舒緩鎮靜 推薦好用產品

WSY好用推薦：綠茶可以幫助皮膚回復水油平衡。用完好清新唔會崩緊。講到卸狀效果都幾好！

Angie好用推薦：係一款比較溫和嘅卸妝水，用落皮膚完全唔會有刺激感，淡淡嘅香味好容易接受，適合日常使用

YY好用推薦：Helena Rubinstein植物幹細胞再生面霜 HR有支好出名嘅綠寶瓶，呢罐係同一條line嘅綠寶瓶面霜，主打賣點修復肌膚、改善粉刺痘痘、補水保濕。 綠寶瓶面霜質地係淡黃流質，上咗面好似有層油cover住，吸收好慢，感覺岩乾肌用多啲。至於修復屏障和改善粉刺效果都唔覺。 其實綠寶瓶系列依條line專for油性肌用。但油肌性更加唔鐘意依鐘又滑油油既感覺，搽完面好耐都有一種油膩喺表面嘅感覺。 最重要係佢明明係day cream，但用完再上base會搓泥，搞到我要卸晒重新化過！ 有人話敏感用完第二日好返，但我未試過咁情況 冬天保濕效果ok，其他功效未見，都係鐘意黑白繃帶多啲，用完超嫩滑🌟

JuneL好用推薦：面霜質地呈白色的乳霜狀, 質感軟滑, 易推開! 肌膚狀態好時, 其實用量不需太多, 但當肌膚乾燥時, 可多用份量, 再配合按摩手法, 令肌膚容易吸收外, 更能快速回復潤澤飽滿! 

zetalhc好用推薦：用過最好嘅精華之一！我本身係泛紅好容易出痘痘嘅皮膚，尤其係面頰位好容易就會起粒粒。長期用Dr G呢款精華，我見到我出痘痘嘅次數無咁頻密，而且用完呢個精華之後，退左唔少紅。呢款精華好水潤好容易吸收，而且我仲會用導入機導入，用完唔會覺得面頰黐立立，後續護膚品都好容易吸收！

橘子貓好用推薦：完完全全不起泡的洗面奶。流動性好高，跟lotion一樣。洗完臉好似用了乳液般，清潔度一般，不太適合混油肌。因為是買B5 Cream套裝內贈送的，我留待醫美術後使用，勉勉強強用完了一枝試用裝。不適合我的膚質，不考慮回購。

Sarah好用推薦：當初是買套裝送的，所以有用一段時間。這支是潔面乳，但佢係免沖洗配方，個人不太理解，總之每次用完都沖水。個人覺得佢質地比較厚，唔會喺太多泡，非常油潤。感覺上唔似洗面乳，而係似潤膚乳多啲。

maylam好用推薦：好用嘅body lotion! 而家係春天 天氣潮濕悶熱 本身擔心搽完會好痴笠笠唔舒服 結果發現呢個係好易吸收！ 唔會好唔舒服 仲要勁保濕 甩皮位即刻舒緩晒 會回購！

JuneL好用推薦：眼膜已獨立包裝設計，呈腰果型設計，每次敷用都能緊貼眼周肌膚，敷後會覺清爽補濕，唔會好潤，所以敷完唔會好笠，但以這個價錢得這樣效果，我會選購其它同類品牌產品，會更化算。

Candy好用推薦：蘆薈同青瓜，令肌膚深層滋養保濕，感覺用完黑眼圈真係淡左D！

Minaaa好用推薦：很保濕的爽膚水，不會油膩，膚感很好！我是跟同系列的精華、乳液一起購入的。它有一個很神奇的效果，就是擠一下就可以塗勻全臉，用量很省。雖然看上去優點很多，但是這瓶爽膚水是沒有抗老功效的，只能保濕鎮靜，以這個價錢來說我覺得市面上有一大堆替代品，雖然好用但性價比低。

🌸好用推薦：妝前使用超級好，好保濕 用完上妝唔會甩粉/卡粉 上妝之後睇落連毛孔都收細埋！好神奇！ 一枝可以用三個月 不過價錢真係唔平

Fng好用推薦： NUXE 玫瑰潔面泡沫🌹 我係熟齡混合偏乾肌，春夏天最怕洗完面乾到繃緊。 質地：一按出泡，泡沫綿密軟滑，唔使自己搓。淡淡玫瑰花香，洗面都有儀式感 🌸 用後感：洗完清爽唔乾，偏乾肌都唔繃緊。溫和唔刺激，敏感泛紅時期用都冇問題。透亮感有少少提升，膚色望落乾淨咗。 春夏天用：清爽唔立，冷氣房洗完都唔會乾，懶人恩物 ✅ 注意：清潔力偏溫和，防水眼線/濃妝要另外卸。有香料，極度敏感者建議先試。 性價比：約$170，開架價錢，敏感肌友好，會回購～ 💡 早晚都用得，朝早醒神，夜晚放鬆 😊 #NUXE #玫瑰潔面泡沫 #RoseFoamingCleanser #敏感肌潔面 #溫和潔面 #泡沫潔面 #懶人潔面 #保濕潔面 #玫瑰護膚 #法國藥妝 #敏感肌友好 #混合肌護膚 #香港潮濕天氣護膚 #平價潔面推介 #洗面奶推薦 #潔面泡沫 #nuxe香港 #火熱新品

Kpl6be6好用推薦：呢款精華液呈水狀～搽上後吸收得好快～最驚喜係塗抹後有微微冰涼感覺～啱哂 #夏天 使用使皮膚降溫～舒緩肌膚嘅效果都幾好！！

Hazel好用推薦：啫喱狀質地，但拍上面就變成水狀， 好快吸收，超舒服，超水潤，清爽又保濕。

T.C好用推薦：唔係好鍾意佢既香味，有點俗，而且保濕能力一般般但價錢偏貴，不會再考慮了。

Bendict好用推薦：之前行Cosme買嘢 送左一支使用裝 俾我 用過幾日 我冇諗個過咁好用🙀👍 潤而唔會立黐黐

GinGin好用推薦：第一次試用這款金盞花爽膚水，效果比想像中更好！保濕力相當強，最近天氣轉涼皮膚有少許敏感泛紅，用咗幾次之後都覺得鎮靜得幾明顯。氣味方面唔會太濃，淡淡清香好舒服，質地偏濃稠但又唔笠。整體感覺用後皮膚水潤柔軟，CP值好高，值得入手！

Tina好用推薦：這個真的可有可無。噴了當下感覺是不錯啦，可是只是表面暫時濕濕涼涼的感覺罷了，乾肌完全感受不到有真的補水保濕。不會再回購。

Milo101好用推薦：跟市面上的活泉水噴霧一樣，當作基本保濕噴霧，噴出來是透明水狀，可以作短暫補水

Kitty 好用推薦：🌙 HR綠寶瓶晚霜：瞓醒塊面識發光？！ HR綠寶瓶晚霜（Powercell Night Rescue）！買嗰陣真係肉赤㗎（成千幾銀一罐嘅面霜啊大佬😭），但用落… 嘩！真係明點解佢咁多fans！ ✨ 第一印象：貴婦級享受 - 包裝：墨綠色樽 + 淺金色蓋，拎上手超有份量，放喺化妝枱即刻高級晒～ - 質地：質感似絲絨，晚霜質地係偏厚嘅膏狀，推開嗰陣好似雪糕溶喺塊面🍦，唔會笠黐黐，吸收得超快！ - 香味：淡淡嘅貴婦香，唔會攻鼻，瞓覺聞住好放鬆～ 💤 晚霜重點：瞓覺都喺度修護！ 我本身係捱夜肌（成日追劇，OT到凌晨…），塊面暗啞兼有啲鬆泡泡。用綠寶瓶晚霜急救，真係有驚喜： ✅ 朝早起身摸塊面：滑嘟嘟！好似飲飽水咁，完全冇乾紋扯住嘅感覺。 ✅ 透亮度+1：之前暗黃似燶邊煎蛋，而家竟然有啲自然光澤，直頭慳返打亮步驟！ ✅ 毛孔收細咗：尤其鼻翼兩邊，冇再洞洞明顯見客尷尬～ ⚠️ 小缺點都要講： - 價格真係堅貴！慳住用都要$1,500+（心在滴血💸）。 - 油肌夏天可能嫌潤：我混合肌+空調房用就啱啱好，但大油皮姊妹可能要秋冬先考慮。 💚 總結：值唔

nikiting好用推薦：敏感嗰陣用佢 舒緩到亦都冇痕 但真係有啲厚身 有啲太滋潤 都明白敏感嘅時候皮膚比較脆弱需要滋潤啲 令感覺塊面油 會唔太中意 但佢就可以係敏感嘅時候使用

lucrezianoin好用推薦：一到冬天, 我嘅鼻翼同埋cheek就會泛紅. 用咗呢個product之後感覺皮膚平衡咗好多, 唔會太滋潤好厚重但係好保濕! 唯一嘅缺點係呢個牌子嘅所有產品都有陣奇怪嘅味道@@" 同埋有啲貴, 所以只會喺有需要嘅時候用佢XD

lingbb好用推薦：- 用黎夏天降紅時用 - 平價版蘆薈，不過不失，放係雪櫃有降紅效果

Kristen好用推薦：莎莎$78二件 保濕效果好ok 而且唔會黐立立 一大罐裏面仲有蘆薈粒粒 都算抵 酒精成分唔多 但係敏感肌唔好搽上面 都係好容易敏感

lingbb好用推薦：- COLLAGEN系列嘅產品都含有三種膠原蛋白：膠原蛋白、彈性蛋白和透明質酸，此外，含有法國直接進口的優質原料Gattefosse成分，有獲得專利的11種成分，毛孔+彈力專利原料 - 主打補充膠原蛋白，以打造緊緻潤澤的肌膚。改善乾燥引致粗大毛孔和產生皺紋的肌膚，保濕度比較高，有抗皺功能，也適合脆弱肌膚。 - 質地係比較厚身嘅白色面霜，易推，比較油一點但很保濕，唔黏笠，吸收會慢啲，均勻塗抹之後，皮膚變得滑滑 - 用哂成罐之後嘅感覺係覺得係一款屬於比較注重補充營養嘅面霜，皮膚冇特別多咗膠原蛋白，但做到皮膚滑滑嫩嫩嘅感覺，補水力還好

Sarah好用推薦：質地： 佢個質地系啫喱狀，好似雪糕咁，推開就變水，完全唔笠，吸收得超快，塗完面即刻冇油光，成面都系清爽水潤嘅感覺。 夏天就鍾意呢種感覺😂 但佢個香味有d好似化工香料太重！ 效果： 我覺得比粉水略好，夏天用ok 冬天用一定唔夠保濕。 暫時唔會回購

格仔餅公主好用推薦：有少少淡香，好女人既香味黎，平時夏天搽用黎做輕潤唔笠既保濕，如果冬天用就唔夠力啦

zetalhc好用推薦：用咗呢個乳液一排會覺得暗瘡少咗同埋泛紅都退晒，唔係好刺激皮膚，但保濕效果差少少

Hazel好用推薦：買佢支暗瘡水送嘅試用產品，因為當時下巴狂爆瘡，夜晚用佢再敷上暗瘡水，啲暗瘡好快謝，如果夏天面油多，用佢亦有控油效果，不過宜家天氣凍皮膚比較乾，所以暫時未考慮買貨裝，不過佢對付暗瘡唔錯！

Kami好用推薦：它是一瓶清潔度還算可以，意思是沒化妝就普通上保養品時，它可以清潔乾淨。但我一般是早上用它一次，晚上使用兩次，就覺得夠乾淨了，不緊繃。洗完臉部很舒服～