光澤肌 推薦好用產品

Wuxx好用推薦：遲左少少系列～ 因為手上太多粉底未用哂所以遲遲未開黎用， 終於可以打使用心得～ 產品初上市嘅時候已經即刻去左專櫃試色， 當初已經對佢個外形設計超級心心眼！ 打開仲要係我最最最鍾意嘅濾網設計！ 所以二話不說入手左！ 開封到依家使用約一星期左右， 打開第一下係睇得出嘅水潤感， 而粉撲都幾好用，夠軟身， 不過都係有少少食粉情況， 但對我黎講問題不太大。 氣墊濾網個人認為有發揮好作用， 按壓出嘅粉質非常幼滑， 平時用氣墊粉撲需要費時去修飾毛孔， 依隻水潤粉質更容易自己填入毛孔，非常加分！ 而遮瑕方便都去到6-7成，上面係半水半霧面， 鍾意自然肌感嘅朋友可以考慮下依隻粉底。 冷氣房每日持妝約10小時，未見有收乾情況， 不過室外用就唔係好控油，需要注意。 另外暗沉方面唔明顯，約暗0.5色階。 整體使用感滿意，但如果有埋防曬功效會更好～ 咁就可以帶埋出街補防曬😗**是次購入色號為1C色

Fng好用推薦：Charlotte Tilbury 的夢幻柔光粉氣墊妝效主打光澤感，而非全霧面，增加肌膚光澤感，沒有粉感過重，質地較水潤，妝感薄透自然。它屬中度遮瑕，可疊加，我覺得對日常妝容足夠。我混合偏乾肌膚，沒有卡粉，自然光澤，提升肌膚飽滿感，視覺上減輕乾紋。 夏天炎熱天氣下，我會定妝，用控油型透明蜜粉（如 Laura Mercier)，在濕度相對低一點，溫度涼爽些的日子，這款氣墊對我混合偏乾肌會更為適合，持妝挑戰較小。 在香港炎熱潮濕下，如果是油肌，較容易出油，這款氣墊的光澤感可能會讓T區在幾個小時後看起來更油亮，甚至可能加速脫妝，尤其在沒有做好妝前打底和定妝的情況下，T區可能較快融妝。 總體來說，這款氣墊對混合偏乾肌比較啱用，但在夏天使用，需要搭配額外的控油和定妝步驟來應對。如果怕麻煩或對持妝度要求極高，可能需要考慮更控油持久的產品，或者只在秋冬季節使用它。 #夏天

Jessie C好用推薦：作為一名對底妝要求很高的消費者，最近入手了這款備受好評的Armani Beauty設計師光感粉底液（Armani Designer Glow Radiant Revitalizing Foundation），經過一瓶, 現在使用第二瓶的實際使用後，想分享我的真實感受, 粉底液質地輕薄水潤，流動性中等，推開時能感受到它的絲滑感。氣味是淡淡的優雅香調，不會過於濃烈，上妝過程非常愉悅。有自然光澤感：這款粉底液最大的特色就是它打造出的「自然光澤肌」。它不是油亮的光，而是從肌膚底層透出來的健康光澤，讓膚色看起來立即提亮，卻不會有厚重粉感。保濕度佳, 對我這種混合偏乾初老肌膚來說，它的保濕效果相當出色。一整天使用下來不會出現乾燥緊繃感，也不會在眼下或法令紋處卡粉。而且輕薄透氣。持妝度不錯,在我臉上能維持6-8小時的良好狀態。T區出油後會有些許脫妝，但整體妝感不會斑駁難看。 總結來說這光感粉底液是一款出色的「日常通勤」粉底，適合追求自然光澤肌、皮膚沒有太多瑕疵的乾性至混合性肌膚。它能夠提升膚質外觀，給人一種「你本身皮膚就很好」的感覺，而非厚重的妝感。 但如果你需要高遮瑕度，或是極度油性的肌膚，則可能需

Ressie14好用推薦：#火熱新品 #我的最愛粉底液 L’Oréal 旗下不論YSL，LANCÔME 定 Shu家出嘅粉底液，無論透薄度/遮瑕度/持妝度都達到大師級水平，今次試用ARMANI designer glow SPF15 PA+++ ，試到翻唔到轉頭 本身我係YSL粉絲，於唔同嘅場合分別會用上YSL氣墊粉底 B25 or 佢既ALL HOURS粉底液LN4 ，本身已經好啱我混合偏乾+只有少量紅印/微絲血管/暗瘡印嘅肌膚。但呢次用ARMANI designer glow, 唧出黎佢既延展性幾高，冇YSL ALL HOURS咁快成膜，用粉樸輕拍上臉，印下印下就印出密密實實既遮暇度，遮蓋到大部分瑕疵；印勻後見肌膚好似上咗一層水光薄膜咁，而粉底既色號都好靚，1.75其實對我嚟講係白咗啲，但試用產品就冇乜所謂啦另外要讚既係，ARMANI designer glow持妝力極高！因為我本身唔大汗，主要留喺商場行街，到夜晚，其實妝容都冇乜點溶亦冇發現氧化跡象，如果要講究少少嘅話，就可以吸一吸油再上返少少蜜粉，將妝容再持續多2-3個鐘。但返到屋企之後，始終眼底都會有微微卡粉，正常現象。 所以試用過後，我的確去配

Wuxx好用推薦：充滿新鮮感嘅我又買嘢啦～ 今次買嘅係植村秀嘅「透光瓶」粉底液！ 好容易俾廣告影響嘅我見到佢新品上市嘅消息就即刻去左專櫃試妝， 果然如佢所名，好有光澤，份糧就係咁又無左忽～ 專櫃小姐幫我揀嘅色號係584號。 日系底妝都有個通病就係色號偏黃，而「透光瓶」加入左創新「群青藍」 顏色微粒科技， 唔知係咪咁嘅原因，令佢即使咁水潤但都無暗沉嘅現象。 試過10月秋涼天氣帶妝去GYM Room做GYM， 做完成身汗去照鏡以為會嚇死街坊， 點知原好無缺！驚豔分x200！ 不過夏天就一定唔洗講～所以都係乖乖等到天凍先用啦各位～*光澤感非常優秀!!!個樽都好靚🤪*

Wuxx好用推薦：好辛苦咁用完佢枝精華之後終於要再次回歸翻底霜嘅懷抱～ 我諗皇牌就係皇牌，真係唔係亂出新嘢就可以取代到佢嘅地位～ 好多人話feel唔到佢有咩特別， 如果你問我佢勁嘅位， 我會話佢可以令所有難用嘅粉底都變得好用左。 好多時買新粉底翻黎， 頭幾日都覺得買到神器好開心， 之後個幾日就會覺得粉底好似變左質， 甚至乎會怪氧化左。 其實就算晚晚訓得好/差唔多， 皮膚都會有好多因素令到訓醒有變化。 偶爾訓醒會臉乾，毛孔粗大左，容易卡粉， 都可以用佢黎助攻一下～ 擦上臉用手摸雖然會有輕微嘅黏膩感， 但同唔透氣/皮膚悶住感覺唔一樣。 係個種皮膚灌滿保濕之後上左陣保護膜嘅感覺。 正係依個質地嘅關係， 可以同底妝好好咁融合埋一齊， 上完嘅底妝會更貼膚。 無搽嘅時候肌膚紋理相對明顯，比較有顆粒感 搽完面霜皮膚會有種澎彈感，毛孔都隱形哂！ 當然無可能100％無毛孔，但成個妝感真係會好好多～ 個人覺得因為好保濕，所以會更適合乾肌同混合肌。

Fng好用推薦：個人膚質係混合性偏乾肌，用咗bobbi brown vitamin enriched face base即時保濕大幅度提升 💚質地似厚身乳霜，但推開後好快吸收，兩頰即時冇繃緊感，T字位亦唔會油立立。 💚後續上粉底完全冇卡粉，毛孔都睇落細緻咗！ 💚配合粉底液使用後，底妝明顯貼服好多，冷氣房8小時都冇爆皮或浮粉，尤其適合「粉底常龜裂」嘅乾肌人，亦可粉底液混1粒綠豆大嘅面霜，底妝會更貼更透亮。 💚它淡柑橘香好療癒， 香味清新唔人工，朝早用即刻醒神～ 💥如果濕度爆錶嘅日子，單用會覺得皮膚「唔透氣」，建議薄塗或夜晚當睡眠面膜用。 😍另外一種用法: 厚敷5分鐘當mask，之後用紙巾印走多餘面霜，即時拯救脫皮位！ 📢 總結** Bobbi Brown維他命營養面霜，雖然價錢稍貴，但真心做到「護膚+妝前」二合一效果！特別推薦俾 香港夏天開冷氣嘅混合性乾肌人，用咗之後底妝持久度同貼服度都大提升～

Desse好用推薦：#火熱新品 SKINCARE POWDER (PRESSED) 美肌護膚蜜粉餅 又係粉紅系列🧏🏻‍♀️ 因為盒靚…又有玫瑰味..就同家姐秒入手🌸 官方賣點：有養膚功能 糅合補濕成分雙重透明質酸，以及三重美容精油成分 (摩洛哥堅果油、祖祖巴油 、月見草油) 可以幫助皮膚保濕同時又養潤皮膚 盒仔圓形設計.. 好滑溜🧏🏻‍♀️ 開盒已經聞到好香玫瑰味🌷 粉粒幼細💡 鼻頭嘅毛孔有被柔焦.. 粉感唔會太重 控油效果唔錯💡 平時T字位會久唔久出油.. 要用面油紙幫幫手.. 用咗喱款蜜粉.. 可以持續到6個鐘左右都無需要印走面油👍🏻 顏色貼近亞洲人膚色💡 平時用歐美蜜粉.. 都要小心控制份量.. 怕會重手咗.. 日系化妝品通常都唔會有喱種煩惱🧏🏻‍♀️ 減少浪費💡 幾鐘意佢有環保概念. 用完可以買補充裝再用.. 🪻🪻 對於會佩戴口罩嘅女士.. 請記得要噴幾層定妝噴霧… 真正定穩才可帶口罩.. 否則絕對會甩粉 記得留意補妝 🪻🪻 🧏🏻‍♀️至於養膚賣點… 其實唔多感覺到.. 畢竟個底搽咗非常多護膚品😅 但易定妝.. 唔死白.. 性價比唔錯.. 都值得一試🧏🏻‍♀️

YY好用推薦：Ettusais 美肌護膚蜜粉餅 🌞朝早定妝 🌛夜晚做skincare，預防乾燥 圓圓哋，成粒macaron咁，baby pink，好cute 細細盒。裏面附有軟綿綿嘅粉撲，帶出補妝好方便👍🏻佢分別有透明同紫色，我呢盒係透明～ 本人混合肌，冬天混乾夏天混油，蜜粉最重視定妝keep到幾耐唔出油同磨皮效果。 妝感好自然，隱形毛孔，磨皮效果都好好。控油就一般般，同canmake差唔到，正常發揮。另外冇任何提亮/遮瑕嘅效果。 補妝用佢唔會覺得令到個妝靚咗，但又唔會整花你個底妝，感覺冇太大驚喜，岩中肌性or無瑕肌膚多啲🤭 無試過夜晚用，因為太易生暗粒喇🫠 #火熱新品

natanatalie好用推薦：正正常常的眼霜🤪 以醫美眼霜打正旗號，價錢不算貴，但我感覺唔到有醫美咁厲害，就係一支唔貴又有正常保濕的眼霜！🫶🏻 質地係乳霜質地，易推開，唔黐立立，所以唔會引起油脂粒，一支可以用到好耐。用完感覺唔到好明顯嘅緊致效果，不過有保濕功效！👍🏻

maylam好用推薦：會員試用裝 我覺得幾好用 有少少似Chanel(?)嗰個cc cream 不過呢個輕薄d 有少少遮瑕度and閃粉 但係搽完之後隻手唔會污糟 顯得塊面幾乾淨

Sarah好用推薦：這款新出的產品好好用，覺得幾潤澤，面色好咗好多，敏感肌都用得。

natanatalie好用推薦：#火熱新品 用過呢個品牌好耐，對呢個品牌嘅產品好有信心，除左因為價錢平，仲因為佢嘅功效好顯著，有物超所值嘅感覺！🥰 價錢都算平，佢比較一般精華份量更多，有成40ml，所以用到2到3個月都無問題！質地係好水潤同易推，搽上面好易就吸收曬！🫶🏻 功效方面，佢可以有即時保濕嘅效果，毛孔會𣊬間脹卜卜，我最中意係搽完佢再敷面膜，敷完會即時覺得個樣水潤有光澤，白淨左勁多，大愛！❤️

Suidan好用推薦：呢支精華係朋友送畀我嘅，本身我好少用韓國牌子嘅護膚品， 因為總覺得會令皮膚刺激同敏感。 不過 我用呢支精華又冇呢個情況出現， 而且好感度唔錯。 佢嘅質地好水好容易吸收， 性價比都好高。 #火熱新品

Fng好用推薦：肌研 修護睡眠水光燈面膜｜混合偏乾肌嘅熬夜發光術✨ ✨使用感與效果 半透明凝凍質地，推開化水超輕盈！敷過夜完全唔黏枕頭，朝早起身成塊面嘭嘭亮，暗沉同乾紋即時隱形～最驚喜係調節水油平衡，T位冇泛油光，兩頰卻保持水潤！連續用3晚，膚色明顯均勻咗，上粉底再冇起屑危機～ ✨同價位比較 VSLaneige睡美人水庫膜：Laneige較潤但清爽度輸畀肌研 VS Innisfree綠茶睡眠面膜：綠茶控油更強但保濕力不足 VS Origins一飲而盡面膜：Origins滋潤度更高但夏天用較黏 ✨混合肌雷區 ▸一定要薄塗（珍珠粒大小就夠） ▸ T位可以再薄啲或避開 ▸ 極潮濕悶熱夜建議敷30分鐘後沖洗 ▸ 油痘肌每週最多用2次 ✨使用攻略 1️⃣基礎保養後取一粒黃豆份量全臉推開 2️⃣ 重點乾燥位可重複疊加 3️⃣ 朝早用化妝水抹走多餘膜感再上妝 ✨隱藏技巧 ▸厚敷15分鐘可當急速補水膜 ▸ 混合啞光粉底可自製光感底妝 ▸ 放雪櫃後使用即時降溫3度 總結：$300有找嘅「通宵發電機」💡 做到清爽與修護並存，香港夏天熬夜必備！回購率95%！ #火熱新品

HeiWa好用推薦：今日同大家分享NARS 最新推出嘅 Light Reflecting Foundation 原生光亮肌粉底液。 皮膚睇落好同差，真係好影響顏值；所以 喺各類化妝品中，粉底係最值得同需要投資嘅品項！所以我個人對粉底嘅要求都幾高，用過植村秀、Armani、Gerlain、貴婦底妝Albion、MAC等等。如果遇到好粉底，貴少少都值得的。 我皮膚無重大瑕疵，但有面黃問題；鼻頭、鼻側兩邊毛孔比較粗大；皮膚缺水，所以有時會出現卡粉問題。所以自然透薄、質地滋潤少少嘅粉底比較符合我嘅需求，最緊要千祈唔好氧化同卡粉！！ NARS Light Reflecting 呢枝粉底主打提亮膚色，強調折射光線，令肌膚睇上去更透光，都切合近年強調「無瑕素肌感」嘅大趨勢，亦符合我嘅粉底偏好～ 首先講下粉底液嘅質地。大多數粉底液都有少少杰身，但原來佢係水狀，唧出嚟嘅時候真係有啲出乎意料！水狀粉底液均勻易推、延展性高，上粉時已經feel到佢好滋潤👍🏻因為我有卡粉問題，所以唔鐘意偏乾嘅粉底。呢枝粉底嘅潤澤感非常合我心意❤️不過我建議個粉底樽可以改善下！因為水狀粉底真係唔太適合用唧出嚟，唔太容易控制份量、又會搞到個唧口

莓莓好用推薦：NARS原生光亮肌粉底液 x 水光肌心得 一句講晒：呢支係打造「高級水光肌」嘅神器！ 💎 妝效特點： 1. 「天生好皮」光澤感 · 佢嘅光澤唔係油立立，亦唔係好誇張嘅閃粉感，而係似你皮膚自己透出嚟嘅健康光澤。睇落好似你本身皮膚就咁水潤飽滿，好有質感。 2. 光澤帶高遮瑕 · 呢點係佢最厲害嘅地方！通常水光感粉底液遮瑕力都偏弱，但呢支可以做到高遮瑕度嘅同時，保持光澤。痘印、泛紅、暗沉都能夠遮得七七八八，唔會因為要光澤而犧牲咗遮瑕力。 3. 「越夜越亮」的奶油光 · 初頭上臉係漂亮的光澤，帶妝幾個鐘同面上油脂融合之後，會變成更靚嘅奶油肌妝效。光澤感會更加貼服同自然，真正做到「越夜越美麗」。 ⚠️ 小提醒： · 大油肌要注意，可能覺得光澤感太強，好似好油咁。 · 如果皮膚狀態唔好、有死皮，光澤感可能會凸顯咗啲唔平滑嘅位置，所以都要定期去角質。 總結： 如果你係追求水光肌、光澤感，NARS呢支「原生光亮肌粉底液」絕對係一個頂級選擇。佢完美解決咗「光澤與遮瑕不可兼得」嘅難題，比好多主打光澤嘅粉底都更實用，出嚟嘅效果係一種高級、有質感嘅水光，絕對唔會變「油面」

YYeman好用推薦：換季好物｜肌研supreme面霜 轉季天氣唔穩定，又經常OT到凌晨，搞到塊面又灰又塌🍎蘋果肌好似「冧咗樓」咁，第二日化妝卡粉卡到想掟咗個粉底掃？ 直到搵到呢支肌研面霜， 先知道「急救垮臉」可以咁厲害～ 厚敷一層去瞓覺，第二日起身塊面又亮又彈 捱夜後嘅暗沉全部走曬～ 用咗佢，邊個仲知我鍾意凌晨三點先瞓啊？ 就連生理期塊面容易泛紅、爆閉口嗰陣 用佢都可以穩穩鎮住，秋冬護膚有佢喺度真係超安心。 佢最厲害係專門針對「壓力肌」～ SoothingComplex舒壓體系，唔係求其加啲成分 ——裏面有藍靛籽、黃金藻，再加埋酰苯胺 三個成分組隊修護，似同塊面罩咗層「防護盾」。 最緊要係補水修護都咁犀利！ 加咗5D玻尿酸，深層補水效果真係無得頂～ 冬天喺冷氣房對足一日，塊面依然水潤潤 那種乾到卡粉嘅小乾紋，搽完即刻隱形！ 尤其係30*嘅姊妹更加唔好錯過，裏面仲有玻色因 淡紋超強力，堅持用一排 眼角、嘴角嘅小細紋直接「隱身」～ 而家素顏我都敢自信抬頭，再都唔使靠遮瑕蓋細紋！ 一支就搞掂補水+修護+淡紋，性價比直接爆燈！ 我前後用咗差唔多成個月，塊面摸落去滑溜溜～ 而家上妝完全唔卡粉 就算間中捱夜，

Fng好用推薦：肌研 H A Supreme 活顏緊緻面霜 🍂 轉季適應表現： · 早晚溫差應對：質地軟硬度隨溫度變化，日間薄塗夠清爽，夜晚厚敷抗乾燥 · 濕度波動平衡：5重透明質酸自動調節吸水率，秋風吹拂下仍能維持角質層含水量 · 屏障修護加成：Retinol衍生物配合氨基酸，強化皮脂膜抵禦季節性敏感 🌙 晚間加強用法： 潔面 → 精華水濕敷 → 面霜混1滴角鯊烷油 → 重點按摩法令紋 （每週2次替代睡眠面膜） ☀️ 日間輕盈方案： 維C精華 → 黃豆大面霜掌心乳化 → 全臉按壓 → 防曬 （避開T區易出油部位） 💡 轉季貼士： ✅ 連續3日感覺緊繃時，可混入保濕安瓶增強續航力 ✅ 化妝起屑時，將面霜塗在屑位輕拍溶解再補妝 ✅ 頸部護理同步進行，由下至上提拉塗抹預防頸紋 總結：轉天氣過渡期可靠夥伴！智能質地適應溫濕度變化，唯極乾肌在風大日子需搭配油類保養～🍁 #秋季護膚 #轉季面霜 #肌研Supreme #火熱新品

Tcc好用推薦：因為皮膚比較乾，夏天出油量不多，想找比較滋潤的粉底，睇到有介紹這款乾肌人士比較友好，所以就買來試試，用後感覺的確不容易有繃緊的感覺，遮瑕度亦十分不錯（重度黑眼圈，只用粉底遮，能遮7成左右），但成膜度方面，不太會成膜，要用碎粉好好定妝，只用噴霧定妝是不足夠的

Josephine Lau好用推薦：本人混合性皮膚，四季都能使用。 無論是在冷氣房或者外出都不會脫妝。 可以維持8-10個小時也沒有問題，遮瑕度不錯，不會卡粉。 不論是香港、日本、韓國、台灣都使用過，冬天在北海道也試過。 覺得很適合混合性皮膚。

林泳恩好用推薦：成份比較養膚的粉底，不用擔任用後會有暗瘡，但保濕知遮瑕效果未如理想，上妝幾小時後會開始浮粉，用作補妝粉底會更好

inkitsung好用推薦：回購又回購之一！ 呢個保濕度超高，真係勁養膚嘅一個cushion~ 但前提你要皮膚質素好好先用到佢~ 因為佢近乎0遮瑕力, 純粹幫你提亮膚色~ 望落皮膚更加好氣息👍👍

Emily Leung好用推薦：「神奇！佢居然5秒可以叫醒塊面嘅『元氣光采』！ 各位姐妹，Bobbi Brown隻橘子精華真係堅到爆😍 嗰種好似軟身雪糕嘅creamy質地，推開好順滑，一搽就化開，超清爽唔黐立立！有陣好清新嘅柑橘香味，好醒神。 入面有煙酰胺同複合水光果萃，補水+去黃提亮一次過搞掂，仲可以令個粉底貼到不得了，輕鬆做到嘭嘭水光肌 佢最犀利嘅地方係可以即時撫平乾紋同起皮，好似幫塊面飲飽水咁。之後再上粉底，個妝會貼服到不得了，完全解決咗乾肌成日卡粉、浮粉嘅尷尬情況。 對於大乾皮或者轉季嗰陣，佢嘅滋潤度絕對夠力。油性皮膚就可能覺得太潤，建議冬天先用，或者淨係用喺局部乾燥位。 缺點： · 價錢偏貴。 · 如果本身係油性皮膚，夏天用可能會覺得有啲「立」。

Kura好用推薦：用完會令到你覺得驚艷嘅精華，第一次用呢款精華嘅時候係冬天，皮膚超乾同埋我嘅皮膚超過30歲特別唔穩定，但一搽呢款精華上臉覺得皮膚好似飲咗成樽水咁水潤，皮膚變得更加穩定，味道超好聞，呢款精華嘅質地超水，搽上臉超容易推開，冬天用唔洗幾秒就已經完全吸收曬，用完呢款精華後續化妝成個妝都超貼服，同埋用咗一段時間呢款精華之後整體皮膚嘅情況都有變化，膚色變得均勻，因為我係乾性肌膚冬天超需要保濕，呢款精華猶如救命水一樣拯救咗我嘅皮膚，同埋每次搽完佢嘅味道都令到我個人好放鬆，呢款精華搭配埋同系列嘅面霜一齊用真係一絕，絕對係完美底妝產品嘅必備嘅產品，推薦俾所有人都一定要擁有嘅一款世一精華 @cosme #火熱新品 #火熱新品

KelsiK好用推薦：今次分享K.K用到非常推薦的粉餅 - Nars 的柔霧完美粉餅~ 買過很多家的粉餅, 但都是無法用到鐵皮, 暫時能用到鐵皮而且回購的粉餅就只有Nars的柔霧粉餅^^ 膚質： 混合性偏乾 上妝問題： T字位置出油, 兩頰容易乾燥 常用場景：上班💼 （室內冷氣環境) 使用方式：MF#124/ MF#130蜜粉掃作最後定妝 妝效： 一開始上妝會比較霧面, 毛孔可以遮蓋七成之後會慢慢溶入底妝, 呈現緞光的妝效 (因為我是混合偏乾, 所以會用保濕型底妝) T字位置出油亦有所延緩, 平日中午飯前已經出油嚴重, 使用柔霧粉餅後可以支撐到下午三四點, 而且使用紙巾輕輕按壓就可以帶走油份, 不會帶走底妝~ 兩頰也不會出現乾燥脫妝的問題, 有效平衡兩種膚況👍🏻👍🏻 小小一塊,並有鏡子非常適合帶上班💼/ 出街補妝使用~ 化妝品用在每一個人身上都會有不同的效果, 非常建議靠櫃試用後再購入, 🙅🏻‍♀️不要盲買啊~ K.K回購程度： 😻😻😻😻 (4/5)

Chloeincosme好用推薦：對Nars的大白餅（無色碎粉餅）好感爆燈，於是買埋佢既粉餅（有色粉餅），睇下可唔可以取代到大白餅作補妝用。 色號：COVE ，岩黃一白♥️粉質： 好幼細，同大白餅有得揮 ♥️控油：8/10，Nars既「控油調節技術」好岩我既肌質！我係乾肌，但香港既天氣依然令我避唔過出油既命運，出油後我會輕輕印走面油，再用佢補妝，出油既情況已經受控！ ♥️保濕：6/10，同類型控油粉餅黎講佢唔算好乾！ ♥️持久：9/10，上面係霧面，即刻出左油都唔會一撻撻，而係好自然咁同溶埋一齊，做到好靚既膚感！ ♥️ 妝感：微霧，可撫平肌膚和柔化瑕疵 ♥️其他：冇咩缺點！一定回購 總結：如果你想搵一塊持久、控制水油平衡、出到微霧妝感既粉餅，我好推薦佢！ P.s. Nars的蜜粉餅/ 粉餅真係好好用！希望永遠唔好停產😭

graceky好用推薦：意想不到地抽中試用❤︎感謝@cosme❤︎ 今次收到試用時真係嘩咗一聲 包裝好靚❤︎日霜係令身啲嘅一樽 仲有SPF30 PA+++呢排成日都好曬好熱 用咗佢之後再搽防曬 化妝都幾唔錯😌 質地比平時用開gel嘅我 厚少少🤏 但係好易推開 亦都好似一層保護膜包住咁 原來係專利研發嘅TAISHI TM Complex☺️ 都好易吸收 好貼服 對混乾嘅我嚟講係保濕度夠 始終佢係cream 厚身少少都好可以接受到嘅 見推開之後 有層好閃嘅紫色 推開後 皮膚變得有光澤🤭好似有層好薄 淡淡嘅珠光咁👍🏻幫我打左highlight 咁❤︎好有光澤 精神咗 試過素顏出街都唔覺得個樣好攰 喺好大冷氣嘅office 都保持水潤感覺 亦都試過之後化妝 面部冇乜大問題 但係試過有遮瑕膏喺額頭邊邊位置會有少少擦膠碎 但不嚴重 底妝都係貼服嘅❤︎ 整體我覺得幾好用 提亮膚色 抵讚👍🏻 但係化妝前用會黏立d 可能要再調整下用量 氣味都幾舒服 對混乾嚟講 我覺得鼻位係出多咗油 對面部嚟講就岩岩好 有滋潤嘅感覺

Fanfanmorning好用推薦：秋風起，面甩皮，好開心可以係換季時間收到@cosme的邀請，試用到非常好用嘅KANEBO滋養彈力活肌日霜SPF30 PA+++，幫我減省諗換咩護膚品的時間，今次試用產品真係好滿意，滿意到我會回購！ 我的皮膚係乾性混合，日頭T字位會出油。下巴因為之前爆瘡爛面，容易乾燥到有皮屑，所以好難搵到一款係同時兼顧有足夠滋潤又清爽的日霜。加上對含防曬功能的日霜無乜好感，覺得會好難推開又會泛白，但KANEBO滋養彈力活肌日霜完全無呢個問題！收到嘅試用裝係用黑色盒包裝，日霜同晚霜兩罐係用不用材質製成，感覺高級又精緻，仲有兩枝刮棒。日霜有專利研發的「日間防護膜層」，將保濕防護再升級，仲有專利研發的 TAISHI™️ Complex，令「日間防護膜層」更輕薄貼服、同柔潤彈性，12小時癡住係面不脫落，持續滋養潤澤肌膚，令面部皮膚一直keep住有光澤。 
日霜質地柔潤舒適，一啲都唔黏膩，而且非常容易推開高、順滑易吸收。搽完即時感覺到皮膚變得柔潤有光澤，唔洗再搽防曬就可以即時化妝，減省皮膚嘅負擔。而且效果係持續成日！以前到下午面頰位會乾燥崩緊，但用咗完全唔會！鼻翼位亦無泛油！ 我非常滿意產品體驗，絕對會回購！

Sarah好用推薦：@cosme @cosmeHongKong 底妝心得：這是shu uemura 的王牌粉底產品，有霧面和亮澤兩款。由於香港天氣時常潮濕酷熱怕會油光滿面，所以選購了霧面。 不過失了預算，在冷氣房中工作時皮膚有乾燥感，用這個的時候下眼底明顯會有卡紋。不過遮瑕度算很高，有很好的提亮和修容作用。 我選的是574號色，比自己皮膚淺色了很多，可能用674會更自然（但就沒有了提亮作用了）粉底液質感比較適合冬天使用，推開後有點厚，可能是自己不適應。但只要用蜜粉定妝，面也幾乎也不會氧化變灰，算是妝效持久。小小一瓶應該可以用很久。

UglyMaa好用推薦：試過用手指上薄薄的一層粉底液，基本上能遮瑕不過效果不明顯。用化妝掃上厚一點效果會更好。 如果在室外熱天潮濕的地方效果可以維持長一點，不過坦白說也沒有產品說明的持妝16個小時。如果長期坐在室內冷氣房，這個產品完全不行。可能我皮膚偏乾，上了妝坐在冷氣房一個上午之後妝已經完全溶化，還有一點變暗黃的狀況。因為我眼皮比較乾，過了幾個小時後還多了幾層眼皮和眼紋。 雖然植村秀的粉底液顏色選擇比較多，看起來很專業，可是如果不能持妝或者容易變乾變暗黃的話我應該不會考慮回購了。

chasiutung好用推薦：我係一個混油皮 但五管吾立體 所以好喜歡搽高光 本身自己皮膚會出油再上埋搽左高光 嗰種嘅油淋淋反哂光嘅感覺真係慘不忍睹 用過好多吾同品牌嘅高光 剛上面都幾靚但一微微出油就好油光滿面一達達咁 係Bobbi Brown買新出嘅蜜粉見到依盒高光幾得意就買埋 一打開真係好靚 又大盒可以有排用 掃上面係水光感嗰種高光 增添面部立體感 但又吾會好似平時d高光咁加重粉感 皮膚出油後會有微微光澤嘅透亮咁 反而同粉底容入得更好 我嘅用法係用扇型化妝掃混合兩種色輕輕掃係顴骨下巴同眉骨下 用白色珠光點係眼頭 同鼻梁 妝效立體又吾會顯得油光滿面 真心推介

Jayla好用推薦：呢盒光影粉係Bobbi Brown嘅明星商品，我買嘅係細盒裝。一打開就見到係好靚嘅壓紋，閃粉好幼細，只需要用修容掃輕輕一掃就好顯色，但又唔會覺得油光咁。我最鐘意用佢嚟提亮鼻樑，可以好低調咁令我好扁嘅鼻睇落立體d

🌸好用推薦：多謝 @cosme 邀請我試用DOLCE & GABBANA BEAUTY今年七月先至推出嘅全新夏日奢華時尚底妝，分別係BERGAMOT GLOW PRIMER，BLUEBERRY NUTRI TINT同FIG SKIN PERFECTOR。 化妝嘅第一步係使用BERGAMOT GLOW PRIMER。佢係一款保濕妝前精華乳。 金屬管嘅包裝，附送一個金屬蓋同埋一支金屬嘅擠壓棒，方便用家從金屬館嘅尾部開始唧出妝前乳，包裝設計獨特。 淺藍色半透明嘅妝前乳，獨特嘅雪葩質感，質地清爽，容易推開，而且仲有陣陣清涼嘅感覺，炎炎夏日用喺面上面非常舒服。 平時化妝之前即使搽咗妝前乳，有時都會因為皮膚太乾，上粉底之後出現卡粉/甩皮嘅情況。但係呢一隻妝前乳搽上面之後真係做到保濕同埋提高皮膚平滑度。之後再上妝，都唔會卡粉/脫皮，而且提升咗肌膚光澤。佢嘅質感好smooth，完全唔會起擦子膠碎，亦冇搓泥感。 使用前嘅肌膚： 使用後嘅肌膚： 使用後提升咗皮膚嘅平滑度，粗大嘅毛孔都睇落冇咁顯眼。睇返資料，原來佢係加入地中海海水成份，令到肌膚有持久清爽嘅感覺，而且加入咗意大利卡拉布尼亞佛手柑，令到皮膚有

Maggie Cheng好用推薦：首先感謝 @cosme 抽中我試用今次嘅試用, DOLCE & GABBANA嘅化妝品包裝好靚, 冇細心留意係唔知原來Primer仲附送金扣for擠出primerPrimer係淡藍色嘅,質感好似雪葩, 用落亦有小小涼涼地, 而且用落清爽唔黏笠, 質地輕薄易推, 上面唔會覺得堵塞毛孔, 保濕度夠, 後續上妝冇卡粉, 幾適合喺香港嘅夏天使用 不過修飾毛孔嘅功效唔算好強, 同埋如果可以有調色嘅功能, 可以tune一tune皮膚顏色就更好

HoiYung Crystal Yuen好用推薦：我本身係乾肌，試過用唔同牌子嘅粉底都好容易浮粉，所以我平日只會用有色防曬修飾吓皮膚就出門。今次有好幸抽中KANEBO 推出既升級版原生活力精華粉底霜，所以又再有機會重新試吓用粉底。Kanebo呢隻係粉底霜，聲稱將 「裸肌感」同「遮瑕」結合，使用獨家「活力美肌技術 Lively Skin Technology」，靈活運用光線散射效果模糊瑕疵保持原生肌膚質感同時遮蓋色斑、暗沉和毛孔。 呢隻粉底霜嘅質感係比較厚實，唔似平時粉底液咁有流動性，我以為會好難推開，點知佢延展性又非常之好，我就咁用手搽上面已經可以搽得好均勻。之後我再用粉撲試，上面效果有較高遮瑕度。基本上我薄薄搽一層已經遮到毛孔同黑頭，皮膚已經好似原生肌咁嫩滑。同埋用咗粉底霜之後皮膚都變得有光澤咗。如果想再遮多少少暗瘡印或者色斑，用完粉底霜再加遮瑕膏都完全融合得好好。即使過咗幾個鐘頭，暫時都未見到有浮粉或暗沉嘅情況，佢同肌膚反而會越嚟越融合。同埋喺依家天氣比較悶熱嘅日子使用，皮膚都唔覺得焗。整體而言，妝效都幾可以維持貼服，唔乾燥，唔起乾紋，而且都夠水潤。 唯一美中不足嘅係，佢只有SPF24同PA+，所以一定要搽咗防曬先可以用粉底霜。所

monsterparu好用推薦：超級開心可以抽到Kanebo既試用！！ 一直都聽到唔少人講Kanebo粉底霜好用，但由於佢既設計係開蓋式，好驚一開唔即刻用完就會變質，同埋都擔心衛生問題。 粉底霜附有小刮棒，可以輕鬆取粉。另外仲有塊透明小蓋，感覺衛生。不過一打開黎就聞到陣好濃烈既酒精味，就有啲嚇親我啦。 粉底霜既延展性非常高，只係拎少少粉底霜就可以輕易推開，而且濕潤度非常夠，好自然同埋帶有光澤感，唔係啲好厚重既粉底霜。所以對於既佢遮瑕度就唔抱太大期望，試上臉遮下紅印，又有啲驚喜，都遮到6-7成，仲可以保持到自然妝感，大讚！！！！ 產品說明有一點最吸引到我，就係長效持妝不變色！當然要實測一下效果啦！今次收到既係自然色240，早排曬黑左，所以搽上手有明顯色差。粉底霜氧化方面呢就有少少失望，搽上手試色大概15分鐘後再上新既粉底霜做比較，其實都有好明顯既變色，不過變色後既顏色對於我黎講反而更加自然，唔係死白，所以都過關啦！ 作為乾肌既代表，呢隻粉底霜絕對適合，而且妝感非常自然又唔厚重，保濕能力高，妝感水潤亮澤，無卡粉浮粉既情況出現，遮瑕度有，推薦！！