護髮功效 推薦好用產品

Sophia好用推薦：L'Oréal Paris 強韌豐盈防掉髮噴霧精華用起來頭皮感覺微涼清爽舒適，長噴咀設計方便直接噴到頭皮，可以盡量避免沾濕頭髮，香味淡淡亦很快散去，較其他同類產品的中藥味容易接受。 用後感覺掉髮情況也有輕微改善，希望再持續使用後，可以繼續保持髮量，維持頭皮健康。

lingbb好用推薦： -I’OREAL PARiS 第一款防掉髮精華液，專為掉髮問題硏製。舒緩頭皮，強韌髮根，有效缓解掉髮。 - 成枝設計都好貼心，特別係個噴咀，噴出黎唔會周圍都係，集中力係你需要嘅位置 - 我喜歡佢嘅花果香味好清新唔俗，原來香味有茉莉、雪松、檸檬、鳳梨嘅混合，噴上頭皮有種冰涼感，會知道自己噴嘅位置準唔準確 - 除咗防脫髮，都有治療頭瘡舒緩頭皮不適嘅作用，係頭皮比教癢嘅地方噴完就唔會再癢，有頭瘡嘅位置都會消失埋 - 總括而言，好喜歡，一枝可以用好耐 #火熱新品

Angie好用推薦：去韓國旅行嘅時候，見到貨架上有Growus嘅洗頭水，一眼已經比充滿少女心嘅包裝吸引❤️ 本身有用開同一個牌子嘅護髮噴霧，所以對呢個牌子都有信心，唔理行李重量買咗枝試吓🤭 Growus 嘅出品果然冇令我失望，我差唔多每日都會夾頭髮，所以一支好用嘅洗頭水十分重要！Growus珍珠修護洗髮露做到保濕效果，同時唔會令頭髮因為過度滋潤而難做造型👍🏻 洗完頭第二日把頭髮都明顯keep住柔順，set頭都唔會容易扁塌，表現100分 💯💯💯 最近見香港門市都買到Growus嘅產品，終於唔使網購/去旅行托返香港，好開心🤭🤭🤭

thk好用推薦：每個女仔都貪靚 係梳化服各方面都會想打扮得靚啲🧏🏻‍♀️ 而我為咗令到髮型可以好睇啲 就成日又染又夾頭💆🏻‍♀️ 搞到髮質傷晒 仲令到把頭髮又旱又難梳🪮 其實頭皮同面部皮膚一樣 必須揀岩自己用既護髮產品🤔 ➷ ✨GROWUS是為了保護大海的生態界而努力的護理頭髮品牌，為頭皮準備的天然原料和專業技術為基礎，根據頭皮狀況尋找改善方案，並提供解決方案的藥妝護理品牌✨ § 🧸對粉紅色真係好難抗拒🩷 就係因為佢既包裝 就吸引咗我去留意😍   🪐 GROWUS珍珠修護洗髮露 ▸ 無矽 ▸ 適合極受損或漂染髮絲使用 ▸ 添加5種蛋白質及7種膠原蛋白，雙重修護更有效 ▸ 加入海洋珍珠複合物 有助維持髮絲水份   由於我頭皮比較敏感 而且髮質特別乾旱 所以有時洗完頭都仲會有頭皮屑😩用埋護髮素都係開叉🙁 估唔到用完GROWUS依枝洗髮露 髮絲回復水潤柔順 仲帶有光澤感🤩梳頭終於唔再打結🪢 直頭唔駛用護髮素已經可以有咁好既效果👍🏼 佢保濕既功能仲改善咗頭皮屑既情況 頭髮都甩少啲😍 最鍾意就係佢既香味持久 可以維持到第二日起身都仲聞到😶‍🌫️ 真係連香水都可以慳返🤪   係屋企都可以享受到頭髮SPA既護理體驗

DorDor好用推薦：Kerastase 洗頭水用完頭髮蓬鬆，又有潤澤又有清爽的感覺，不過以洗頭水價錢來說有點小貴。

iliya 好用推薦：呢款浴髮乳嘅防掉髮效果唔錯，用咗一星期左右，洗頭後去水位嘅掉髮數量明顯減少！

Sccan好用推薦：洗髮水一向無特定但通常都用開架式， 因為唔太重視洗頭體驗，洗得乾淨唔會太笠有蓬鬆感就得。 Diane依個牌子之前用過不錯， 依款新嘅貴油系列主要係見到個樽靚所以買。 效果：蓬鬆感十足，頭髮保濕 質地： 透明比較杰液體狀，起泡同用量都正常 香味：超濃花香香水味，留香超強！洗完頭都飄住依陣味，如果鐘意香香嘅好岩用依款 缺點：滑溜感不明顯，但都有撫直髮絲

GinGin好用推薦：依款洗頭水幾香，好relax, 只係用好少就夠，我係長頭髮用少少都夠用，好少洗頭水可以做到咁，又容易起泡, 用完幾順滑，會再買

Ceccinmydin好用推薦：作為頭髮毛躁，日日用直髮夾嘅人，髮尾油係日常必備 呢支髮油係輕盈唔厚重嘅油，推開唔會黏笠，好快吸收，用量算慳，一支可以用3個月左右😍 平時我係洗完頭，頭髮半乾就用硬幣份量搽髮尾，聞落有啲淡香，香味天然舒服，唔會太油膩 用咗之後，頭髮滑咗好多，減少打結、毛躁，同吹頭嘅熱傷害，吹完頭會更有光澤感，髮尾冇咁易開叉，第二朝起身髮尾都keep到唔會乾

Kitty 好用推薦：摩洛哥髮油真係堅好用！我本身頭髮好毛躁，尤其係染燙後成日打結。用左呢支油，濕髮時搽，吹頭後即刻順滑咗好多，光澤感提升，摸落去軟淋淋！ 最驚喜係佢吸收得好快，唔會黐立立，仲有陣陣香味，好舒服。修復力唔錯，堅持使用，髮尾開叉都有改善。雖然價錢唔算平，但每次用量少，一支都用好耐。真心推薦俾頭髮受損嘅朋友！

takemyokane好用推薦：這幾年很用心養好頭髮，甚少燙染下已不再是受損髮質，但一些小問題如毛燥之類還是會受到直髮夾的影響，加上我是每天都需要用到直髮夾的人，平價直髮夾長遠對髮質始終有影響，因此轉用功能和效果更好的産品。 一開始先被 Power On 的聲音嚇倒🤣預熱後再響一聲又嚇倒。想不到第一樣研究的是如何消音⋯（結論是不能的）預熱是自動感應，只需幾秒就完成。沒有溫度選擇，熱度比想像中高，夾頭髮會冒煙，但神奇在似乎又不傷頭髮。喜歡附送的隔熱套，特別是旅行收拾行李的話，不用等到放涼才能收起。 夾一次就會明白它價錢昂貴的原因。夾完頭髮比未夾之前更閃亮順滑！之前用的直髮夾，同一位置要夾幾次才做到理想效果，現在只夾一次就完成，省去時間而且持久一整天。套裝附送的闊版梳，粒子按摩頭皮很舒服不刺痛。我的頭髮每逢冬天和潮濕春天都會有些頑固毛毛反地心吸力，想不到一梳就平滑下來，太神奇了。 考慮到對髮質的影響，造型省下來的時間，我不再覺得它昂貴了，因為真的值得。

Fng好用推薦：夾直和夾曲都得心應手， 夾出來嘅頭髮順滑同埋有光澤，夾攣咗嘅頭髮喺潮濕天氣就易變返直，如果乾燥嘅秋天冬天就keep到一整日。

applepie好用推薦：唧出嚟係牙膏狀嘅護髮素，啖啖人蔘香氣，我就好鍾意佢嘅香味🥰，有強韌髮根同防脫髮嘅功效，用左似乎改善了少少，價錢唔貴，會繼續回購～

Connor好用推薦：本來頭髮就少，年紀漸長頭髮愈甩愈多，不得不用返啲防脫防髮產品 經朋友介紹就入手呂呢款防脫護髮素，百元內就買到，而且效果絕對係令我有驚喜👍🏻 首先佢係極大陣人蔘味，係用嗰陣先會聞到，洗完頭又冇乜味，都可以接受嘅；質地係厚身cream狀，延展性有啲低，比較難推開，但都易清洗，洗完後頭髮的確順滑咗 用完一枝後，頭髮明顯甩少咗，髮根強韌咗，梳頭時都冇咩甩，絕對值得回購！

Tobimak好用推薦：我認為呢支精華液雖然有少少貴，但係絕對值得！ 呢支精華係無色無味，透明啫喱狀既，用完之後頭髮唔會有黐立立既感覺。 我平時係用嚟搽係髮際線，大概用左一個月左右，已經明顯睇到生多左bb毛！ 我極度推薦給budget比較多嘅姊妹❤️

shadow影子好用推薦：質地有如蘆薈啫喱般清爽透明，可以很容易塗抹到所需的頭皮上，而且沒有任何氣味，亦都很快吸收，洗頭後吹髮前直接使用便可，也不會有任何殘留感或油膩感，10分推薦！

cynthia_snow好用推薦：對於細軟髮質嘅人嚟講，香港潮濕悶熱嘅夏天簡直係災難，特別係落雨嘅日子，頭髮毛燥到我會形容自己係金毛獅王🦁所以收到Essential Premium 美容魔髮包，都好期待使用效果！ 本身頭髮偏幼，加上每日吹頭、定期染髮，髮質都有一定程度受損，特別係頭頂側邊有好多短嘅鬈髮，夏天潮濕嘅日子更加特別明顯。而髮尾亦長期有打結嘅問題，梳頭個陣都好怕會整甩頭髮。咁啱最近一星期有三日要學游水，無論係泳池水定係一日洗頭吹頭幾次，都令頭髮變得好乾旱😩 Essential Premium美容魔髮包主打添加18-MEA 天然美髮油 ，18-MEA就係頭髮毛鱗片上面脂質膜嘅主要成分，補充18-MEA就可以幫助修復毛麟片嘅狀態，重建頭髮嘅天然屏障，令髮絲之間更疏水、潤滑，無咁容易打結；除此之外，仲添加左7種修護美容液，包括水解膠原蛋白、山茶花油、荷荷巴油、玫瑰果油、透明質酸鈉、蜂王漿萃取、乳酸。 美容魔髮包吱出嚟嘅質地比護髮素更加杰，不過係獨立包裝設計，唔洗擔心用得太多，搞到頭髮太笠要洗兩次，而且亦方便帶去旅行使用，隨時為曝曬、風吹、浸完海水過後受傷嘅頭髮急救。 使用左美容魔髮包之後，可以感受到頭髮變得非

hellolulu好用推薦：非常榮幸入選@Cosme活動，有機會試用Essential Premium 光感水潤洗護系列 + 美容魔髮包。試用至今約七天，分享一下使用感受～ 先說說個人髮質 - 中長直髮，沒有電/染頭髮，髮質比較粗硬乾燥，潮濕天氣下容易毛躁捲曲，因此有每天洗吹和使用電熱直髮梳的習慣。 首次使用洗護系列的洗髮露+護髮素後，已明顯感受到髮絲較平日水潤順滑，特別在剛吹好頭髮後，頭髮顯得更健康亮澤有彈性👍 平日我在吹髮前和使用電熱直髮梳前，需塗髮尾油打底保護，否則髮絲容易乾旱斷裂，而且較暗啞。但在使用Essential Premium光感水潤洗護系列的這七天，沒有額外使用髮尾油的情況下，髮絲仍能維持滋潤感，減少乾旱毛躁，效果非常滿意！ 洗髮露泡沫豐富，洗髮時觸感順滑，能減少拉扯磨擦，斷髮掉髮亦有改善，感覺頭髮更健康強韌，可謂是意外收穫👍至於護髮素質地偏濃潤，乾性髮質約取一節手指份量便已足夠。沖洗時要略多花一點時間，但沖乾淨後不會假滑和有殘留感，能真正深層地滋潤髮絲👍美容魔髮包的質地比護髮素更加濃潤，密集修護效果更出色，用後頭髮順滑柔軟，但不會油淋淋。淡淡留香，而且獨立包裝設計，每次使用一包非常方便👍

Kelvin好用推薦：冬天嘅時候用過石榴嗰支，感覺唔錯。今次買咗新出嘅試埋新出嘅生薑清茶洗髮露。 呢支出嚟有少少淡黃色，質地較稠身嘅洗髮露，並唔似石榴嗰支嘅啫喱狀，起泡係比較綿密厚身嗰種，都容易清洗。洗頭時會有一浸薑味，幾好聞。 呢支主打強靭豐盈，我既頭髮偏油性，出街半日就有點笠，而家夏天容易出油，不會回購。 #火熱新品

poonpoon好用推薦：本身自己頭髮稀疏較扁塌，頭髮屬於細軟，容易脫髮。 質地較稠身，容易起泡及沖洗，容易過水幾乾淨。洗頭水有好強烈嘅生薑味道，感覺可以去頭風，舒緩放鬆頭皮，媲美中藥牌子嘅生薑洗頭水。 洗完頭肉眼見去水位無成地頭髮，吹頭都冇咁易甩頭髮。暫時夏天天氣都冇話好容易出油頭髮，頭髮全日屬於正常狀態。 #火熱新品

Milo101好用推薦：長髮少不免都會有點毛燥感，特別最近天氣時而潮濕時而乾燥，用了這支美髮油可以大大幫忙打理護髮，看起來更柔順！ 首先質地方面，是透明的美髮油，不會有油膩感，用完後手上亦不會有殘留的油，十分方便。 這支是濕髮用或乾髮用都可以的，而且標榜可以抗熱，所以塗了後用造型產品都可以。自己是比較習慣乾髮用，而且效果比較明顯，長髮的毛燥感大大降低： 自己的髮質是細長髮，長髮過胸。用法及用量是：倒3至5滴於手心，先揉搓一邊髮中至髮尾，完成後再重複另一邊。 美髮油有清雅花香，出外前揉一揉，除了美髮還有淡淡香氣，感覺不錯。 （美髮油是跟同品牌的油染髮產品一同附上的，覺得效果滿意，是可以回購的，網上見到也可以單購補充袋裝呢）

Mo Wong好用推薦：我係乾髮系，所以每次洗頭後吹髮前一定要用護髮油，用過幾款後，Loreal呢款最好用，佢微香，雖然係油但搽上頭髮後快吸收而完全唔油腻，令頭髮油順梳頭唔打結，最緊要幫我乾髮後唔會再毛燥，價錢算抵，所以會繼續回購。

Verna好用推薦：其實我都算是外貌協會成員，當我在個人護理店看到這款洗髮乳，它的包裝是粉紅色漸變，感覺像是獨角獸的夢幻感🦄，實在是太美了，我二話不說就買來試試 這款洗髮乳是針對受損髮質，顏色是透明的，很容易起泡，而香味就是蘋果加茉莉花，清新又帶點清甜 它還加入白木耳萃取、水解珍珠修護精華、400%保水力美容精華、24種美容胺基酸，這些都是護膚品才有的成份，簡直就是用護膚品來呵護頭髮 用了一兩個星期，就發現頭髮明顯變得順滑有光澤，而且少了毛燥，少了打結，而頭頂的頭髮就多了蓬鬆感

Kpl6be6好用推薦：喺Aeon購入～被其夢幻感包裝吸引🥰🥰粉色樽啱哂少女心嘅心水(笑)～質地水感易起泡～香味仲好甜美～洗完頭髪都香噴噴啦！！

Verna好用推薦：其實我都算是外貌協會成員，當我在個人護理店看到這款洗髮乳，它的包裝是粉藍色漸變，充滿少女感和夢幻感，實在是太美了，我二話不說就買來試試 這款洗髮乳是適合乾旱髮質，顏色是透明的，很容易起泡，而香味就是檸檬草+馬鞭草，十分清新醒神，我最喜歡早上用，洗完髮整個人也充滿活力💪 它還加入洋甘菊花水、迷迭香葉萃取、400%保水力美容精華、24種美容胺基酸，這些都是護膚品才有的成份，簡直就是用護膚品來呵護頭髮 用了一兩個星期，就發現頭髮明顯變得順滑有光澤，而且少了毛燥，少了打結 #火熱新品

WSY好用推薦：呢個系列嘅洗頭水好香，有好高級嘅感覺！沖涼之後個香味都好持久！頭髮都川頁左好多！

choichoi好用推薦：超級香氣大來襲，香味控一定非常滿意。柔潤的質地塗抹於頭髮稍為放置一會，已被稍為吸收，再過水頭髮不會笠之外也非常亮澤，乾燥感有大大下降，能以相宜價錢得到即時焗油效果 #火熱新品

格仔餅公主好用推薦：超級香而且個香味可以keep到好耐，係嗰啲日本傳統甜香，潤係好潤不過要留意過水一定要過得乾淨啲，否則好易起頭瘡

szecckwan好用推薦：之前生完小朋友真係甩咗好多頭髮，隨着年紀嘅生長，頭髮同頭皮嘅情況都會慢慢變弱，見到pantene 出咗新嘅防脫髮頭皮精華，即刻好想試吓。用咗差唔多兩個幾星期真係感受到頭皮冇以前咁乾燥脫髮都真係少咗。 上網睇返，原來佢有呢個護膚級煙酰胺B3 可以鞏固屏障結構維持頭皮健康，pro V B5 維他命精華配方，從髮芯補充秀髮嘅營養 用咗一排，覺得頭皮真係冇咁乾燥唔會因為乾燥而變得更加出油。啱晒冬天使用除咗要護膚之外，頭皮都真係好護理。而家頭頂嘅髮量仲好似增加咗㖭啊。

Verna好用推薦：我之前用的防脫精華是噴霧包裝，質地比較流質，而且氣味比較難聞，但Pantene這款防脫精華和我以前用過的完全相反，它是滴管包裝，所以可以很精準的滴在想增加髮量的地方，例如髮界和額角，它的質地和平時用的精華液差不多，有少少濃稠度，只需輕輕按摩，就很容易吸收，而且它的質地輕盈清爽不黏笠，還有淡淡香味，所以整個使用感覺是很舒服 包裝說明，每次要用4至6滴管，然後按摩頭皮就可以，而且乾髮濕髮也可以用，使用上真的很方便，這會令我有多些恆心去用😝 用了一段時間，感覺頭髮健康了，沒有以往的容易折斷，至於豐盈髮絲方面，我相信要用多點時間，並且配合整個系列去用，包括洗髮露、護髮素和頭皮精華，才會容易見到效果 #火熱新品

郭郭貓好用推薦：本身比較在意掉髮問題，買了這款的防掉髮洗髮加護髮系列 覺得護髮的質地沒有那麼厚重 比較清爽一點 味道也蠻不錯 滋潤度就沒有那麼明顯 整體用起來還可以接受！

Nicnic好用推薦：主要保濕同防脫髮 當佢護髮素咁用 唔會敷15分鐘 不過唔係日日用 （懶） 用完比平時順滑50% 易梳開啲 毛燥感少40% 保濕感hold 到兩日 甩少咗20%頭髮左右 都幾香 回購✅下次想試吓黑色版

chewyfruit好用推薦：🌟護髮困難戶救星髮膜！真係可以養好髮質！ 我本身已經髮質乾旱受損， 仲超級鍾意電染，仲要鍾意啲特別傷髮質嘅顏色！！ 每次想轉顏色，髮型師都叫我好好養下頭髮先。 返屋企做咗一輪功課，俾網上呼聲極高嘅 👉TSUBAKI髮膜👈種草咗！ 買返屋企用咗幾次真係驚艷到～ 係真真正正可以養好髮質，用一次順滑好耐！！ ✅AMP膨潤成分同雙重氨基酸 可以擴張CMC通道，等頭髮更快更好吸收養分！ ✅珍珠蛋白 + 穀氨酸 + 蜂王漿，再加甘油 + 山茶花精油 滿滿嘅修護受損成分，毛躁髮質被溫柔撫平！ 頭髮順滑又有光澤✨！ 而且營養分子細到可以直接滲入頭髮， 養分真係實實在在被頭髮「食」進去！ 佢真係好方便，搽完可以直接沖水💦，真係嚇親我～ 對懶人黨嚟講太友好啦！ 喺屋企輕鬆就可以做到高級saloon級護理！ 香味亦都好舒服，護完髮真係會忍唔住猛咁聞自己～ 成個美女氛圍感即刻出晒嚟hhh🤣🤣 重點嚟啦！佢真係可以救返啲乾旱頭髮～ 之前梳頭唔係甩就係斷，而家一梳到尾， 完全唔會打結或者斷開～ 我呢個又電又染又漂嘅人，終於感受到咩叫「枯髮回春」！ 姊妹們快啲去試下！真係超好用啊啊啊！👏🏻

Tobimak好用推薦：呢隻髮膜真係抵用，大大罐只係50蚊，用咗半年都仲未見底。 我通常會加少少椰子油一齊用，每星期喺屋企做一次深層護髮treatment。 每次用完之後，頭髮都即刻變得柔順又有光澤，手感好滑。 佢嘅香味都幾舒服，唔會太濃，聞落自然又唔刺鼻。

hatty好用推薦：💛法之羽有機防脫髮洗髮露💛 蘊含有機認證迷迭香葉萃取，可以促進頭皮血液循環🩸強韌髮根，天然抑菌抗炎溫和不刺激😛洗髮露以低刺激嘅植物性洗淨劑為主要成分，透過綿密嘅泡沫將污垢洗淨，能使髮絲洗完後柔順不糾結且受損髮絲適用😏

Kura好用推薦：呢款洗頭水係無香味，用完之後真係幫助到頭髮生返d bb毛毛，洗頭水嘅質地係比較厚身嘅gel，加水容易起泡，容易過水清洗，產地係日本

Candy Ng好用推薦：相對我之前使用過之防脫髮激活毛囊生長的精華液，它是比較清爽些，無需要太擔心，用完之後，到下午，會明顯感覺到髮絲有些黐立立的感覺😂 精華落到頭上，會明顯感受到清涼感覺。 而我用左差不多半支，大約2個月，真係令我本身有些髮絲向上移的感覺減緩，起碼不會有明顯位置往上移🙈

cher._.sharing好用推薦：［ɢʀᴏᴡᴜs免沖洗護髮噴霧］ 🔸今次介紹嘅產品🔸 ▫️產品：ɢʀᴏᴡᴜs免沖洗護髮噴霧 ▪️產地：韓國 ▫️價錢：$𝟸𝟷𝟶（𝟸𝟻𝟶ᴍʟ） ▪️自購@ɢʀᴏᴡᴜs官網 🔸聲稱效果🔸 ▪️含豐富蛋白&膠原蛋白&海洋珍珠複合物，令頭髮更光滑柔順 ▫️形成水分保護膜 🔹我嘅用法🔹 ▫️洗完頭用毛巾抹乾頭之後用，噴曬全部頭髮表面，髮尾再噴多少少（因為電過，比較乾），之後先吹頭ᶘ ᵒᴥᵒᶅ 🔹用後感🔹 用完佢覺得髮尾會輕微水潤咗～因為曾經電過，平時就咁用洗頭水洗，吹完會好乾燥，而用咗佢摸落好似冇咁乾燥～但係佢取代唔到髮尾油！所以我會將佢當成保護頭髮&抗熱嘅產品～因為平時成日吹頭同電髮，會令到頭髮經常接觸熱力，對頭髮會造成傷害～而依個產品可以保護頭髮，避免熱力對頭髮產生傷害～ 另外，因為佢係閃令令，所以用完之後隻手一掂啲頭髮就會閃令令，但你就咁望啲頭髮又唔會閃令令😹仲有佢包裝都幾靚幾有質感😍佢枝噴霧個設計有個好簡單嘅ʟᴏᴄᴋ，唔怕撞到搞到噴曬出嚟～ 題外話：買嘅過程其實好波折，因為佢唔係順豐，冇得自提只可以送上門，都唔緊要，佢網站寫𝟽-𝟷𝟺日，但我等咗成個月🫠ᴛʀᴀᴄᴋ ɴᴜᴍʙᴇʀ又唔更

CLS24好用推薦：它比護髮油清爽，水劑帶著少量油份，濕髮上了之後吹乾，少了毛躁、頭髮到了早上還是會柔順有亮澤。本人少用電棒所以不清楚它有否做到有效抵禦高達 230°C 的熱傷害，但它的確讓我遠離了靜電。