美體功效 推薦好用產品

YYeman好用推薦：#火熱新品 潘婷「三秒奇蹟」護髮精油 - 玫瑰雪松味，真係三秒KO毛躁？ 頭髮又乾又燥，好似一堆草咁，出街真係冇晒心機！見到潘婷支「三秒奇蹟護髮精油」出咗隻新味——玫瑰雪松，粉紅色支裝好靚，仲話可以「三秒順滑」，即刻買支返嚟試吓！用咗一排，同大家分享下係咪真係咁神奇。 ✨ 香味第一印象： 一打開，唔係嗰種好假、好攻鼻嘅玫瑰香精味。佢係一種好 「高級感」嘅混合花香——初聞係淡淡嘅玫瑰甜香，但好快就滲出一陣清冷、沉穩嘅雪松木質調，中和返玫瑰嘅女人味，變得優雅又中性，男女都啱用。香味算持久，朝早用完，到夜晚郁動頭髮時，都仲會飄出陣陣幽香，好過噴咗淡香水！ 💧 質地同使用感： 精油質地比想像中輕薄，唔會好似食油咁「立」。我通常喺洗完頭，用毛巾印乾水份後，擠一泵（唔好太多，中長髮一泵夠啦）喺手心搓開，然後均勻搽喺髮尾同頭髮中段。 重點來啦——佢話「三秒」吸收，真係冇誇張！ 一搽上頭髮，啲精油好似即刻「咻」一聲滲入去咁，手摸落去完全唔會油淋淋，頭髮即刻有光澤同變軟，毛躁感真係肉眼可見咁平復咗！絕對唔會出現「油頭笠髻」嘅尷尬情況。 👍 效果點樣？ 1. KO毛躁，即時順滑：對抗風吹、静电造

Casscky好用推薦：多謝cosme 選中我可以試用Pantene3秒奇蹟護髮油🧡 香味：🧡🧡🧡🧡🤍 一收到係粉紅色既玫瑰味，就好驚好俗。好彩唔係，係好清新既雪松玫瑰香！一啲都唔俗！ 持香度：🧡🧡🤍🤍🤍 不過持香度就一般，唔知係咪我少喺全乾髮搽，只係喺濕髮搽2泵，然後吹完頭再搽1泵，基本上乾咗就無咩味 Before (未梳)☝🏻☝🏻☝🏻Before (梳咗)☝🏻☝🏻☝🏻 After ☝🏻☝🏻☝🏻 順滑度：🧡🧡🧡🧡🧡 一搽真係有奇蹟！即使落咗護髮素，吹完個頭都好kick，但一搽即刻順滑哂！完全唔kick!! 光澤度：🧡🧡🧡🧡🤍 用完真係好有光澤☺️☺️ 最後真係好推介!!!

Kathy Wai好用推薦： 首先最驚喜嘅係佢嘅冰涼感！一唧出嚟係精華液質地，推開嗰下已經 feel 到陣陣涼意，好似成陣薄荷風吹過咁。 我本身好怕防曬會黐立立，但呢支真係要畀個 Like 佢。質地好輕身，吸收速度極快，搽完著衫完全冇「黐肉」嘅感覺，仲要唔會捽到成手白痕，呢點真心加分。 雖然佢主打身體用，但防曬規格好足，SPF50+ PA++++，仲話防埋藍光同污染。最緊要係佢有埋維他命 B3、C、E，防曬同時順便養護下皮膚，呢幾日用落覺得皮膚滑咗，冇咁易乾。 唯一要留意嘅係，如果皮膚有傷口或者敏感位，搽上去可能會覺得有啲「乸」，因為佢有薄荷成分。整體嚟講，呢支絕對係今年夏天嘅防曬黑馬，特別推介比成日戶外活動嘅朋友！

alicec好用推薦：對於混合油肌黎講都係一個好選擇，質地輕盈唔油膩，搽上面感覺好舒服。防曬效果持久，用左大半個月暫時都冇曬黑。敏感肌都適合，完全冇刺痛感或者唔舒服，可推介！ #火熱新品 #每月新品感謝禮 #我的崇光感謝祭必買防曬

Bobo好用推薦：初次使用感覺好潤，不會起乾紋，即使在空氣濕度得19度，保濕一流 但本人早C晚A嘅前題下，有反黑嘅情況， 證明這防曬精華防曬力不足。

DorDor好用推薦： Haruhada 防曬噴霧很方便又好用，是夏天户外活動必備物品。

Hamiii好用推薦：遊船河買左支黎噴 睇中冰感兩個字 噴完的確會覺得涼涼地 成膜快 但有小小立身 不過玩水上活動根本唔會覺得唔舒服 一支只夠我地4個人噴一日😂 唔知係佢量少定我地狂噴😂

Bubu好用推薦：見到萬寧有優惠，加上標榜三日內會明顯變白，有效淡化黑色素，所以買來試試。 乳液水潤易推，夏天用都好舒適唔會黐立立，容易吸收，不過用咗一段時間都未明顯見到亮白，試吓用嚟成枝再睇睇效果～

Fng好用推薦：NIVEA呢支開架身體乳，標榜美白+保濕，喺香港夏天用，性價比確實唔錯！ 質地與黏膩度：👍👍👍 (合格過關) 佢係輕身嘅乳液質地，非常容易推開，吸收速度算快。完成後皮膚有即時滋潤感，但唔算厚重。喺冷氣房下使用，膚感舒服，冇黐立立。 保濕度：👍👍👍 (中規中矩) 對於混合偏乾肌，佢嘅保濕力夏天用係足夠嘅，能解決日常乾燥，令手腳皮膚摸落滑溜咗。但對於極乾燥部位（如手肘、腳踝），就要補多層。 美白效果：🤔 (要耐心) 用咗一支，感覺皮膚有輕微提亮同均勻膚色，冇之前咁暗啞 🎯可能係我心理作用🔍。但真要見到明顯「美白」效果，相信要持續使用更長時間，唔好期望用一支就白幾個度。 總結： 以開架價錢來講，佢係一支唔錯嘅夏日日常Body乳液。保濕力夠，質地算清爽，兼有少少提亮效果。最緊要係平價大支，點用都唔肉赤！適合追求基本護理、怕黏膩但又需要保濕嘅用家。

Alice Chiu好用推薦：這隻粉紅海倫仙度絲超扯！加了水楊酸洗完頭皮超清爽。扁塌油頭直接被拯救，髮根蓬鬆立正站好，還自帶高級木質玫瑰香，買了不後悔！真係好高興獲得呢次次用機會用完之後我會繼續購買。真的很讚!!

jssica好用推薦：首先多謝@cosme邀請試用 Dove雪糕感身體磨砂膏🍦! 個人本身身體有輕微濕疹，而且肌膚比較暗沉。 首先試用左藍莓雪酪香雪糕感身體磨砂膏 ，一打開的確有好聞嘅果香味。磨砂膏質感細膩，綿密易推。feel 到有明顯嘅顆粒，但吾刺激，敏感肌應該都適用。 使用後，即時feel 到肌膚保濕左嫰滑左，的確可以有效去除全身老化角質。 暫時一星期使用1次，亮白效果吾算明顯，應該要持續使用。 整體來說，使用過程舒服，去到角質，又吾會敏感。 而楓糖餅乾香雪糕感身體磨砂，磨砂膏香氣甜甜的。 磨砂膏質感好似雪糕甘細膩易推。但顆粒相比下較粗，磨砂感較強。對腳跟、手肘、膝蓋等關節處尼d比較暗沈嘅位置非常有感。 使用後，同樣即時感覺到保濕同嫰滑左。而美白同樣應該都要持續使用後先有明顯效果。 整體來說，使用過程舒服，去角質有感，成分安心冇敏感。以開架來說，值得推薦～

C好用推薦：首先好開心參與Dove雪糕感身體磨紗膏嘅試用活動 今次新推出咗兩款磨砂膏 藍莓雪酪香同楓糖餅乾香 自己平時定期都會用身體磨紗膏 去吓手腳粗糙角質層 幫助後續身體保養品吸收到更好 講吓藍莓呢款先 佢針對暗啞肌而設 一打開 真係好似藍莓yogurt咁 清新果香 佢質感易推 顆粒感唔算好粗好大粒 再用暖水一沖就好易洗 用咗幾次 冇敏感 滑咗好多 皮膚明亮咗少少 始終亮白要長期用 配合防曬 先有持續明顯效果 佢温和顆粒感唔粗 可以全身用都得 因為咁 我比較鍾意呢款多過楓糖餅乾果款 整體嚟講 我幾鍾意😙

Emily Leung好用推薦：我的防曬寶藏單品😘後悔沒多拿幾支 年初在日本逛Cosme拿下的防曬隔離霜！嘗試過後直接被這個ALLIE的新款防曬驚艷到！上臉一點不油膩，遮瑕和水潤度都超級好！一層隔離一層散粉直接偽素顏出門通勤神器！！ ALLIE有色隔離，適合混油到大油皮，超扒超持妝。 即時推塗感非常水，但後面扒得超級快，蠻考驗手法的，建議搭配粉撲分區上妝。顏色自然提亮，融膚不假白。遮瑕3分，修飾磨皮能力很棒，對我來說可以直接 當底妝。妝效是偏啞光的，不反光，不用定妝，不會粘膩。 一共有三個顏色，每一個都很實用，我最推薦紫色，可以修飾暗沉膚色！ ✔️ ALLIE潤色防曬水凝乳 01紫色：修飾暗沈，毛孔，“透明感” 02杏色：修飾黑眼圈，毛孔，“氣色紅潤” 03米色：修飾膚色不均和毛孔，“偽素顏感”

mysecretgarden好用推薦：Allie呢支調色防曬乳，我已經回購咗好多次，可以話係我日常護理嘅必備品。平時唔使化妝嘅日子，我最鍾意就係搽佢再加層碎粉就出街，個效果已經好夠用，膚色即時均勻咗，睇落精神爽利，又唔會好似化咗厚妝咁唔自然。我用開紫色同埋橙色嗰支，兩支都好好用。如果要化全妝嘅時候，我都會用佢來做底霜，佢同後續嘅粉底同化妝品都好夾，從來都冇出現過擦膠碎或者浮粉嘅情況。 質地方面，佢真係做得幾出色。夏天用完全唔會覺得黏膩，搽上臉之後好快就吸收，留下來嘅係一種好清爽、帶啲粉滑嘅觸感，就算係香港咁悶熱嘅夏天都保持到舒服嘅使用感。不過到咗冬天，如果皮膚狀態比較乾嘅時候，就要做多少少保濕打底，否則可能會覺得有少少緊。 一直以嚟我都對佢好滿意，直到最近睇到網上啲真人防曬測試，先發現佢嘅實際防曬力比想像中要弱少少。雖然日常通勤應該都夠用，但如果係長時間戶外活動，或者陽光特別猛烈嘅日子，就可能要搽得比平時厚身少少，先能夠確保有足夠嘅防曬保護。呢點算係少少美中不足，不過考慮到佢嘅調色效果同清爽質地，我依然覺得係一支值得繼續用落去嘅產品。 總括來講，呢支調色防曬乳係一支多方面都表現平均嘅產品，特別適合追求自然妝感同清爽使用

Karman28好用推薦：呢支係我買大送細一set咁買。用落又幾好用，因為最近皮膚有d 敏感既關係，我係夏天都有用body lotion。呢支質地係清爽，唔會痴笠笠，好岩香港用。同埋唔知係著長褲多，定係用定呢支lotion多，隻腳真係有白d。 #火熱新品

維他他好用推薦：Nivea 美白身體乳液，有50倍嘅維他命C，有效抗氧化，仲有負責保濕同修復效果嘅維他命E ，呢支乳液功能可以深入肌膚底層打擊黑色素，美白肌膚。 白色嘅身體乳液，好容易推開，唔會黐立立，吸收嘅速度亦都好快，用完之後好快覺得清爽同舒適，至於美白方面，我個人覺得要用好耐，長時間使用先會見到效果，確實可以令膚色更加均勻。 呢支美白身體乳液有少少香味，似係維他命C嘅味道，都唔錯，未至於好好聞，但係一定唔係難聞，整體嚟講都OK 

Kitty 好用推薦：年初入手咗Sabon Green Rose身體磨砂，之後就愛上咗！畢竟唔平嘛，成$4xx一樽，如果唔好用真係會心碎💔好彩——完全冇失望！ ✨香味首先贏咗！ 一打開就係好清新嘅綠意玫瑰香，唔係好俗氣嘅濃烈花香，而係帶少少木質+植物嘅氣息，好溫柔好放鬆～沖完涼之後陣味會淡淡咁留係皮膚上面，成個人好似被玫瑰園包圍咁，好治癒！如果鍾情玫瑰香但又怕太娘嘅，呢隻絕對可以試！ 磨砂粒子夠細緻。 之前用過一啲平價磨砂，粒子真係粗到刮皮膚……但Sabon呢款就完全唔會！佢嘅海鹽粒子幾細，沖涼時靠體溫融左佢之後輕輕打圈按摩個陣好舒服，完全冇刺痛感。尤其係手肘、膝頭哥呢啲容易積舊角質嘅位，磨完即刻滑溜咗，摸落去軟熟哂！ 💦用後唔乾燥，皮膚變得好水潤。 最驚喜係沖完水之後，皮膚唔會拮拮緊或者乾繃！因為磨砂裡面含有精油成分，沖完之後皮膚表面會留低一層好薄嘅保護油，唔黐立立，但就好滋潤。後續即使懶得搽body cream，第二日起身都依然keep到滑溜感！ ☁️整體評價：值得試！ 雖然價錢真係有啲貴，但一樽其實都好耐用（每次唔使用到好多），同埋效果真係明顯！尤其適合而家轉天氣，皮膚開始粗糙或者有啲暗粒嘅朋友

Haha Kim好用推薦：朋友係日本買既手信，第一次用，真係好正好香，會想之後都keep住用❣️

Noel好用推薦：個人是 Rainbath 長期用家，由讀完書出來做野開始，就一直用 Rainbath 沖涼💕 當時還是社會新鮮人，容易受工作壓力影響，入眠相當困難！後來了解到舒緩的香氣有助睡眠，於是選用了 Rainbath shower gel，沖涼後香味會在身體停留約兩小時，晚上使用絕對係享受❣️最近發現貪靚老公會偷用我的 Rainbath 添呀 lol 😆

Marcus好用推薦：自購的 用咗幾日，成個背出咗好多粒粒，即刻吾敢再用，跟住用番其他沐浴露，啲粒粒無晒。

Emily Leung好用推薦：凡士林蘆薈潤膚露測評 話時話，一支幾十蚊嘅潤膚露，到底有冇可能又清爽又保濕？今次就同你開箱呢支凡士林蘆薈潤膚露，睇下佢係咪真係咁打得？ 質地：乳液狀，推開化水，吸收快唔黏膩，夏天用超舒服！ 香味：清新蘆薈味，似青瓜加少少花香，唔濃唔俗氣，聞落乾淨清爽。 滋潤效果： · 保濕力中等，皮膚即時變軟滑 · 乾燥手腳用咗會明顯柔潤，但極乾燥部位可能要補多層 · 持久度一般，冷氣房大概頂到4-5個鐘 總結：$50樓下大支裝，清爽度同香味夠晒加分，適合日常簡單保濕，追求輕盈感嘅人必試！

Shirlin Ho好用推薦：Vaseline蘆薈舒緩潤膚露非常適合香港夏天又熱又潮濕嘅天氣用,佢質地非常清爽,揸咗都唔會有黏笠感,而且有可以穩定肌膚,用後唔會有乾燥感,因為熱天經常都係冷氣房,所以夏天定會買一支係屋企每晚都用佢。

Suki好用推薦：#火熱新品 之前染髮染傷咗頭皮，甩好多頭，見網上多評價，所以就買咗嚟試吓。用咗一段時間之後，真係感覺到效果幾唔錯！首先，佢嘅質地唔會太油膩，塗喺頭皮上好清爽，完全唔會有黏笠嘅感覺。而且味道都幾天然，唔會有嗰啲化學刺鼻味，聞落舒服放鬆。 至於修護效果，真心覺得有改善。用咗幾次之後，感覺頭皮冇之前咁緊繃，甩頭皮嘅情況都減少咗。而且頭髮狀態似乎健康咗，唔再咁乾燥或者脆弱。用落覺得頭皮變得好似平衡咗，唔會太乾或者太油。

Sandy好用推薦：因染髮染傷咗頭皮，一直甩好多 頭髮 見網上多評價 就買咗嚟試吓。 用咗2個月時間之後，真係感覺到效果 ， 終於見到毛毛頭髮生返出嚟😍 質地唔會太油膩， 塗喺頭皮上好清爽， 完全唔會有黏笠嘅感覺。味道都幾天然， 好聞👍 洗頭後用 舒服放鬆😍覺得有改善。感覺頭皮冇之前咁緊繃，甩頭皮嘅情況都減少咗。而且頭髮狀態似乎健康咗，唔再咁乾燥或者脆弱。用落覺得頭皮變得好似平衡咗，唔會太乾或者太油。 頭髮係第二張面所以大家需要小心呵護😀

poonpoon好用推薦：Cerave 長效保濕防曬面霜SPF30🧴 😉質地：乳白色乳霜，容易推開唔算特別厚身，推開後要少少時間先會吸收晒。有足夠保濕度同時有防曬力，會偏油膩，但不黏立。 😀功效：保濕度強，保濕度幾乎等同潤膚膏。成份同時溫和，令到皮膚表面不會乾燥，而且曬完用佢可以降紅。成份不致痘，不刺激，無香精，添加了SPF30嘅防曬功效，日間室內足夠防曬度。 ☺️用後感：我屬於乾性皮膚，只要不用化妝嘅日子就會用，一朝早出門口就會用，一支有兩種功能十分方便。我鍾意搽完乳霜之後留有嘅滋潤感，依枝剛足夠，全日足夠保濕。 因為防曬需要搽足夠份量，依支乳液五月開，我大概一星期用五日，用咗一、兩個月就接近用晒。 乳液添加了防曬成份，味道不討好。 😇適合人士：混合皮膚至油性皮膚不太適合，恐防出暗粒，建議用返乳液同防曬分開兩枝 適合敏感肌及乾性皮膚。 🤭Tips:建議官方用法，將乳液擠喺手上語法，然後再按壓上面。或者喺乳液添加精華液，令乳霜更水潤。

Paris merci 好用推薦：CeraVe長效保濕防曬面霜有SPF30，日常用係足夠。佢屬於物理防曬，不過號稱唔會留白，可以比敏感皮膚使用。 質地係白色乳霜狀，但用完之後好明顯聞到一股浸太陽油嘅味，又有啲厚重，好難聞。而家已經有好多牌子嘅防曬冇咗太陽油味。 推勻全面之後的確冇浮白，但皮膚表面會有層好似油一樣嘅感覺，令我唔自在。似乎防曬面霜吸收唔到，皮膚完全冇感覺到保濕，只有油潤感。之後無論係用粉底液其他底妝產品，都好似無法融合，化出嚟嘅妝都有啲卡浮粉，唔適合做妝前產品💕

格仔餅公主好用推薦：泡沫既豐富度岩岩好，洗完成個人感覺好乾淨，留有啲啲清香但唔好expect佢留到勁耐，望打係乾淨既清潔感

Kitty 好用推薦：呢隻精華主要功效針對頭皮乾燥發癢，頭髮缺乏光澤。 主要成分含有： 1. 100%有機蠟菊精華油：強效抗氧，提升頭皮防禦，促進微循環。 2. 精胺酸：滋養、活化功效 3. 維他命E：有助抗氧化、保護肌膚 4. 維他命B5：滋潤保濕、修復同紓緩效果 呢支精華液係有分層嘅，用之前需要搖勻。味道方面係好清新嘅草本香味。搽上頭皮嘅感覺都幾好，但係乾透之後會令到頭髮摸起身一綹綹。雖然睇落唔至於好油膩嘅樣，不過個心囉囉攣😂 所以搽嗰陣要小心唔好掂到啲頭髮，盡量等啲精華留喺頭皮上面。 我個人覺得呢款精華比較適合偏乾嘅頭皮用。喺潮濕翳焗嘅地方可能會覺得有啲笠。我自己都係更鍾意Sisley嗰支頭皮精華多啲。

maylam好用推薦：好用 佢係有少少水油嘅質地 滴到頭皮好舒服 再加以按摩等佢吸收 用咗一段時間有覺得頭皮少咗油同痕癢 

Paris merci 好用推薦：NIVEA 舒敏修護雙管精萃凝乳用軟管裝，透明 包裝，感覺比其他支裝body lotion高質，而且價錢都貴少少，一支賣$13x。手上呢款係舒敏修護雙管精萃凝乳，舒敏修護款有專利成份Symsitive，主要舒緩乾燥、敏感、泛紅同埋癢嘅問題。 軟精水凝乳有兩層成份，外面透明係修護精華液，入邊白色係舒敏精華液，一按就兩種成份就會一齊出嚟。包裝背面有個手指模位，好清楚話你知邊個位咁精華出嚟係最適合。但如果用到未知出嚟就會唔平均，好似我第三張圖一樣。 精華質地清爽，吸收快，無任何黏立感。夏天用完非常舒適。用完之後，感覺皮膚充滿水分，仲有光澤，就算皮膚有啲敏感，都唔使擔心，可以安心用。用佢俾用膠罐裝各種蘆薈啫喱更有舒緩作用💕

Kelvin好用推薦：內外管設計好得意，透明加白色啫喱。即使係啫喱狀凝乳，呢支係敏感肌都適用👶🏻 好易吸收，全身都好舒服，一啲都唔黏笠。沖完涼茶身開冷氣有冰涼感💨香香地幾好聞👻夏天好怕搽一啲黏立咁重嘅lotion ，呢支保濕得來又清爽，仲要搽上身之後皮膚快速吸收，正👍🏻 睇起來水潤、有光澤，皮膚水潤自帶透明感😍 不過就得200 mL ，加上啫喱質地容量較多，比其他潤膚乳份量就少咗啲😬

Youpi 好用推薦：夏天出街好多時都需要補防曬，今次試用呢支「NIVEA 專研絲滑輕盈UV防曬棒」，最大嘅優點的確係方便。佢體積偏細，放入細手袋或者衫袋都冇問題，而且直接扭出嚟搽，唔會整污糟對手，喺戶外補防曬的確比傳統防曬就手好多。質地方面，呢支算係做得幾清爽。佢搽完之後係Matte嘅效果，唔會令塊面反光或者覺得油膩。 我個女(9歲)唔鍾意搽防晒，因為唔鍾意黏笠笠的感覺 (對手同身體都怕)，呢枝防曬棒佢就好鍾意。 佢係無香料配方，對氣味敏感嘅人會比較容易接受，例如我老公。雖然防水防汗嘅持久力需要更長時間同去戶外活動先測試到，但如果只係講日常行街、補塗嘅便利度同埋清爽感，呢支防曬棒嘅表現係合格有餘嘅，適合怕麻煩嘅朋友。 另外，我鍾意佢有expiry date，好清楚知道幾時到期，唔怕買咗過期貨，質素更有保證。

Winnie Soo好用推薦： 感謝@cosme 的邀試用 Nivea 專研絲滑輕盈UV防曬棒 我個人喜歡嘅防曬係搽完唔黐立立、同冇香味 (所以多數揀敏感肌) 我本身比較少用防曬棒 因為之前嗰支搽完會唔均勻同埋泛白 不過防曬棒嘅好處就係可以帶出街使用亦都唔怕搞到隻手黐立立 啱曬成日出門口都好趕嘅我XD 今次試用Nivea 專研絲滑輕盈UV防曬棒 啱啱好符合曬我想要嘅野！個設計角度都可以搽到鼻樑同埋眼之間嗰啲凹位！ 搽咗一陣上面已經成膜！(摸到同啱啱搽上去嘅感覺唔同 唔會黐立立) 不泛白！我又唔覺得乾 同埋呢一個防曬棒完全冇香味 啱晒我隻眼！ 我呢排返工就係搽呢個 趕住出門口係lift搽真係好方便XD 榮登我最喜愛防曬Yeahhhh～ 不過我呢排都係返工放工 比較短時間係室外 冇咩特別喺戶外曬嘅經驗 比較難評論佢戶外防曬嘅功效如何 感覺防曬正正常常啦 會繼續使用～

Momojoejoe - 廢青環遊世界好用推薦：在夏天這個又曬又焗的季節，選擇一支真正適合自己膚質，又能提供全面防護的防曬產品，對我來說一直是一項挑戰。身為一個混合偏乾肌，又容易因天氣悶熱而出汗的人，我對防曬的要求可以說非常高。太厚重會導致肌膚悶住、長小粒粒；太清爽又擔心防曬力不夠強，無法應付長時間在戶外的日子。 最近試用了理膚寶水的安得利清爽極效夏卡防曬液（LA ROCHE-POSAY ANTHELIOS UVMUNE 400 Invisible Fluid SPF50+），這款產品讓我非常驚喜。首先，它的質地非常輕盈水感，推開後幾乎瞬間被肌膚吸收，完全不泛白、不黏膩，也沒有油膩感，擦完之後肌膚依然保持乾爽舒適。不論是單獨使用還是作為妝前防曬，都不會影響後續底妝的服貼度，反而讓妝容更持久。 再來是防曬力的表現非常出色。我在連續幾天進行戶外活動，甚至去游泳的情況下使用它，都沒有出現曬紅或曬黑的情況，肌膚依然保持透亮乾淨。這款產品的UVMUNE 400長波UVA過濾科技，能抵禦UVA-400等深層紫外線，對預防光老化非常有幫助。對我這個剛開始關注初老問題的人來說，這一點非常加分。 配方方面，它的極簡配方不含香料，對容易敏感的肌膚非

Paris merci 好用推薦：LA ROCHE-POSAY ANTHELIOS UVMUNE 400 Invisible Fluid SPF50+，唔同顏色代表唔同款，黃色係經典款冇香味。 2025新出推介款式，廣譜輕盈防曬標誌着唔會曬黑，流質乳液質地，上面嚟講係有啲太陽油嘅油質感，所以千祈唔好做防曬打底，會泛油光。而且上面係會有流白汗嘅情況。千祈千祈唔好擺太耐，盡量一季就用晒，擺太耐會變超級臭。 呢款防曬係比較強勁，主要嚟講係戶外活動，游水嘅時候佢係一流，運動會嘅時候用非常適當，因為運動嘅時候面泛油光都冇問題，直程成個夏天用佢嘅時候都冇曬黑。反而用佢用喺body非常佳，而且帶出街補防曬都方便。 落防曬嘅時候要要用卸妝產品，因為佢係比較油膩，落唔乾淨會皮膚差💕

Ceccinmydin好用推薦：作為頭髮毛躁，日日用直髮夾嘅人，髮尾油係日常必備 呢支髮油係輕盈唔厚重嘅油，推開唔會黏笠，好快吸收，用量算慳，一支可以用3個月左右😍 平時我係洗完頭，頭髮半乾就用硬幣份量搽髮尾，聞落有啲淡香，香味天然舒服，唔會太油膩 用咗之後，頭髮滑咗好多，減少打結、毛躁，同吹頭嘅熱傷害，吹完頭會更有光澤感，髮尾冇咁易開叉，第二朝起身髮尾都keep到唔會乾

Kitty 好用推薦：摩洛哥髮油真係堅好用！我本身頭髮好毛躁，尤其係染燙後成日打結。用左呢支油，濕髮時搽，吹頭後即刻順滑咗好多，光澤感提升，摸落去軟淋淋！ 最驚喜係佢吸收得好快，唔會黐立立，仲有陣陣香味，好舒服。修復力唔錯，堅持使用，髮尾開叉都有改善。雖然價錢唔算平，但每次用量少，一支都用好耐。真心推薦俾頭髮受損嘅朋友！