日本彩妝 推薦好用產品

Fng好用推薦：RMK 立體調色眼盤 EX-18 Naïve Nights｜ 混合偏乾肌の春日暮色濾鏡 用後感 🌇 ✨ 色調分析｜暮光紫粉 × 復古玫瑰 EX-18 四色配置如下 ： · 左上（暮光金色）：暖調香檳金，低調光澤唔會太閃 · 右上（靜謐灰褐色）：帶灰調嘅裸褐色，打造立體感 · 左下（粉紫色）：銀金珠光冷調粉紫，全盤最特別嘅色 · 右下（復古玫瑰色）：懷舊玫瑰調，溫柔中帶少少成熟感 比起EX-17嘅清新晨光，EX-18嘅黃昏色調更適合熟齡肌，唔怕眼腫，低彩度設計上眼更顯氣質 。 ✨ 粉質與膚感｜濕潤貼膚唔飛粉 四色分別有四種質地：光燦、緞光、爍光、霧光 。粉質細膩，用手指或掃具上妝都好貼眼皮，唔會飛粉飛到成面都係。香港春天潮濕天氣用，持妝度理想，6小時無明顯積線或暗沉。 對混合偏乾肌友好，唔會抽乾眼周水分，熟齡肌用都唔怕顯乾紋。 ✨ 混合偏乾肌春日上妝技巧 🌦️ 潮濕天氣對策：先用眼部打底膏，再上眼影，持妝更持久 🎨 日常妝（5分鐘搞掂）： 1. 灰褐色掃眼窩打底，消腫同時做好輪廓 2. 玫瑰色重點喺雙眼皮摺位，溫柔感即時出嚟 3. 香檳金用手指點喺眼皮中央，增加立體感

Tszki好用推薦：粉質與觸感，粉質被形容為非常細緻、濕潤且服貼，幾乎不飛粉或積線。觸感細滑，且壓粉緊實，不會有散粉的情況。 妝效與透明感，延續 RMK 一貫的日系透明感風格。即使多次疊擦，妝感依然透亮而不厚重，能與肌膚自然融合。 色系與質地組合，·一盤內通常涵蓋了霧光 、輕光燦、爍光 等多種質地。珠光細膩且帶有高質感的光澤，不會顯眼腫。 顯色度，與傳統強調極致透明的日系眼影相比，這款的顯色度有所提升，能呈現出飽和但洗練的色彩。 新手友好，因為粉質易於暈染，且配色通常成套搭配，不易畫髒。 持久度一般，在不使用眼影底膏的情況下，持久力表現較中規中矩。   ·

Fng好用推薦：日本開架Visee嘅 膜光澤唇釉， 我買咗#OR230 係熱賣橘棕調， 賣點寫可以打造水潤嘟嘟唇、深層保濕不黏膩。 💋 個人唇況 沙漠乾唇：少許甩皮，唇紋深 ✨ 用後感 ✅ 優點 1. 即時隱藏唇紋 - 一塗上嘴，唇紋即刻被填平，光影粒子折射出嘭嘭玻璃唇效果，死皮位都唔會浮粉！ 2. 保濕力超越唇膏 - 含角鯊烷+蜂蜜，試過冷氣房3小時都冇倒抽乾感覺，嘴唇依然軟滑～ 3. 橘棕調超顯白 - #OR230係奶茶橘棕色，帶細閃，黃皮素顏用都即時提亮，日糸感滿滿！ 4. 黏膩度可接受 - 比起韓系唇釉算清爽，長髮吹面都只係輕微黐幾條 ❌ 缺點* 1. 死皮未清會顯形 - 如果冇做唇部磨砂，大塊死皮位會反光變得更明顯，乾唇人必須前晚去角質！ 2. 持久度尚可 - 飲水會留杯印，食嘢會掉色，要補塗～ 3. 閃粉 - 細閃粒子卸妝後會卡唇紋，要用眼唇卸敷10秒先清得走～ 📢 總結 **Visee #OR230係黃皮乾唇人日系之選！百零蚊做到專櫃級水光感，保濕力更KO不少貴價唇釉～只要做好去死皮步驟，即時擁有新生嬰兒嘴唇效果，性

Kura好用推薦：呢款唇彩嘅顏色真係超級靚，搽上嘴好快成膜，就算食嘢都唔會甩色得好勁，搽上嘴都唔會覺得好乾，非常顯色，同埋唔顯唇紋，唇彩包裝都非常高貴有氣質，係非常值得一試 @cosme #唇彩

natanatalie好用推薦：畫內眼線必買！❤️ 唔知由幾時開始，我見到人畫完內眼線對眼好有精神，我就每次化妝都會畫內眼線，而油眼嘅我真係好易會溶左條內眼線，但呢支眼線筆嘅高持久度就幫我解決左呢個惱人問題！🥰 價錢只係68蚊，平到喊嘅一支眼線筆有成六隻色化你揀，配合唔同眼妝髮色話咁易！眼線膠筆質地好順滑，劃上眼絕對無步卡住卡住嘅難劃感覺，所以好快手就可以劃完一條好顯色嘅內眼線。🫶🏻 而且我好中意呢隻色，呢隻啡上到眼會有一種神秘感覺，為眼妝帶嚟一點不同！通常我朝早化完，去到夜晚條內眼線都仲大致完好無缺，持久度都幾不錢，推薦！👏🏻

iliya 好用推薦：呢枝眼線膠筆真係防水防油，唔易暈化，而且容易控制，簡單就畫到一條完美嘅眼線，加上隻色好特別，係玫瑰紅混合棕色，所以睇落隻啡色好soft好溫柔咁😍

takemyokane好用推薦：Addiction 的產品從不令我失望！轉日冬季唇部更容易乾裂，我都會選擇用唇油保養，用其他唇膏上色後最後上一層唇油，淡橙至接近透明加上閃粉的點綴，除了保護唇部滋潤以外，更令整體妝容更立體精緻，也有一點豐唇效果。唯一小缺點是它有一點油類產品的味道，對氣味比較敏感的人需要注意。 #冬季保養

choichoi好用推薦：效果自然並帶點閃亮原素，非常好塗抹，能在滋潤同時帶來潤色效果

kiko0610好用推薦：01 號色 非常抵用同埋唔會好厚粉，定妝效果唔錯，最緊要係方便攜帶，同埋上妝嘅時候唔會搞到四圍都係 overall 表現唔錯，會回購！

格仔餅公主好用推薦：#火熱新品 粉感比較輕盈，上完會有少少柔焦效果令到皮膚望落好似好左，毛孔無咁明顯， T字位相對無咁易出油,01有少少藍色，有啲珠光但好柔和唔太顯毛孔👍🏻

Sarah好用推薦：細細枝好可愛，金屬手感好好，放手袋好方便。顏色接近自己膚色，質地水潤，感覺自然，不過唔太持久。而且真係容量少，計落其實幾貴。

Sym97好用推薦：水潤光澤，上唇自然不脫色 唇膏係偏粉紅透明色，有啲似果凍，上面既閃粉只係裝飾用，本來沒有閃粉。 塗上嘴唇十分自然而且唔會油膩，加上有美容液既配合，撫平唇紋並且減少乾燥甩皮情況。戴口罩都唔會沾染到唇膏，唔會脫色👍🏻對於嘴唇成日處於乾燥+甩皮既我嚟講，依隻幾好用。

natanatalie好用推薦：非常透薄的粉底 價錢有一點貴，但是粉底非常易推，只要一點點就能塗滿全面，遮瑕力中等，能夠均勻膚色和做到提亮緊致功效，個人覺得持妝效果正常，用來化裸妝一流。

Steph好用推薦：已經用咗起碼三支，試過用粉紅色亦都試過用偏黃嗰隻色，其實兩支都可以單刷。佢嘅妝感10分透薄，有少少遮瑕，但係唔會好誇張嗰種，所以我都好鍾意。 唯一覺得佢冬天可能真係太薄，會有少少乾。如果夏天用就真係好Perfect。之前喺香港用晒想買另一支，佢話冇晒貨唔會再出，但係喺京都都會搵到，希望佢會一直keep住出呢一支foundation。

Lumi Kwan好用推薦：隻顏色係我喺日本旅行是購入，仲要係春季限定色，唔肯定而家有冇得賣。呢種粉色感覺會比較青春可愛，屬於膨脹色，所以用喺面嘅中間，或者眼下方位置會更加適合，我嘅相胭脂手法係唔好低過顴骨位置，就可以有一個立體自然嘅效果，當然你亦都可以加返收縮色喺側邊，帶返一個修容嘅效果。addiction化妝品真係可以話係日本妹一定會買嘅牌子，但香港真係紅唔起。如果講質地嚟講佢嘅性價比好高，只不過香港賣得偏貴，如果有心想試嘅朋友一定要喺日本買。

natanatalie好用推薦：顏色非常自然，也很容易出色。粉質非常細緻，不會造成飛粉效果。而且妝容非常自然，持久度很高，是我會一直回購的產品。

royu3好用推薦：visee 出品一向信心保證，這盒30週年的限定眼影盤果沒有令我失望！ 外觀以Unicorn顏色為主，少女感滿滿🎀 盒內印有燙金的字句，不失華麗！試色圖如下： 1-8 為眼影 9為啞色胭脂（個人不喜歡） 10為陰影，適合加深眼窩及鼻樑輪廓3、4、7 為珠光，質感挻幼滑 其他色都含亮片 1、5、6 、8適合點綴眼妝 特別喜歡6黃色、8紫色 少量用作點綴，能改變眼妝的整體感覺， 變得更立體更Blight Blight✨眼影色較適合個人色彩為Warm tone 春季色的朋友，很有氣色，超級可愛！！ 美中不足的是胭脂色，太顯色了很易變成曬紅的感覺⋯ 其他基本上沒癈色，能輕鬆自由地配搭出各種感覺的眼妝💓 近期大愛的一組眼影！ #火熱新品

Verna好用推薦：我第一次用這品牌的眼影，這是30週年紀念限量版，它有10隻顏色，有珠光、啞緻、陰影粉、金屬色，十分多元化，所以就買來試試 但我覺得有些顏色比較少用和難carry，而且粉質不夠細緻 #火熱新品

Fng好用推薦：002 cherrywood 偏冷色調，適合白冷皮用，上咀速乾，易推勻，matte 小小顯唇紋，但持久度幾好。

Lumi Kwan好用推薦：有陣子所有make up都買addiction，當時都未係好多brand有Matt lip tint，所以買左佢。少少乾但好顯色，佢幾乎所有色都好易用。不過我用到乾左所以先冇再用

Poyobb好用推薦：佢係水彩胭脂液，完全唔同市面上液體狀胭脂。質地更加透潤，水感更重，用後會好似自然膚色透出來嘅胭脂一樣。因此更加自然，顏色唔會好核突，而且唔會過分誇張。 我呢支係02色，偏橙調🍊帶有陽光氣息感，適合夏天使用🕶️水狀胭脂吸收得好快，用嘅時候將胭脂液點上手指點，然後輕拍上蘋果肌，如果唔夠先再加。唔好一次倒太多，返唔到轉頭 其實水狀胭脂都唔算太難用，新人輕手啲啲都可以用😉俾少少時間慢慢拍開效果最靚💕

KDing好用推薦：我用嘅色號係B0號，比較偏向紫色。Addiction嘅液體胭脂一滴喺手背會以為好深色，但係如果好快咁拍開，其實佢會好快融入喺肌膚上面，佢嘅顏色唔會覺得好突兀，反而似本身皮膚透出嚟嘅顏色，都十分之自然。 本身以為紫色胭脂好難控制，但係如果佢係放喺面部比較凹陷少少嘅地方，佢會有一啲澎脹嘅效果，更加突出蘋果肌嘅效果，新年妝容用就好岩，可以打造到滿盈既效果。 就係因為液體胭脂好快會乾，所以本身想喺面上就要夠快咁樣拍，同埋個份量唔可以太過重手。不過如果太過重手嘅話，後續可以上多少少嘅粉底。 顯色度：4/5 自然度：5/5 注意要小心控制份量。

TinaWongLK好用推薦：𝗔𝗗𝗗𝗜𝗖𝗧𝗜𝗢𝗡 𝗧𝗢𝗞𝗬𝗢｜𝗧𝗛𝗘 𝗠𝗔𝗧𝗧𝗘 𝗟𝗜𝗣 𝗟𝗜𝗤𝗨𝗜𝗗 三隻色都非常百搭😆 質地好鍾意，搽上去好輕薄💞 但上嘴會顯唇紋‼️ 疊加埋透明唇釉會減淡唇紋&好睇好多❣️ #火速新品

maylam好用推薦：喺旺角專櫃買 當時櫃姐推介我買001色 話素顏都啱 買黎發現真係冇錯 呢支素顏定化咗妝搽都好搭 而且都幾水潤幾舒服 小小嘅缺點就係我覺得有少少大枝 攞出街唔算好方便

Tiffany好用推薦：天使蜜粉好出名，年年都唔同設計，價錢好似好貴，但一盒有成28-30g，仲跟一個refill，計落都好抵用。

iliya 好用推薦：天使蜜粉淨係個包裝已經勁吸引，仲要每年都會轉變主題！蜜粉方面粉質幼細，定妝效果唔錯！

Jasmine L好用推薦：SNIDEL六色眼影盤質地細膩絲滑，容易上色又顯色自然，六色組合日常眼妝超實用，可做眼影、眼線同打亮。 持久度高，唔易脫妝或卡紋，無刺激無粉塵飛，每種顏色都好靚，日系妝容必備，所以囤咗好多盒！推介！

Rosa好用推薦：第一眼已經被它的外型吸引住，華麗又精緻！專程叫妹妹着日本買回來。我覺得他適合乾性皮膚使用，粉質細膩，剛剛上粉的效果係最漂亮的，透薄自然。我嘗試在炎熱夏天使用，感覺會有點不夠乾爽 去到中午基本上都會溶妝 所以我建議可能入秋，或者乾性皮膚使用效果相當不錯

綺羅香好用推薦：睇包裝系列，幾年前已經好想買天使蜜粉，點知俾疫情搞到好耐都無得去日本，最後唯有搵代購（松本清都有，不過新版無咁快上） 天使蜜粉分兩個版本，一個周圍都有得賣嘅常規版，一個淨係得專櫃有嘅GR版，粉餅成分當然係GR版比較好（原來香港都有專櫃），我手上呢款係常規版，佢每逢雙年份會出厚盒版，我拎過上手，厚度大概有一般兩個普通蜜粉餅厚度以上，用完可以直接當飾物盒用，單年份會出薄盒版，容易帶出街多啲 每年天使蜜粉都會有一個主題，而今年係創造幸福，粉盒同粉餅上面嘅天使好可愛，暫時未捨得用

Wuxx好用推薦：首先好開心成為Cosme第10屆美狀元！！！ 估唔到寫下寫下原來就寫咗咁多篇， 嚟緊我會繼續寫多啲好評/差評俾大家參考🤪 我收到嘅獎品其中之一係依枝眉筆， 但因為本身我就用緊呢支產品， 所以上黎打返篇使用心得。 用呢支眉筆之前我係用呢個牌子嘅眉粉畫眉， 不過有時太懶得去洗眉掃，上眉粉就好易一舊舊， 同埋眉粉用耐左會有層油漬住，要久唔久痴下佢。 雖然眉粉新手易用，但打理真係有啲煩， 所以我就轉咗用眉筆。 呢支眉筆係我喺日本藥妝店度買， 佢筆芯係扁狀嘅，同傳統圓狀嘅分別係佢點用都係刀型， 方便勾畫細緻型嘅眉型。 之前好興嘅野生眉或者尖眉尾都好易畫到， 唔洗成日搵刀刨尖佢。 不過美中不足嘅係佢冇蓋🫩 嗰陣我搵咗好耐，仲以為自己唔見咗， 更加一度以為而家美妝變態到連個蓋都要分開買😬 如果唔介意冇蓋嘅朋友，呢支眉筆我都幾推薦！**扁扁嘅筆芯，唔洗成日刨尖，good！！

Lumi Kwan好用推薦：試用原因:之前染咗個灰啡色頭髮，即刻要買過晒眉妝產品，但又知道自己個頭應該好快甩色，所以買咗呢支平平哋嘅眉gel試吓，我仲要買到好深色，結果用咗一個星期個頭都差唔多甩色了。 優點: 持久度都OK，如果平平哋想搵代替品都可以試吓。個掃頭都算係易上色。 缺點: 顏色真係太深，可能係我唔習慣 對比圖 Dolly wink—> Visse —> 1 day tattoo

mavis好用推薦：搽上眉嘅時候唔會結成一塊塊，都乾得幾快，全日出街都冇溶妝，幾好用

KDing好用推薦：呢枝修容我係日本行左好幾個專櫃都話無貨，後尾好好彩先搵到。 呢款修容係香港討論度唔高，我都係睇台灣KOL介紹先知。 呢枝修容棒主打日系自然妝感，佢上面既妝感係帶透明感，唔會咁易帶明顯粉感，同埋好易blend開周界，我多數用係鼻樑同下頜骨位置，呢啲位置如果太重手，會睇落唔自然。所以我好鍾意呢枝修容棒既妝效，同埋一枝都可以用好耐，CP值唔錯。

rachelnoni好用推薦：新年時去原宿@cosme，當時這枝修容棒新出，買黎試試。特點係帶透明感的修容，用在鼻影效果好好，修容效果自然，但用左腮邊就不大做到修容效果，始終呢枝係sell透明感

Lumi Kwan好用推薦：香港真係唔太多人推薦呢個蜜粉，但係其實日本妹係非常之鍾意用佢。我自己之前都用過好多大牌子，但有時上粉都有凹凹凸凸嘅問題。礦物粉嘅好處係可以用碎粉掃上，又可以用佢嘅粉撲上，不論你係查話濕粉還是係用cushion，都非常適用。而且個效果好自然，佢有glow/matt 效果揀，glow都唔會閃令令。 我覺得係滄海遺珠，大家通常只會揀Laura Mercier ，但我真心覺得three更好。