服貼 推薦好用產品

格仔餅公主好用推薦：平價版Suqqu，記得配合埋美妝蛋就可以輕鬆打造天生奶油肌，心得係：唔好心急最緊要係多次輕拍，咁就會夠哂自然、貼服又唔會容易卡粉 皮膚遮瑕如果唔多例如淡色班、痘印同唔係過敏性嚴重黑眼圈都可以遮到六七成㗎，另外強烈建議搽層薄薄嘅碎粉會更加持久

choichoi好用推薦：混合肌表示粉底相當貼合肌膚，屬容易融合；即使夏天秋冬使用都沒浮粉的情況，整個妝感出來相當保濕，加上優秀的持妝度及輕度眼圈痘痘都完全遮蓋，值得取個6星

mysecretgarden好用推薦：最近試咗 Rachael Wine 嘅礦物粉，真係好啱我呢啲皮膚敏感又追求健康成分嘅人。我本身皮膚冇咩大瑕疵，但係膚色比較暗淡，最想搵樣可以修飾膚色、等個樣睇落精神啲嘅底妝產品。尤其是夏天，用粉底或者氣墊嘅話會有焗住唔舒服嘅感覺。 使用體驗： 呢款礦物粉最吸引我嘅係成分天然安全，連孕婦都適用，用落好放心。質地超輕薄，開頭有啲唔慣點用，因為真係零粉感，完全唔似一般粉底咁有厚重感。不過慢慢拍勻之後，就發現膚色均勻咗好多，仲有微微提亮效果，成個妝感自然到好似本身皮膚就咁好咁！礦物粉底唔會塞毛孔，夏天出汗都冇焗住嘅感覺 。 雖然唔算超強控油，但出少少油後反而更貼服，輕輕印日印就可以繼續。之前試過行山嘅時候用，行完一日個樣都仲見得人。如果油皮可能要補一補，但係因為粉狀所以當防曬咁補都好方便。而且用普通潔面產品就可以，唔需要落妝非常方便。 而家已經成為我日常必備～ 尤其係趕時間返工，撳兩撳就搞掂個底妝，仲睇落精神晒！ 建議配合返佢支專用化妝掃用，上妝會均勻好多。整體來講，呢款礦物粉真係好啱我呢啲追求自然妝感嘅敏感肌人！唯一缺點係價錢比較貴，日本網購嘅話會平好多。

綺羅香好用推薦：用過etvos 礦物粉底之後，一直都很想嘗試同樣有名的RW礦物粉底，聲稱只有7種成分，專針對敏感同痘痘肌，唔需要用任卸妝產品落妝，可惜之前去日本搵唔到，後尾終於俾我係香港搵到有鋪頭賣，就一口氣買咗幾款產品試用 RW嘅色號比etvos多啲啲，唔清楚自己係咩色號就最好買試用，因為佢嘅價格偏貴，色號唔啱都幾肉赤，我買咗M00同M01，後者比較接近本身膚色，上妝技巧同etvos一模一樣，粉質幼細清透，上咗兩層粉之後，係我最愛嘅霧面妝，無乜粉感，亦無任何負擔感，但係遮瑕度略低，雖然可以透過疊擦增加遮瑕力，但係比較深色嘅瑕疵最好係底妝前用返遮瑕產品，戴口罩（立體款）出街半日，鼻頭同鼻翼輕微出油，不過並未甩妝，亦無發現暗沉，口罩淨係鼻哥位有少少粉底  返屋企落妝特登先用洗臉乳洗一次，再用滴咗卸妝油嘅化妝棉抹一下，的確無粉底殘留，anyway如果有用其他牌子嘅化妝品，都係要乖乖地好好落妝，卸妝後無發現新冒嘅暗瘡 整體而言，RW除咗對我嚟講遮瑕力稍微不足之外，其他地方都無得彈，日後再回購正裝

Ressie14好用推薦：unlimited 無限輕霧定妝蜜粉, 一盒15g, 白色既蜜粉粉質幼細, 可吸走多餘油光, 但控油效果一般般, 日間會出面油的需要日中補粉。(我混乾同傾向自然妝容, 所以我滿意控油功能) 定妝效果係屬於啞緻透明 (無遮暇效果) 不挑膚色; 沒有任何閃粉。 在產品妝效以外的comment, 就係但我不太喜歡佢出粉洞洞不太暢順! 次次倒出來都要chok好幾下先出到份量既粉末, 使用感受(包裝設計上)略遜。

Blooming好用推薦：Shu uemura unlimited無限輕透定妝蜜粉，呢個碎粉粉質幼細，定妝功能強勁，全日妝容都keep得好好，推薦👍🏻

Frances Kong好用推薦：本來是PJ 會員，有預購刻名服務此產品一早從廣告得知客服朋友介紹粉很貼服持久並好幼滑⋯⋯意想不到的收穫！大愛會再買及介紹此產品比朋友超值得推薦，很少粉餅我會很喜歡，今次質感真的超好，是用PJ以來最好！

Poyobb好用推薦：佢係好厚身嘅粉底膏，好耐之前嘅Canmake粉底膏差唔多，再乾身少少🤏🏻 01色號，自然偏白。質地貼服，好似cream咁，啱啱搽上面嘅時候會有啲偏白，之後會同皮膚融合變返自然。用嘅時候要拎氣墊粉撲拍上面逐少逐少拍上面。唔可以拖，拖會拖甩個底妝，遮瑕力超級好，大部份痘印、瑕疵都遮得晒。 粉底膏入邊有閃粉，可以提亮效果，用完敷感都舒服，唔會覺得好焗皮膚。但香港用嘅話要做好定妝，控油。另外香港夏天室外唔建議使用，一定會溶晒，可能上台or去晚宴嘅妝容用佢比較好。

natanatalie好用推薦：用原裝嘅粉撲會覺得好厚好有粉感，唔好用。🥹 不過轉用掃上就令我好有驚喜，會變得好貼面，過埋喺冬天用會好夠潤一啲都唔乾，遮瑕度我覺得足夠，我特登用眉筆畫一下，其實都見到遮到好多。❤️ 性價比好高，推薦！但個人推介用粉底掃上效果會好好多！🫶🏻

auntiemuscle好用推薦：係之前cosme活動，聖誕倒數寫reviews時既被獎禮物，估唔到揀中左我，多謝先 excel一路評價都幾高，成日想入手試佢既眼影又覺得開架呢個價錢又略高，一路都冇入手 今次機緣巧合下試佢既底妝，yeah 其實我好少用定妝，春夏先會用，因為皮膚比較乾 其實呢個係蜜粉餅黎，拎出街補妝都好方便啲粉唔會周圍飛 初初見到咁白都有啲驚，因為我都算係偏小麥肌， 粉都幾幼幾滑，跟埋既粉樸都好軟 我都試左幾個配搭，日常如果返工我只係防晒加呢個粉餅，你因為我返工係有款動既上左面都有提亮作用，因為用梗某有色防晒，一到下晝出油個樣暗左，用左呢個粉定妝就冇呢個問題，但如果冬天濕度低，我覺得有啲乾 都試過fdt加呢個粉餅，明顯有霧面感，但唔係啞色實晒果種死白，都保持到大半日清爽 但如果當日肌膚狀態比較乾我都係用掃上，咁樣就薄啲冇咁乾

jellybeanyay好用推薦：呢盒粉餅是從@cosme STORE購入❤初初係比佢個包裝吸引，估唔到有驚喜！ 我買嘅係01色，係一隻淺米色、幾乎透明。包裝好高貴feel，好欣賞佢有粉撲同鏡，可以拎出街補妝！靚粉質非常幼滑，唔會飛粉/結塊。上面後有輕霧面嘅妝感，自然唔會死matte。用喺眼底唔乾，唔會點卡粉令眼紋睇落明顯，好貼服。我皮膚有時會乾到出少少油，呢隻粉餅都兼顧到控油同保濕，不過我出油唔勁所以唔肯定油肌用嘅話夠唔夠力。 So far呢隻係我用過最好用嘅日本開架粉餅！

Circlecyy20好用推薦：遮瑕度都幾高 取粉唔會話一下子沾好多 上面妝感唔會太重 同時唔會氧化得好勁

sami.mew好用推薦：續航力出奇地強的一款氣墊，能保持一整天的完美妝容，不需頻繁補妝。

Tobimak好用推薦：我呢支Prada粉底液的色號是LC5，是比較白的冷色號。我認為呢支粉底液適合一啲皮膚好，而且只是有點膚色不均勻的女生用，如果你係皮膚本身好嘅話佢會令你望落變成完美！！！因為佢真係好貼薄，化左好似冇化咁，能告別油漉厚重的面具感。不過遮瑕度唔高，瑕疵皮的女生就未必適合了。 而且用呢啲粉底液嘅時候係可以唔使做定妝，即係又可以搽少樣嘢上塊面度，好適合夏天使用😗。另外佢有防曬SPF 17/PA+++，有需要的話可以自己用防曬打左底先。同埋佢有護膚功效㗎，皮膚會越用越靚🤭 PS:佢樽身真係勁靚！連個蓋都刻有PRADA logo，用起上嚟儀式感滿滿的❤️

Hchan好用推薦：本身膚質是混合偏油的敏感肌，一直有毛孔粗大易出油的問題，尤其現時天氣不穩定更會有泛紅情況。因此平日上底妝會習慣在防曬乳後先上毛孔底霜再上粉底液，並以碎粉定妝來增加持妝度。 用過不同品牌覺得這枝表現最平均，半透明霜狀質地很滑很易推開，薄薄塗一層就可以遮蓋毛孔，後續上粉底也不會起碎屑，再上碎粉即可呈現有柔焦效果的妝效，因為有控油效果在現時悶熱的天氣一整天下來脫妝情況還可以接受。包裝小小一枝容量看起來很少，但因只局部塗臉頰及鼻子其實很耐用，下次仍會回購。

Kyhy好用推薦：自己本身係油性肌 化妝前用左呢枝底妝會較貼服 而且控油效果都好好 用完會再買

mandy好用推薦：TOM FORD ARCHITECTURE RADIANCE HYDRATING FOUNDATION 立體光影水光粉底液 SPF50 PA++++ $805 功效：中至高度遮瑕+提昇光澤+防曬+保濕+控油+抗皺+收毛孔+長效持妝 立體光影水光粉底液的質感非常水感，可以輕易在面上均勻推開。 中至高度遮瑕，完美遮蓋毛孔及面上泛紅。 完妝時是非常自然的光澤肌，提亮效果不會太誇張，妝感不明顯，底妝自然貼服透薄。 蘊含海量美肌成分，包括：保濕成分、抗衰老成分、美白成分、抗氧化成分及鎮靜消炎等成分。 SPF50 PA++++ 具很充足的防曬保護，上底妝同時兼具防曬效能，非常方便。 持妝方面很好，午後完全沒有出油溶妝的情況，不需要特意補妝，方便省時。 總的來說，Tom Ford的立體光影水光粉底液雖然定價較為高端進取，但也有不少優點，特別是滿載美肌成分，是一款名副其實、誠意滿滿的精華級粉底液，同時持久度十足，並具有高級別的防曬效能。因此，即使立體光影水光粉底液的性價比不算高，我認為依然物有所值。如果大家有足夠預算，不妨考慮入手(一瓶可以用很久呢!)。 含保濕成分：矽靈,

Simona好用推薦：Tom Ford 立體光影水光粉底（最白色） 試用感受： - 色調/膚色：用最白色，聽講有啲人話色調較深，但上臉就顯得自然，光澤感十足。 - 質地與保濕：質地輕盈水潤，保濕感強，膚感水潤但唔會厚重。 - 遮瑕與妝感：遮瑕力不錯，戴口罩時唔會留印，整體偏向光澤肌風格。 - 持妝表現：帶妝大約7小時仍然完整，只係較乾燥區會有少少暗沉。 - 適用人群：如果你本身偏乾，建議先做好保濕打底，避免出現芝麻粒感。 實用小貼士： - 想更持久可以加定妝粉或定妝噴霧，外出時間長就更稳妥。 - 乾性肌膚就先做好保濕，或混合使用高保濕妝前乳。 #火熱新品

iliya 好用推薦：呢款BB spray非常特别，係一款噴霧式嘅五合一化妝品，集精華、遮瑕、防曬、粉底及密粉於一身， 而且-5°C清涼觸感，除了帶來涼快感外，還可有助毛孔收縮，又能一抹遮蓋在意的毛孔，完美遮蓋瑕疵及毛孔粗大等問題，加上使用後輕薄透亮，最適合夏天濕悶炎熱嘅天氣使用！

Jerry chan好用推薦：要噴在濕粉樸上使用，第一下感覺幾清涼，尤其現在戴口罩出街，簡單化個淡妝已ok。而且不太掉粉，有少少遮瑕效果，唔錯。

Ruby好用推薦：這款氣墊真的很強！ 妝感輕簿不黏笠，油肌使用10小時後0補妝也不脫妝！出油後是很好看的奶油肌！大推！

BeeWong好用推薦：粉質幼細，妝感透薄自然，奶油肌效果。定妝一流、一年四季都得。方便出街補妝。

YolandaAuYeung好用推薦：對Addiction的產品印象不錯，個人十分滿意它的粉底液，乾粉質素也很不錯。 粉粒幼滑，印上臉後超貼服，遮瑕度亦中上，毛孔和暗瘡印也能遮蓋，持久度亦岀色。

zzzhelen好用推薦：有綠茶香味（？），質地好輕薄舒服，我平時會點係內唇再解手指點開就夠色了，全搽會好紅。韓國牌子，即使揀咁紅色都啱一般亞洲偏白膚色用，好顯白，好突出 因為我怕乾，所以覺得乾既時候就會搽下潤唇膏，唔理佢係咪matt（笑）。即使如此，佢都有染唇效果，顏色好持久

connielo好用推薦：09 Pink Ale 好靚 隻色上嘴偏粉 岩偏白皮膚用 平時鐘意用黎打底 唯一唔太鐘意佢陣香料味

Noel好用推薦：多年前於日本購買了 Esprique 的粉餅，在不同 case 之中，選了這個💕 因為購買前做了一些功課，不少用家表示這個粉底，可以為皮膚帶來柔霧的妝容~ 個人使用色號 #205，到日本旅行時，會回購一塊補充芯看門口~ 原因嘛，因為沒有遇到更心動的盒子啊😂 Esprique 這個粉餅可以2️⃣用，作為定妝粉餅固然ok；用作粉底更為出色👍 個人喜歡後者~ 這個粉餅作為底妝，大大提升上妝速度，簡單拍幾下，就能做到4成左右遮瑕力👍眼下➕鼻子兩側，個人會多推疊2層，大約可以得到7成遮瑕力，不錯❗值得留意，剛剛上好底妝，會覺得毛孔一點顯眼，大約過1小時左右，柔膚感覺就會出現，妝效會更自然🥰 粉餅質地細滑，不會乾巴巴，只要妝前做好補濕就ok，妝效自然，上到面上非常 light。不足既地方，大概係遮瑕力差了一點~

siuyan52好用推薦：去日本必買，經常出新粉盒，好靚。上妝方便，遮暇高，唔算厚粉，直接用掃上妝妝效好好。出油後效果都好，唔會甩到一達達。但顏色偏黃。

choichoi好用推薦：香港夏天那種炎熱程度相信大家也知道不是蓋的，因此我也很留意日本出品那一眾云云可以「降 x °C」的產品，這款給你直接降 5°C耶😎！立即入手，對於每天都在陽光下走動的我沒有曬黑，潤色效果也理想不死白，最值得一讚當然是上臉時那個涼感，每次補塗也很舒適🩷 #火熱新品

格仔餅公主好用推薦：#火熱新品 大熱蜜粉既復刻版，今次新版繼續有好靚既外型似足水晶，我鍾意用完佢除左keep到個妝耐啲之外，佢本來唔乾又帶啲滋潤感既質地唔會容易令補妝時有龜裂感，特別岩而家呢類季節同氣溫用

zetalhc好用推薦：效果好普通，因為膏狀質地好難推開，需要多啲時間上粉底。而且有少少卡毛孔嘅感覺，遮瑕力同貼服度都麻麻哋。

tkaty195好用推薦：上網看過有不少好評，亦在專櫃試用過。 不太乾，又不會太濕，又易推開，感覺幾好用。 單品使用，有種陶瓷肌/素顏感。 但是皮膚比較易乾，很會出油，用這是會溶妝，如果再有用碎粉那類會比較好。 但日本官方，表示這個會停產廢盤。

Kirby好用推薦：我屬於混合性偏乾膚質，沒有使用底妝習慣。我通常於早上完成清潔及護膚程序後，先搽上防曬霜，然後用遮瑕膏修補瑕疵地方。直至完成眼部及眉部化妝後，全面拍上碎粉。 感覺這款碎粉持妝力較強，即使中間沒有補妝，亦能hold到下班。效果十分自然，妝感透薄細緻。有輕微防汗功能。唯控油能力一般，需要間中用紙巾輕輕印走面油。

yingyinghistory好用推薦：這個粉餅我已經回購超過10 次！即使會貪新鮮試其他牌子粉餅，也必備這個粉餅在家，遇上皮膚狀態不穩，用這個粉餅一樣貼服無瑕。即使現在疫情下需要常戴口罩，持久度也很好，一日下來只係鼻位少少甩粉！

fibee3b好用推薦：我屬敏感肌 用佢都冇問題 而且粉質細滑 遮暇度都唔錯 而且佢色號好多 建議一定要去專門店試食 佢有方法幫你試