舒緩鎮靜 推薦好用產品

Fng好用推薦：DECLARE 水盈保濕塗抹式面膜瑞士溫和保濕 ✨ 質地與觸感 DECLARE呢支塗抹式面膜係乳霜啫喱質地，推開好水潤，唔會厚重黏笠。薄薄塗一層已經夠覆蓋全面，5分鐘快速吸收，適合香港夏天怕悶熱嘅混合肌使用～ 🌟 即時補水與舒緩 主打瑞士冰川水同玻尿酸，敷完皮膚即刻有飲飽水感，兩頰繃緊位置明顯軟化！試過曬後厚敷10分鐘，面頰泛紅同熱感快速降溫，但持久保濕力中等，冷氣房待3小時後要補塗面霜鎖水～ ⚠️ 局限性 價格偏貴（約$400/75ml），功能以基礎保濕為主，性價比唔算高。唔適合追求強效修護嘅人，主要針對簡單補水同舒緩～ 💡 使用心得 混合乾肌可以妝前薄敷3分鐘急救，之後用化妝水抹走多餘面膜，底妝即時貼服！夜晚可以厚敷當睡眠面膜，但T區要避開，免得太潤出粒粒～ 推薦度：★★★☆☆（3.5/5，溫和但性價比一般！） 適合：敏感肌、追求快速補水、怕黏膩嘅混合乾肌～ #DECLARE塗抹面膜 #快速補水 #瑞士護膚

FMC好用推薦：我係經過SaSa門市啲Sales介紹先認識呢個品牌，因為見佢啲野係由瑞士做以呢個價錢黎講都算親民。 入門產品就係試咗呢支保濕面膜，一用就愛上😍聞落好香，Cream狀mask敷耐咗都唔怕，用完之後塊面好保濕好柔軟，上妝都幾貼服，過左大半日鼻同額頭都冇乜出油👍🏻 研究過呢隻主打有包含幾種海洋成分，唔同其他保濕產品淨係得好多種唔同既透明質酸，唯一要挑剔既係cream mask 好快用哂🥹佢75ml算大支但我一個月都已經用哂

Paris merci 好用推薦：Atorrege+噴霧冇添加10大致敏成分，完全無香料、無色素、防腐劑等。另外添加了舒敏修復成分，包括甘草酸二鉀、金縷梅萃取、五重氨基酸同埋洋甘菊萃取，對於肌膚過敏皮膚或者濕疹皮膚都有用。 用佢作為妝前保濕噴霧，底妝都會更貼服，感覺好自然，冇咁厚重，連妝後都可以噴，咁一來，妝容就會更加持久，啱啱好。比其他噴霧更好。 我會擺一支喺冷氣房，噴上面皮膚即時充滿水潤嘅感覺#火熱新品💕

mandy好用推薦：Sulwhasoo Gentle Cleansing Foam 順行潔顏泡沫 $280 / 200ml 功效：潔淨肌膚+保濕 早已聽聞順行潔顏泡沫十分好用， 用過果然立即變忠粉，天天按時使用， 還想回購常備家中呢。 即使順行潔顏泡沫只是潔面產品， 也添加了不少美肌成分， 比不少開架品牌的潔面產品蘊含更多美肌成分， 以抗氧化、抗衰老及保濕成分為主。 順行潔顏泡沫可以輕易起出海量豐盈的泡沫， 能徹底潔淨肌膚，而且不會引致乾燥緊繃。 潔面後，肌膚變得潔淨水潤，而且觸感柔滑。 含保濕成分: 戊二醇, 丁二醇, 乙基己基甘油, 春榆根萃取, 草綠鹽角草萃取 抗氧化成分: 川穀籽萃取, 可哥萃取, 覆盆子果萃取, 春榆根萃取, 草綠鹽角草萃取, 桑葉萃取, 濱海當歸萃取 及 維他命E 抗衰老成分: 川穀籽萃取, 可哥萃取, 覆盆子果萃取, 春榆根萃取, 草綠鹽角草萃取, 桑葉萃取 及 維他命E 美白成分: 川穀籽萃取, 草綠鹽角草萃取, 桑葉萃取 及 維他命E 控油成分: 糊精 鎮靜消炎成分: 覆盆子果萃取, 春榆根萃取 及 維他命E 去斑成分: 草綠鹽角草萃取 及 桑葉萃取

royu3好用推薦：如何在潔面時去除污垢，又能保持肌膚水潤， 一直是乾性肌膚最大的課題。 試過各類型的潔面產品，兩者很難兼得。 直到遇上這枝雪花秀的順行潔面泡沫！(*'▽'*) 潔面時揼出約2泵的份量， 起泡前為焦糖色的透明液體、帶點草藥清香。 （很療癒的氣味，個人很喜歡！） 我習慣使用起泡網， 只需2泵就能打出豐盈順滑的泡沫！ 綿密泡泡敷在臉上十分舒適(˶‾᷄ ⁻̫ ‾᷅˵)潔面後感覺乾淨，毫無繃緊感， 而且比潔面前更柔滑！ 它的成分天然，蘊含韓國傳統草藥萃取，能溫和潔淨肌膚。 不單只是乾肌，還適合任何性質的皮膚， 一年四季都適用！推薦👍🏻

TsuenMa好用推薦：#NATURAL REPUBLIC 韓國綠盒蘆薈啫喱，相信冇人會唔識得佢，主打一個性價比極高，同陽光玩遊戲完，有曬傷嘅皮膚上面，狠狠咁搽厚厚的蘆薈啫喱，我要達到即時嘅舒緩、降溫，真係夏天出外遊玩嘅因物！我多數會說定一盒喺屋企，等有需要嘅時候可以即時查更加涼快！ 啫喱嘅質地清爽，唔會黐立立，一大盒可以用到好耐。

A&R好用推薦：蘆薈舒緩液，暴曬之後用嚟舒緩皮膚就好，放喺雪櫃後效果更佳，但係會有黐立立的感覺，搽完之後舒緩之後都係要再沖洗，亦都可以用嚟敷面膜，效果主要係即時舒緩皮膚，其他效果並不顯著。價錢很便宜。

YY好用推薦：呢枝La Roche Posay噴霧係購自萬寧La Roche Posay嘅kit set~ 如果係office返工，擺一枝噴霧係office，feel到皮膚好乾，有啲痕嘅時候會好岩用，噴完好舒服，好有refresh嘅感覺，皮膚吸飽水～ 秋冬必備，平時做完高能量facial都岩用，係我皮膚上無敏感問題👍🏻

Yinggg好用推薦：呢排天氣時冷時熱，又成日坐喺冷氣房，皮膚太乾仲有少少敏感，攞呢支舒緩噴霧用來噴面，即時做到鎮靜、補水效果。佢啲噴霧很細緻又夠力，圍繞臉部噴一圈已經好保濕

Kala好用推薦：舒特膚透亮抗敏舒緩晚霜質地柔滑，吸收快，保濕效果好。含神經醯胺和維生素C衍生物，修護敏感肌，夜間使用後皮膚感覺水潤有光澤。無香料，溫和不刺激，連續用幾天有助改善輕微紅敏。罐裝設計不太方便，建議用挖棒取用。價格合理，適合敏感肌的晚間保養，表現不錯。

Beast lover 好用推薦： 晚霜日霜都有一起用，第一次用嘅，用咗之後，覺得能夠提供長時間的保濕效果，減少肌膚乾燥和緊繃的問題。吸收得好好，一啲都唔癡粒粒。 價錢偏小小貴，但是值得推介。

poonpoon好用推薦：一打開好濃烈嘅花香味，呢隻花味唔假，但需要少少時間適應。入邊添加幾種花嘅成份，主打舒緩作用。 質地好厚身，用後可以做到保濕，即使洗乾淨面膜之後都會有保留油分滋潤皮膚，用完係即刻有保濕效果，敷完感覺舒服。平日一星期敷一次，最佳效果係冬天沖洗完面好乾燥後使用。試過冬天乾燥到甩皮紅咗，敷30分鐘之後，有明顯鎮靜效果。 質地較厚身，冇試過當晚霜過夜，唔建議混油肌使用，有機會爆粒粒。另外花香太重，唔建議敏感肌使用。 $600 100g係貴，但份量好多，用咗一年都未用晒。

YY好用推薦：Fresh有出好多面膜，好想每一款都試曬🫢依款係花妍舒緩修復面膜，小紅書好多人推薦 花妍舒緩修復面膜主打即時調理皮膚，舒緩皮膚，維穩肌膚，水潤提亮 Fresh面膜價錢唔平，不過一大罐，有排用。 乳白色乳霜質感，洁身，唔太鐘意陣花味🪻 敷左10分鐘，好似敷左一堆cream係面上，好油膩🫥洗完面膜之後，無補水感覺，仲好似洗極都未洗乾淨面膜，泛紅位依然存在 混油/油皮唔適合，官方仲有一種方法係當sleeping mask用，無試過但實會爆粒粒。 做唔做急救既效果，失望🤦🏻‍♀️寧願濕敷toner性價比仲高，送左比mami🙈

GinGin好用推薦：質地比較流質，好易推開，而且感覺好清爽，保濕度一般，可能要搽多一層先夠，如果有買一送一我會入貨

Fng好用推薦：質感夠水潤，清爽，容易吸收，夏天搽唔會黐立立，感覺良好，同埋有少少收細毛孔嘅效果。

Fng好用推薦：Mediheal 茶樹面膜｜ 韓系開架面膜王Mediheal呢款茶樹面膜（十零蚊塊） 配方： •茶樹油提取：幫手對抗痘痘菌，鎮靜泛紅 •積雪草：修復高手，平衡茶樹嘅刺激性 •透明質酸：基本補水，但唔好期望好深入 同Innisfree綠茶面膜比，茶樹呢款更針對鎮靜；同AHC玻尿酸比，保濕力就輸幾條街啦！ 夏日使用： 1. 「雪凍敷面法」：放喺雪櫃15分鐘，拎出嚟敷真係透心涼！ 2. 「T區重點敷」：可以剪開面膜，茶樹位敷T區，其他位敷面頰 3. 「10分鐘快閃」：千祈唔好敷過15分鐘，否則倒抽水呀！ 用後感： 敷上臉嗰刻真係爽到震！尤其係放工返到屋企塊面熱辣辣，呢塊面膜即刻幫塊面「熄火」。茶樹味清清地唔刺鼻，面膜紙又夠薄貼面。用完最明顯係泛紅同暗粒有改善，面珠都水潤咗少少。不過要彈嘅係，精華液唔算多，敷10分鐘已經開始覺得乾乾地～ 溫馨提示： ☀️適合曬後或者爆瘡前期用 ☀️千祈唔好日日敷，一星期1-2次夠喇 ☀️敷完一定要塗保濕霜鎖水 總結： $10幾蚊塊嘅「夏日降溫小幫手」！唔好期望佢有神奇功效，但作為日常鎮靜同基本補水，絕對交到功課。最正係佢夠清爽，敷完唔會黐立立，混合肌

Kitty 好用推薦：作為一個長期同痘痘閉口抗爭嘅熬夜黨，真係忍唔住要同大家報告下用後感！💚 首先打開包裝就聞到陣陣清新茶樹味，唔會太濃烈嗆鼻，有種療癒感！精華量啱啱好，唔會滴到周身都係（最怕啲面膜精華多到漏！）。面膜紙厚度適中，上臉好貼服，連鼻翼同嘴角位都伏伏貼貼～敷上去即刻有種清爽嘅感覺，尤其係而家香港天氣悶熱，真係超舒服❄️！ 等15分鐘後揭下面膜，面仔即刻亮白咗一個度！毛孔睇落乾淨咗好多，最驚喜係泛紅同暗粒位平靜咗唔少，茶樹油果然有鎮靜效果～敷完之後皮膚係水潤嘅，但完全唔會黐立立，後續護膚品吸收都快啲👍！ 連續用咗一星期（隔日敷），覺得出油情況有改善，額頭同下巴嘅閉口粉刺冇之前咁猖狂～不過如果係嚴重痘痘問題，可能都要配合其他祛痘產品先得啦！ 💡小貼士：建議放雪櫃冷藏後再用，夏天真係爽到震！同埋記得敷完要輕輕按摩吸收剩餘精華，沖唔沖水都OK（我通常會輕拍吸收就算）～

Poyobb好用推薦：之前工作因為壓力大手踭長出了乾廯，維持咗好多年都冇改善🥲試過市面上多個濕疹牌子嘅護膚霜，也不能治癒，而且對抗痕癢嘅功能也平平無奇。 Suubalm 既保濕乳、噴霧、沖涼液都有試過，對我嚟講最有效嘅係支噴霧，點解會試咁多？係因為見到新嘢就會即刻試，希望搵到隻啱用嘅令皮膚好返🫣噴霧嘅效果係超級見效，超快有薄荷冰涼感覺，反而會建議唔好噴太多，適量就可以，完全做到有即時止痕作用😻 佢嘅噴霧，除咗有薄荷成份，仲添加咗保濕護膚嘅效果，所以一支係有兩種功效，細細支好方便。 除咗濕疹、牛皮癬皮膚之外，夏天出國旅行、蚊咬或者突然間某啲位置脫皮都可以使用。可以去萬寧試一試，放咗tester出黎🫢

Phoebe好用推薦：🌡️ 我的暴汗实测 最近香港日日34°C，出街5分钟就全身黏笠，试过用普通喷雾根本治标不治本——直到遇到呢支！ ❄️ 即时降温：★★★★★ 琴日下昼行完弥敦道，对手臂喷咗两下，真·5秒冰镇！唔系普通凉，系成块皮肤由内到外降温嗰种，爽过饮冻柠茶🍋 💧 保湿续航：★★★★☆ 最惊喷雾「爽完即干」，但呢支有透明质酸钠，喷完2个钟摸落都仲系润润的（试过喷完去睇戏，冷气房都顶到散场） 🚫 成分睇真啲： 无酒精（喷伤口位都唔刺痛） 无香料（唔会惹蚊） 含神经酰胺（我用来喷晒伤位居然退红！） 💡 隐藏用法大公开 地铁急救：挤完港铁喷颈背，即刻唔会躁底 运动必备：gym房带住，举铁完喷关节位超爽 办公室神器：冷气抽干时喷手脚，唔使惊痴住键盘 👍 一句话总结 ✅ 细过手机，出街必孭 ✅ 降温+止痕+保湿三合一 ✅ 成分安全到BB都用得（我个女游水日都用

SKY好用推薦：這是我用過的面霜裏面最清爽的，適合春天秋天使用。冬天特別乾燥的日子裏這款就不太夠保濕。 質地很好吸收，不會黏膩，只需要很少用量就可以上完全臉，用量省。無香料，感覺安心，使用下來也沒有敏感。 是真空包裝的。好處是乾淨衛生。壞處是不容易控制擠出來的量，一不小心就會擠太多，而且用到最後會很難擠。以為用完了，把包裝剪開，把剩下的內容物挖出來用，竟然還可以用兩個禮拜...也剩太多了吧...但這樣使用就失去真空包裝的意義了。 但價格不便宜，但因為用量省，所以可以用大概2個月，性價比不錯，有打折的時候購入更佳。 更新 2024/12/10: 不知道是不是產品更新了，包裝換成泵頭的真空管裝，更容易控制用量了。現在冬天的面霜基本上只用它了。有時候臉被風吹到紅紅的，用了它不會有任何刺激，也很快把乾裂的皮膚狀況修復好。

choichoi好用推薦：這支Avène修護保濕霜 Skin Recovery Cream採用醫學級無菌護膚技術Sterile Cosmetic進行生產，產品只出不進，開封後空氣細菌皆進不去，時刻能夠保持無菌狀態，這也是其產品不需要添加防腐劑的原因和吸引之處。 質地呈細膩的乳白色，質地介乎乳液及乳霜之間，沒有乳液般流動性高，但又不至於乳霜那樣富有濃厚感覺，很易推勻 , 整體觸感恰到好處，只是需留意Avène 面霜 不能和凝膠類產品一併使用否則會產生白屑。  只需稍作按摩就能被快速吸收，可以感到即時的滋潤感並舒緩乾燥令肌膚變柔軟，但又不會導致粉刺痘痘，肌膚看上去會更水嫩且無負擔感。 每天使用口罩皮膚加上本身是極敏感肌，皮膚在下班後不禁會泛紅痕癢，在這種又乾又癢的情況下我會厚厚敷上一層Avène 面霜作舒緩及鎮靜，待它自然吸收後皮膚狀況改善了很多，加上不帶香料不會刺激皮膚，即使濕疹或是進行醫美後都能安心使用作保養。 擁有低致敏性及Avène 產品一向性價比高，Avène 修護面霜不單是過敏時期協助皮膚得到急救的聖品，除了是日常必備保濕潤膚霜，當可以出國旅行之時，它肯定將會是行李中不可或缺的一款萬用護膚品。

Wuxx好用推薦：認識呢個品牌嘅時候正值係疫情期間嗰陣時， 日日戴口罩，皮膚完全失曬控！ 之後就開始係咁買好多唔同品牌嘅護膚品去急救皮膚，當然浪費咗好多冤枉錢🫩 直到試到呢個品牌嘅鎮靜精華，我嘅皮膚先至穩定落嚟！ 另外我會搭配佢嘅調理膏去舒緩暗瘡問題，雙管齊下~ 值得一提嘅係佢嘅產品都有淡淡嘅香味，令到我用佢嘅時候有埋放鬆神經嘅感覺！好舒服！ 所以一到轉季呢啲皮膚敏感嘅季節，我都會回購返佢黎看門口以備不時之需！ 雖然佢而家喺香港無門市，但係大家都仲可以從其他途徑，例如網絡商店去購買佢嘅產品~

TinaWongLK好用推薦：主要成分：PDRN、膠原蛋白以及多種植物活性幫助舒緩肌膚過敏現象，改善泛紅、乾燥等敏感症狀，並強化肌底，增強肌膚的抗紅能力 質地：清爽得黎少黐立感，容易吸收 氣味：少少似藥水味 使用後 少少滋潤 並沒有太顯著功效 暫時不會考慮回購

Chloeincosme好用推薦：呢排用緊 La Roche-Posay 卸妝水 🤍 性質溫和，卸日常防曬同淡妝夠晒用，敏感肌用落零刺激感～ 🤍 清潔力：3.5/5 卸防曬、氣墊粉底同眉毛完全冇問題 🤍 溫和度：5/5 配方簡單安全，入眼都唔會刺痛，用完皮膚冇泛紅或繃緊，真正為敏感肌設計！ 🤍 使用感：4/5 水狀質地清爽，配合化妝棉一抹就乾淨，唔會留低黏膩感～ 總結： 如果你係敏感肌，平時只化淡妝或主要卸防曬，La Roche-Posay呢支卸妝水係穩陣之選～溫和抵用又方便，會繼續回購！

lhyying1128好用推薦：本人係痘敏肌(´Д` )對卸妝產品既要求會好高，呢款溫泉舒緩卸妝潔膚水係無香料無酒精嘅，而且係敏感皮膚專用品牌，用起黎好安心(o^^o)

mavis好用推薦：去旅行帶漏咗爽膚水，臨時係藥妝店買出名低敏嘅La Roche-Posay爽膚水。 質地偏厚，拍上面會有些微黏稠感，適合係冷氣房使用🌬 滋潤度高，之後再搽精華同面霜都吸收到，試過配搭唔同牌子嘅護膚品使用都唔會有屑屑👍🏻👍🏻👍🏻最近天氣比較乾燥，用落更加舒服☺️ 皮膚狀態唔穩定/生暗瘡嘅時候用都無問題，好開心發現到La Roche-Posay呢款爽膚水🥹🥹🥹

shadow影子好用推薦：質地水盈爽膚，敏感肌膚都適用的爽膚水，最適合轉換季節時候使用，直接塗上面已經有很好的保濕作用。

Kura好用推薦：補濕一步到位嘅面霜，我用咗呢款面霜有一段時間，質地好舒服，我通常會用係敷面膜前作為加強保濕打底，呢個面霜加保濕面膜個效果真係無敵，可以達到即時補水，用完皮膚會好滑，大家可以睇下面霜嘅質地好似啫喱咁好水潤，同埋有淡淡嘅香味唔算好濃，產地係韓國，價錢都算合理，我覺得夏天用係冷氣房都唔會覺得乾，同埋搽上臉皮膚都會好快吸收 @cosme

Kpl6be6好用推薦：啫喱質感夠哂清爽～上面後保濕感幾好～但如果想再滋潤啲就要後結續加面霜之類去補一補至得～

Milo101好用推薦：🌟敷完感覺保濕、舒緩 🌟這個面膜用完沒有回購，反而比較喜歡同系列的菇水，有回購再回購

Heychauchau 好用推薦：每次使用時都會有刺刺痛痛的感覺，但不會到非常不舒服。用完後皮膚也不會覺得有緊繃感，也有一定的保濕效果。本身不常出現泛紅，而且用起來刺刺地，我就沒再購入了。

Cc2016好用推薦：萬寧減價時買，搽上塊面感覺涼涼哋幾舒服，不過用完唔覺有咩效果，不過清涼嘅質感應該幾適合曬傷後修復皮膚

Hazel好用推薦：宜家萬X都有得買，其實都清涼舒服，有鎮靜作用，不過感覺同蘆薈啫喱冇乜分別，而且又貴啲，所以唔會再回購！

JuneL好用推薦：眼霜質地乳白色的凝乳狀, 質感輕盈, 不黏膩, 延展性很好! 配合眼霜全新採用的按摩塗抹器, 打圈按摩數回, 已經被肌膚完成吸收, 而且使用時更會感到冰涼感覺, 令按摩同時更能有效舒緩眼部浮腫, 十分方便! 

Kitty 好用推薦：終於意識到用HR綠寶瓶嗰陣，我塊面皮比起以往任何時候都穩定。。。本身作為A酸同果酸愛好者，爛面泛紅經常發生，再加埋屏障脆弱之後，氧化暗沉又嚟層層加，就咁樣泛紅同暗沉反反覆覆。。。。 都唔係冇試過各種抗氧精華同修護面霜，但唔係太猛太刺激就係太厚太焗太笠，成日覺得有種治標唔治本嘅感覺，就冇一隻夠抽HR綠寶瓶嘅，用完塊面即刻就唔紅唔敏、舒舒服服，跟住越嚟越光、越嚟越嫩，用咗大半支落嚟成塊面變得水潤又穩定、細膩又乾淨，皮膚質感正到照鏡會上癮。 畢竟對我哋呢啲脆皮嚟講，敏感泛紅同氧化暗沉就係個死循環，你個屏障好脆弱好易泛紅，外界氧化刺激同臭氧污染又加劇咗呢一點。。。因為氧化壓力產生嘅自由基會破壞細胞功能，細胞更加容易受刺激著火，進一步促進更多嘅活性氧產生，有啲似皮膚裡面自帶咗一大堆bug代碼，補咗東牆漏西牆，呢樣亦都係點解好多修護精華面霜效果有限嘅關鍵原因。 所以可以同時搞掂刺激泛紅同氧化暗沉嘅綠寶瓶，遇到就好好珍惜啦，確實由用料去到效果都可以同其他牌子拉開一大截差距，精挑細選咗布列塔尼海岸生命力頑強嘅海茴香、用尖端細胞萃取技術將癒傷組織細胞嘅能量榨取乾淨，上面就可以修護受損細胞、加強細胞連

AmyAmy好用推薦：質地唔錯，容易推開，快吸收，亦都夠保濕，用完唔會油，暫時只係用咗幾日，未見到有好明顯嘅效果，但係皮膚泛紅、甩皮、毛孔粗大問題有少少改善。 雖然效果唔錯，但係價錢令我有啲肉赤。 

Milo101好用推薦：🌟乳白色乳霜面膜，質地真的蠻像乳酪 🌟香氣淡淡的，反而同品牌的洗臉乳的酸甜香氣會比較像乳酪 🌟成份有greek yogurt，主要是平衡皮膚微生態，敏感肌都可用的 🌟厚敷會比較好，敷著的10-15分鐘，cream mask會慢慢變薄，像被皮膚吸收了一樣 🌟夏天可以放進雪櫃，敷的時候就會有冰涼感覺很爽 🌟敷完即時有感柔滑潤澤，皮膚有注水感，而且有一層滋潤膜 🌟感覺不錯，可以長期使用，維持水油平衡 （這個品牌經常有優惠，圖為多次官網購物相贈的面膜旅行裝～） #夏季必備保養

Whitemusk好用推薦：舊包裝已回購三瓶 轉了新包裝後, 感到味道有些不同,比較喜歡以前的配方 我的用法是晚上厚敷, 當overnight mask 用,第二天早上會感到面部水潤透白, 減低泛紅和敏感, 四季合用, CP 值高!