特色妝容 推薦好用產品

YY好用推薦：Ettusais 係 shiseido旗下開架品牌，質數有保證，依枝係魔束細緻濃密眼睫液👉🏻煙燻色 我會形容呢支Mascara係芝麻灰色，依隻色少有又靚，佢並唔係坊間嘅灰黑色，其實佢成條line嘅Mascara屬於而家新興嘅亞麻色調🩶 掃頭size不算大，連下眼睫毛都掃到。膏體順滑，唔會起結塊 ，全日都冇點甩過。我用shu uemura卸妝油，容易卸得乾淨。 由於佢冇延長纖維係入面，有時我會當埋eyebrow膏，眉妝都keep得到！ 2024年我染左亞麻灰髮色，上眼睫毛用依支芝麻色，下眼睫毛就用返黑色，襯埋落Love liner既Mocha色eye liner，絕配！年未出街我一定用佢😍

Kuma好用推薦：ettusais忠實用家表示呢支真係相見恨晚嘅睫毛膏！！！ 一直有用開黑色嗰支base 最近睇化妝師條片介紹，發現原來出咗銀色版，咁啱去咗日本就買黎試🥴 原來佢嘅膏體再厚身啲、纖維再多少少 而且梳頭唔一樣，唔會變曱甴腳，膏體比起黑色版粘啲，竟然可以梳到束感效果⋯⋯返工朝8晚9都完全唔會drop，超級鐘意

Kmggigi好用推薦：Visee 眼部專用遮瑕膏 — 貼服細緻，高性價比遮圈好幫手✨ 質地: 呢款眼部遮瑕膏嘅質地柔順絲滑，滋潤度偏高， 上眼後貼服度高，唔易起紋或積線， 對於眼下乾燥肌都相當友好，轉季後都可以使用。 妝感自然輕盈，唔會有厚重感。 效果: 產品包含兩種基本色調，正好對應遮蓋黑眼圈需要。 使用時可以按自己膚色比例調配， 我通常會先上一層橙色調整暗沉， 再疊加幾層膚色色調去提亮遮瑕，效果自然明亮。 多層疊加時可能會出現輕微結塊， 搽薄啲效果會更理想。 不過以遮瑕力同貼服度嚟講，整體性價比相當高， 係開架品牌入面表現突出的一款。 上遮瑕膏前: 眼底黑眼圈比較明顯，另外有淚溝用手指搽上遮瑕膏後: 輕微遮蓋了黑眼圈同淚溝，但由於顏色比較有限，短時間唔可以調配啱我自己嘅膚色，但有咁嘅效果已經好好👍🏻 總結：溫柔遮瑕力，眼下暗沉救星 Visee 眼部專用遮瑕膏以柔滑質地、自然貼服效果同靈活調色設計見稱，非常適合用嚟遮黑眼圈。 雖然多層疊塗會有少許結塊， 但以佢嘅價位同表現嚟講，真係值得入手！✨

葉子🍃好用推薦：自己都算深熊貓眼，呢款膏狀遮瑕，質地貼服，唔會太乾起眼紋，橙色遮瑕比膚色更好遮眼圈，兩色混合，可自行調色，方便易用

Kmggigi好用推薦：嘴唇皮膚狀況: 嘴唇偏乾，比較易甩皮，上唇色偏暗沉 DHC 橄欖護唇膏絕對是開架品牌護唇界的低調實力派！ 依支潤唇膏嘅質地輕盈柔滑， 因為添加咗橄欖精華油，上唇後會覺得有一層薄薄嘅保護膜，避免水份流失 同時又唔會有好厚重嘅黏膩感 雖然支唇膏無色透明， 但會帶嚟好自然的光澤感和透明感，減少唇紋，令到嘴唇睇落好水嫩🤣 氣味方面，雖然帶有一點特殊味道， 可能唔係每個人都會中意， 但實際使用效果足以彌補小缺點🤣 總括然而，適合日常使用，或作為妝前打底， 令嘴唇更平滑，唇妝更服貼👏🏻 效果圖🔽 唇部明顯乾燥，唇紋較為明顯 一搽完上唇，即時有一層薄薄嘅保護層，有明顯亮澤感又無咗大部分唇紋🥳

Kitty 好用推薦：呢支真係家中常備！雖然周圍都買到，但每次見到都有想即刻囤兩支嘅衝動😆 佢最大賣點係含有機橄欖油成分，聞落有陣淡淡嘅天然味道，唔會好人工咁～ 質地係黃色嘅膏體，搽上嘴好順滑，滋潤度真係冇得頂👍！尤其係轉天氣或換季時嘴唇開始爆拆嘅時候，薄薄搽一層已經即刻感受到滋潤，但又唔會油立立好似食完肥豬肉咁🤣 我最鍾意佢係化妝前打底一流！化妝前厚塗一層，等幾分鐘，再用紙巾印走多餘油脂，之後擦唇膏唔會影響顯色度，反而令唇妝更貼服～而且細細支帶出街超方便！ 價錢平，又好用，當潤唇膏用每次只需搽少少就夠！絕對係會不斷回購嘅萬年愛用品❤️

Kayyan22好用推薦：呢支防曬喺日本買，嗰陣諗住貪佢大枝就買嚟試吓，本身以為會唔好用，但比想像中好用！ 我買嘅呢支佢係會有去紅嘅調色成份，因為我皮膚本身比較容易泛紅，而第一次用嘅時候都比較驚喜，因為佢幫我去紅之後仲令到皮膚睇落比較淨白，所以我基本上日常都會就咁用，佢就可以出到門！ 而佢質地會比較透薄少少，保濕咁就一般啦，但就十分之適合喺夏天使用或者唔想塊面咁厚重嘅時候用，咁個人都幾鍾意呢個質地。 而佢係喺化妝前打底都可以做到一個好好嘅作用，因為我之前用tir tir氣墊嘅時候都會十分之浮粉，轉過好多保濕度好高嘅打底都唔得(自己本身混合偏乾）。但今次使用咗呢隻打底之後估唔到令到呢隻粉底可以好貼到我塊面！完全係救咗我呢個氣墊，仲帶點水光感！所以如果想打底薄啲嘅可以試吓用呢隻，可能會有驚喜！

Emily Leung好用推薦：樂敦skin aqua透明感漸變彩虹紫色防曬霜 在日本藥妝店盲買的這管防曬，用了一段時間，現在幾乎要空管了。 先說優點：平價大碗、顏值高。漸變色外包裝在一眾普通的平價防曬中立馬脫穎而出，膏體也是淺紫色帶珠光，不油膩。 缺點：不好推！假白！容易卡紋！ 但是很多人推它就說明這個防曬還是有它的功效，因為它確實有不油膩、顏值高、便宜，我覺得還是不過不失吧！

Cosmeemee好用推薦：已經用了Etude House很多產品 這款眼影適合四季～ 🤭 🌟平時嘅日常妝容都可以使用 🌟自然又方便，不易飛粉 🌟性價比高，適合新手🙌🙌

羅小白好用推薦：佢嗰六個配色好實用，全部都係大地色，基本上大部份嘅膚色都啱用，但係有樣嘢唔好就係，去到比較濕熱嘅天氣就好容易溶，眼皮上面嘅顏色會變成一舊，同埋啲眼影會攝晒落去條眼皮入面，所以一定要用定裝噴霧。 但有樣嘢最值得一讚嘅係，個包裝真係好靚

Kura好用推薦：絕對值得包色嘅胭脂，顏色非常靚，搽上臉非常有青春嘅氣息，粉質非常細膩，但價錢非常親民，細細盒帶出街隨時補都得，我用完呢盒胭脂覺得整體妝容都變得更加立體，同埋顏色都非常持久，出街幾個鐘嘅唔會甩，非常值得一試嘅胭脂 @cosme #胭脂

ririlily好用推薦：Canmake腮紅平靚正不嬲嘅 但我要宣傳吓！！ 呢隻色真係好靚好靚🥹💕💕💖💖 上臉時自然到白裡透紅咁 好鐘意！！！ (上手上得重手咗-w-) 唯一缺點係唔知點解canmake嘅單色腮紅特別易甩 比花花果隻易甩好多⋯⋯😢 前排口罩時期發現呢件事覺得好傷心 化完戴口罩就比口罩食咗一半🥲 所以就轉用咗花花一排 而家唔使戴口罩會用返呢隻！ 不過希望佢改改formular可以冇咁易甩啦🥹

shinchan好用推薦：一直都好想搵啲好保濕嘅粉底液，而Media都係一個好出名嘅老牌子。雖然個藍色蓋睇落比較老(?)🤣但佢啲粉底液仍然係好好用！ 先講一講設計。因為係完全打開個蓋先至攞到粉底液，長期咁樣又開又閂會令空氣走咗入去，再加上你隻手指會點落去，所以其實係容易造成氧化或者唔衛生嘅問題。不過到現在暫時都完全冇問題！ 有人話佢質地好厚身，其實應該係佢哋冇點落手背再薄薄搽開，再薄薄點上塊臉，喺塊臉均勻推開先用粉撲拍開😌我係化妝新手都唔會搽到塊臉好厚重，同埋個光澤感真係好！滿！意！我係局部油性肌膚，夏天就算用呢隻粉底液都唔會油光滿臉。我最鍾意佢真係好似融入咗我嘅肌膚咁樣，feels like my skin💕不過因為第一次揀冇揀啱顏色(揀深咗一度)，所以望落去會有少少少少黃，如果用完呢一罐我會買返淺一隻色🤣性價比極高，我2024年12月喺莎莎購入，到依家都未用到一半！ 價錢: 10/10 貼服: 9/10 設計: 8/10 光澤: 9/10 暗沉: 8/10

Kala好用推薦：Media粉嫩保濕礦物粉底霜，質地奶油般滑順，易推開，遮瑕力約7成，蓋毛孔暗沉不錯。性價比高，適合混乾肌夏天用，上完粉底用蜜粉定妝，保濕不卡粉。平時返office成日吹冷氣，用太控油既底妝到下晝就會浮粉乾裂，但用佢就唔會，keep到收工都仲係貼服，只係下巴位會有少少粉浮，用紙巾印一印出油位會keep得耐啲。

Poyobb好用推薦：首先多謝@cosme送咗呢個胭脂俾我，開架牌子最出名嘅胭脂一定有Canmake😚 呢款係雙質地板，日後有人要胭脂，我一定會推薦買呢隻款式。顧名思義，雙質地版會有matte同shinny兩種質地。 我依款係02色號，玫瑰粉色。大致上，其實佢有四款顏色，左上角mix會shinny ，右下角mix會matte。其實用起上嚟都係屬於自然淡淡地嘅顏色，少少紅潤色澤。掃起上嚟都係淡淡地，不會失手。 如果覺得所有胭脂用起嚟都差唔多，我反而會建議買Canmake ，因為我屋企每一盒胭脂都用唔晒，反而Canmake真心又平價又百搭。同埋雙得質地板個玩意較大，一盒四色任搭，吸引度較高😝

Suki好用推薦：這款腮紅以花朵壓紋設計為特色，外觀精緻可愛，讓人愛不釋手。粉質細膩柔滑，顯色度適中，易於疊加打造自然的好氣色。混合多色調的設計，能輕鬆調配出立體感和柔和光澤，適合日常妝容或甜美風格。內附的小刷子雖方便攜帶，但毛質稍硬，建議使用專業腮紅刷上妝。

Fng好用推薦：我喺專門店買，色號係 yp10，偏黃， 遮瑕度好好，同埋 比較滋潤， 較適合冬天使用。

綺羅香好用推薦：以前用過好多粉底都爆痘， 後來聽講Covermark嘅漢方粉霜被譽為最適合痘痘過敏肌嘅粉底，所以一直都好想試，早前終於買咗啲試用 今次買嘅試用色號比較多，因為呢款漢方粉霜顏色調得比較特別，會特登分藍色調同黃色調，藍調對應冷皮，黃調對應暖皮，唔識分辨冷暖皮的話，就最好去門市搵sale幫手揀，又或者好似我咁買幾個覺得會合適嘅色號，逐隻試上面 自從學識睇成份表，自然都會查一查呢隻粉霜，成份非常簡單，包含最基本粉底成分、化學防曬、一啲抗炎抗氧成分，不含成膜劑，亦都無乜油分，好處就真係唔會焗啲痘，唔好就唔持妝好易甩 粉霜質感水潤，拍開好快乾，我用氣墊粉撲上，但係啲粉霜俾粉撲吸哂，要改用粉底掃上，再用美妝蛋拍瓷實，底妝透薄舒服，無負擔感，妝面有自然光澤，遮瑕度中低，但能夠柔焦毛孔，帶妝半日都無爆新痘，果然係痘敏粉底嘅祖師爺

mcosmetics好用推薦：見到有好多YouTuber都分享乾機適用呢個密粉，所以去咗SOGO啟德 Bobbi Brown 專櫃買。我用pure glow色號。粉質好幼細上面冇份感，但係本人T字位會出油，佢完全冇控油效果。不過包裝好好，有鏡，有塊膠隔開粉撲同粉末，有過篩粉末可以更加幼細，本身附送粉撲都好舒服。希望佢可以出一個控油力多少少嘅版本。

Ahpin好用推薦：呢個Bobbi Brown嘅碎粉真係我作為乾肌人一年四季嘅必需品🥹 佢嘅粉質好細，就算喺眼下幫遮瑕定妝都冇問題。妝感係霧面光澤，好啱我呢啲唔鍾意太水光肌同埋底妝太黏嘅人。佢有少少顏色，所以有時落胭脂重手咗都可以幫手調返靚。大大盒有排用，值得一試！

chewyfruit好用推薦：NARS 胭脂液 #Behave：偽素顏嘅「心機」神器！ 兄弟姊妹們，如果你同我一樣，成日貪快想幾筆搞掂個妝，然後塊面睇落又係好似天生咁好氣息，咁呢支NARS胭脂液（Powerliquid Blush）你真係要認識下！今次試呢隻 #Behave 色號，名就係「行為良好」，睇下佢點樣乖乖地令你變靚！ 第一印象：支裝高級，掃頭幾好用 支裝係NARS一貫嘅磨砂黑，睇落幾高級。最正係個掃頭！係斜角設計，軟硬適中，一拎出嚟就可以直接點上塊面，唔使再用手指或者化妝掃，對於趕時間嘅朝早真係超方便！ 質地同顏色：似啫喱又似水 個質地好得意，一搽上去係水水的，好快就會變咗啞緻。隻 #Behave 色係一隻好靚嘅暖調豆沙粉，唔會太紅又唔會太橙，係嗰種「你塊面自己透出嚟嘅紅暈」咁，好自然好溫柔，黃皮膚同白皮膚都用得到，係偽素顏嘅絕配！ 上臉效果：好似天生咁好氣息 1. 融合度： 呢樣係佢最犀利嘅地方！因為係液體，同底妝可以話係「融為一體」，完全冇粉感，睇落就好似你自己塊面透出嚟嘅紅潤咁，好貼服，唔會一撻撻。 2. 顯色度： 超級顯色！呢度要劃重點：千祈唔好一唧就一大篤！ 因為佢好濃色，我建議一開始唧一

Emily Leung好用推薦：嫩進我心巴了！！Nars超美液體水光胭脂！ Behave色號 是那種超嫩的豆沙色，指尖蘸一點拍上，根本不用技巧，隨便暈開就自帶柔焦濾鏡，像皮膚里透出的天然紅暈，啞光中帶一絲微妙光澤，抬氣色一絕，很透亮的媽生好皮感。 液體腮紅有個好處就是質地細膩完全不顯毛孔，而且更好掌握用量，手殘黨必衝！ nars顯色度拿捏得剛好，越拍越淡越自然，疊塗也不斑駁。早八通勤趕時間，偽素顏心機就靠它了！

Ki Lyko好用推薦： 一直聽說這支遮瑕膏很好用, 因為價錢實在太貴,所以考慮了很久才終於買了, 唇膏狀, 用掃上會比較好, 別看他小小的一支，但其實每次只需用少量就可以了, 所以可以用很久, 上手效果 : 其實它遮瑕度算很高, 只要用少量也能夠把凸起的暗瘡也瑕得很好, 比想像中滋潤, 不太乾。

Ko好用推薦：最近去咗日本，喺免稅店買咗 Cle de Peau 呢個牌子嘅遮瑕膏。佢質地好滑好易推開，輕薄咁塗上去都唔會有負擔感，印象中免稅店好似得四隻色，我買黎遮黑眼圈。遮蓋力算強，可以輕鬆遮掉黑眼圈同埋其他面部瑕疵，不過因為我係千年黑眼圈，所以要喺個眼底度調左色先再上呢一支遮瑕膏。我眼底一向好乾，但佢用落唔會乾，修飾眼紋嘅效果中上，我眼紋好深，所以無論用咩遮瑕膏都會現形，所以中上其實我都算滿意㗎啦。不過佢價錢有啲貴，我盡可能都會喺免稅店先買，可以平差唔多2百。 圖1，2產品圖 圖3 搽虎口，可以見到啲紋唔會遮得哂 圖4 遮瑕力算係幾好

Nicole好用推薦：一直聽人講Covermark依個牌子嘅底妝產品唔差，做咗幾日功課之後終於決定去專櫃試一下 顏色方面用咗櫃姐推介嘅SN20，上面之後比較自然，唔會過份白 Silky fit 比我想像中更加好用，粉質非常幼滑同細！上妝速度快又方便，上咗一層之後毛孔已經遮得七七八八，皮膚睇落去超級無敵好！妝效非常貼服，唔會浮粉、亦冇乜重粉感/面具感❤️ 唔會卡粉卡到一撻撻或上得唔均勻，眼紋同埋鼻翼位置都唔會卡粉 遮瑕效果可以少量咁疊加上去，唔會太厚重。一到兩層左右已經好勁，大致上可以遮到我嘅紅印同雀斑，但可惜未能夠完全對付到我個萬年黑眼圈XD 用後未見有敏感情況出現，上多兩層都唔覺得有負擔(*^^*) 見到自己皮膚好靚咁越用越上癮！ 目前為止未覺得乾，對乾皮膚非常之友善❤️ 同以前用過嘅粉餅差太遠，甚至好過氣墊！相信今個夏天至愛非佢莫屬 購入價$420，有盒同粉撲。粉盒設計太靚，令我忍唔住成日拎出嚟望XD 外型美觀大方，方便拎出街用~

Miki2020好用推薦：本身買佢地支cc cream，BA介紹下就入埋呢個粉餅。 上面易推開，霧面，遮下中下。 用後嘅感覺係如果我係早3年唔洗帶口罩用就好...已經係配合佢支 cc cream, 試幾次出街載口罩都浮粉浮到好核突，一用手掂一掂就脫妝，轉埋day cream都搞唔掂。 但如果個日只係全日係屋企因開meeting化妝，佢又真係keep得幾好。 但而家一出街都要載口罩....佢就用全無用武之地

mandy好用推薦：Sana New Born 3 in 1 Eyebrow New Born 3 in 1 自然柔和眉筆 #B7 (Marron Brown 栗子啡色) $66.90 (已打85折） from Don Don Donki 3 in 1 =眉筆+眉粉+眉刷 Sana 的 3合1眉筆在開架品牌中非常具人氣， 定番的色號亦有8款，除了B2偏向黑色系之外， 其餘7色都是不同調的啡色系， 很能配合不同的髮色。 而當中最熱賣第一位是B6，第二位則是B2。 使用方法： Step 1 : 用眉筆一根根勾畫出理想眉毛形狀 Step 2 : 再用眉粉順著眉毛形狀均勻塗在眉毛上 Step 3 : 用眉刷梳理好眉毛 橢圓形的眉筆頭很好描繪眉毛， 令畫眉更順暢及容易。 顯色方面是自然啡色系，而且深淺度剛剛好，不會太深色或偏向啡金色系。 眉粉可以均勻調整眉毛由眉頭到眉尾的顏色， 並且令整條眉增添柔和自然顯色的感覺。 最後用眉掃整理整體眉形，眉掃很方便易用，只需輕輕一掃便可完成眉妝。 SANA New Born 3 in 1 自然柔和眉筆 的持久度很好，不是那種一卒就消失的眉筆， 基本上一整天不用補妝。

agnessstang好用推薦：朋友推薦嘅眉筆👧🏻 已經用緊第3/4支 眉筆眉粉眉刷3 in 1嘅設計好方便 不過得一邊有蓋 好搞笑🤣(唔影響使用) 我用緊嘅色號係B10 Dark Brown同B14 Smoky Brown B14好似係限定色 係日本買嘅🇯🇵 B14帶少少灰 B10就係普通深啡色 性價比高 易畫 好容易勾勒到自然嘅眉型 持久度ok 顯色度方面帶妝係冇問題 如果係素顏(完全冇搽任何粉底/素顏霜)嘅話要大力啲畫/畫多幾下先顯色 顏色自然 有>10隻色 可以配合翻自己嘅髮色選擇～

Emily Leung好用推薦： ～Ettusais艾杜紗雙色眼影02～浪漫氛圍感粉棕色 超級漂亮的粉棕色眼影，兩個顏色就可以畫一個完整的眼妝！ 顏色淡淡的，不會顯髒，新手也不怕下手重了！ 粉質很軟糯，不飛粉，是那種絲絨質地，很好暈染，也非常完美地體現了日系眼影融膚度高的特點！ 左邊珠光色，帶閃顏色軟軟糯糯，有點濕濕的感覺 👉🏻用來打底 右邊稍微硬一點，但是絲絨感也很棒，不會飛粉 👉🏻上下眼尾慢慢暈染開 簡單易畫、都不用刷子，手指頭就搞定了。真是適合我等又懶又手殘的人。 真的太喜歡啦～總之就是買不了吃虧買不了上當！哈哈哈～

Suki好用推薦：Ettusais 深邃雙色眼影 4 號色本來對佢簡約嘅設計同柔和嘅色調抱住好大期望，用嚟化日系妝容，但用落之後真係有啲失望，特別係粉質同顏色表現，都冇達到預期。 首先，佢嘅粉質實在太易碎，輕輕用刷或者手指取粉時，粉末就成堆飛出嚟，唔單止令眼影盒入面變得好污糟，仲會掉喺手上或者化妝枱度，清理起上嚟幾麻煩。如果唔小心用力過大，仲會令成個眼影盤睇落殘破不堪，對於鍾意乾淨整潔包裝嘅人嚟講，真係扣分。 至於顏色方面，4 號色嘅配色偏暗，雖然想打造深邃眼妝，但實際上顯色度一般，喺眼皮上效果唔夠鮮明，仲有啲偏灰，化完之後睇落好似污糟咁，完全冇提亮或者修飾眼神嘅效果。即使試過疊加幾次，都未能解決呢個問題，反而越疊越覺得厚重，好難操作。

Kura好用推薦：呢款眼線筆嘅筆頭幼細易畫，對於新手都非常友好，顏色係我最鍾意嘅啡色，用完呢款眼線筆可以畫到非常靚嘅眼線，亦都顯得眼睛非常有精神，我鍾意用黎畫內眼線，唔會溶，整體整容效果如最後一副圖，我會再回購 #眼線 @cosme #眼線

LenaC好用推薦：Canmake 既3-way Slim Shade Liner 自然輕透超纖細造影筆 有三種用法： 1. 眉妝 （可填補眉毛空隙） 2. 畫眼線 3. 塑造眼形 （可以加深雙眼皮及塑造臥蠶陰影） 質地非常輕透 能做出自然陰影效果 要深色既都可以畫多幾筆 如圖所見 顯色度都唔錯 筆頭經過精心設計 由根部至尖端均稱 而且十分纖細 確保每一筆線條皆不會過粗 喺防水防油方便都做得唔錯 即使畫於眼尾、內眼線等多眼水分泌既位置 都唔會化開或者變熊貓眼

mandy好用推薦：ETTUSAIS EYE EDITION (MASCARA BASE) WARM STYLE 植睫梳激長睫毛底膏 01 Sheer Black 鑽石黑 $119 植睫梳激長睫毛底膏的梳頭比較特別， 兩面都可以使用，而且梳頭大小適中，梳的齒針細密， 可輕易梳理較短小的睫毛。 完妝是捲翹纖長自然又根根分明的眼睫毛， 與魔束豐盈捲翹睫毛底膏相比，濃密度比較不明顯。 基本上如果大家追求自然風纖長睫毛， 單用植睫梳激長睫毛底膏已很足夠。 如果想似洋娃娃睫毛，才再上睫毛膏。 跟其他ETTUSAIS家的睫毛底膏一樣， 至少大半天不出油不溶妝，持久度不錯。 總之，ETTUSAIS家的睫毛底膏就是價廉物美， 是小資女恩物!

格仔餅公主好用推薦：非常好推薦因為我唔洗點夾睫毛佢都好翹唔會好dup，好持久唔易熊貓眼但唔難卸，滿分既睫毛膏

Emily Leung好用推薦：Visee眼影｜輕柔奢華，打造去重感混血大眼 可以一次上手的OR-4珊瑚橘色， 輕柔的粉質，雖然是暖調但不腫眼皮， 中間打底色視覺擴張下垂變窄的雙眼皮， 亮片很輕，疊加後很有意思， 在社交距離下看是星星點點的心機閃， 粉質留色持久不氧化， 提升元氣+自帶好感的眼妝就選這盤。

Kura好用推薦：好溫柔嘅眼影顏色，粉質非常細膩，搽上眼可以非常完美修飾我嘅眼型嘅缺點，顯色度高，令到整體嘅妝感都非常立體，非常靚，同埋包裝外型細細盒方便帶去旅行，係新品眼影嘅必選單品 @cosme #眼影 #新品 #眼影 #新品

konningching好用推薦：性價比高，我媽最愛❤️，佢試好多款唔同既底霜🫂。 佢話呢款又平又保濕又去黃，仲可以修飾毛孔！ 另一款藍色底霜就岩我地後生女用😆

劉肥貓好用推薦：有微微調色效果 亦有防曬 功能 非常容易推開 我多數當佢防曬使用 價錢平

Kirby好用推薦： 睇都相見到我用到Hit晒pan，我覺得非常好用！ 呢盒雖然係膏狀既4色遮瑕膏，但係好容易推開，亦唔會顯乾紋。我最常用係左邊上下用嚟遮黑眼圈，遮瑕力足效果亦自然。右下用嚟遮暗瘡，暗瘡印等等瑕疵。右上用嚟打亮鼻同眼角位。一盒有多種配搭使用，細細盒帶去旅行都非常方便。

Fng好用推薦：Addiction Skin reflect fresh concealer palette 四色遮瑕盤 # 001 比較啱皮膚偏白嘅人用🤍，左上係遮黑眼圈嘅 右上係highlight ，左下係提亮色， 右下可以用只遮啲小斑點/痘印，基本上一盒已經可以處理哂全部皮膚嘅瑕疵， 質地水潤，不會卡粉。