一點但就是所謂的一分錢 一分貨吧 這款修護面膜的面膜紙質地非常柔軟舒適 剪裁也很適合 可以完美貼住鼻頭和整張臉 裏面的精華液份量也剛剛好 從包裝倒出抹上面膜足夠水潤但不會多到滴下來 使用感受很棒 而且效果也對得起價錢 之前換季再加上一直戴口罩令我的皮膚狀況很不穩定 連續敷它幾天不但很補水 皮膚也變得穩定下來 一段時間都沒有泛紅過敏 在生理期前爆痘時也很好用 很快就鎮定下來

chasiutung好用推薦：中學時候皮膚好油生好多暗瘡 額頭一大堆密麻麻嘅痘痘 依支潔面泡泡加爽膚水真係非常有效 潔面後沒有繃緊感 清爽 舒服 我記得用左大半支左右就由滿痘痘肌變返正常皮膚 之後我額頭到而且都無再生過一大堆嘅痘痘 (但幾粒都會有嘅)

choichoi好用推薦：價格相宜，效果溫和也令褪痘效果理想，在痘痘肆虐的時間它起了溫和潔淨的作用，但又不會造成乾燥，後續再使用一些去痘產品更佳

SKY好用推薦：因為有段時間用膩了維他命c，想說換一下維他命B好了，畢竟我也挺需要縮毛孔的，所以入了Paula’s Choice 10%和20%的Niacinamide試試。 10% Niacinamide這罐精華質地很水，很好吸收，有淡淡的膠水味？因為它的成分裏面也含有維他命c，也是會氧化變黃的，所以開封後就盡快用完。我一樣用了大概一個半月就用完一罐。 可能是用過Ordinary那罐印象太差，又黏又不好吸收，讓我對這罐一用傾心！說不出來究竟愛它什麼，可能是輕薄好吸收的質地吧，可能是這一個半月以來皮膚的穩定吧，而且膚感是真的好！就一試成主顧了⋯⋯又回購了兩罐！ 不過它對改善毛孔功效不大，20%的會比較明顯，10%比較像是維持住晚上20%的作用的存在。我現在早上的保養是空瓶完維他命B就換維他命c，這樣交替使用。然後晚上用20% B。幾個月下來皮膚都很穩定，會持續回購。

格仔餅公主好用推薦：質地水潤偏向清爽，可以令到皮膚係無負擔既情況下保濕又唔油。特別係香港而家呢種唔熱又唔凍、一係就突然好凍既天氣情況下佢都唔會令皮膚乾爭爭，同會飽滿啲，睇落會無咁嚡

JuneL好用推薦：它質地呈奶白色凝乳狀，質感輕盈易推，清爽唔黏笠，用後肌膚會感保濕。

chasiutung好用推薦：依支爽膚水係我用嘅第一支爽膚水 中學時候皮膚好油生好多暗瘡 額頭一大堆密麻麻嘅痘痘 依支爽膚水真係非常有效 我記得用左大半支左右就由滿痘痘肌變返正常皮膚 之後我額頭到而且都無再生過一大堆嘅痘痘 (但幾粒都會有嘅) 依支爽膚水用完皮膚好乾爽 但係酒精味太濃同有點乾 我諗只有油痘肌合適 #夏日必備保養

Hazel好用推薦：我個支係有白色粉未嘅，用之前搖勻，有酒精味，用完亦比較乾，所以之後只係用係鼻頭，下巴尼啲出油，黑頭粉刺比較多嘅位置。

Noel好用推薦：品牌送出的小贈品 🥰 個人比較喜歡 EA 銀色膠囊系列，比較金色及粉色更為有效（頭盔：對個人而言啊！笑）這個淡斑精華質感有驚喜，不是水，又不是油；而是啫喱狀的，流動性很低。塗到面上會聞到維他命C果香 🍋 而啫喱狀的精華很快被皮膚吸收，所以我一般塗上兩層👌 使用後感覺斑紋淡了一點點，而重點是皮膚細緻了，紋理有點撫平效果啊💕

zetalhc好用推薦：雖然呢一支精華好壞參半，但我個人覺得對於有膿嘅痘痘係可以有效消炎，雖然搽完會覺得有啲刺激皮膚，但係我覺得消炎效果都好明顯

格仔餅公主好用推薦：搽上暗瘡位會有啲嗱同痛既感覺，可能唔係個個頂到，但頂得順佢其實好work，特別係佢可以治到石頭瘡，勤啲搽可以快啲謝同無咁易留印

Fng好用推薦：🌿 最近天氣時乾時濕，塊面有少少泛紅同唔穩定，即刻試下呢支國民修護精華beplain 積雪草修復安瓶 II係咪真係咁厲害！ ✨ 質地與成分：清爽如水，成分純粹 一泵出嚟係完全透明如水嘅精華液，流動性極高，質地真係非常輕薄！💧推上臉嘅感覺好似搽緊爽膚水咁，咻一聲就吸收晒，皮膚即刻有種補咗水嘅感覺，之後係零黏膩、零負擔嘅清爽感，夏天用或者怕黏笠嘅朋友一定會愛上！成分表非常乾淨，主打高濃度積雪草萃取，冇香料、酒精，睇落就令人好安心。 🌿 修復舒緩效果：鎮靜泛紅，即時降紅！ 呢支安瓶最出色嘅地方，真係佢嘅即時鎮靜效果！😌 我有幾日皮膚因為溫差有少少泛紅同微癢，一搽上呢支精華，嗰種「熱熱地」同唔舒服嘅感覺好快就舒緩咗落嚟，肉眼可見嘅泛紅都有減退。佢唔係藥膏咁「狠」，而係一種好溫和、慢慢將皮膚情緒安撫落嚟嘅感覺。對於唔係嚴重敏感，但容易因環境刺激而泛紅嘅肌膚，佢係一支好好嘅「日常舒緩鎮靜劑」。 💦 保濕與維穩：打好健康肌底 雖然質地清爽，但保濕力對我哋偏乾肌嚟講，單用喺秋天係唔夠㗎！🍂我嘅用法係：洗完面後即刻搽佢，趁皮膚還濕潤時鎖住水分，之後一定要再疊加保濕力更強嘅精華或面霜。持續使用咗兩星期

hmpanda好用推薦：質地很水很快吸收，用完沒太大感覺，就很普通，保濕還好，降紅功效沒有。

Poyobb好用推薦：用法全面薄薄地敷5-10分鐘，用少少水打濕面部，於鼻翼額頭下巴等毛孔粗大位置再按摩2分鐘，然後沖洗乾淨。敷完之後直接茶返日常護膚品就可以，建議可以加強保濕💧 洗乾淨之後，全面都好滑溜，有點煥然一新嘅感覺🥰好似所有污糟嘢都洗走晒，而且膚色係明亮咗。因為呢款係淨化修護面膜，而家夏天可以每星期使用一次。我會喺皮膚爆瘡或者出暗粒嘅時候特別鍾意使用，連敷幾日，感覺暗粒會快啲謝，而且暗瘡傷口係快好曬。佢唔會令到你啲黑頭消失，但可以令皮膚少啲出油，同時深層清潔到你啲皮膚，毛孔冇咁易積聚污糟嘢👍🏻 對比都係清潔面膜既白泥，用完白泥之後會令皮膚好乾燥，皮膚會泛紅，非常刺激強烈。HR依款面膜相對較溫和，但啱啱茶面膜上面都帶啲刺激感覺，唔建議敏感皮膚/皮膚薄嘅人士使用。

Kelvin好用推薦：塗抹式面膜，淡黃色乳霜，敷完會深層清潔毛孔。 官方用法塗上面後待10分鐘，先輕按摩至完全吸收(不用沖洗) 然後將多餘面膜抺走，再進行晚間護膚程序便可以！ 出嚟嘅效果係超級刺痛，用完塊面會泛紅。用1-2分鐘已經好唔舒服，但我嘅皮膚又唔係特別敏感！功效完全看不見！

Angie好用推薦：平時用美白產品好容易敏感或者起粒粒，呢款用完皮膚都好穩定，美白同時做到保濕效果

Yanice好用推薦：乳液質地，好保濕，用左一樽真係有白到，而且價錢唔係貴，會回購

Kura好用推薦：值得無限回購嘅一款面膜，袪痘效果真係一流，特別針對初生痘痘，但係價錢偏貴