找產品
持久 推薦好用產品
193 件
🌸好用推薦：多謝 @cosme 邀請我試用DOLCE & GABBANA BEAUTY今年七月先至推出嘅全新夏日奢華時尚底妝，分別係BERGAMOT GLOW PRIMER，BLUEBERRY NUTRI TINT同FIG SKIN PERFECTOR。 化妝嘅第一步係使用BERGAMOT GLOW PRIMER。佢係一款保濕妝前精華乳。 金屬管嘅包裝，附送一個金屬蓋同埋一支金屬嘅擠壓棒，方便用家從金屬館嘅尾部開始唧出妝前乳，包裝設計獨特。 淺藍色半透明嘅妝前乳，獨特嘅雪葩質感，質地清爽，容易推開，而且仲有陣陣清涼嘅感覺，炎炎夏日用喺面上面非常舒服。 平時化妝之前即使搽咗妝前乳，有時都會因為皮膚太乾，上粉底之後出現卡粉/甩皮嘅情況。但係呢一隻妝前乳搽上面之後真係做到保濕同埋提高皮膚平滑度。之後再上妝，都唔會卡粉/脫皮，而且提升咗肌膚光澤。佢嘅質感好smooth，完全唔會起擦子膠碎，亦冇搓泥感。 使用前嘅肌膚： 使用後嘅肌膚： 使用後提升咗皮膚嘅平滑度，粗大嘅毛孔都睇落冇咁顯眼。睇返資料，原來佢係加入地中海海水成份，令到肌膚有持久清爽嘅感覺，而且加入咗意大利卡拉布尼亞佛手柑，令到皮膚有
<看全文>Maggie Cheng好用推薦：首先感謝 @cosme 抽中我試用今次嘅試用, DOLCE & GABBANA嘅化妝品包裝好靚, 冇細心留意係唔知原來Primer仲附送金扣for擠出primerPrimer係淡藍色嘅,質感好似雪葩, 用落亦有小小涼涼地, 而且用落清爽唔黏笠, 質地輕薄易推, 上面唔會覺得堵塞毛孔, 保濕度夠, 後續上妝冇卡粉, 幾適合喺香港嘅夏天使用 不過修飾毛孔嘅功效唔算好強, 同埋如果可以有調色嘅功能, 可以tune一tune皮膚顏色就更好
<看全文>
HoiYung Crystal Yuen好用推薦：我本身係乾肌，試過用唔同牌子嘅粉底都好容易浮粉，所以我平日只會用有色防曬修飾吓皮膚就出門。今次有好幸抽中KANEBO 推出既升級版原生活力精華粉底霜，所以又再有機會重新試吓用粉底。Kanebo呢隻係粉底霜，聲稱將 「裸肌感」同「遮瑕」結合，使用獨家「活力美肌技術 Lively Skin Technology」，靈活運用光線散射效果模糊瑕疵保持原生肌膚質感同時遮蓋色斑、暗沉和毛孔。 呢隻粉底霜嘅質感係比較厚實，唔似平時粉底液咁有流動性，我以為會好難推開，點知佢延展性又非常之好，我就咁用手搽上面已經可以搽得好均勻。之後我再用粉撲試，上面效果有較高遮瑕度。基本上我薄薄搽一層已經遮到毛孔同黑頭，皮膚已經好似原生肌咁嫩滑。同埋用咗粉底霜之後皮膚都變得有光澤咗。如果想再遮多少少暗瘡印或者色斑，用完粉底霜再加遮瑕膏都完全融合得好好。即使過咗幾個鐘頭，暫時都未見到有浮粉或暗沉嘅情況，佢同肌膚反而會越嚟越融合。同埋喺依家天氣比較悶熱嘅日子使用，皮膚都唔覺得焗。整體而言，妝效都幾可以維持貼服，唔乾燥，唔起乾紋，而且都夠水潤。 唯一美中不足嘅係，佢只有SPF24同PA+，所以一定要搽咗防曬先可以用粉底霜。所
<看全文>monsterparu好用推薦：超級開心可以抽到Kanebo既試用！！ 一直都聽到唔少人講Kanebo粉底霜好用，但由於佢既設計係開蓋式，好驚一開唔即刻用完就會變質，同埋都擔心衛生問題。 粉底霜附有小刮棒，可以輕鬆取粉。另外仲有塊透明小蓋，感覺衛生。不過一打開黎就聞到陣好濃烈既酒精味，就有啲嚇親我啦。 粉底霜既延展性非常高，只係拎少少粉底霜就可以輕易推開，而且濕潤度非常夠，好自然同埋帶有光澤感，唔係啲好厚重既粉底霜。所以對於既佢遮瑕度就唔抱太大期望，試上臉遮下紅印，又有啲驚喜，都遮到6-7成，仲可以保持到自然妝感，大讚！！！！ 產品說明有一點最吸引到我，就係長效持妝不變色！當然要實測一下效果啦！今次收到既係自然色240，早排曬黑左，所以搽上手有明顯色差。粉底霜氧化方面呢就有少少失望，搽上手試色大概15分鐘後再上新既粉底霜做比較，其實都有好明顯既變色，不過變色後既顏色對於我黎講反而更加自然，唔係死白，所以都過關啦！ 作為乾肌既代表，呢隻粉底霜絕對適合，而且妝感非常自然又唔厚重，保濕能力高，妝感水潤亮澤，無卡粉浮粉既情況出現，遮瑕度有，推薦！！
<看全文>
糯米喵好用推薦：呢款canmake粉餅係我化妝時十分喜愛既產品！佢可以提亮膚色，而且有一秒磨皮既效果！ 平時化完啲水光感勁重既粉底，覺得太油就會搵佢壓一壓，即刻就冇曬，仲呈現一種好柔和既膚感，每次用完既效果真係心心眼！我暫時未搵到有其他嘅取代品，但佢就真係比較容易碎，所以難帶出街補妝。 同埋雖然佢可以直接素顏上面，但係可能因為我係乾肌，就咁單用會卡粉，所以我就唔推薦呢個用法，但係化妝就真係好好用，新手都十分之適合！
<看全文>Kayyan22好用推薦：Canmake 透亮美肌蜜粉餅 Mo 係我每次化妝必用既item!上臉後能提亮膚色但不泛白，中性膚色用剛剛好，像是天生好皮膚的透亮。 用刷子或粉撲輕拍可以均勻上妝，不會卡紋或顯毛孔，適合日常快速定妝，我自己中意用佢本身嘅粉撲上。 混合肌用剛剛好，T區出油能輕微吸附，但不會讓臉頰變乾，夏天用也OK。而且佢自帶鏡子和粉撲，出門補妝超方便，價格親民，CP值高！ 但佢只可以純粹定妝提亮用，痘印或泛紅遮不住，需搭配遮瑕產品。 油肌既話可能3-4小時後需要補妝，建議搭配控油妝前加強。
<看全文>
Kura好用推薦：canmake呢款防曬粉餅嘅包裝真係好靚，有19度嘅輕微防曬，我鍾意用呢盒防曬黎補妝，控油效果唔錯，粉質細膩，提亮修正膚色效果都好好，遮瑕效果就一般中等，最緊要價錢好平，帶出街又方便想隨時補妝都得，我鍾意夏天用，可以補到少少防曬同埋吸走油光 #防曬 #防曬 @cosme
<看全文>Kmggigi好用推薦：CANMAKE Tokyo 透亮美肌蜜粉餅（潤色版）— 平靚正，柔霧膚感必備✨ 質地 & 效果: 呢款蜜粉餅嘅粉質非常細膩， 輕輕拍上面就可以自然地提亮同調整膚色， 令膚色睇落更加均勻透亮。 遮瑕效果屬於中等，適合打造自然妝感。 最大亮點係佢嘅柔霧效果，可以柔焦毛孔， 令肌膚妝感睇落更細緻，打造霧面妝效果， 同時完全唔厚重，非常清爽自然。 以平價開架產品黎講，呢款蜜粉餅有高質感表現， 無論質地、妝效定持久度都唔輸其他貴價產品， 絕對係性價比之選！ 總結：自然柔焦，小資女必備 CANMAKE Tokyo 透亮美肌蜜粉餅（潤色版）係一款平靚正又實用嘅蜜粉餅， 適合打造柔霧自然嘅妝容，特別適合日常及轉季使用。 如果你追求性價比高又唔失效果嘅蜜粉， 呢款一定係你嘅心水選擇！
<看全文>
Tracy好用推薦：細細粒幾易攜帶，有防曬嘅作用，粉質唔係太幼細，上面感覺唔夠乾爽，用手直接摸感受下個粉質會覺得有啲黏黏。
<看全文>Giselle 好用推薦：Canmake 控油礦物蜜粉 01號透明色 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款係Canmake最新出嘅控油蜜粉(✿︎´ ꒳ ` )♡︎ 呢次入手嘅係01 號透明色(* ´ ｪ `*)♥︎到出嚟粉末係偏白色(灬♥︎ω♥︎灬)佢仲有另外一隻C01號薄荷綠色，因為入面額外添加咗積雪草等成份，會比較適合有泛紅問題嘅小夥伴哦(๑ت๑)♡︎ ❤︎ ︎ ❤︎ ︎ 用咗一排覺得佢個控油效果幾好˙³˙ ){•••♥ 身為T字位大油田嘅我用咗之後大約2個鐘頭都仲可以keep到霧面質地≡︎⊂︎( ^-^)⊃︎搽係瀏海到即刻由barcode 頭馬上變返做根根分明嘅瀏海゜.+.(♥︎´ω`♥︎)゜+.゜對比佢之前嘅棉花糖蜜粉餅，呢款係控油方面會比較出色( ๑´•ω•)۶佢雖然粉末係白色，但搽上面之後唔會顯得死白(´∀︎`,,人)♥︎*.反而係有種日系霧面肌感覺(◍︎ ´꒳` ◍︎)b ❤︎ ︎ ❤︎ ︎ 而且佢嘅size好細個，就算放係小廢包都裝得落₍ᵔ·͈༝·͈ᵔ₎拎去補妝就真係啱啱好(`✪︎ω✪︎´)而且無添加劑同香料，就算敏感肌嘅小夥伴都
<看全文>
Fng好用推薦：我喺專門店買，色號係 yp10，偏黃， 遮瑕度好好，同埋 比較滋潤， 較適合冬天使用。
<看全文>綺羅香好用推薦：以前用過好多粉底都爆痘， 後來聽講Covermark嘅漢方粉霜被譽為最適合痘痘過敏肌嘅粉底，所以一直都好想試，早前終於買咗啲試用 今次買嘅試用色號比較多，因為呢款漢方粉霜顏色調得比較特別，會特登分藍色調同黃色調，藍調對應冷皮，黃調對應暖皮，唔識分辨冷暖皮的話，就最好去門市搵sale幫手揀，又或者好似我咁買幾個覺得會合適嘅色號，逐隻試上面 自從學識睇成份表，自然都會查一查呢隻粉霜，成份非常簡單，包含最基本粉底成分、化學防曬、一啲抗炎抗氧成分，不含成膜劑，亦都無乜油分，好處就真係唔會焗啲痘，唔好就唔持妝好易甩 粉霜質感水潤，拍開好快乾，我用氣墊粉撲上，但係啲粉霜俾粉撲吸哂，要改用粉底掃上，再用美妝蛋拍瓷實，底妝透薄舒服，無負擔感，妝面有自然光澤，遮瑕度中低，但能夠柔焦毛孔，帶妝半日都無爆新痘，果然係痘敏粉底嘅祖師爺
<看全文>
Nicole好用推薦：一直聽人講Covermark依個牌子嘅底妝產品唔差，做咗幾日功課之後終於決定去專櫃試一下 顏色方面用咗櫃姐推介嘅SN20，上面之後比較自然，唔會過份白 Silky fit 比我想像中更加好用，粉質非常幼滑同細！上妝速度快又方便，上咗一層之後毛孔已經遮得七七八八，皮膚睇落去超級無敵好！妝效非常貼服，唔會浮粉、亦冇乜重粉感/面具感❤️ 唔會卡粉卡到一撻撻或上得唔均勻，眼紋同埋鼻翼位置都唔會卡粉 遮瑕效果可以少量咁疊加上去，唔會太厚重。一到兩層左右已經好勁，大致上可以遮到我嘅紅印同雀斑，但可惜未能夠完全對付到我個萬年黑眼圈XD 用後未見有敏感情況出現，上多兩層都唔覺得有負擔(*^^*) 見到自己皮膚好靚咁越用越上癮！ 目前為止未覺得乾，對乾皮膚非常之友善❤️ 同以前用過嘅粉餅差太遠，甚至好過氣墊！相信今個夏天至愛非佢莫屬 購入價$420，有盒同粉撲。粉盒設計太靚，令我忍唔住成日拎出嚟望XD 外型美觀大方，方便拎出街用~
<看全文>Miki2020好用推薦：本身買佢地支cc cream，BA介紹下就入埋呢個粉餅。 上面易推開，霧面，遮下中下。 用後嘅感覺係如果我係早3年唔洗帶口罩用就好...已經係配合佢支 cc cream, 試幾次出街載口罩都浮粉浮到好核突，一用手掂一掂就脫妝，轉埋day cream都搞唔掂。 但如果個日只係全日係屋企因開meeting化妝，佢又真係keep得幾好。 但而家一出街都要載口罩....佢就用全無用武之地
<看全文>
aaapril好用推薦：正值冬天，天氣開始乾燥。我推薦這個自己已經用了3盒空瓶的。如假包換的空瓶!! (*ˉ︶ˉ*) 唔易脫粉，真的好好用。特別戴住口罩嘅情況下，持久性非常明顯。我記得第一次用完，當我回購嘅時候，剛好@cosme缺貨，我每隔幾日就會去舖頭望下返貨未，終於行左幾之後先買到，好誇張！ 外觀： 我第一次購買時大約係2020年， 當時係採用金色包裝。而家轉左灰色，同樣用紙盒包住，而色號印喺底部，唔好手快快攞錯！注意裡面唔包粉撲，需要另外購買！！ 我依隻係保濕系列嘅皇牌，有3隻顏色選擇。我用嘅係<771 自然色> ，顏色偏粉色，可以提亮我面部膚色，望落無咁暗沉。 另外，佢嘅粉質屬於超幼細而且好順滑，非常之容易推開，唔怕卡粉之餘，仲可以令個妝望落去唔會厚𥄫昅。之前幾篇文章都有提及過我係屬於超級乾性皮膚，另一個我喜歡用Chacott 保濕蜜粉嘅原因係因為佢嘅保濕力做得好好，可以長時間幫我hold住個妝，唔會擔心肌膚越用越乾。
<看全文>jaye好用推薦：呢款係透明而保濕系列既碎粉，秋冬呢段時間用好好，粉質非常之細緻，柔軟，非常浮貼係臉上，無好重粉感，好薄透既感覺，控油效果就未係最好，不過定裝效果係秋冬用都好持久，夏天係會爭啲。估計性價比夠高，所以係@cosme都長期無貨…～推薦！！
<看全文>
Conw好用推薦：covermark粉底已用了十年，每逢需要一整天長時間帶妝，我一定會用covermark粉底。 質感： 霜狀，盒內是固體但觸碰會感到是非常濕潤的霜狀。 延展性很好，少量已可上全面 妝效： 啞光，薄塗一層會有微微光澤，厚塗會較啞緻但未到霧面 中到高遮瑕，可無限堆疊視乎所需遮瑕度 出油後會變奶油肌 4，5小時後會稍稍暗半度左右，剛好會補一補乾粉，問題不大 使用感受： 不建議用掃全面上這粉底，相比其他粉底covermark較［啜］會較難上得均勻。 我通常是用打濕的美妝蛋輕輕印在粉底上取粉，在面頰中印第一下，再以彈壓方式上半臉再取粉再上另外半臉，再取粉上額頭。 薄塗的話取3次粉已足夠，要增加個別地方遮瑕度才需重覆上第二層。兩層的話眼圈已遮掉8成，不需另上遮瑕膏。😍 上完粉用美妝蛋不停印壓全面30秒左右，粉底會［咬］實皮膚，碎粉定妝後，這粉底維持一整天都不是問題。 時間長遮瑕度會降低但不會起白芝麻或一撻撻，補妝亦不會結塊。 色号方面建議靠櫃試試，fr色系個人覺得太粉，選fn色系會較好，日系粉底來說色號不算白，健康膚色也能用。 最重要是不悶痘！❤長時間帶妝都okay 👍
<看全文>Nicole好用推薦：第一次用粉底霜就比咗Covermark，同另一款粉餅silky fit一齊買嘅，都係對乾皮膚好友好嘅底妝產品(*^^*) 之前都上網睇過唔少資料，當時都已經好心動下，去專櫃試嘅時候就馬上愛上依個產品，即刻比錢買咗 色號揀咗FN20，比較自然嘅顏色，中中挺挺唔會好似其他日本牌子咁偏黃 雖然望落去係膏狀，但上到皮膚嘅時候就變到好似液體咁好好推，完全唔會出現一舊舊或者上得唔均勻嘅問題！ 用好少就已經足夠上曬成塊面💕 我估一盒用大半年都唔係問題 依款產品本來就比較高遮瑕度，所以本身薄薄地上一層已經可以做到好優秀嘅修飾效果，我臉上面嘅毛瑕丶雀斑什至泛紅嘅地方都已經遮曬，我會係均勻膚色之後再用少少嚟做返重點遮瑕，真係未見過自己皮膚咁好，手機啲美顏相機app全部都Del得😭 上完之後會有少少妝感，但用量控制就好就唔會好厚重或者好似帶咗面具咁（好好好少咁上XD），都幾自然輕薄❤️❤️ 保濕力唔差，就算皮膚乾都值得一試，夏天掃多層碎粉就唔洗怕出油問題 至於敏感皮膚，我用完之後都未見泛紅、痕或者起粒粒 目前比較可惜嘅係比較貴，Refill就5XX，連盒買就$735 但搵到一款啱用嘅粉底，貴少少
<看全文>
Chloeincosme好用推薦：乾性肌膚揀蜜粉真係要好小心，唔係好易會卡粉或者顯乾紋。行街見到呢盒Canmake好多好評嘅碎粉，價錢又唔貴所以就買咗嚟試吓。 **包裝** Canmake 嘅蜜粉包裝一如以往行可愛路線，而且細細盒方便攜帶。 **粉質** 粉質方面，摸上手都算幾細滑，但冇我既愛牌LM嗰種好驚艷嘅感覺。 **使用方法** 可以喺搽完防曬或者底妝之後用，用佢附送嘅粉撲輕輕印喺臉上。乾性肌膚既我會避免用太多，薄薄一層就夠，而易出油嘅地方譬如鼻翼兩側可以加強少少。 **使用效果** 佢嘅柔焦效果唔錯，可以修飾毛孔，令皮膚看起來平滑啲。而且佢喺紫紫地色，有輕微提亮去黃既效果。遮瑕力就比較弱，如果想遮瑕嘅話，就要另外用遮瑕膏！
<看全文>Fng好用推薦：喺日本旅行時買，見佢有紫色，可以中和黃皮暗啞膚色 ，佢既保濕又遮毛孔，matte妝效，控油尚可，朝早上妝 去到黃昏開始會 出油， 以咁嘅價錢 ，值得回購。
<看全文>
Kriskirs09好用推薦：Nars 自然亮采持久粉底液 當時係專門店想買粉底液 店員就sell咗我呢一支 佢幫我即時試咗上面覺得效果唔錯 佢唧出嚟嘅質地比較cakey 化妝嘅時候都比較快乾 推開嘅時候已經感覺到好黏稠喺手上面試嘅效果都會感覺到比較乾 的確呢一隻粉底液係比較適合油性皮膚 以下係我嘅上面圖：（上妝時間比較耐）買完返屋企發現自己上粉底嘅時候 好！難！用！🤢 一開始我係用cushion上妝（打濕咗 發現上得唔均勻仲有啲一嚿嚿嘅感覺 試咗幾次之後發現用乾粉撲上面會好啲 或者直接用手指上😵 小妹用後感 覺得佢嘅遮瑕力都算唔錯 平時用一層都已經應付到日常瑕疵 如果追求完美無瑕嘅底妝就要再加遮瑕膏 佢都屬於越夜會越靚嘅粉底液 皮膚出咗油之後同佢融合咗會比較自然 早上化完即時嘅感覺算幾厚粉 佢喺面上面都真係太有存在感 另外鼻翼都有少少積粉 後來我借咗俾另一個朋友試用 佢係屬於乾肌 以下係佢嘅上面圖：佢有啲暗瘡印嘅位置係直接有甩皮嘅情況 但係佢都認同遮瑕力係幾高🤔 總結而言 小妹都唔係專業化妝師 所以上面嘅效果都有機會因人而異 我就覺得有啲難用
<看全文>Fng好用推薦：NARS natural radiant long wear foundation， 妝感係少少光澤，同埋粉底液流動性唔強，比較厚身， 要分開局部上臉，如果唔係乾咗好難推得均勻， 遮瑕力中上，但係夏天用，感覺皮膚比較焗一點，如果係乾肌使用，去到夜晚會現乾紋。
<看全文>
Silvia好用推薦：雖然係SPF50++++,始終係化妝品，但我唔會完全當係防曬用，OL室內日子用。所以唔知佢防曬係咪真係掂！但佢均勻膚色，防水防油防氧化都好好。單用膚色提亮唔少，可以偽素顏出街。加粉底，底妝好貼好靚，可以keep到7-8小時。但佢唔似其他妝前咁爽身，行cream狀路線，有d痴痴地，我哩d混白偏乾幾中意，油肌未必中意
<看全文>Conw好用推薦：集防曬 提亮 均勻肌色於一身，去短旅行要慳手提行李重量的話，帶一支就夠。 50度防曬，去東南亞都唔驚。 雖然質地偏杰但延展性好好，珍珠大少可以全臉使用。 有一定遮蓋力，有珍珠粒粒折射光線，均勻膚色綽綽有餘，配上遮瑕膏和有色碎粉，真的可以省下粉底步驟 有滋潤度，成膜後有光澤，在皮膚附著力不錯，乾燥清爽的天氣使用可以保持6小時以上 25g細細支牙膏裝，放在行李不佔位置和重量 #出國必備彩妝
<看全文>
wintonggg好用推薦：專櫃買的，遮瑕力幾強，夏天都頗持妝，不過對比nars嘅粉底液，厚重左小小，同埋色號比較少選擇，但整體來講對得住價位，同埋cushion都方便返學返工一族，會再回購！
<看全文>Tobimak好用推薦：我塊面本身暗瘡印較多，但一直都好想搵到可以快速上底妝的方法。一直身邊朋友都話NARS既粉底液好好用，所以我就去左專門店試。sales姐姐強調話呢盒並不是bb cream，只係以cusion方式上妝既粉底液。 咁啱買既時候有特別版既粉盒賣，所以我粉盒係白色既😚 開頭用既時候較難拿捏份量，好易上多左變厚粉，但之後用慣咗就冇呢個問題。 呢隻粉底遮瑕度都夠，剛上完妝既時候真係好靚好自然，不過對我黎講就last得唔耐就會有溶妝情況。
<看全文>
Emma W好用推薦：Revlon 持久無瑕水印潤粉底液能夠長時間保持妝容，不易脫妝。這款粉底液的質地輕盈，容易推開，讓肌膚感覺舒適，並不會有厚重感。最重要的是，對於想要遮蓋瑕疵或膚色不均的人來說，這款粉底液提供了良好的遮瑕效果，能夠遮蓋小瑕疵。塗抹後，更加光滑和有光澤，又不會起粒粒。一段時間段後，不易浮粉，係減少補妝的粉底液之一。 價錢方面，相較其他高端產品，依個較親民，似一個不錯的選擇。 適合肌膚：任何 成效度：4/5 保濕度：3.5/5 貼合度：4/5 質地：cream狀
<看全文>Mo Wong好用推薦：呢款粉底遮瑕度唔錯，可以遮到我面上D斑7成左右，我係上薄薄地一層，用黎化霧面妝幾啱。佢都易推開，我係乾肌上面唔會太乾，而且佢keep到幾長時間唔甩妝，所以幾滿意。
<看全文>
mandy好用推薦：Excel Featherize On Powder 絲感輕羽美肌粉餅 SPF35 PA+++ #FO01 粉餅連盒及海綿 $209/ 粉餅 Refill $149 Excel 的3合1眉筆及4色眼影盤都是名品及熱銷產品，而本次試用的絲感輕羽美肌粉餅也很好用。 Sana 旗下的開架化妝品牌Excel 在一眾開架品牌之中，是定價最高的粉餅，這難免令人有更高的期望。 Excel 絲感輕羽美肌粉餅的粉盒設計非常簡約優雅高質，跟其他的可愛系開架化妝品牌完全走不一樣的路線。 Excel 絲感輕羽美肌粉餅 有著令人喜愛的超柔滑質地，我試過其他的開架粉餅，粉質都真的不夠Excel的滑嫩。 Excel 的確是貴一點, 但卻是真的很有實力! 但如果大家對價位比較執著，那也可以嘗試具口碑的Cezanne 及 Visee。 Excel 絲感輕羽美肌粉餅 共推出4色供大家選擇, 分別是較淺色明亮的FO01，標準色FO02，標準色(偏粉調)FO03 及較深色的FO04。基本上淺膚色選FO01，中間色選FO02 或 FO03，看那種色號較適合，較深膚色選FO04。 Excel 絲感輕羽美肌粉
<看全文>貓餅好用推薦：偽素顏的好幫手，開價品牌嚟講算係幾平，粉末好細，質感輕薄，修飾毛孔能力唔錯，但係控油力一般
<看全文>
Wuxx好用推薦：第一次投稿 多多指教~ 因為真係太好用所以想多啲人知道依個冷門粉底液！ 大家都知資生堂有好多唔同定位嘅副線品牌， 而主線嘅光芒成日都會俾人忽略， 今次就講下依個個人覺得無敵嘅粉底！ 係香港依個夏天室內乾寒，室外濕熱嘅奇怪異世界黎講， 要搵到枝平衡到極端氣溫嘅粉底液真係唔容易，但資生堂做到啦！ 依隻粉底極高遮瑕，半泵已經可以用到全面。 我自己雖然唔係啲咩大瑕疵肌， 但透薄粉底有時疊加都未必可以做到好嘅修路作用， 所以有枝高效嘅遮瑕粉底液會方便好多。 而佢最令我佩服嘅位係， 雖然佢係霧面，但佢無霧面粉底液嘅通病， 就算係冷氣房都唔會收乾皮膚。 而鍾意水光面嘅朋友， 依隻粉底係有出光澤型咖！ 可以滿足到唔需求嘅人士。*一小泵已經可以大範圍使用* 希望依篇感想可以幫到仲未搵到心水粉底液嘅你♥️ *是次購入色號為130
<看全文>Noel好用推薦：資生堂的 SYNC 粉底液於歐美非常火紅，不少 beauty guru 都大推這枝，因此我都充滿期待！因為作為日本品牌，粉底產品竟然能打入外國美妝圈，真的極為神奇😍 肌感同步持久粉底的包裝很實在，磨砂玻璃瓶配上黑色塑膠泵頭，設計乾淨利落。而黑色的扭扭開關設計，又省卻了額外一個瓶蓋，使用上更方便👍我的色號 160 Shell，上到面上超自然，像是 second layer of skin 💗 使用這個粉底液前，必須先搖勻再泵出，沒有搖勻的話會有點一塊塊。粉底液具中高流動性，延展性超好，可以在皮膚上推到超薄❗個人喜歡使用氣墊粉撲＞美妝蛋上 SYNC粉底，因為感覺可以增加多一點 coverage，習慣使用氣墊粉撲上兩層，基本的瑕疵都已遮蓋 8成，表現理想。 雖然是啞緻的粉底液，但是用起上來：絕！不！乾！身為大乾肌，本人初初試用這枝粉底時，正要跟幾位大學朋友見面，真的超不安😝 不過，這一次的 wear test 卻是一個大成功，眼下沒有乾紋，眼皮沒有積線，鼻兩邊也沒有明顯脫妝！ OMG！沒有斑駁，沒有氧化，持久力超讚💕 是本人目前用過，最好的一枝 dry skin friendly 啞緻粉
<看全文>
Poyobb好用推薦：呢支係glow版本，出嚟感覺不是韓妝水光，係呈現皮膚狀態好好嘅自然光澤感。 粉底液偏稠身流質，試過用刀刷有粉痕，建議用密度較高嘅粉底刷較適合。粉底液有點快乾，建議逐part上面，同時遮瑕度幾好👍🏻即使上一層已做到好高遮瑕度。 保濕度一般，我混合肌toner+保濕base感覺啱啱好，干肌要再加強保濕。 我用嘅日子30度（上碎粉前用定妝噴霧），冇補妝只用紙巾輕印嘅情況下，大半日都keep到七成。 #火熱新品
<看全文>natanatalie好用推薦：這一款粉底是一款比較滋潤性高的粉底，適合乾性肌膚的女生使用，因為粉底的滋潤感是不錯的，對於乾肌女生們來說是非常友好！💯 我這次用3W的顏色，這個色號適合亞洲女性肌膚使用，不會過白也不會顯黃，上面的感覺是非常滋潤和保濕度很高，因此不會顯乾紋和不會有龜裂的情況。🥰 它的遮瑕度也是不錯的，可以看看我手背的血管和青筋也遮得7788 ，而且粉感不會很強，皮膚不多瑕疵的女生薄薄一層，基本上就不需要用太多遮瑕膏。持妝效果是不錯，在夏天比較潮濕的天氣，這款粉底的持久度也能維持在八九小時左右。☺️ 總括來說，這款粉底並不算十分透薄，它算是滋潤度和遮瑕度不錯的粉底，適合混合性肌膚女生在秋冬天使用或是乾性肌膚女生使用。🫶🏻
<看全文>