找產品
彩妝風格 推薦好用產品
1,464 件
fion好用推薦：經Cosme 抽中試用，第一次嘗試Dior 既底妝產品。我冇用到附送既primer。雖然粉底本身有SPF20 PA+++，我都用咗另一枝有防曬成份既妝前乳。 粉底色號跟官方色號圖揀咗0.5N，試上臉覺得啱啱好。粉底會有啲氧化，但氧化過程大約十分鐘後就完咗，之後唔會再變深色。實測當日氣溫33.9度，皮膚有啲痘痘同泛紅，同時比較易出油。 成個實測只用咗妝前乳，Dior 恆久貼肌柔霧粉底液 同蜜粉，冇使用遮瑕同其他化妝品。 上完一層薄粉底後明顯見到遮咗大部分泛紅，膚色均勻咗，同時修飾咗毛孔同有柔霧光感。痘痘顏色淡咗，咁嚴重既暗瘡都預咗要用遮瑕液先得，所以淨係粉底做到呢個效果都唔錯。 粉底貼服又易推開，唔會好快乾咗變咗一撻撻，亦唔會因為控油而扯乾塊面，唔會覺得唔舒服。想遮瑕啲可以喺局部區域再疊加粉底。 6小時後，有少少出油變咗奶油肌，遮瑕度跌咗少少，但冇浮粉或者白芝麻出現。控油能力同持久度都幾唔錯。 結論，我好滿意呢枝粉底，均勻膚色同時遮到普通瑕疵，最明顯係毛孔修飾咗。夏天用都唔會土石流或者浮粉，期待冬天既效果。 實測圖片如下⬇️ Before: After(未上蜜粉): After
<看全文>kwanyan好用推薦：感謝@cosme抽中參加今次的體驗活動，今次是試用DIOR 恆久貼肌柔霧粉底液，試用時間約一星期多。 這是我第一次使用此品牌的粉底液，之前有用過一些牌子的粉底液都令我卻步，例如啞霧感的粉底液上臉後會很容易太乾而脫皮、水嫩感的又會很薄身，沒有遮暇作用。 今次試用的DIOR 恆久貼肌柔霧粉底液很適合我，我使用的色號是「1N」（很喜歡包裝蓋的霧面設計）。唧上手很有光澤和水分，看外表完全不會覺得是柔霧的粉底液。暈開粉底液，水嫩感極強，上臉不乾燥，用粉底掃或粉撲都可。想不到粉底液的遮暇作用出色，本身痘痘也輕微有減紅，而且均勻膚色的效果很不錯。 Before After 持妝方面也是要讚，在香港天氣又炎熱又潮濕下，其實妝感真的很緊要，上妝後在戶外活動也不覺溶妝和焗促。而且尤其在夏天，本身有防曬效果是很貼心的。柔霧和遮暇效果亦能維持到，下午到晚上回家後沒有暗啞，本身T字位易出油，但上妝後6小時亦相當有效地控油，頗驚喜。照鏡時還以為自己毛孔變細，皮膚變好。卸妝亦非常容易，不會卡著毛孔或需要來來回地卸妝。真心推介炎熱潮濕季節都適合使用的DIOR 恆久貼肌柔霧粉底液！
<看全文>
Noel好用推薦：因為帶囗罩的關係，粉餅類 foundation 成為了我的 makeup routine，這三年試了好幾個 powder foundation，感覺都不錯： 1️⃣ 透薄，沒有負擔 2️⃣ 沾囗罩遠比粉底液 / BB cream 少 MUF 的粉餅很火，先講一下它的雙面粉撲，一物二用，分白色及黑色兩邊，個人會用白色的一邊作全面上妝，而黑色一邊就用作重點的遮瑕部份，如：暗瘡疤，鼻側泛紅等。帶妝 6小時左右，額頭會有少少出油，用紙巾輕壓額頭後，可以直接 reapply 👌 粉底算是貼面，不易浮粉；遮瑕度達 6～7成，可以堆疊👍而且對我這類乾肌友善，使用時沒有感覺到乾，如果怕 dry up 皮膚，最好配 gel 類防曬。 （將會回購這個粉底，但要先清左手上幾塊粉餅～）
<看全文>sp_113好用推薦：因為擔心會好乾同好厚粉，一直都好怕用粉餅。但係好多朋友推薦依隻makeup forever粉餅，見Sephora 有折就入手！ ✅中高遮瑕度 搽左兩層就遮到手上嘅墨7成，輕易遮蓋一般暗瘡同瑕疵 ✅透薄自然 高遮瑕度但做到透薄自然，第一層用粉撲白色面上全面，然後第二層用粉撲黑色面重點上瑕疵位置，非常自然唔會厚粉！ 🥲有輕微閃粉 毛孔粗大嘅朋友可能要留意，粉餅有輕微閃粉，如果扮顯毛孔就要考慮下
<看全文>
Vivian好用推薦：12號色帶紫調的玫紅色，不太日常的顏色，顯色度高光澤型唇膏，質地OK滋潤不會顯唇紋，但沒有成膜甩色比較嚴重，YSL其他唇部產品會比較好
<看全文>sallysays好用推薦：YSL的招牌唇膏 這個系列的唇膏比較滋潤，美容顧問說加入了很高濃度的滋潤成份，而且比較出色，適合原本唇色比較深的女孩。以它的出色度來說，已經算是非常滋潤，但是建議還是先以護唇膏打底。 亦十分建議買的時候要請美容顧問試上嘴（她們有時不會主動建議，試上手其實一點也不準！）因為每人的原唇色不同，唇膏顏色在嘴上產生的效果有時不是能夠預算的：）本來以為這個色號很紅，但試上咀發現對我來說，可以令皮膚看起來比較顯白，也令到整體看起來精神，黃臉的女孩可以試一試！
<看全文>
SKY好用推薦：多謝Cosme給機會我試用Nars新出的粉底液。 首先說色號，我是普通膚色，不太白也不算黑，而我收到的是L5Fiji，比我使用中的粉底深色，而且顏色偏黃，感覺適合健康膚色的人使用，色號不適合感覺有點可惜。但因為這款粉底質感輕薄，上面後色差不至於太明顯。 左邊是Fiji，右邊是我平時使用的粉底，差挺多的。 大概過了20分鐘，手上的粉底液氧化後的顏色會再深一點。 包裝方面，這瓶粉底液備有泵頭，一下就會按到底，不可以按半泵，不過一泵剛剛好可以上完妝。 另外，我在包裝上和網站都看不到這款粉底液有防曬系數，所以我建議最好搭配防曬或者有防曬成份的底霜使用。 開始試用： 在無需戴口罩的日子： 溫度18-27度 濕度76% 用化妝掃上一層粉底加nars碎粉 全日在室內，不戴口罩 素顏 12:45 上好底妝，很美的光澤感 17:00 出油及脫妝情況 19:00 妝容仍然保持完整，很不錯！ 在需要戴口罩的日子，我總共用了4個上妝方法/我的上妝習慣去試用這款粉底液。 1）不上任何底霜/防曬，用手單上粉底液 2）不上任何底霜/防曬，用化妝掃上粉底液，再上蜜粉 3）使用防曬打底，再用化
<看全文>HeiWa好用推薦：今日同大家分享NARS 最新推出嘅 Light Reflecting Foundation 原生光亮肌粉底液。 皮膚睇落好同差，真係好影響顏值；所以 喺各類化妝品中，粉底係最值得同需要投資嘅品項！所以我個人對粉底嘅要求都幾高，用過植村秀、Armani、Gerlain、貴婦底妝Albion、MAC等等。如果遇到好粉底，貴少少都值得的。 我皮膚無重大瑕疵，但有面黃問題；鼻頭、鼻側兩邊毛孔比較粗大；皮膚缺水，所以有時會出現卡粉問題。所以自然透薄、質地滋潤少少嘅粉底比較符合我嘅需求，最緊要千祈唔好氧化同卡粉！！ NARS Light Reflecting 呢枝粉底主打提亮膚色，強調折射光線，令肌膚睇上去更透光，都切合近年強調「無瑕素肌感」嘅大趨勢，亦符合我嘅粉底偏好～ 首先講下粉底液嘅質地。大多數粉底液都有少少杰身，但原來佢係水狀，唧出嚟嘅時候真係有啲出乎意料！水狀粉底液均勻易推、延展性高，上粉時已經feel到佢好滋潤👍🏻因為我有卡粉問題，所以唔鐘意偏乾嘅粉底。呢枝粉底嘅潤澤感非常合我心意❤️不過我建議個粉底樽可以改善下！因為水狀粉底真係唔太適合用唧出嚟，唔太容易控制份量、又會搞到個唧口
<看全文>
adadnileb好用推薦：色號： 05 灰啡色 試用程度：一星期內非連續使用了幾日，情況有朝早出門帶妝到夜晚、或收工後快速換妝赴約等，天氣已經進入炎熱的日子，亦有幾日遇上微雨。 - ettusais多年前轉branding後包裝大改，直覺地睇筆身顏色就知道出到嚟咩色，比起以前要對號碼更為方便；但改包裝後筆上字體難以辨認（手機影都要夾硬tune先見到字），剛好我有ettusais嘅眼線膠筆，有時拎上手先知自己攞錯產品。 如果可以保留全筆顏色嘅部分但d字嘅對比度高番d就完美。 - 05號名叫灰啡色，實物出到嚟的確係一個又灰又啡嘅冷色。當中有好微細而且帶偏光色嘅珠光閃粉，畫上眼皮後唔會明顯眼到閃粉一粒粒，而且唔會太glossy或太matte。黃皮膚有時畫啡色會太暖變得更黃，但呢個色調得幾啱啱好，特別得嚟上眼後又有種剛剛好嘅中庸感。 - 有一個眼線液嘅通病：如果眼皮上面已經有其他化妝品係底時，佢畫上去時個附著力會唔夠好，偏偏自己習慣底妝/眼影後先上眼線，品牌介紹入面話「由日本筆匠手工製作的毛料」反而會吸咗前面d產品走，塞住毛料、整花眼妝又令到眼線液出唔哂半透明咁，有少少尷尬。 最快嘅解決方法係知道會用佢就畫咗眼線
<看全文>xxxcwing好用推薦： 首先感謝@cosme 抽中試用 因為我係會日日戴colour con嘅人 所以基本上每日都會最少化眉毛同眼線 今次嘅色號： 05 灰啡色，顏色比較淺，所以即使畫得唔好都唔會好明顯，對新手比較友好，對於唔同嘅髮色都比較易Carry，望落去相當自然 但我覺得顏色較淺嘅關係畫眼尾嘅時候會難啲令人睇到，所以之後再用會用嚟畫內眼線 但的確做到日系妝容嘅透明感 值得一提嘅係枝筆嘅顏色令到印喺上面嘅字唔太清晰佢嘅筆鋒都幼細 容易畫出細緻嘅線條 而且我認為呢枝眼線筆嘅防水功能一般 有少少手汗一捽就已經甩咗，防油嘅能力亦同樣一般 所以持久度嚟講我認為易出汗/流淚/捽眼就會令到眼線冇咗，持久度一般 所以整體嚟講因為唔係化日系透明妝感，所以未必會回購，但係一枝適合新手同容易上手顏色好靚嘅灰色眼線筆，所以都推薦適合日系或者較淡妝嘅人購買
<看全文>
Haidy好用推薦：首先要說的是，盒子太有質感了吧！😍摸上去就是磨砂質地，滑滑的，超有質感！ 氣墊外盒有微微的金粉😍粉撲很紮實，比較硬。粉撲帶做得不錯，剛好可以放三隻手指~ 以氣墊而言， 防曬系數很高！有SPF50！🫡 我選了1W1色號 就是顏色有點偏黃 大家記得選N色系就好了🫠 上面第一感覺就是超級水潤！面上blingbling的水光機！😍保濕效果超級好！所以感覺比較適合乾肌和混合偏乾肌😛 遮毛孔能力也是一級棒❤️遮瑕力很高！能遮大約7-8成瑕疵！剛上面的質感真的很好~ 不過記得一定要定妝！ 上氣墊前: 上氣墊後: 然後這個定妝粉品質10分細膩❤️毛孔双焦效果也十分好！氣墊再加這個定妝粉毛孔已經完全遮掉了！🥰而且不會堆粉！沒有面具感🫶🏻完成底妝後皮膚看着很好似的~ 待妝差不多10個小時，妝感沒有什麼氧化的問題😛遮瑕度大概掉了2成吧。就是下巴有點浮粉🫠定妝粉的控油力應該不是很強😂 一天下來:如果整天都在office工作的話，一天下來妝感會更好~口罩會弄掉不少底妝，本人已經不是油肌了🫠所以油肌記得要用比較控油的定妝粉！不過正常社交距離看的話沒有什麼大問題~
<看全文>yingtang1999好用推薦：非常感謝@cosme 提供今次試用 產品 :Laura Mercier 極致持久鑽光氣墊粉底 色號:OC1 Pearl Ivory  價錢:$450 香味:冇香味 質地:水潤柔滑 膚質 :乾性/轉季性敏感 收到皇牌底妝氣墊非常興奮 有聽唔少好評，同時亦都榮獲@cosme日本,台灣美妝氣墊粉底部門賞第一位,裏面含有鑽石微粉末，即時比到皮膚提亮膚色，貼服提高遮瑕度，連遮瑕膏都可以唔使用。 俾大家睇睇before :下圖 眼圈比較泛紅，亦有少量泛紅膚色不均問題，皮膚比較暗沉 我會先用佢哋嘅牌子Primer打底，提高保濕度 Before: 保留到皮膚水潤光澤感有遮瑕得來亦都唔會偏乾，同時間亦都可以提升皮膚緊致飽滿度，做到高級鑽光肌感，因為本人皮膚都比較偏乾，好難搵到一隻又高遮瑕有保濕度同時好透氣嘅底妝， 同埋戴上口罩都keep到全日透氣 而且亦都有高效防曬SP F50 PA++++ 輕輕上一層已經好高遮瑕力，我自己覺得毛孔修飾力好明顯同埋黑眼圈唔需要加遮瑕，都已經可以遮到黑眼圈，解決膚色暗沉，唔會cake 粉同埋保留返皮膚彈性 可以睇到左
<看全文>
Lesleyy好用推薦：Bobbi Brown Intensive Skin Serum Cushion Foundation SPF 40 PA ++++ 色號：Porcelain 香港專門店售價：$475 如果有留意Bobbi Brown嘅都會聽過蟲草粉底 今次佢地出咗cushion版就即刻吸引到我 以養膚型粉底嚟講，價錢唔算太貴 蟲草粉底一向都係sell光澤感，cushion 版妝感再細緻啲，好透薄🥹 如果鍾意霧面粉底嘅朋友可能試吓配合控油碎粉，都可以做到霧面質感㗎！ 但鍾意Bobbi Brown 嘅水潤光澤感嘅我，就會用定妝噴霧，會有種令人覺得皮膚好好嘅錯覺🤪 講吓用後感先 粉底屬於中等遮瑕 可以build up 遮瑕度 我自己本身瑕疵唔算多，對我嚟講都幾夠 質感好水潤透薄，唔會有焗促嘅感覺 粉底好快就融入到皮膚上妝後： 粉底嘅滋潤度真係好好 比較容易卡粉同甩皮嘅位都控制得唔錯 唔會上極都上唔到粉 亦都唔會話大風少少就吹乾曬嘅皮膚 但滋潤型粉底嘅缺點就係控油力一般 我皮膚比較乾就好啲 上妝6個鐘左右先會有少少油光感 呢個時候上少少碎粉就可以補返個妝 出街補妝都好方便 產品壽命 今次為咗準確
<看全文>Carmen好用推薦：平時我都好鍾意用Cushion化妝，夠快夠方便！ 每日返工邊有咁多時間慢慢化妝，用Cushion就岩晒😬😬 首先，Bobbi Brown呢個Cushion，外表包裝好靚，帶出街補妝一啲都唔失禮！ 佢嘅養膚成份對我呢啲每日都一定要化妝出街嘅人係非常之吸引。用上面係好保濕，除左鼻翼位置一定要做好打底，第一次用時，一上鼻位就乾乾地，其他位置冇問題。第二次用，做好鼻位置嘅保濕就冇問題啦。 遮瑕方面，我覺得都夠。手腕示範圖係薄薄上左2層嘅效果。最surprise 係就算戴口罩都唔太甩妝👍🏻👍🏻 好可惜嘅係，今次試用得到最最最白既色Porcelain。本身我都白皮膚，但呢隻色白得黎粉粉灰灰咁，唔岩色😥😥 整體黎講效果都唔錯，下次可能會回購，買返隻岩用嘅色🤭
<看全文>
So Fun好用推薦：這個底霜已用了很多年，以前不懂化妝的時候，永遠都係用呢隻做打底，再加眼影，眼睫毛或者眉粉。 現在學了簡單化妝後，就比較少用了，因為皮膚可能因為年紀增長而比較乾，感覺這個沒有以前那麼適合自己 基本調色是做得不錯的，只是對於我現在來說太乾，或者需要在使用之前使用較滋潤的潤膚才可以，相對其他的控油做得不錯，所以對於皮膚比較油的女士應該唔錯，總括來說這個產品的價錢性價比都算幾好，年輕女士或者面油比較多的人用都不錯
<看全文>Ronni好用推薦：Sofina 呢支Base係我一直會囤貨嘅item! 以前一直唔覺有咩特別～ 但上妝時間一長就好覺分別！ 佢好貼而且令到個妝last好耐！ 囤貨！ 佢係流質，每次只需要好少～ 已經好夠！仲有一樣嘢！ 就係佢有令毛孔睇落細咗嘅效果！ 左👈🏽係未上妝嘅皮膚 右👉🏽係輕輕一層嘅效果 毛孔真係睇落細咗！唔好以為少少就覺得無咩特別！ 呢少少會令成個妝睇落細緻好多！
<看全文>
橘子貓好用推薦：第一次用是櫃姐幫我試妝的，當場就感覺妝感太貼面了吧，修飾了毛孔和瑕疵之餘，那個隨着臉轉動的霧光感也太美！便即場入手了。因為夏天曬黑了，就選了自然色#BF20。用了一陣子，可能我皮膚白得較快，#BF20變得有點偏紅偏深了，因為我太喜歡這枝粉底的妝感，就再購入了一枝最淺色#BF00去混色。 之後再怎樣曬黑養白也不怕了。CPB這枝粉底一瓶要價$1050，為什麼我這般喜歡，要入手兩枝呢？ 雖然我是混油肌，一般而言霧面控油的粉底是比較適合我，但不知道為什麼我用了許多這類的粉底，妝感都會醜態百出：斑駁、浮粉、鼻頭現白芝麻等等，直到用到這款CDP Radiant Fluid Foundation Matte，才真真正正感受到控油粉底的好！不但沒有以上問題，保留了霧面粉底的中高遮瑕度之餘，還沒有其妝感厚重、假面的問題。而且，持妝度真的非常好！8-10小時不是難度，夏天又濕又熱的天氣也頂得住。我只是用手指上妝，薄薄一層已經遮掉大部份毛孔和暗沉，連觀骨泛紅也只是再補一層就蓋住了，根本沒有用遮瑕膏。膚質看上去也平滑許多。 貴的粉底真的貴得有道理，現在這枝CDP粉底已經成為我夏天最愛的粉底，沒有之一。
<看全文>Fish Tse好用推薦：CDP係眾所周知既品牌，佢好多產品都好好用好似彩妝咁，雖然叫彩妝但都有養膚成分，同埋上係塊面既效果都好好 哩款粉底液只有SPF20 PA+++ 如果普通返室內工作都夠用，但如果長期戶外工作既sis都建議用返防曬再上粉底液，如果唔係好易有雀斑 因為粉底液係結合左護膚成分，所以上完妝會覺得滋潤既感覺，好似媽生好皮膚一樣，佢係一款24小時長效果持久粉底液唔會話持妝太耐會變得暗啞既情況出現，基本上面部唔係有太多既瑕疵其實直接上佢就夠
<看全文>
🌸好用推薦：多謝@cosme 邀請我試用ADDICTION晴藝星閃眼影THE EYESHADOW SPARKLE，佢嘅包裝好符合日本人嘅簡潔美學，攜帶方便。好多日本潮流彩妝雜誌都有推介或者介紹過呢隻牌子嘅眼影， 因為佢由質地以致顏色都有好多唔同嘅選擇，可以配搭唔同需要嘅妝容。 我今次試用嘅顏色係019 SP Red Jujube，係帶有細閃粉嘅單色眼影。 試上手嘅顏色係咁樣嘅：Red Jujube照直翻譯應該係紅棗嘅顏色，平時如果聽都係棗紅色嘅眼影，我多數都唔會主動去買，因為感覺上好似好容易會化到眼腫腫咁。 但係呢一隻顏色完全唔同，佢嘅顯色度好高，輕輕薄搽一陣層，睇落反而似蜜桃色，帶着粼粼嘅閃光，係睇落好溫柔嘅顏色，適合一般嘅日常妝容： 疊加搽多幾層，出嚟嘅顏色就係棕紅色，有啲似枯玫瑰色，配合閃粉嘅光芒，顯得高貴，適合化晚妝或者隆重嘅場合。搽落眼完全唔會顯得眼腫： 呢隻眼影嘅粉質細膩，完全冇飛粉。用化妝掃或者手指上妝都可以。眼影粉緊貼肌膚，而且妝效持久易甩色，即使出咗汗或者有面油都唔會甩妝。 細細一盒嘅單色眼影就做到兩種唔同嘅效果，輕易打造有層次感嘅眼
<看全文>kammy好用推薦：以前化妝 會用好多唔同嘅色放係隻眼到 🙈 到近年 一係唔化 一化就用單式眼影 好多時 要搵到 一隻岩自己用嘅眼影好難 單式 無其他色可做修飾 可以令到隻眼好腫 可以令隻眼化左 好似無化💁🏻♀️💁🏻♀️ 而今次我用嘅ADDICTION TOKYO THE EYESHADOW SPARKLE 010SP睛藝星閃眼影 包裝簡潔嘅設計 而眼影摸落滑身 顯色度唔錯 之餘 無論用手/掃上到眼都有唔錯嘅效果 佢嘅閃粉唔算好大粒 所以上到眼 會覺得好自然同埋會令人覺得Bing Bing 嘅感覺🙆🏻♀️ 佢嘅價錢唔算好貴💰140 我成日用手指不斷來回抹來抹去 🙈 又用左好多次🙈🙈🙈 但都覺得好似新開嘅時候甘多 💁🏻♀️ #karlee90s #addition #眼影 # 化妝品 #makeup #cosmestore #eyeshadow #單色眼影 #hkig #ighk #bloggerstyle #beauty #beautybloggers
<看全文>
橘子貓好用推薦：Blurring Powder #Mimosa Pearl 多謝@cosme & Sofina 送贈的試用，抽中的是含羞草花限量套裝。 先讚一讚蜜粉的包裝，粉撲尺寸貼合粉盒，內蓋出粉孔大小剛好，設計均有考慮到是便攜裝，不會因搖晃而輕易漏粉。蜜粉是象牙白色帶輕微細閃，撲上臉柔焦效果不俗，有效修餘毛孔，也不會過份死白和重粉感。可能有女生會抗拒定妝粉帶閃，不過這款蜜粉的細閃並不誇張，用到臉上是像做完運動微微出汗水光反射陽光的效果，意外地顯得皮膚有透明感。 整個限定套裝妝感自然通透，尺寸亦輕便易攜，好適合戶外運動、旅遊時使用。 如果對定妝粉在控油和遮瑕度方面要求更高的妹子，可以留意同系列Primavista Ange的蜜粉，心水推薦。
<看全文>Yeeting 好用推薦：好開心，前幾日收到Primavista柔光美肌蜜粉試用，同大家開心share 一下。 依家流行偽素顏，夏天影相唔想再用濾鏡？ 唔知大家有冇試過用大約1小時嘅時間化妝，但外出不夠半小時就已經脫妝？ 夏天臉部經常出油，加上出入冷氣地方，臉部肌膚容易水份流失，加速出油速度。 所以要選控油嘅化妝產品。 粉質輕盈自然同好細滑，而且好清爽，完全唔痴笠。輕輕一下，已經輕易遮蓋我粗大毛孔。我配合埋Primavista 持久防曬調色底霜 一齊用，發覺真喺少咗出油同卡粉嘅問題 美肌蜜粉有5種色調選擇： Beige 毛孔和膚色不均肌膚 Lavender 暗啞肌膚 Fairy pink 面青肌膚，調光膚色 Melon 修飾泛紅位置 Lucent 自然遮蓋毛孔和膚色不均 我用嘅喺Beige 色系，我建議配合埋Primavista 持久防曬調色底霜一齊用，加強效果。
<看全文>
Kmggigi好用推薦：講到底妝，RMK依枝粉底霜真係好好用 本人混合偏乾，臉上主要瑕疵為少少痘印同曬斑 呢支粉底霜遮瑕力中高level，輕輕擦一層都可以遮到九成 睇落去皮膚好靚 持妝力都okay，我用咗八個鐘到 t字位有少少出油，但會令到效果變得更加似奶油肌 唯一麻煩位係要用時間心機將佢上得均勻啲
<看全文>wingbks好用推薦：疫情呢3年，最重要嘅一定係粉底，所以試咗好多款，呢款最啱戴住口罩用❣️首先佢嘅粉底係呈牙膏狀，初時都怕秋冬好難搽，不過經過多月測試，佢不論春夏定秋冬，搽都好適合！因為春夏較熱，朝早用佢又唔會中午滿面油光；秋冬又唔會因為乾而上唔到妝！🈴 雖然佢唔自高遮瑕度嘅粉底，但作日常妝容就非常推介，搽完唔會好厚粉！🌟 同好多精華、防曬都夾到，唔會化妝時有「擦膠碎」。 當然唔少得嘅係，佢唔會甩曬啲粉係口罩上面，唔怕食飯除口罩時尷尷尬尬！ 價錢算係中價，但佢好「襟用」，唔洗搽好厚，所以幾合化算，可以回購！💸
<看全文>
BeeWong好用推薦：好榮幸今次可以被@cosme抽中為試用會員，仲要係我一直以來都非常愛用的化妝品牌子MAKE UP FOREVER 。不知不覺間，已經用咗佢哋十幾年。今次試用的係「超高清持久定妝蜜粉」，作為忠粉嘅我，其實產品一出我已經買咗😂。之前黑色蓋嘅版本，亦已經用了三盒🙈。既然如此，我做個比較大家參考下啦。 超高清無瑕蜜粉（黑色蓋）： -碎粉盒設計為網狀，可配合化妝掃#124號（需另購），易於抓粉 -適合任何膚質 -一年四季都用得 -只有一種顏色，透明，粉質幼細 超高清持久定妝蜜粉（銀色蓋）： -碎粉盒設計為洞洞狀，配合贈送的粉卜使用 -夏天必用，控油/定妝力更好 -上臉效果啞緻持久 -特別推薦給混合性皮膚、油性皮膚 -有八種顏色選擇 懶人方法：朝早搽個防曬base，加埋有色碎粉就完成，非常方便！不論是痘痘偏紅肌膚，還是暗啞需要微調膚色人士都非常岩用。 ✴️本人混合肌，兩款都會keep住用，會分季節性。但如果想一盒過又得，只要make up base換為控油/補濕形就得。碎粉售價只係$3xx，一盒都有排用👍🏻👍🏻👍🏻。CP值極高，必購產品。
<看全文>lingbb好用推薦：購入色號: 紫色 適合人士: ✓ 追求控油碎粉 ✓ 追求多顏色選擇碎粉 ✓ 對粉撲質量有追求 碎粉說明: ✓ 外型是令身的淺灰色蓋，配透明罐，感覺專業 ✓ 粉質依舊幼細 ✓ 附送絲絨粉撲非常大塊，質地柔軟，經過歲月摧殘狀態仍舊保持。 ✓ 沒有SPF功能 ✓ 沒有香味 使用心得: ✓ 相比起舊版HD透明粉，此款控油度沒有特別出色。，舊版較出色。 ✓ 粉撲雖然柔軟舒服，但抓粉力欠佳 ✓ 更推薦大家使用該品牌的kubaki124掃一起使用，毛質使用多年都依舊濃密（見圖） ✓ 期望越大，失望越大。 不會回購 曾使用過的碎粉參考: ✓ MUF HD 透明 及多色碎粉 ✓ LM 柔光碎粉 ✓ INNISFREE 礦物質散粉 ✓ 日本ETVOS 2022 限定防曬系列ETVOS Mineral UV body powder SPF40 PA +++ ✓ AVANT SCENE HD珊瑚精萃定妝蜜粉
<看全文>
Candy Mak好用推薦：有便宜又好用嘅東東想同大家分享，就係Maybelline Fit me！反孔特霧粉底液#120 1️⃣首先講講品牌方對產品的優點描述： - 不含油分，不致粉刺 - 含吸附油脂礦物泥成份 - 有柔焦成份令毛孔隱形 - 16小時長效持妝，不黏笠，妝效輕薄啞緻，貼膚不厚粉 2️⃣再同大家分享本人用後感 (油肌，毛孔粗大，冇補妝習慣)粉底液用上玻璃配上方柱瓶身設計，有大牌高級感；粉底液呈偏Gel狀，略帶微微流動性，推開可見其質地透薄，就算15分鐘後再唧1泵比較，都唔會有氧化問題。跟著就跟大家分享上面嘅before & after；我只薄薄上了一層。 你會見到毛孔修飾了不少、泛紅同痘印都有一定遮蓋力，仲平滑膚質；呈自然啞緻妝感，清爽不黏膩。 跟著再分享一整天口罩同油光攻擊下嘅妝效； 喺完全冇補妝嘅清況下，5小時後會見到遮瑕力、毛孔修飾同平滑膚質都仲keep到；到10小時後泛紅已經重現，而且膚質亦粗糙，但毛孔仍然有修飾冇白芝麻出現。 後記：以上係冇補妝嘅狀況，如果中間有補妝我相信泛紅同膚質問題都可以解決；順帶一提，一整天下來，妝感都清爽啞緻，而且冇白芝麻情況，毛孔有被修飾，最重要係一整天下來，沒
<看全文>konrinn好用推薦：從活動收到的貨品，本身個人混合肌，冬夏天都係t位好出油。 第一次用呢款粉底液，用了幾個situation、不同上妝方法來分享體驗。 *照片全部關了美顏。 1）本身選嘅係103號色，收到103，112，115三隻色號 103/112上臉blend開之後睇落差不多。 pump頭易用方便。⬆️ 左上係妝前，右上係薄薄一層foundation後 全妝用手指上 左下可以睇到遮毛孔效果 8小時以上出門行街後，鼻頭同兩邊出油嚴重有啲油光，但其他位置是keep到啞面效果。 由於第一次試想要個raw啲嘅效果，所以妝前乳，其他牌子遮瑕一律冇用，只係fit me foundation上面用了100樓下嘅開架粉餅同噴了下定妝噴霧。 2）第二次試，今次先上了paul&joe primer, 全妝用手指上。 今次唔知係咪hi得太多液，搞到一開始有啲卡/顯鼻頭毛孔一粒粒咁。 5小時後基本都係鼻位出油同眼鏡位會甩粉，其他位大致良好。 3）今次係返工試用，有落primer 同其他牌子的遮瑕。今次用了sponge上粉，都係薄上。 用sponge上妝按一下嘅份量已經可以上晒全面，之前兩張圖係用手指上，用了約兩下份
<看全文>
KDing好用推薦：我用既色號係15號，顏色對於自然肌嚟講係偏白少少，但係用嚟打兩黑眼圈淚溝嘅地方或者有八字明嘅地方我覺得都算幾出色。 你知遮瑕膏唔可以攞嚟單用喺遮黑眼圈，因為佢有帶少少嘅灰白色，好容易令到黑眼圈有種灰灰暗暗嘅感覺，但係如果本身黑眼圈有做調色嘅打底，咁再遮一層上去就會效果好少少。 我幾鍾意用呢一支嘅遮瑕膏代替打量嘅產品，因為佢本身個持妝力都極高，而且佢唔帶閃粉，所以做出嚟提亮嘅效果都幾容易，而且佢一物多用，有時都好易輕微遮少少嘅遮瑕，新年拜年想快快手化個靚妝就岩曬啦。 質地：流質 遮瑕度：3/5 色調：偏灰白
<看全文>Burnyourwallet.hk好用推薦：多謝cosme提供試用，今次試咗Maybelline既開價粉底同遮瑕液。我係混油肌，夏天用matte finish既粉底就最啱！ 呢支matte finish好適合油皮，上妝超貼面同清爽，有控油效果，而且好有流動性，完全無痴泣泣既感覺，妝感好薄好靚。不過佢遮瑕能力唔算太高，可以配合埋同系列既遮瑕膏重點用 都唔會加重粉感，但呢款粉底液乾肌同超級瑕疵肌未必啱用。以上係好薄一層既試色，有需要既話，直接再薄薄疊加就可以！要讚係佢唔會卡粉 浮粉！ 半日後會有專櫃品牌一樣會有既少少暗沉問題，但以呢個價錢有呢個效果已係超值得入手，尤其係油肌朋友，戓者追求裸妝效果都會好適合。香港春夏天又熱又濕好易出油，呢個粉底可以大大改善出油問題！ *照片有機會有輕微色差問題
<看全文>