找產品
美體功效 推薦好用產品
1,471 件
Paris merci 好用推薦：NIVEA 舒敏修護雙管精萃凝乳用軟管裝，透明 包裝，感覺比其他支裝body lotion高質，而且價錢都貴少少，一支賣$13x。手上呢款係舒敏修護雙管精萃凝乳，舒敏修護款有專利成份Symsitive，主要舒緩乾燥、敏感、泛紅同埋癢嘅問題。 軟精水凝乳有兩層成份，外面透明係修護精華液，入邊白色係舒敏精華液，一按就兩種成份就會一齊出嚟。包裝背面有個手指模位，好清楚話你知邊個位咁精華出嚟係最適合。但如果用到未知出嚟就會唔平均，好似我第三張圖一樣。 精華質地清爽，吸收快，無任何黏立感。夏天用完非常舒適。用完之後，感覺皮膚充滿水分，仲有光澤，就算皮膚有啲敏感，都唔使擔心，可以安心用。用佢俾用膠罐裝各種蘆薈啫喱更有舒緩作用💕
<看全文>Kelvin好用推薦：內外管設計好得意，透明加白色啫喱。即使係啫喱狀凝乳，呢支係敏感肌都適用👶🏻 好易吸收，全身都好舒服，一啲都唔黏笠。沖完涼茶身開冷氣有冰涼感💨香香地幾好聞👻夏天好怕搽一啲黏立咁重嘅lotion ，呢支保濕得來又清爽，仲要搽上身之後皮膚快速吸收，正👍🏻 睇起來水潤、有光澤，皮膚水潤自帶透明感😍 不過就得200 mL ，加上啫喱質地容量較多，比其他潤膚乳份量就少咗啲😬
<看全文>
Momojoejoe - 廢青環遊世界好用推薦：在夏天這個又曬又焗的季節，選擇一支真正適合自己膚質，又能提供全面防護的防曬產品，對我來說一直是一項挑戰。身為一個混合偏乾肌，又容易因天氣悶熱而出汗的人，我對防曬的要求可以說非常高。太厚重會導致肌膚悶住、長小粒粒；太清爽又擔心防曬力不夠強，無法應付長時間在戶外的日子。 最近試用了理膚寶水的安得利清爽極效夏卡防曬液（LA ROCHE-POSAY ANTHELIOS UVMUNE 400 Invisible Fluid SPF50+），這款產品讓我非常驚喜。首先，它的質地非常輕盈水感，推開後幾乎瞬間被肌膚吸收，完全不泛白、不黏膩，也沒有油膩感，擦完之後肌膚依然保持乾爽舒適。不論是單獨使用還是作為妝前防曬，都不會影響後續底妝的服貼度，反而讓妝容更持久。 再來是防曬力的表現非常出色。我在連續幾天進行戶外活動，甚至去游泳的情況下使用它，都沒有出現曬紅或曬黑的情況，肌膚依然保持透亮乾淨。這款產品的UVMUNE 400長波UVA過濾科技，能抵禦UVA-400等深層紫外線，對預防光老化非常有幫助。對我這個剛開始關注初老問題的人來說，這一點非常加分。 配方方面，它的極簡配方不含香料，對容易敏感的肌膚非
<看全文>Kitty 好用推薦：搽上面嘅感覺都幾有存在感，係會有少少油膩嘅感覺，不過防曬指數都算高，而且夏天暴曬都唔會曬黑，就算出汗喺塊面度唔會流到一撻撻。但如果追求清爽膚感，可能要避開呢款。 用量方面，夏天如果出街我會每日搽兩次，朝早一次，中午再補一次。面連頸每次大概用兩個銀仔咁大嘅量啦。第二次補搽之前會用濕嘅紙巾抹一抹塊面先至再上。日日咁嘅用量，一支大概可以用3個星期左右。 卸防曬方面，我就用洗面奶洗，都有聽過人話要用卸妝水。我用開嘅洗面奶感覺洗得都算干淨。記住一定要徹底洗干淨呀，特別係頸嗰度❗❗我試過冇點留意卸頸，結果搞到生暗瘡。。。 總結來講都幾好，防曬效果唔錯👍，價錢又唔算貴（因為夏天成日有promotion🤭），值得買！
<看全文>
takemyokane好用推薦：這幾年很用心養好頭髮，甚少燙染下已不再是受損髮質，但一些小問題如毛燥之類還是會受到直髮夾的影響，加上我是每天都需要用到直髮夾的人，平價直髮夾長遠對髮質始終有影響，因此轉用功能和效果更好的産品。 一開始先被 Power On 的聲音嚇倒🤣預熱後再響一聲又嚇倒。想不到第一樣研究的是如何消音⋯（結論是不能的）預熱是自動感應，只需幾秒就完成。沒有溫度選擇，熱度比想像中高，夾頭髮會冒煙，但神奇在似乎又不傷頭髮。喜歡附送的隔熱套，特別是旅行收拾行李的話，不用等到放涼才能收起。 夾一次就會明白它價錢昂貴的原因。夾完頭髮比未夾之前更閃亮順滑！之前用的直髮夾，同一位置要夾幾次才做到理想效果，現在只夾一次就完成，省去時間而且持久一整天。套裝附送的闊版梳，粒子按摩頭皮很舒服不刺痛。我的頭髮每逢冬天和潮濕春天都會有些頑固毛毛反地心吸力，想不到一梳就平滑下來，太神奇了。 考慮到對髮質的影響，造型省下來的時間，我不再覺得它昂貴了，因為真的值得。
<看全文>Fng好用推薦：夾直和夾曲都得心應手， 夾出來嘅頭髮順滑同埋有光澤，夾攣咗嘅頭髮喺潮濕天氣就易變返直，如果乾燥嘅秋天冬天就keep到一整日。
<看全文>
布吶吶好用推薦：FANCL 長效防曬露 (50+) 用後感： 優點👍 · 超清爽：質地水潤，搽完唔會白晒、唔會黐立立，似搽乳液咁舒服。 · 高防護：SPF50+ PA++++ 最高防曬級數，夠曬戶外活動，對抗紫外線。 · 溫和配方：無添加、無酒精、無香料，敏感肌同醫美後都用得。 · 容易卸：普通潔面產品就搞得掂，唔使特登落妝。 缺點👎 · 快用完：容量細 (大約60ml)，如果用得多，個零月就玩完。 · 有存在感：雖然清爽，但塗抹後會有一層薄薄的防曬膜感，部分人可能覺得有少少焗。 · 價錢偏高：以容量計，價錢比開架防曬貴。 一句總結：如果你係敏感肌、大油皮或者鐘意清爽質感，又唔介意成日要買新嘅，呢支可以放心入手！
<看全文>Fng好用推薦：Fancl 長效防曬露50係熟齡混合肌夏日零負擔之選 Fancl呢支防曬露絕對係敏感肌prefect match ！同其他品牌防曬（如Anessa、Allie）相比，佢贏在零香料、零防腐劑，質地似輕盈乳液，推開後瞬間啞緻，唔會泛白或悶痘，仲有微微保濕感，熟齡混合偏乾肌用完全無繃緊 防曬力SPF50+ PA++++足夠對付香港紫外線，試過戶外活動3小時無曬黑，出汗後無溶出白痕（呢點贏咗好多開架防曬！）。🔆持久度驚艷——冷氣房內8小時無須補搽，T位僅微出油，面珠墩依然水潤，唔會似Anessa咁偏乾，又唔會似Allie咁潤到泛油光。 唯一要注意係佢唔防水，游水或爆汗要補搽。但日常用絕對夠哂，仲可以當妝前打底用～ 推薦給：✔️ 敏感熟齡肌找溫和高防曬 ✔️ 怕防曬癡粒粒或抽乾 ✔️ 追求自然零粉感！
<看全文>
Chloeincosme好用推薦：用完紅字銀底個款髮膜，即刻入手左呼聲好高既TSUBAKI髮膜試下！用咗幾次真係驚艷到，而家頭髮望落健康有光澤，摸落柔順但唔會太扁塌！ 🤍 修護力：4.5/5 珍珠蛋白同山茶花精油既功力？用完即時撫平毛躁，連最乾旱嘅髮尾睇落有光澤！ 🤍 吸收度：4.5/5 獨家AMP技術讓養分快速滲入髮絲，沖水時已經感受到頭髮變得軟滑～ 🤍 方便度：5/5 懶人恩物！啲人話搽勻後等1-2分鐘就可以沖洗，效果依然係到！ 🤍 光澤感：4.5/5 頭髮即時有種水光感，香味持久！ 總結： 喜歡！ TSUBAKI髮膜可以做到令乾旱嘅頭髮即時復活，而家我染完頭都唔怕摸落似草😂 推薦俾所有電染愛好者同受損髮質嘅你！
<看全文>chewyfruit好用推薦：🌟護髮困難戶救星髮膜！真係可以養好髮質！ 我本身已經髮質乾旱受損， 仲超級鍾意電染，仲要鍾意啲特別傷髮質嘅顏色！！ 每次想轉顏色，髮型師都叫我好好養下頭髮先。 返屋企做咗一輪功課，俾網上呼聲極高嘅 👉TSUBAKI髮膜👈種草咗！ 買返屋企用咗幾次真係驚艷到～ 係真真正正可以養好髮質，用一次順滑好耐！！ ✅AMP膨潤成分同雙重氨基酸 可以擴張CMC通道，等頭髮更快更好吸收養分！ ✅珍珠蛋白 + 穀氨酸 + 蜂王漿，再加甘油 + 山茶花精油 滿滿嘅修護受損成分，毛躁髮質被溫柔撫平！ 頭髮順滑又有光澤✨！ 而且營養分子細到可以直接滲入頭髮， 養分真係實實在在被頭髮「食」進去！ 佢真係好方便，搽完可以直接沖水💦，真係嚇親我～ 對懶人黨嚟講太友好啦！ 喺屋企輕鬆就可以做到高級saloon級護理！ 香味亦都好舒服，護完髮真係會忍唔住猛咁聞自己～ 成個美女氛圍感即刻出晒嚟hhh🤣🤣 重點嚟啦！佢真係可以救返啲乾旱頭髮～ 之前梳頭唔係甩就係斷，而家一梳到尾， 完全唔會打結或者斷開～ 我呢個又電又染又漂嘅人，終於感受到咩叫「枯髮回春」！ 姊妹們快啲去試下！真係超好用啊啊啊！👏🏻
<看全文>
Fng好用推薦：Ryo 韓蔘滋養防脫護髮精華素｜ 脆弱扁塌髮嘅人蔘進補實驗！ 作為頭髮又薄又扁嘅代表，見到Ryo呢支「韓蔘防脫精華」主打強化髮根，即刻雙眼發光！試用咗一個月，同大家分享真實心得～ 🌿 質地與氣味： 擠出嚟係淡黃色乳液狀，質地比想像中輕盈，推開後有微微嘅人蔘草本味（唔會好濃烈）。吸收速度中等，按摩約30秒後頭皮會有少少微熱感，感覺似髮根喺度做運動！ 💪 強化髮根效果： •防脫表現：用咗三星期後，洗頭時排水口嘅脫髮量明顯少咗，尤其長頭髮嘅斷髮情況改善幾明顯 •髮根強韌度：最驚喜係額角嘅小碎毛無再咁易扯斷，梳頭時手感實在咗 •豐盈感：對於扁塌髮來說，佢嘅撐起效果中等，唔會話用完變爆炸頭，但視覺上髮根無咁貼服 🌱 成分解密： •高麗紅蔘提取物：主打滋養毛囊，促進血液循環 •何首烏+綠茶：輔助強化髮絲，減少氧化損傷 同呂嘅人蔘精華比，Ryo呢支質地更清爽；同Aveda防脫精華比，就贏在性價比高！ 💡 使用技巧： 1. 分區精準塗：將頭髮分界，直接擠在頭皮上再按摩 2. 微濕頭皮用：洗頭後用毛巾印乾頭皮即塗，吸收更快 3. 按摩至少1分鐘：用指腹打圈按壓，尤其重點照顧髮線後移位 ⚠️
<看全文>applepie好用推薦：唧出嚟係牙膏狀嘅護髮素，啖啖人蔘香氣，我就好鍾意佢嘅香味🥰，有強韌髮根同防脫髮嘅功效，用左似乎改善了少少，價錢唔貴，會繼續回購～
<看全文>
Fng好用推薦：Dettol ProFresh 綠茶茉莉花香沐浴露 ✨ 質地與清潔感 呢支沐浴露係透明青綠色凝露，加水一搓就起出綿密泡泡，沖水時有種咕嚕咕嚕嘅乾淨感！最驚喜係沖完唔會周身黐立立，皮膚摸落滑溜又唔乾燥，適合香港夏天日日使用～ 🌟 香味與留香度 綠茶茉莉花香出乎意料咁清新！沖涼個陣成個浴室都係療癒花香，完全冇消毒藥水味～不過留香較短暫，抹乾身後已經得返淡淡餘香，想要持久香味要配合同系列身體乳～ 💔 美中不足 · 保濕力普通：乾燥天氣可能要跟手搽乳液 · 香味唔持久：追求長效留香可能失望 · 包裝設計：樽身較滑手，濕水後難拎穩 🆚 同類產品比較 · VS 滴露經典原味：原味藥水味較重；ProFresh花香易接受 · VS Lux玫瑰沐浴露：Lux更滋潤但清爽度輸蝕 性價比：★★★★★（5/5，幾十蚊有抗菌+花香真係冇得輸！） 適合：怕悶熱嘅香港人、注重衛生嘅學生黨、追求平價好用嘅精明的你～ #滴露沐浴露 #綠茶茉莉 #平價BodyWash
<看全文>A&R好用推薦：Dettol Profresh清爽保濕沐浴露（綠茶煮茉莉花香）用落真係好舒服。洗完身覺得好乾淨但完全唔繃緊，皮膚仲有水潤感。綠茶加茉莉花嘅香味清新淡雅，唔會太濃烈，反而有種放鬆同療癒感，好似喺花園入面沖涼咁。
<看全文>
維他他好用推薦：Nivea 美白身體乳液，有50倍嘅維他命C，有效抗氧化，仲有負責保濕同修復效果嘅維他命E ，呢支乳液功能可以深入肌膚底層打擊黑色素，美白肌膚。 白色嘅身體乳液，好容易推開，唔會黐立立，吸收嘅速度亦都好快，用完之後好快覺得清爽同舒適，至於美白方面，我個人覺得要用好耐，長時間使用先會見到效果，確實可以令膚色更加均勻。 呢支美白身體乳液有少少香味，似係維他命C嘅味道，都唔錯，未至於好好聞，但係一定唔係難聞，整體嚟講都OK 
<看全文>Fng好用推薦：NIVEA 雙效C&E淨白精華凝乳，開架美白lotion 經濟之選🥰 ✅ 優點： · 性價比高：百元內有維C+維E雙重美白成分，開架中之戰鬥機！ · 清爽唔黏：凝乳質地推開化水，用後無泛白黏膩，夏天薄塗夠保濕 · 提亮有感：持續用2週暗沉減淡 ❌ 缺點： · 酒精味明顯：敏感肌可能刺激，建議試用先 · 保濕力短暫：冷氣房撐唔到半日，乾肌要疊加乳液 · 美白速度慢：要持續用先見效，心急人士未必啱 💡 總結：學生黨同預算有限必試！適合香港夏天追求清爽美白嘅混合肌，但敏感肌同極乾肌要諗過～
<看全文>
Emily Leung好用推薦：日本必買防曬，Canmake美人魚防曬啫喱！ 日本藥妝店很火的一款防曬！一共有五個顏色，各有不同的功效！ ⭐️ 01透明：任何膚色的人都可以使用的無色型。 ⭐️ 02白色：上臉後有提亮作用，可讓肌膚有美白效果 ⭐️ C01薄荷綠: 含有積雪草葉提取物,改善泛紅和暗沉的綠色型。 ⭐️ C02黃色款黃色的抗氧化成分，可以糾正不均勻的顏色。 ⭐️ C03薰衣草紫: 改善泛黃和暗沉的保濕成分。 ☘️防曬度：SPF50+ / PA++++ ☘️成份：含83%精華成分 ☘️質地：質地水潤易推開，成膜巨快。 🍀效果：控油能力不錯，一天下來不怎麼氧化。 我最愛是C03紫色款，可以遮盖暗沉，調節膚色！它不僅可以用於面部，還可以用於全身。洗完臉後，可以用這一款做護膚、保濕打底、防紫外線打底。質地水潤不會搓泥，不影響後續上妝！
<看全文>糯米喵好用推薦：呢一支打底係我係松本清買福袋嘅時候入面有嘅，因為見呢隻都好似好出名，所以都比較有興趣。 用完嗰吓心心眼咗，因為佢十分之保濕，冬天用係一流，自己已經回購咗一次！佢係黃色嘅膏體，會提亮到皮膚，而且搽完會好有水光感。 自己係十分之鍾意呢種保濕感好強嘅打底，上裝嘅時候都十分之貼！呢一支已經成為咗我上妝前必用嘅產品，以佢嘅價錢嚟講，性價比係好高，因為佢先$100樓下，所以長期來講自己都會繼續回購，因為真係好好用！
<看全文>
Lydia好用推薦：Biore UV 水感凝膠防曬 — 夏日清爽首選，日常防曬零負擔✨ 質地： 呢款防曬一搽上手， 即刻feel到果種水感清爽嘅質地， 好似化妝水咁容易推開， 完全冇一般防曬嗰種粉感或者厚重感覺。 推勻之後好快就吸收晒， 皮膚表面形成一層薄薄嘅保護膜， 但完全唔會黏笠，仲有少少降溫感， 夏天用真係好舒服。 有陣淡淡嘅清新柑橘味， 搽嘅時候心情都靚啲🍊 效果： 作為日常返工、買餸嘅防曬， 呢支真係好夠用。 SPF50+ PA++++ 嘅高防曬度數， 但質地輕薄到完全唔覺得自己有搽防曬。 用喺化妝前打底， 唔會同粉底打架起擦子膠碎， 反而令粉底更貼服，冇咁容易浮粉。 最驚喜係佢防水防汗效果都唔錯， 夏天行路返工出汗， 都唔會流到成面白色一條條， keep住清爽感覺。 身體用都一流， 搽手腳快乾唔會黐立立， 唔使等好耐就可以著衫出門， 對於趕時間嘅早上真係好方便。 唯一要提係如果全日戶外活動， 或者長時間暴曬， 可能要補得密少少， 但日常使用絕對綽綽有餘。 用普通沐浴露就可以洗乾淨， 唔使特登用卸妝，夠晒方便。 總結：清爽零負擔，日常防曬必備 Biore 水感凝膠防曬屬於清爽型防曬， 質地
<看全文>Milo101好用推薦：Biore 這個aqua rich 系列防曬的 watery gel跟watery essence非常相似，剛好兩支都在日本購入～ Watery Gel這支外型是樽裝，塗出來會有細微白色顆粒，推開後也是透明的，而且有一種輕霧面的感覺。如果不喜歡塗了防曬後會有黏黏的感覺，這支是非常推薦的。 至於Watery Essence的質感分別，會再在它的產品頁面再述啊～ 兩支都主打「世界初 超微米防禦配方」，超微米防曬粒子，可以迅速填滿肌膚隙縫和紋路，均勻覆蓋、全面防禦。而且有SPF50+高防曬系數及PA++++，寬波段(Broad-Spectrum)阻隔UVA/UVB。 至於防曬防黑防曬老的功效，當然是比較難評定，只好注意每兩小時補塗防曬。。。
<看全文>
楊壯碩好用推薦：L'Occitane杏仁沐浴油review： 這是一款適合秋冬乾燥氣候的沐浴產品，它的質地是流動性較高的金黃色油狀液體，散發著植物濃郁迷人的清新香氣，加水揉搓後可產生豐富的泡沫，並乳化成白色，洗淨後皮膚上不會有殘留的油膜感，而是感到皮膚光滑、水潤、清爽。我用它沐浴後皮膚不會感到乾燥緊繃，甚至不擦身體保濕乳也可以。我最喜歡的是它的特色香氣，令整個沐浴體驗大大加分，使沐浴這項基礎日常護理的過程變得令人享受。此外，我認為它最大的優點之一是可以以油溶油卸除身體防曬，一次性洗淨身體，即使全身大範圍使用防曬霜也不用擔心防曬霜洗不乾淨的問題，值得稱讚。 結論：好用，會購入正裝，於乾燥季節及需要卸除身體防曬的時候使用。
<看全文>Kmggigi好用推薦：身體皮膚狀況: 不論春夏秋冬都係偏乾，需要長期搽body cream。手臂有毛囊角化症問題，背脊同大髀都有少少粒粒 產品使用心得: 當初因為有毛囊角化症要搽酸導致皮膚有時候太乾，所以要轉用一隻比較滋潤嘅沐浴油 L’Occitane依支杏仁沐浴油以植物油為基礎，質地偏油狀 用嘅時候要加水乳化再起泡，搽上身會覺得好保濕滋潤，沖完涼會覺得洗得乾淨，但皮膚都唔會有繃緊嘅感覺🥳 雖然價錢比較貴，但可以買補充裝refill 會一直回購！
<看全文>
GinGin好用推薦：依款防曬比較濃稠，莎難推開，而且會泛白，不過可以接受，因為只係出門半小事，所以未知會否曬黑
<看全文>Verna好用推薦：這品牌的護膚品就用得多，但我卻沒有試過它的防曬乳，這款防曬乳標榜100%純物理防曬，保濕 x 提亮 x 抗敏，還有高防曬度 SPF50+ PA++++，真的很想試試 它吱出來感覺頗杰身，但卻很容易推開，而且推開之後是很透薄輕盈，完全沒有黏笠、沒有侷促的感覺，簡直是零負擔一樣💯 它稱呼自己為「防曬保濕霜」，搽完它之後，皮膚真的不會繃繃緊，而是水潤水潤的，而且還有提亮的功能，我覺得它像是一支防曬底霜，有防曬、保濕和提亮功能，趕時間或者放假想偷懶，只搽它就出門口，也沒有問題 香港的夏天有時就勁曬，有時就勁濕，有時就勁翳焗，如果防曬乳泛白也是很惱人的，這支防曬保濕霜就沒有泛白的問題，真的超讚👍🏻
<看全文>
cynthia_snow好用推薦：對於細軟髮質嘅人嚟講，香港潮濕悶熱嘅夏天簡直係災難，特別係落雨嘅日子，頭髮毛燥到我會形容自己係金毛獅王🦁所以收到Essential Premium 美容魔髮包，都好期待使用效果！ 本身頭髮偏幼，加上每日吹頭、定期染髮，髮質都有一定程度受損，特別係頭頂側邊有好多短嘅鬈髮，夏天潮濕嘅日子更加特別明顯。而髮尾亦長期有打結嘅問題，梳頭個陣都好怕會整甩頭髮。咁啱最近一星期有三日要學游水，無論係泳池水定係一日洗頭吹頭幾次，都令頭髮變得好乾旱😩 Essential Premium美容魔髮包主打添加18-MEA 天然美髮油 ，18-MEA就係頭髮毛鱗片上面脂質膜嘅主要成分，補充18-MEA就可以幫助修復毛麟片嘅狀態，重建頭髮嘅天然屏障，令髮絲之間更疏水、潤滑，無咁容易打結；除此之外，仲添加左7種修護美容液，包括水解膠原蛋白、山茶花油、荷荷巴油、玫瑰果油、透明質酸鈉、蜂王漿萃取、乳酸。 美容魔髮包吱出嚟嘅質地比護髮素更加杰，不過係獨立包裝設計，唔洗擔心用得太多，搞到頭髮太笠要洗兩次，而且亦方便帶去旅行使用，隨時為曝曬、風吹、浸完海水過後受傷嘅頭髮急救。 使用左美容魔髮包之後，可以感受到頭髮變得非
<看全文>hellolulu好用推薦：非常榮幸入選@Cosme活動，有機會試用Essential Premium 光感水潤洗護系列 + 美容魔髮包。試用至今約七天，分享一下使用感受～ 先說說個人髮質 - 中長直髮，沒有電/染頭髮，髮質比較粗硬乾燥，潮濕天氣下容易毛躁捲曲，因此有每天洗吹和使用電熱直髮梳的習慣。 首次使用洗護系列的洗髮露+護髮素後，已明顯感受到髮絲較平日水潤順滑，特別在剛吹好頭髮後，頭髮顯得更健康亮澤有彈性👍 平日我在吹髮前和使用電熱直髮梳前，需塗髮尾油打底保護，否則髮絲容易乾旱斷裂，而且較暗啞。但在使用Essential Premium光感水潤洗護系列的這七天，沒有額外使用髮尾油的情況下，髮絲仍能維持滋潤感，減少乾旱毛躁，效果非常滿意！ 洗髮露泡沫豐富，洗髮時觸感順滑，能減少拉扯磨擦，斷髮掉髮亦有改善，感覺頭髮更健康強韌，可謂是意外收穫👍至於護髮素質地偏濃潤，乾性髮質約取一節手指份量便已足夠。沖洗時要略多花一點時間，但沖乾淨後不會假滑和有殘留感，能真正深層地滋潤髮絲👍美容魔髮包的質地比護髮素更加濃潤，密集修護效果更出色，用後頭髮順滑柔軟，但不會油淋淋。淡淡留香，而且獨立包裝設計，每次使用一包非常方便👍
<看全文>
Kelvin好用推薦：冬天嘅時候用過石榴嗰支，感覺唔錯。今次買咗新出嘅試埋新出嘅生薑清茶洗髮露。 呢支出嚟有少少淡黃色，質地較稠身嘅洗髮露，並唔似石榴嗰支嘅啫喱狀，起泡係比較綿密厚身嗰種，都容易清洗。洗頭時會有一浸薑味，幾好聞。 呢支主打強靭豐盈，我既頭髮偏油性，出街半日就有點笠，而家夏天容易出油，不會回購。 #火熱新品
<看全文>poonpoon好用推薦：本身自己頭髮稀疏較扁塌，頭髮屬於細軟，容易脫髮。 質地較稠身，容易起泡及沖洗，容易過水幾乾淨。洗頭水有好強烈嘅生薑味道，感覺可以去頭風，舒緩放鬆頭皮，媲美中藥牌子嘅生薑洗頭水。 洗完頭肉眼見去水位無成地頭髮，吹頭都冇咁易甩頭髮。暫時夏天天氣都冇話好容易出油頭髮，頭髮全日屬於正常狀態。 #火熱新品
<看全文>
Milo101好用推薦：長髮少不免都會有點毛燥感，特別最近天氣時而潮濕時而乾燥，用了這支美髮油可以大大幫忙打理護髮，看起來更柔順！ 首先質地方面，是透明的美髮油，不會有油膩感，用完後手上亦不會有殘留的油，十分方便。 這支是濕髮用或乾髮用都可以的，而且標榜可以抗熱，所以塗了後用造型產品都可以。自己是比較習慣乾髮用，而且效果比較明顯，長髮的毛燥感大大降低： 自己的髮質是細長髮，長髮過胸。用法及用量是：倒3至5滴於手心，先揉搓一邊髮中至髮尾，完成後再重複另一邊。 美髮油有清雅花香，出外前揉一揉，除了美髮還有淡淡香氣，感覺不錯。 （美髮油是跟同品牌的油染髮產品一同附上的，覺得效果滿意，是可以回購的，網上見到也可以單購補充袋裝呢）
<看全文>Mo Wong好用推薦：我係乾髮系，所以每次洗頭後吹髮前一定要用護髮油，用過幾款後，Loreal呢款最好用，佢微香，雖然係油但搽上頭髮後快吸收而完全唔油腻，令頭髮油順梳頭唔打結，最緊要幫我乾髮後唔會再毛燥，價錢算抵，所以會繼續回購。
<看全文>
Verna好用推薦：其實我都算是外貌協會成員，當我在個人護理店看到這款洗髮乳，它的包裝是粉紅色漸變，感覺像是獨角獸的夢幻感🦄，實在是太美了，我二話不說就買來試試 這款洗髮乳是針對受損髮質，顏色是透明的，很容易起泡，而香味就是蘋果加茉莉花，清新又帶點清甜 它還加入白木耳萃取、水解珍珠修護精華、400%保水力美容精華、24種美容胺基酸，這些都是護膚品才有的成份，簡直就是用護膚品來呵護頭髮 用了一兩個星期，就發現頭髮明顯變得順滑有光澤，而且少了毛燥，少了打結，而頭頂的頭髮就多了蓬鬆感
<看全文>Kpl6be6好用推薦：喺Aeon購入～被其夢幻感包裝吸引🥰🥰粉色樽啱哂少女心嘅心水(笑)～質地水感易起泡～香味仲好甜美～洗完頭髪都香噴噴啦！！
<看全文>
Verna好用推薦：其實我都算是外貌協會成員，當我在個人護理店看到這款洗髮乳，它的包裝是粉藍色漸變，充滿少女感和夢幻感，實在是太美了，我二話不說就買來試試 這款洗髮乳是適合乾旱髮質，顏色是透明的，很容易起泡，而香味就是檸檬草+馬鞭草，十分清新醒神，我最喜歡早上用，洗完髮整個人也充滿活力💪 它還加入洋甘菊花水、迷迭香葉萃取、400%保水力美容精華、24種美容胺基酸，這些都是護膚品才有的成份，簡直就是用護膚品來呵護頭髮 用了一兩個星期，就發現頭髮明顯變得順滑有光澤，而且少了毛燥，少了打結 #火熱新品
<看全文>WSY好用推薦：呢個系列嘅洗頭水好香，有好高級嘅感覺！沖涼之後個香味都好持久！頭髮都川頁左好多！
<看全文>
