持久 推薦好用產品

東區蘇牙琳好用推薦：這是朋友送的GA cushion ! 包裝真係好靚，內容物係網面加膏狀粉底液10分襟用的感覺，好過海綿索晒foundation嗰啲，質地水潤容易推開，加疊可以增加遮瑕力，但係對於油肌嘅我，要做好定妝如果唔係都容易出油，有微微嘅香味，本身跟嘅粉撲比較薄，我通常都會用自己嘅。

Sophia好用推薦：Armani 這款歐美品牌的cushion外表感覺非常奢華，很有設計感，和韓國品牌完全不同style。上妝觸感都舒適，輕拍就能均勻服貼。遮瑕、修飾毛孔和細紋等能力都屬於中等。防曬有SPF40 PA++，日常使用都非常足夠。保濕度佳，即使在乾燥的環境下也不會覺得緊繃。持妝度表現一般，較適合香港秋冬天使用，但幸而出油後是奶油肌效果。效果中規中矩，較喜歡同品牌的粉底液。

Kura好用推薦：呢款粉餅作為底妝產品遮瑕效果真係一流，整體底妝效果都貼服，用上臉會有少少閃粉，同埋提亮膚色效果都唔錯，顏色都偏自然，同埋適合夏天用，適合油性肌膚，係唔錯嘅底妝產品 @cosme #底妝 #底妝 #夏天 #護膚 #保濕

葉子🍃好用推薦：當時見盒子設計特別同寫有提亮好吸引買左，色號G01明亮色，用時感覺附送的粉撲有點硬，盒入面有粉底膏同高光膏，我按包裝盒後面用法全面搽上粉底膏，然後再係想提亮位上高光膏，出黎效果幾好，立體，漂亮自然，但半日左右太乾卡粉有紋，試左2、3次放棄左

bellahly好用推薦：Fasio作為Kose嘅副線品牌，佢嘅質素都有返咁上下，但係佢性價比好高，好容易可以搵到適合自己嘅化妝品。 呢一隻Fasio BB cream聲稱能夠防水防汗，喺夏天用就比較適合。 搽起上嚟都非常之容易推，而且單搽一層嘅遮瑕能力都唔錯，同時可以疊加以增加其遮瑕能力。搽出黎都非常之貼服，過咗幾個鐘都唔係好覺有氧化，妝感比較輕盈透薄。 作為混合性偏油肌，眼肚同埋鼻頭都需要額外用定妝粉，乾肌嘅朋友可能直接用佢都足夠持久。

Daisy好用推薦：好用！已經用到就快用晒。我用2號色 調色潤色效果一流，妝感唔會厚重，延展性好好，一粒豆大細就可以用全面。維持長久妝感，唔會變成粉樣，出油印一印又可以Hold返一個下晝，亦唔會因為印油印走啲粉底。上班族趕返工就可以快速上妝😆

Phyllis好用推薦：買的是10色, 比舊版透薄, 但是帶粉紅, 可用來調膚色, 用後感一般, 這個價錢, 可以 有很多其他選擇

Vlee好用推薦：夏天用一日顏色都不會氧化 超過10小時仍能維持出門時的顏色 均勻膚色方面非常出色 霧面得來亦有一定光澤度 除了髮際線鼻翼容易出汗位置，幾乎沒有脫妝 本人有敏感皮膚，但依款產品沒有致敏 缺點是比起其他品牌滋潤度比較低，要注意使用前的護膚 我偏向健康膚色，使用2號色

Tobimak好用推薦：make up for ever 嘅底妝產品不嬲都出名好用，而我今次試咗呢支超高清無瑕粉底液。 我係一個好少會用完晒一支粉底液既人，而且家中有超過10支以上既粉底液係已開封用緊嘅，因為我每日都會因應心情、妝容、衣着、皮膚狀況來決定當日用邊隻粉底液。 而呢隻粉底液我用完之後仍會再選擇回購，因為遮瑕力不差，但又不會有厚粉的感覺。 但是我用完之後就會比較容易出油，所以容易出油的姊妹記得出街要多照鏡睇下有冇需要補妝了😗

格仔餅公主好用推薦：網上爬文見好多台灣美女話佢卡粉又好易浮，感覺都係好睇個人皮膚質素係點同埋同佢夾唔夾呀，始終每個人塊臉既情況唔同都會影響，甚至你化左幾耐個妝，化完係去咩地方（室外定內？）仲未計天氣呢.. 我既皮膚唔算太油係間唔中U字位會乾啲啲，用呢隻粉底上臉大概過半小時多啲啦，你會feel到佢開始特別貼服你皮膚上邊，但佢質地唔厚架仲幾易推，薄得黎又有遮瑕度先勁揪，又唔會話好乾好焗 至於溶妝情況，佢室內即係返工見客基本上無咩要擔心，至於係戶外，自問都係大汗人士，好彩佢出油會變奶油感，毛孔仲變得無咁明顯，對我黎講佢就係咁岩我「上山下海」既粉底partner🏆

Rosa好用推薦：首先，要稱讚這品牌環保，粉餅升級版能夠使用舊版的 粉餅盒。我覺得這款粉餅比較挑皮膚使用，如果是油性肌膚不太適合，因為比較較容易脫妝，我是混合性偏乾皮膚 ，在炎熱夏天使用大約到中午就會有少許脫裝，我覺得在不使用底妝情況底下使用這個粉餅效果是最好的，嘗試過好多不同的底妝產品配合這款粉餅會有班駁脫妝的情況出現,但在單獨使用情況,妝效非常細膩，感覺皮膚很好的樣子 我覺得比較適合乾肌皮膚

Natp好用推薦：粉餅我用c01 , cdp粉餅的確係熟齡肌友好， 無論幾乾， 有條紋响度都好， 用呢個粉餅唔會令瑕疵更突出！ 其實化完果下係有少少粉樣， 最靚係等一兩小時後， 出左油就更融合， 好似媽生好皮膚咁！ 補妝都不會斑駁， 只要適量吸油， 再掃返d粉就ok 用粉餅掃 會更適合新手， 因為buildable, 所以完全零技巧係咁掃就可以！ 但用粉撲就唔得， 比較易一逹逹！ 日本買五百蚊就好值得！ 但香港要八百就太貴！

Tiffany好用推薦：Cushion來說持久，遮瑕度亦都不錯，妝感不會死白。補妝方便，可以一試。

JuneL好用推薦：方便使用，但好快就會覺cushion 的粉底好難取到足夠量，而要報消，粉底上臉後貼服自然，遮瑕度比一般cushion高，質感偏透薄不厚重。

jhope0725好用推薦：我自己一向都係Innisfree嘅胭脂 fans，一來好顯色，二來好貼服，唔會點飛粉。今次呢個山茶花胭脂仍然不例外，顏色好鮮艷，而且花蕊同花瓣用咗唔同顏色，溝埋又會有另外一種效果。 佢做立體浮雕實在太靚，不過可惜我唔小心，一返到屋企就跌崩左個角🙁🙁不過唔緊要，同大家分享佢嘅鮮艷顏色 佢顏色好顯白，我係偏黃肌，喜歡用鮮色令到皮膚望落去白淨啲，佢正正做到呢個效果。圖中左邊係來回搽3下，右邊就來回大約5下，睇到深淺色分別！大家上面就要blend開d 我上面用左佢3個鐘先開始慢慢淡色，大家唔洗擔心要成日補妝，溶入皮膚之後就會變左皮膚透紅嘅感覺，有d似天然俾太陽曬完嘅感覺。來緊夏天，想要個summer look用佢做眼影嘅highlight都得，夠實色。呢個胭脂推介！

JL好用推薦：第一眼見到這款山茶花浮雕胭脂已急不及待入手一個，我買的是1號山茶正紅色，別看它紅得像唇膏，其實上臉效果可濃可淡，因為它含有水份的彈性質地可隨意用手指塗抹，塑造清爽透亮的妝效。另外它的不脫粉功效很適合戴口罩時使用，我試過用小眼影掃把這胭脂輕輕掃在眼尾位置，即時化出潮流韓國妝容！

popocarcar好用推薦：呢支FASIO眼線液絕對係油眼皮寶物。 筆尖硬度適中，容易控制，畫幼細嘅眼線，手殘黨都可以輕易駕馭。 防油防水力能力超強。 #火熱新品

choichoi好用推薦：眼線液的刷頭非常幼細，很好描畫，那持久度也非常優勝，它的啡色調溫柔很好看，再配合這個相宜的價錢，使用完之後又再回購 #火熱新品

shirley好用推薦：4款色調組合，塑造透明亮或持久控油啞緻的妝效。 Givenchy4色碎粉可以自動幫肌膚調色； 粉質細滑輕盈，上臉啞緻有光澤感，不會卡粉浮粉； 對肌膚無大負擔。 而且蜜粉盒窿窿係Givenchy Logo，用粉撲拍第一下 會印咗個logo上臉（cute!!) 

Fng好用推薦：Givenchy 碎粉一直人氣高，有十分多好評， 我覺得佢實至名歸🥰 。 💙持久控油： 綜合使用下來,和其他散粉相比, Givenchy 的持久控油效果確實出色, 用與不用差別明顯, 混合皮一年四季都可以使用， 尤其夏日🌞容易出油溶妝，用佢嚟定妝，效果就十分好。 #夏天 💙提亮: 佢真係攞滿分🌟明顯令你膚色提亮一度😍。 💙遮瑕： 畢竟是散粉, 基本上是無色的, 遮瑕效果有限。 💙修飾毛孔： 塗Givenchy 這個真的要給它滿分！ 柔焦作用非常強💯, 基本上能把毛 孔遮個七七八八。我作為毛孔較粗的人, 一般塗防曬後 加上Givenchy 散粉就出門, 修飾毛孔效果很不錯, 偶爾也會帶出去補妝。

Kaze13579好用推薦：GA底妝系列一直都好好口碑。一直都好鍾意佢個粉盒兩層嘅設計，靚得來又唔會太大嚿帶出街補妝一啲都唔失禮。粉撲都係一向嘅底面唔同質地可以做出唔同嘅效果。粉質都夠細緻。不過就要控制份量，始終都比較乾身matt面，太多太厚會好粉感。

KDing好用推薦：粉質好幼細 上面既遮瑕度雖然唔高 但係就因為咁好有自然妝效 有時候會用埋佢黎做定妝粉餅 妝感都唔會太厚重 新手好岩用

Candy Ng好用推薦：係之前優惠包裝一齊買回來。 用完之後，覺得佢定妝效果一般，一早出街，過左幾小時之後，就要再補粉。佢long lasting 吾長🙈 佢有一樣野好，皮膚唔穩定，要上碎粉，可以用佢。而且，用完佢之後唔會泛紅。 適合敏感性皮膚使用。

jaye好用推薦：近年因為帶口罩而令到下巴位容易生痘痘，一直想試下用礦物粉底，見到時代廣場counter呢款有旅行裝可以買，就買黎一試，粉質好細滑，用掃打圈掃好快就完成底妝，薄透唔焗促，遮到毛孔，仲有防曬。痘痘問題有改善到，所以覺得幾好，唔傷肌膚又可以做到自然日常妝既底妝產品，敏感肌都可以一試！

Frances Kong好用推薦：本來是PJ 會員，有預購刻名服務此產品一早從廣告得知客服朋友介紹粉很貼服持久並好幼滑⋯⋯意想不到的收穫！大愛會再買及介紹此產品比朋友超值得推薦，很少粉餅我會很喜歡，今次質感真的超好，是用PJ以來最好！

Circlecyy20好用推薦：不論係出門前當粉底用 或是拎出街用黎補妝都唔錯 唯一係個妝厚會略為厚 所以唔好咁重手

Puffysheep好用推薦：見到網上面啲人推介 因為佢價錢都平 遮瑕度一般 如果塊面冇咩瑕疵嘅話都啱用

Kpl6be6好用推薦：其實係被其小女心包裝吸引而入手～感覺氣墊嚟計算遮瑕度ok～通常用後會上一層薄薄碎粉去減輕番油光感～

格仔餅公主好用推薦：喺韓國氣墊粉底氾濫嘅情況之下，見到日本嘅氣墊都自然會想令人想試吓，佢出嚟嘅貼服度極高，遮瑕效果都高，可以遮到大部分眼圈、痘印，重點係一啲都唔貴

natanatalie好用推薦：提亮同柔膚感覺好自然，薄薄一層好貼服，唔會浮粉，會每天使用，推薦。

Aivlys好用推薦：這款CC cream的「外在」十分討好， 壓頭式設計可以確保粉底的衛生和控制份量， 粉底帶著雪肌精經典的花香氣味。 說到「內在」呢， 它的用量很省， 按半下壓頭就可塗勻全臉，延展性很好。 因為它是cc cream所以遮瑕度不高， 但是均勻膚色和柔焦毛孔的效果都不錯。 現在每天必須戴口罩外出， 配合持妝的妝前和蜜粉定妝後， 基本上要維持一整天也沒有難度， 它不容易暗沉或脫落/轉印， 但隨著時間推移，油脂分泌會令它變浮， 在燈光下近看可能會有少許面具感。 我用這款cc cream後沒有過敏不適， 而且考慮到它的優點多於缺點， 整體而言非常喜歡，會推薦給大家。 圖一：未上粉底（抱歉失焦了） 圖二：塗好CC cream（遮瑕度不高但膚色變得均勻） 圖三：帶妝約6小時後（粉底沒有脫落，但微微浮起，估計因為口罩內的油脂及蒸氣）

auntiemuscle好用推薦：係之前cosme活動，聖誕倒數寫reviews時既被獎禮物，估唔到揀中左我，多謝先 excel一路評價都幾高，成日想入手試佢既眼影又覺得開架呢個價錢又略高，一路都冇入手 今次機緣巧合下試佢既底妝，yeah 其實我好少用定妝，春夏先會用，因為皮膚比較乾 其實呢個係蜜粉餅黎，拎出街補妝都好方便啲粉唔會周圍飛 初初見到咁白都有啲驚，因為我都算係偏小麥肌， 粉都幾幼幾滑，跟埋既粉樸都好軟 我都試左幾個配搭，日常如果返工我只係防晒加呢個粉餅，你因為我返工係有款動既上左面都有提亮作用，因為用梗某有色防晒，一到下晝出油個樣暗左，用左呢個粉定妝就冇呢個問題，但如果冬天濕度低，我覺得有啲乾 都試過fdt加呢個粉餅，明顯有霧面感，但唔係啞色實晒果種死白，都保持到大半日清爽 但如果當日肌膚狀態比較乾我都係用掃上，咁樣就薄啲冇咁乾

jellybeanyay好用推薦：呢盒粉餅是從@cosme STORE購入❤初初係比佢個包裝吸引，估唔到有驚喜！ 我買嘅係01色，係一隻淺米色、幾乎透明。包裝好高貴feel，好欣賞佢有粉撲同鏡，可以拎出街補妝！靚粉質非常幼滑，唔會飛粉/結塊。上面後有輕霧面嘅妝感，自然唔會死matte。用喺眼底唔乾，唔會點卡粉令眼紋睇落明顯，好貼服。我皮膚有時會乾到出少少油，呢隻粉餅都兼顧到控油同保濕，不過我出油唔勁所以唔肯定油肌用嘅話夠唔夠力。 So far呢隻係我用過最好用嘅日本開架粉餅！

SammyN好用推薦：使用的這一款有淡淡的蘋果香味，附帶的粉撲很鬆軟。塗抹在臉上都有少少霧感。外出的話可以last到幾個鐘的，盡量留在冷氣房會好啲。

Kylieee好用推薦：首先要多謝Cosme送俾我嘅禮品～ 以下所講嘅全部都係真實評價， 並非因為禮品： 呢個係令我非常驚喜嘅蜜粉餅， 因為我最初見到個牌子覺得好冷門唔方好用， 而且個人超唔鍾意佢個包裝，塑膠感好重， 令人覺得好細路仔玩具咁 但實際用落佢好香，啲粉超級細， 過往用另一隻著名c牌開架蜜粉餅， 個個狂推但上面狂卡粉，粉感嚴重，唔自然。 反而呢隻小眾野上臉係一秒磨皮， 自然到好似天生皮膚好好咁， 真係超級愛，同一定會回購！！！ 不過真心唔鍾意佢包裝， 好塑膠又好大舊唔方便拎出街。 而且消耗得有啲快， 好似用左一個月多啲就冇曬：（

Clovercc好用推薦：帶有粉紅提亮調色功效的妝前底霜，質地輕薄水潤，很容易就能推開，可以提亮均勻膚色之餘，還會帶有點光澤感，令皮膚看上去有水光感。試過接住上妝都可以很貼，不會與粉底液打架。因為它防曬很高，有SPF50+ PA+++ ，有時不化妝，也會當防曬單用，有提亮效果，面色都會精神點！唯一壞處，是我眼睛比較敏感，如果塗得太接近眼周，我眼睛會覺得澀澀的，要避開使用。其餘都超好的～🍀

格仔餅公主好用推薦：質地好薄唔會笠，好有韓國水光肌嘅感覺，上面之後有滋潤感覺，之後嘅粉底容易上咗仲唔會咁易浮，呢排夏天用落感覺非常好，用完之後絕對會回購

Lumi Kwan好用推薦：呢個牌子出名精華油成份較重，所以佢嘅潤唇產品確實唔錯，如果單用當係潤唇膏，效果非常自然。整體評分真係唔差，不過佢嘅色系比較自然，如果想突出唇部彩妝嘅朋友，可能就未必太過適合。亦都因為佢有瞓覺重，食嘢嘅時候，甩落食物或者杯邊在所難免，不過我尚可接受。

Amelia好用推薦：雖然價錢有點高，但用過一次之後，就覺得真係物有所值！佢有好多出色既地方，我都覺得比其他品牌更好用👍🏻👍🏻👍🏻： 1. 最特別係 質地💕好少見呢種半霧面、半光澤既質地，顯色度好好，但厚厚地又遮到唇紋！ 2. 我用既係最新出既Diamond Windshield, 呢隻顏色比較深，接近莓紅色。白膚妹子可以一戰！ 3. 就算本身唇色較深或帶紫既人，都會遮到本色唇色。 4. 唇釉枝棒好軟熟😂😂用既時候嚇左一跳。好正！