美體功效 推薦好用產品

poonpoon好用推薦：Burt’s bees神奇紫草急救軟膏 呢個牌子出啲嘢好天然，BB仔都用得👶🏻 細細罌有15g，2024用到2025都仲有排用。帶出街用超方便，尤其是而家淨係興帶細袋出街帶多支hand cream都冇位，我只會帶呢盒紫草膏。 只要身體有任何一個乾燥，包括嘴、面部、手踭，我都會用佢。 油性質地，親膚性強。做到即時止痕、舒緩乾燥，好好用既萬用膏！

shadow影子好用推薦：基本上係油性的，所以用嘅時候會覺得好滋潤，而且可以即時舒緩到乾燥同埋痕癢，細細罐都方便隨身攜帶。

lingbb好用推薦： - 當時購入係性價比高，外型好靚就試下 - 當放得太耐（中間68 色）質地變得好杰身，塗嘅時候黏住好難推開，所以開左建議盡快用 - 55 色新買，雖然質地比起用開都偏厚但係塗上甲滑身易塗 - 咁多隻色最鐘意107， 番茄紅唔會紅得太誇張又顯得好精神，夏天冬天拜年用都冇問題 - 呢個牌子嘅指甲油唔算快乾，所以需要啲啲耐性

橘子貓好用推薦：Ducato指甲油樽身設計可愛，像個瘦南瓜般，吸引人買。 指甲油質地偏流動，不厚，比較水狀。甲油掃都易用，兩下就可以掃好一層甲油。不過由於指甲油較薄身，好易塗不均勻，有點考驗塗甲的技術。顯色度較低，要最少塗三層才有樽身顯示的顏色。好在甲油還算快乾，塗三層也不會費時。 最大優點是持久度，我腳甲單塗Ducato，沒有加塗底油、面油，塗了三天也依舊沒有甩色崩缺，就像最初塗上。如顏色合適，會考慮再購入。 #122 柿子色（暗橘色）帶金閃的，顯白，不似正紅色張揚，活潑適合夏天。 #BA照

莓莓好用推薦：🫧 Sabon經典身體乳液 🫧奢華香氛・絲絨質感 每次行過Sabon專櫃都比佢陣陣香氣勾咗個魂入去！貴婦級享受 嘅身體護理真係名不虛傳，忍唔住入手支經典系列身體乳液！同大家分享呢個由香氣到質感都滿分嘅用後感～ 🌸質地： 佢嘅質地好似絲絨咁軟滑，一推開就感受到佢嘅豐潤，但絕唔係厚重嗰種！吸收速度好似同皮膚做緊SPA，滲透嗰陣仲會聞到陣陣清香，用完皮膚即時有層天鵝絨般嘅柔軟觸感，滑到忍唔住想摸多兩下！ 🌟 真實用後感： • #香水級留香 ：臨瞱前搽，第二日起身成張被都係淡淡清香，連成日話我用太多香水嘅老公都話好聞！ • #乾燥肌救星 ：對手踭同膝頭哥呢啲「沙漠位」，搽完即刻滋潤返，摸落去冇咁粗糙 • #約會神器 ：出街前用，個陣若隱若現嘅香氣，比起噴香水更自然吸引！ 💡 用法： ▸ 沖完涼趁皮膚仲有微濕，用兩泵分量由下至上按摩全身，鎖水效果更加持久 ▸ 如果想去角質，可以混少少Sabon磨砂膏一齊用，即刻提升滋潤度同光澤感 ▸ 每晚用三泵分量厚敷喺腳踭同手肘，5分鐘後輕輕按摩，粗糙位置會變柔軟 真心推介俾鍾意香氣持久、追求高級護膚體驗同埋想提升女人味嘅姊妹！雖然價錢有啲高，但係絕

zetalhc好用推薦：呢個係sabon聖誕限定嘅杏仁身體乳液，質感偏油，冬天用會覺得好滋潤，而且味道好清新

葉子🍃好用推薦：倒係化妝棉上面，敷係指甲面等幾秒，再抹走指甲油，好簡單輕鬆就卸除到指甲油，味道都刺鼻，但用完好快消散，唔會成隻手都一陣味，同佢用完唔會令指甲變色，比較溫和，清除力又足夠，價錢不貴，因為卸除力足夠，一支可以用好久

Giselle 好用推薦：Kate Tokyo 護甲除光液N 230ml *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢支真係卸甲油真係一流(✿︎´ ꒳ ` )♡︎只要係指甲上敷幾秒後再抹走啲甲油就已經卸得超乾淨(´,,•ω•,,｀)♡︎就算係已經搽咗面油底油嘅gel甲都可以輕輕鬆鬆咁卸得乾乾淨淨(* ´ ｪ `*)♥︎不過因為佢嘅樽口真係太大，有時候想拎棉花棒去hi少少都會因為倒太多而要將多餘嘅液體倒返入樽(◞︎‸◟︎；)倒返入去好似唔太衛生，但倒咗又好浪費(꒦ິ⌑︎꒦ີ)撇除呢點之外，如果淨係睇佢嘅效果同價錢，呢支$28嘅除光液真係cp值超級高(๑ت๑)♡︎

TsuenMa好用推薦：天氣秋涼加乾燥，皮膚出現乾紋🥲 腳踭位啲龜裂紋都勁到會刮同令到隻襪仔出現勾線嘅情況，乾起上黎手指會爆開流血🥲 所以一入秋冬，body lotion就一定要跟身，隨時補搽，如果吾係d手腳會成日見紅🥲諗起都痛💔 L’Occitane 最令人印象深刻嘅就係佢哋嘅身體護理產品，尤其是係hand cream同埋body lotion，除咗包裝好吸引，User Friendly，多數會有唔同嘅size揀，好似呢一款咁樣都有迷你版嘅可以方便拎出街用💞 大，唯一對於呢一個包裝有少少comment嘅，就係佢唔容易唧出嚟，要chok多幾下先至可以拎到入邊嘅cream，同埋比較難控制個份量，所以我個人認為都係普通嗰啲牙膏裝版會比較好用。 🙈 呢款係馬鞭草香味，會偏向中性啲，男士都啱用，味道會比較Freshing，乳白色嘅cream狀，正常發揮都係易吸收，滋潤得嚟又唔會有過多嘅黐立感👍🏾 係乾燥皮膚嘅恩物🫶🏾 

Blooming好用推薦：L'Occitane馬鞭草潤膚露，香味是馬鞭草，帶點檸檬，氣味怡人，質地易推、易吸收，滋潤度也是足夠的，香港一年四季也適用。

維他他好用推薦：Lamer 得一支hand cream，呢一支貴婦級護手霜，一支100毫升細細支，已經要$930，香氣唔特別出色，唔算係香嘅潤手霜，但係產品嘅滋潤度就非常之高，滋潤得來，唔會黐立立，容易推開，長期用嘅話，可以改善手部嘅紋理，令手部皮膚越嚟越嬌嫩，個人覺得較為適合秋冬使用，冷氣房使用。 太貴啦，我會寧願用其他hand cream，起碼用得多，都唔會咁肉痛先，呢個價錢已經可以買好多支好嘅潤手霜🥹

Wingl好用推薦：從來都唔鐘諗用手霜既我 竟然會愛上LaMer手霜 淡淡香味 夠潤 但不油不笠 我手到年四季都好乾 有倒刺 用完LaMer手霜有明顯改善，份量唔使用好多已經有滋潤感覺 吸收咗之後仲好滑

Rosa好用推薦：非常方便 ，因為泡泡豐富能夠滲透每根頭髮，染出嚟啲頭髮非常均勻。我大約等咗30分鐘左右清洗，效果接近圖片顏色 而且說明書非常容易理解  至於缺點方面 開始用上頭髮的時候 氣味有點攻鼻 但這種感覺也很快消失

維他他好用推薦：用過n咁多次，每3月個月左右就染一次，因為開始布甸頭喇，我最愛的色係愛爾蘭棕，但係呢隻好難買，如果見到我一定會入幾支，隻色好自然，啡得好靚。之後主要都係買焦糖色或者奶茶色，但係奶茶色有啲太淺，返工好似唔係幾好。 超方便使用，將兩支液體混合，慢慢溝勻，再換咗個嘴，帶埋手套，就可以開始染髮，長頭髮都要染幾耐吓，同埋都會用咗2/3支，之後我會等半個鐘，就會去洗頭，當然要用埋佢附帶嗰個護髮素，洗完之後頭髮會順滑好多，有輕微嘅染髮味道，大概會留三日左右，之後就冇味道。 唔敢用紅色，紫色呢啲，每次都係用啡色 試過用另一隻牌子嘅泡沫染髮，但都係呢隻好啲

Kmggigi好用推薦：Homei Weekly Gel — 易上手、易卸除，輕鬆玩美甲💅 質地: 呢款Homei Weekly Gel嘅質地同普通指甲油差唔多，延展性好、容易上手。 品牌仲有推出配套嘅Peel Off Serum Base， 用咗之後可以輕鬆撕除甲油，完全唔傷甲， 對經常轉款嘅人嚟講真係非常方便。 款式: 色號選擇非常豐富， 我用嘅係貓眼系列，磁吸效果靚又有層次感。 不過要注意，磁石棒需要另外購買， 想打造閃亮貓眼效果就要準備好工具。 效果: 塗抹時顏色均勻順滑，雖然色澤偏淺色系， 但通常上一至兩層已經夠飽和。 照燈固化後效果光滑細緻，有專業美甲店既視感！ 唯一缺點係持久度唔算高——大約3至4日就會開始脫落，未必做到官方講嘅「weekly」效果。 不過相對優點係，完全唔傷指甲！ 對於平時用普通指甲油容易令甲面變脆、變薄嘅人，呢款真係輕鬆又安全嘅選擇。 用完三日後效果: 雖然甩咗四隻，但係指甲表面完全冇花！ 總結：輕鬆玩色，溫和不傷甲的入門gel甲 Homei Weekly Gel集易用、易卸、顏色靚於一身， 雖然持久度一般，但勝在對指甲零負擔。 適合想間中玩下美甲、又唔想太花

Suidan好用推薦：我呢色號係 NE-43 SHINY BEIGE，有好微細既閃粉，令指甲望落更美更健康。而呢支GEL甲油使用好方便，只需一支便可以做到gel甲，好合適懶人使用。

Kmggigi好用推薦：如果有用開止汗劑，相信對呢支Deonatulle 清新體香棒都唔會陌生吧！ 呢支體香棒無色無味， 搽喺皮膚上完全唔會有任何痕跡， 唔會沾黏或者弄污衣物，無論係深色定淺色衫都可以安心使用🤣 同時止汗效果非常出色， 使用後可以有效減少出汗， 保持腋下乾爽清新， 用完之後全日都冇汗味， 即使忙完一日，腋下依然係清新無異味， 俾人一種自然乾淨嘅感覺，唔需要再擔心尷尬場面！

Jan好用推薦：好耐以前就知道呢隻止汗消臭石 一直係排行榜高位 之前嘅biore z止汗劑用完又到夏天就入手一支試試 因為係塗抹式 以為塗上皮膚會有黏感或殘留感 但根本係零感覺 無色無味無殘留 好似無搽嘢咁 對於鍾意清爽零殘留嘅我嚟講好滿意 而且唔係鋁之類嘅化學成份止汗 唔會影響正常排汗 亦唔會令腋下暗沉 早前係高溫天氣下外出 止汗效果與其他止汗劑相約 而消臭效果係目前用過中最有效! 即使全日有流汗 依然保持到零汗味! 其他牌子有香無香都好 半天左右就已經有少少汗味出現 呢隻消臭石即使唔補搽 消臭效力依然可以keep 到全日 果然排高位係實至名歸 用完後會考慮繼續購買

Fng好用推薦：有滋潤感，不油膩，有舒緩頭皮痕癢嘅效用， 每個禮拜使用一次就足夠， 性價比尚可。

Hamiii好用推薦：對毛躁頭好友好 有效改善問題，而且有強靭到髮絲 真係甩少左好多.. 但價格真係太貴.. 我都係好幾隻髮膜間住黎用🤫

cheng2001好用推薦：敏感+乾+濕疹肌✋ Texture：呢隻Gel cream 似精華/凝露，透明乳白色，搽上手好保濕滋潤。上臉的話，只要控制好份量就不會覺得濕到黏，會慢慢吸收，fit for 乾肌！ 呢排就算係夏天，我早晚都搽呢支，妝前搽可以keep到保濕，再上化妝品都唔會斑駁，亦唔會有乾紋。 價錢方面，呢支性價比超高，我係藥房買都係百零蚊大大支，好抵用。出門旅行帶呢隻搽身搽臉就可以慳返唔少位🥸

CC好用推薦：Physiogel藍色系列相對應比粉紅色嘅冇咁杰身，平時搽全身完全冇問題，唔會話太過立痴痴，吸收得算快。但如果好似我呢啲手指/手掌特別乾燥嘅人嚟講，就未必夠力啦，都係會用返同一牌子粉紅色果隻。 不過，勝在無香料，晒敏感性皮膚用作身體乳液，會不停回購🫶🏻

Nicole 好用推薦：夏天最愛用的洗髮水，解決了我頭皮時不時發癢與產生頭皮屑的困擾。 質地是半透明藍色凝露狀，帶有清新舒緩的香氣。加水起泡後泡沫細緻豐盈，洗髮時頭皮能感受到一股清涼感，非常舒爽，卻不會過度刺激。清潔力足夠帶走頭皮油脂與髒污，但又不會讓髮絲乾澀。最明顯的效果是使用後頭皮立刻感覺潔淨清爽，頭皮痕癢和可見的頭皮屑問題確實大幅改善，頭皮環境變得更健康。我的使用方法是將頭髮充分打濕後，取適量於手心加建議搭配同系列護髮素或髮膜滋潤髮尾，效果更佳。

Fng好用推薦：容易搓出泡沫， 香氣幾好聞，同埋洗完之後有空氣感， 頭髮冇咁扁塔，可以維持一整日。

Chloeincosme好用推薦：最近買咗Vaseline嘅日常防曬提亮精華液，用後感真係好好。呢款防曬美若其名：似足精華液！質地輕盈，容易吸收，塗上去之後唔會黏膩，搽防曬好似搽cream咁，即時感受到肌膚變得更加水潤，完全唔會太過厚重！ 而佢既基本功能防曬力都十足，擁有SPF 50+PA++++嘅保護，對於日常出街/ 做運動都非常合適！ 我真係好推薦！如果你想要一款價錢相宜，防曬力又十足既身體防曬，Vaseline呢款防曬絕對值得試下！

JessicaB好用推薦：☀️投奔夏季，背心短裙仔都要出動喇😎！香港嘅夏天太陽猛烈，紫外線指數又高，一定要高度防曬呀🥵，仲要keep住💦水潤透光嘅肌膚，凡士林嘅「日常提亮防曬精華液 SPF 50+ PA++++」，仲有泰國🇹🇭每8秒賣出1支’ 嘅「肌亮水潤精華凝乳 Dewy Radiance」就係Caca今個summer嘅防曬partner 🙌🏻！ 🩵【凡士林日常提亮防曬精華液 SPF 50+ PA++++】 😎室內、室外，都有效抵禦5大肌膚傷害。 🈶助防止UVA & UVB紫外線對肌膚造成傷害，適合每日使用🫶🏻 🈶效抵禦空氣污染~、藍光及冷氣乾燥等傷害 🈶維他命B3、C 及E，為肌膚注入所需營養，散發自然透亮光澤*。 🈶效快速吸收，質地清爽不黐笠

Nicole 好用推薦：這款的味道是非常非常純正的柑橘味，酸甜帶一點點澀，還原度超高，抹完感覺自己像一顆大橙 子，天然精油留香短但是味道純，完全合我心意！淡黃色乳霜質地，抹開極好吸收，幾秒就變啞光一點都不黏膩，夏天用身體乳真的非常怕黏膩啊，抹上一瞬問就能撫平乾燥，帶來水潤感，用完皮膚滑滑嫩嫩軟軟的，非常好摸！

Fng好用推薦：佢質感不厚，容易推開，又推得均勻，吸收得快，冇黏笠感，保濕效能+橙香持久一整天💯。

Tobimak好用推薦：呢枝sample係響專門店索取的，質地算中等厚度並呈白色，我使用後面上沒有起粒粒。不過佢就同我底妝有打交情況，所以最後我選擇用在手腳上。

wintonggg好用推薦：The Body Shop嘅產品一路都覺得好natural，無色無味，對我依仲唔鍾意太重味嘅用家來講好加分🤣依款防曬霜嘅質地就乳霜狀，唔會好厚重好笠，搽上去好快就變得乾爽，同埋佢SPF有50，所以夏天冬天都幾夠用，冬天用又唔會好令皮膚好乾燥，同埋平時一曬到太陽塊面就勁紅，搽完依個就會避免泛紅問題，皮膚冇咁刺激，所以個人都覺得幾好用！

Emily Leung好用推薦：Sabon- 味道帶來的儀式感 Sabon里最喜歡的味道是green rose 綠玫瑰，從磨砂到身體到手霜系列都試了個遍。這個味道感覺在傳統玫瑰香氣中揉入了柑橘清香，綠感很足，絲毫不膩 ，非常清新，彷彿置身玫瑰園區嗅到枝條葉綠剛摘下來的甜脆 玫瑰上還戴帶著水珠！喜好玫瑰又怕甜的人強烈推薦試試！ 乳霜質地，很好推開，和之前的磨砂膏一個系列，味道超好聞，非常清新！身體乳很好推開，乾皮姐妹冬天用可能會不夠滋潤，春夏使用完全夠用！下次買別的口味試試！

zzzhelen好用推薦：Sabon既lotion比body milk滋潤，好啱我依個乾皮人。Green rose係Sabon其中一款大賣香味，我都非常喜歡。 佢質地較濃稠，最好用兩手係皮膚上均勻拍上再抹開。雖然質地濃稠，但一啲都唔黏膩，好快就吸收啦。夏天可以沖涼後搽一次就夠，冬天我會早晚各一咁搽

lingbb好用推薦：- 係好多好評嘅護手霜 - 手霜散發三種普羅旺斯花朵的香氣：玫瑰、紫羅蘭及番紅花配方 - 三種花香混搭埋一齊，散發出一種獨特柔和香味，很療癒😍。 - 我自己個人幾鐘意香味清淡唔會過濃， - 而且蘊含滋潤成份乳木果油，發揮滋養柔膚作用。保濕度唔錯，用完唔黏笠可以用Keyboard - 另外，如果鐘意白麝香同檀香木可以試下！鐘意隻味就可以入手

olitong好用推薦：超級香，試過搽完搭的士，成程俾個司機讚真係好香，話女人應該就係呢種香味，話係真正女人香喎🤣由上車讚到落車，話香得嚟好清，淡淡地一陣陣地飄過去，係咁話好聞，真係笑死我😆但我自己都真係好中意呢隻味，一聞愛上。

TsuenMa好用推薦：Cle de Peau #高效防曬 #修護細胞 產品介紹： 採用深層細胞抵禦科技，此技術可以駕禦及過濾破壞性光線 –藍光及紅外線，並選擇性地讓陽光中對肌膚有益處的紅光傳遞到肌膚。長期使用下，可以令改善細紋💖 產品質地： 偏潤、易推，淡黃色，配有蘭花同玫瑰嘅淡淡花香。 用後感： 上面後會有輕微黏膩感，但好快會溶入左皮膚，無太大厚重感，不過後續吾上任何粉類產品，可能會摸到有啲笠笠地嘅感覺。 我好看重防曬夠吾夠輕薄、防曬系數夠吾夠高，會吾會可以multi function，一枝就可以handle 2-3個steps，雖然佢呢枝無提亮、均勻膚色，不過佢有護膚成分，一枝防曬就可以做埋妝前乳霜，從而減少厚重感，又可以搽少啲，比皮膚易吸收啲，上妝速度會快啲😉 呢點有加分。 如果講到佢標榜有嘅改善細紋效果，我就有些微保留，因為始終有用其他護膚產品，吾可以斷定係米佢嘅功勞🙈

JuneL好用推薦：第一次用呢個品牌的防曬，買時係因為它除防曬功效外，同時還有護膚效能，所以就算價格唔平，也要試試。 質地滋潤，容易推開，帶少許黏笠，乾性肌或秋冬時使用會較啱。帶有淡淡的花香，用後肌膚不會出現泛白情況，帶光澤感，加上呢支防曬同時具修護功效，肌膚用後有滋潤保濕感。 一枝防曬可以做埋護膚及妝前底霜，皮膚無咁多負擔之餘，膚質比起單用防曬時，確實變得柔軟潤澤。

Milo101好用推薦：🌟淡黃色乳液質地（跟fortifying emulsion的質地非常相似！），但推開後稍為薄一點點 🌟同樣都是鎮靜、強健皮膚的作用 🌟很舒服的經典菇水香氣

mamayi好用推薦：一轉季啲皮膚就好容易過敏，所以一定要買定呢支for敏感肌專用嘅精華看門口！ 佢精華係白色乳液質地，好容易推開同吸收，如果皮膚泛紅嘅日子，用完佢，第二朝真係退咗好多。如果夏天曬完，皮膚輕微曬傷時，可以用佢紓緩紅腫。 佢係紓緩紅腫、防預敏感方面，真係效果超班；不過美中不足係佢保水力唔太夠，如果乾燥日子就需要加保濕精華係面，加重保濕，咁皮膚就第二朝水潤透亮啦！ 價錢屬於中價位，咁我都推介大家買支看門口，肌膚唔穩定嗰排用佢就舒緩曬所有不適。

Giselle 好用推薦：The Body Shop “Box of Wishes” 聖誕限定倒數日曆$799 hkd Day9 內容物：乳木果潤手霜 10ml *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 嚟到成個倒數日曆嘅第二支護手霜(๑•∨︎•๑)質地係有少少似平時搽上面嘅乳液⸜(๑⃙⃘'ᵕ'๑⃙⃘)⸝⋆︎*同之前嘅英倫玫瑰護手霜對比，呢款嘅滋潤讀更加出色❤︎(｡☌︎ᴗ☌︎｡) 可能係因為佢入面有添加到乳木果油成份♪︎♪︎(*´▽︎`*)ﾉﾞ但佢就算係滋潤咗都唔會令隻手搽完變到油淋淋✿︎´ ꒳ ` )♡︎但同樣地呢款產品都有同其他同品牌護手霜嘅共同問題：保濕度不足(⌯︎˃̶᷄ᗝ˂̶̥᷅⌯︎)雖然佢包裝上標榜可以做到96小時滋潤，但保濕效果係秋冬呢啲乾燥季節只可以維持到around幾個鐘頭( ･᷄-･᷅ )建議都係比較適合春夏呢啲季節呢啲相對無咁乾燥嘅季節使用哦( ੭ ˙࿁˙ )੭ ᐝ ❤︎ ❤︎ 呢款產品嘅香味係同其他乳木果系列產品一樣，都係嗰種偏濃類似雲呢拿嘅香味₍˄·͈༝·͈˄₎◞︎ ̑̑ෆ⃛我自己幾鍾意呢種香味因為佢有少少似奶味⸜( ´ ꒳ ` )

Noel好用推薦：Shea butter 護手霜呈米黃色，霜狀，沒有流動性，使用時要在掌心搓揉一下，會更易推。塗到手上會慢慢帶來滋潤感，手部會有一層油膜的感覺，個人不抗拒，但玩電話時就會成個 mon 係印，有小小膩感😅