珠光.閃粉 推薦好用產品

Emily Leung好用推薦：Cezanne 珠光胭脂測評（色號 PK01） 包裝設計 Cezanne 呢盒珠光胭脂（Cezanne Pearl Glow Cheek）係典型日系平價包裝，塑膠殼輕身薄身，方便帶出街。設計簡潔，透明蓋可以一眼睇到顏色。冇附送掃，要自備工具上妝。 質地同粉質 粉質出乎意料細滑！開價來講絕對係高質。壓粉實淨，唔會飛粉，手指摸上去有絲絨感。珠光好細緻，唔係大粒閃片，而係似皮膚自然透出嘅光澤。 色號 PK01 試色 · 顏色：柔和小麥粉色，帶淺金香檳色珠光，唔係死實嘅粉紅。 · 效果：上臉後好自然，有微微提亮同立體感，似皮膚本身嘅光澤。 · 適合膚色：自然膚色至偏黃膚色都啱用，白皮用會更顯透明感，深膚色可能唔太顯色。 顯色度同妝感 · 顯色度：偏淡，適合鍾意自然妝感嘅人。要疊加2-3層先有明顯效果。 · 妝感：透明絲光感，珠光低調貼服，唔會顯毛孔或浮粉。 · 貼服度：好好，粉質幼細，上臉後同皮膚融合度高。 持久度測試 · 日常室內約5-6小時，珠光感會減弱，但底色仍然睇到。 · 出油後顏色會變得更融合，唔會積線或斑駁。 · 油性皮膚建議先用碎粉打底，乾性皮膚可以直接用。

NEKOI好用推薦：性價比高，算是這個牌子的標準評價了吧？但的確呢個價錢呢個質素冇投訴。 雖然話係珠光，但其實只係帶點光澤，上臉很自然。上完個人就帶點血色，唔誇張。 附送個掃當然冇自己買嘅咁好用，但我覺得算夠用，有時返到公司先執返啲眼耳口鼻，是但掃幾嘢就做到想要嘅感覺。

綺羅香好用推薦：近日想出門時先發現，我手頭上嘅眼影都偏向秋冬系，反而無乜啱春夏嘅顏色，於是就去咗化妝品店諗住平平地買幾盒，記得細妹以前幾推薦canmake 梳乎厘眼影，見出新霧面版本，就揀咗M04珊瑚粉色 霧面版嘅梳乎厘眼影全盒得左上格係亮片，蜜桃底色配亮片比較疏，不過勝在夠幼細，疊加兩層係陽光照射之下非常閃，右邊嘅粉紅色同珊瑚橙帶有非常輕微緞光，飽和度較低，要疊加三層左右先比較顯色，左下朱古力啡堅霧面兼高顯色，上一層已經好夠 眼影盒後面自然附有canmake 一貫嘅貼心教學，不過如果怕失手，我反而建議眼部打底之後，淨係上粉紅色或者珊瑚橙淺淺一層做打底色，然後用朱古力啡增強眼尾，最後用亮片打亮眼中，眼頭同埋卧蠶，簡簡單單完成一個眼妝 梳乎厘眼影粉質非常順滑，超出我對開架眼影嘅期待，用手不斷來回捽都唔會飛粉，上眼皮貼服，亮片都唔會飛到成塊臉都係，我比較鍾意附帶棉棒，尤其係幼嘅一邊，啱啱好上眼尾同卧蠶，棉頭唔會痴實眼影粉，確保全部眼影粉都可以上哂皮膚度，期待日後會出更多顏色

星海之夢好用推薦：之前見佢做推廣嘅時候就買咗M04色系，作為新手好容易就可以跟住佢後面嘅建議做到相似嘅效果，m04色系偏向活潑嘅感覺，美中不足嘅地方就係好容易甩粉，整體感覺都唔錯。之後又買咗m01色系， 大致上同m04色係使用效果同缺點都差唔多，都幾推薦化妝預算唔高但又係新手嘅人去買呢一款。

Anne好用推薦：之前都鍾意用Canmake嘅化妝品，呢個眼影盤22號都係粉色調所以好鍾意💕好啱日常想精緻少少嗰陣用，粉紅色（右上）同埋偏橙粉（左下）嘅色都唔會太誇張，所以日常返工都會用。中間嘅閃粉都好閃，可以點綴成個眼妝，想華麗啲嗰陣可以搽用埋。 左上淺粉白色用嚟畫臥蠶highlight都唔錯，係幾自然顏色唔會死白。 眼影盤後面都有教學可以點樣用啲色調，非常之適合新手。不過佢支眼影筆細細支之前整跌咗費事執返嚟用，圖中嗰支係我自己換落去嘅。

Bear好用推薦：日本旅行時選購的22號顏色，超。好。用。 看前面評論說亂塗都好用真的沒有說錯，由淡粉紅到櫻花色然後浪漫玫瑰粉，最後小小紫調的深色勾畫出眼型（全部超級顯色）；閃粉部份塗眼頭和眼球下方，整個甜美韓妝造型就出來了！

Fng好用推薦：Excel AB05 肉桂米啡色， 啱黃皮膚用，跟底妝好融合， 妝容透亮， 如果想顯色嘅話，要上多幾層。

iliya 好用推薦：漸變色嘅胭脂可以因應衣著打扮及場合配合唔同妝容使用，性價比超高！

iliya 好用推薦：呢款單色眼影粉質幼細，整個系列一共有 99色，由日常使用嘅大地色系，以至浮誇嘅顏色都一應俱全，而且顯色度高，讚！

Noel好用推薦：眼影包裝貫徹品牌的簡約美學，方方正正一粒，的式可愛。 日本雜誌經常可以見到 Addiction 癮彩眼影，先不論產品質素，設計時整個系列有 99色，由日常使用的大地色系，以至時尚/誇張顏色都一應俱全，相當具話題性❗值得一提，個人很欣賞它的顯色度，算是日牌數一數二了👍 顯色 🌟🌟🌟🌟🌟🌟 持久 🌟🌟🌟🌟🌟🌟 粉質 🌟🌟🌟🌟🌟 價格 🌟🌟

Emily Leung好用推薦：【heme 六色眼影盤 – SERENITY LILAC】溫柔紫芋色盤 黃皮都扛得住？🌂 最近呢盤 heme SERENITY LILAC 喺台灣同香港小紅書、Dcard 都幾多討論。 一見到個名就知係紫色系，但好多黃皮姊妹最驚嘅就係： 「紫色會唔會顯黃、顯髒、似俾人打腫咗？」 等我用咗兩個禮拜嘅心得同你講清楚！ 🎨 顏色配置：溫柔芋頭牛奶＋冷調薰衣草 呢盤有 6 色，分 3 種霧面 ＋ 3 種珠光／亮片： · 霧面 ① 奶白色（打底用） ② 芋頭牛奶紫（主色，偏暖少少） ③ 灰紫羅蘭（眼尾加深用，帶少少冷調） · 珠光／亮片 ④ 香檳粉金（眼皮中間打亮） ⑤ 薰衣草銀紫（閃度較高，仙女感） ⑥ 紫粉偏光（濕潤質地，用手指上最靚） 👉 整體嚟講：唔係全冷盤，有暖調芋頭色去平衡，對黃皮相對友善。 💜 上眼效果 & 顯色度 顯色度：中等偏輕微清淡（日系透感） · 歐洲盤一下已經好濃，heme 呢盤要慢慢疊加，對新手嚟講係好事 · 黃皮用最淺紫色（芋頭牛奶）做主角，唔會灰面，反而有種溫柔知性氣質 · 但如果直接用最深嗰格灰紫羅蘭大範圍上，黃皮真係

chewyfruit好用推薦：Heme六色眼影盤Gentle Brown，成盤係好溫柔嘅大地色系，帶住微微嘅粉棕調，日常用超啱，新手都唔易出錯🤎 粉質方面，霧面算滑，顯色度中等偏自然，重複疊加都唔會一撻撻；珠光同亮片就偏細緻嗰種，日系清透感，唔係歐美系嗰種強烈金屬感。六粒色由打底到眼線色都有，一盤搞掂晒，好適合化返工或者返學妝。 如果要挑剔嘅話，就係最深嗰粒色未夠深，想畫濃啲或者做眼線要用返眼線筆補強。另外持久度中等，油眼嘅話建議用眼影底霜打底會更好。 整體嚟講，呢盤係好實用嘅入門級眼影盤，尤其適合鍾意淡妝、自然妝感嘅人，性價比都幾高👍

Fng好用推薦：Enamor 高光粉 01 💎 我係熟齡混合偏乾肌，呢盒由日本美妝YouTuber KAJIERI主理嘅Enamor高光（@cosme過百好評、LDK第一名），用咗真係有驚喜。 ✨ 色調與粉質 01 Champagne Quartz係自然香檳色，混合細膩銀、金珠光，上臉唔係大閃片，而係由內而外透出嘅高級水光感。粉質輕盈軟糯，貼膚唔飛粉，唔顯毛孔同乾紋。 ⏱️ 持妝力 香港潮濕天氣下，混合偏乾肌全日都Keep到透亮光澤，冇暗沉冇脫妝，效果仲好過唔少專櫃貨。 💡 用法貼士 用掃輕掃顴骨、鼻樑、眼頭C字位，即刻立體小顏；點印喺淚溝、法令紋可提亮暗沉。仲可以掃鎖骨、肩膊，夏天着露肩衫線條更靚。 🌸 同品牌02簡比 02 Rose Quartz係玫瑰石英粉，帶血色感，更顯可愛透明感；01就偏成熟優雅、自然融合膚色。 📌 總結 ✅ 日系透明水光感，唔顯毛孔紋理 ✅ 粉質細滑，性價比極高，開架價錢專櫃質素 ✅ 妝效持久，適合春夏追求自然光澤 ⚠️ 如果鍾意誇張閃亮效果，呢盒低調水光感未必啱你 💬 無論日常定約會，一盒提升成個妝容嘅高級感，已經成為我化妝袋嘅常駐成員～ #Enamor

Kathy Wai好用推薦：Enamor嘅珠光彩鑽光影粉？呢盒真係靚到唔捨得用啊！ 粉質同閃度： 佢嘅粉質真係幼細到冇得彈，一啲都唔飛粉。最正係佢嘅閃光，唔係大粒廉價閃片嗰種，而係好細密、好似碎鑽一樣嘅高級珠光。上臉之後，光澤係一層層咁透出嚟，好有層次感，唔會死白一撻。 效果同用法： 掃上鼻樑、眉骨同顴骨上面，個效果真係「嘩」一聲！即刻嘭起來，輪廓立體咗好多，成塊面充滿咗水光感，好似皮膚自己識發光咁。無論係日常淡妝定係晚宴妝，都好容易carry。 總結： 如果你係高光控，呢盒真係必收！性價比高，效果拍得專櫃貨，絕對係開架入面嘅隱藏寶藏！用咗之後成個妝感即刻升級，成日都忍唔住想照鏡啊！

jaye好用推薦：呢盒Orgasm X 胭脂限量版，包裝超靚，顏色都好靚，Orgasm胭脂粉色自然紅暈，orgasm X更為偏向蜜桃色和珊瑚色，兩隻色粉質都一樣超細緻又柔滑，易暈染均勻，顯色度高，要輕手啲，當然亦可以任意疊加，由自然色調以至大膽鮮艷的高彩度色調都做得到，另外個金色閃粉同樣細致，可作為眼影亮片，十分貼服，自然又精神，日夜妝容都唔會覺得誇張或濃艶。仲有，成盒野不含香料不含酒精，好岩敏感皮膚既我，好鐘意！

ferferfer好用推薦：中間orgasm 隻色上面真係好自然好靚，右邊嘅orgasm X 就絕對唔好貪心，用少少已經好上色，金色highlight 色都好自然

Bchonfrise 好用推薦：Suqqu既閃係世一的！無用置疑！ 12月去咗行街，行到Suqqu時見到有限定色眼影，上手swatch覺得好似好深色好難用，然後BA行過嚟介紹，覺得佢眼妝好靚，就問佢用緊咩，原來就係限定色呢盤！

maylam好用推薦：我係Suqqu眼影嘅忠實fans 喺日本買咗春季新色號14號夕琥箔 係超級靚嘅粉棕色 好日常 搽上眼會顯得幾精神 難怪香港至今仲斷緊貨！ 我仲有限色號129 甘艷 又係勁靚 好推介去日本旅行嘅時候買Suqqu 眼影！

Sarah好用推薦：色號429 粉質系一貫嘅細膩，啞光色上眼好貼服，唔會飛粉，顯色度都剛剛好，唔會一上手就太重手，新手都可以慢慢疊加出層次。閃片色系低調嘅細閃，唔會誇張，反而帶少少光澤感，提亮眼中或者臥蠶都好自然，日常用唔會太閃，返工、上學都啱用。 配色系溫柔嘅玫瑰豆沙調，就算唔識玩好多技巧，簡簡單單用淺色調打底、中間色加深眼尾，再加少少閃片，都可以畫出乾淨嘅眼妝，成個妝感好溫柔，襯日常妝或者淡妝都好合適。持久度方面都唔錯，我系混油皮，帶妝一日都唔會話好容易積線、暈開，保持得幾乾淨。 整體嚟講，佢冇咩大驚喜，但勝在夠穩陣、好駕馭，想求穩、想要一盤日常百搭嘅眼影，呢盤真系幾合格嘅選擇。

HYL好用推薦：五色眼影 850 底的兩種顏色沒有強烈的閃片, 而且顯色度很高 頂部兩種色調和中間色調具有美麗的閃片,原來底部色調看起來也不錯 #火熱新品

Noel好用推薦：今天購入了新一枝 Nail Holic，這枝係冬日版的顏色 #GR727，因為看到瓶內的指甲油：超！似！極！光！綠色為基底，再帶有藍色、銀色、燈色光，很有 galaxy feel 唷！老公也建議買來試試呢 😝 產品一如既往的好，掃頭軟硬適中，彈性良好，掃兩層就夠顯色👌 不過，上到腳趾甲上就只有銀綠色，比較 metallic，非常Y2K，沒有像瓶中的多色效果，實測不算很極光😅

KDing好用推薦：隻顏色都幾sharp，比較少用喺手，多數用喺腳趾度，着拖鞋都幾搶眼

kayla.me.me好用推薦：空氣星空眼影盤有啡色系同埋粉色系,只需輕輕一抹即可點綴妝 容,質地係輕柔順滑空氣質感 我最鍾意啡色系 →佢嘅棕金色系眼影盤可隨意就打造出時尚開朗嘅妝容。

Sarah好用推薦：Innisfree的眼影盤顏色好易襯，不過有少少飛粉，閃粉都幾靚，上皮膚幾顯色。

Fng好用推薦：addiction #101🧡， 102🩷 #101  Love Carnelian 原石紅玉磚橙，內含米黃色及米啡色顆粒， 102 Laguna Agate 拉古納瑪瑙粉紅色 ，內含珊瑚米色及紫色顆粒。 101係暖色系，102係冷色糸，它們粉壓得好實，粉質幼細，顯色度適中 ，容易blend開，打造自然妝容感覺，和皮膚融合得好好 ，同埋外表好靚， 好似雲石地磚感覺。

nikiting好用推薦：屬於偏自然嘅顏色 沒有令我覺得特別或喜歡的 就是普普通通日妝可以使用的

takemyokane好用推薦：數年前看人推薦而買的打亮閃粉，色號 SN02 米白色，我通常用在額頭、鼻梁、眉下和下巴位置，反正有什麼位置想看來閃閃亮亮的就用它！附送的掃不太上粉，不過有時都會照用，不夠就多上幾層也不會顯乾紋。 另外它現實看很閃但拍照不太上鏡，偏向自然的打亮，如果追求 KOL 打卡照的話可能用其他更顯色的更好😹

Blueblueblue好用推薦：因為覺得大大盒好似抵用，所以入手。 結果用到7成左右，粉餅裂咗，用唔到了～

Noel好用推薦：超美的 Y2K 復古風指甲油，真的能夠做到「閃爍」的效果，不是低調的珠光啊！購買時，有多少是因為包裝上的亮眼貼紙：「輝X」💙 雖然上到指甲上，一層真的有點透，顏色不夠實，但是耐性地上 2～3層就會得到絕美的顏色❣老公也讚好看呢～ Nail Holic 產品一如既往的好，掃頭軟硬適中，彈性良好，掃兩層就夠顯色👌 不過感覺閃粉指甲油要多少少時間乾，建議用 UV light 幫一幫✔

Kura好用推薦：係超有氣質嘅顏色，搽完令到我嘅指甲同埋膚色都顯得特別時尚，係我鍾意嘅類型

Kmggigi好用推薦：Armani 水潤絲光高光胭脂液 — 水潤自然，持久迷人✨ 質地: 呢款胭脂液質地水潤，非常容易推開， 一抹就可以自然融入肌膚， 輕鬆打造細膩自然嘅妝感，新手都好容易上手！ 只需用少少份量，就可以見到顯色效果， 色調自然又唔突兀，輕輕一抹就可以提升氣色， 幾乎零出錯！ 效果: 我用嘅係53號色偏粉，感覺啱啱好，特別適合粉白皮膚。 雖然睇瓶內顏色好似會偏粉， 但實際上臉就係自然柔和嘅粉感， 唔會過於粉嫩，效果更顯氣質。 呢款胭脂液嘅持久度非常高，全天都唔怕脫妝！ 即使係外出都可以保持完美妝效。 總結：自然水潤，氣質提升必備 Armani 水潤絲光高光胭脂液集水潤質地、自然顯色同高持久力於一身， 對於追求自然氣質妝感嘅女生絕對係一個完美選擇！ 無論係日常妝定約會妝，用咗你都會愛上！💖

Fng好用推薦：ARMANI 粉狀胭脂已經超好用，見佢有胭脂液，當然去試吓，去專櫃上臉後發現好好用啊，易blend又持久，與底妝溶合得好好！ 顏色很適合亞洲人黃皮，我個人覺得62比53更好看，我是暖皮~53用的少，顏色淺，用得多，太粉顯得有點突兀。62就很玫瑰🥰。 #火熱新品

meiformei好用推薦：佢質地算比較黏, 所以我會喺其他唇膏之後少量搽少少用作潤色用途.

Midori好用推薦：01號色，像糖果一般的色調，顯色度高，十分水潤的一款保濕唇蜜。包裝和價錢都十分吸引，適合補妝用，推薦！

royu3好用推薦：visee 出品一向信心保證，這盒30週年的限定眼影盤果沒有令我失望！ 外觀以Unicorn顏色為主，少女感滿滿🎀 盒內印有燙金的字句，不失華麗！試色圖如下： 1-8 為眼影 9為啞色胭脂（個人不喜歡） 10為陰影，適合加深眼窩及鼻樑輪廓3、4、7 為珠光，質感挻幼滑 其他色都含亮片 1、5、6 、8適合點綴眼妝 特別喜歡6黃色、8紫色 少量用作點綴，能改變眼妝的整體感覺， 變得更立體更Blight Blight✨眼影色較適合個人色彩為Warm tone 春季色的朋友，很有氣色，超級可愛！！ 美中不足的是胭脂色，太顯色了很易變成曬紅的感覺⋯ 其他基本上沒癈色，能輕鬆自由地配搭出各種感覺的眼妝💓 近期大愛的一組眼影！ #火熱新品

Verna好用推薦：我第一次用這品牌的眼影，這是30週年紀念限量版，它有10隻顏色，有珠光、啞緻、陰影粉、金屬色，十分多元化，所以就買來試試 但我覺得有些顏色比較少用和難carry，而且粉質不夠細緻 #火熱新品

Kmggigi好用推薦：Addiction Creamy Stick Eyeshadow係一款筆觸流暢、防水持久嘅眼影棒， 輕鬆打造自然又有層次嘅眼妝！✨ 眼影棒嘅質地柔滑細膩，筆觸非常流暢， 一掃即上色，完全唔需要重複描繪，質感貼服， 適合打造自然嘅日常妝容或者精緻嘅晚妝 呢款眼影棒具備高持久度同防水效果， 無論係長時間佩戴或者面對汗水同油脂嘅挑戰， 都能保持眼妝清爽無脫妝， 非常適合夏天或者需要長時間化妝嘅場合 使用時只需輕輕畫出自然線條， 再用眼影掃或者手指掃開， 就可以輕鬆打造出層次感豐富嘅眼妝， 無論係單色簡約妝容，定係混搭多色創造立體效果， 都易於上手🤩

Tobimak好用推薦：佢筆芯柔滑好推，我手上呢隻係006號色。佢單擦就能修飾眼型。佢不但持久度高，還不易暈染，適合日常或疊搭。方便攜帶，性價比不錯，是一支實用又質感的眼影筆。

jellybeanyay好用推薦：價錢真係好平，又有鏡又多顏色，可以化到唔同嘅妝。顯色度十分高，我分別揀咗3種唔同嘅質地試上手比大家睇，分別係淺啞色、深啞色、閃粉色，3隻都係十分上色易推開，唔會飛粉，我會用眼影底霜打底先再上眼影，所以眼妝都會非常持久。性價比超高嘅眼影盤， 如果好似我咁鍾意歐美系妝容嘅可以放心入手。

lkmannn好用推薦：顏色睇落好日常，但顯色度太高，睇落好淺色嘅顏色都好深色，睇落深色啲可以做主色嘅顏色都用唔到，但價錢係好平。