找產品
身體保養 推薦好用產品
1,158 件
Cole Cole 好用推薦：Dove價錢親民，香味選擇多，最緊要係夠溫和，唔會令皮膚敏感，日常用真係啱晒。經典牛奶香味淡淡甜香，沖涼時聞到好放鬆，但留香唔算持久，適合唔鍾意太濃烈味道嘅人。泡沫屬於細密綿滑，用沐浴球會更豐富，用手就比較適中。 保濕力good，用完皮膚好滑，完全唔乾燥，秋冬用都夠力。清潔力偏溫和，日常去汗水油脂冇問題，但唔會有「超乾爽」感覺。 整體好用，保濕、溫和潔淨嘅沐浴露，特別啱乾燥肌或者鍾意滋潤膚感嘅人。
<看全文>Sakura醬好用推薦：Dove沐浴露，家中必備好物 用咗好多年，一直都用呢個牌子！價格優惠，香味選擇多！最緊要係夠溫和，唔會敏感！作為日常用嘅沐浴露，不過不失！ 香味： 經典原隻款係陣溫和嘅牛奶甜香，唔算好濃烈，但沖涼時聞到好放鬆，留香唔算持久，沖完過一陣就散得七七八八，適合唔鍾意太濃味嘅人。 泡沫豐盈度： 泡沫唔算超級多，屬於細密綿滑類型。如果用沐浴球可以搓出豐富泡泡，但如果就咁用手，泡沫量就比較適中。 滋潤保濕： 呢個係Dove嘅最大賣點！用完好明顯感覺到皮膚好滑溜，完全唔乾燥，更加唔會有「繃緊」嘅感覺。就算係秋冬乾燥天時用，保濕力都相當夠。 清潔力： 清潔力屬於溫和乾淨型，日常沖走汗水同油脂絕對足夠。如果你追求洗完有「好乾淨、好乾爽」嘅感覺，佢就可能未必係你杯茶，因為佢主打滋潤，洗完會留有層潤滑感。 總結： 係一支保濕力突出、溫和潔淨嘅沐浴露，特別適合皮膚乾燥，或者鍾意滋潤膚感嘅人。如果你係大油皮或者鍾意極致乾爽感覺，就可能要諗諗。
<看全文>
timetohaveacupoftea好用推薦：使用3盒後感受-結論：神品！ 個人感受： 比Cerave更好用 🚿沖涼後，塗抹精華，立即把Nivea Cream放左手心打圈，再塗抹在面上 👆🏻打圈直至感覺到面霜「爆水」（你試過就明） 👋直至手感由「霜狀」變「水感gel」 💪🏼直至由「深奶白色」變「半透明」 ❤️ 我認為其實面霜保濕足夠最重要，抗老/美白工作就交給精華及防曬吧。精華反而值得投資貴一點，而面霜最重要是保濕，建立保護層，將精華鎖死在皮膚內，否則精華都被乾燥天氣慢慢蒸發掉。 😂如果頭髮邊有殘留Nivea，會很容易出粉刺，最後發現用乾淨的手在頭髮邊掃平均就好了 🤪我的面頰完全不出油： 塗大量；有時塗抹超厚（面膜） 🤌我只有T字部份及下巴出大量面油： 塗小量，而且按摩確定完全吸引，否則有可能出青春痘啊 🖤包裝：回購時永遠見到同一包裝，感覺很悶；希望有更多不同包裝，否則感到有點膩（最後我在某小店及日本時找到特別包裝） 🖤希望有「枝裝」「筒裝」，發現用在指界邊緣一流
<看全文>莓莓好用推薦： NIVEA小藍罐修護乳霜係唔少人心中嘅經典護膚品，以佢濃厚嘅乳霜質地同強勁滋潤效果出名。以下係用後嘅一啲心得分享： 深層滋潤：質地好濃厚，適合乾性肌膚，尤其係冬天或者乾燥環境下用，可以有效鎖住水分，令皮膚保持柔軟潤澤。 多用途：可以用喺塊面、身體、手或者腳，甚至可以用作潤唇膏或者急救保濕霜，性價比好高。 敏感肌啱用：成分相對溫和，適合乾性或者敏感性肌膚，好少會引起敏感。 價錢親民：以佢嘅容量同效果嚟講，價格好實惠，性價比高。 總結： Nivea小藍罐係一款經典又實用嘅修護乳霜，特別適合乾性肌膚或者需要深層滋潤嘅人。如果你嘅皮膚容易覺得乾燥、繃緊，呢個係一件值得入手嘅護膚品，但油性肌膚就可能要小心揀返啱部位同使用頻率
<看全文>
oy 好用推薦：Kose Q10 護手霜係日本藥妝店一行入去就會見到 Extra Guard通常就係專for成日洗手嘅人士，成日好多公仔款好難揀🤣🤣 呢支護手霜最特別嘅地方係佢有一層保護膜 好多hand cream 一洗手就無晒，但呢支 Extra Guard 係專為成日要掂水嘅人設計（例如主婦或者醫護人員） 搽咗佢之後，手表面會形成一層薄膜，洗手嗰陣你會見到水珠喺手背滑走，就無咁易洗走啲滋潤成分 質地方面佢無咩香味，入面有輔酶 Q10，主打抗衰老同淡化手紋 滋潤度屬於中上，對於手部粗糙、有倒刺嘅修復力唔錯 不過因為佢有防水膜成分，啱啱搽上去可能會有少少成膜感，要按摩耐少少先完全吸收，我自己就未係好慣呢種感覺 如果你想搽完即刻可以玩手機完全唔笠，可能 Sabon 會啱你多啲；但如果你想保護性強啲，呢支就比較適合 防水力： ⭐️⭐️⭐️⭐️ 滋潤度： ⭐️⭐️⭐️⭐️ 清爽度： ⭐️⭐️ 性價比： ⭐️⭐️⭐️⭐️
<看全文>Sccan好用推薦： 依個牌子潤手霜超多款，相信大家肯定用過，但依支防水款真心推介。 效果：防水保濕滋潤，洗完手都唔怕無晒 質地：杰身乳液狀，延展性好，易推，唔洗成日補搽用量省 香味：無味非常好 用後感：超好用，唔洗成日因為成日洗手而去補搽，亦唔會搽完痴笠笠，掂咩都油冧冧。
<看全文>
Poyobb好用推薦：雪肌精防曬有gel同milk版本，呢支係milk防曬乳嘅細支版本，添加咗植物性提取物作護膚，同時有日本最高級防曬度，SPA50/PA++++，夏天戶外非常足夠。質地流動性幾好，順滑容易推勻，冇黏笠感及冇泛白情況。 對我混合性皮膚嚟講，上面嘅時候一開始有點油，吸收晒之後就冇油感，但係用完都有機會起暗粒。始終呢種質地嘅防曬乳比較適合戶外使用，防水性好強，我會留返戶外活動日子先用。但用返防曬乳做比較，已經算係好清爽，質地非常接近乳液😉
<看全文>Fng好用推薦：Kose 亮白水感防曬精華乳係開架中價位（約$150-$180)，表現中上。同類似價位嘅Biore、Allie等品牌比較下，佢又有冇優勢🧐🧐🧐~？ 質地與膚感：👍👍👍👍 (水感之冠) 一按出嚟係偏稀嘅乳液狀，流動性極高，推開瞬間真係有爆水感覺，極速吸收，完全零泛白。完成後皮膚係啞緻乾爽嘅，冇任何黏膩或油膜感，膚感絕對係同價位中數一數二嘅清爽，甚至比Biore嘅Aqua Rich系列更冇負擔感，對混合肌來講非常討好。 亮白與保濕度：🤔 (僅屬基本) 標榜亮白，但主要係靠二氧化鈦帶來即時輕微提亮感，並非真正美白效果。保濕力方面，佢唔會抽乾兩頰水分，但也唔算滋潤，冷氣房下偏乾位可能要加強保濕打底。相比Allie的保濕系列，Kose呢支在滋潤度上明顯較弱。 持久與抗汗力：👍👍 (中規中矩) 以通勤為主嘅防曬力足夠，但由於質地非常水感，抗汗抗油能力相對較弱。長時間戶外活動或大汗嘅時候，需要更頻密補塗。相比之下，Allie在持久耐磨擦方面會更出色。 總結： 一支專攻極致水感、零存在感膚感的優秀通勤防曬。如果你最怕防曬嘅黏膩和厚重，佢絕對能給你驚喜，性價比高。⚠️但若追求極致抗汗、防水功能，或
<看全文>Fng好用推薦：Sabon Silky Body Milk 我買咗mango kiwi味道， 味清新自然， 整晚都聞到芒果香味，滋潤度十足， 冷氣房八小時 ，朝早起身 都覺得有滋潤感覺，唔會覺得皮膚乾燥，保濕度 讚👍。
<看全文>Sophia好用推薦：Sabon Silky Body Milk（White Tea）質地輕盈，延展性佳很適合塗抹全身，而且迅速吸收不帶黏膩感。蘊含甜杏仁油和燕麥奶等滋潤成分，有效舒緩乾燥肌膚，帶來長效保濕。白茶香氛淡雅清新，於Sabon產品來說是其中一款不會過於甜膩或濃厚的香調。使用後肌膚變得光滑細緻，散發自然健康的光澤。即使在乾燥的季節，也能保持肌膚水潤舒適，是一款令人愉悅的身體乳液🥰
<看全文>
Kayyan22好用推薦：呢支防曬喺日本買，嗰陣諗住貪佢大枝就買嚟試吓，本身以為會唔好用，但比想像中好用！ 我買嘅呢支佢係會有去紅嘅調色成份，因為我皮膚本身比較容易泛紅，而第一次用嘅時候都比較驚喜，因為佢幫我去紅之後仲令到皮膚睇落比較淨白，所以我基本上日常都會就咁用，佢就可以出到門！ 而佢質地會比較透薄少少，保濕咁就一般啦，但就十分之適合喺夏天使用或者唔想塊面咁厚重嘅時候用，咁個人都幾鍾意呢個質地。 而佢係喺化妝前打底都可以做到一個好好嘅作用，因為我之前用tir tir氣墊嘅時候都會十分之浮粉，轉過好多保濕度好高嘅打底都唔得(自己本身混合偏乾）。但今次使用咗呢隻打底之後估唔到令到呢隻粉底可以好貼到我塊面！完全係救咗我呢個氣墊，仲帶點水光感！所以如果想打底薄啲嘅可以試吓用呢隻，可能會有驚喜！
<看全文>Emily Leung好用推薦：樂敦skin aqua透明感漸變彩虹紫色防曬霜 在日本藥妝店盲買的這管防曬，用了一段時間，現在幾乎要空管了。 先說優點：平價大碗、顏值高。漸變色外包裝在一眾普通的平價防曬中立馬脫穎而出，膏體也是淺紫色帶珠光，不油膩。 缺點：不好推！假白！容易卡紋！ 但是很多人推它就說明這個防曬還是有它的功效，因為它確實有不油膩、顏值高、便宜，我覺得還是不過不失吧！
<看全文>
Wuxx好用推薦：早排去完韓國旅行係olive young入手左唔少美妝， 其中一樣就係依個白樺樹防曬。 如果要我簡單介紹，我會形容佢為存在感零防曬。 擠出黎係凝乳狀，唔泛白，無咩特別香味， 保濕度都足夠，輕盈不黏膩，易推開同吸收， 上臉成膜後唔會同底妝打交， 雖然話係零存在感防曬， 但佢係有好好做以防曬功能， 同時唔會令你察覺到佢嘅存在～ 唯一扣分位係無防水， 夏天易流汗嘅朋友可能要注意需要經常補搽防曬。 另外我仲入手左佢嘅防曬棒， 方便日中出街補防曬。 雖然係硬膏條狀， 但搽上手都有感受到有保濕效果， 唔會因為形態改變影響產品本質。 目前使用感良好，之後都應該會再入手～
<看全文>Elaine好用推薦：好好用，完全唔笠，又唔會同其他化妝品有reaction 質地好容易推開而且唔會泛白 大推！！！！！
<看全文>
mavvv好用推薦：當我第一次使用Hair Recipe的產品時，立即愛上這款可愛的髮膜！💚這款髮膜包含六個獨立包裝，讓我在旅行時也能輕鬆攜帶；一打開包裝，就能聞到淡淡的綠茶香氣，令人放鬆。🌿🌿 我通常在洗完頭髮後直接使用這款髮膜，無需再使用護髮素。最特別的是，這款髮膜可以抹在頭皮上，不僅能改善髮質，還能調節頭皮的水油平衡。 我的頭髮偏油，最近又電了髮，結果變得更毛躁，髮尾也顯得乾燥，髮質明顯變差，掉髮的問題也變得嚴重。 使用了大約兩個星期後，我發現髮質似乎有了很大的改善，變得有光澤。最驚喜的是，燙過的捲髮看起來更有形狀，且頭髮的彈性也提高了！✨柔順的效果大概可以持續2到3天，我通常每隔2到3天就會使用一次髮膜。 我會繼續使用這款髮膜，希望我的髮質能夠變得愈來愈好！💪🏾🙆🏻♀️
<看全文>Wendy Wong好用推薦：髮膜用完感覺頭髮柔順zor唔少 不過一盒得六個 我自己頭髮髮質太差所以隔日用 髮量又多 所以一次會用曬一個 剩係用到兩次🥲 雖然幾好用但係性價比無咁高
<看全文>
Kriskirs09好用推薦： 已經係我用嘅第二支 第一次用落覺得都唔錯 所以去日本旅行嘅時候買咗第二支 用過唔同嘅髮尾油 呢一支個質地算係好輕薄我唧出嚟都係好流質 大致上嘅用法： 1. 頭髮半濕嘅狀態下 2. 將髮尾油喺手掌心搓勻 3. 放喺耳仔下面嘅髮尾 4. 髮尾大致吸收之後將手上面剩低少少嘅髮尾油撫平一下耳仔附近嘅頭髮 5. 繼續吹乾個頭 頭髮喺半乾半濕嘅狀態最容易吸收發尾油 同埋因為我電攣咗啲頭髮 頭髮都有受損同埋乾旱嘅情況 我會順住個頭髮電攣嘅方向一路按摩唔好睇我搽緊嘅時候隻手好油 佢一陣吸收完之後就一啲都唔會黏笠 使用嘅時候都要留意份量 唔好一次過貪心用太多泵 如果唔係嘅話個頭就會好笠變成一束束😖 份量用得適宜當吹乾之後頭髮會柔順啲 我把攣頭髮都打理得整齊啲 吹完頭都唔會去到好枯乾同埋混亂 （如果平時懶唔用髮尾油嘅話真係有一種雜草嘅感覺，仲會見到有啲明顯嘅開叉，比較乾燥🤢）真係有種健康頭髮絲嘅感覺✨PS搽咗髮尾油之後吹頭好似吹得快啲🤣
<看全文>Poyobb好用推薦：剪咗頭髮之後，夏天嘅時候少咗用髮尾油，而家換季，吹頭後髮尾容易翹起毛燥，要每次洗頭後用返髮尾油。 呢款髮尾油，只要用返適當嘅份量，同埋只係用佢髮尾，就唔算超笠，可以接受。記得千祈唔好用喺頭髮根部。唧出嚟嘅時候，有甜甜地嘅香味，頭髮吸收之後香味就會消失。 Lucido-L輕柔補修精華護髮油含有蠶絲油同摩洛哥堅果油，以佢嘅售價，雖然摩洛哥份量未必太多，但以成份睇都算合格。裡面有矽靈同二甲矽油，能夠平滑髮尾，減少毛燥情況，效果合格。 雖然用完唔會話頭髮變得好靚，但性價比高，一支可以用到一年，值得💜
<看全文>
Fng好用推薦：NIVEA 柔美潤膚霜｜混合偏乾肌嘅「平價萬用藍罐」用後感 💙 ✨質地與突破性用法 經典厚實霜狀質地，掌心乳化後瞬間化油！乾燥兩頰即時獲得拯救，但T位必須避開或極薄塗，否則香港夏天易生粒粒～ ✨成分溫和度 無添加酒精香料，敏弱肌安心牌！雖然質地厚重，但透過正確乳化手法，混合肌都能駕馭到其滋潤力～ ✨混合肌分區使用術 ✅兩頰乾燥位：乳化後按壓加強 ✅手肘腳跟：厚敷過夜即時軟化 ✅妝前急救：混粉底解決爆皮危機 ✨同價位擂台 VSCetaphil潤膚霜：Cetaphil較清爽但滋潤度不及 VSAveeno潤膚霜：Aveeno吸收更快但持久度輸 ✨隱藏版神操作 ▸塗髮尾馴服毛躁開叉 ▸成為萬聖節身體彩繪卸妝膏 ✨缺點坦白區 ⚠️必須耐心乳化否則難推 ⚠️油肌夏天絕對要避開 ⚠️包設計較老派欠衛生 總結：$30嘅奶奶級智慧👵 平價大碗得嚟真心有效，只要掌握乳化技巧，混合肌秋冬季必備！回購指數★★★★☆
<看全文>Paris merci 好用推薦：Nivea柔美潤膚霜係買body Milk嘅時候送嘅，本身都係扁圓罐裝，呢支係迷你試用版。同藍色經典罐裝嘅分別係呢款係乳霜，質地更容易吸收乳化。都可以用於身體及面部，推開之後感覺滋潤度足夠，而且有油感。尤其是香港冬天乾燥嘅天氣適合作手霜使用🤲🏻 但如果作為面霜我就有點保留，潤膚霜油份比較高，相對護膚成份較少，容易令面部產生油光💕
<看全文>
LenaC好用推薦：多謝@cosme同埋LUX❤️推出今次【特別會員禮企劃】🫶送咗6枝正貨嘅LUX洗護系列俾我試用☺️☺️ 以下係我既用後感 適合髮質 : 細軟易塌受損髮 質地 : 濃稠乳狀 香味 : 用既時候散發出淡雅芳香的氣息🥰 滑順度 : ♥♥♥♥ (以指尖撫過 就可以充分感受從髮根到髮梢既柔順服貼) 效果: 以前我既頭髮好容易一到下晝就開始油笠笠 塌塌哋 用咗LUX 呢隻角蛋白氨基酸洗髮乳之後 一整天頭皮都超清爽😊😊 用咗佢令啲頭髮恢復既有既彈力同光澤 視覺上睇起嚟更有質感🥰 下圖為行咗半日山後影既 頭髮都仲keep到咁 真係多得呢隻LUX 既 Smoothener 洗護系列 當然仲要多謝@cosme 好介紹 否則都唔會知有呢款咁好既頭髮洗護產品 價錢親民🫶 效果又顯著👍  P.S. 分享@cosme 提供既護理頭髪小秘笈: 原來使用護髪素前要先去掉頭髪上殘留既水份 咁就可以幫助護髪素滲透 更好吸收架
<看全文>mandy好用推薦：LUX - 角蛋白氨基酸豐盈柔順護髮素 適合細軟易塌受損髮質使用, 以角蛋白氨基酸修復及滋潤受損秀髮。 護髮素的重點在於選洗髮乳是看頭皮(scalp)的情況, 而選護髮素則是看髮尾如何。 例如: 乾性頭皮需要用保濕滋潤型的洗髮乳, 可是油性髮尾要選輕盈、平衡及強韌的護髮素。 適合的洗髮乳及護髮素不一定是用同一個系列。 個人來說, 比較適合使用保濕滋潤型的 膠原蛋白氨基酸保濕滋潤洗髮乳及強韌髮絲、 修護乾旱受損髮的乳木果油氨基酸強韌防斷護髮素。 由於本身頭髮不是細軟易塌的類型, 所以冇咁適合用角蛋白氨基酸豐盈柔順護髮素。 大家記住要好好選擇洗髮乳及護髮素。 -香味清新淡雅, 不會過於濃烈 香味不明顯不代表不好, 有時候香味太濃烈, 未必人人接受到。 如果喜歡較強烈的花果香味, 可以使用有花果香味的護髮噴霧增香。 -質感: 偏清爽水感的乳液狀質地, 延展性佳, 比同系列洗髮乳稍為滋潤, 使用後不會令頭髮變油變笠, 而且富彈性不易扁塌。 -成效: 本身髮量多、頭髮較粗。 平時為了令頭髮變得柔順易梳理, 我會很依賴髮膜。 在試用角
<看全文>
莓莓好用推薦：🍑 Oh Baby去角質美體霜 🍑溫和打磨・嬰兒肌觸感 講起日本必買身體護理，點可以唔提殿堂級嘅 Oh！Baby去角質美體霜！佢係無數姊妹回購無數次嘅『磨皮神器』，今次就同大家深入測評佢嘅質地、香味同最緊要嘅效果！ 🍑質地解密： 同一般有油份嘅磨砂膏好唔同，佢係超級實淨嘅白色膏體，好似一舊幼細嘅雪葩！挖一匙上手，完全唔會一盤散沙。用時要加少少水搓開，就會變成非常幼細順滑嘅磨砂粒子，完全冇拮肉感，按摩嗰陣好似用緊一團極細膩嘅沙冰打磨緊皮膚，好過癮！ 🌟 去角質效果實測： • #溫和磨皮 ：用咗之後，最驚喜係手肘同膝頭哥呢啲「黑色死角位」，即時見到磨走咗層老廢角質，皮膚即時變返粉嫩光滑，完全冇泛紅或不適！ • #零油膩觸感 ：沖水後真係有驚喜！皮膚係100%乾爽順滑，冇任何黏膩或油膜感，真正做到「搓完即沖」，感覺每個毛孔都會呼吸！ • #嬰兒肌重現 ：摸落去係從未有過嘅滑溜，似BB屁屁咁嫩滑，後續搽身體乳液吸收得快咗好多！ 使用前：使用後： 💡 進階用法： ▸ 沖涼時先讓身體熱水沖3-5分鐘，等角質軟化後再用，效果加倍溫和。 ▸ 集中火力打圈按摩腳跟、手肘等粗糙部位，輕鬆KO老厚
<看全文>Kura好用推薦：呢款磨砂膏係長期 @cosme 榜單上非常有名，用完皮膚真係變滑咗，但唔係假滑個種滑，係用完過咗幾日皮膚都keep住滑嫩嘅感覺，磨砂膏嘅質地係似雪葩咁，但磨砂粒子好幼細，用上皮膚都唔會覺得有好大感覺，但係用完皮膚唔會覺得乾，同埋唔會有種油luplup嘅感覺，保濕滋潤度都唔錯，同埋沖涼過水就可以清潔得非常乾淨，我皮膚黑色素沉澱嚴重嘅位置用咗幾次之後都會變淡，令到我整體嘅膚色都變得均勻咗，我通常會一個禮拜用一次，但夏天會用得密d，因為夏天出油比較多，身體角質會厚d，但經常用都唔會好心痛，因為價錢唔算貴，所以非常高性價比，仲有唔重香味，非常好用，我會繼續回購呢款磨砂膏 #我的崇光感謝祭必買去角質 #去角質 #我的崇光感謝祭必買去角質
<看全文>