找產品
底妝功效 推薦好用產品
2,829 件
Poyobb好用推薦：N20色號，自然色號，呢隻顏色較為貼近我嘅膚色，相對遮瑕度會較好。香港女仔大部份用N10，N20，C20都適合。 質地輕盈，容易推開，用返平頭粉底掃掃開，可以推得好均勻又保留遮瑕度。推開乾透之後會變霧面狀態，但係都幾透薄，未算太焗。少許粉感，但可以接受。佢係霧面妝感關係，我就唔會再上碎粉，夏天啱用☀️ 另外會用返啲水潤保濕嘅底霜，添加底層皮膚保濕度。粉底液只有spf12 pa+++，一定要用防曬。用咗五六個鐘，我就有少少甩粉，不過香港天氣實在太焗又熱，加上我又冇用碎粉定妝，持久度不過不失。但我一用有成膜劑嘅粉底液，就會起暗粒🥲依枝都冇例外，用第一次冇出事，第二次額頭就起咗好多小暗粒。
<看全文>Wuxx好用推薦：YO! Me again! 但我搵唔到想分享嘅個個產品page🧐難道未更新嗎~~? 今次想分享嘅係Maybelline嘅Superstay超持久30H空氣感粉底液「月光小紫瓶」 & SUPERSTAY 超持久30H氣墊粉底霜「月光小忌廉」～ 其實開架彩妝品牌黎講，「月光小忌廉」嘅售價係有啲令人卻步， 不過佢膏狀嘅粉底又引起左我好奇，所以就一齊入手～ 今次買嘅色號係N10（液）同C20（膏）。 本來都無話好大期望，淨係貪新鮮買黎用下，點知又出奇地幾好用喎🤣 首先講下粉底液先。 依個價錢黎講性價比都幾高，持妝中規中矩， 流動性超強，遮瑕都去到7成， 不過上妝嘅速度要快，以為咁水會要啲時間成膜，點知都幾快乾。 然後講下粉底霜。 買前見好多Youtuber嘅感想都係鬧粉底霜個粉撲好垃圾，當然我嘅好奇心係會去到盡， 果然！真係好難用，唔好用，唔知點用。 但轉左平時用開嘅粉撲上就無事，我諗佢嘅粉撲可能會令大家試唔到佢粉膏嘅美好之處。 佢嘅使用方法強調到要係粉蓋印下從而去激活個粉膏，雖然個動作好似好多餘，但真係有原因！ 試過有次趕時間無做好個手勢印薄佢，翻到公司照鏡塊面好似曬傷左粉紅色一撻撻
<看全文>
Emily Leung好用推薦：Anessa防曬霜真的太太太好用了 防曬系數最強SPF50➕，炎炎夏天沒有這個級別的防曬系數根本扛不住。 小金瓶非常輕薄，像水狀一樣。淡淡的香味，聞起來不劣質，乳液的質地，很好推開，成膜速度很快，個人感覺還挺好用的。 並且這款真的超級防水，特別適合去海邊遊玩的時候使用。防曬的同時還能夠有效的保濕，臉部包括全身都可以使用哦～
<看全文>Kitty 好用推薦：最近天氣真係熱到爆炸，出街唔搽防曬真係分分鐘變燶底啊！😅 一直覺得Anessa嘅防曬幾好用，而家同大家分享下用後感～ 質地同味道： 一擠出嚟係乳液狀，質地幾輕薄，推開後唔會覺得黏立立，而且吸收得好快，唔會整到塊面白曬或者有屑屑。有少少淡淡香味，唔會太濃，我覺得幾舒服～ 上臉感覺： 我本身係混合肌，T字位易出油，但面頰有時會乾。用咗呢支之後，覺得佢幾保濕，但又唔會令到個面油淋淋。最重要係——唔燜痘！我之前用過某啲防曬會生粒粒，但呢支完全冇呢個問題，仲可以當妝前底霜用，之後上粉底都好貼服。 防曬效果： 真係要讚！🔥 我上個星期去海灘曝曬咗成日，每隔兩三個鐘補一次，真係完全冇曬黑！而且佢標榜防水防汗，我流到成面汗都冇溶到，個防曬力依然穩陣～（不過記得要補搽啊！） 小缺點： 如果硬要講缺點，可能係如果皮膚極度乾燥嘅時候，可能要加強保濕先再用，否則可能會覺得有少少繃緊。不過整體嚟講，CP值都算高！ 總結： 如果你係經常戶外活動、怕曬黑又怕防曬黏膩嘅人，Anessa金瓶真係值得試！我而家已經回購第N支啦～ 👍
<看全文>
Desse好用推薦： Sofina UV Protector 03 產品介紹係一款專為容易出斑、膚色不均和敏感肌而設嘅高效 #防曬 產品 啱曬我喱啲一曬就出斑嘅人.. 咁就當然要買嚟試吓😶🌫️😶🌫️😶🌫️😶🌫️ 💡防曬指數高 SPF50+ PA++++ 可有效阻擋UVA/UVB 防止色斑和曬傷形成，特別適合香港強烈紫外線環境 平時室內環境番工就絕對夠用👌🏻 💡亮肌效果 內含多種抗氧化成分及美白成分，有助抑制黑色素生成，慢慢修正膚色不均，提算肌膚 #透明感 睇相其實都好明顯… 一搽就提亮咗好多💓 💡質地輕盈保濕 乳霜狀但吸收快，不黏膩，適合全天候使用 就算喺office開住冷氣，都唔會覺得乾，個妝亦無起乾紋💓 💡溫和親膚通過敏感測試，無添加酒精和刺激成分，敏感肌、易泛紅肌都啱用🧏🏻♀️ 💡質感細膩不泛白 推開後呈現自然光澤，唔會白面或厚重，還有輕微修飾毛孔效果🧏🏻♀️ 總結嚟講呢🧏🏻♀️🧏🏻♀️ 用完一支，無覺得有多咗曬斑.. 至於淡斑功能就so far唔太覺得 但係亮肌功效絕對閃杠杠得！💓 #日系 防曬好多時都容易泛白.. 但呢款好ok! 我覺得會適合追求美白護膚和高防曬同時兼
<看全文>natanatalie好用推薦：必買的抗斑防曬新品💞 主打抗曬、亮肌、抗斑嘅呢支防曬係Sofina最近推出嘅新品，真人實測過真係值得推薦‼️ 用過唔少Sofina防曬，覺得呢一支最溫和而且真係有亮白效果！性價比好高！💯 質地係白色乳霜質地，唔笠好清爽，我會形容質地好似啫喱乳霜咁，好易推開！而且覺得佢比較輕盈，唔會對肌膚造成負擔，好適合敏感皮膚用，我家姐敏感肌用左都完全無敏感！推開會有少少亮肌感覺，而且防曬系數好高，而家嘅夏天用就最啱！重點係用完啤斑真係無以前出得咁快，更唔會流白汗！🎈 用左一個月，感覺佢好輕盈透薄，打底同就咁用都得，適合所有肌膚使用！🥰
<看全文>
Tobimak好用推薦：呢支粉底係我喺Benefit專門店買返嚟嘅，試過一次就愛上，絕對係我嘅本命粉底！❤️ 我本身皮膚有唔少暗瘡印，每日返工都要化 妝，所以一直都好注重遮瑕力，而Benefit呢款 粉底真係冇令我失望。我係用粉底掃上妝既，妝感自然又貼服，遮瑕力非常足夠，連啲頑固印都可以遮得幾乾淨，唔使再加遮瑕膏。👍🏻 而且佢透氣度好高，即使係香港咁潮濕焗熱嘅天氣，用完都唔會覺得焗住塊面，皮膚可以自然呼吸，唔會有厚重感或者悶痘情況，對我呢啲容易出暗瘡嘅膚質嚟講真係好重要。🤩 N4號色對我膚色嚟講剛剛好，唔會死白或黃左。我好欣賞佢妝效持久，一整日返工都唔甩妝，控油力都唔錯，到收工都可以唔使補妝。🥰 總結黎講，佢遮瑕力高、妝感自然、持久度高、透氣，用曬之後我必定會回購😍 我好推介比同我一樣都係要每日上妝、又受暗瘡問題困擾既女仔試下呢支粉底，可能都會同我一樣搵到命定之選！ #火熱新品
<看全文>Suidan好用推薦：#火熱新品 咁多隻色入面同我膚色最近似的就是7N，係一隻light neutral色。 我好欣賞呢隻粉底可以疊加幾層都唔浮粉，又可以比毛孔抖下氣。 但用佢上一層既話可以會唔夠遮瑕，我就要係局部位置上多層先得。
<看全文>
wingche好用推薦：真係非廣告‼️純分享著數 作為慳妹平時鍾意lunch格下價，之前見到呢間 化妝品店 搬遷 全部嘢半價🤩有啲仲3折，抵過萬寧、屈臣氏…不在話下，連ANESSA 支防曬仲平過我日本買~ 所以上星期掃咗一堆洗頭水、護髮素同沐浴露，返到去同我妹分享呢個優惠 對化妝品熟悉嘅佢，即刻話呢支DUP Silky Liquid Eyeliner嘅眼線筆好用，防水唔甩之餘又唔難卸妝，因為之前佢轉過另一個牌子，已經用埋眼唇卸妝液都攪唔掂，捽餐懵～傷皮膚 最重要佢話 SASA 買呢支 D-UP 絲滑特濃防水眼線液特價都要$7X 而家5折完 $47.5💰仲要冇咁多色，所以幫佢買左Milk Cappuccino同Apricot Brown ，不過Chiffon Brown 賣曬 大家啱嘅可以望埋 Canmake 或者護膚品 Curel, MINON…都係半價 ❇️❇️希望贏到shu uemura 植村秀 unlimited 無限輕透持妝粉底液（小方瓶2.0）🤭聽日再努力出post
<看全文>3寶mamama好用推薦：大家去到日本，真係一定要買這個！ 我化左廿年妝，油眼，會用眼影打底的，用過煲數咁多眼線液🤣 心目中有top 2, 地位不相伯仲！ 一枝係Kissme 果枝眼線液 一枝新寵就係D-UP 易畫度：D-UP勝Kissme 持久度：D-UP勝Kissme 顯色度：D-UP勝Kissme 耐用度：D-UP勝Kissme 價錢度：Kissme勝D-UP 熊貓眼度：兩個都唔會 易買度：兩個都易買 如果budget少d, 買Kissme 如果價錢唔大concern, 試D-UP 最近見到化妝師Yoyo Yip都有推，真係識貨～～ 香港多數人用黑同啡，D-UP有好多好多色揀 去日本平香港一半，閉眼入吧！
<看全文>
Kitty 好用推薦：講真，一開始見到pansy pop呢隻色真係有啲猶豫，因為佢係偏淡紫調嘅胭脂，聽落好似好難carry咁。但試上臉之後——嘩！完全驚艷！😍 質地同顯色度： 小雛菊胭脂出名粉質細膩，呢隻15號都唔例外！壓粉實淨，唔會飛粉，上臉好易暈開。雖然睇落紫色好似好誇張，但實際上臉係一種好自然嘅粉調淡紫色，仲帶微微光澤感，唔會閃到變十八銅人，係好貼服嘅自然光澤～ 效果同膚色適用度： 我自己係黃二白膚色，本來驚紫色會顯黃或者突兀，點知完全唔會！反而佢可以有效中和膚色嘅黃氣，睇落個妝感更通透同白皙💡。如果係白皮用，效果仲仙氣，好似天生好氣色咁！就算係暗沉肌，用佢都可以即刻提亮，仲有種偽冷白皮嘅感覺～ 點樣用最好？ 我通常用掃子輕輕沾取，喺蘋果肌位置打圈掃上，少量多次就最自然。因為顯色度中等，唔會一掃就變關公，新手都好易掌控。如果想個妝更持久，可以輕輕撲層碎粉再上胭脂，咁就可以keep成日都唔掉色～ 總結： ✅ 優點：自然提氣色、黃皮友好、粉質細膩、持久度不錯 ❌ 注意：如果膚色偏深可能唔太顯色，建議去專櫃試咗先～ 總括來講，Clinique呢隻pansy pop真係一隻宝藏
<看全文>bellahly好用推薦：雛菊胭脂已經好多年，好多KOL或者Beauty blogger都好鍾意用。 我買呢隻係06 Nude Pop，係比較自然嘅顏色，有少少珠光色，上面之後係一種輕微嘅血色透出來，睇落好似氣息好好，非常之自然。 呢一隻胭脂比較容易上色，所以用掃上嘅時候要小心份量。而且比起其他胭脂都叫做持久。 可以趁佢有折或者有套裝嘅時候一次過買幾隻色，下次我會補埋想要嘅另外兩隻色。
<看全文>
natanatalie好用推薦：最推薦的遮瑕液！❤️ 相信有化過妝嘅女仔都會明，黑眼圈問題係好好好困擾！亦會令化妝時間長左好多！一隻好嘅遮瑕液可以遮得好啲，又可以遮得快啲！🤤 呢次我揾到一支又平又好用又襟用嘅遮瑕液推薦俾大家！托朋友喺韓國買好似幾十蚊，香港亦有好多地方有得賣，買佢都非常方便！價錢無得輸，幾十蚊用到好耐，重點係，好！好！用！🫶🏻 首先講下包裝，佢係支裝，有一個掃頭，我會直接用佢掃喺眼底！再用化妝棉慢慢印開，用手印一樣咁容易！我自然色黃皮膚，用15Natural Beige好啱用！好吸引我嘅一點係佢有SPF28 PA++嘅防曬，而佢嘅質地好清爽但唔會乾，我本身有少少眼紋，有啲遮瑕液用完會顯眼紋，用佢就無呢個問題。而且就咁用佢就會遮得好好，會即時提亮返眼底，唔需要再溝色。至於持妝度，我都好滿意，我呢啲油性肌膚化左一整日，都唔會點溶妝，keep到個妝容大致完整。🙆🏻♀️ 除左用嚟遮黑眼圈，我仲會用嚟遮痘印，效果都非常之好。一支可以用到好耐，我日日化妝，而且瑕疵都唔少，一支大概用到4個月，非常抵玩，性價比好高！🥰 非常滿意呢支遮瑕液，絕對係我嘅底妝必備單品！😜
<看全文>Fng好用推薦：The Saem Tip Concealer 屬平價遮瑕神器，我買咗1.5號色，專為自然膚同黃調肌而設🥰 質地與遮瑕力：👍👍👍👍 (高CP值) 質地偏厚身少少，但好推易拍開。遮瑕力真係無得輸，痘印、黑眼圈、泛紅基本上都能完美遮蓋，唔需要重重疊疊，少量就夠用，呢個價錢有咁高遮蓋度，性價比極高！ 色號與黃肌匹配度：👍👍👍 (合格以上) 1.5號色係自然偏白，帶微微黃調，對於黃肌來講算幾友好，唔會死灰或過於粉白，遮蓋後能自然融合膚色，提亮效果自然。 持久度與保濕度 (夏日關鍵)：🤔 (要技巧) 香港夏天用，T位出油後反而會同油脂融合得幾好，冇嚴重卡粉。但係！如果直接用喺眼底或兩頰偏乾位，就好易出事，幾個鐘後會出現乾紋同龜裂，非常顯眼。 總結： 一支優缺點極明顯嘅強力遮瑕！佢超高遮瑕度同平價真係無敵，適合用嚟遮痘印、鼻翼泛紅等油份較多嘅部位。但絕對唔建議直接用喺眼底，必須混合精華或眼霜降低乾度先可用。係你化妝袋裡嘅局部急救兵，但並非全能選手！
<看全文>
wcm好用推薦：這塊「三色修容盤」自己已經用到見底！1號色調非常適合亞洲人皮膚，三個深淺漸變的灰棕色調，完全不會顯髒或泛紅，手殘黨也能輕鬆暈染。粉質細膩軟糯，壓盤實但很好取粉，用刷子少量多次上臉超級自然，像是天生的立體感！ 我通常用「最淺色」打鼻影、「中間色」修飾臉頰、「最深色」補髮際線或加深眼窩，混合三色也很適合下顎線。 一盤能用超久，自己已經用了2-3年，CP值爆表，新手入門或日常必備！
<看全文>Fng好用推薦：Too cool for school修容粉，之前見網上面有好多好評，所以買咗兩盒嚟試:#01＆02，02號色適合冷皮膚用， 01 號色適合暖皮用。01色號嗰盒我已經用到hit pan😆 。 🩵我習慣在顴骨跟下顎線刷上最深色修容，too cool for school 有不同程度深淺色可以自行調配，多次上色，調整色調，不需高技巧也能加強五官的立體感。而我一般都會使用蜜粉或腮紅刷大面積刷在髮際線及顴骨上。 🩶#02有少少偏灰色，我用它打喺鼻樑做陰影夠自然。粉質細緻，唔會飛粉，用最左手邊(最淺色)嗰格打鼻影，一啲都唔突兀，與底妝溶為一體，持久度8個鐘以上，開架產品嚟講算十分好。 💜另外，佢夠小巧又有鏡子，仲連埋個掃，cp值十分高， 值得推介💝。
<看全文>
Fng好用推薦：NIVEA Luminous630 抗曬修護日乳 ☀️ 優點： · 淡斑技術加持：專利Luminous630成分，連續用4週雀斑同痘印明顯減淡，開架中少見有效美白抗曬二合一 · 保濕貼妝：乳霜質地潤而不膩，熟齡偏乾肌用後底妝更貼服，冷氣房下唔會繃緊 · 高防曬系數：SPF50/PA++++ 足夠香港夏天通勤使用，抗紫外線同時預防色斑 ⚠️ 缺點： · 膚感偏潤：油肌夏天用可能嫌膩，建議壓碎粉定妝 · 酒精味明顯：敏感肌要先試用，有輕微熏眼感 · 抗氧化力弱：到下午膚色會微暗沉，要補塗或搭配抗氧化精華 🌞 香港夏天實戰力： 混合偏乾肌用後T位微出油需壓粉，但兩頰潤澤度完美平衡！流汗後無溶白痕，防曬力穩陣度媲美專櫃。同價位中唯一做到「淡斑+高防曬+貼妝」三效合一。 💡 總結： ⚠️⚠️⚠️百元級淡斑防曬日乳之王！適合追求性價比同淡斑功能的熟齡肌，但極油肌同敏感肌要試清楚～💡
<看全文>Sccan好用推薦：Nivea 臉部保養品愈黎愈進取，我都因為見佢好多新產品而買左依款Luminous630雙效淡斑煥白抗曬修護日乳試吓，防曬系數都有SPF50 PA+++， 非常足夠應付日常使用。 效果：用左一星期，斑有淡到少少，有潤色功效 質地：粉紅乳霜狀，細滑不油膩 香味：淡淡香味唔刺激 用後感：適逢冬天，天氣十分乾燥，但滋潤度都足夠唔會油膩，少少香味聞落好舒服，本身有鼻敏感都無被刺激到打乞嗤。加上佢有淡斑美白效果，容量有40ml，用量一點夠搽全面，延展性好，透薄舒適，依個價錢性格比真係好高。我可以話Nivea依款係2024年The Best ！
<看全文>
Sakura醬好用推薦：日本LUX護髮素用後感 話說我試咗日本版LUX呢支護髮素真係要同大家分享！ 本身我啲頭髮又乾又毛躁，點知用完即刻順滑到識飛～✨ 質地同香味： 乳液狀一推就開，唔會黐立立！ 最正係個高級花香味，洗完第二日髮尾仲聞到淡淡清香， 同平時開架式嗰種濃烈化學香味完全兩回事！ 修復效果： 我漂過嘅稻草頭用咗三次， 髮尾啲開叉明顯少咗，摸落去軟熟咗好多， 吹頭時梳齒一梳到底完全冇扯住！ 小貼士： 千祈唔好慳！要由髮中搽到落髮尾敷3分鐘， 沖水時已經feel到滑溜感， 吹乾後頭髮仲有啲涼涼哋嘅清爽感，超適合夏天！ 缺點都要講： ▸ 香港比較難買要網購 ▸ 油頭姊妹可能要避開頭皮用 總結： 平價護髮素來講絕對收貨！ 下次去日本一定會囤貨， 以後終於可以同「獅子王」頭講拜拜啦～🦁
<看全文>lingbb好用推薦：- 呢個系列係帶有蘋果及茉莉花調配嘅清甜香氣，個人覺得氣味有點俗， - 潤髮乳質地滑滑，洗完頭髮質滑滑，長髮而言好快就用哂成枝 - 頭髮順滑有光澤，毛燥减少咗，不錯。 #火熱新品
<看全文>
jhope0725好用推薦：淨係睇我用到hit pan都知佢係我生涯最愛嘅眉粉！ 佢粉質幼細，夠顯色之餘又易blend 如果眉毛相對濃密，只係個別需要加強修飾，我覺得呢盒產品係不二之選，即使新手都適合用 而且持久度高，唔怕半日已經甩色 除左粉質靚，枝掃嘅掃頭相當細，用來畫眼尾尖位係一流，而且用好耐都唔會開叉，質素相當好！ 從來未試過有產品附送嘅工具掃可以用到咁長時間呢！一盒已經做到晒日常美眉效果，而且每盒可以用到幾個月，個人覺得性價比比起眉筆更高
<看全文>Rachel Hui好用推薦：由細用到大，兜兜轉轉都係會回購番佢。 Kate既眉粉真心戒不掉，CP值高，色號多、自然。用法多，易上色、易操作。除畫眉外，可以用作修容（陰影、鼻影）、眼影（大地色系）、沾濕粉掃可用作眼線補妝，近期妝容中，更可用作畫眼斂下至或臥蠶既陰影位，正。最新買左EX-7 橄欖色，好自然，黑髮、啡髮都用得，推薦！ 好like佢咁多年一至保持一盒有鏡有掃既設計，超級方便！
<看全文>
royu3好用推薦：這盤眼影雖然很貴，但真的物有所值！ 包裝為黑金色，很有高級感。使用上也很方便，內附鏡子、刷子，能隨時隨心地化上喜歡的眼妝👍🏻 我買的是08 光焦，很適合暖膚色。 特別是B色，超美的橙金色！A+B+D屬於較幼細的閃粉，沒有顆粒感； C則是肉眼可見的銀色閃粉，較少機會使用。 前者加起來，於一般場合使用已經很足夠， 要不要加上C的就視乎情況而定。（我只有夜間活動時使用到C呢）粉質細緻，基乎沒有飛粉⭕️ 而且與皮膚的貼合度很高，能自然放大雙眼，沒有違和感！不會顯得眼妝很濃，非常百搭，任何場合都能使用👍🏻 #夏季戀愛感妝容
<看全文>Fng好用推薦：包裝精緻，粉質above average ，顯色度相比歐美品牌眼影稍為弱些，但配色優雅，較合亞洲人膚色。
<看全文>
Kmggigi好用推薦：眉毛狀況: 眉毛不算稀疏，有霧眉習慣，平時只需要為眉毛稍微增添色彩 作為新手嘅我以前平時用開眉粉， 但見到仿毛流感嘅眉妝最近咁流行，覺得非常適合我日常化妝風格， 所以決定購入風靡一時嘅Benefit激細三叉眉筆 呢支眉筆嘅設計好貼心👏🏻 三叉頭嘅設計模仿真實眉毛嘅線條，可以輕鬆畫出一條條細緻又自然嘅毛流 眉筆質地適中，唔會太硬或者太軟， 畫起嚟好順手，可以做到細緻嘅補色效果， 效果又好自然，睇落完全唔假！ 最重要係，佢嘅防水防汗效果幾出色， 就算係炎熱夏天，一日落嚟都無脫色或者暈染嘅情況 新手心得🙋🏻♀️: 對於新手黎講，初期需要少少練習掌握力度同埋畫眉方向先可以畫得自然 同埋畫完再用眉刷掃會更自然，營造到毛流感😆 效果圖🔽: 畫眉前，已有清晰眉型，只需要喺稀疏位置填補空隙 畫眉後，整體眉型更加明顯，立體感提升，有自然嘅毛流感
<看全文>Fng好用推薦：Benefit 激細三叉眉筆｜手殘黨の毛流偽造術 ✨ ✨獨家三叉設計解密 ✅劃線模式：三針並排畫出極細線條 ✅填色模式：斜角度塗抹快速填補空隙 ✅暈染模式：反轉筆頭模糊邊界 ✨混合肌實測 ▸ 冷氣房測試：帶妝8小時眉尾依然完整 ▸ 出汗實測：輕微抹汗唔會掉色（但要用紙印唔好捽） ▸ 出油影響：T位油光會令色調變淺半度 ✨速畫steps 1️⃣ 眉頭：垂直握筆畫假毛流 2️⃣ 眉峰：45度斜握填補空洞 3️⃣ 眉尾：水平橫握勾勒線條 ✨同價位比較 VS Shu Uemura砍刀眉筆：植村秀更自然但需技術 VS KATE雙頭眉筆：Kate性價比高但持久度輸 VS Anastasia極細眉筆：ABH顯色度更強但偏乾 ✨缺點 ⚠️ 油皮必須先定好底妝 ⚠️ 畫太用力會斷芯（旋出1mm就夠） ⚠️ 深色系易變蠟筆小新 總結：$245買支「眉部3D打印筆」🖊️ 手殘黨都能畫出根根分明毛流，除了價錢進取同易斷芯，效果無得輸！回購指數★★★★☆
<看全文>
Emily Leung好用推薦：稜鏡光感柔滑眼線液 一直用ettusais家的睫毛打底膏，沒想到他們家眼線液也那麼好用！自從用了他們的眼線液筆 ，就愛上了！這款眼線液筆對於新手真的很友好。 比自動鉛筆芯還細的極細頭！！輕輕一畫就是 0.1mm 空氣感線條，出墨順滑，適合眼尾描畫，輕鬆做到日系透明感眼線，平日市面上買的較實色，這款就可減低眼神銳利感。 相比起眼線膠筆，眼線液筆更細更精準，而且防水防暈染，帶妝一整天不拔乾不刺激！速乾成膜後蹭眼皮都不掉，無論健身吃火鍋蹦迪過後，都能保持精緻的妝容！ 恰到好處的3色，清透淡顏妝容拿捏 ❥01透明黑：放大雙眼，自然百搭 ❥02淺栗棕：溫柔清澈，淡顏天菜 ❥03亞麻褐：靈動隨性，自帶神秘
<看全文>南西瓜好用推薦：ෆ 使用中 ෆ 因為看到在排行榜上&在日本也很有名，筆尖非常細，可以打造精緻又日系的妝容，因此去日本旅遊時購入～～～ 選擇了02號色，是偏淺的咖啡色🍪 實際上妝真的帶有日系感，但對我來說有一點點過淺（上圖是重複畫了3次的效果！）因此若下次要買，會考慮更深的顏色！ 筆尖是真的非常細，筆毛也偏柔軟，或許對新手來說會需要一點時間上手！（上圖是重複畫了2次的效果！） 但持妝效果在混合偏油性肌膚&非常容易流汗的我身上似乎沒有非常好～ 大概過了半天就有一點點暈開，尤其夏日很快就有些斑駁💦 因此如果下次外出可能不會使用，但冷氣房內就是ok的！
<看全文>
Kura好用推薦：呢款睫毛膏嘅刷頭好好用，可以刷到根根分明嘅效果，增長效果都唔錯，夏天用出街都唔會溶妝，係值得一試嘅平價睫毛膏 @cosme #夏天 #護膚 #保濕
<看全文>manman好用推薦：2024年末回顧—愛用睫毛膏 * 質地輕盈柔順,單擦一層就能立即增加睫毛密度,效果自然又迷人。 * 塗抹體驗極佳,刷頭設計簡單乾淨,不會結塊或留下碎屑。乾得很快,使用方便快捷。 * 即使大汗淋漓也不怕,睫毛整天都保持捲翹動人。持久力出色,是戶外活動的最佳拍檔。 * 色系選擇豐富, 下次可以嘗試不同色號,為妝容增添更多變化,令造型更添精彩。 驚喜滿分!這支睫毛膏令人出乎意料地出色,能維持整天的完美捲翹,完全不怕溶妝。性價比極高,值得推薦, 絕對是必回購的好物。
<看全文>
mysecretgarden好用推薦：之前成日覺得，要用閃粉先至可以令到對眼望落大啲，點知其實太多珠光，反而會令內雙眼皮睇落更腫，有時仲會好似「油淋淋」咁。轉用呢盒霧面眼影之後，先至發現原來啞緻嘅效果先至最啱我。佢啲低調嘅大地色，好似幫對眼「打陰影」咁，可以好自然地加深眼窩個輪廓，令對眼即刻變得立體同有神，出嚟個效果仲好自然添，返工用就啱啱好，低調得嚟又有精神。 對新手來講，佢最貼心嘅地方就係盒背有清晰指引，直接講明邊隻顏色應該查喺眼皮邊個位置，跟住佢個步驟由A掃到去D，完全唔使驚唔識配色或者落手太重，真係零難度！ 講到粉質，真係要讚一讚。摸落好柔滑，上眼好順滑，唔會一嚿嚿。佢嘅顯色度唔會話一掃就好濃，反而可以慢慢疊加，對於我哋呢啲新手嚟講就最安全，點都唔會失手畫到好似熊貓眼咁。而且質地輕薄，持久力都算幾好 ，通常朝早花完我就唔會再補夜晚返到屋企都仍然喺度，而且都冇乜甩粉。 最後不得不提嘅，就係跟盒附送個支掃！好多開架眼影跟個啲掃都係「擺設」多過實用，但係Canmake呢支雙頭掃真係好好用，鬆果頭用來上底色同暈染，扁果頭就用嚟畫眼線色，軟硬適中，拎出街補妝都好方便。 總括嚟講，如果你都係內雙或者單眼皮，又想搵一盒低調
<看全文>Kmggigi好用推薦：講到開架眼妝，就不得不提canmake🥳 以前作為化妝新手嘅我，問朋友話眼影用邊個牌子好，好多人都會推介我Canmake 因為顏色選擇多，同時性價比好高，新手試用就啱啱好 皮膚狀況: 冬天乾敏肌，夏天混合偏乾+少敏感 產品使用情況: 我嗰陣聽咗朋友講揀02 05號色，兩款都係偏大地色 啱晒新手，如果想行穩陣路線 同時間深淺啡色都齊，方便當埋眉粉咁畫 粉質都幾幼細，不過唔算好顯色 當然咁嘅價錢就唔會有好靚嘅閃粉，但新手用算係咁！
<看全文>
Cheung2好用推薦：身為乾肌嘅我一直都搵緊一支命定眼底concealer，希望佢有coverage又唔顯乾紋 @hourglass vanish concealer好評如潮，忍唔住買咗嚟試🧐買咗crème同cotton兩隻色，都幾有驚喜😙 Crème用嚟遮眼底，cotton用嚟遮痘印，coverage好好，用法上有少少技巧，因為coverage過，最好點落手背，blend開之後再拎好少好少分量上面已經好夠，先會又夠薄又唔乾👍🏻啱哂香港夏天用🙌🏻 買細支啱哂去旅行/拎出街用，1.3ml都夠用好耐😂啱哂我中意不停試新產品😆
<看全文>natanatalie好用推薦：入手貴價遮瑕液，確係「遮瑕天花板」🥰 妝效自然，被譽為「遮瑕天花板」嘅Hourglass遮瑕液，喺我嘅黑眼圈愈來愈深嘅情況下，終於俾我買返屋企！😉 佢嘅價錢唔平，要成300蚊一支，不過大家講到咁好，就試下啦！佢質地輕盈，可以迅速修飾肌膚而同時擁有高遮瑕效果，締造無瑕妝容。佢嘅掃頭好容易操作，我會點三點喺眼底，再印開，好快就會遮到個又黑又紫嘅黑眼圈，絕對係化妝新手同趕時間嘅人嘅必買遮瑕液！☺️ 我用嘅色號係Birch，睇落好白，但搽上眼又好自然。佢唔會好乾，唔會起眼紋，而且長效持久防水配方對肌膚非常友好，柔焦效果令妝感更自然。💯
<看全文>