找產品
身體保養 推薦好用產品
1,200 件
takemyokane好用推薦：這幾年很用心養好頭髮，甚少燙染下已不再是受損髮質，但一些小問題如毛燥之類還是會受到直髮夾的影響，加上我是每天都需要用到直髮夾的人，平價直髮夾長遠對髮質始終有影響，因此轉用功能和效果更好的産品。 一開始先被 Power On 的聲音嚇倒🤣預熱後再響一聲又嚇倒。想不到第一樣研究的是如何消音⋯（結論是不能的）預熱是自動感應，只需幾秒就完成。沒有溫度選擇，熱度比想像中高，夾頭髮會冒煙，但神奇在似乎又不傷頭髮。喜歡附送的隔熱套，特別是旅行收拾行李的話，不用等到放涼才能收起。 夾一次就會明白它價錢昂貴的原因。夾完頭髮比未夾之前更閃亮順滑！之前用的直髮夾，同一位置要夾幾次才做到理想效果，現在只夾一次就完成，省去時間而且持久一整天。套裝附送的闊版梳，粒子按摩頭皮很舒服不刺痛。我的頭髮每逢冬天和潮濕春天都會有些頑固毛毛反地心吸力，想不到一梳就平滑下來，太神奇了。 考慮到對髮質的影響，造型省下來的時間，我不再覺得它昂貴了，因為真的值得。
<看全文>Fng好用推薦：夾直和夾曲都得心應手， 夾出來嘅頭髮順滑同埋有光澤，夾攣咗嘅頭髮喺潮濕天氣就易變返直，如果乾燥嘅秋天冬天就keep到一整日。
<看全文>
貓餅好用推薦：個人認為非常好用的髮膜粒粒（我當護髮素咁用），通常會帶去旅行用，因為細細粒真在太方便喇。 首先，呢粒髮膜好香，佢有3色，黃色，粉色同藍色，大家不同功效，個人最like黃色，因為最香。 第二，帶去旅行當護髮素係超好用，細細粒，獨立包裝，方便攜帶。好多時酒店的護髮素都不太好用，甚至沒有提供，呢個髮膜粒就幫到手了。 第三，佢髮膜入面個量好多，幾乎係佈滿成粒，所以一粒可以2-3次，而且每次唔需要用太多嘅量就可以搽哂耳仔對下嘅頭髮，其實幾抵！ 第四，髮膜入面有勝肽精華，係高濃度嘅保濕髮膜，用完髮膜，過水嘅時候，感覺到頭髮變得超級順滑，唔會打結，好易梳順，髮膜營養去哂頭髮到，充分被修護，讚。 第五，一盒唔貴，一盒好似有8-10粒，價錢60蚊左右，有時$99會買一送一，但係佢一粒係可以洗幾次頭，所以好抵，性價比好高。 總結，建議大家都入手試試看！
<看全文>Emma W好用推薦：PRO-V 爆水珠珠髮膜（密集修護）好行容！膠囊設計一樣方便，方便去旅行時、游完水時使用。 其質地濃郁，吸收快不黏膩。香味持久。用左個髮膜1次後，頭髮瞬間補水爆潤，乾枯毛躁全消，受損髮尾撫平左，唔會冬天穿完衣服後，就好似超級撒亞人咁，頭髮飛起，表現毛燥，分岔減少，柔軟有彈性！ 特別適合染燙重度受損、極乾髮質，隔天還超順滑。比強韌防斷款更注重保濕修護，係我必買囤貨貨品之一。 適合肌膚：任何，特別為染燙重度受損、極乾髮質 成效度：5/5 質地：cream 光澤度：5/5 持香度：5/5 值得推薦度：5/5
<看全文>
Miranda好用推薦：【質感】 首先講質地。佢係偏稠嘅白色乳液狀，流動性唔算高，唧出嚟係一舊嘅。推開嗰下唔係「化水」嗰種，而係有種「滑捋捋」嘅感覺，需要比多少少力氣先可以推勻全面。上面之後初初係有啲潤，等一陣之後會慢慢乾，形成一層薄膜。 呢層薄膜嘅存在感都幾明顯。我摸落塊面嘅時候，會Feel到有一層嘢「包住」咗皮膚，但呢種感覺又唔係油膩嗰種，而係一種「保護膜」嘅感覺。初初用嗰陣我有啲唔慣，覺得好似有層嘢焗住，但用多幾次之後就開始接受到，甚至覺得呢層膜令我有種「安心感」，覺得防曬真係實實在在咁保護緊我。 味道方面，佢冇乜香味，但有少少化學原料嘅氣味，不過唔算濃烈，都接受到。 【使用感】 呢支防曬最令我滿意嘅係佢嘅 「防曬效果」。SPF50+ PA++++嘅最高防曬系數，我用咗佢一排，完全冇變黑。試過有幾次要去戶外，企喺太陽下面幾個鐘，返到屋企塊面都仲係keep到原本嘅膚色，完全冇變暗或者出斑。呢點令到我覺得好放心，以後去户外活動都會諗起佢。 佢仲有一個優點，就係 「唔泛白」 。好多高防曬度數嘅防曬搽完之後塊面會白咗一層，但呢支完全唔會。佢係透明嘅，搽完之後唔會改變我本身嘅膚色，呢點我好鍾意。 佢嘅
<看全文>葉子🍃好用推薦：終於入手左ALLIE防曬水凝乳，無香料白色乳霜狀，一推開水潤貼服好快成膜，用後有光澤，唔會有泛白、無侷促感，鐘意佢高效防曬持久力強，出汗後擦乾仍感到有防曬保護，佢仲加入海洋友善配方，出海户外都可用，包裝輕巧，一支90g全身可用，而一般洗面，沖涼液就可以卸除，十分方便
<看全文>
Fng好用推薦：Dettol ProFresh 綠茶茉莉花香沐浴露 ✨ 質地與清潔感 呢支沐浴露係透明青綠色凝露，加水一搓就起出綿密泡泡，沖水時有種咕嚕咕嚕嘅乾淨感！最驚喜係沖完唔會周身黐立立，皮膚摸落滑溜又唔乾燥，適合香港夏天日日使用～ 🌟 香味與留香度 綠茶茉莉花香出乎意料咁清新！沖涼個陣成個浴室都係療癒花香，完全冇消毒藥水味～不過留香較短暫，抹乾身後已經得返淡淡餘香，想要持久香味要配合同系列身體乳～ 💔 美中不足 · 保濕力普通：乾燥天氣可能要跟手搽乳液 · 香味唔持久：追求長效留香可能失望 · 包裝設計：樽身較滑手，濕水後難拎穩 🆚 同類產品比較 · VS 滴露經典原味：原味藥水味較重；ProFresh花香易接受 · VS Lux玫瑰沐浴露：Lux更滋潤但清爽度輸蝕 性價比：★★★★★（5/5，幾十蚊有抗菌+花香真係冇得輸！） 適合：怕悶熱嘅香港人、注重衛生嘅學生黨、追求平價好用嘅精明的你～ #滴露沐浴露 #綠茶茉莉 #平價BodyWash
<看全文>A&R好用推薦：Dettol Profresh清爽保濕沐浴露（綠茶煮茉莉花香）用落真係好舒服。洗完身覺得好乾淨但完全唔繃緊，皮膚仲有水潤感。綠茶加茉莉花嘅香味清新淡雅，唔會太濃烈，反而有種放鬆同療癒感，好似喺花園入面沖涼咁。
<看全文>
Candy Ng好用推薦：首先，我不談論它的防脫髮功效先。 我的髮質是毛躁、粗硬、不柔順，每星期有四至五天，我會用髮夾夾頭髮的，所以我對洗頭水的保濕及滋潤是很注重的。 我有用過此牌子的其他系列，即使是注明是給油性髮質，我用完之後仍然都覺得順滑的。但是我用完此系列我完全沒有這感覺，更遑論去談論它的防脫髮功效，因為我都不想再用它了。🤷♀️
<看全文>Cole Cole 好用推薦：#火熱新品 因為經常染頭髮，間唔中又電髮，導致頭髮脆弱易斷，頭皮又受損，頭油味又重。呢期見到呢粒米型嘅洗頭水有好多廣告，試吓先！ 首先，味道方面好似糖果味，甜味，唔係花香味，質地唔稀，起泡不算太多。 洗完頭之後，感覺將頭油完全洗晒，頭髮變得好乾。喺清潔頭髮方面就唔錯，不過洗完頭一定要必須要再用髮膜滋潤頭髮。 用咗一排，感覺not too bad. 頭髮問題同以前冇乜差別，但斷髮有改善，不過性價比唔算高。
<看全文>
Akassoo好用推薦：之前因為變咗敏感肌之後就開始將產品轉晒敏感肌適用，亦都第一次用咗Sunplay Skin Aqua 嘅防曬調色霜，因為用過覺得幾好之後今次就再買埋Sunplay Skin Aqua 純物理礦物防曬 SPF50+ PA++++無色版。 呢款防曬係100%物理防曬，亦不含六大致敏成份。好處係真係易推同埋唔黏笠，但雖然佢係白色，不過如果唔覺意搽多咗其實會有少少泛白。 不過因為呢款有最高防曬基準PA++++及SPF50+，所以如果純粹係想防曬而唔係想有咩調色功能嘅話其實呢隻就OK。 作為敏感肌嘅人士，可以放心使用，已經用完一支都冇任何敏感情況。
<看全文>Cosmeemee好用推薦：呢款Skin Aqua 純物理礦物防曬已經用咗好多支空瓶☀️☀️☀️尤其是係夏天，有時懶就會搽埋手手腳腳🤣 我係藍色同粉紅色都有買，兩款都經常使用～ 💙藍色vs 粉紅色🩷 藍色質地比較輕盈水潤，冇粉色咁Matt，係純防曬，冇調色效果，仲有少少薰衣草香味；而粉紅色就係屬於防曬調色霜，質地比藍色厚，好似係因為兩款防曬用嘅精油唔同，所以有唔同香味，但兩者都絕對唔會有刺激或者化學嘅味道，搽落都覺得佢完全唔刺激皮膚🤣 🔽使用心得如下🔽 ️🕒使用時間：使用一年，幾乎每天使用 💆🏻♀️個人皮膚狀況：混合乾性肌膚 使用產品後沒有任何過敏反應 🌟似護膚品，用完皮膚仲靚咗 我塊面皮薄🤣成日好易紅，夏天熱到紅，冬天乾到紅🥹 雖然佢係防曬產品，唔係啲主打降紅嘅護膚品，但我每一次用完都會令到我塊面冇咁紅，同有舒緩嘅效果💧 🌟令皮膚提亮光澤 雖然佢冇調色效果，但用完之後會明顯收細咗毛孔同埋提亮膚色，令皮膚睇起上嚟膚色比較均勻有光澤～仲有防曬效果，皮膚狀態好嘅時候，就咁薄薄搽一浸再拍少少碎粉就已經出得街🤫 🙌總結評分🙌 產品質地：♥️♥️♥️♥️♥️ 均勻膚色：♥️♥️♥️♥️🤍 撫平毛孔：♥️♥️♥️
<看全文>
Monkeyk好用推薦：我本身個人比較麻煩，同埋好鐘意試新嘢，真係會回購甚至空瓶嘅嘢數埋10樣都冇，但係呢支lavender rose# 10, 真係我回購咗而家用緊第四支，一去日本就會買，因為平啲，我本身皮膚混合性偏非常之乾，同埋長期瞓得唔好膚色好蠟黃，搽完佢之後成個氣息真係好好多，但又唔會白得好唔自然，如果懶唔化妝就咁搽佢已經可以提升氣息，如果要化妝搽完佢先化粉底都用少好多，不過有時去到冬天極乾嘅天氣搽佢係有少少偏乾，見到自己面頰會係有少少發霉嘅跡象，但唔多呢個情況(留意返我年紀都唔細,應該好小人好似我乾到咁)有一次買錯咗另外一隻色#01係粉底嘅顏色，都好用，我諗比較適合皮膚唔太黃嘅人，我都繼續試緊其他嘅替代品，想再平啲，但暫時仲未搵到🤭
<看全文>Chloeincosme好用推薦：Decorte的碎粉係我最愛，所以收到呢支cc cream做禮物都幾開心😍 佢嘅提亮同均勻膚色效果都唔錯，雖然遮瑕度屬中等，黑眼圈/ 痘印要額外遮瑕，但日常返工完全夠用～ 🤍 均勻提亮：4.8/5 淺粉色調細緻自然，上臉後膚色即時透亮均勻，偽素顏感一流！ 🤍 遮瑕度：3.5/5 均勻膚色效果好，但明顯瑕疵要疊加遮瑕產品先夠～ 🤍 持久度：4/5 帶妝10 小時鼻翼明顯溶妝，一定要碎粉定妝！整體妝感依然保持得唔錯～ 總結： 呢支cc cream適合追求自然提亮同快速出門嘅人～😂雖然價錢偏高同遮瑕力一般，但作為偽素顏神器值得投資！推薦俾所有想打造透亮底妝嘅你！
<看全文>
Lydia好用推薦：Biore UV 水感凝膠防曬 — 夏日清爽首選，日常防曬零負擔✨ 質地： 呢款防曬一搽上手， 即刻feel到果種水感清爽嘅質地， 好似化妝水咁容易推開， 完全冇一般防曬嗰種粉感或者厚重感覺。 推勻之後好快就吸收晒， 皮膚表面形成一層薄薄嘅保護膜， 但完全唔會黏笠，仲有少少降溫感， 夏天用真係好舒服。 有陣淡淡嘅清新柑橘味， 搽嘅時候心情都靚啲🍊 效果： 作為日常返工、買餸嘅防曬， 呢支真係好夠用。 SPF50+ PA++++ 嘅高防曬度數， 但質地輕薄到完全唔覺得自己有搽防曬。 用喺化妝前打底， 唔會同粉底打架起擦子膠碎， 反而令粉底更貼服，冇咁容易浮粉。 最驚喜係佢防水防汗效果都唔錯， 夏天行路返工出汗， 都唔會流到成面白色一條條， keep住清爽感覺。 身體用都一流， 搽手腳快乾唔會黐立立， 唔使等好耐就可以著衫出門， 對於趕時間嘅早上真係好方便。 唯一要提係如果全日戶外活動， 或者長時間暴曬， 可能要補得密少少， 但日常使用絕對綽綽有餘。 用普通沐浴露就可以洗乾淨， 唔使特登用卸妝，夠晒方便。 總結：清爽零負擔，日常防曬必備 Biore 水感凝膠防曬屬於清爽型防曬， 質地
<看全文>Tung Yi好用推薦：圖一是只有防曬液，圖二是防曬+粉底液。 擁有SPF50+PA++++的最高等級防 曬力,能有效阻隔 UVA和UVB,防止曬傷及由紫 外線引起的色斑與老化。 水感質地:採用獨有的「水感凝體技術」,將防曬 成分鎖在水分子中,質地如水般清爽、易推開且 不黏膩。 保濕成分:含有透明質酸(玻尿酸)、蜂王乳精華 及BG 保濕成分,能高度鎖水,讓肌膚保持潤澤。 多功能使用:適用於臉部及全身,且可作為妝前 底霜 使用,幫助底妝更持久貼服。 耐水洗卸易:具備防水耐汗功能(通過80分鐘浸 水測試),但使用一般洗面乳或沐浴產品即可輕鬆缷掉。 我最欣賞是無色無香料味，上妝後都沒有擦膠碎，對化妝人士十分友好，已經回購了三瓶。
<看全文>
Kelly Wong好用推薦：《底妝防曬篇》 早前介紹過嘅幾款都屬「化學防曬」，但其實仲有「物理防曬」，如果非常重視Clean beauty 溫和安全既朋友仔就要留意喇。 日本 肌研（Hada Labo）極潤系列的保濕產品，主打「高效透明質酸保濕」，所以呢個系列嘅產品好多產品都好高分，以簡單、安全、有效果的配方聞名。 低敏配方，無香料、無色素、無礦物油，無刺激性，好適合敏感肌。有時候唔想畀皮膚每日都吸收咁多「化學」負擔，單純簡單用「物理防曬」保護下皮膚就輕鬆出門口，呢款產品非常合適，仲可以減省落妝步驟，啱晒想偷懶嗰日用！ 質地屬於乳液/霜狀，延展性佳，吸收快，不黏膩，不過缺點就係會出大汗出油時，應該會減弱防曬力，有需要就要補一補防曬喇～
<看全文>GinGin好用推薦：依款防曬比較濃稠，莎難推開，而且會泛白，不過可以接受，因為只係出門半小事，所以未知會否曬黑
<看全文>
cynthia_snow好用推薦：對於細軟髮質嘅人嚟講，香港潮濕悶熱嘅夏天簡直係災難，特別係落雨嘅日子，頭髮毛燥到我會形容自己係金毛獅王🦁所以收到Essential Premium 美容魔髮包，都好期待使用效果！ 本身頭髮偏幼，加上每日吹頭、定期染髮，髮質都有一定程度受損，特別係頭頂側邊有好多短嘅鬈髮，夏天潮濕嘅日子更加特別明顯。而髮尾亦長期有打結嘅問題，梳頭個陣都好怕會整甩頭髮。咁啱最近一星期有三日要學游水，無論係泳池水定係一日洗頭吹頭幾次，都令頭髮變得好乾旱😩 Essential Premium美容魔髮包主打添加18-MEA 天然美髮油 ，18-MEA就係頭髮毛鱗片上面脂質膜嘅主要成分，補充18-MEA就可以幫助修復毛麟片嘅狀態，重建頭髮嘅天然屏障，令髮絲之間更疏水、潤滑，無咁容易打結；除此之外，仲添加左7種修護美容液，包括水解膠原蛋白、山茶花油、荷荷巴油、玫瑰果油、透明質酸鈉、蜂王漿萃取、乳酸。 美容魔髮包吱出嚟嘅質地比護髮素更加杰，不過係獨立包裝設計，唔洗擔心用得太多，搞到頭髮太笠要洗兩次，而且亦方便帶去旅行使用，隨時為曝曬、風吹、浸完海水過後受傷嘅頭髮急救。 使用左美容魔髮包之後，可以感受到頭髮變得非
<看全文>hellolulu好用推薦：非常榮幸入選@Cosme活動，有機會試用Essential Premium 光感水潤洗護系列 + 美容魔髮包。試用至今約七天，分享一下使用感受～ 先說說個人髮質 - 中長直髮，沒有電/染頭髮，髮質比較粗硬乾燥，潮濕天氣下容易毛躁捲曲，因此有每天洗吹和使用電熱直髮梳的習慣。 首次使用洗護系列的洗髮露+護髮素後，已明顯感受到髮絲較平日水潤順滑，特別在剛吹好頭髮後，頭髮顯得更健康亮澤有彈性👍 平日我在吹髮前和使用電熱直髮梳前，需塗髮尾油打底保護，否則髮絲容易乾旱斷裂，而且較暗啞。但在使用Essential Premium光感水潤洗護系列的這七天，沒有額外使用髮尾油的情況下，髮絲仍能維持滋潤感，減少乾旱毛躁，效果非常滿意！ 洗髮露泡沫豐富，洗髮時觸感順滑，能減少拉扯磨擦，斷髮掉髮亦有改善，感覺頭髮更健康強韌，可謂是意外收穫👍至於護髮素質地偏濃潤，乾性髮質約取一節手指份量便已足夠。沖洗時要略多花一點時間，但沖乾淨後不會假滑和有殘留感，能真正深層地滋潤髮絲👍美容魔髮包的質地比護髮素更加濃潤，密集修護效果更出色，用後頭髮順滑柔軟，但不會油淋淋。淡淡留香，而且獨立包裝設計，每次使用一包非常方便👍
<看全文>
Miranda好用推薦：【質感】 質地係透明、流動性強嘅油狀，比想像中輕身好多，唔會覺得「漿」住。雖然標明係畀乾旱髮質用嘅「Extra Rich」版本，但推開之後感覺一啲都唔厚重，好快就被髮絲吸收。用完之後手板唔會「立黐黐」，頭髮表面清爽，對於怕護髮油用完會笠嘅人嚟講係一大優點。香味方面，佢帶有甜甜嘅雲呢拿同椰奶味，好似去完旅行嘅放鬆感。不過要注意，呢種甜味對某啲人嚟講可能偏濃，如果你鍾意清新淡香就要諗清楚。 【使用感】 呢個係最多人討論嘅位。官方建議「半乾濕」用最好：洗完頭索到半乾，揼一兩泵由耳下位置均勻搽上頭髮，再用風筒吹乾。呢個方法下，即時效果係最明顯嘅——頭髮即時順滑好多，打結情況改善，吹完仲有自然光澤。 但要注意，佢嘅修復能力比較「表面」。有啲用家反映，如果頭髮受損嚴重（例如漂染多次嘅「稻草頭」），單靠呢枝護髮油係唔夠力嘅，可能只可以幫手「輕鬆解結」，而唔係「完全柔順」。另外，搽嘅時候一定要避開頭皮，否則第二朝即刻會「油到dup」。 【持久度】 持久度方面要分兩樣嘢講。香味持久度係一大驚喜，有啲用家話香味可以維持到第二日，呢點係好多平價護髮油做唔到嘅。護理效果嘅持久度就相對普通，用完當下頭髮係順
<看全文>Myonlyone好用推薦：講到Loreal Paris呢支護髮油（通常指Extraordinary Oil「奇蹟瞬澤護髮油」），喺香港真係由學生妹用到OL，連阿媽都識。我用過金蓋（經典）同紅蓋（玫瑰），以下係平民真實用後感，冇濾鏡： 1. 質地係「輕油」定「重油」？ ▪️ 金蓋：流質偏薄，好似水狀精油，捈完手板唔會「立黐黐」。 ▪️ 紅蓋（玫瑰）：比金蓋厚少少，但都算輕身。 結論：對得住「瞬澤」兩個字，幼髮/受損唔怕變「油頭」。 2. 最正嘅用法（香港潮濕天實測） 跟足官方「半乾濕」用最見效：洗頭後用毛巾索到半乾，㩒1-2泵由耳下髮尾向上捈，再用風筒吹。吹完嗰下真係滑到跣手，仲有自然光澤，唔似打咗蠟嗰種「假滑」。 3. 香味分黨派 ▪️ 金蓋：高級椰子+雲呢拿味，偏甜，似去完旅行放鬆。 ▪️ 紅蓋：花香玫瑰味，比金蓋清新，唔會「乸」鼻。 持久度：兩個都去到第二日仲聞到陣淡淡香味。 4. 暗位/缺點（必睇） ❌ 千祈唔好捈近頭皮，否則第二日即刻「油到dup」。 ❌ 對嚴重漂染「稻草頭」嚟講，單用唔夠力，要溝多枝髮膜。 ❌ 如果本身用開Moroccanoil嗰類「重磅油」，會覺得呢枝「輕身到冇安全感」。 5
<看全文>
jessicachu好用推薦：多謝 @cosme 邀請試用 JOSERISTINE 彩豐 皮奧寧防痘．身體護理噴霧！我用咗大約一星期，同大家分享用後感。 我一到夏天就係典型「一油就出粒粒」嗰種，出多咗汗、皮膚一焗，背脊同心口就好易冒返啲紅紅哋嘅暗粒同小痘痘。呢支噴霧正正主打背部、前胸同上臂呢啲自己又睇唔到、又難搽藥膏嘅位置，啱晒我。 質地方面我好收貨——係好輕盈嘅水狀，噴上身完全無負擔，噴完輕輕一推開就好快吸收，唔會黐笠、唔會濕立立殘留一層喺度，著返衫都唔覺焗。噴嗰下仲帶少少清涼感。而且我幾鍾意佢嗰陣茶樹味，清清新新，唔會惡到攻鼻，聞落好舒服。除咗消炎防痘，噴完亦有種補水感，唔會好似某啲祛痘產品噴完乾巴巴。 至於用法，我習慣沖完涼、抹乾身之後噴，簡單快捷。真係要吹毛求疵嘅話，噴出嚟嘅水霧唔算最幼細，要用手推開。 效果就係最令我驚喜嘅部分。噴完第一次，第二日已經見到患處嘅粒粒明顯消咗炎、退咗紅，冇再谷大。連續用咗一個星期，新冒嘅粒粒都少咗好多，背脊同心口整體乾淨、平滑咗，皮膚狀況穩定咗。以佢親民嘅價錢加上噴一噴就搞掂嘅方便程度，作為夏天嘅日常身體防痘護理，我覺得好抵用，會繼續keep住噴落去。 可以見到噴
<看全文>konrinn好用推薦：產品測試心得分享 測試背景 膚質類型： 混合性偏油肌膚 測試環境： 濕熱天氣，長期處於冷氣環境 特殊狀況： 測試期間經歷生理期，肌膚狀況較不穩定 今次試用同時使用三隻產品,分別係 1. 皮奧寧祛痘強效消炎膏 2. 皮奧寧祛痘清爽乳液 3. 皮奧寧防痘,身體護理噴霧 分返三篇評價。 3. 皮奧寧防痘．身體護理噴霧 使用便利性 噴霧設計相當貼心，噴出的霧狀細緻均勻，不會黏膩也不會弄髒衣物。無論是在早晚使用都很方便，特別適合難以用手塗抹的身體部位。 使用感受 產品沒有強烈刺鼻的氣味，使用時有清涼的薄荷感，在濕熱天氣下使用特別舒適，能帶來即時的清爽感受。 功效表現 這是三款產品中效果最為明顯的一款。針對胸口部位的大小粒粒問題，使用後有顯著的改善效果，不僅數量明顯減少，原有的粒粒也逐漸消退。可能是因為身體肌膚冇咁出油，比臉部肌膚更容易看到改善效果。 整體評價 三款產品中最推薦的一款，使用方便且效果顯著，特別適合處理身體部位的痘痘問題。
<看全文>
Verna好用推薦：其實我都算是外貌協會成員，當我在個人護理店看到這款洗髮乳，它的包裝是粉藍色漸變，充滿少女感和夢幻感，實在是太美了，我二話不說就買來試試 這款洗髮乳是適合乾旱髮質，顏色是透明的，很容易起泡，而香味就是檸檬草+馬鞭草，十分清新醒神，我最喜歡早上用，洗完髮整個人也充滿活力💪 它還加入洋甘菊花水、迷迭香葉萃取、400%保水力美容精華、24種美容胺基酸，這些都是護膚品才有的成份，簡直就是用護膚品來呵護頭髮 用了一兩個星期，就發現頭髮明顯變得順滑有光澤，而且少了毛燥，少了打結 #火熱新品
<看全文>WSY好用推薦：呢個系列嘅洗頭水好香，有好高級嘅感覺！沖涼之後個香味都好持久！頭髮都川頁左好多！
<看全文>
Emily Leung好用推薦：花王蒸氣眼罩 - 玫瑰香味 真實測評 返工對足成日電腦對到對眼乾過沙漠？試過無數眼藥水同按摩儀都冇用？今次同你實測呢款日本爆紅嘅✨花王蒸氣眼罩（玫瑰味）！話就話係『眼罩』，其實係塊會自動發熱嘅『眼部溫泉』～即刻話你知佢係真·舒緩定係純粹呃Like？ 發熱效果 · 一拆開袋就自動發熱，好方便唔使等。 · 溫度大概維持喺40度左右，暖暖哋好似敷緊熱毛巾，唔會燙親眼皮。 · 發熱時間大概得15分鐘左右，對於想快啲放鬆嘅人夠用，但瞓過夜就短咗啲。 香味表現 · 玫瑰味聞落似天然花香，唔會俗氣似化學味。 · 香味幾濃下，一開始會覺得好療癒，但對氣味敏感嘅人可能會覺得太勁。 · 個香味可以持續到成個過程完結，成個枕頭都會沾到少少味。 佩戴感受 · 耳掛設計算舒服，唔會勒耳朵，但面細嘅人可能覺得唔太貼面。 · 材質係無紡布，柔軟唔刮皮膚，但如果側身瞓會容易移位。 舒緩效果 · 對於用眼過度、乾眼疲勞嘅放鬆效果最明顯，敷完即刻覺得雙眼冇咁攰。 · 可以幫助入睡，尤其係失眠嗰陣，個暖感令人好放鬆。 · 對黑眼圈同眼紋就冇咩實際功效，主要都係舒緩疲勞。 優點缺點總結 ✅ 優點：即開即用好
<看全文>Kitty 好用推薦：打工仔成日對住Mon，對眼成日又乾又攰，家中一定要常備花王呢款蒸氣眼罩！ ✨使用感受： 呢款無香，適合對氣味敏感嘅人（我個人更鍾意有香款，香氣好治癒，有好多唔同香味可以揀！），掛上耳仔嗰陣感覺好柔軟舒服。大概等10秒左右就开始感覺到微微溫熱，係嗰種唔會燻親眼嘅溫柔蒸氣，好似做緊SPA咁！熱力大概可以維持20分鐘，啱啱好夠我小憩一陣。 🌿效果評價： 用完之後對眼即刻冇咁繃緊，乾澀感減輕好多！尤其係臨瞓前用，連帶瞓覺都香甜啲～第二朝起身對眼都精神啲，冇之前咁浮腫。最正係搭長途機或者午休時候用，真係瞬間回血！ 💡小貼士： - 建議瞓低使用效果更佳 - 戴隱形眼鏡要先除低 - 每個禮拜用2-3次已經好足夠 雖然眼罩係一次性，但價錢夠平，成日有促銷，為咗對眼值得投資！而家已經成為我辦公室抽屜必備神器～ 如果你都係用眼過度嘅打工族，真係要試下！
<看全文>